دفاع الوالدين

Orange_27319 🇪🇬

منذ أسبوع واحد

شعور محبط

عبّر عن شعورك بشكل مجهول

انا بكره اخويا اوي بكرهه اوي بجد ، علاقتنا ابشع ما يكون هو دايما بيحرجني قدام الناس و بيعمل اي حاجة تضايقني و تخليني اعيط و بيبقى منظري زيالة قدام الناس و يفثدني ثقتي بنفسي  بجد محدش متخيل انا بكرهه ازاي و ياما عيطت بالساعات بسببه و عمري ما حسيت انه اخويا بجد ، بحسه بيكرهني و تصرفاته بتبين كل ده
كنت انا دايما ضحية اللي بيعمله بسبب ان شخصيتي حساسة و طيبة دايما و احنا عند قرايبنا يعمل اي حاجة تعصبني و تستفزني عشان يخليني اتعصب و شكلي يكون وحش و كان بيضربني بس امي كانت دايما تدافع عنه و دايما بيحطوا اللوم عليا اني مش بعرف اسيطر على دموعي بسبب اللي بيعمله بس محدش بيعمله حاجة ولا يقوله مينفعش تعامل اختك كدة انا بجد بخاف من وجوده و بكره اسمع اسمه او سيرته و على فكرة هو كدة مع اختي برضو بس اختي شخصيتها اقوى مني ف مش بتتأثر باللي بيعمله ده نرجسي و مريض بجد و دايما ف البيت بيبصلي نظرات كأنه قرفان مني ، احنا بقالنا سنين حرفيا مش بنتكلم و لو اتكلمنا يبقى بخناق و ضرب و شتيمة
الحوار ده مأثر على شخصيتي جدا برة البيت مقدرش اتخانق مع حد عشان اخاف يطلعوني غلطانة مبعرفش اخد حقي ف اقل حوار بقيت بخاف بخاف و بس حرفيا انا بكرهه اوي و بكره وجوده و سيرته و كل حاجة تخصه حتى اسمه و عندي كمية غضب من اهلي بسبب ان محدش بياخد منه موقف و كل ما اسمع امي تتكلم عنه ببقى متعصبة بطريقة مش طبيعية 
الفرق بيني و بينه ٤ سنين هو الاكبر بكرهه اوي بجد و بتمنى من كل قلبي ميكنوش اخويا و بدعي كل يوم ربنا يخلصني منه

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Chocolate_64253 🇪🇬

عايزة أكون أحسن علشان متحسش إني قليلة لما أتخطب

انا لو شايفه نفسي مش حلوه اي الصفات اللي مفروض تكون فيا علشان فالمستقبل لما اتخطب محسش اني قليله طبعا الاخلاق رقم واحد ، غير كده ايه الصفات اللي الشباب بتحبها فالبنت غير شكلها ، انا بتكلم علشان يبقي عندي خلفيه فالمستقبل ... ...عرض المزيد

1 الدعم

26 نصيحة

Sugar_87672 🇪🇬

مش بعرف أكون صداقات حقيقية.. حد عنده نصايح؟

حاسة إني مش بعرف أكون صداقات أو علاقات اجتماعية حقيقية. بحاول أفتح نفسي للناس، لكن غالبًا بحس بالمسافة أو البرود، ومش عارفة إزاي أكوّن روابط تستمر. أغلب الصحاب اللي بعرفهم، علاقاتهم بتنتهي بعد فترة الدراسة أو الشغل، وبعدين كل واحد بيكمل حياته ومش بيكون موجود. ساعات بحس إني لو حاولت أتعرف على حد، هيتكرر نفس النمط، وده بيخليني أرجع أتمسّك بعزلتي. حد عنده نصائح أو مرة بتجارب زى كدة ...عرض المزيد

1 الدعم

19 نصيحة

Biscuit_87034 🇪🇬

مش عارفة اتخطى حب مراهقتي وبقيت حياتي واقفه

انا كنت بحب حد والحد ده سابني بقاله سنتين وعشر شهور انا مش عارفه اتخطاه خالص مش عارفه حاولت كتير اوي الموضوع تاعبني نفسيا اوي نفسي أنساه بجد بس مش عارفه المفروض أن ده كان حب مراهقه كنت صغيره اوي 17 سنه ولحد هذا الان بقيت 20 ومش عارفه يمكن عشان الوقت الي حبيته فيه كان في مشاكل كبيره اوي انا متربيه من صغري علي المشاكل والخوف بسبب ابويا لدرجه أن الي كنت بحبه ده كان حنين عليا فوق الوصف فعتبرته ساعتها بدل ابويا يعني كان هو مصدر امان بالنسبالي ومن بعد ما سابني وانا كل مشكله بتحصل معايا بفتكره هو اول واحد هو اول واحد بيجي في بالي بفتكر حنيته عليا تعبت من كتر التفكير فيه يوميا لازم افكر فيه قبل ما انام يوميا لو زعلانه بفتكره تلقائي كده بقيت حاسه أنه شاغل تفكيري كله هتقولولي اشغلي نفسك اقسم بالله بروح كليتي وارجع علي الشغل بخلص 10 بليل واول ما بحط دماغي علي المخده بفتكره بردو وبقعد أخلق مواقف حلوه وهميه بيني وبينه والحاجات دي مش موجوده اصلا بس مش عارفه الي بيحصل ساعات بقول ياريته كان معايا دلوقتي وساعات ببقي مش طايقه ابص في وشه كل ما اقول خلاص نسيته برجع افتكره تاني برغم أن مش بشوفه اصلا وعملاله بلوك من كل حته وكمان هو اصلا مش عايزني ولا انا عايزاه هو ارتبط ب 2 بعدي وعاش حياته انا حاسه حياتي واقفه عليه نفسيتي تعبانه اوي ...عرض المزيد

0 الدعم

18 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع