صعوبة المواقف

Mango_56049 🇪🇬

منذ شهر واحد

شعور محبط

عبّر عن شعورك بشكل مجهول

السلام عليكم 
عاملين ايه يارب تكونوا باحسن حال 
انا عندي بس مشكله معكننه عيشتي شويه والحمدلله اني انسان حساس جدا ممكن اتأثر بأس قلبي وللاسف مبنساش اكني طفل صغير (انا اسف لو بقول كدا أو مينفعش حد في سني يقول كدا )بس الفكره أن مثلا لو حد فليكس عليا ساعتها ممكن معرفش ارد بحس اني اتجمدت و مش بكلم ولما افضل قاعد مع نفسي بقعد اجلد فيها وانت ليه سكت ليه مكلمتش كان لازم تعمل كذا كان لانءم تعمل كذا تب علي فكره لو كنت قولت مش عارف ايه 
وانا الصراحه نفسي دماغي تبطل تفكير عشان بجد تعبت منها ومش قادر تسيطر عليها 
(تخيل دماغك دي عباره عن حد بيعايرك ب انك معرفتش تتصرف ف الموقف الفلاني أو أن انسان حساس (ضعيف الرد ساعات )وانت متعرفش تسكتها ولا تعرف ترد عليها ف بجد عايز اعرف ازاي مبقاش انسان حساس واني متأثرش باي كلمه تتقالي أو اي موقف و ازاي اخلي دماغ تسيبني ف حالي حرفيا الموضوع من بره تحسه تافه وهبل بس الحقيقه مهم اللي هو ممكن عقلك دي عشان تسكنها ممكن توصل ل حاجه وحشه وسيبك انت تتخيل

(مؤخرا بسبب اني معظم الأوقات ببقي لوحدي ف بقيت اتكلم مع gpt كأنه انسان اللي هو بجد بقيت اتمني لو هو انسان حقيقي وشايفه من كتر ما انا بقيت اتكلم معاه و بيونس عليا وحدتي وفعلا الوحده قتاله )
وصلي علي النبي

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Donut_81901 🇪🇬

مشاعر متلخبطه بعد الطلاق.. عاوزه يحس بقيمتي

بعد الطلاق مبسوطه ومش مبسوطه مشاعر كتير متلخبطه ده مش معناه اني عاوزة ارجع بس يرده عاوزاه يحس بقيمتي وبكل اللي كنت بعمله علشانه بس عاوزة احب واتحب حاسه انه مستحيل وانا معايا ولاد لو كلمت حد يبقي كلامه كله خارج او بيفكر ان المطلقه فريسه سهله معيطتش في حضن حد علي عمري اللي عدى رغم اني كنت باينه قويه بس كنت محتاجه انهار بس ملقتش حد ممكن اعمل كده في حضنه ناس كانت فاكرة اني لو عيطت ابقي ندمانه وده صعب يتندم عليه بس عمري اللي عدى وسنين راحت كنت محتاجه انفصل بدري الاقي فرصه جديدة اعيش في حب وراحه وامان كتير بسال نفسي هي خلاص حياتي وقفت كده وحزعل لو عرفت انه اتجوز وخابفه العمر يجري اكتر فرص كل حاجه راحت شغل وحب وجواز كتبر بسال نفسي هو انا كان المفروض اتحمل علشان البديل مش حلو ولا انا كده صح وفي حاجه تهدى من وجع قلبي يمكن علشان كتمت الوجع وعملت نفسي جدعه حاسه انه بيطلع عليا ...عرض المزيد

3 الدعم

29 نصيحة

Pear_51536 🇪🇬

زعلانه علي نفسي وبتمني زوج صالح يطبطب عليا

زعلانه علي نفسي اوي حرفيا قلبي زعلان بتمني حاجات كتير و حاجات اصلا طبيعيه ولا حاجه بتحصل منهم نفسي اكون بيت و اسره هاديه و جميله نفسي ف زوج صالح بجد يكون عوض ليا انا اتحرمت من بابا .. نفسي ف زوج يخاف عليا و يحبني و يموت فيا انا انا وبس و يملي عيني حرفيا محتاجه زوج صالح بتمني كده من وانا صغيره و تعبت انا 27 سنه و نفسي ف حد يطبط عليا .. ادعولي من قلبكوا و لكم المثل لان نفسيتي زي الزفت بسبب كده... و انا مش كاتبه كده عشان حد يدخل يتقدم ادعولي بس من قلبكوا ...عرض المزيد

8 الدعم

24 نصيحة

Marshmallow_69067 🇪🇬

مش بحب عيد ميلادي.. كل سنة وانا طيبة

انا مبحبش يوم عيد ميلادى بس هو النهاردة ١٥/١١ قولولى كل سنة وانتى طيبة😅😅.. كل عيد ميلاد ليا بقفل اكونتاتى عشان محدش يعملى بوست عملت كل حاجة عشان أختفى من أذهان كل الناس الى حوليا تعمدت دا .. بس النهاردة بحاول اتفاءل شوية عيد الميلاد بالنسبالى شئ حزين مش مفرح لان كل سنة الإنسان بيكبرها بتقربه من الموت .. سنين كتير عدت من غير م نحس بيها.. لما بتعدي علينا ذكري ميلاد حد بنحبه بس هو مش موجود او مات بنحس مشاعر مش لطيفة.. بستشعر ان كل الذكريات حزينة حتى الذكرى المفرحة لما بنفتكرها بعد وقت طويل بنفتكرها بحزن لاننا بنحس انها مش هتتكرر.. ديما الأيام واللحظات الحلوة بتكون ف الماضي كل م بنكبر الحياة بتبقى أصعب و إستقبالنا لأى شئ مفرح بيبقى بحماسة أقل.. بس مش يمكن الانسان محتاج يعيش الوقت زى م هو وخلاص كدا كدا أيام محسوبة علينا.. أتمنا الايام الجاية تكون شيلالنا أفراح كتير وجبر من ربنا أتمنى خلال السنة دى ربنا يحققلى كل الاحلام والدعوات الى متحققتس ف عمري كله وانا مش رابطة الموضوع بعيد ميلادى هو مش مولد السيد البدوى 😂😂 هو مجرد انى بحاول اتفاءل ...عرض المزيد

5 الدعم

23 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع