زواج

Ice Cream_29289 🇪🇬

منذ 11 ساعة

شعور وحيد

عبّر عن شعورك بشكل مجهول

ازيكم ياشباب عاوزاه احكيلكم مشكلتي وياريت لو حد عنده حل 
انا عندي 22 سنه ومتخرجة ويشتغل الحمد لله وانا في تانيه ثانوي كنت بروح درس فيزياء عند مدرس نوعا ما صغير في السن بس هو كان طبعه شديد جدا كمدرس وكنت بخاف منه جدا وكنت مضطرة اروحله عشان هو يعرف اخويا ومامتي وكده ف كنت هتحرج اني مروحلهوش وفي نفس الوقت لو قولتلها في البيت على المبرر اللي مكنتش عاوزه اروح ليه مكنوش هيرضو اني اسيبه عشان هو ما شاء الله شاطر جدا كمدرس المهم تانيه وتالته ثانوي عدو بالعافية والحمد لله مبقتش يشوفه خالص عشان هو من منطقة واحنا من منطقه وبالنسبه لانه مدرس ومتجوز مش هيسال على طالبه عنده يعني المهم الفترة اللي كنت باخد معاه فيها كنت بحس فيه تناقض كبير في تعامله معايا ساعات يبقى بيتلكك عشان يضربني وساعات يبقى عارف اني مش مذاكرة وميرضاش يسالني ويسأل كل اللي حواليا الا انا وفي مرة والله العظيم سألني شفوي على سؤال في المنهج وجاولت فضل يسأل اسئله لحد م سال على معلومه والله مش في الكتاب ولا المذكرة هو كان قايلها معلومه عامة وانا مكتبتهاش وراه ف ده السؤال اللي غلط فيه وسط خمس أو ست اسئلة تقريبا وضربني وساعات من توتري يبقى عارف اني مش مذاكرة أو مش عامله الواجب وميرضاش يسالني المهم حمدت ربنا أن السنتين خلصو بالعافية ومن حوالي سنه كنت في عزا والد واحده صاحبتي في المنطقه اللي هو فيها ف اتقابلت مع البنات اللي كنت اعرفهم ساعة الثانويه وكده المهم بعد العزا اتمشينا شويه وجت سيرته ف قالولي ده ... طلق مراته ف بقولهم ليه قالولي أنه خلف ولد السنه اللي قبلها يعني في الفترة دي عنده سنه تقريبا وعنده ضمور في المخ وعلى طول بيكشف عليه وكده وطبعا عشان ظروف شغله مش بيعرف يروح يكشف عليه اغلب الوقت ف ديما مراته بتروح مع أمه أخته اي حد المهم أن مراته جت في مرة في أيام هو عليه فيها مراجعه وقالتله لازم تيجي معايا وهو مرضاش  وحصل حوار وهما أطلقوا بسبب الموضوع ده هي اكيد كانت شايله من قبلها بس هي بتيجي على سبب تافهه كده المهم اني قولتلهم لو بيعاملها زي م بيعامل الطلاب وزي م كان بيعاملنا حقها تتطلق (هو عنده منها بنت عندها5 سنين وطفل اللي كان عنده ضمور واتفى من فترة ) المهم انا برده مليش علاقه بيه بعد الموضوع ده بفترة لقيته كلم اخويا أنه يتقدملي وكده مع اني مشفتهوش من ايام ثانوي يعني اربع سنين تقريبا المهم كنت خائفة عشان أسلوبه وطباعه الشديده جدا كنت خائفة يبقى كده في البيت بس اهلي اقنعوني أنه اكيد في البيت مش زي الدرس ومراته حاجة تانيه والحاجات دي كلها وانا اقتنعت وصليت استخارة وحسيت اني مرتاحه وطبعا الجواز تم بسرعه جدا قعدنا 5 شهور بس خطوبه ومعملناش فرح عشان ابنه كان متوفي قريب وكمان هو عمل فرح قبل كده وغير كل ده انا مش برتاح في الزحمه واني ابقى انا محط الأنظار والكلام ده كله ف وافقت أن ميبقاش في فرح بس طبعا في اشهار والكل كان عارف وكده اتجوزت ولسه حاسه ان في مسافة كبيرة جدا بينا البس واتشيك مش عشان العلاقة انا بحب اني ابقى بطبخ وملابسه لبس كويس يعجب جوزي ومفتوح وضيق وحاجات من دي وخاصة اني مش معايا عيل ولا حاجة وبخلص شغلي واجي وهو عشان السنتر بتاعه بيجي متأخر عني بكتير ف ببقى براحتي وانا بطبخ واروق الشقة وكده قصدي ببقى مش مستعجله يعني في أول الجواز حاجة دي دي جديده عليا اني اطبخ واروق وكده وفي نفس الوقت لابسه ومتشيكه وكل حاجة مظبوطه الاقيه بيجي ياكل ويعد يعمل شيتات وامتحانات والكلام ده انا ببقى نفسي في كلمه والله بس مش اكتر ومش هتاخد منه وقت ولا حاجة حتى بحسه مش بيبص مش مبهور زي م كنت مستنيه كأنه متعود على كده ف قولت اكيد عشان كان متجوز قبل كده وممكن يكون متعود على المنظر وكده يجي بعد م يخلص شغل في البيت أقوله عملت ايه انهارده يقولي هعمل ايه يعني شرحت مع أن ايام م كنت طالبه عنده كان في كل مجموعه مشكله وحوار بيحصل بس مبقولش اي حاجة 
في واحد صاحبه مدرس كنت باخد عنده برده كيميا اتفاجئت أنهم قاطعوا بعض من فترة عرفت من واحده صاحبتي واضافت جدا أنه محكاليش ولا جاب سيرة الموضوع  حاسه علاقتنا بعيده جدا حتى هو مش بيسال بيسيبلي فلوس الصبح وانا بروح شغلي واجيب حاجة البيت واجي اعمل الاكل واروق وناكل ويعد كل واحد في حته مضايقة بجد من العلاقة دي وعشان هو تعبان ف بينما بدري طبعا وبيصحى الفجر يعد بقى مش بينام ف أقوله مبتصحنيش نعد مع بعض شويه ليه يقولي عادي بنته بتيجي عندنا يوم ويوم تعد شويه بعد شغله والله العظيم بعاملها كويس جدا ك معامله واكل وشرب وهدايا والكلام ده كله بس هي واخده طباع ابوها كلها تعد تقوله دي وحشه وماما احلى يقولها ماشي وعادي والكلام ده كله مع اني في الملامح والجسم احلى من طليقته بس هو اصلا مش بيحب حد ولا ببعجبه حد سواء انا أو طليقته وشاكه اصلا أنه كان عايش نفس العيشه دي مع طليقته وده سبب الطلاق بس هي استحملت خمس سنين انا مبقتش قادرة حاسه اني جايه اخدمه وأشوف طلباته وخلاص انا في بيت ابويا كنت باجي من شغلي انام واصحى اكل واعد بجد مش دي الحياه اللي كنت عاوزاها خالص كنت عاوزه حد يبقى حنين عليا وبيحبني ويسمعني كنت عاوزه اختار بيتي لنفسي مش اروح اشوف بيته اللي كان عايش فيه مع مراته كنت عاوزه لما بنته تقوله دي وحشه يقول في حقي كلمه حلوة 
اكتر سبب خلاني اوافق عليه أنه لما جه اتقدم بعد اربع سنين مشافنيش ولا يعرف عني حاجة وكمان علاقته باخويا مش صحاب هما ممكن يتقابلو مرة كل سنه مثلا عشان طبعا احنا في منطقه وهو في منطقه المهم اني  قولت اكيد كان معجب بيا مثلا ف لما طلق جالي وكنت متخيلة بقى اني هشوف تعويض عن أي حاجة بايخة حصلت ايام ثانوي كمان ساعات لما النقاش يتحد بينا على اي حاجة بشوفه المستر اللي كنت بروح عنده درس تلاقيه بيزعق بطريقة تخوف واحسه هيضربني بصراحة ف بخلص الموضوع وبعتزر كمان بس ببقى مضايقة اوي واحس اني مكسورة 
 حياتي بجد كئيبه اوي ومفيش خروج ومفيش جواز اصلا وفي نفس الوقت خايفة أطلق بعد سنه واحده بس جواز وأقل كمان وحاولت معاه كتييير أنه يتكلم معايا بس بس هو الاجابه أقل من السؤال بكتير وسالت أخته بطريقة مش مباشرة قالتلي هو كده ومش بيحكي حاجة لو انتو مكاني هتعملو ايه وياريت راجل يقولي سبب معاملته دي ايه 
بس محدش يقول إنه بيحب طليقته عشان هو اصلا مبعرفش يحب هو كل حياته جد كده كنت هسال طليقته صحيح قبل م اتجوز عن سبب الطلاق والسبب اللي خلاها تطلق على سبب فارغ بس كان ابنها لسه متوفي ف مرضتش اسالها

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Orange_56942 🇪🇬

منذ يومين

شعور غبي

ليه في مجتمعنا الرجل لما يتجوز واحدة أصغر منه يبقى الموضوع عادي وطبيعي.... لكن لو البنت اتجوزت راجل أصغر منها تبقى حاجة غريبة وكأنها خط أحمر - even لو الراجل محترم ذو خُلق، مسؤول، وكل صفاته حلوة، وكمان بيشتغل وظيفة مرموقة ؟ مع إن الدين والتاريخ نفسهم بيقولوا إن السن عمره ما كان معيار... الرسول اتج

Heart_88586 🇪🇬

منذ 3 أيام

شعور مرتبك

ممكن اعرف رأيكم فى حاجه فيها خلاف بينى وبين اصحابى واهلى وانا فى حيره انا منفصله وفى شخص بيحاول يكلمنى بهدف اننا نتعرف ونتربط رسمى لانه بيدور على زوجه تانيه ومش بيبطل محاولات و هو متجوز وعنده بنت انا طول الوقت ببعد عنه بكل الاشكال ومفيش فايده انا كل تفكيرى ان مش عايزة اوجع واظلم ست تانيه او أتسبب

Orange_56942 🇪🇬

منذ 3 أيام

شعور لا مبالٍ

ليه في مجتمعنا الرجل لما يتجوز واحدة أصغر منه يبقى الموضوع عادي وطبيعي… لكن لو البنت اتجوزت راجل أصغر منها تبقى حاجة غريبة وكأنها خط أحمر—even لو الراجل محترم، ذو خُلق، مسؤول، وكل صفاته حلوة، وكمان بيشتغل وظيفة مرموقة؟ مع إن الدين والتاريخ نفسهم بيقولوا إن السِن عمره ما كان معيار… الرسول ﷺ اتجوز ال

Banana_88722 🇪🇬

منذ 3 أيام

شعور ضائع

عبّر عن شعورك بشكل مجهول

عايز احكي حاجه شخصيه 
موضوع حساس جدا بالنسبالي فا ملاقيتش انسب من المكان دا 
معلومات عني انا عندي 24سنه لوحدي في الدنيا شغال اونلاين فري لانسر شخص هادي مع اني مش من بيئه كويسه بس مليش خلطه غير بناس كويسه المهم و انا عندي 21 في بنت قربت مني و انا لسه طالع من ريليشن 3سنين و متدمر و كانت بتوهمني انها بتحبني جدا و مع اني كنت مركز في شغلي و مبفكرش في موضوع الارتباط و كدا بس هي كانت ديما بتحاول محبتش اخذلها و قولتلها اني معنديش طاقه لريليشنز و قررت احققلها حاجه هي كانت بتتمناها تحصل بعد كام سنه... ايوا اتقدمتلها و خلال شهر كنا اتجوزنا و انا اللي جبت كل حاجه كا واحد عندو واحد و عشرين سنه خدتني من ورا اهلي هي و امها عشان امضي ع قايمه و انا مكنتش فاهم يعني ايه قايمه اصلا وقتها بس لما قالتلي انها الوحيده اللي تقدر تستخدمها و ثق فيا مضيت.. مضيت علي قايمه فاضيه كانت كفليه تاخد كل حاجه جبتها و شقي عمرى كلو مع العلم ان انا مبخدش الجنيه من اهلي كلو من مجهودي و دماغي ، بعد الجواز علطول اتغيرات خالص و خلال شهرين كانت بتزن علي الطلاق و بعدها اكتشفت خيانتها و انها كانت بتنزل تروح نادي مساج تشتغل و تقولي رايحه لاختي و فضلت ورايا لحد مدفعتني كل حاجه و خسرتني شغل و كسرت جوايا حاجات كتير لانها كانت واخداني مصلحه من الاخر و انا بعد سنه من الموضوع دا قومت علي رجلي تاني العيشه كشخص مستقل لوحده صعبه اوي بجد ، و معظم البنات دلوقتي بتلعب باللي قدامها و بس حد عندو فكره ازاي اللاقي واحده بنت حلال تكون عايزه تعيش فعلا ، انا شغلي معظمو اونلاين و عندي طموح عالي عايز حد يدعمني و يجاريني اللاقيه فين بس

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Watermelon_87074 🇪🇬

منذ 3 أيام

شعور مرتبك

ازيكم يا جماعه عاملين ايه انا محتاره في أمر ما و محتاجه نصيحه منكم انا متجوزه و حصلت مشاكل بيني و بين جوزي و وصلت لي محاكم بس هو من فتره جه و طلب صلح في البيت و بعدها طلب صلح في المحكمه و انا وافقت علي الصلح علشان عندي عيال منه و هم صغيرين و هو من اول الجواز و هو كويس معايا اوي بس اخر سنه دي هي الي

Peanut_74196 🇪🇬

منذ 3 أيام

شعور آسف

نوعين من البنات ما تحاولش تتجوز منهم أول نوع البنت اللي ما حيلتهاش غير جسمها اللي كل حتة فيها بتشع أنوثة فيه بنت مجرد ما تعرف إنها حلوة وجميلة وكل العيون بتبصلها وكله بقى ملاحظ أنوثتها بتلاقيها تركن عقلها على جنب وبيفضل كل شغلها الشاغل هو جسمها وشكلها اللي بقوا ملفتين واللي لازم تطورهم دايمًا

Chilli_88044 🇪🇬

منذ 4 أيام

شعور قلق

البوست طويل شويه محتاج رأيي البنات انا معايه سوبر ماركت واحنا من قريه في الصعيد انا كنت قافل باب الارتباط وبكبر من نفسي ومن شغلي والحمد لله مبتدي من تحت السفر وربنا وسعها عليا والحمد لله دلوقت الدنيا ماشيه بحكم موقع السوبر ماركت بتدخل عندي بنات كتير وعادي الدنيا لحد ما دخلت عندي بنت منتقبه شغلت دماغ

Orange_86778 🇪🇬

منذ 4 أيام

شعور ضائع

مساء الفل... حد جرب قبل كدا يقدم او يروح مكاتب للزواج الحلال عادي حد جرب الموضوع دة او يعرف حد جربه عشان جي معايا اعمل كدا عشان زهقت من كتر ما مش لاقي حد مناسب فا قولت اقدم و هما يرشحولي ناس اي رايكم ؟!

Watermelon_87074 🇪🇬

منذ 5 أيام

شعور ضائع

ازيكم ياجماعه عملين ايه انا محتاجه نصيحه منكم انا متجوزه و حصل بيني و بين جوزي مشاكل بسبب واحده معاه في الشغل هو بيكلمها عليا و روحت لي بيت اهلي و كان في قضايا هو رفعها عليا و بعدها طلقني بس انا حاليا في شهور العده و معايا منه طفلين تؤم هو حاليا اتنازل عن القضايا الي رفعها عليا و عايز يصلح و نرجع ال

Peanut_74196 🇪🇬

منذ أسبوع واحد

شعور مذنب

الزواج يساعد الشباب من التخلص بنسبة ٩٠٪ من ذنوبهم، لهذا بالله عليكم عجلوا زواجكم، فأنتم لستم حمل هذه الذنوب. د. حازم شومان. lllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllllll

Nutella_88593 🇪🇬

منذ أسبوع واحد

شعور مكسور القلب

أنا حاسة اني استويت خلاص أول مرة من يوم ما بدأت أقعد مع عرسان من 8 سنين أحسن إني عاوزة اتجوز .. شكلي جميل وشغلي كويس ويكمل ماجستير بس خلاص تعبت من كل دا .. معنتش عاوزة الحياة دي 💔 مبقتش عارفة استمتع بكل الحاجات الي كنت بحبها زمان عاوز اعيش مشاعر جديدة عاوزة أحس بالونس .. اهلي جنبي كويسين معايا ومش

Chilli_37371 🇪🇬

منذ أسبوعين

شعور مرتبك

هل فيها مشكلة لو عايز اتجوز أخت صاحبي ؟ قبل ما حد يفهمني غلط و الله عمري ما كلمتها و لا جبت حتي سيرتها قدام حد و مشوفتهاش غير مرة واحدة في حياتي تقريبا ، كل الحكاية اني شايف انهم بيت محترم جدا و متربيين كويس و متدينين ، اي اللي المفروض أعمله و هو هيستقبل الموضوع ازاي ؟

Strawberry_80896 🇪🇬 على البيت على طول، ربنا ييسر أمرك يا رب

عرض الكل 7 نصيحة

Coffee_34591 🇪🇬

منذ أسبوعين

شعور عاطفي

مساء الخير لو هتقدم ل واحده صالونات بس انا عايز اكلمها في حاجات معينه مهمه اوووووي ليا بعد الجوا.ز حتي لو الحاجه دي مش مظبو.طه اقدر اتكلم معاها امته عشان هي لو مش موافقه مش هكمل اتكلم امته؟! طمظززظبظلظىظزلمبدبظبظبظللظىظىظظىىظىظرظىظى ى ىز ززظككزز

Corn_78398 🇪🇬

منذ أسبوعين

شعور متعب

دلوقتي لو متقدملك اتنين واحد دكتور اسنان هيعيشك ملكه حرفيا بكل ما تشمله الكلمه من معنى مكانه اجتماعيه عاليه بس شخصيته ضعيفه عايز اللى ياخد أى قرار مكانه بس هينفذ اللى عايزاه من قبل حتى ما تقوليه والتانى مهندس كمبيوتر وصاحب شركه شخصيته قويه وف نفس الوقت حنين وطيب بس روحه ف شغله وممكن ينسب نفسه شخصيا

Apple_58349 🇪🇬 دكتور الاسنان دا مبيبقاش شخصيه ضعيفه لا دا يعني اي عارفه الل مفتقد حنان وسند وكده هو كده بالظبط وهيريحك ولو على الصلاة فانتي زقيه عليها ف المسجد المهم انو بيصلي اختار بتاع الاسنان

عرض الكل 10 نصيحة

Ice Cream_29289 🇪🇬

جوازي من مدرس ثانوي قديم وعلاقتنا بعيدة.. حياتي كئيبة

ازيكم ياشباب عاوزاه احكيلكم مشكلتي وياريت لو حد عنده حل انا عندي 22 سنه ومتخرجة ويشتغل الحمد لله وانا في تانيه ثانوي كنت بروح درس فيزياء عند مدرس نوعا ما صغير في السن بس هو كان طبعه شديد جدا كمدرس وكنت بخاف منه جدا وكنت مضطرة اروحله عشان هو يعرف اخويا ومامتي وكده ف كنت هتحرج اني مروحلهوش وفي نفس الوقت لو قولتلها في البيت على المبرر اللي مكنتش عاوزه اروح ليه مكنوش هيرضو اني اسيبه عشان هو ما شاء الله شاطر جدا كمدرس المهم تانيه وتالته ثانوي عدو بالعافية والحمد لله مبقتش يشوفه خالص عشان هو من منطقة واحنا من منطقه وبالنسبه لانه مدرس ومتجوز مش هيسال على طالبه عنده يعني المهم الفترة اللي كنت باخد معاه فيها كنت بحس فيه تناقض كبير في تعامله معايا ساعات يبقى بيتلكك عشان يضربني وساعات يبقى عارف اني مش مذاكرة وميرضاش يسالني ويسأل كل اللي حواليا الا انا وفي مرة والله العظيم سألني شفوي على سؤال في المنهج وجاولت فضل يسأل اسئله لحد م سال على معلومه والله مش في الكتاب ولا المذكرة هو كان قايلها معلومه عامة وانا مكتبتهاش وراه ف ده السؤال اللي غلط فيه وسط خمس أو ست اسئلة تقريبا وضربني وساعات من توتري يبقى عارف اني مش مذاكرة أو مش عامله الواجب وميرضاش يسالني المهم حمدت ربنا أن السنتين خلصو بالعافية ومن حوالي سنه كنت في عزا والد واحده صاحبتي في المنطقه اللي هو فيها ف اتقابلت مع البنات اللي كنت اعرفهم ساعة الثانويه وكده المهم بعد العزا اتمشينا شويه وجت سيرته ف قالولي ده ... طلق مراته ف بقولهم ليه قالولي أنه خلف ولد السنه اللي قبلها يعني في الفترة دي عنده سنه تقريبا وعنده ضمور في المخ وعلى طول بيكشف عليه وكده وطبعا عشان ظروف شغله مش بيعرف يروح يكشف عليه اغلب الوقت ف ديما مراته بتروح مع أمه أخته اي حد المهم أن مراته جت في مرة في أيام هو عليه فيها مراجعه وقالتله لازم تيجي معايا وهو مرضاش وحصل حوار وهما أطلقوا بسبب الموضوع ده هي اكيد كانت شايله من قبلها بس هي بتيجي على سبب تافهه كده المهم اني قولتلهم لو بيعاملها زي م بيعامل الطلاب وزي م كان بيعاملنا حقها تتطلق (هو عنده منها بنت عندها5 سنين وطفل اللي كان عنده ضمور واتفى من فترة ) المهم انا برده مليش علاقه بيه بعد الموضوع ده بفترة لقيته كلم اخويا أنه يتقدملي وكده مع اني مشفتهوش من ايام ثانوي يعني اربع سنين تقريبا المهم كنت خائفة عشان أسلوبه وطباعه الشديده جدا كنت خائفة يبقى كده في البيت بس اهلي اقنعوني أنه اكيد في البيت مش زي الدرس ومراته حاجة تانيه والحاجات دي كلها وانا اقتنعت وصليت استخارة وحسيت اني مرتاحه وطبعا الجواز تم بسرعه جدا قعدنا 5 شهور بس خطوبه ومعملناش فرح عشان ابنه كان متوفي قريب وكمان هو عمل فرح قبل كده وغير كل ده انا مش برتاح في الزحمه واني ابقى انا محط الأنظار والكلام ده كله ف وافقت أن ميبقاش في فرح بس طبعا في اشهار والكل كان عارف وكده اتجوزت ولسه حاسه ان في مسافة كبيرة جدا بينا البس واتشيك مش عشان العلاقة انا بحب اني ابقى بطبخ وملابسه لبس كويس يعجب جوزي ومفتوح وضيق وحاجات من دي وخاصة اني مش معايا عيل ولا حاجة وبخلص شغلي واجي وهو عشان السنتر بتاعه بيجي متأخر عني بكتير ف ببقى براحتي وانا بطبخ واروق الشقة وكده قصدي ببقى مش مستعجله يعني في أول الجواز حاجة دي دي جديده عليا اني اطبخ واروق وكده وفي نفس الوقت لابسه ومتشيكه وكل حاجة مظبوطه الاقيه بيجي ياكل ويعد يعمل شيتات وامتحانات والكلام ده انا ببقى نفسي في كلمه والله بس مش اكتر ومش هتاخد منه وقت ولا حاجة حتى بحسه مش بيبص مش مبهور زي م كنت مستنيه كأنه متعود على كده ف قولت اكيد عشان كان متجوز قبل كده وممكن يكون متعود على المنظر وكده يجي بعد م يخلص شغل في البيت أقوله عملت ايه انهارده يقولي هعمل ايه يعني شرحت مع أن ايام م كنت طالبه عنده كان في كل مجموعه مشكله وحوار بيحصل بس مبقولش اي حاجة في واحد صاحبه مدرس كنت باخد عنده برده كيميا اتفاجئت أنهم قاطعوا بعض من فترة عرفت من واحده صاحبتي واضافت جدا أنه محكاليش ولا جاب سيرة الموضوع حاسه علاقتنا بعيده جدا حتى هو مش بيسال بيسيبلي فلوس الصبح وانا بروح شغلي واجيب حاجة البيت واجي اعمل الاكل واروق وناكل ويعد كل واحد في حته مضايقة بجد من العلاقة دي وعشان هو تعبان ف بينما بدري طبعا وبيصحى الفجر يعد بقى مش بينام ف أقوله مبتصحنيش نعد مع بعض شويه ليه يقولي عادي بنته بتيجي عندنا يوم ويوم تعد شويه بعد شغله والله العظيم بعاملها كويس جدا ك معامله واكل وشرب وهدايا والكلام ده كله بس هي واخده طباع ابوها كلها تعد تقوله دي وحشه وماما احلى يقولها ماشي وعادي والكلام ده كله مع اني في الملامح والجسم احلى من طليقته بس هو اصلا مش بيحب حد ولا ببعجبه حد سواء انا أو طليقته وشاكه اصلا أنه كان عايش نفس العيشه دي مع طليقته وده سبب الطلاق بس هي استحملت خمس سنين انا مبقتش قادرة حاسه اني جايه اخدمه وأشوف طلباته وخلاص انا في بيت ابويا كنت باجي من شغلي انام واصحى اكل واعد بجد مش دي الحياه اللي كنت عاوزاها خالص كنت عاوزه حد يبقى حنين عليا وبيحبني ويسمعني كنت عاوزه اختار بيتي لنفسي مش اروح اشوف بيته اللي كان عايش فيه مع مراته كنت عاوزه لما بنته تقوله دي وحشه يقول في حقي كلمه حلوة اكتر سبب خلاني اوافق عليه أنه لما جه اتقدم بعد اربع سنين مشافنيش ولا يعرف عني حاجة وكمان علاقته باخويا مش صحاب هما ممكن يتقابلو مرة كل سنه مثلا عشان طبعا احنا في منطقه وهو في منطقه المهم اني قولت اكيد كان معجب بيا مثلا ف لما طلق جالي وكنت متخيلة بقى اني هشوف تعويض عن أي حاجة بايخة حصلت ايام ثانوي كمان ساعات لما النقاش يتحد بينا على اي حاجة بشوفه المستر اللي كنت بروح عنده درس تلاقيه بيزعق بطريقة تخوف واحسه هيضربني بصراحة ف بخلص الموضوع وبعتزر كمان بس ببقى مضايقة اوي واحس اني مكسورة حياتي بجد كئيبه اوي ومفيش خروج ومفيش جواز اصلا وفي نفس الوقت خايفة أطلق بعد سنه واحده بس جواز وأقل كمان وحاولت معاه كتييير أنه يتكلم معايا بس بس هو الاجابه أقل من السؤال بكتير وسالت أخته بطريقة مش مباشرة قالتلي هو كده ومش بيحكي حاجة لو انتو مكاني هتعملو ايه وياريت راجل يقولي سبب معاملته دي ايه بس محدش يقول إنه بيحب طليقته عشان هو اصلا مبعرفش يحب هو كل حياته جد كده كنت هسال طليقته صحيح قبل م اتجوز عن سبب الطلاق والسبب اللي خلاها تطلق على سبب فارغ بس كان ابنها لسه متوفي ف مرضتش اسالها ...عرض المزيد

2 الدعم

15 نصيحة

Candle_73846 🇪🇬

مش نازله مع صحابي هروح اعمل بشاميل واقعد

اوكي مش هنزل مع صحابي 😃هيضربوني بس مش نازله هروح اعمل بشاميل واقعد زي الشاطره وبس تعالو نكدب كدبه وحده بتتمنو تبقي حقيقه انا اخدت حزمه شياو البنت الي نازله ف فري فاير ااااااااااااااااااااااااااااااااااااااااااااااااااااااااااااااااااااا ...عرض المزيد

2 الدعم

13 نصيحة

Strawberry_77918 🇪🇬

عايزة أتعلم عن الإسلام بالتفصيل من كل ناحية

لو حد عايز يتعلم عن الاسلام بالتفصيل من كل ناحيه و يعرف كل حاجه في الدين زى دراسه مش مجرد معرفه و خلاص ايه الكتب أو الفيديوز مثلا بلايليست على اليوتيوب ترشحولى انى اشوفها محدش يدخل يسألنى انا كام سنه و عايزة اعرف ليه و بدرس ايه لان دا ميخصكش في حاجه اللى عنده اقتراحات او نظام معين امشي عليه هكون شاكرة ليه جدا بدون الدخول في تفاصيل شخصيه ...عرض المزيد

2 الدعم

13 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع