زهد

Cherry_76643 🇪🇬

منذ يوم واحد

شعور غبي

عبّر عن شعورك بشكل مجهول

كنت بدعي كتير الفتره الاخيره يارب وريني حاجه تريح قلبي ف الانسان ده .. ربنا خلاني افتح واشوف وانا مقتنعه ب ده جدا لان بعد الدعوات ديه كانت طالعه بجد من قلبي لقتني بتحرك بالشكل ده .. شفت كذا حاجه شفت انه مش مرتاح وان حياته علي رغم من انه كمل وعاش وعرفت من حد قريب انهارده ده .. لكن اللي فهمته او لمسته انه مش مرتاح لسبب ما ف بيرجع يراقب .. رغم انه المفروض جرب يخوض تجربه جديده مع غيري وانا معرفتش .. بس برده لسه بيرجع .. انا محاولتش افتح قلبي تاني .. بس مظلمتوش .. هكمل انهارده تاني فصل جديد او سنة جديده لو ربنا كتبلي فيها عمر وانا عارفه اني خلاص ديه مبقتش سكتي وعايزه الكلام ده يرجع يفكرني تاني .. انه حتي لو ظهرلك ف هو مجرد خيال وراجل ضعيف .. اضعف من انه يكون اد واحده بقوتك .. مش غرور بس كم اللي مريت بيه هو مقدرش يستحمل ربعه كان طول الوقت عايز اللي يطبطب عليه وينسيه اوجاعه .. بس انا واجهت كل حاجه .. وعرفت سكة الخروج منين لوحدي .. سواء جيه حد محترم شاركني الطريق او لا .. من انهارده ربنا هو انيس لوحدتي .. قلبي خلاص زهد حبك وزهد وجودك اللي بيرهقه ومش بيعمل غير الاذي ليه .. اكيد ده مكنش حب ولا هيكون .. حتي لو رجعت اتمني مفتحلكش بابي تاني ويكون بكامل ارادتي ووعيي .. وعارفه ان لسه ربنا هيوريني فيك كل الاسي اللي خلتني اعيشه وانا مصدقه انك انسان سوي .. ربنا اللي عمره ما سابني ف اضعف حالاتي ولطف بيا كل يوم وكل ثانيه .. هو اللي بعتلي المعني والسبب اني اكمل الحياه ديه ولسه بياخد بايدي .. ربنا شاهد علي نيتي واني مكنش جوايا غير انسانه نضيفه عايزه حياه محترمه .. اتشوهت علي ايدك وف وجودك .. ورجعت تاني انسانه وبخير من غيرك .. انت مكنتش طوق نجاه زي ما انا كنت مخدوعه طول الوقت .. انبساطي هخلقه ب ايدي بعد كده مش هستني حد .. وطوق نجاتي هو ربنا وبس

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Blueberry_64034 🇪🇬

منذ 5 أشهر

شعور مكتئب

عبّر عن شعورك بشكل مجهول

هو ماينفعش نعيد من الاول الحياة.. حاسة اني جوا لعبة متاهة و وصلت لحيط سد و محتاجة ابدأ من الاول كلللل حاجة 
محتاجة ارجع عيلة صغيرة تاني
 عبيطة بتزن انها عاوزة تروح المدرسة زي اخواتها فباباها يديها كيك عشان ماتزعلش و تبطل عياط و زن 
بابا اللى مات و سابني تايهة اوووي من بعده و الدنيا عمالة تلطش فيا كأني مختارة اليتم بمزاجي 
محتاجة ابدأ من الاول اتعلم فى المدرسة اى حاجة اكيد كان فيه معلومة عن التعامل مع البني ادمين و انا مسقطاها يعني 😅
محتاجة اتعرف على صحاب يفضلوا معايا مش فى اول تجربة اكتئاب يقولوا دي نكدية !! انا زيي زيكم على فكرة كنت مش فاهمة يعني ايه اكتئاب و ليه بعيط كتير وبنام اكتر و مش عارفة اعبر عن نفسي .. انا كمان كنت عاوزة افرح لكم و افرح معاكم بافراحكم و ماكنتش هاحسدكم زي ما قولتوا و فكرتوا و الله العظيم 😓
محتاجة افهم يعني ايه حياة الكبار و انه ليه كل الناس بتدخل فى حياتك و تقررلك نجاحك من فشلك على مزاجهم .. ان الشغل مهم تؤتؤتؤ الجواز اهم تؤ لا الصحاب اهم منهم
 و انا ماعنديش حاجة منهم !! 
و بالنسبة للكل يا اما يا حرام
 يا اما دي فشلة ماتتعاملوش معاها لتعديكم 
انا حتى مافهمتش ناس كتير اووووي سابوني ليه 
و الاسوء انهم سابوني فى وسط ما بفكر ابسطهم ازاي !! فيه خيبة كدة طيب 😂
و الانقح بقا انى لسة مش عارفه انساهم ولا انسالهم الحلو اللى عملواه زى ما برضو مش ناسية الوحش 
كنت فاكرة انى فاهمة اى حاجة فى الدنيا بس طلعت مش فاهمه ولا حاجة ولا عارفه ولا بقيت حتى قادرة اوصل لاى حاجة 
ف زهدت العالم زى ما هو زاهدنى و رميت طوبة كلل حاجة في الدنيا 
و قررت استسلم للفشل و الوحدة و الصديق الصامد ( الاكتئاب) 
. كلام فى الهوا

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Apple_63739 🇪🇬

منذ 5 أشهر

شعور مستنزف

انا شخص اقدر اكون ملتزم ومنضبط جدا في الدنيا والاخرة وكله ب ارادة الله ولكن لما اقرر اني اتعلم حاجة سواء في الدنيا او في الاخرة ( ملحوظة انا اقدر اعمل روتين يومي فوق ال ٨ ساعات عشان اتعلم اي حاجة ومش بمل ) ولكن لما بعمل كدا بيجيلي وساوس اني لو بتعلم شيء دنيوي فهو حرام ( انا بحثت في مواقع موثوقة وسئل

Hazelnut_52786 🇪🇬 بص يا صاحبي، انت ربنا مديك نعمة الإرادة والمجهود، ودي حاجه كبيرة جدًا. الوساوس دي من الشيطان، هدفها تعطلك وتشوشك، فخد بالأسباب واشتغل واعمل اللي انت واثق إنه حلال وانت متوكل على ربنا. المفتاح إنك توازن بين الدنيا والدين، خليك ماشي في طريقك وانت مخلص النية، وربنا مش هيضيع تعبك

عرض الكل 8 نصيحة

Mango_25383 🇪🇬

منذ 11 شهرًا

شعور متوتر

حَتَّىٰ إِذَا ضَاقَتْ عَلَيْهِمُ الْأَرْضُ بِمَا رَحُبَتْ وَضَاقَتْ عَلَيْهِمْ أَنْفُسُهُمْ وَظَنُّوا أَنْ لَا مَلْجَأَ مِنَ اللَّهِ إِلَّا إِلَيْهِ ثُمَّ تَابَ عَلَيْهِمْ لِيَتُوبُوا ۚ إِنَّ اللَّهَ هُوَ التَّوَّابُ الرَّحِيمُ ــــــــــــــــــــــــــــــــ عن احساس الآية دي... لما يكون كل الكون

Marshmallow_50156 🇪🇬

منذ سنة واحدة

شعور لا مبالٍ

"تخيّل أن إنسانًا ما يتذكَّر كلمات أثنَيت بها عليه؛ فيُقاوم انهياره أمام زهد الآخرين به ورفضهم له! تخيل أن إنسانًا ما مرَّت عليه ساعة ضاقت به الدنيا، فيذكرك ويهرع إليك وهو يعلم أنه سيعود من عندك بغير الوجه الذي ذهب به إليك، تخيّل أن يضعك أحدهم فوق جُرحه ... فيطيب!" 🤍🤍

Orange_13700 🇪🇬

منذ سنة واحدة

شعور Bad 😞

هتمشي في طريقك وغيرك يقابلك وغيرك يسيبك فتعود في نفس الليله وقتول على الخيبه ثقيله فتغيب والغيبه طويله...... زهد مصادفه بيتخفى يستنى اما تلف اللفه ويزقك من فوق الحافه يرميك على صوت ذكرى قديمه ويفتح اكثر في جروحك ويهد ملامحك وطموحك ويعيد من ثاني فلم السما

Strawberry_15754 🇪🇬

منذ سنة واحدة

شعور Okay 😐

"المؤمن في الدنيا كالغريب لا يجزع من ذلها ولا ينافس في عزها، للناس حال وله حال."🤍

Blueberry_90305 🇪🇬

مسحت الابلكيشن ورجعت لنقطة الصفر تاني

مسحت الابلكيشن على امل اني كنت بقيت احسن بس رجعت لنقطة الصفر تاني كون اني اكون في مرحله زي دي وبرغم كل اللي حواليا دول مش لاقيه حد واحد بس اخرج معاه اللي جوايا دي حاجه مبينالي قد ايه انا علاقاتي بالناس مش حقيقيه ...عرض المزيد

1 الدعم

21 نصيحة

Apple_90294 🇪🇬

اعتراف: الجواز دلوقتي عايز رجاله مش عيال

حابه اعترف أننا دلوقتي كبنات مش فارق عندنا غير الراجل اللي يقدر يشيل مسئوليه ويفتح بيت ويبقي قد المسئولية اما بقي قصص الحب والغرام والهدايا دي بقينا بنتفرج عليها في الأفلام عندي اكتر من ثلاثه صحباتي للأسف أطلقو وكل الأسباب الطلاق الظروف الماديه مع أنهم كانو بيحبو بعض واخدين بعض عن حب بس بعد الزواج مافيش حاجه اسمها حب في حاجه اسمها تفاهم و مسئوليه تبقي أدها تبقي راجل مش إد المسئوليه خليك جنب أمك وعلي الواتس خليك تحب وتعشق علشان الجواز دلوقتي عايز رجاله تفتح بيت مش عايز عيال قاعده علي الموبيل وتندب وبس ...عرض المزيد

7 الدعم

21 نصيحة

Blueberry_90296 🇪🇬

مش عارفة أطلع مشاعري و خانقاني من العلاقات المحرمة

مش عارفة أدى فرصة للعلاقات المحرمة حاولت كتير و كل مرة بهرب زى العيلة الصغيرة ... انا نفسى فى علاقة حلال اكيد بس الخوف من انى ملاقيش حد شبهى بيخلينى ادور و دى اصلا مش مهمتى كبنت ... و المشكلة الأكبر انى مش عارفة اطلع مشاعرى خالص كأنها مقفولى بقفل حديد مش معايا مفتاحه و الموضوع دة خانقني اوى ... حد عنده حاجة يقولها بخصوص الموضوع دة ؟ ...عرض المزيد

0 الدعم

19 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع