زميلة متلاعبة

Croissant_52708 🇪🇬

منذ شهرين

شعور غاضب

عبّر عن شعورك بشكل مجهول

أنا بصراحة محتار ومش قادر أفهم طريقة تعاملك معايا. من أول موقف بينا لفت نظري إنك قبلتي مني المندولين اللي جبتلك، وساعتها حسيت إن في قبول بسيط مني وإن ممكن يكون في مساحة ود أو حتى تعامل طبيعي زي أي زملاء. بعد كده، في يوم، إنتِ بنفسك عرضتي عليا ساندويتش، وأنا ساعتها رفضت بلطف عشان مكنتش عايز أحرجك أو آخده من غير نفس. الموقف عدى عادي، لكن لما جيت أنا أرد الجميل وحاولت أعمل معاك نفس الحركة وأعرض عليكي حاجة، لقيتك رفضتي بشكل خلاني أحس إن الموضوع فيه شخصنة، وكأنك مش عايزة تقبلي مني أي حاجة.

اللي مزود حيرتي إنك بتضحكي وتهزري مع زمايلي في الشغل، ومع المدير والمشرف كمان، وبتتعاملِي معاهم بعفوية وخفة دم واضحة، لكن لما الموضوع بيجي ناحيتي بحس الجو اتقلب وبقى تقيل، وكأني أنا اللي دايمًا مزود عليك. صدقيني أنا مش قصدي أضايقك ولا أحرجك ولا أحطك في موقف مش مريح. كل اللي أنا عايزه أو بحاول أعمله هو إني أظهر اهتمام بسيط وعادي جدًا زي أي تعامل راقي بين زملاء في شغل واحد.

يمكن أنا بطريقتي أو بعفويتي مش بعرف أوصل ده كويس، لكن اللي محتاجه منك إنك توضحيلي لو فعلاً في حاجة مضايقاك مني. أنا بحترم إن كل واحد ليه طريقته، بس يهمني أعرف عشان أفهم وأعرف أتعامل معاك بشكل يخلي العلاقة مهنية ومحترمة من غير ما يكون في لبس أو سوء فهم.

في الأول كنت بحبك وعايز اشتغل على نفسي عشان أتقدملك دلوقتي التصرفات دي خلقتني اكره اليوم اللي حبيتك فيه

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Watermelon_40020 🇪🇬

ليه مفيش حد بيكلم بنت معينة في الجروب؟

عندي سؤال للولاد لو انتو مثلا جروب ولاد و بنات و تكونوا بتكلموا كل البنات الي في الجروب ده معادا بنت واحده بتكون زي مهمشه كده مفيش حد بيفكر يكلمها او كده مع انها زيها زي باقي البنات الي في الجروب ده، في الغالبيه ممكن تكون هادية شويه بس ليه بردو؟ ...عرض المزيد

7 الدعم

28 نصيحة

Blueberry_69403 🇪🇬

صدمت من دكتورتي النفسيه وبفكر انتحار

أنا بمر ب اسوء فتره من حياتي روحت أنا وماما لدكتوره نفسيه امبيارح وماما بس اللي دخلت ساعه كامله أنا دخلت خمس دقايق المهم أن الدكتوره النفسية قالت ل ماما أن أنا أجل الكليه السنه دي ونتابع معاها لحد ما نبقي كويسين وان حتي ماما تعبانه نفسيا وعندها صدمه نفسيه مكتومه بسببي وان أنا كمان مش طبيعية من زمان و قالت ليها أن أنا اغير تشكيل أوضتي و معتش امسك الفون غير بمرقبتها أو انام في اوضه فيها اخوتي م ببقي ليا اوضه لوحدي الموضوع بالنسبه ليا عاملي صدمه نفسيه بسبب كلامها والي هيا عايزه تعملوا فيا ومش فاهمه هل لي دكتوره عاقله تعمل كدا يعني أنا 21 سنه ولسه 4 سنين عشان اخلاص كليه هنخليهم 5 سنين يعني اتخرج 26 سنه وحاليا أنا مع ناس عارفهم ابقي مع ناس معرفهمش كمان الموضوع تعباني نفسيا جدااا و كل لحظه بفكر فيها انتحر بجد م هقدر أعيش كدا ...عرض المزيد

4 الدعم

22 نصيحة

Nutella_52552 🇪🇬

ندمانة علي ماضيي ومش عارفة ابطل ادمان العلاقات

أنا نفسي ابطل ادمان العلاقات أنا مبقتش اعرف اقعد غير وهو في راجل في حياتي وبجد أنا دلوقتي ندمانة جدا علي اني دخلت حد ميستهلنيش حياتي وعلي اني عملت حاجات غلط في التليفون معاهم بجد ندمانة ومش عارفه اعمل ايه علشان انسي وعلشان مدخلش حد حياتي بالطريقة دي وفي سوال في دماغي علطول لما اجي اتخطب اقولو علي ماضية ولا لا بجد عايزة حد يجاوبني وياريت تكون بنت علشان الرجالة هنا كلهم غرضهم حاجه وحده بس وانا مش عايزها ...عرض المزيد

0 الدعم

18 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع