شخصية مهزوزة

Coconut_68881 🇪🇬

منذ أسبوعين

شعور ضائع

عبّر عن شعورك بشكل مجهول

السلام عليكم 
شوية فضفضة بس كدا عشان اطلع الكلام الي جوايا 
انا في فترة من فترات حياتي تحديدا لحد قبل الجامعة بالظبط انا شخصيتي كانت قوية جدا و عندي ثقة بالنفس رهيبة جدا غير اني كنت بعمل فلوس محترمة جدا من الفري لانس و كنت مهتم جدا بصحتي و كان عندي صحاب و معارف كتير جدا و علاقتي بربنا كانت كويسة جدا و كنت اجتماعي فشخ جت فترة ثانوية عامة قررت اخد بريك السنة دي من الشغل والكلام دا كله و طبعا شوية ضغط من اهلي ان لازم اركز السنة دي عشان الفلوس مش هتيجي غير بشهادتي لما ادخل كلية حلوة و ان الفلوس الي بعملها دي ملهاش لازمة ( انا كنت بعمل فلوس اكتر من والدي بالمناسبة) المهم فعلا خدت السنة دي بريك و ذاكرت و عملت الي عليا عشان ادخل الكلية الي نفسي فيها الي ليها علاقة بالمجال الي بحبه و شغال بيه بس كان نظام جديد بقى نظام التابلت و لسة اول دفعة يتطبق عليها بس ربنا مأرادش و للاسف جاتلي كلية مش حاببها و بعدين حاولت ارجع للشغل تاني معرفتش كنت نسيت كل حاجة و كل الي بنيته راح و كان لازم ابدا من الصفر و الناس الي كنت اعرفها معظمهم بعدو عني و بقو يتجاهلوني بعد ما كان كله بيتخانق مين يصاحبني او يكلموني طول اليوم مكنش عندي مشكلة اوي لاني كنت معتمد اني بعمل معظم الحاجة لوحدي بس فكرة ان كتير كانو صحابي و يشوفوني ف الشارع و يطنشوني بدون سبب كانت غريبة شوية بالنسبالي خصوصا اننا متكلمناش بقالنا فترة و مفيش حاجة حصلت عشان يتصرفو كدا و كل دا انا كنت ساعتها نفسيتي وحشة بسبب الثانوية العامة و للاسف راكمت كل الحاجات دي مع بعض و عيشت دور الضحية و مبدأتش حتى ارجع اشتغل من اول تاني و حاليا بعد ٣ سنين ف الكلية حاسس اني واقف من ساعتها ف حياتي مبقتش بعرف اعمل فلوس و لسة مبدأتش لحد دلوقتي و شخصيتي بقت مهزوزة و بقيت انطوائي بعد ما كنت بدخل المكان اصاحب المكان كله و بقيت حاسس اني مليش مزاج اكلم حد دايما و مش عايز اتعامل مع بني ادمين و اهتمامي بنفسي قل جدا و الحالة المادية برضو يعني باظت خالص الحمدلله و مش عارف اتعايش من ساعتها و كل م احاول ابدا من جديد مش بكمل اسبوع و برجع زي الاول و مش عايز اتعامل مع بشر ولا ابدا مع نفسي و ارجع عيش دور الضحية و مبقتش بعمل حاجة غير سكرول ع الفون وبنزل مع كام واحد صحابي و خلاص و للاسف حتى اني انزل اقعد ف مكان لوحدي او اعمل حاجة لوحدي بقت تقيلة جدا بالنسبالي و بقيت بحس ان لما بكلم حد بيبقى مشفق عليا ( ممكن يكون عادي مفيش حاجة بس انا نظرتي كدا بسبب حالي الي اتغير ف بحسه مشفق عليا ) وبعد ما كان عندي اتيتيود و كله لما اتكلم يبص عايز يسمعني بقيت بحس اني مهمش ممكن اتكلم و الي قدامي ميسمعنيش اصلا و مبقتش بعرف ارد حتى ع ابسط الجمل و حاسس اني محبوس ف ال comfort zone 
 
كنت محتاج افضفض شوية و اسمع منكو نصايح ممكن اعمل اي عشان اعرف ارجع كل دا تاني و ميأسش من المحاولة كل شوية

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Kiwi_62870 🇪🇬

منذ 4 أشهر

شعور محبط

قعدت سنين ببنى نفسي نفسيا بعد أزمة عاطفيه حصلتلى ونا 19 سنه وبعد 4 سنين ببنى نفسي وبحصن نفسي واهتميت بدراستى وشغلى وهواياتى وجا شخص بعد تخرجى شجعنى ابدا معاه بيتى وبعد إلحاح فتره كبيره لاقيتنى مريت بنفس الازمه ولكن اصعب واوحش كل حاجه بنيتها فى شخصيتى وكل حاجه حلوة حوشتها وكل طاقتى راحت وقعت ومش عارف

Mango_55973 🇪🇬

منذ 5 أشهر

شعور مكتئب

موضوع:

ايه الحاجة لو اختفت من حياتك او مكانتش حصلت كنت هتبقي احسن

أهلي علشان هما اكتر ناس اذوني في حياتي من اول ما وعيت علي الدنيا واحنا في مشاكل وقرف واللي يسوي واللي ميسواش يدخل في حياتنا فكنت بروح عند جدتي وعماتي ودول بقي اكتر اذوني بعد ابويا وأمي كانوا ديما بيتريقوا عليا ويشخطوا فيا ويقللوا مني قدام الناس كلهم مش سالكين ومش بيحبوني مش عارف ليه وفي الآخر طلعت ا

Chocolate_55964 🇪🇬 هي اول حاجه ما تديش اهتمام لحد ما تتلقلقش في الكلام مع اي حد خلي كلامك قليل قوي يعلي صوته علي صوتك عليه يعني تعوج على كل الناس اللي شايفها مش جايه معاك

عرض الكل 11 نصيحة

Donut_81901 🇪🇬

مشاعر متلخبطه بعد الطلاق.. عاوزه يحس بقيمتي

بعد الطلاق مبسوطه ومش مبسوطه مشاعر كتير متلخبطه ده مش معناه اني عاوزة ارجع بس يرده عاوزاه يحس بقيمتي وبكل اللي كنت بعمله علشانه بس عاوزة احب واتحب حاسه انه مستحيل وانا معايا ولاد لو كلمت حد يبقي كلامه كله خارج او بيفكر ان المطلقه فريسه سهله معيطتش في حضن حد علي عمري اللي عدى رغم اني كنت باينه قويه بس كنت محتاجه انهار بس ملقتش حد ممكن اعمل كده في حضنه ناس كانت فاكرة اني لو عيطت ابقي ندمانه وده صعب يتندم عليه بس عمري اللي عدى وسنين راحت كنت محتاجه انفصل بدري الاقي فرصه جديدة اعيش في حب وراحه وامان كتير بسال نفسي هي خلاص حياتي وقفت كده وحزعل لو عرفت انه اتجوز وخابفه العمر يجري اكتر فرص كل حاجه راحت شغل وحب وجواز كتبر بسال نفسي هو انا كان المفروض اتحمل علشان البديل مش حلو ولا انا كده صح وفي حاجه تهدى من وجع قلبي يمكن علشان كتمت الوجع وعملت نفسي جدعه حاسه انه بيطلع عليا ...عرض المزيد

3 الدعم

29 نصيحة

Pear_51536 🇪🇬

زعلانه علي نفسي وبتمني زوج صالح يطبطب عليا

زعلانه علي نفسي اوي حرفيا قلبي زعلان بتمني حاجات كتير و حاجات اصلا طبيعيه ولا حاجه بتحصل منهم نفسي اكون بيت و اسره هاديه و جميله نفسي ف زوج صالح بجد يكون عوض ليا انا اتحرمت من بابا .. نفسي ف زوج يخاف عليا و يحبني و يموت فيا انا انا وبس و يملي عيني حرفيا محتاجه زوج صالح بتمني كده من وانا صغيره و تعبت انا 27 سنه و نفسي ف حد يطبط عليا .. ادعولي من قلبكوا و لكم المثل لان نفسيتي زي الزفت بسبب كده... و انا مش كاتبه كده عشان حد يدخل يتقدم ادعولي بس من قلبكوا ...عرض المزيد

8 الدعم

24 نصيحة

Marshmallow_69067 🇪🇬

مش بحب عيد ميلادي.. كل سنة وانا طيبة

انا مبحبش يوم عيد ميلادى بس هو النهاردة ١٥/١١ قولولى كل سنة وانتى طيبة😅😅.. كل عيد ميلاد ليا بقفل اكونتاتى عشان محدش يعملى بوست عملت كل حاجة عشان أختفى من أذهان كل الناس الى حوليا تعمدت دا .. بس النهاردة بحاول اتفاءل شوية عيد الميلاد بالنسبالى شئ حزين مش مفرح لان كل سنة الإنسان بيكبرها بتقربه من الموت .. سنين كتير عدت من غير م نحس بيها.. لما بتعدي علينا ذكري ميلاد حد بنحبه بس هو مش موجود او مات بنحس مشاعر مش لطيفة.. بستشعر ان كل الذكريات حزينة حتى الذكرى المفرحة لما بنفتكرها بعد وقت طويل بنفتكرها بحزن لاننا بنحس انها مش هتتكرر.. ديما الأيام واللحظات الحلوة بتكون ف الماضي كل م بنكبر الحياة بتبقى أصعب و إستقبالنا لأى شئ مفرح بيبقى بحماسة أقل.. بس مش يمكن الانسان محتاج يعيش الوقت زى م هو وخلاص كدا كدا أيام محسوبة علينا.. أتمنا الايام الجاية تكون شيلالنا أفراح كتير وجبر من ربنا أتمنى خلال السنة دى ربنا يحققلى كل الاحلام والدعوات الى متحققتس ف عمري كله وانا مش رابطة الموضوع بعيد ميلادى هو مش مولد السيد البدوى 😂😂 هو مجرد انى بحاول اتفاءل ...عرض المزيد

5 الدعم

23 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع