زعيق

Grape_89306 🇪🇬

منذ يومين

شعور لا مبالٍ

ليه ميفهموش اننا لسة بنقول بسم الله فالحياه مش اد كل دة كبرونا بدري مشاكل نفسية واهلية ووجع قلب زعيق علي كل حاجة تهزيق ضرب محدش فاهمك ومحدش مصدقك والمشكلة انها من الأهل! ال هما المفروض الناس ال يصدقوك ويقفوا ف ضهرك ويعتبروك مش وسطهم يدوبك اله بتلبيلهم كل طلاباتهم ولو رفضت يعملوا عليك حفلة وانك مش م

Chocolate_89278 🇪🇬

منذ 5 أيام

شعور شاعر بالملل

عاملين اي انا بقالي كتير قفله الابلكيشن سكه اسبوع مثلا المهم انهارده بابا بلا اي سبب ساب البيت ومشي وقال انا مش عايكو تاني ومش عايز اعيش معاكو م حاسه اني مدايقه خالص يمكن ع هو موجود بس مش موجود فاهمين انتو الاحساس ده بس بردو بفكر هو كويس ولا لا مع اني مش طايقاه ومبسوطه انو مشي وهلصت من العصبيه والزع

Candle_82482 🇪🇬

منذ شهرين

شعور متعب

عبّر عن شعورك بشكل مجهول

هو لو انا حد زعقلي و اتعصب عليا و قال كلام زي السم من اهلي مش لازم اعيط لازم اقعد كدا اسمع الكلام اللي زي السم دا زي انتي وحشه و متربتيش و كلام كتير بقي و مقارنات مع اي حد من زمايلي مينفعش يعني اعيط و لو عيطت يقولولي انت بتعيطي ليه و يكملو زعيق انا بجد تعبت و اعصابي تعبت و حالتي النفسيه زفت بجد انا وصلت لمرحله أن انا بقيت اقعد في اوضتي لوحدي و طبعا متضايقين من الموضوع دا أن اقعد لوحدي في الأوضه بقيت بتخيل حد يقعد يطبطب عليا يواسيني واتخيل حوارات في دماغي لدرجه اني ساعات بوثل لمرحله أن انا دماغي هتنفجر من التفكير الزائد 
انا بقيت اقل كلمه بسمعها من حد بعيط حتي لو هزار انا بقيت بحب اقعد مع صحابي في الجامعه و افضل برا البيت و مرجعش 
و انا في تالته ثانوي كان اهم حاجه عندهم أن انا اذاكر مش مهم انام خالص و لا ارتاح اهم حاجه كانت المذاكره عندهم و كانو هاريني مقارنات مع ناس اكبر مني دول قارنوني ببنت عمي اللي هي اكبر مني ب 10 سنين أن ليه مبقاش زيها و اشوف كانت بتعمل ايه و اعمل زيها 
لما وقف يومها و قولتلها متقانونيش بيها كان يومها يوم اسود سمعت كلام زي السم و كلام احبطني و زعيق اليوم دا عمري ما هنساه ابدا 
انا نفسيتي وحشه اوي و بقيت بعيط كتير اووووي

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Donut_76084 🇪🇬

منذ شهرين

شعور عاطفي

أنا حرفيًا مخنوقة. بكره التحكم اللي عايشة فيه من أمي وأبويا، كل حاجة عندهم "لأ"، كل حاجة "ما تعمليش كده". بيمنعوني من كل حاجة البنات في سني بيعملوها عادي، لكن أنا لأ. أول ما أحاول أعمل حاجة بسيطة، على طول الرفض والزعيق. ولو اعترضت، يقولوا إني بتكلم غلط أو مش محترمة. نفسي أرتاح من التحكم ده، نفسي أع

Coconut_52562 🇪🇬

منذ شهرين

شعور لا مبالٍ

"اتعصبت وعليت صوتك وبهـدلت الدنيا واستوعبت انت شبه مين أسوأ لحظة إدراك" مع الوقت اكتشفت انك بقيت نسخه منه نفس العصبيه نفس الزعيق وبتطلع زهقك على حد ملوش اي دخل بعصبيتك وبتحس بالذنب بعدها تحس انك عندك انفصام شخص مش عايز يبقا كدا وشخص غصب عنه بقا كدا وبقيت ف دوامه من جلد الذات الله المستعان

Ice Cream_60679 🇪🇬

منذ 3 أشهر

شعور مكسور القلب

Peanut_56462 🇪🇬 تقبل الموضوع بصدر رحيم.. ولازم تعرفى ان اللى يجى على كرمتك يهون مهما كان معزته فى قلبك وإتأكد ان الموقف ده هيقويك فى اللى جاى ويعلمك إن مش أى حد يستاهل ولائك رووق يا صاحبى

عرض الكل 6 نصيحة

عبّر عن شعورك بشكل مجهول

انا طالب في صيدله وكنت بتدرب  في صيدليه حوالي ثلاث سنين وانا حاليا في خمسه المهم الصيدليه دي كنت بقضي  فيها اكتر من البيت إذا كان صيف او دراسه المشكله الوحيده فيها بس ان اصحابها بياذوك نفسيا اذا عملت حاجه غلط او الهزار اللي يقل منك وعدم احترام  وما فيش تقدير لحته انك دكتور خالص خصوصا ابن صاحب الصيدليه الناس الوحيده الكويسه فيها هما الشغالين بس ،ابن صاحب الصيدليه واللي هو دكتور بقى له متخرج سنه وهو مجرد اكبر مني سنه اذا عملت حاجه غلط في الحساب زعيق وقله قيمه وده غير هزاره اللي فيه عدم احترام وقله قيمه ، يعني بمعدل مرتين في الاسبوع، الزعيق دايما بيبقى حاجه عليها فلوس، وده كله اصلا انا في التدريب، فمن اول امبارح كنت في الصيدليه وفجاه لقيته بيديني روشته وبيقول لي روح اصرفها فصرفتها وبقول لصاحبها حساب مع العلم ان صاحبها قسم الروشته لانها كانت روشتتين،فالمهم زعق في وشي وقال لي ما تقولش حساب ثاني، قلت له ما تزعقش بزعيق فسكت ،قام قيلي روح روح بس عملت نفسي مسمعتش ، قام جاي بيبرطم شويه كلام بيقل مني فيه ، بعد شويه جيت روشته هو كان بيصرفها فرحت اشوف هو الدواء طالع ايه على اني بتدرب وبحب اشوف كل الروشتات والحالات لتكون في حاجه جديده قام قلي روح بعيد روحت بعيد بس لسه باصص قلي متبصش ومعرفش الكلمه دي طلعت مني وانا عمري ما قليت أدبي في الصيدليه قلتله روح غور في داهيه مش عايز اتعلم منك حاجه، قام قيلي روح روح بيتك قلتله ومجيش تاني، قلي اه وانا طالع قام قيلي بدل انته قليل الادب روح روح لازعلك فمقدرتش امسك نفسي وقلته زعلني كده قلي مش عايز ازعلك الي هو مش عايز اضربك قولته لا زعلني انا بحب ازعل قلي تمام ازعلك بس مش قدام الناس قام المريض والي كانت عرفني قام قيلي روح روح دنتوا اخوات مينفعش كده قمت احترمته ومشيت ،انا معرفتش اسكت لان مواقفه كترت بصراحه وانا حسيت اني بذل نفسي لو سكت ومرضتش

ا ده كله عادي بس وانا طالع انا مصدقتش اني مش هعرف ارجع المكان ده تاني انا قضيت فيه اكت من ثلاث سنين وعيبي اني بتعلق بالحاجات واول لما روحت معرفتش امسك نفسي من العياط لأول مره من زمان مع اني بعتبر ده مش من ضمن شيم الرجوله وحسيت لأول مره في حياتي معنى الإنسان انه قلبه مسكور حرفيا انا حاسس اني قلبي مشروخ او في حاجه غريبه ومش عارف أمارس حياتي بقالي يومين مع اني بقنع نفسي وبقول هروح صيدليه احسن وهيعملوني احسن بس مش قادر بس مش قادر حتى اضحك وكل لما افتكر الموقف ازعل جامد انا مزعلتش كده في حياتي

انا مش عايز ارجع  بس نفسي اعدي الفتره دي لأنها مأثره على دراستي وحياتي عموما مش عارف اركز من كتر الهم ومش عارف اعديها
غير خيالات انهم هيتصلوا بيا وهما مش هيقدروا يستغنوا عني انا بقالي معاهم كتير بتزعلني
والله رغم اني مواقفه معيا كتير وتكره اي حد في الدنيا بس مش عارف انسي المكان
ومحدش يستقل بالموضوع انا كنت بقضي في الصيدليه وعندي ولاء ليها اكتر من نفسي روح جيب دوه من آخر الدنيا اروح. روح اعمل رجع دوا على الرف زي العيال الصغيره برجع وبقوله مينفعش انا دكتور وكمان برتب على دفعتي يقولي دكتور علي نفسك وحاجه بتقل مني كصيدلي اعمل من أجل مصلحه المكان
مع العلم اني كنت بتدرب في صيدلتين في نفس الوقت مش واحده، بس دي قضيت فيها معظم وقتي

والله قلبي مكسور ومش عارف اعدي الموضوع وعايز  ارجع لحياتي القديمه

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Avocado_76546 🇪🇬

منذ 3 أشهر

شعور متعب

امبارح صحيت على مكالمة من جارتنا بتزعق جامد (معرفهاش ولا اتعامل معاها قبل كدا ماما بس هي اللي اتعاملت معاها معاملة سطحية ) عشان الباب نسيته مفتوح بقالي ساعة كنت راجعة من برا تعبانة جامد وشايلة حاجات تقيلة ف نمت علطول مقدرتش ، قعدت تزعق وتتكلم بأسلوب مش حلو خالص قولتلها اني نسيت غضب عني كملت زعيق و

Chilli_33643 🇪🇬 ارمي ورا ضهرك الي حصل حصل المهم احنا بخير اعتدمي الجملة دي

عرض الكل 1 نصيحة

Mushroom_51170 🇪🇬

منذ 3 أشهر

شعور ضاق ذرعًا

بجد الكل بقى بيضغط عليا في فكره الحجاب دي الفكره ان اللي بينصحوني تصرفاتهم بشعه بجد وكمان ياريتها نصيحنابعه من خوف لا كل اللي هامم كلام الناس وانهم مش ناقصين ذنوب بسببي وكل الكلام زعيق حتى ماليش مناقشه او يسمعوا انا ليه مالبستوش انا عارفه انه جنه ونار وانه فرض واني باخد ذنوب على كل لحظه حد بيشوفني ف

Sugar_49832 🇪🇬

منذ 3 أشهر

شعور ضاق ذرعًا

Carrot_71203 🇪🇬 والدتك قاسيه جدا 😥😥😥😥

عرض الكل 11 نصيحة

عبّر عن شعورك بشكل مجهول

النهاردة اخويا الصغير عنده 10 سنين راح لامى يقولها تمليه عشان واجب الدرس وقالها على الفقرة اللى المس قالتله يكتبها امى صممت ان المس كاتبه فى الجروب فقرة تانية ولما قعد يلح انها تشوف فى الجروب تانى مرضتش واخر حاجة قامت وراه بالخرطوم وضربته وقفنا انا واخويا عشان نبعدها عنه وبردو فى الفاصى ولا اتهزت لدرجة ان اخويا الصغير طلع يجرى على السلم عشان يبعد عنها وقف قداامها وعيط وهى حتى لسة ملمستوش ويترجاها مرة واتنين تسيبه حتى لو هيكتب الاتنين وبردو مرجعتش قصاد عياطه وضربته 
اخويا فى الاخر طلع هو اللى عنده حق وامى قالتله يكتب الفقرة الغلط وصممت انه يكتب الاتنين مش واحدة مع ان الواجب واحدة بس 
وقفت تزعقله وهو بيعيط ويتشحتف عشان يكتب وهو بيعيط من غير ما تستنى حتى انه يهدى 
وقفت تزعقلى لما حاولت اصالحه وتزعقله لما جه يقعد معايا فى اوضتى 
بعيداا خاالص عن تفااهة الموقف اللى بالنسبة لطفل مش هيكون تاافه خاالص ،ليييه ام تشوف دموع ابنها عشان خاايف منها وتكمل وتضربه وهو ملوش اى ذنب غير انه وقف يجادل معاها فى حاجة هو متاكد منها 
ليييه ام تقسى قلبها على ابنها بالشكل دة 
والله وقف قدامها يعيط ويقولها طب هاتيلى هدوم تقيلة يلبسها قبل ما تضربه عشان كان لابس خفيف 
وقف يعيط ويقولنا طب كلموا ابى يبعدها الاول قبل ما تضربنى 
لما باجى اتكلم معاها تقولى ميعندش معايا ،طب دة طفل لسة بيكون شخصيته ميعرفش الصح من الغلط كل هدفه يتمسك بحاجة هو عايزها ..ليه تكسريه 
مستقوية بصوتها العالى والخرطوم اللى بتجرى عليه كل ما تزهق وتتعصب 
وهنا انا هتكلم بجد هى ضامنة صحتها ضامنة قوتها وضامنة حتى ضعف العيل الصغير دة ...لو صحت ولقت نفسها تعبانة مين هيشيلها غير ولادها دول ،طب هيسندوها ازااى وهى كل يوم والتانى تكسر فيهم اكتر من اللى قبله 
كلمتها الف مرة ان ضعفهم قدامها دلوقتى مش هيطول ومعدش هيخافوا منها ولا هتقدر تسيطر عليهم تتريق وتقولى وانتى اللى خبيرة فى التربية اوووى 
بعتلها فيديوهات حتى لاخصائين فى التربية مش بترضى تسمع 
اخويا الصغير دة بقاا عصبى وصوته عالى وكل ما يلاقيها بتزعقله اكتر يزعق قصادها لانه بيحس انها بتيجى عليه وهو كرامته فوق اى حاجة 
كل مرة تضربه اجمد من اللى قبلها واللى بيجمد قلبها ان هى اللى ليها القرار فى كل حاجة فى حياتنا فبتضربه من هنا ويروح يسالها ولا يكلمها عادى لحد ما اتاقلمت ان دة عادى وايه يعنى مبيفرقش معاهم 
كل تفكيرهم غلط مش بيبصوا لقدام ابداا وكل تفكيرهم انهم هيزرعوا الرعب فى اخواتى فيمشوا كويس مش قاادرين يقتنعوا انهم بيعلموهم يكذبوا وبخبوا و يعملوا كل حاجة غلط من وراهم  انا مش بايدى حاجة اعملها 
اسفة انى طولت اووى كدة بس انا والله جربت كل حاجة جربت اكلمها لوحدنا وبهدوء وجربت اخليها اسمع ناس مختصة وجربت احتوى اخواتى انا بس معرفتش مش بيقبلوا دة منى واى تاثير منى بعد اللى هى بتكسره بيكون فى الفاضى 
انا عايزة افهم حاجة واحدة بس والله هو كل دة هيتنسى واخواتى يبقوا كويسين وطبيعيين مع الوقت وانا اللى اوفر وحاطة فى دماغى كل الامراض النفسية والعقد اللى فى الدنيا 
هيقدروا يتعاملوا مع ولادهم طبيعى بعد كدة من غير ضرب وزعيق ولاهيبقوا نسخة منها
ولا فعلا امى غلط واحاول تانى 
يا جماعة محدش يقولى مضغوطة انا عارفة دة وكلنا تحت ضغط هى مش شايلة اكتر من اللى الدنيا كلها شايلاه لكن ليييه تاذى كدة 
ومحدش يقولى طاعة وبر الام دة طفل عشر سنين لسة مفيش عليه اى تكليف ولا عقاب قدام ربنا وامى مزرعتش ولا علمته اى حاجة عن البر من الاساس 
بدعيلها كتير ربنا يهديها ويهدينا والله لكن بردو مفيييش  😓

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Chilli_76491 🇪🇬

منذ 3 أشهر

شعور ضاق ذرعًا

انا يا جماعه عايش حياه كلها قلق و تور و عصبيه بسبب رحت لكذا دكتور بسبب مشاكل معينه كلهم نصحوني ب دكتور نفسي عشان كل اللي عندي ده بسبب العصبيه و التوتر الزياده مش هقول ابويا وحش بس لو فتحت نور ف اوضتي يقولي فاتحها ليه وقاعد ليه اكلت اكلت ليه شربت شربت ليه اي حاجه بعملها صح غلط زعيق ع الفاضي و المليان

Grape_75609 🇪🇬

منذ 4 أشهر

شعور مزعوج

عندي مشكله وعايز حل عارف انو حرام انا ابويا بيتكلم معايا بزعيق وعايز يتعارك معايا بس الصراحه انا ف الفتره دي ردي بيبقي وحش اوي كل كلمه بكلمتها وانا مش عايز كدا بس بجد اعصابي باظت مش عارف اتحكم فا عايز حل لي الزعيق ولو رديت رد براحه او برد ويزعق هو كويس جدا جدا بس هو متعصب بقالو فتره وانا كمان فا سع

Coffee_73038 🇪🇬

منذ 4 أشهر

شعور محبط

الحياة بتشوف ايه اكتر شيء انا مبحبوش وتديني الكثير والكثير منه ..ومش عارفة هي بتعاندني ليه وزهقت من المناهدة والزعيق والمحاولة طب ايه هنتصالح امتى، هتضحكلي امتى، هتديني حاجة انا عايزاها امتى؟ نفسي اشوفني مبسوطة ..

Peanut_56462 🇪🇬 ممكن ربنا شايف انك مش جاهزه ليها اول متكونى قد الحاجه اللى هتخديهاش تجيلك من غير ما تطلبويها وفيه جملة بتقول "طالب الشئ فاقده" هتبقى عال متقلقيش

عرض الكل 6 نصيحة

Sugar_49832 🇪🇬

منذ 4 أشهر

شعور مرهق

عبّر عن شعورك بشكل مجهول

بكتب وانا حقيقى مش عارفة اجمع حتى الكلام اللى فى دماغى 
مشتتة وضايعة من امى لاقصى درجة 
التعامل معاها بقاا صعب اوووى ومتعب والتفكير فى علاقتى بيها اصلا مرهق ومش مفهوم 
امى ضحت عشاانى كتيييير اووى بس بردو كل اللى عملته كان للماديات بس.. بتاخد من نفسها عشانى.. احسن اكل هدوم تعليم بتعمل اقصى ما تقدر عليه 
بس ديماا اسلوبها عكس كل دة.. عاادى جدا نخرج نجيب هدوم فتجبرنى على ذوقها هى 
مفيش مرة تقريبا عملت او جابت حاجة ليا الا واى نقاش نختلف فيه بعدها بتقولى انى مش بقدر ومستاهلش 
اسلوبها طول الوقت زعيق وهجوم وتريقة واستهزاء بكل حاجة واى حاجة 
مفيش ساعة واحدة بتعدى غير والبيت متوتر ومتنشن من صريخها علينا بسبب او من غير غير ضربها لاخواتى دلوقتى او ليا وانا صغيرة.. قليل اه لكن الضغط النفسى اللى بتشكله رهيب 
كلامها ديما بيبان فيه السيطرة بس مش الحب 
مش بتتراجع ابدا استحالة مهما شافت ان الموقف وصل لنقطة وحشة مننا حتى لو تافه.. كتير اعيط قدامها مش من الموقف قد ما هو من قلة تفهمها وتسيبنى وتمشى 
مفيش حاجة طلبتها منها والله قبل كدة وكان فى سبب طبيعى لرفضها وجادلت لو فى سبب اصلا ترفض عشانه مبطلبش 
... لكن هى ديما بترسم نموذج اى حاجة هتخرج عنه مش عاجباها هتترفض.. والسبب«مزاجى كدة» 
طب نتناقش.. لا 
حاااولت كتيييييييير فى كل نقاش نتكلم نتفاهم بس مفيش فى الفاضى اخر النقاش يا بتزعق او بتهدد او بتدخلنا فى موضوع تانى خالص تعجزنى بيه عشان معرفش اتكلم او بتقولى روحى اوضتك 
هى مش من النوع اللى بيعبر قليل اووى وووى انى اسمع منها حاجة بتعبر عن حبها 
تماام انا متاكدة وعارفة انها بتحبنى جداا وانى اغلى حد عندها بس انا هعمل ايه بمعرفتى دى نفسى احس بدة 
قضيت سنين من طفولتى مش فاكرة ليهاا حتى حضن.. لدرجة ان دلوقتى حضنها بقى تقيل وبيخنق 
عمرى ما هتخنق واروح احكيلها هى مش هتفهم ولا انا هقدر احس تجاهها بالامان اللى يريحنى بعد ما اتكلم 
انا مقدرش اقول انى مش بحبها ولا انى بحبها بردو زيها زى اى حد الفرق انها بتمشى حياتى بس 
صعبة اوووى اوووى عليا ان اللى يربطنى بيها احساس بالذنب.. انى عارفة تضحياتها بس مش قاادرة ارد ليها دة لان اسلوبها بيهلك طاقتى كلها😓 
عااارفة انهاا مضغووطة اوووى والله بس اعمل ايه بس 
نفسى بس تسيبنى لحالى بهدى والله وببقى اروق وبعرف اتعامل لكن كدة اعصابى ديما مشدودة.... غصب عنى بقيت عصبية زيها 
خاايفة فى يوم اعامل ولادى نفس المعاملة.... هتدمر بجد لو حسيت ان نظرتهم ليا هى نفس نظرتى ليها ، مش لانى نظرتى ليها وحشة ، بس تايهة وبتوجع وانا مش هستحمل اوجع ولادى بجد
امى متعرفش حاجة عنى ولا عن حاجات كتير مريت بيها كنت بس محتاجة حد اتطمن ليه احكيله وينصحنى ملقتش 
تعبت والله ومش عارفة اتصرف 😔

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Croissant_71386 🇪🇬

منذ 4 أشهر

شعور محبط

أنا حصل معايا موقف ما في شغلي والمكان الي بحبو جدا لحد دلوقتي و مشيت من المكان ده لانو آذاني نفسينا وأنا كل شويه اروح شغل في نفس المهنه الي كنت فيها بس مش مرتاحه ولا حتي عارفه اتعامل مع حد المشكلة في الشغل الي في حالياً المديره صحبت الشغل بتعملني باسلوب مش لطيف خالص و بتزعق فيا دايما وأنا محتاجه اني

Croissant_66979 🇪🇬

منذ 5 أشهر

شعور ضائع

Orange_67483 🇪🇬 طيب هو ليه اصلا ما فيش حد زي الاصدقاء الاقارب القريبين منك انك ممكن تتعاملي معاهم ويكون هم سندك

عرض الكل 9 نصيحة

عبّر عن شعورك بشكل مجهول

والله نفسي ابقي انسان لاقي نفسه بعد توهان نفسي الاقي حد يبقي طيب وحنين بجد ويشيل من عليا حجات كتير نفسي الحمل يبقي متقسم علي اتنين نفسي بجد اشغل بتونس بيك الصبح او يوم وليله بتاعه ورده نفسي اسمعهاله واقوله  ان عمري ما شفته ولا قابلته وياما ياما  شاغلني طيفه والله  بتخيل انو بجد هيكون عوض من ربنا من بعد الي شايفاه في حياتي دا  دايما بدعي ربنا ان يكون رزقي في الدنيا حد حنين ويعوضني عن كسرتي ويعوضني عن الشخص الي خاني باقذر الطرق اوعن صحابي الي مع الوقت ملقتش حد حقيقي او حتي مع اهلي الي اكتشفت ان حد فيهم خان التاني وانا ساكته ومش عارفه اقول اي او  عن طريقه بابا وزعيقه علي اتفهه الحجات حتي لما اوقات بضحك مع اخواتي بيزعق عشان عاملين صوت ضحك  وجابلي بجد خلل قعدت معاه كتير لغايه ما بقيت ببين اني بارده ومبسوطه وقت ما بيزعق بس من جوايا خايفه وجوانا تعب من الزعيق او من الصوت العالي اول ما حد بيزعق جوايا ببقي نار بس من برا ممكن اضحك وقت الزعيق ببان بارده جدا قدامهم واوقات بيقولولي بس والله انا تعبت والله حتي اني اتكلم واطلع صوت من بقي بقي مجهود عليا صوتي اتغير وبقي اوطي مش دلع بجد علي قد ما هو وجع  وعدم قدره علي الكلام ٩٠%من الوقت بكون علي الوضع دة بكون بارده وهاديه جدا وبضحك وبهزر بس برجع اعيط من غير سبب علي اتفه الحجات او علي ولا حاجه ولما بتعصب وبحاول اكتم عصبيتي عشان مينفعش اتعصب بتنعكس عليا جامد بترعش وبيحصلي حاله بجد صعبه او لما بطلع العصبيه دي بتبقي اسوء وباذي نفسي

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Nutella_39839 🇪🇬

اللي صاحي يبعت نتكلم.. عاوزة اتكلم

اللي صاحي يبعت نتكلم عاوزة اتكلم .. اا اا اا اااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااا ...عرض المزيد

1 الدعم

24 نصيحة

Ice Cream_61518 🇪🇬

عايزه افضفض مع أي حد... تعبت نفسياً

عايزه افضفض مع أي حد ااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااا ...عرض المزيد

0 الدعم

21 نصيحة

Moon_90116 🇪🇬

ندمي على ماضيي بشع ومش قادرة اتقبل نفسي

وانا من صعيد وعندنا طبعا مفيش بنت تكلم ولد وكلام دا وانا وصغيرة كنت مدركة دا وبحس اي بنت بتعمل غير كدا تبق مش محترمة المهم لما بدأت ناس تلعب ببجي كنت بشوف اخويا كدا وبلعب معاه من ع تاب بتاعو وكنا انا وهو واختي وعيال عمي نلعب واوقات نرخم ع ناس وكدا بحيث نعمل فيهم مقالب ف لما مسكت فون ف أولى ع نزلتها وفضلت اللعبها واعمل مقالب ف ناس وكان أغلبيتهم رجالة طبعا هما كانوا بيتسغلوا اني بنت ويحاولو يتكلمو معايا بعدين يحاولوا يتكلمو معايا ع حاجات مش كويسة ومكنتش فاهمة دا بس بعدين ادركت وعموما مكنتش بروح معاهم ف كلام دا حتى وانا مش فاهمة وكانوا مهما يكونوا عايزين رقمي ويزنوا مش برضى واقول عمري م اعمل كدا بعدين وقتها أديت رقمي لواحد مش فاهمة ليه اديتو هو بذات بس ادتهولو بس مكنتش عايزة ادهولو ومكسوفة أرفض ف كنت بتحجج اني مش عندي واتس ف جه ف مرة قالي طب تعالي نتكلم برا سوشيال ف اتكلمنا ف تيك توك بعدها قعد يقنعني انزل الواتس ف الاخر استسلمت واديتو رقمي من بعدها بق اي حد يكون عايز رقمي أوافق ولما كانوا بيطلبوا صورتي مكنتش بوافق كنت بقول اه انا اديتلهم رقمي بس موصلش للمرحلة دي بس مع الوقت بقيت ببعت أو بكلمهم ع اساس اني بنت تانية من صور ع النت وبقيت ف الموضوع دا لدرجة اني مبقتش اعمل حاجة غير اني اكلمهم واهملت مذاكرتي مع اني كنت شاطرة اوي وكنت وقتها دخلت ع سن مراهقة شايفة ان البنت الي بتكلم ولاد دي بق حاجة واو وكدا المهم اني بعدها اخواتي عرفوا ومرضوش يضربوني اكتفوا بانهم يهزقوني ويمسحوا الواتساب كنت حاسة جدا انهم هيعرفوا وقتها وكنت بكتب مذكراتي وكاتبة اني عارفة انهم هيعرفوا كل حاجة ف كنت بحاول اقنع نفسي اني خلاص ابلكهم بس مقدرتش اعمل كدا كنت محرجة اوي منهم اني ابلكهم المهم اني بعدين لما عرفوا مرضوش يقولوا لماما وبابا بعدين رجعت اكلم منهم بس مش كلهم كلمت اتنين بس منهم بابا مسك فوني ف مرة كنت واخدة اسكرين لشات وشافو اتهزقت البيت كلو عرف القون انسحب كل دا وانا مش مدركة قد اي انا بني قذرة مش مدركة الغلط الي انا فيه بعدين بفترة تقريبا اخر تانية ع اخدت الفون بعدها وانا داخلة تالتة ع كان مستر بتاعي كلمني ع صلاة وقالي ان الواحد لو مصلاش فروضو هتبق دين عليه وربنا يوم القيامة هيضربوا بحجر كبير ع دماغو اتأثرت جدا لاني مكنتش اعرف ان صلاة بتبق دين ع مسلم ف بدأت اصلي واحدة واحدة قربت من ربنا جدا كنت عاملة ورد صيام اتنين وخميس اختم قران اكتر من مرة احاول ابطل كل ذنب بعملو مسبش ولا فرض ولا نوافل ادركت قد اي كنت انسانة وحشة بس أقنعت نفسي اني كنت طفلة ومش فاهمة حاجة ع اتقبل نفسي عملت اكونت غ انستا وكنت بنزل ديما حاجات دينية ف الولد الي اول واحد خلاص اديتلو رقمي كان متابع ديما الاك بتاعي ب اكونت فيك وكنت ببق حاسة انو هو لاسباب المهم انه حاول كتير يعمل اكونتات تانية ويبعتلي وكنت ديما ببلكو لحد م ف مرة لقيتو بعتلي مسج طويلة بيحكيلي فيها قد اي زعلانة مني وقد زعلتو وكسرتو ف حسيت بذنب واني علقتو بيا وكلمتو واعترفلتو ان حياتي غير م كنت حكيالو واني كنت بكدب عليه وأهلي عرفوا وكل دا وهو اتقبل الكلام دا وسامحني وكلمني عادي بعدها اتفقنا اني هكلمو كل فترة ع اهلي بس هبلكو وفعلا كنت بعمل كدا وبرجع بعد شهور اكلمو ونتكلم يوم بعدين ارجع كلمو تاني بعد شهور بس بصراحة اليوم الي كنت يكلمو فيه كنت ببق مبسوطة اوي لانو كان لطيف اوي معايا جيت ف مرة كلمتو وقلتلو طب هكلمك بعد شوية ع هعمل حاجة ف مرادي رجعت فعلا كلمتو بعد شوية مش شهور قالي غريبة واستغرب وكدا وقعدنا اتكلمنا وسهرنا لحد الفجر وفضلنا نتكلم ديما بس اول م بابا يجي من سفر ع هو مسافر ف شغلو كنت بقولو ميبعتش تاني ومكنش بيبعت فعلا لحد م يسافر وارجع اتكلم معاه بعد بدا يعترفلي بحبو وبقينا نتكلم ٢٤ ساعة واتعلقت بيه جدا جدا جدا جدا تعلق مرضي (لسبب اهتمامو بيا الذايد وانو كان بيفهمني جدا وكان بيقدر مشاكلي وعمرو م قلل منها ) وعايزة كمان اقول حاجة اني الولاد تانية الي كنت بكلمها كنت بكلمهم لأجل اهتمامهم بيا كنت بحب الاهتمام او كلام الحلو المهم فضلت تكلم الواد واحنا مرتبطين حوالي ٤ شهور من بعدها وهو بدا يتغير عليا طب ليه مش فاهمة بس ع مطولش بردو اته طلع كان بيتسلى بيا وبينسى بيا الاكس بس من كتر م كنت كويسة معاه كان بيعزني بس ك اخت عمري م احتجتو ف مرة الا ولقيتو مهما كانت مشكلتي تافهة ف هو حس بذنب من ناحيتي وبدأ يحاول انه يبعد عني ب اكتر من طريقة وكنت بتمسك فيه ب اسناني واترجاه حرفيا لحد م أصعب عليه ويفضل معايا طبعا من بعد قربت منه بعدت عن ربنا اوي فضلت معاه لحد تانية ث بعدها قربت من ربنا تاني واكتر واختمرت وانتقبت وقلتلو خلاص تقدر تبعد دلوقت ادركت بعدها اني عمري م حبيتو واني بس كنت متعلقة ب اهتمامو بيا وكل يوم بفتكر اني كنت بكلمك بقرف من نفسي اوي ومن الي كنت بعملو وكمان اختي القريبة منيي قلتلها كل حاجة قلتلي ازاي انا كنت واثقة فيكي واقول غلا مستحيل ترجع تعمل كدا تاني وحسيت قد اي انا قليلة ف نظرها دلوقت انا مش قادرة اتقبل نفسي وحاسة ان اهلي كلهم بيشفوني بنظرات وحشة هما بيحاولوا ديما يخبوا دا بس انا عارفة وبتبان ف تصرفات مش قادرة اتقبل فكرة اني قليلة ف نظرهم واني مش محترمة خصوصا اختي انا بكره نفسي اوي ومش قادرة استحمل الاحساس القذر الي بحسو كل يوم بتحسر ان ماضي بتاعي بشع اوي كدا واني كسرت اهلي وخليتهم يشفوني بنظرة وحشة خصوصا ان اخواتي كلهم ولاد وبنات قمة ف الاحترام ف حاسة نفسي وسطهم انا البنت الوحشة والي اكيد مكانوش يتمنوا واحدة زي مش قادرة اتقبل نفسي واوقات بحس اني عايزة اهرب واعيش لوحدي ع محسش تاني اني ف نظرهم كدا بس عارفة اني مش هقدر اعيش من غيرهم ومش هاين عليا بابا ...عرض المزيد

3 الدعم

17 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع