صاحب عمل متكبر

Cookies_88688 🇪🇬

منذ 3 أسابيع

شعور محبط

عبّر عن شعورك بشكل مجهول

اللهم صل على محمد 
حصلتي مشكله رخمه جدا ....كنت شغال في مكان ما في مدينه سياحيه.،،وكنت بتعامل مع صاحب المكان مباشره ودا كان شخص غني جدا ..وعنده أملاك كثير وفروع في كل مكان في المدينه دي وفي أنحاء مصر كلها ..مقولكوش بقى على عربياته ..مرسيدس وبي ام وفورد  وعربيات تانيه ..يعني ٦  عربيات تقريبا ..المهم انا كنت شغال مع الراجل دا بياع في ماركت ..كاشير يعني وكنت بكسب صراحه من المكان  مبالغ كبيره بالنسبه لشخص لسه في التعليم واكبر مبلغ مسكته ف حياته لايتخطى ٣ آلاف جنيه ..المهم تعدي الايام ..ويحصل مشاكل بيني وبين صاحب الشغل ..لان زي مانتو عارفين الناس الغنيه فيهم بعض من التناكه والتكبر ..وانا بصراحه مكنتش عارف اتعامل معاه ازاي ..لو قلتله حاضر ونعم واحترمته اكتر من اللازم بحس اني بلغي شخصيتي او اني خاضع ليه بشكل ما ..ولو حاولت  اعمل ما بنا حدود وابين له اني رافض طريق المعامله الزباله دي ..بحس ان الوقت خلاص فات لأنك مكنتش كدا من اول يوم.. يعني انت اللي عودته انه يشوفك طيب وضعيف 
..والحقيقه انا عندي مشاكل نفسيه أعمق من كدا مع نفسي ..زي اني انطوائي ومليش صحاب تقريبآ  فمكنتش عارف اطبل كويس للزعيم اللي بياكلنا عيش ..ويعدي اول شهر ..بعد ما اكتشفت اني شغال مع شله حراميه او بمعني أصح ناس استغلاليه جدا ..وانا كنت لازم ابيع بأسعار مبالغ فيها او اكون بسرق من المكان ف اضطريت ابيع بأسعار كبيره ..واحد يقولي م انت كدا كدا ف مكان سياحي ..لا هو مش بالظبط كدا ومعظم الزباين مصريين وعمال ..وبعد شهرين ونص لقيت نفسي عملت فلوس كويسه يعني أضعاف مرتبي الأساسي ودا كلو  من الأجانب والله يعني كنت ببيع بزياده واخد جزء من الزياده ليا صحيح من ورا صاحب الشغل بس  كنت استحق دا لاني بجيب فلوس أضعاف  من الزباين ...وبعد اكتر من شهرين ..اتعاملت اوسخ معامله لاني قولت اني هنزل البلد للدراسه وعاوز اصفى ...اول حاجه مقبضتش مرتبي اللي مفروض اخده تاني حاجه اتفتشت واتاخد كل الفلوس اللي معايا ..زعلت جدا واتصدمت لان شايف الناس من حواليه بتكسب زيي واكتر كمان بس دول بيعرفو يطبلو كويس اما انا ف لأ ..ومن وقتها لحد دلوقتي وانا بفكر ف الموضوع ومابقيتش عارف هل الفلوس دي حلال 
ولا حرام وعشان كدا راحت ... ومتضايق جدا وبقول ازاي الناس اللي عندها عشرات الملايين دي تكون زباله كدا خاصه انه كان فقير من كام سنه بس ..ف فعلا الشبع من بعد جوع وحش جدا .
وعلى قد ما تضايقت وفضلت شهر مكتئب على قد ما اتعلمت كتير من معاشره النوعيه دي من البشر ...

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Chocolate_89205 🇪🇬

فخوره بيا أوووي! نزلت أول روايه و تالت كتاب ليا

حقيقي انا فخوره بيا اوووي النهارده نزلت اول روايه ليا و تالت كتاب اطبع و حاسه بفخر اني بقيت كاتبه بجد حاسه اني مبسوطه وانا متوثقه اني كاتبه ادبيه مصريه بجد كميه فخر مش في حد افرحو بيا يا جماعه انا زي اختكم فهمين 😂🫶🏻. ...عرض المزيد

12 الدعم

28 نصيحة

Kiwi_59601 🇪🇬

عارفة سر وحدة وحش.. أقول لزوجها ولا أسكت؟

بطلب نصيحه لو انا عارفه حاجه و حشه عن وحده و اتفضحت قدامي اقول لجوزها و لا اسكت+ في حاجه جوايه مش مرتاحه بتقولي قولي مش عارفه امشي ورا الصوت الي جوايه ولا لا و هل دا صح ولا لا اتمنى نصيحه حقيقية ...عرض المزيد

2 الدعم

25 نصيحة

Diamond_89796 🇪🇬

بتمتص الطاقه السلبيه من كل واحد! فكره حلوه بس اعععع

سوري ي جماعه ف اللي هقوله أنا لسه منزله الابليكشن النهارده وكنت عايزه اشوف دماغ الناس اي مشاكلهم الجانب القاسي ف حياتهم ولعل وعسي ارتاح هنا واعرف اتكلم وعماله حرفيا بنصح كل واحد علي قد معرفتي بس أنا حاسه بطاقه سلبيه جدا حاسه اني بمتص الطاقه السلبيه بتاعت كل واحد لا بجد شئ صعب اوي هي فكرته حلوه بس ف نفس الوقت لو حد فضل عليه طول الوقت جماعه اععععع ينييميميىرزعيخصخصخرسرنسخسنسرسرسررطنطهخطمطو و و ومخطنبنيريرثوينينيريريوينيثنثنثنثننرطرطرينينممخ ...عرض المزيد

1 الدعم

20 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع