شك في الناس

Strawberry_86631 🇪🇬

منذ 3 أسابيع

شعور ضائع

انا خارجه من تجربه طلاق زي الزفت حرفياً وحصل مواقف بعدها. خلتني اني مش بس أفقد الثقه. وبس من الكون كله لا. ده بقيت حاسه اني فقدت مصداقية اي حد. حتي لو كان اي او مين بقيت شاكه ف كل الناس تماما ومابقتش عارفه اصدق اي حد حتي لو حد قريب مني. اهلي أصحاب. مش عارفه ليه. مع اني نفسيه لم خلصت حوار الطلاق ار

Apple_71528 🇪🇬 امس شىء مضى لا تنظرى إلى الوراء ما كان قد كان وأصبح ماضى نتعلم منه ولكن لا نتعايش معه

عرض الكل 18 نصيحة

Orange_80634 🇪🇬

منذ شهر واحد

شعور ضائع

بقيت اخاف اقرب من حد و اشك في اي مخلوق لما يكلمني و لما يكون شخص كويس اوي معايا بيكون جوايا انتظار للغدر و أفضل اقول ها هيحصل امتى ، حاولت اقول لنفسي فيه ناس كويسة عادي و بعدين ايه ال هيخيلي انسان يبقى وحش بدون سبب ، بس والله كل مرة فكرت ان فيه حد هيغدر بيا غدر بيا فعلاً ( ملحوظة انا بتعامل بالود ف

Apple_26468 🇪🇬

منذ شهر واحد

شعور مرتبك

عبّر عن شعورك بشكل مجهول

بعدت عني لاسباب مش واضحه كلها متدخلة في بعضها وعكس بعض واتقلبت عليا 180 درجة حرفياً  مش دي المشكلة انا تخطيت كل دا من بدري بس انا كان نفسي بس افهم الاسباب الحقيقة يمكن الحاجة الوحيدة اللي كانت واضحة انها أقبل ما تبعد قالتلي انها عارفة انها كدا بتظلمني حتي لو الاسباب مش واضحة وفوضت ربنا علي الوقت اللي ضاع وعلي كل لحظة توهه وشكك وقفة ثقة عامة بعض اللي حصل في كل اللي حواليا عموماً برضو قولت كل دا بيرجع بالوقت وبقالي ستة شهور حرفيا مفيش جديد الغربية انووو برغم كل اللي حصل لسه بتيجي علي بالي فجأة وبتوحشني برغم اني عارف انها عايشة حياتها عادي ولا كأني كنت فحياتها فيوم من الايام!! توهه حيرة مابقتش عارف استوعب كل الأحداث اليومية اللي بقت بتحصل بقيت متوقع الغدر من اقرب الناس اما اللي كانت اقرب مني لنفسي خذلتني وسابتني لدماغي عملت معايا كدا الي حواليا هيعملوووو معاياااا ايه بجد كل دا بيدور فدماغي ومقصر عليا بشكل وبصورة مش قادر اوصفها!! لدرجة اني فكرة اروح لدكتور نفسي يفهمني هل كل دي اعراض من الصدمة خصوصا اني كنت داخل العلاقة دي بأخر طاقة كانت فيااا ..انا مش فاهم اي حاجه!! وعمري ماكنت أحب اشوف نفسي بالشكل دا عمري ماكنت يعرف اشك فحد ومش طبعي ..مواخر اتقالي انت مش هتعرف تحب تاني وكل ما حد هيدخل حياتك هتفضل شاكك فيه وهتفضل برضو قلقان انو يقرر اللي يحصل!!❤️‍🩹

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Almond_56393 🇪🇬

منذ 3 أشهر

شعور لا مبالٍ

بيقولوا إن عدم ثقتي في الناس ده مرض وإني شايف كل الناس بطريقة وحشة عشان ده انعكاس نظرتي لنفسي وإن مش ده الطبيعي وفي ناس كويسة في العالم ومش كل الناس زي ما انا فاكر بيقولوا إن في ناس قادرة تعيش حيلتها بطريقة سليمة وصحية وناجحة بيقولوا إن في ناس لسه شايفة الحياة حلوة وتتعاش

Olive_73910 🇪🇬

منذ 3 أشهر

شعور متعب

تعبت من كوني انا الصاحبة الي تطبطب وتحتوي وتفهم وماتحكمش على حد وتدي نصايح وانا حتى مبقدرش اتكلم ولا بلاقي حد شبهي ولا حد يفهمني من فترة اخد صدمة ف كذا حد انا كنت مفكرة انهم فاهميني واكتشفت ان كان بيحضروا نفسهم ازاي يأذوني وبالفعل خدت منهم اكبر اذية لحد دلوقتي مش قادرة اتخطى ولا قادرة احط حد ف مك

Apple_57323 🇪🇬 انتي بتعملي بأصلك وهما بيعملوا بأصلهم ملكيش دعوة بحد اعملي اللي انتي اتربيتي عليه

عرض الكل 7 نصيحة

Coffee_52736 🇪🇬

منذ 3 أشهر

شعور آسف

الايام دي بقت حسه حد فاهمني او أنا مبقتيش فاهمه نفسي عايزه ايه او اعمل ايه بقت شكه ف كل الناس حواليا صحابي اهلي قرايبي هم بيحبوني ولا لا. طب بيحبولي الخير ولا لا طب عايزيني معاهم ولا لا طب بيثقو فيا ولا لا مشكلتي اني لما بحب حد بثق فيه طب هم شايفني عبيطة وهبله بثق فيهم بسرعة نفسي يحسو بو

Banana_64375 🇪🇬

منذ 4 أشهر

شعور لا مبالٍ

انا شخصيه ذكيه و مكاره بهتم ب ادق التفاصيل و مبثقش في حد و دايما علي استعداد بالغدر من اي شخص' بس مكدبش انا مش سهل برضو يعني معنديش مشكله اغدر لو الشخص ال قدامي لاحظته بيستغلني او بيخطط لي لحاجه" المشكله هنا ان شايف كل ال حواليا زايي عقارب رغم ان في بعض الاشخاص عُبط و علي نيتها جدا بس مبهتمش و برضو

Mango_37486 🇪🇬

منذ 7 أشهر

شعور لا مبالٍ

في حاجه غريبه بتحصلي كل شويه حاجه تختفي من العربيه وبدات اشك ف الي حوليا بس كل مره حاجه تضيع ومبيبقاش حد قرب نحيه العربيه واستبعدت كل الناس بس في حاجه غلط مش عارف فيا ولا في اي لو منكن حد ينصحني

Chocolate_52272 🇪🇬 ممكن يكون عندك مشكله في النسيان

عرض الكل 7 نصيحة

Chilli_31943 🇪🇬

منذ سنة واحدة

شعور مذنب

كل الي يشوفني يقولي انت طيب و محترم اوي بس انا ربنا ساترها معايا والله من جوايا بحس اني ساعات بغل و مبحبش حد ينجح عليا بحس اني فاشل يعني لو كلنا فشله الوضع هيبقي تمام انا بقيت بحس اني انسان زباله انا بقيت بكره نفسي زمان كان كلهم يقولولي مينفعش طيبتك الزياده لحد ما بقيت حاسس اني من جوايا بقي في انسان

Cherry_12210 🇪🇬

منذ سنة واحدة

شعور مرهق

جماعه بتعرفوا الراجل بتاع البنات ازاي و لو كل صحابه بيقولوا كده عليه بهزار بس انتي مش شايفه كده من معاملته معاكي ف تصدقي مين

Ice Cream_29289 🇪🇬

جوازي من مدرس ثانوي قديم وعلاقتنا بعيدة.. حياتي كئيبة

ازيكم ياشباب عاوزاه احكيلكم مشكلتي وياريت لو حد عنده حل انا عندي 22 سنه ومتخرجة ويشتغل الحمد لله وانا في تانيه ثانوي كنت بروح درس فيزياء عند مدرس نوعا ما صغير في السن بس هو كان طبعه شديد جدا كمدرس وكنت بخاف منه جدا وكنت مضطرة اروحله عشان هو يعرف اخويا ومامتي وكده ف كنت هتحرج اني مروحلهوش وفي نفس الوقت لو قولتلها في البيت على المبرر اللي مكنتش عاوزه اروح ليه مكنوش هيرضو اني اسيبه عشان هو ما شاء الله شاطر جدا كمدرس المهم تانيه وتالته ثانوي عدو بالعافية والحمد لله مبقتش يشوفه خالص عشان هو من منطقة واحنا من منطقه وبالنسبه لانه مدرس ومتجوز مش هيسال على طالبه عنده يعني المهم الفترة اللي كنت باخد معاه فيها كنت بحس فيه تناقض كبير في تعامله معايا ساعات يبقى بيتلكك عشان يضربني وساعات يبقى عارف اني مش مذاكرة وميرضاش يسالني ويسأل كل اللي حواليا الا انا وفي مرة والله العظيم سألني شفوي على سؤال في المنهج وجاولت فضل يسأل اسئله لحد م سال على معلومه والله مش في الكتاب ولا المذكرة هو كان قايلها معلومه عامة وانا مكتبتهاش وراه ف ده السؤال اللي غلط فيه وسط خمس أو ست اسئلة تقريبا وضربني وساعات من توتري يبقى عارف اني مش مذاكرة أو مش عامله الواجب وميرضاش يسالني المهم حمدت ربنا أن السنتين خلصو بالعافية ومن حوالي سنه كنت في عزا والد واحده صاحبتي في المنطقه اللي هو فيها ف اتقابلت مع البنات اللي كنت اعرفهم ساعة الثانويه وكده المهم بعد العزا اتمشينا شويه وجت سيرته ف قالولي ده ... طلق مراته ف بقولهم ليه قالولي أنه خلف ولد السنه اللي قبلها يعني في الفترة دي عنده سنه تقريبا وعنده ضمور في المخ وعلى طول بيكشف عليه وكده وطبعا عشان ظروف شغله مش بيعرف يروح يكشف عليه اغلب الوقت ف ديما مراته بتروح مع أمه أخته اي حد المهم أن مراته جت في مرة في أيام هو عليه فيها مراجعه وقالتله لازم تيجي معايا وهو مرضاش وحصل حوار وهما أطلقوا بسبب الموضوع ده هي اكيد كانت شايله من قبلها بس هي بتيجي على سبب تافهه كده المهم اني قولتلهم لو بيعاملها زي م بيعامل الطلاب وزي م كان بيعاملنا حقها تتطلق (هو عنده منها بنت عندها5 سنين وطفل اللي كان عنده ضمور واتفى من فترة ) المهم انا برده مليش علاقه بيه بعد الموضوع ده بفترة لقيته كلم اخويا أنه يتقدملي وكده مع اني مشفتهوش من ايام ثانوي يعني اربع سنين تقريبا المهم كنت خائفة عشان أسلوبه وطباعه الشديده جدا كنت خائفة يبقى كده في البيت بس اهلي اقنعوني أنه اكيد في البيت مش زي الدرس ومراته حاجة تانيه والحاجات دي كلها وانا اقتنعت وصليت استخارة وحسيت اني مرتاحه وطبعا الجواز تم بسرعه جدا قعدنا 5 شهور بس خطوبه ومعملناش فرح عشان ابنه كان متوفي قريب وكمان هو عمل فرح قبل كده وغير كل ده انا مش برتاح في الزحمه واني ابقى انا محط الأنظار والكلام ده كله ف وافقت أن ميبقاش في فرح بس طبعا في اشهار والكل كان عارف وكده اتجوزت ولسه حاسه ان في مسافة كبيرة جدا بينا البس واتشيك مش عشان العلاقة انا بحب اني ابقى بطبخ وملابسه لبس كويس يعجب جوزي ومفتوح وضيق وحاجات من دي وخاصة اني مش معايا عيل ولا حاجة وبخلص شغلي واجي وهو عشان السنتر بتاعه بيجي متأخر عني بكتير ف ببقى براحتي وانا بطبخ واروق الشقة وكده قصدي ببقى مش مستعجله يعني في أول الجواز حاجة دي دي جديده عليا اني اطبخ واروق وكده وفي نفس الوقت لابسه ومتشيكه وكل حاجة مظبوطه الاقيه بيجي ياكل ويعد يعمل شيتات وامتحانات والكلام ده انا ببقى نفسي في كلمه والله بس مش اكتر ومش هتاخد منه وقت ولا حاجة حتى بحسه مش بيبص مش مبهور زي م كنت مستنيه كأنه متعود على كده ف قولت اكيد عشان كان متجوز قبل كده وممكن يكون متعود على المنظر وكده يجي بعد م يخلص شغل في البيت أقوله عملت ايه انهارده يقولي هعمل ايه يعني شرحت مع أن ايام م كنت طالبه عنده كان في كل مجموعه مشكله وحوار بيحصل بس مبقولش اي حاجة في واحد صاحبه مدرس كنت باخد عنده برده كيميا اتفاجئت أنهم قاطعوا بعض من فترة عرفت من واحده صاحبتي واضافت جدا أنه محكاليش ولا جاب سيرة الموضوع حاسه علاقتنا بعيده جدا حتى هو مش بيسال بيسيبلي فلوس الصبح وانا بروح شغلي واجيب حاجة البيت واجي اعمل الاكل واروق وناكل ويعد كل واحد في حته مضايقة بجد من العلاقة دي وعشان هو تعبان ف بينما بدري طبعا وبيصحى الفجر يعد بقى مش بينام ف أقوله مبتصحنيش نعد مع بعض شويه ليه يقولي عادي بنته بتيجي عندنا يوم ويوم تعد شويه بعد شغله والله العظيم بعاملها كويس جدا ك معامله واكل وشرب وهدايا والكلام ده كله بس هي واخده طباع ابوها كلها تعد تقوله دي وحشه وماما احلى يقولها ماشي وعادي والكلام ده كله مع اني في الملامح والجسم احلى من طليقته بس هو اصلا مش بيحب حد ولا ببعجبه حد سواء انا أو طليقته وشاكه اصلا أنه كان عايش نفس العيشه دي مع طليقته وده سبب الطلاق بس هي استحملت خمس سنين انا مبقتش قادرة حاسه اني جايه اخدمه وأشوف طلباته وخلاص انا في بيت ابويا كنت باجي من شغلي انام واصحى اكل واعد بجد مش دي الحياه اللي كنت عاوزاها خالص كنت عاوزه حد يبقى حنين عليا وبيحبني ويسمعني كنت عاوزه اختار بيتي لنفسي مش اروح اشوف بيته اللي كان عايش فيه مع مراته كنت عاوزه لما بنته تقوله دي وحشه يقول في حقي كلمه حلوة اكتر سبب خلاني اوافق عليه أنه لما جه اتقدم بعد اربع سنين مشافنيش ولا يعرف عني حاجة وكمان علاقته باخويا مش صحاب هما ممكن يتقابلو مرة كل سنه مثلا عشان طبعا احنا في منطقه وهو في منطقه المهم اني قولت اكيد كان معجب بيا مثلا ف لما طلق جالي وكنت متخيلة بقى اني هشوف تعويض عن أي حاجة بايخة حصلت ايام ثانوي كمان ساعات لما النقاش يتحد بينا على اي حاجة بشوفه المستر اللي كنت بروح عنده درس تلاقيه بيزعق بطريقة تخوف واحسه هيضربني بصراحة ف بخلص الموضوع وبعتزر كمان بس ببقى مضايقة اوي واحس اني مكسورة حياتي بجد كئيبه اوي ومفيش خروج ومفيش جواز اصلا وفي نفس الوقت خايفة أطلق بعد سنه واحده بس جواز وأقل كمان وحاولت معاه كتييير أنه يتكلم معايا بس بس هو الاجابه أقل من السؤال بكتير وسالت أخته بطريقة مش مباشرة قالتلي هو كده ومش بيحكي حاجة لو انتو مكاني هتعملو ايه وياريت راجل يقولي سبب معاملته دي ايه بس محدش يقول إنه بيحب طليقته عشان هو اصلا مبعرفش يحب هو كل حياته جد كده كنت هسال طليقته صحيح قبل م اتجوز عن سبب الطلاق والسبب اللي خلاها تطلق على سبب فارغ بس كان ابنها لسه متوفي ف مرضتش اسالها ...عرض المزيد

2 الدعم

15 نصيحة

Candle_73846 🇪🇬

مش نازله مع صحابي هروح اعمل بشاميل واقعد

اوكي مش هنزل مع صحابي 😃هيضربوني بس مش نازله هروح اعمل بشاميل واقعد زي الشاطره وبس تعالو نكدب كدبه وحده بتتمنو تبقي حقيقه انا اخدت حزمه شياو البنت الي نازله ف فري فاير ااااااااااااااااااااااااااااااااااااااااااااااااااااااااااااااااااااا ...عرض المزيد

2 الدعم

13 نصيحة

Strawberry_77918 🇪🇬

عايزة أتعلم عن الإسلام بالتفصيل من كل ناحية

لو حد عايز يتعلم عن الاسلام بالتفصيل من كل ناحيه و يعرف كل حاجه في الدين زى دراسه مش مجرد معرفه و خلاص ايه الكتب أو الفيديوز مثلا بلايليست على اليوتيوب ترشحولى انى اشوفها محدش يدخل يسألنى انا كام سنه و عايزة اعرف ليه و بدرس ايه لان دا ميخصكش في حاجه اللى عنده اقتراحات او نظام معين امشي عليه هكون شاكرة ليه جدا بدون الدخول في تفاصيل شخصيه ...عرض المزيد

2 الدعم

13 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع