سبب الحياة

Marshmallow_69067 🇪🇬

منذ أسبوع واحد

شعور آسف

عبّر عن شعورك بشكل مجهول

مشكلتى انى دايما في صراع بين أحلامى وسبب وجودى في الحياة.. هل الدنيا مستاهلة تمسكنا بيها النزاع عليها بالشكل دا؟!..
يمكن لأننا مش فاهمين إحنا هنا ليه نسينا.. بطلوا يقولولنا  .. سباق الحياة نسى الناس كلها هى هنا ليه..
الألم.. بسبب إننا ملهيين طول الوقت بالدنيا وتعساء بسبب حاجات او أشخاص نسينا إننا ماشيين..
ربنا لما بيحب عبد والعبد دا ملهى في الدنيا ربنا بيستخلصه بالألم بالبلاء بيفكرة بضعفه وإحتياجه لله 
 أغلب امراضنا النفسية بتكون بسبب كبر الدنيا في قلوبنا فاااا بنزعل اوى وبنفرح اوى وبنتصدم اوى بندى كل شعور في الدنيا أكبر من حجمه وهى كلها ع بعضها لا تساوى جناح بعوضة..
وارد نكون فاهمين كل الكلام دا بس برضو مش عارفين نتحكم في رغباتنا فمش بيبقى فيه سبيل إلا البلاء عشان تطهرنا..
الإنسان الى بيكون ملهى فالدنيا وغرقان فيها من غير م ربنا يبتليه دااكيد اكيد ربنا مش بيحبه وتاركه لنفسه ايوا فيه ناس ربنا مغرقهم نعم وهما صالحين وكل حاجة بس دى ناس قريبة اوى من ربنا فهمت الدنيا لكن الأغلب علامة حب الله لعبده هو البلاء وفي اشد م يتمناه قلبه.. 
الألم الى بحسه وبتحسه مش عقاب دا زى م يكون قدامك كوباية فيها مياة معكرة وات تفضل تفضل تصب مياة نضيفة لحد م كل الكباية تبقى مياة نضيفة دا حالنا إحنا كمان..
ربنا أعلم بقلوب عباده وايه الى ممكن يفوقهم كل الكلام دا مش معناه أننا لما هنفهم الحكمة هنبطل نتمنى او هنبطل نتألم بالعكس هنتمنى بس وإحنا مسلمين إن ربنا هيرزقنا بالى احنا محتاجينه والمناسب لنا هنتعلم إن الألم كفارة القلب .. و إن الاصل إنها مش بتاعتنا كل م فيها مش بتاعنا إحنا شوية وكلنا ماشيين..

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Watermelon_40020 🇪🇬

ليه مفيش حد بيكلم بنت معينة في الجروب؟

عندي سؤال للولاد لو انتو مثلا جروب ولاد و بنات و تكونوا بتكلموا كل البنات الي في الجروب ده معادا بنت واحده بتكون زي مهمشه كده مفيش حد بيفكر يكلمها او كده مع انها زيها زي باقي البنات الي في الجروب ده، في الغالبيه ممكن تكون هادية شويه بس ليه بردو؟ ...عرض المزيد

7 الدعم

28 نصيحة

Blueberry_69403 🇪🇬

صدمت من دكتورتي النفسيه وبفكر انتحار

أنا بمر ب اسوء فتره من حياتي روحت أنا وماما لدكتوره نفسيه امبيارح وماما بس اللي دخلت ساعه كامله أنا دخلت خمس دقايق المهم أن الدكتوره النفسية قالت ل ماما أن أنا أجل الكليه السنه دي ونتابع معاها لحد ما نبقي كويسين وان حتي ماما تعبانه نفسيا وعندها صدمه نفسيه مكتومه بسببي وان أنا كمان مش طبيعية من زمان و قالت ليها أن أنا اغير تشكيل أوضتي و معتش امسك الفون غير بمرقبتها أو انام في اوضه فيها اخوتي م ببقي ليا اوضه لوحدي الموضوع بالنسبه ليا عاملي صدمه نفسيه بسبب كلامها والي هيا عايزه تعملوا فيا ومش فاهمه هل لي دكتوره عاقله تعمل كدا يعني أنا 21 سنه ولسه 4 سنين عشان اخلاص كليه هنخليهم 5 سنين يعني اتخرج 26 سنه وحاليا أنا مع ناس عارفهم ابقي مع ناس معرفهمش كمان الموضوع تعباني نفسيا جدااا و كل لحظه بفكر فيها انتحر بجد م هقدر أعيش كدا ...عرض المزيد

4 الدعم

22 نصيحة

Nutella_52552 🇪🇬

ندمانة علي ماضيي ومش عارفة ابطل ادمان العلاقات

أنا نفسي ابطل ادمان العلاقات أنا مبقتش اعرف اقعد غير وهو في راجل في حياتي وبجد أنا دلوقتي ندمانة جدا علي اني دخلت حد ميستهلنيش حياتي وعلي اني عملت حاجات غلط في التليفون معاهم بجد ندمانة ومش عارفه اعمل ايه علشان انسي وعلشان مدخلش حد حياتي بالطريقة دي وفي سوال في دماغي علطول لما اجي اتخطب اقولو علي ماضية ولا لا بجد عايزة حد يجاوبني وياريت تكون بنت علشان الرجالة هنا كلهم غرضهم حاجه وحده بس وانا مش عايزها ...عرض المزيد

0 الدعم

18 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع