ضحكات ورفض

Lemon_52708 🇪🇬

منذ أسبوعين

شعور مكسور القلب

أنا خريج تجارة إنجليزي – جامعة القاهرة. مش ببيع وهم، ولا بادّعي بطولة، بس ده برضه مش مؤهل واحد يتحط على الرف. شغال Data Entry مع إنهم عارفين كويس أنا خريج إيه، وعارفين إني قضيت سنة تدريب في مكتب محاسبة وأخدت الخبرة اللي محتاجها علشان أطلع خطوة لقدّام. بدل ما أترقّي أو أتحرك، اتحطّيت في المكان اللي

عبّر عن شعورك بشكل مجهول

أنا خريج تجارة إنجليزي – جامعة القاهرة.
مش ببيع وهم، ولا بادّعي بطولة،
بس ده برضه مش مؤهل واحد يتحط على الرف.

شغال Data Entry
مع إنهم عارفين كويس أنا خريج إيه،
وعارفين إني قضيت سنة تدريب في مكتب محاسبة
وأخدت الخبرة اللي محتاجها علشان أطلع خطوة لقدّام.

بدل ما أترقّي أو أتحرك،
اتحطّيت في المكان اللي أي حد فاهم عارف اسمه: Naughty Corner.

مش علشان قصّرت،
ولا علشان فشلت،
لكن علشان هم عارفين إني بطوّر من نفسي
وعارفين إني بروح مقابلات شغل
وعارفين إني مش ناوي أفضل هنا.

وصل بيا الحال إني أوقّف تقديم فترة
مش كسل،
لكن علشان ما يشكّوش في التزامي أو أدائي.

والأوسخ من ده؟
إن بقى فيه شماتة.
نصايح من ناس أقل منك،
وضِحك على كل رفض في مقابلة،
وكأن سقوطك هو الأمان الوحيد ليهم.

النتيجة؟
كرهت نفسي.
كرهت حياتي.
وكرهت اليوم اللي دخلت فيه المكان ده
وعرفت الناس دي.

بس الحقيقة اللي بدأت أفهمها: أنا مش فاشل…
أنا محاصر.
والمكان اللي يكسّر ثقتك مش مكان شغل،
ده مكان لازم تسيبه قبل ما يخلص عليك من جوه
من حقي اني أبدأ حياتي من حقي اتجوز الانسانه اللي تقدرني من حقي انام على المخده احس اني مش مركون على الرف على ان صوتي مسموع ناس كتير هتفتكرني وهتقول عليا ضحيه بس انا مش ضحيه انا من حقي اني محسش اني مستبعد ااه عندي عيوب بس انا مش مستبعد ااه حبيت بس ده حب اخرته وحشه
مكنش لازم اكتب الكلام ده هنا
ومش منتظر حد يرد
لكن انا كتبت الكلام يمكن يهديني شويه بس الحقيقة تنفيسه

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Kiwi_87034 🇪🇬

ليه مش من حقي اتحب وأنا إنسانة محترمة؟

هو انا مش من حقي اني اتحب انا نفسي اتحب اوي نفسي احس بالامان بحس أنه كتير عليا ليه دايما بقع مع أشخاص مش كويسه انا محترمه جدااا ومش بحب التجاوز في الكلام ليه كله عايز كده انا من حقي احب واتحب حتي اهلي محبونيش للدرجه دي انا وحشه ...عرض المزيد

2 الدعم

24 نصيحة

Coffee_79063 🇪🇬

ملانة وعايزة اتكلم مع حد قبل ما أنام

ملانة وعايزة اتكلم مع اي حد لحد ما انام ت/يحكيلي قصته/ا الحاجات اللي شاغلة دماغه/ا مشاكله/ا او احكي انا🤨 rjrmdkdkeksmememswkekrkrkrkrmfmfmfmfktkffkkfmfmfmffmmfmffmrkrkrkdkdkrkdkfkkffkfkfkfkfkkrkrkr ...عرض المزيد

0 الدعم

22 نصيحة

Moon_89380 🇪🇬

بقيت حاسه بعدم ثقه في نفسي بسبب وزني القليل

بقيت حاسه بعدم ثقه ف نفسي بسبب وزني اول مره اجرب احساس اني مش عارفه البس الهدوم اللي عوزاها بسبب اني شمل جسمي مخربها وزني قليل جدا ع طولي محتاجه ازوده بدون اي كورتيزون حاولت ومعرفتش عاوزه حل بجد ...عرض المزيد

0 الدعم

21 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع