رعب

Popcorn_83008 🇪🇬

منذ يوم واحد

شعور محبط

بقالي حبة كتير مظبط الدايت وماشي كويس دايت وتمرين ونا شخص وزني كان زايد جدا بس خسيت وزن كتير حوالي ٣١ المهم جيت اخر فترة حسيت بتوتر فحياتي وشوية مشاكل فلغبط الاكل بس كنت بعوض اني بتمرن وبحرق اكتر بقول على الاقل مزدش وزن عما اعدي الفترة دي حاليا بقالي شهر مثلا ماسك دايت جامد وجي على نفسي في الاتنين

Sugar_87164 🇪🇬

منذ 4 أيام

شعور ضائع

ليه ليه مفيش علاقات حلوه بتكمل كل ما افتح ابلكيشن الاقي صحابي كاتبين single أو ما شابه يعني ليه بجد مفيش علاقه بتكمل مبقاش عندي امان لاي علاقه وبقيت حاسه دايما ان ممكن اي علاقه تتقطع دلوقتي بيني وبين الناس انا مش بحب كده بجد وبزعل جدا لما الاقي صحابي منزلين كده والله بس ده خلاني أحس أن ممكن علا

Kiwi_79580 🇪🇬

منذ 6 أيام

شعور متعب

وبعدين في الجنان ده يعني ايه بجد ابقى نفسي ارتبط واكون حاسة من جوايا اني مستعدة وكل ما يجي حد احس بالي هو لا بعد كل الي بحاول اعمله في نفسي ولنفسي وبعد كل التطور ده ممكن استلم كده واتجوز طب وشغلي وحياتي واصحابي مع اني والله عارفة ان مش شرط الجواز يعطل وعارفة ان طول الوقت نفسي اسيب الشغل وصحابي نفسه

Coconut_58539 🇪🇬 ده خوف طبيعى جالى انا اللى اسمى راجل قبل الجواز 😅 التعرض للتغير بيخلى المخ يقلق انتى لو غيرتى ستايل لبسك هتحسى ب قلق ف الاول ما بالك لو هتغيرى وضعك الاجتماعى و حياتك

عرض الكل 6 نصيحة

Cherry_87399 🇪🇬

منذ 6 أيام

شعور وحيد

عندى مشكلة اني بخاف بخاف من كل حاجة ومن كل الناس مرعوبة اصحي الاقي نفسي لوحدى أنا حاسة اني قاعدة ف مكاني مبيحصلش اي جديد في حياتي أنا خايفة الوقت يعدى م غير جواز وم غير بيت وم غير اطفال مرعوبة بس ف نفس الوقت مش عارفة اقبل حد برفض الكل مستحيل اوافق بحد مش حاسة اني فرحانة بيه والعمر بيعدى ويمر وانا لو

Orange_51919 🇪🇬

منذ 3 أسابيع

شعور مرتبك

كنت مستغربة ليه صاحبتي متغيّرة وزعلانة ومخنوقة الفترة دي وكنت كل ما اسالها تقول كويسة النهاردة قالتلي صراحه كلام حقيقى مش عارفة اقولها اى أو اساعدها ازاى هي بتحكي إنها كانت تعرف شخص، وبتقول إنه كان أول حد في حياتها، وشافته في البداية شخص كويس ومحترم وذوق، وصدقته جدًا. مع الوقت بدأ يطلب منها صور

Blueberry_69403 🇪🇬

منذ 3 أسابيع

شعور آسف

عمركم شوفتوا شخص بيخاف من اللحظة الحلوه أو أن يحس أن هو مش عندو مشاكل او اكتئاب يعني قفشطت نفسي مبسوطه من شويه حصلي رعب واقعداات فجاه بستوعب أن كل لحظه كنت سعيده بيحصلي بعدها حاجات تخيليني أتعس حد في العالم مش حتت تفكير سلبي بس دا حقيقي حياتي ف بجد بخاف اويييي

Mango_76865 🇪🇬

منذ شهر واحد

شعور غبي

والله يا رحمة يا بنتي، مرات أخوكي دي مش مريحاني خالص! مش عارفة هو جبهالنا منين دي! صلي على النبي يا أمي، هي عملتلك إيه؟ دي طيبة خالص. مش بترضى تنزل تشتريلي قشاية حتى من مكانها! بتنزل كل كام يوم بالليل تسلم عليا وتطلع تاني! منها لله! سكتّ وبصيت لماما بهدوء وحزن، وبعد لحظات بصيتلها بحب وقلت: أولًا

عبّر عن شعورك بشكل مجهول

والله يا رحمة يا بنتي، مرات أخوكي دي مش مريحاني خالص! مش عارفة هو جبهالنا منين دي!

صلي على النبي يا أمي، هي عملتلك إيه؟ دي طيبة خالص.

مش بترضى تنزل تشتريلي قشاية حتى من مكانها! بتنزل كل كام يوم بالليل تسلم عليا وتطلع تاني! منها لله!

سكتّ وبصيت لماما بهدوء وحزن، وبعد لحظات بصيتلها بحب وقلت:
أولًا يا أمي، هي مش مجبورة تعملك حاجة، لأن دا مش فرض عليها. اللي مفروض عليها فعلاً هو خدمة جوزها وبيتها. أما أهل جوزها، فدا من باب المساعدة مش الواجب. وطالما مش عايزة تساعد، خلاص براحتها.
بس حقك عليا يا ست الكل على التقصير، أنا وأيمن المفروض نهتم بيكي أكتر.

ابتسمت ماما وطبطبت عليا وقالتلي:
طول عمرك حنينة يا رحمة، واسمك فيه صفة منك بجد.

ضحكت بفرحة وقلت:
طب هقوم أعمل حاجة نشربها.

دخلت المطبخ، ولسه ماسكة الموبايل، جتلي رسالتين من "تيارا" مرات أيمن.
فتحتهم باستغراب، كانت باعتالي صورة لوشها، وسنانها شكلها غريب جدًا، وفمها كله مجروح.
وتحتها رسالة تانية:

"أقسم بالله يا رحمة، لأخلي أخوكي يمشي يندم على اللي عمله! أنا يعمل فيا كده ويسيب أثر الضرب على بقي؟!"

كتبتلها بفضول:
سيبك من الضرب دلوقتي، هو أنتي سنانك عاملة كده ليه؟!!

ردت عليا بسرعة وبعصبية:
"أنتِ مجنونة زي أخوكي أكيد! مالها سناني؟! دي أنا عملتها بـ200 ألف!"

وقفت مصدومة وكتبتلها:
مجنونة زي أخويا؟! و200 ألف عشان المنظر ده؟! حرام عليكي والله!

بس الصدمة كانت لما ردت فورًا وقالتلي:
"وإيه يعني 200 ألف؟! انتوا تحمدوا ربنا إن قاعدة معاكم يا عيلة مجانين كلها!"
فضلت أبص للموبايل وأنا مش مصدقة اللي قريته، الإهانة اللي قالتها كانت تقيلة، بس اللي خلاني أتجمد مكاني مش الكلام... كان شكلها في الصورة.
السنان اللي شفتها دي مش طبيعية خالص، كانت حادة، شبه المسامير، وملفوفة كأنها اتسنّت بمبرد حديد!
حسّيت بدوار، قلبي اتخبط في صدري وأنا ببص للصورة تاني وتالت يمكن أكون بتهيألي... بس لا، كانت فعلاً عاملة كده.

قفلِت الموبايل بسرعة وأنا حاسة بقشعريرة بتجري في جسمي، وقلت لنفسي يمكن الصورة متعدلة أو فيها فلتر غريب.
طلعت بكوبايتين الشاي، وحاولت أضحك لماما وأنا بمشي ناحيتها، بس ضحكتي كانت باينة إنها متوترة.

مالك يا رحمة؟ وشك متغير كده ليه؟
لا مافيش يا أمي، بس يمكن اتعبت شوية من المطبخ.

عدّى اليوم بهدوء غريب، بس طول الوقت كنت سامعة صوت خطوات تيارا وهي طالعة ونازلة السلم. خطواتها كانت بطيئة ومجروحة كأنها بتسحب رجليها سحب.
وبالليل، وأنا قاعدة في الأوضة، سمعت باب الشقة بيترزع بشدة وصوت أيمن بيزعق.
قمت مفزوعة وخرجت، لقيته في الصالة ماسك إيده على وشه، ووشه كله غضب.

في إيه يا أيمن؟! مالك؟
بصلي بحدة وقال:
اسألي مراتي يا أختي! شوفي جابتني لإيه! دي مش طبيعية دي!

قبل ما ألحق أرد، ظهرت تيارا من ورا الباب...
بس شكلها كان غير اللي أعرفه تمامًا.
وشها شاحب كأنه مافهوش نقطة د م، واللثة حوالي بُقها حمرا كأنها لسه نا زفة، والسنان الحادة اللي شفتها في الصورة كانت واضحة جدًا دلوقتي...
ابتسمت ابتسامة غريبة جدًا، وقالت بصوت هادي وبارد:

هو اللي بدأ الأول يا رحمة، وأنا ما بسيبش حقي.

الكلمات خرجت منها كأنها مش بشرية، وأنا قلبي وقع في رجلي، وأيمن رجع خطوتين لورا وهو بيقول بخوف:
انتي... انتي عاملة في نفسك إيه؟!

قربت منه وهي بتضحك، بس ضحكتها كانت مرعبة، صوتها معدن، كأنه جاي من بئر عميق...
وقالت:
أنا؟ ولا انتو اللي نسيتوا أنا مين أصلا

انطفى النور فجأة، وكل حاجة بقت سودة كأن الليل بلع البيت.
ماما صرخت من الأوضة وأنا قلبي بيخبط، وإيدي بتتحسس الحيطة بدور على زر الإضاءة، بس مفيش فايدة.
صوت خطوات تيارا كان بيملى الصالة، خطواتها تقيلة جدًا، كأنها ماشية برجليها العريانة على البلاط البارد، وصوتها بقى أخشن وهي بتضحك.

كنتم فاكرين إنكم تعرفوني؟
الضحكة اتكررت، بس المرة دي جت من ورايا، لفّيت بسرعة وأنا بتنفس بصعوبة، بس مافيش حد.

أيمن صرخ فيها:
انتي اتجننتي؟! دا شكلك مرعب!
بس قبل ما يكمل، النور اشتغل فجأة.

اللحظة دي كانت كأنها مش حقيقية...
تيارا واقفة قدامنا، عينيها لونها متغير، بقت رمادية غامقة كأنها زجاج فاضي. سنانها كلها حادة زي السكاكين، وفي دم ناشف حوالين بُقها.
ماما كانت واقفة عند باب الأوضة، وشها أبيض من الخضة.
صرخت وقالت:
دي مش إنسانة! ابعدوا عنهااا!

تيارا بصتلها ببرود، وابتسمت ابتسامة باردة وقالت:
أنا كنت إنسانة... قبل ما أخوكي يبيعني.

أيمن اتجمد مكانه، عينيه مليانة خوف وارتباك.
تقصدي إيه؟! أنا ما عملتش فيكي حاجة!

ضحكت ضحكة قصيرة وقالت:
هو اللي خلاني كده... كان فاكرني بلعب سحر، بس الحقيقة هو اللي حررني.

أنا كنت تايهة بين كلامها ونظراتها المجنونة، بس لفت انتباهي إن الإضاءة بقت تضعف تاني، والنور يومض كأنه بيتنفس معاها.
كل مرة تاخد نفس، النور يقوى... وكل مرة تطلع النفس، النور يضعف.

الجو بقى تقيل، والدنيا بردت فجأة.
أيمن مدّ إيده لها وهو بيقول بصوت مرتعش:
تيارا، لو في بينا مشكلة نحله... بس إنتِ محتاجة دكتور.

اتحركت ناحية إيده ببطء... ولما قربت منه، فجأة اتغير شكلها، جسمها كله اتشنج، وصوت فرقعة غريبة طلع منها كأن عضمها بيتكسر.
رجعت خطوتين وصرخت صرخة عالية، وكل الكهربا في البيت فصلت تاني.

الظلمة التامة رجعت، ومفيش غير صوت أنفاسنا ولهاث ماما وهي بتستغفر.
سمعنا صوت حاجة بتجري بسرعة ناحية الباب، وبعدين خبط جامد جدًا كأنه اتكسر.

جريت على الباب، ولما فتحت... لقيت الشارع فاضي، بس باب الشقة مكسور نصين، ومفيش أي أثر ليها.
أيمن كان منهار، بيبكي وهو بيقول بصوت متقطع:
دي كانت بتقول الحقيقة... أنا السبب.

قربت منه وقلتله:
في إيه يا أيمن؟ انت عملت إيه؟

مسح دموعه وقال وهو بيكتم بكاءه:
قبل ما نتجوز، كنت في الساحل، وقابلت واحدة هناك غريبة جدًا، قالتلي إنها تقدر تخليني أغنى وأقوى... بس لازم "أقبل الهدية" اللي هتدهالي. وبعدها بشهر، اتقدمت لتيارا. هي كانت الهدية يا رحمة... بس ما كنتش فاهم إن الهدية دي لعنة.

قعدت على الأرض وأنا بحاول أستوعب، ماما كانت بتبكي وبتقرأ قرآن بصوت عالي.
أيمن مسك الموبايل وقال:
هكلم شيخ فورًا.

بس قبل ما يقدر يعمل أي حاجة، الموبايل اشتغل لوحده، والصورة اللي ظهرت على الشاشة كانت وش تيارا...
بتضحك، وسنانها بتلمع بنفس الشكل اللي شفته في الصورة أول مرة.

وظهر على الشاشة كلام مكتوب بالدم:
"اتأخرتوا... خلاص أنا رجعت."

الموبايل وقع من إيده، والدنيا سكتت تمامًا.
ولا صوت... ولا نفس.
وبعد ثواني، سمعنا خبطة على باب الشقة... خبطة بطيئة وواضحة.

بصينا لبعض بخوف، وماما همست وهي بتعيط:
هي رجعت...

قمت بكل قوتي ورحت ناحية الباب، مسكت المقبض بإيدي المرتعشة، ولما فتحته...
ماكانش في حد.
بس كان في بصمة دم على الحيطة، على شكل كف صغيرة...
وتحتها مكتوب كلمة واحدة:

"ابتديت."
فضلنا سهرانين طول الليل، أنا وماما وأيمن، محدش قادر ينام.
الهوى كان بارد جدًا والبيت كله كأن فيه حاجة بتتفرج علينا.
أيمن قاعد ساكت، وشه مصفر، وأنا حاسة إن اللي قاله عن "الهدية" مش مجرد كلام خوف... لا، فيه حاجة فعلاً حصلت.

قربت منه وقلت:
احكيلي يا أيمن من البداية، أنا محتاجة أفهم.

أخد نفس طويل وقال بصوت مبحوح:
الست اللي قابلتها في الساحل كانت اسمها "سُهى"، شكلها غريب ولبسها كله أسود. قالتلي إنها تقدر تحقق أي أمنية ليّ بس بشرط أقبل الهدية اللي هتبعتها لي بعد أسبوع. وفعلاً، بعدها بأيام، اتصلت بيا واحدة قالت إنها بنتها واسمها "تيارا". من أول ما شفتها حسيت بشيء مش طبيعي... بس كنت مبهور بيها. اتجوزنا بسرعة، ومن يومها حياتي بقت غريبة.

غريبة إزاي؟
كنت كل ما أغلط معاها أو أزعق، ألاقي نفسي تاني يوم متعور أو حاسس بخنقة من غير سبب. ولما حاولت أسيبها... بدأت الكوابيس.

كنت ببص له بخوف وأنا بحاول أربط الكلام اللي بيقوله باللي شفته منها.
يعني هي فعلاً مش بشرية؟
سُهى قالتلي بعدين إنها "روح معاقبة"، كانت إنسانة زمان وعملت شر كبير، فبقت تفضل تنتقل من جسد لجسد، تعيش مع أول راجل يقبلها لحد ما تدمره، وبعدين تنتقل للي بعده.

ماما كانت بتبكي وهي بتسمع، وقالت وهي تمسك المصحف بإيدها:
يبقى مفيش حل غير إننا نطردها بآيات ربنا.

وفعلاً، جبنا شيخ معروف في المنطقة. جه تاني يوم الصبح، وبدأ يقرأ القرآن بصوت عالي.
الغريب إن البيت كله كان بيترج من الصوت، وكأن الحيطان نفسها بتصرخ.
وأول ما بدأ سورة البقرة... الباب اتفتح لوحده.

دخلت تيارا، عيونها سودة خالص وسنانها رجعت حادة زي الأول، بس المرة دي كانت بتعيط، مش بتضحك.
وقفت قدام الشيخ وقالت بصوت مكسور:
سيبوني أخلص... أنا تعبت.

الشيخ سألها:
إنتِ مين؟
قالت:
أنا كنت إنسانة، كنت أظلم الناس وأأذيهم، والست اللي بتقولوا عليها "سُهى" هي اللي حبستني في اللعنة دي. كل راجل يقبل "الهدية"، أنا بروح له، أعيش معاه لحد ما يتوب عن ذنوبه... وبعدين أختفي.

سكتت لحظة، وبصت لأيمن والدموع بتنزل من عينيها:
وإنت كنت أول واحد فعلاً ندم على كل حاجة، فدلوقتي دوري انتهى.

الهوى في البيت بقى دافي فجأة، والنور اشتغل بهدوء، وصوت الشيخ كان بيكمل قراءة.
تيارا ابتسمت لأول مرة من غير ما شكلها يخوف، وقالتلي وهي بتبصلي:
احمدي ربك على قلبك يا رحمة... اسمك مش صدفة.

وبعدين بدأت تتبخر قدامنا، جسمها اتحوّل لهوا خفيف زي الدخان، واختفت.
اتسحب النور من وراها، وبعد ثواني رجع كل شيء طبيعي.

الشيخ قال بهدوء:
اللهم إنك رحيم حتى بالروح المعذبة.

أيمن وقع على ركبته، بيعيط، وقال بصوت مكسور:
خلصت؟
الشيخ قال:
خلصت يا ابني، اللعنة اترفعت.

بعدها رجعنا لحياتنا، ومفيش حاجة غريبة حصلت تاني.
البيت بقى هادي، وماما رجعت ضحكتها، وأنا بقيت كل يوم أقعد قدام الشباك أفكر في الكلمة اللي قالتها قبل ما تمشي:
"اسمك مش صدفة."

يمكن فعلاً، الرحمة هي الشيء الوحيد اللي بيقدر يهزم أي ظلمة... حتى لو كانت جوه كيان ملعون.

بخخ ابقي قولي رأيك لو وصلت لهنا

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Banana_52613 🇪🇬

منذ شهر واحد

شعور مرهق

بتعملوا ايه أما تحسوا أن البيت الي المفروض امان ليكوا بقي البيت الي بتخافوا منه قاعدة في الاوضه خايفه الباب يتفتح من كتر انتوا خايفين من مين من بباكم الي هو مصدر الامان وأنه المفروض عند معظم الناس شايفين بباهم قدوه كل شويه بحاجة الصبح كويس بليل كائن غريب ويتخاف منه من كام يوم ضرب ماما المشهد دا مش

Candle_51983 🇪🇬

منذ شهرين

شعور محبط

انا ثانوية عامة واهلي مهتمين بيا فوق الاهتمام اهتمام ولله بجد😭 وانا عاملة اللي عليا وزيادة كمان بس خايفة اوي مجبش مجموع بجد ولله مرعوبه سرحت في الموضوع ده النهاردة كتير اوي فا بجد انا لو مجبتش مجموع يا خسارة الدلع ده 😭😭 غالبا هيطلعوا عليا كل العصبية اللي بتعصبها ويقابلوها بابتسامة ورضا🗿😭😭😭😭�

Pineapple_76103 🇪🇬 انتى مسؤلة عن السعى مش النتيجة، النتيجة دى بتاعت ربنا و لازم اهلك يكونوا متفهمين دة. جبتى مجموع حلو او مجبتيش ، صدقينى مش مهم !! المهم تكوني عملتى اللى عليكى و بزيادة و خلاص ، عشان متجيش طول عمرك تندمي. اجري يا ابن آدم جري الوحوش غير رزقك لم تحوش .

عرض الكل 4 نصيحة

Sugar_72403 🇪🇬

منذ شهرين

شعور متعب

عندي مشكلة بجد بقت متعبة ومش عارفة ألاقي لها حل… الجاثوم! 😔 كل فترة بيرجعلي، والمرات اللي بيحصلي فيها بقت كتير لدرجة مرعبة. بحس إني عايزة أتحرك أو أتكلم ومش قادرة، وكأني مخنوقة ومحبوسة في جسمي. ساعات بفتح عيني وبشوف كل حاجة حواليّ عادي بس برضه مش عارفة أتحرك ولا أتكلم. الموضوع بقى مؤذي نفسيًا جدًا

Chilli_63940 🇪🇬

منذ شهرين

شعور قلق

ثانويه عامه ديه انا من وانا طفل خايف منها مرعوب لو ادخل السجن احسن واطلع مثلا ضامن الدرجه دكتور ناصر البطل ودكتور ضيف واي مدرس مشهور تلاقي ناس بتقولك ده التوب وناس تحسسك انو اسوء مدرس في التاريخ انا لسه في اولها ومرعوب رعب

Cherry_55189 🇪🇬

منذ شهرين

شعور عاطفي

عندي رعب من فكره ان واحد يجي يتقدملي ويبين كل الحلو فيه وبعد كدا اكتشف أنه صعب يتعاش معاه زي اللي بشوفهم خاصه أن انا الحمدلله عيلتي ربنا يهديهم ليا مغرقني حب وحنان واحترام إذا كان من اخويا ولا ابويا ولا عمي وفي نفس الوقت حابه جو الحب والجواز والمشاعر بس فعلاً خايفه

Onion_60760 🇪🇬

منذ 3 أشهر

شعور مهتم

جماعه انا بحس ديما بشعور خوف مش مبرر خالص ديما حاسس بخوف مش عارف ليه ولو عملت اصغر مشكله ف الدنيا بكون مرعوب حرفيا نفسي الخوف ده يقل مش عارف اي الحل فيه ولا المفروض بيتعمله اي لو بالنسبة للدين انا بصلي بس مش منتظم اوي الصراحه بوقع صلوات وفي صلوات بصليها متاخر بس انا مش بكون خايف ان حاجه وحشه تحصلي ا

Jackfruit_65540 🇪🇬 شعور الخوف طبيعي جدا ومتقلقش نهائي ممكن يكون بسبب مشاعر قديمه جدا ف عقلك الباطن طيب والحل؟ انك اول ما تحس ب خوف اعمل نظام التنفس المنتظم(شهيق ٤ ثواني-كتم ٤-زفير٦) اعترف بلشعور ومتحاربهوش زي: انا حاسس دلوقتي اني خايف فعلا اكتب مشاعرك ف كتاب مثلا وقول كل اللي جواك لو ده حيساعد وقت حدوث الخوف أو انزل اتمشي شويه ولو مأثر عليك جامد و فيه مقدره تروح مختص يبقى افضل ومتقلقش انت مش لوحدك وشعورك مفهوم جدا

عرض الكل 14 نصيحة

Tomato_62425 🇪🇬

منذ 3 أشهر

شعور قلق

عبّر عن شعورك بشكل مجهول

أنا عندي مشكلة أو معرفش دي مشكله ولا لأ بس أنا مش عارف أعمل أي ولا اتعامل معاها نفسي حد يفهمني ويفيدني 
من وأنا صغير بحلم باحلام غريبه أوي وبصحى مش فاهم حاجه حاجات في الوقت البحلم بيها مبيكونش ليها أي معنى أو واقعيه 
(مثال للتوضيح مش حقيق أحلم إني سايق عربية ودي بتاعتي وأنا وقتها في ابتدائي)
المشكلة في الجي 
أن الاحلام بتتحقق في المستقبل وأول مبتدأ احداث الحلم القديم تحصل أنا بفتكر الحلم كامل بكون عارف أي الهيحصل 
 
(يجماعه والله بتكلم بجد ومش بتخيل ومش مقتنع بفكره  إن فكره تأخر وصول المعلومه فبيتهيقلي إني شوفت ده قبل كده لأني مش بكون حاسس إني شوفت ده قبل كده بس أنا بكون عارف أي الهيحصل دلوقتي الحلم كامل عارفه)
وأنا صغير حكيت كذا مره لاهلي وكانو بيقولولي متقولش الحلم معرفش لي بس بقيت مش بحكي بس حاولت أشرح البيحصلي وأسأل ومحدش كان بيفدني  أما يسمع كقصه خياليه أو يقولي متحكيش لحد أصلا البيحصلك طب لي معرفش مره يقوللي علشان لو حكيت هتتحقق ومره متحكيش علشان البتقوله مش طبيعي

الاحلام لم بتحصل معظمها بيتحقق كامل وفي كام حلم متحققش في مره حصل موقف وكنت حلمت بي وكنت عارف أي الهيحصل بعد كده بس لقيته مش بيتحقق نفسه في اختلاف حصل مش اختلاف جذري بس مازال اختلاف 
ومره ثانيه حاولت متعمد بكل جهدي أمنع تحقيق باقي حلم كان بدأ يتحقق و معرفتش رغم إن الحلم كان متعلق بحاجة أنا هعملها وحاولت معملهاش وغيرت كل حاجه علشان أمنع نفسي اعلمها ولقتني عملتها وقتها أنا كنت مصدوم لأني لقيت في حلم قبله متحققش كله وتوقعت إني بقدر اتحكم واغير السيناريو بتاع الحلم بس لقيت لا مش كله بيتفير

الخلاني احكي دلوقتي ده

حلمين الأول اتحقق أوله من أول السنه دي ونهايته المفروض في المستقبل البعيد لأن الحلم كان إني شخص اكبر من دلوقتي يعني في عمر كمان خمس سنين على الأقل 
الحلم نهايته المفروض في المستقبل دي وحشه أوي أنا خوفت لم الحلم جزء منه اتحقق لأن تكملته وحشه 
والحلم الثاني لسه متحقق بدايته من ساعة كنت برا حصل موقف كان بدايه حلم وبالفعل أول محصل افتكرت كل السيناريوا واترعبت التكمله للحلم ده كانت مرعبه لم حلمته كان حاجه كبيره أوي خايف اقولها تتحقق (أنا مش مقتنع بكده بس خايف يكون الموضوع حقيقه)
المهم إني قولت أجرب يمكن موقف عادي ومش الحلم العارفه وروحت قولت كلام نفس الكلام بظبط الكان في الحلم ولقيت الرد نفسه بالحرف....
ده الرعب الحلم كمل يتحقق المشكله إن باقي الحلم هيحصل معايا وقدامي بس مش هيكون لي دخل أنا لم الحلم كمل يتحقق قدامي لقتني مش عارف أعمل حاجه أنا خايف حاولت اروح باسرع وقت قبل مبقاي الحلم يتحقق والحمدلله الحمدلله روحت وباقي الحلم متحققش بس أنا عارف إن مش كل الاحلام بتخلص في نفس الموقف في احلام متقطعه على أحداث ورا بعض في المستقبل فلسه عايش في خوف الحلم مستني بس الوقت والمستقبل علشان يتحقق 
أنا مش عايزه يتحقق هو مش بأيدي وأنا مؤمن بالاقدار طبعًا بس أنا مش هستحمل الهيحصل وفكره إني محبوس لوحدي في الحلم أنا مش عارف أعمل حاجه مش عارف احكي لحد ومش عارف أوصف الحلم الراعبني خوفًا من تحقيقه

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Avocado_67333 🇪🇬

منذ 3 أشهر

شعور مرهق

فكرة الموت ملازماني والحقيقه اني خايف جدا منها أنا اوقات مش بنام والمشكلة اني شايف اني براهن كل يوم قبل ما انام هل هصحي ولا هموت بقيت اتخيل حجات هتحصلي بعد الموت زي اني اتخيل نفسي واي اللي بيجرالي الموضوع مرعب لكن عامل زي الشطه .. بتحرقك لكن بتحبها

Chocolate_64253 🇪🇬

عايزة أكون أحسن علشان متحسش إني قليلة لما أتخطب

انا لو شايفه نفسي مش حلوه اي الصفات اللي مفروض تكون فيا علشان فالمستقبل لما اتخطب محسش اني قليله طبعا الاخلاق رقم واحد ، غير كده ايه الصفات اللي الشباب بتحبها فالبنت غير شكلها ، انا بتكلم علشان يبقي عندي خلفيه فالمستقبل ... ...عرض المزيد

1 الدعم

26 نصيحة

Sugar_87672 🇪🇬

مش بعرف أكون صداقات حقيقية.. حد عنده نصايح؟

حاسة إني مش بعرف أكون صداقات أو علاقات اجتماعية حقيقية. بحاول أفتح نفسي للناس، لكن غالبًا بحس بالمسافة أو البرود، ومش عارفة إزاي أكوّن روابط تستمر. أغلب الصحاب اللي بعرفهم، علاقاتهم بتنتهي بعد فترة الدراسة أو الشغل، وبعدين كل واحد بيكمل حياته ومش بيكون موجود. ساعات بحس إني لو حاولت أتعرف على حد، هيتكرر نفس النمط، وده بيخليني أرجع أتمسّك بعزلتي. حد عنده نصائح أو مرة بتجارب زى كدة ...عرض المزيد

1 الدعم

19 نصيحة

Biscuit_87034 🇪🇬

مش عارفة اتخطى حب مراهقتي وبقيت حياتي واقفه

انا كنت بحب حد والحد ده سابني بقاله سنتين وعشر شهور انا مش عارفه اتخطاه خالص مش عارفه حاولت كتير اوي الموضوع تاعبني نفسيا اوي نفسي أنساه بجد بس مش عارفه المفروض أن ده كان حب مراهقه كنت صغيره اوي 17 سنه ولحد هذا الان بقيت 20 ومش عارفه يمكن عشان الوقت الي حبيته فيه كان في مشاكل كبيره اوي انا متربيه من صغري علي المشاكل والخوف بسبب ابويا لدرجه أن الي كنت بحبه ده كان حنين عليا فوق الوصف فعتبرته ساعتها بدل ابويا يعني كان هو مصدر امان بالنسبالي ومن بعد ما سابني وانا كل مشكله بتحصل معايا بفتكره هو اول واحد هو اول واحد بيجي في بالي بفتكر حنيته عليا تعبت من كتر التفكير فيه يوميا لازم افكر فيه قبل ما انام يوميا لو زعلانه بفتكره تلقائي كده بقيت حاسه أنه شاغل تفكيري كله هتقولولي اشغلي نفسك اقسم بالله بروح كليتي وارجع علي الشغل بخلص 10 بليل واول ما بحط دماغي علي المخده بفتكره بردو وبقعد أخلق مواقف حلوه وهميه بيني وبينه والحاجات دي مش موجوده اصلا بس مش عارفه الي بيحصل ساعات بقول ياريته كان معايا دلوقتي وساعات ببقي مش طايقه ابص في وشه كل ما اقول خلاص نسيته برجع افتكره تاني برغم أن مش بشوفه اصلا وعملاله بلوك من كل حته وكمان هو اصلا مش عايزني ولا انا عايزاه هو ارتبط ب 2 بعدي وعاش حياته انا حاسه حياتي واقفه عليه نفسيتي تعبانه اوي ...عرض المزيد

0 الدعم

18 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع