صديقة مقربة

Mango_71698 🇪🇬

منذ أسبوعين

شعور عاطفي

عبّر عن شعورك بشكل مجهول

عندي مشكلة عاطفية
عندي ٢١ سنة على أعتاب التخرج علشان دخلت معهد سنتين 
أنا شخص طموح جدًا رغم الدنيا اللي بتعاند معايا
كان عندي صديقة مقربة مني عارفة ٩٥٪؜ من حياتي وتجاربي خلال ٣ سنين حتى لما كنت بحب واحدة هي كانت عارفة وكنت معرفهم على بعض
المهم سبت البنت اللي كنت بحبها بسبب غلطة عملتها وانا كنت ساكت كتير عن الغلط
وبعد فترة كبيرة لقيت إني غبي
ما صديقتي دي معايا من فترة كبيرة قوي وطول عمرها كويسة معايا ليه متكونش هي اللي أختارها
ولما قولتلها خليتها تقول لأهلها وأهلها مش معترضين عليَّ وبيقولوا إني راجل وكويس
لكن الإعاقة حاليًا من إني مش جاهز
أنا عندي شقة لكن مش متشطبة محتاجة تشطيب ومحتاج فلوس للدهب والفرح والحوارات دي
فهي قالت اننا منتكلمش حاليًا علشان احنا منعرفش المستقبل ومتخلنيش اتوجع علشان هي في نفس سني وبيتقدملها ناس كتير
فممكن بعد فترة متقدرش تستنى
وسابتني
وجيت بعد فترة تعبان قولتلها محتاج افضفض وتعبان انسي كل حاجة وخلينا أصحاب
قالتلي لا علشان انت متتوجعش بعدين

وحاسس بكسرة
كل ما اشوفها اعمل شديد بس مش قادر

انا معملتش حاجة غلط حتى جيت دغري وخليتها تكلم أهلها
تعبان قوي وحاسس بكسرة واحسس اني استبن

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Popcorn_76040 🇯🇴

منذ أسبوعين

شعور مكسور القلب

حرفيًا بحس قلبي مكسور من ٣ ساعات وانا ببكي عشان كنت طول الاسبوع مكتئبة والبنت الي كنت معتبرتها صديقتي المفضلة لقيت منها مسج واحد بتسأل وين مختفية قبل كذا يوم وبس حكيت الها اني مكتئبة حكتلي الله بفرجها .. حاولت افتح معها موضوع حكيت بلكي اذا حكيت معها بطلع من الاكتئاب ردت علي (مش مهتمة) مسحت المسجات

Strawberry_77589 🇪🇬

منذ شهرين

شعور مكسور القلب

عبّر عن شعورك بشكل مجهول

ليا صديقه قريبه مني اوووي بحبها وبتحبني وعمرنا مكان جزانا شعور وحش لبعض .....مريت بأزمات وصدمات وكنت بتصنع القوه وبكمل ف شغلي وحياتي وبصحك واهزر لحد ما اتعرضت لصدمه جابتني الأرض سبت شغلي وسبت دراستي وسبت كل حاجه ومش عايزة اعمل حاجه وعازله نفسي عن كل الناس ....المفروض كنت اقدم ف الكليه اللي نفسي فيها وبعد مشوار دراسي أليم مرينا بيه انا وهي وبالفعل نجحنا ووصلنا ده سوا وبفضل ربنا بس انا مريت بحاجات كتير وحشه وصلتني للي انا فيه احلامي اتهدت وطموحي انهدم وانا موت حقيقي هي قدمت لأنها مستسلمتش .....انا رميت كل حلم ورايا ومبقتش بعمل حاجه ف حياتي غير اني قاعده ف اوضتي علطول مباكلش غير لما ادوخ ويدوبك لقمتين بالعدد وكنت بتعبد بس حتي العباده مبقتش قادره اعملها وبقيت انام اينعم نومي كلو كوابيس وبصحي من كل كابوس وكابوس اعيط ....هي مش قادره تتقبل ده وهايزاني اكمل واقدم ف جامعه ومش فاهمه اي حاجه للعلم فهمتها وهي عارفه اني نفسيتي مدمره بس هي عيزاني اكمل وانا مش قادره قولتلها لما تتقبليني بوضعي الجديد كلميني قالتلي لا أن لما تغيري تفكيرك ابقي كلميني صالحتهت لاني بحبها ومش عايزة علاقتنا تبوظ بس هي مش حابه كدا وعايزاني مستسلمش وعايزاني اقدم ف الكليه علشان مندمش بعدين .....انا مش عارفه اعمل اي معاها علشان مخسرهاش وف نفس الوقت حقيقي مش قادره ول عايزة اعمل حاجه انا مش عايزة اخرج من اوضتي اعمل اي ممكن تفيدوني واسفه طولت ف الكلام 🌝

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Tofu_76193 🇪🇬

منذ شهرين

شعور ضائع

هو أنا ليه مش قادرة أثق ف حد وبحس دايمًا إن اي حد ف حياتي بيضحك عليا ونيته مش كويسة معايا ، انا لحد دلوقتي معنديش صديقة واحده أحبها وأقدر أصدقها وأثق فيها برغم إني مصاحبة وبيحبوني فعلاً بس دايمًا واخده فكره غلط ومش قادرة اصدق انهم بيحبوني ، ولا عارفه أقرب لحد ولا عارفة أكون ف آمان مع حد لحد ما بقيت

Carrot_55533 🇪🇬 اكيد حصلك ده بعد صدمه عانيتي منها من شخص كنتي شيفاه إنه مصدر أمان ... ممكن الاهل أو الاخوات و أو الاقارب أو صاحب قديم

عرض الكل 18 نصيحة

Banana_40578 🇪🇬

منذ شهرين

شعور محبط

ليا حق ازعل ولا لا النهارده كان حفل تخرج صحبتى احنا ٣ وعزمت ٢ وحتى معرفتنيش خالص وانا عرفت من استورى صحابى واختها عندى وجايه تقولى من شويه تيجى حفله تخرجى بكره قولتلها بعد مشوفت الصور بتعزمينى على حفله خلصت اصلا بتقولى يبنتى ده السيشن وخلت اختها تمسح الاستورى والله هما عشره عمرى ودايما يخرجوا كده سو

Apple_75452 🇪🇬 ليكي حق تزعلي طبعا بس عادي فوتي علشان الحياه تمشي

عرض الكل 4 نصيحة

Nutella_25857 🇪🇬

منذ 3 أشهر

شعور لا مبالٍ

عبّر عن شعورك بشكل مجهول

في ولد بيقعد يبصلي كتير اوي وانا بجد مش فاهمة نظراته دي اي هو يبقي قريب صحبتي صحبتي دي كانت مخطوبة اول سنة دخلنا فيها الجامعة وكدا فافي الخطوبة هو جه ركب نفس العربية الي انا كنت ركبه فيها هي صحبتي دي من واحنا في اعدادي كدا كانت قالتلي اني قربها دا بيحبني بس انا قولت اي كلام عيال وكدا ومحطتشي الموضوع في دماغي فاهو بقا بيقعد يلفت نظي بنظرات ليا وكان في كل مناسبة ل صحبتي دي يقعد كان طبيعي بيحضر مع اني كان في قريبها كتير ولاد مكنتش بيجوا لان المناسبة كانت بتكون علي الضيق وكدا وهو الي كان بيجي المهم جيبنا لحد الفرح كان في شعر ٧ الي فات دا كنت لابسة فستان وكدا كان سيمبل كدا ومكنتش حطاها اي حاجة خالص لا ميكب ولا اي حاجة علي عكس صحابي كانوا لابسين فستاين فيها شغل عن فستاني وكانوا حاطين ميكب وكدا وفضل برو يبصلي فاانا بدأت افكر في الموضوع وقعدت اراجع نظاته ليا لقتها بجد غريبة وكل ما بيشوفني في اي مكان بيقعد يبصلي برضو وكمان مامته كانت في كل مناسبة لصحبتي دي كانت بتفضل بصالي كتير اوي ومركزه معايا دونا عن باقي صحابي لدرجة اني كنت بقعد ادرا في صحابي كدا منها وكمان صحابي خدوا بالهم من نظراتها ليا فاانا دلوقتي انشغلت بالموضوع ومش عارفه نظراته ليا اي هل هو فعلا بيحبني من ساعة ما صحباتي قالتلي من زمان ومازال بيحبني ولا اي وكمان بحس في نظراته بجد اني هو موجوع اني احنا بعدا عن بعض او اني هو مش عارف يقولي لاني مش بيدي فرصة لحد وكدا

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Avocado_62037 🇪🇬

منذ 3 أشهر

شعور محبط

بتعملو ايه مع الصاحبة اللي بتتعامل مع الشخص اللي عندكم خلاف معاه بكل ود وترحاب رغم انكو وضحتو قبل كده أن ده بيضايقكم وخدتو موقف لنفس السبب وف الاخر هي ردها أن لا انا مش هاخد موقف من حد معمليش حاجة رغم أن لو الموقف معكوس انا مبعملش كده وغصب عني دايركت باخد موقف من الشخص اللي مضايقها هو اه مبتكونش عد

Corn_63629 🇪🇬 لا تستحق صداقتك ليها ✨

عرض الكل 14 نصيحة

Biscuit_20744 🇪🇬

منذ 3 أشهر

شعور عاطفي

السلام عليكم ورحمة الله وبركاته ، عايزة اعرف رأيكوا بخصوص حاجة ، هو دلوقتي لو انا و صاحبتي مع بعض بقالنا اكتر من 10 سنين و المفروض اننا كنا نعرف كل حاجة عن بعض يعتبر و بنقول كل حاجة لبعض حتى لو مش مهمة كمشاركة يعني و كده ، بس في الفترة الاخيرة حاسة انها بقت تخبي عني حاجات كتير و تكذب عليا رغم انها

Strawberry_62270 🇪🇬

منذ 5 أشهر

شعور مكسور القلب

انا عايزة رايكو في مشكلتي..انا عندي واحدة صحبتي من 4 سنين يعني أختي هي أقرب واحدة ليا انا شخصيه اجتماعيه و اعرف ناس كتير بس قليل اوي اللي قريب مني.. عيلتنا صحاب يعني تقريبا أختي.. بس مؤخرا بدأت أشوف منها حاجات كتير مواقف انها مش بتحبني و أو ممكن بتحبني بس بتحب نفسها أكتر معندهاش مشكله تقلل مني أو

Marshmallow_58235 🇪🇬

منذ 5 أشهر

شعور مكسور القلب

عندي صاحبه مقربه ليا جامد كنت كل م اتضايق من حاجه اروح اشتكي ليها و مؤخرا بقيت حاسخ اني عبء عليها وانها بتتنكد بسببي ودايما كل م بفتح حوار ان فيه حاجه مزعلاني بلاقيها بتحاول تقفل الموضوع مش عارفه اعمل ايه ولا اشتكي لمين

Coffee_34114 🇸🇦

منذ 10 أشهر

شعور مستنزف

موضوع:

عندك مشكلة في التعبير عن مشاعرك؟

انا كنت بحكي اي حاجة لاي شخص حرفيااااا اي شخص اي حاجة تضايقني ما بقدر ما احكي بحكي عشان ارتاح وما حصل حسيت اني ما مفروض اعمل كدا الا بعد ما حصل موقف لما جيت افضفض لصديقتي وقالت لي جملةما لطيفة او هي عادية بس انا ما اتقبلتها منها بقيت ما بقدر احكي لاي شخص مهما كانت مشكلتي بسكت وما بحكي ممكن احكي اني

Jackfruit_51332 🇺🇸 هوا موضوع انك تحكي ومتكتميش جوا نفسك دا حاجه كويسه بس الصح انك تحكي بس مش لاي حد مس اي حد هينفع نحكيلوا لانك متتوقعيش ممكن نحكي لحد مش بيحبنا ويكون عامل بيحبنا ويشمت فينا يطلع الحكي دا لحد تاني يقول اشاعات كدا فااحكي بس لحد فعلا هيسمع ويحل

عرض الكل 1 نصيحة

Plum_33221 🇩🇿

منذ سنة واحدة

شعور مستنزف

موضوع:

حد عنده تجربة مع التعلق المرضي او ادمان شخص؟

أنا حاسة اني ادمنت صحبتي هي صحبتي و بحبها و تحبني و لكن شتان بين حبي لها و حبها لي . انا مخليتها أولوية حرفيا و حتى أعز صحباتي التانيين لو سألوني انا و لا فلانة بقول فلانة من دون تفكير بس هي م تقدمني ك اولوية و تقريبا تحسسني إنها تحبني جد بس عادي تتخلى عني بأي وقت . طبعا أنا عارفة انه من حقها و انا

Corn_36873 🇪🇬

منذ سنة واحدة

شعور عاطفي

السلام عليكم كنت عاي اخد رايكم وبالاخص البنات اولا انا بدرس 3 ثانوي واعجبت ببنت بتاخد معايا درس المهم كان في بينا نظرات متبادله وصحبي علقلي وقالي شكلها معجبه بيك قعدنا في موضع النظرات ده حوالي اسبوعين وبعد كده قررت اني اجيب رقمها بأي شكل المهم اتصرفت وعرفت اجيب الرقم ودخلت اكلمها والكلام ده من حوال

Strawberry_32251 🇮🇶

منذ سنة واحدة

شعور متعب

موضوع:

هل حسيت في يوم انك انسان سئ؟

وحدة من صديقاتي كلش قريبة علية و عزيزة علية بس كلما نكون سوا لفترة تجيني حالات عصبية و اكتئاب منها مرات احسها مستفزة مرات احس اريد اعوفها و ما احجي وياها للأبد ف من تجيني هاي الحالات ابلكها مرات ومرات اتجاهلها مع انو احنه بيست فريندز يعني ف اكثر من مرة اعوفها و اتجاهلها و ارجع ورا فترة لان احبها و ا

Watermelon_32252 🇹🇷 صاريحها بمشكلتك و قولي ليها عن هذا الموضوع .. الصراحة و الاعتراق بالخطأ مع الشخص الصح كثير مفيد ليك و ليها ..حاولي تبعدي عن جوال لما تحسي انك مدايقة و عرفيها انك تعبانه ..واضح انها تحبك لانها تسامحك و اكيد تستاهل تعرف و تستاهل صراحتك.. ربي يقويكي

عرض الكل 5 نصيحة

Marshmallow_30025 🇴🇲

منذ سنة واحدة

شعور عاطفي

موضوع:

هل حسيت في يوم انك انسان سئ؟

اوك ..اتوقع يب الكثير من المواقف منها مع الاهل و الاصدقاء و ما الى ذلك ...و نضرت خيبة الامل الي شفتها رغم انه يعني هم اذوني اول شيء ...و انا رديتها و بس كذا حسيت بالذنب الكبير و من ضمن هذي الاشياء صار لي شيء مع صديقة مقربة جدا او صارت جزء من دائرة اصدقائي المقربين فجاءة ...كانت تريد اهتمامي كله و ان

Ice Cream_29289 🇪🇬

جوازي من مدرس ثانوي قديم وعلاقتنا بعيدة.. حياتي كئيبة

ازيكم ياشباب عاوزاه احكيلكم مشكلتي وياريت لو حد عنده حل انا عندي 22 سنه ومتخرجة ويشتغل الحمد لله وانا في تانيه ثانوي كنت بروح درس فيزياء عند مدرس نوعا ما صغير في السن بس هو كان طبعه شديد جدا كمدرس وكنت بخاف منه جدا وكنت مضطرة اروحله عشان هو يعرف اخويا ومامتي وكده ف كنت هتحرج اني مروحلهوش وفي نفس الوقت لو قولتلها في البيت على المبرر اللي مكنتش عاوزه اروح ليه مكنوش هيرضو اني اسيبه عشان هو ما شاء الله شاطر جدا كمدرس المهم تانيه وتالته ثانوي عدو بالعافية والحمد لله مبقتش يشوفه خالص عشان هو من منطقة واحنا من منطقه وبالنسبه لانه مدرس ومتجوز مش هيسال على طالبه عنده يعني المهم الفترة اللي كنت باخد معاه فيها كنت بحس فيه تناقض كبير في تعامله معايا ساعات يبقى بيتلكك عشان يضربني وساعات يبقى عارف اني مش مذاكرة وميرضاش يسالني ويسأل كل اللي حواليا الا انا وفي مرة والله العظيم سألني شفوي على سؤال في المنهج وجاولت فضل يسأل اسئله لحد م سال على معلومه والله مش في الكتاب ولا المذكرة هو كان قايلها معلومه عامة وانا مكتبتهاش وراه ف ده السؤال اللي غلط فيه وسط خمس أو ست اسئلة تقريبا وضربني وساعات من توتري يبقى عارف اني مش مذاكرة أو مش عامله الواجب وميرضاش يسالني المهم حمدت ربنا أن السنتين خلصو بالعافية ومن حوالي سنه كنت في عزا والد واحده صاحبتي في المنطقه اللي هو فيها ف اتقابلت مع البنات اللي كنت اعرفهم ساعة الثانويه وكده المهم بعد العزا اتمشينا شويه وجت سيرته ف قالولي ده ... طلق مراته ف بقولهم ليه قالولي أنه خلف ولد السنه اللي قبلها يعني في الفترة دي عنده سنه تقريبا وعنده ضمور في المخ وعلى طول بيكشف عليه وكده وطبعا عشان ظروف شغله مش بيعرف يروح يكشف عليه اغلب الوقت ف ديما مراته بتروح مع أمه أخته اي حد المهم أن مراته جت في مرة في أيام هو عليه فيها مراجعه وقالتله لازم تيجي معايا وهو مرضاش وحصل حوار وهما أطلقوا بسبب الموضوع ده هي اكيد كانت شايله من قبلها بس هي بتيجي على سبب تافهه كده المهم اني قولتلهم لو بيعاملها زي م بيعامل الطلاب وزي م كان بيعاملنا حقها تتطلق (هو عنده منها بنت عندها5 سنين وطفل اللي كان عنده ضمور واتفى من فترة ) المهم انا برده مليش علاقه بيه بعد الموضوع ده بفترة لقيته كلم اخويا أنه يتقدملي وكده مع اني مشفتهوش من ايام ثانوي يعني اربع سنين تقريبا المهم كنت خائفة عشان أسلوبه وطباعه الشديده جدا كنت خائفة يبقى كده في البيت بس اهلي اقنعوني أنه اكيد في البيت مش زي الدرس ومراته حاجة تانيه والحاجات دي كلها وانا اقتنعت وصليت استخارة وحسيت اني مرتاحه وطبعا الجواز تم بسرعه جدا قعدنا 5 شهور بس خطوبه ومعملناش فرح عشان ابنه كان متوفي قريب وكمان هو عمل فرح قبل كده وغير كل ده انا مش برتاح في الزحمه واني ابقى انا محط الأنظار والكلام ده كله ف وافقت أن ميبقاش في فرح بس طبعا في اشهار والكل كان عارف وكده اتجوزت ولسه حاسه ان في مسافة كبيرة جدا بينا البس واتشيك مش عشان العلاقة انا بحب اني ابقى بطبخ وملابسه لبس كويس يعجب جوزي ومفتوح وضيق وحاجات من دي وخاصة اني مش معايا عيل ولا حاجة وبخلص شغلي واجي وهو عشان السنتر بتاعه بيجي متأخر عني بكتير ف ببقى براحتي وانا بطبخ واروق الشقة وكده قصدي ببقى مش مستعجله يعني في أول الجواز حاجة دي دي جديده عليا اني اطبخ واروق وكده وفي نفس الوقت لابسه ومتشيكه وكل حاجة مظبوطه الاقيه بيجي ياكل ويعد يعمل شيتات وامتحانات والكلام ده انا ببقى نفسي في كلمه والله بس مش اكتر ومش هتاخد منه وقت ولا حاجة حتى بحسه مش بيبص مش مبهور زي م كنت مستنيه كأنه متعود على كده ف قولت اكيد عشان كان متجوز قبل كده وممكن يكون متعود على المنظر وكده يجي بعد م يخلص شغل في البيت أقوله عملت ايه انهارده يقولي هعمل ايه يعني شرحت مع أن ايام م كنت طالبه عنده كان في كل مجموعه مشكله وحوار بيحصل بس مبقولش اي حاجة في واحد صاحبه مدرس كنت باخد عنده برده كيميا اتفاجئت أنهم قاطعوا بعض من فترة عرفت من واحده صاحبتي واضافت جدا أنه محكاليش ولا جاب سيرة الموضوع حاسه علاقتنا بعيده جدا حتى هو مش بيسال بيسيبلي فلوس الصبح وانا بروح شغلي واجيب حاجة البيت واجي اعمل الاكل واروق وناكل ويعد كل واحد في حته مضايقة بجد من العلاقة دي وعشان هو تعبان ف بينما بدري طبعا وبيصحى الفجر يعد بقى مش بينام ف أقوله مبتصحنيش نعد مع بعض شويه ليه يقولي عادي بنته بتيجي عندنا يوم ويوم تعد شويه بعد شغله والله العظيم بعاملها كويس جدا ك معامله واكل وشرب وهدايا والكلام ده كله بس هي واخده طباع ابوها كلها تعد تقوله دي وحشه وماما احلى يقولها ماشي وعادي والكلام ده كله مع اني في الملامح والجسم احلى من طليقته بس هو اصلا مش بيحب حد ولا ببعجبه حد سواء انا أو طليقته وشاكه اصلا أنه كان عايش نفس العيشه دي مع طليقته وده سبب الطلاق بس هي استحملت خمس سنين انا مبقتش قادرة حاسه اني جايه اخدمه وأشوف طلباته وخلاص انا في بيت ابويا كنت باجي من شغلي انام واصحى اكل واعد بجد مش دي الحياه اللي كنت عاوزاها خالص كنت عاوزه حد يبقى حنين عليا وبيحبني ويسمعني كنت عاوزه اختار بيتي لنفسي مش اروح اشوف بيته اللي كان عايش فيه مع مراته كنت عاوزه لما بنته تقوله دي وحشه يقول في حقي كلمه حلوة اكتر سبب خلاني اوافق عليه أنه لما جه اتقدم بعد اربع سنين مشافنيش ولا يعرف عني حاجة وكمان علاقته باخويا مش صحاب هما ممكن يتقابلو مرة كل سنه مثلا عشان طبعا احنا في منطقه وهو في منطقه المهم اني قولت اكيد كان معجب بيا مثلا ف لما طلق جالي وكنت متخيلة بقى اني هشوف تعويض عن أي حاجة بايخة حصلت ايام ثانوي كمان ساعات لما النقاش يتحد بينا على اي حاجة بشوفه المستر اللي كنت بروح عنده درس تلاقيه بيزعق بطريقة تخوف واحسه هيضربني بصراحة ف بخلص الموضوع وبعتزر كمان بس ببقى مضايقة اوي واحس اني مكسورة حياتي بجد كئيبه اوي ومفيش خروج ومفيش جواز اصلا وفي نفس الوقت خايفة أطلق بعد سنه واحده بس جواز وأقل كمان وحاولت معاه كتييير أنه يتكلم معايا بس بس هو الاجابه أقل من السؤال بكتير وسالت أخته بطريقة مش مباشرة قالتلي هو كده ومش بيحكي حاجة لو انتو مكاني هتعملو ايه وياريت راجل يقولي سبب معاملته دي ايه بس محدش يقول إنه بيحب طليقته عشان هو اصلا مبعرفش يحب هو كل حياته جد كده كنت هسال طليقته صحيح قبل م اتجوز عن سبب الطلاق والسبب اللي خلاها تطلق على سبب فارغ بس كان ابنها لسه متوفي ف مرضتش اسالها ...عرض المزيد

2 الدعم

15 نصيحة

Candle_73846 🇪🇬

مش نازله مع صحابي هروح اعمل بشاميل واقعد

اوكي مش هنزل مع صحابي 😃هيضربوني بس مش نازله هروح اعمل بشاميل واقعد زي الشاطره وبس تعالو نكدب كدبه وحده بتتمنو تبقي حقيقه انا اخدت حزمه شياو البنت الي نازله ف فري فاير ااااااااااااااااااااااااااااااااااااااااااااااااااااااااااااااااااااا ...عرض المزيد

2 الدعم

13 نصيحة

Strawberry_77918 🇪🇬

عايزة أتعلم عن الإسلام بالتفصيل من كل ناحية

لو حد عايز يتعلم عن الاسلام بالتفصيل من كل ناحيه و يعرف كل حاجه في الدين زى دراسه مش مجرد معرفه و خلاص ايه الكتب أو الفيديوز مثلا بلايليست على اليوتيوب ترشحولى انى اشوفها محدش يدخل يسألنى انا كام سنه و عايزة اعرف ليه و بدرس ايه لان دا ميخصكش في حاجه اللى عنده اقتراحات او نظام معين امشي عليه هكون شاكرة ليه جدا بدون الدخول في تفاصيل شخصيه ...عرض المزيد

2 الدعم

13 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع