ضعف شخصية

Strawberry_86910 🇪🇬

منذ 3 أيام

شعور ضاق ذرعًا

ليه محدش قالي ان التعامل مع الناس صعب ومتعب ليه اهلي مفهمونيش اتعامل ازاي ،اي ذنبي اجي اخر الليل ومبطلش عياط ليه مفيش احترام! ليه منعاملش بعض باسلوب كويس !ليه ميبقاش قلبنا سليم ناحيه بعض جماعه دي دنيا انتو ليه وحشين كده وانتو عارفين اننا هنموت وكل كلمه وكل حقد هنتحاسب ذنبي اي اني عندي حياء من اني ا

Apple_42183 🇪🇬

منذ 3 أسابيع

شعور متعب

Ice Cream_46122 🇪🇬 ادخل ع الانستجرام dr.ebrahim_adel اخر حاجة في History في مساعدة مجانا الي عانو من الحوار دة ادخل ان شاء الله يفيدك

عرض الكل 3 نصيحة

عبّر عن شعورك بشكل مجهول

انا حاليا عندي 18سنه عايش في بيت عيلة ابويا وسط اهلي واخواتي وبالمناسبة انا اكبر اخواتي. وانا صغير اتعرضت للتحرش من حد قريب مننا في العيلة واللي كان معانا ف نفس البيت ف الاول مكنتش فاهم ده اي ولا اعرف لي بيحصل كده بس فاكر احساسي ساعتها. تعدي الايام والسنين ومحدش يعرف اي حاجه من اللي بتحصلي بالرغم إن مكنش تحرش بس الموضوع وصل للأعتداء الجنسي بعد كده وللإسف كنت شبة اتعوت علي حاجه زي كده مبقتش عندي نفس الرهبة والخوف اللي كانت في الاول ومع ادراكي لفعل حاجه زي كده حاولت كتير وبكل الطرق إن ابطل حاجه زي كده وإن فعل زي ده ممكن قد اي ربنا يبقي غضبان عليا وكل الكلام ده حاولت مع نفسي كتير وقربت فعلاً من ربنا لكن برجع من تاني لنقطة الصفر ومنكرش ساعتها الموضوع ده كان مسببلي مشاكل كتيرة في شخصيتي وده كان الطبيعي بسبب نتيجه الخوف اللي اتعرت لي... 
المهم اخر م تعبت من اللي بيحصل ومش عارف اغير حاجه حكيت اللي بيحصل ل امي ومن هنا كانت بداية كل حاجه وحشه تحصلي في حياتي فعلاً (وبالمناسبة حكيت اللي بيحصل معايا بالظبط من سنتين من عمري حاليا) طبعاً الكلام مكنش ب الساهل علي حد ومش عايز احكيلكم عن كسرة امي وابويا بعد م حكيت بس كان غصب عني واول حاجه امي وابويا عملوها خدوني عند دكتور يكشفو عليا والدكتور قال مفهوش حاجه الحمدلله قبل م اروح عند الدكتور بالظبط امي دخلت معايا وخلتني اضرب الشخص ده بالقلم عشان ترد كرامتي ساعتها لما حكتلها وكدة (الشخص اللي بحكيلكم عنه ده هو ابن عمتي) المهم عبال م رجعنا من عند الدكتور كان ابن عمتي كلم امه وحكلها كل اللي حصل وطبعا طلعني وحش المهم عمتي كلمت باقي اخواته وكام واحد من اهلي عشان يعملو قعده وإن ازاي ادخل اضربه وهو اكبر مني دخلوني عشان احكي اللي كان بيحصل طلعو كل الكلام اللي بحكي كذب وإن انا اللي كنت بطلب منو الحاجه دي وكلام كتير زي الزفت معرفتش ادافع عني نفسي وشايف امي وابويا مصدومين من اللي بيتقال جالي انهيار عصبي وقتها وبعد م فوقت ابويا وامي قالولي لازم نقفل ع الموضوع عشان ماتفضحش ولازم انسي اللي حصل عشان هما كمان ينسو وكلام غريب كده مكنتش مستوعب حاجه غير إن مصدوم  من اللي بيحصل حواليا وطبعاً طبعنا المعاملة اتغيرت 180درجة فكل حاجه حرفيا بس الغريب إن لقيت بعد فترة رجعو يتعاملو مع بعض من الاول وكأن محصلش حاجه بس لما يكون في تجمع او مناسبة وكدة مكنتش بظهر طول م حد موجود عندنا محدش كان منعني بس من نفسي انا اللي مكنتش عايز اتعامل مع اي حد من اهلي مش قادر اتعامل مع حد تاني انا أصلاً من صغري مكنش ليا صحاب خالص ولا كنت بشتغل بسبب إن مش عايز اتعامل مع حد كل خروجي من البيت عشان الدراسة فقط بس بعد فترة من اللي حصلي ابتديت اتعرف علي ناس مش كويسة من خلال السوشيال ميديا وعملت حاجات ** مع ناس معرفهاش كنت بعمل كده بهدف إن مكنش وحيد والقي حد اتكلم معاه او اعبر عن زعلي لو في حاجه مزعلاني وده طبعاً غلط وانا عارف بس مش عارف اغير اي حاجه محدش من اهلي يعرف إن في حاجه زي كده بس انا تعبت عايز ابطل اي حاجه وحاولت كتييير وبردو برجع وكل مرة اقرب من ربنا واحكي معاه واحس إن خلاص مش هعمل حاجه تاني وربنا هيسامحني علي اللي فات بس برجع اتنكس من تاني انا مش قادر اتخطي اي حاجه من اللي حصلت ولا قادر اسامح نفسي ولا ال وصلني للحالة اللي انا فيها دلوقتي وطول الوقت حاسس ب الذنب وتعبان انا بنام بحلم ب كل حاجه وحشة حصلت من ضعفي فكرت كتير ف الانتحار وبرجع افتكر ربنا واقول إن مش حل بس بردو مش قادر اتأقلم علي الحياة اسألة كتيرة ف دماغي مشاعر ومود متلغبطة طول الوقت.

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Toast_53652 🇪🇬

منذ شهرين

شعور مكتئب

كنت دايما مبسوط مشفرحان بس راضي بالانا فيه حاسس بحماس اني اعيش الدنيا دي بس حلت تجربتين غيروا نظرتي خالص اولها اني رحت ادرس طب في جامعة بعيدة عن البيت و خت سكن كنت فاكر اني هبقا حر اكتر و انا بعيد عن اهلي بس التجربة دي غرفتني اد إيه انا فاضي و كائيب اد إيه كل يوم ضميري يانبني اني بعيد عنهم و كمان بد

Moon_73846 🇪🇬

منذ 3 أشهر

شعور ضاق ذرعًا

عاوزه احكي حاجه حابه اقولها ومعرفتش اغير منها فيا فكره اني مش بعرف احط حدود بيني وبين حد مبعرفش اقول لأ انا حد ذكي كفايه بكون ع علم بكل حاجه وكل استغلال عابر بيحصلي بس مش بعرف اغير حاجه هل ده غباء مني مش عارفه بس الموضوع واجعني جوايا مش حوار أن بتدايقك اني بتاخد مني حاجه لان اي يكن الحاجه عادي مش فا

Coffee_76770 🇪🇬

منذ 3 أشهر

شعور قلق

عبّر عن شعورك بشكل مجهول

السلام عليكم 
انا محتاجة مساعدة من حد يكون عمل Move On للاحداث اللي مر بيها علي زيي او مشابه ليا لاني مش عارفة اتخطى حاجات كتير واسفة للاطالة
انا سبق لي الزواج مرة زواج حقيقي ومرة تانية كانت كتب كتاب بس كنت صغيرة اوي مكنتش مدركة انا فين وده بيحصل ليه وكان عندي ضعف في الشخصية وقتها مكنتش بعرف اقول لا علي اي حاجة عموما
فقدت من الناس العزيزة علي قلبي كتير 
زي اخويا الصغير وجدي وجدتي وابن عمي واخرهم اللي قطم وسطي حقيقي هو خطيبي الله يرحمه من سنة ٢٠٢٠ لحد دلوقتي مش عارفة اتخطاه واكمل حياتي 
اللي حواليا بيقولولي اني ماينفعش ادور عليه في كل حد يتقدملي لاني رفضت ناس كتير جدا بس مش السبب الحقيقي اني بدور عليه فيهم 
السبب الحقيقي فعلا اني عايزة اتحب بنفس الطريقة اللي كان بيتعامل معايا بيها وقتها كنت مبسوطة وراضية اوي ولما مات ماعرفتش الاقيها من اي حد وانا شايفة نفسي اني استحق ده ودي اقل حقوقي اني اتعامل بالطريقة اللي ترضيني
فا هل انا اوفر بزيادة؟!! 
وازاي اقدر اتخطى عدم وجود الناس دي في حياتي لانهم كانوا الاقرب لقلبي 
اوقات كتير برفض الواقع اللي انا عايشاه وببقي في حالة انهيار 
واوقات تانية بقول انا قادرة اغير الواقع لو اتحملت شوية وطلعت من الزون دي بس للاسف عندي والدي بيحبني حب اعمى لدرجة اني ممنوع اغيب عن عيونه ولا اسكن بعيد عنه حاسة اني متأيدة جدا 
ممكن حد يساعدني ؟!!

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Mango_72064 🇪🇬

منذ 3 أشهر

شعور متعب

الوحده والزعل والاكتئاب انا محبوس جوايا عبدلحجات عبيطه جدا كل الي حواليا بينجحوا ويتحركوا وانا ثابت مكاني بسبب عوامل محيطه بيا انا كويس والله بس الي حوليا مش كويسين كل حاجة اثرت عليا بالسلب حتي شكل كبر بقا ضعف سني الحل ايه افوق من الي انا فيه ازاي

Avocado_74559 🇪🇬 اعطي نفسك اجازه عقليه

عرض الكل 5 نصيحة

Biscuit_71393 🇪🇬

منذ 3 أشهر

شعور مرتبك

هل نقد تصرفات الناس اللي فيها نوع من الأوفر أو التصرفات الغير سوية نسبيًا يعتبر مرض نفسي أو غرور؟ ولا هو مجرد نسيان إن الطبيعي إن البشر أصلاً مش كاملين ولا سوية بشكل كامل؟ هل يحق النقد فعلًا ولا ده بس بيكشف ضعف؟ يمكن الأفضل أوقات إننا ماننقدش ونبني قوتنا بعيد عن إننا نوقف على ضعف شخصية الآخرين ولا د

Cherry_55189 🇪🇬

منذ 3 أشهر

شعور مستنزف

انا تعبت من كتر ما شخصيتي معدومه دائما رأيي من هنا لهنا ومن هنا لهنا بيقنعوني برأيهم وانا عشان طبعي مبحبش المناهده وبتعب منها بمشي على رأيهم وده اعتقد سببه أن اهلي كانوا هما اللي متحكمين في حياتي ومازالوا لدرجه ان انا حتى مش بعرف انزل الشارع لوحدي بالرغم من أن انا عندي١٨سنه انا حرفيا مش عارفه ايه ال

Watermelon_66850 🇪🇬

منذ 4 أشهر

شعور مكسور القلب

حصل موقف ضايقني انهردا في الشغل انا بشتغل مع أطفال صعوبات نطق فكنت بشتغل في جلسه مع طفل لقيت زميلة اقدم مني في المكان معاها مايك لعبه اللي بيطلع صوت دا وقاعدة بتلعب بيه مع الأطفال علشان يتشجعوا وينطقوا وكانوا بينطقوا فعلا فسألتها بيتعان فين علشان لو الاطفال بيحبوا ابقي اطلعهلهم وينطقوا قامت المشرفة

Ice Cream_74765 🇪🇬 متضايقيش خالص كان ممكن تقوليلها طب ما تعلميني و اهو كله في مصلحة الشغل و المركز

عرض الكل 3 نصيحة

Blueberry_64034 🇪🇬

منذ 4 أشهر

شعور ضائع

هو احنا ليه بنكتئب بسبب ناس احنا مش فى دماغهم اصلا هما اذونا و عملوا دورهم فعلا و مشيو و احنا نتسحل سنين فى علاج نفسي و ترميم ذات و قرف كتير كدة و يا سلام بقا لو اللى حواليك عمال يلوم فيك انك ازاى ضعيف و ازاي مش عارف تتعالج كل ده و مش عارف تلملم جروحك من كل اللى اذوك كدة و انت مابقتش فاهم طيب الغ

Waffle_69876 🇪🇬

منذ 4 أشهر

شعور مكسور القلب

حد ياجماعة زيي انا عندي من ابويا عقدة نفسية مش انا مش بكرهه بس بفضل اني اعيش بعيدة عنة هو ضعيف ومبيعرفش يتعامل مع الناس صح ومرات ومداش امي ولا شيء بالعكس حتى الدهب اللي عندها خدة بسبب مرض امو وعمل لاولاد اعمامه إقامات فالسعودية بفلوسة على شرط انهم دين وطبعاً ولا واحد منهم رجع له الدين امي شخصية متعف

Almond_67056 🇪🇬

منذ 5 أشهر

شعور ضائع

مشكلتي اني مبعرفش اقول لأ وثقتي بنفسي دايماً مهزوزه مش عارف اخد خطوه واكون متأكد من صحتها حتي لو بنسبه 70% انا بمر بأصعب ايام حياتي حرفياً وعقلي بيوديني في افكار تودي في داهيه ومش عارف اوقف تفكير

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Apple_64082 🇪🇬

منذ 5 أشهر

شعور متعب

عبّر عن شعورك بشكل مجهول

تعديل 
عامتنا انا مش عارفه ابدا منين بس انا هطلق والمرة دى مصممه انا هحكيلكم باختصار على قد مااقدر لان التفاصيل كتيره اوى والجرح كبير انا اخدت جوزى عن حب فى الكليه للاسف امى توفت وانا مكنش ليا تجارب وساذجه واول واحد قالى بحبك صدقته جتلى فرص اسيبه بس لانى طيبه وبيصعب عليا كملت ولانى معنديش حد يوجهنى استنيته وعدت سنه مخصوص عشان يسبقنى هو قدى فى السن واتخرج واشتغل انا اعرفه من اولى كليه استنيته لحد ماعمل حبه فلوس يجيبه شبكه وفرح ومكنش عنده شقه طبعا جالى عرسان ياما وانا صمتت على دا واقفت جمبه. وبعد الخطوبه بعت شبكتى علطول واشترى شقه من اخويا واخويا اشترط ان النص الشقه يبقى باسمى لان كان باقى فلوس وعشان يثبتلى انه جديد بيا وبيحبنى وعافرت معاه واى فلوس اديهاله عشان يخلص باقى الشقه واهله مكنوش كويسين خالص واستحملت عشانه واتجوزنا ولاخروج ولا فسح ولا اى منظر وطول اليوم بره فى الشغل وفى محل عندهم بيقعد فيه وبعدين يجيلى 3الفجر وينزل 6 الصبح وينام معايا زهقت اوى ومكنش حاسس بيا اربع شهور لحد ماحملت تعبت اوى فى حملى وهو برضو مع اهله مع حياته وكانى مش موجوده ومكنتش بروح لاهله عشان ابتديت اطخن ويتريقوا عليا وكانو معندوش ذوق ابدا وخلفت ابنى طلع عنده مشكله وتاخر وكنت متبهدله بيهولا كان راضى يروح لدكتور ولا حاجه لمده 4 سنين انا فى عذاب وطخنت وجالى اكتءاب قولت اجلف تانى يمكن يعوض عليا ربنا وعشان ابنى مكنش لاقى حد يفهمه ويلعب معاه حملت كنت متمرمطه وطخنت اكتر ومكنتش اقدر اتحمل وهو لا بيعين ولا بيساعد ولا مخلى باله منى وانا لوحدى وكل شويه يحلف بالطلاق حصل مشكله سبنى فى اوخر حملى وكنت تعبانه اربع شهور وراح قعد عند امه وطبعا امه ست انانيه ولا تقوله مراتك حامل خليك جمبها ولا حاجه طالما ابنها مبسوط خلاص كنت ساذجه جدا وعبيطه واكتشفت انه بيخونى انا اشتغلت اون لاين فترة الكرونا وكنت بكسب كويس وكونت فلوس ودهب لاقنى بكلم واحد فى شغل فضحنى وقال دى بتكلم رجاله انا كنت بحسبه بيغير اتضح انه كان عاوز يطلق باقل الخساير ويطلعنى بفضيحه ولما لقى ان محدش صدقه مفيش اثبات جر ناعم وصالحنى واخواتى قالولوه جيب غويشه انا والله دفعت فيها فلوس عشان مكنش معاه يكمل وبعد كدا شوفت القرف كله رجعنى عشان ابقى خدامه للعيال ويعيش حياته وانا كنت لوحدى وشخصيتى ضعيفه اكتءبت اكتر وطخنت وشوفت رسايل ومحادثات وخيانه تعبت وجالى السكر
بعد ماجالى السكر روحت كشفت قالى الدكتور دا سكر من النوع الاول وحلك تحويل مسار عشان تنقذى نفسك وطبعا هو مرضاش وقالى مش هدفعلك مليم وراح قال لاخواتى مليش دعوه بيها ومرضاش يخلى العيال معاه روحت عملتها اخويا بيتصل بيه فى المستشفى كنت بموت قاله تعالى بص على مراتك ازاى مش موجود وهو كان فى فرح مع واحده وقال لاخويا انا مش فاضى اجى دى لو ماتت مش فاضى اجى ادفنها طبعا اول مافقت سمعت كدا قلبى اتشرخ المهم روحت كنت بموت من الوجع والضعف يسكت لا راح اخد بعضه مع واحده بعيالها يفسحهم فى مطروح اسبوع مصيف ورامينى ورامى عياله واخواتى اتخانقوا معاه وطردوه وابوه بقى ساعتها كلمنا وعيطلنا وقتلنا دهو هو بيحبك والبنت التانيه هتضيعه ولمى البيت عشان خاطر عيالك انا وافقت وقولت اشوف صحتى ومليش دعوه بيه وطبعا شكلى اتغير واحلويت وبقيت اصغر من سنى حليت فى عيناه عاوز ينام معايا كل يوم وانا بتقى الله فيه ووربنا جابلى حقى واتنصب عليه فى مبلغ كبير واحده ست اخدته وكان بيعيط والدنيا جت عليه صعب عليا اديتله غويشتى لان بعت دهبى فى العمليه وكان فيه فيزا مشتريات وشهادت مع انه مدفعش جنيه فى عمليتى ولا كان بيجبلى حاجه اصلا بعد كدا مكنش معايا حاجه بقيت ادبر نفسى عشان يعرف يسد الديون اللى عليه من الست دى وانا منسيه تمام يجى عاوز ينام وياكل وخلاص وكنت ساكته وفترة انا زهقت وزعلت عشان اخواته بياخدوا فوايد منه يدوبك شهر لاقيت رقم واحده على التليفون قفلت منه خالص ومقلتلوش وبعد كدا جه رمضان وطبعا مش بنكلم بعض وكان عندى فرح فى العيد سافرت ومرضاش يدينى فلوس سفر وعندت معاه سافرت واشتريت هدوم وظبط شعرى وكنت موزه حسيت انه زعل انى احلويت مفرقش معايا لانه بيكلم واحده رجعت بعد العيد لاقيته ساب البيت ومش بيجى ويقولى اعتبرى نفسك مطلقه وبيدى مصروف العيال بس معبرتوش وقلتله هات فلوسى يقولى الغويشه كانت تمن شرمطتك ومش هدهالك وهو يقولى انا مش بطيقك وراح لاخويا وقاله اطلقها وانا مفرقش معايا برضو لانى مش شايفه انه ليه حق انه يسيب البيت اصلا زى عادته ولانه ضامنى انى قاعده قولت اسيبه يرن انا كنت مراقبه تليفونه وصوره لاقيته مع بنات وبيعت صور ليه وهما يبعتهاخر سفاله ومنهم الست اللى واخده فلوسه بقيت هتجن انت قادر تعمل فيا كدا تانى طبعا هو مبيعترفش انه غلطان وامه العقربه تقوله ماهى لو مكفياك مكنتش عملت كدا ياضنايا وربنا يغفرلك انا بقى قرفت اوى وابتزاته بالصور عشان يطلق ويدينى حقوقى
ابتزاته عشان يدينى حقوقى  وفلوسى مرضاش روحت على الستات وابتزتهم عشان يضغطوا عليه يطلق والمهم هيحصل ونتفق واخد وصلات امامه وحقوقى وهيطلق وبيدعى عليا عشان انا كدا لويت دراعه وظلمته وانى ربنا هيورينى وهو عاوز يرجع بس انا مصممه لان الجرح اللى اتجرحته كبير اوى مش قادرة اعديه قولولى انا كدا صح انى خلاص قررت انفصل خصوصا معايا عيلين وبعدين كل اللى حواليا يقولولى لو وافقتى ترجعيله هيمرمطك اكتر بس انا طيبه وغلبانه وعاوزه عيالى يعيشوا مع ابوهم  ونفس الوقت انا مش قادرة اتحمل جرح وخيانه وانى فى نظر اهله مش ماليه عينه وكمان هو واهله متكبرين مش بيعترفوا اصلا بغلطهم ولا بيعتذروا ولا حتى جم يراضونى حاسه انى هخسر كرامتى اوى لو فكرت ارجع قولولى انا كدا صح ولا غلط وهل ربنا يعاقبنى عشان عيالى يكونوا من غير اب ربنا العالم انا سامحت قد ايه ومفيش فايده مش بيتغير ولا جرحى بيحس بيه اصلا مع انه هو طيب بس بمزاج او تحس انه عنده مشاكل نفسيه وقت الزعل بيشوف اللى ادامه عدوه وممكن يعمل اى حاجه المهم ينتقم انا محتاره ومش عارفه اعمل ايه كل الناس بتقولى جدعه وانى كدا اخدت حقك ويغور فى داهيه بس صعبان عليا العيال وبرضو لو افقت ارجع هتعب اوى نفسيا مش عارفه اعمل ايه

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Banana_62165 🇪🇬

منذ 5 أشهر

شعور متوتر

عبّر عن شعورك بشكل مجهول

انا حرفيا بقيت تايه مش عارف اخد خطوة صح الملخص انى حبيت بنت  واتخطبنا علاقتنا بقالها ٧ بس الخطوبة سنتين هى كمان بتحبنى وفركشنا ورجعنا وفركشنا تانى كلها اخطاء سواء منى او منها مش هقول انا احسن واحد فى الدنيا بس اللى حصل واهلها وخاصة امها من وقت دخولها فى مشاكلنا وعلاقتنا اتدمرت وسيبنا بعض تمام وهى اتقرا فاتحتها وانا قعدت مع ناس تانيين ممكن يكونو مناسبين اكتر وكمان اجمل وحاولت ادى لنفسى فرصة مع حد فيهم وهم كانو بيتمنوا انى اخد خطوة كنت واخد الموضوع من ناحية انه حد مناسب ومريح وخلاص بس حب مش هعمل كده تانى وكالعاده بعد فترة رجعت تكلمنى تانى وانا بردو رجعت اتكلم تانى علشان بحبها بصراحة وبلاقى راحتى معاها الفكرة ان دلوقتى الامور بينى وبين مامتها واصلة لطريق مسدود لدرجة انها قالتلها يا انا يا هو وهى برضو شخصيتها ضعيفة اوى مع مامتها ومش عارفة تاخد موقف معاهم حتى انها تخلص من الحوار اللى هم دخلوها فيه حاسس انى اهبل اوى وضعيف على الرغم ان دى مش شخصيتى تماما وانا الحمد لله قدرت ابنى نفسى بنفسى من غير مساعدة حد واللى بعمله او وصلت ليه صعب حد فى سنى لوحده يعمله وده توفيق من عند ربنا المهم التفاصيل كتير ومش عايز اطول بس مش عارف اعمل ايه الحقيقة

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Biscuit_87611 🇪🇬

مش عارفه ليه بمسح التطبيق وارجع أنزله تاني!

مش عارفه لي كل م اقرر امسح الابلكيشن و فعلا امسحو شويه و ارجع انزلو تاني سعات بحاول اساعد و اتكلم و سعات بتقفل و احس اي للي انا بعملو دا مش مكاني ولا انا حابه اكون هناا خصوصا ان ف كلام بيكون مش كويس بيتقال بردو بس حاسه اني بهرب و خلاص سعات بلاقي ناس عندها نفس مشاكلي للي انا مش عارفه احلها لنفسي و اتكلم معاها مسبهاش غير لم احلها ليها لو كان ف ايدي دا مش عارفه لي الانسان دا و بيعمل ف نفسو كداا عاوزه اتكلم و مش عارفه و مش عاوزه هيييح فككو. ...عرض المزيد

0 الدعم

15 نصيحة

Peanut_76092 🇪🇬

خايفة من نفسي ومن نوبات الغضب مش عارفة أعمل إيه

جوايا غضب رهيب مش قادرة احدد سببه، خايفة من نفسي جداً، خايفة يجيلي تاني نوبات الغضب، خايفة افقد السيطرة على نفسي، خايفة اتكلم اصلاً فاغضب زيادة.. مش لاقيه حل ومش عارفه اعمل ايه عملت كل السُبل اللي تخليني اخف الغضب ده ، فعلاً مش عارفة، دماغي حساها بتتحرق من كتر الغضب من سبب انا معرفوش ...عرض المزيد

0 الدعم

15 نصيحة

Grape_89316 🇪🇬

ازاي ابطل الطيبه الزياده دي واصبح قاسيه بجد؟

اوقات بحسني غبيه حوار الطيبه الزياده ده مقرف اويي شخص كان بيطمن عليا كان بقالو فتره كبيره مكلمنيش انا مفكره انو بيطمن عادي لكن لااسف كان جاي علشان محتاج مني حاجه المشكله اني كنت عارفه انوو بيكلمني علشان حاجه رغم ذالك كلمتوو كويس وساعدتو ف الي كان محتاجه بس اضيقت بعدها انت اتعملت معاه عادي كان مغيش اي حاجه بس بجددد مش طبعي اني اكلم حد وحش حتي لو مضايقه منووو ازي ابطلل الطيبه دي ازييي اكون قاسيه بجدد محتاجه اتغيرر ...عرض المزيد

0 الدعم

15 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع