دموع متجمدة

Marshmallow_69067 🇪🇬

منذ 4 أيام

شعور مكتئب

عبّر عن شعورك بشكل مجهول

عارفين لما حد يحس انه جواه دموع كتير بس مش ف عنيه ف قلبه!! 
لما يكون دا اكتر احساس حسيت بيه ف عمرك ورابطة الوصل بكل الاحداث المش لطيفة الى حصلتلك ف لما تحصل حاجة جديدة تزعلك كأنها كلمة سر لفايل كبير ع فلاشة بتتفتح كلها جواك مرة واحدة فكل مرة الوجع بيكون اقوي .. اقوي لدرجة ان الاول كنت بتعيط ممكن تزعق ممكن تاخد موقف وتشتكي  مع الوقت مبقتش تتكلم الكلام بقى تقيل .. بتعيط وانت بتحاول ان محدش يسمعك وبعدين واخر مرحلة وصلتلها انك لا بقيت بتتكلم ولا عارف تعيط كأن الدموع اتجمدت جواك.. عايش في دايرة من وانت صغير مش عارف تستمر فيها ازاى .. 
انت عايز توصل لنقطة بداية نقطة واضحة حتى لو الوقت اتأخر بس نفسك تعرف تبدأ لكن كل حاجة بتخلص قبل م تبدأ وبترجع انت تلف جوا الدايرة بدموع مبتتبكاش بتتحوش جواك لدرجة انك تحس ان قلبك هينفجر جواك ويخلى كل حتة فيك ف مكان.. انت ساعات بتتمنى دا يحصل لانك مبقتش متحمل وجودك ككتلة واحدة لحم ودم ومشاعر وافكار كل حاجة فدول متسببالك في معاناه.. 
طيب عارف ان مخك بيسجل بس اللحظات الى بضايقك ع انها هى الحقيقة الوحيدة ف حياتك..
عارف لما تحس ان اى فرحة او تغير حلو بيدخل حياتك ما هو الا فاصل بسيط او مقدمة لملحمة معاناة جديدة وان حتى لما بترضى بفرحة ناقصة هى مش بترضى بيك .. عارف لما تحس ان نفسك مخك يقف وقلبك يبطل يوجعك دا مش وجع يتحمله قلب لوحدة دا وجع بيسمع في الجسم كله وف الروح ..حتى النفس بتاخده كأنك جواك شئ بيتحرق فبيخنقك زيادة..
مفيش مشكلة لأن مفيش حل دا قدر وانا اتعودت انا بس نفسي اخرج من الدايرة دى .. انا بكلم ربنا بكلمه كتير وعمري م قولت من جوايا ليه كل دا بيحصل بس انا بقيت متكيفة مع الوجع كأنه هو الحياة .. الواقع انه اتغلغل فيا لدرجة انى مش عارفه احكيه ولااعبر عنه كأنه حاجة نفسي احط ايدي جوا قلبي واطلعها اشدها بقل قوتي عشان ارتاح..

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Blueberry_90305 🇪🇬

مسحت الابلكيشن ورجعت لنقطة الصفر تاني

مسحت الابلكيشن على امل اني كنت بقيت احسن بس رجعت لنقطة الصفر تاني كون اني اكون في مرحله زي دي وبرغم كل اللي حواليا دول مش لاقيه حد واحد بس اخرج معاه اللي جوايا دي حاجه مبينالي قد ايه انا علاقاتي بالناس مش حقيقيه ...عرض المزيد

1 الدعم

21 نصيحة

Apple_90294 🇪🇬

اعتراف: الجواز دلوقتي عايز رجاله مش عيال

حابه اعترف أننا دلوقتي كبنات مش فارق عندنا غير الراجل اللي يقدر يشيل مسئوليه ويفتح بيت ويبقي قد المسئولية اما بقي قصص الحب والغرام والهدايا دي بقينا بنتفرج عليها في الأفلام عندي اكتر من ثلاثه صحباتي للأسف أطلقو وكل الأسباب الطلاق الظروف الماديه مع أنهم كانو بيحبو بعض واخدين بعض عن حب بس بعد الزواج مافيش حاجه اسمها حب في حاجه اسمها تفاهم و مسئوليه تبقي أدها تبقي راجل مش إد المسئوليه خليك جنب أمك وعلي الواتس خليك تحب وتعشق علشان الجواز دلوقتي عايز رجاله تفتح بيت مش عايز عيال قاعده علي الموبيل وتندب وبس ...عرض المزيد

7 الدعم

21 نصيحة

Blueberry_90296 🇪🇬

مش عارفة أطلع مشاعري و خانقاني من العلاقات المحرمة

مش عارفة أدى فرصة للعلاقات المحرمة حاولت كتير و كل مرة بهرب زى العيلة الصغيرة ... انا نفسى فى علاقة حلال اكيد بس الخوف من انى ملاقيش حد شبهى بيخلينى ادور و دى اصلا مش مهمتى كبنت ... و المشكلة الأكبر انى مش عارفة اطلع مشاعرى خالص كأنها مقفولى بقفل حديد مش معايا مفتاحه و الموضوع دة خانقني اوى ... حد عنده حاجة يقولها بخصوص الموضوع دة ؟ ...عرض المزيد

0 الدعم

19 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع