صوت سلبي في الرأس

Ice Cream_75920 🇪🇬

منذ شهرين

شعور متعب

عبّر عن شعورك بشكل مجهول

السلام عليكم
الحقيقة أنا بواجه مشكلة شخصية بس مش عارفة أفيد نفسي ومعنديش حد أتكلم معاه يقدر يساعدني
أنا عندي مشكلة في التعامل مع الناس، عمري ما حبيت الوحدة ودايمًا ببقى عاوزة أكوّن صداقات كويسة ويبقى ليا صاحبة واحدة قريبة على الأقل، وفعلًا بلاقي ناس حاولت تقرّب مني وتتعرّف عليا ورغم إني ببادلهم الحب والمشاعر بردو، لكن دايمًا بيكون فيه صوت في دماغي إني لازم أبعد وإني مش كفاية للشخص ده.
كان ليا واحدة صاحبتي قريبة مني جدًا فضلنا سوا ٣ سنين وعلاقتنا كانت سوشل بس، حقيقي كنا سوا في كل ثانية بس المشكلة إني كنت دايمًا بحاول أصدّها وأبعدها بطرق كتير، مرة بالكلام عن إني مستحقهاش وإني مش هعرف أردلها اللي بتقدمهولي ومرة تانية أعاملها وحش عشان أجبرها تبعد عني رغم إني جوايا أنا بحبها ومش عاوزة أخسرها، فضلنا في الدوامة دي ٣ سنين لحد ما بعدنا نهائي، بعد ٣ سنين كمان بدأت أعترف بيني وبين نفسي إني فعلًا شخص مؤذي وبضر اللي حواليا باعتقاد مني إني كده بحميهم مني، بخاف حد يكتشفني من قريب فيبعد لما يشوف قد إيه أنا بشعة من جوايا وإن العك اللي عندي ده لا يلائمه، كنت شايفاها دايمًا أحسن مني بكتير واستكترتها حتى على نفسي
أنا بس مش فاهمة أنا ليه بعمل كده ومهما اعتذرت بيكون اعتذاري بايخ جدًا لإن الأذى اللي بسببه أكبر من إنه يتمحى بكلمة أسف ملهاش أي معنى وبتبان ترييح ضمير بس

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Donut_81901 🇪🇬

مشاعر متلخبطه بعد الطلاق.. عاوزه يحس بقيمتي

بعد الطلاق مبسوطه ومش مبسوطه مشاعر كتير متلخبطه ده مش معناه اني عاوزة ارجع بس يرده عاوزاه يحس بقيمتي وبكل اللي كنت بعمله علشانه بس عاوزة احب واتحب حاسه انه مستحيل وانا معايا ولاد لو كلمت حد يبقي كلامه كله خارج او بيفكر ان المطلقه فريسه سهله معيطتش في حضن حد علي عمري اللي عدى رغم اني كنت باينه قويه بس كنت محتاجه انهار بس ملقتش حد ممكن اعمل كده في حضنه ناس كانت فاكرة اني لو عيطت ابقي ندمانه وده صعب يتندم عليه بس عمري اللي عدى وسنين راحت كنت محتاجه انفصل بدري الاقي فرصه جديدة اعيش في حب وراحه وامان كتير بسال نفسي هي خلاص حياتي وقفت كده وحزعل لو عرفت انه اتجوز وخابفه العمر يجري اكتر فرص كل حاجه راحت شغل وحب وجواز كتبر بسال نفسي هو انا كان المفروض اتحمل علشان البديل مش حلو ولا انا كده صح وفي حاجه تهدى من وجع قلبي يمكن علشان كتمت الوجع وعملت نفسي جدعه حاسه انه بيطلع عليا ...عرض المزيد

3 الدعم

29 نصيحة

Pear_51536 🇪🇬

زعلانه علي نفسي وبتمني زوج صالح يطبطب عليا

زعلانه علي نفسي اوي حرفيا قلبي زعلان بتمني حاجات كتير و حاجات اصلا طبيعيه ولا حاجه بتحصل منهم نفسي اكون بيت و اسره هاديه و جميله نفسي ف زوج صالح بجد يكون عوض ليا انا اتحرمت من بابا .. نفسي ف زوج يخاف عليا و يحبني و يموت فيا انا انا وبس و يملي عيني حرفيا محتاجه زوج صالح بتمني كده من وانا صغيره و تعبت انا 27 سنه و نفسي ف حد يطبط عليا .. ادعولي من قلبكوا و لكم المثل لان نفسيتي زي الزفت بسبب كده... و انا مش كاتبه كده عشان حد يدخل يتقدم ادعولي بس من قلبكوا ...عرض المزيد

8 الدعم

24 نصيحة

Marshmallow_69067 🇪🇬

مش بحب عيد ميلادي.. كل سنة وانا طيبة

انا مبحبش يوم عيد ميلادى بس هو النهاردة ١٥/١١ قولولى كل سنة وانتى طيبة😅😅.. كل عيد ميلاد ليا بقفل اكونتاتى عشان محدش يعملى بوست عملت كل حاجة عشان أختفى من أذهان كل الناس الى حوليا تعمدت دا .. بس النهاردة بحاول اتفاءل شوية عيد الميلاد بالنسبالى شئ حزين مش مفرح لان كل سنة الإنسان بيكبرها بتقربه من الموت .. سنين كتير عدت من غير م نحس بيها.. لما بتعدي علينا ذكري ميلاد حد بنحبه بس هو مش موجود او مات بنحس مشاعر مش لطيفة.. بستشعر ان كل الذكريات حزينة حتى الذكرى المفرحة لما بنفتكرها بعد وقت طويل بنفتكرها بحزن لاننا بنحس انها مش هتتكرر.. ديما الأيام واللحظات الحلوة بتكون ف الماضي كل م بنكبر الحياة بتبقى أصعب و إستقبالنا لأى شئ مفرح بيبقى بحماسة أقل.. بس مش يمكن الانسان محتاج يعيش الوقت زى م هو وخلاص كدا كدا أيام محسوبة علينا.. أتمنا الايام الجاية تكون شيلالنا أفراح كتير وجبر من ربنا أتمنى خلال السنة دى ربنا يحققلى كل الاحلام والدعوات الى متحققتس ف عمري كله وانا مش رابطة الموضوع بعيد ميلادى هو مش مولد السيد البدوى 😂😂 هو مجرد انى بحاول اتفاءل ...عرض المزيد

5 الدعم

23 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع