ضياع العمر

Biscuit_71393 🇪🇬

منذ أسبوعين

شعور متعب

اتربينا في مجتمع عبارة عن أعباء نفسيه وبس والاسم حياة كل مرحلة فيها عبء اكبر من التاني الدراسه كانت عبء صراع دايما اني انجح مقارنات باسم التشجيع بعدين اتخرجنا لاعباء تانيه اكبر ببساطة مليون واحد التخرج زيك فا حضرتك شهادتك ديه ملهاش لازمه يلا بقي عبء جديد بس شيك شويه خد كورسات اتعلم لغات اتعلم مهارات

Marshmallow_69067 🇪🇬

منذ شهر واحد

شعور مرهق

بيجي عليا اوقات بحس انى فاضلى تكة ودماغى هتفصل و هدخل في مرحلة الجنون مش هزار.. ساعات بتحصل حاجات بتكون فوق تحمل الإنسان خصوصا لو ع مراحل كتير من عمره.. كل م بتبكبر بتحس انها بتبوظ منك اكتر.. وكأنى مثلا بتعاقب كأنى كنت موجودة ف عالم تانى قبل كدا وجيت أتعاقب هنا دا بيكون شعوري وقتها.. لما بدخل في الم

French Fries_73406 🇪🇬

منذ شهر واحد

شعور محبط

عبّر عن شعورك بشكل مجهول

السلام عليكم انا شاب عندي ٢٤ سنه من القاهره  و مش معايه اي مؤهل استغلت شغلانه واحده ضيعت فيها ١٨ سنه من عمري و خرجت منها ممعيش ربع جنيه بسبب انها شغلانه غير مستقره يوم شغال و ١٠ قاعد ولا تأمين ولا شغل سابت ولا قبض سابت حتا ضيعت ١٨ سنه من عمري بدور علي الاستقرار فضلت اتنقل من مكان لمكان لحد لحد لما خلاص تعبت و حاسس ان عمري بيضيع مني و نفسي الحق نفسي و مش عارف كمان انا بقالي ١٥ سنه بصرف علي نفسي باكل لوحدي و بعمل كل حاجه لوحدي و دا كان سبب اني مقدرتش احوش كنت كل لما احوش مبلغ يحصل دروب في الشغل و اقعد في البيت اصرف كل اللي عملته عقبال ما القي شغل تاني و معنديش حد في حياتي بيساعدني ولا في حد في حياتي واقف جمبي انا لوحدي في الدنياه انا امنيه حياتي الوحيده هي ان حد ينقذني الحق اللي فاضل من عمري قبل ما شبابي يضيع نفسي اشتغل شغلانه كويسه بمرتب كويس مناسب لظروف المعيشه علشان ابدأ من الصفر و احاول اتجوز و اعمل اسره اعمل الحاجه اللي اتحرمت منها طول عمري  بجد انا مش عارف اعمل اي و اتصرف ازي انا مستعد اشتغل اي حاجه بس تكون بمقابل كويس اللي يقدر يساعدني و يشغلني يبقي كسب فيا ثواب كبير عند ربنا هيبقي سبب في انه يخلي انسان يرجع يحب الحياه تاني من جديد انقذوني يا اخواتي ب الله عليكم انا مش عايز ارجع استلف من الناس تاني علشان اكل كسره النفس وحشه اوي ربنا ما يكتبها علي حد

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Kiwi_79580 🇪🇬

منذ شهر واحد

شعور مرتبك

في حد قالي انت ادرى حد عارفة نفسك عايزة ايه بس المشكلة اني بجد مش عارفة انا عايزة ايه ولا رايحة فين هو ازاي الانسان بيعرف طريقه طول الوقت عايزة الحاجة وعكسها وحاسة اني عمري مكان عندي حلم نفسي احققه حاسة اني بضيع عمري وانا تايهة

Sugar_47357 🇪🇬

منذ شهر واحد

شعور مكتئب

موضوع:

هل بتحب نفسك...ولا بتحب الصورة الي عايز توصلها؟

هفضل امته عايشه ف خيالي بس .. لا متقبله نفسي ولا شكلي .. قائمة من الاشياء الغير مرغوب بها تتكاثر.. هل انا هذا الشخص التي كنت اتمناه يوما ام لا .. هروب دائم من نفسي في المرآه.. هروب دائم من مواجهة افكاري يتم اخماد نفسي يوميا .. سنه تلوي الأخرى تضيع من عمري وانا كما انا لا جديد .. مش عارفه حقيقي مش عا

Marshmallow_81683 🇪🇬 اول حاجة مفيش حد بيختار شكله و دايما ربنا خلقه جميل في كل شئ سبحانه و تعالى حبي نفسك " مش حب مؤدي للانانية " و صاحبي ناس دايما بيحبوكي و مش بيتريقوا ع الشكل أو الهئية حتي لو هزار و اخر حاجة اكيد ربنا خالقك لوسيلة أو غاية لا يعلمها الا هو عز و جل و ادعي دايما إن ربنا يستخدمك في الخير دايما و اهم حاجة نعمة الصحة والعافية و أكبرها نعمة هي نعمة الإسلام

عرض الكل 3 نصيحة

Grape_61821 🇪🇬

منذ شهر واحد

شعور متعب

حل للعادة السرية ياجدعان و الاستغراق في مشاهدة الاباحية وصلت بيا ل٥ ساعات ، الموضوع بيزيد عن حده معايا و حاسس اني عمري ضاع فالسفه دا ، بقعد اتفرج و استكشف و ادور لحد ما الاقي فيديو ، الموضوع قلب معايا بسلوك ادماني فالدوامة دي تقريبا من ٥ سنين لأني اصلا عندي ADHD فابقى دا ملاذ الدوبامين

Coffee_52562 🇪🇬

منذ شهرين

شعور لا مبالٍ

شعور غريب مووت لما تجيلك لحظه ادراك كدا تخليك تفكر ف حياتك كلها مش دي الحياة اللي كنت راسمها لنفسي خالص ولا تخيلتها ف يوم كنت مخطط اني هكون شخص متدين معاه فلوس مريح اهله مشرف ابوه وامه مهتم بصحته هحححححححححح ولا اي حاجه حصلت من دول كل قراراتي غلط وسبت حجات عشان حجات مش اهم خالص ضحيت بحياتي ومستقبلي

Coffee_52562 🇪🇬

منذ شهرين

شعور لا مبالٍ

Donut_68524 🇪🇬

منذ 3 أشهر

شعور مرهق

انا رافضه فكره ان العمر بيجري المشكله انه بيجري ومعملتش اي حاجه مستقره في شغلي بس مبتحركش بقالي ١٠ سنين مع نفس التيم محدش فينا لا بيترقي ولا بيتحرك وطبعا زيادات نيله بفكر ابيع الي ورايا والي قدامي وامشي من البلد بس خايفه افشل انا لا عملت فلوس ولا عيله واصلا ابويا وامي ماتو واخواتي ملهين في حياتهم وا

Banana_74577 🇪🇬 سافريشوفي بلد جديدة وناس جداد او غيري الشغل مادام زهقتي منه وحاولي تغيري روتين حياتك احسن من الملل ده انك تفشلي احسن ١٠٠ مرة من انك تعيشي في الملل والزهق ده كفاية انك تكوني خضتي تجارب جديدة مين عارف الخير فين

عرض الكل 23 نصيحة

Popcorn_68662 🇪🇬

منذ 3 أشهر

شعور مرتبك

عبّر عن شعورك بشكل مجهول

اخر 6 سنين في حياتي او كمان الحبه منهم اللي كنت فوق  30 كانت مختلفه جدا رغم أن في منها يمكن تجارب كانت أول مره اخوضها ومنها اللي كنت مش فاهم انا فين ولا مين دول ويمكن دي بتكون اصعب التجارب لما تكتشف أن ضاع كتير اوي من حياتك مع ناس فأمرهم عزوتك و بيطلعو بلح و ناس تانيه بتشيلك .بتبقي مش فاهم وقتها اي حاجه ولا عارف تفوق من مرضك و اللي حاصل و لا تفوق من صدمه العزوه .بس كل ده حاجه وإحساس انك مش متشاف اصلا و وجودك زي عدمه ومحدش بيلاحظ حاجه تخصك وانت اصلا كنت تخصهم .
الدنيا مكان مش الراحه بس اللي اقدر اقولو أن نظرتك للحياة و للمواقف بتختلف من تجربه التانيه وفي تجارب بتغير وتشقلب حياتك في لحظه بس كلو بيعدي و تفتكر وتقول ياااه أنا كنت الوقت ده بعمل كذا ولا في مستشفي ولا علي كرسي بعجل ولا  ولا ولا. 
لما بتكون كلها أوقات صعبه بتحس بقيمه النعمه اللي كنت فيها واللي بقيت فيها بعد ما ربنا بيرضي عنك ويكرمك تاني لان مهما كان الصعب ربنا في الاخر بيجبر بخاطرك و يكرمك . . 
كلام ملخبط و طاقه سلبيه بتخرج وكان لازم اطلعها وتاني مره في اسبوع اخلص نفس الكتاب و شعور تاني مره احسن بكتير 
كتاب let them do 
تأليف mel Robbins 
من الاخر بقي ,,,, 😂

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Marshmallow_69067 🇪🇬

منذ 3 أشهر

شعور ضائع

عبّر عن شعورك بشكل مجهول

انا حاسة اني سامعة جوا دماغي حلل بنخبط في بعض.. كل مرة بعد مااتناقش مع ماما بحس بكدا.. هو مش بيكون نقاش ماما بتكون عايزة تعلم الى هى مقتنعة بيه وبس وبتقلب الموضوع زعيق وتقولى انا تعبانة ومش عايزة اتكلم دلوقتي.. ممكن نقعد نتكلم في موضوع ألف مرة عشان تقتنع ونتفق خلاص وترجع تغير رأيها لحد م اعصابي بتبوظ.. حتى لو حاجة تخصني لازم تكون مقتنعة لانى اتربيت اخاف افكر وانى اسمع كلام الكبار ولما حاولت اعاند وامشي بدماغي عشان اتعلم واغلط فعلا كنت بحس في عنيها نظرة انتصار واستهزاء الى هو مش قولتلك.. تعبت انى عمرى ضاع وحاجات كتير فاتتنى بسبب خوفي انا عندى ٣٠ سنه دلوقتي لحد دلوقتي بخاف اخد قرار لوحدى مش ضعف شخصية بالعكس باخد القرار بس لازم حاجة جواية بتخليني انى لازم اقنع مامل عشان احس بالامان واني مطمنه انا عارفة ان دا مش صح بس هي برمجتنى ع كدا.. لو رفضت عريس مثلا تفضل مضايقة وافضل اتكلم ساعتين اقنعها بوجهة نظرى الى هو انا مش مضطرة اعمل كدا لكن بحس انى مهددة نفسيا لو معملتش كدا .. انا مأخدتش من ماما واحد ع المليون من اهتمامي بيها وبمشاعرها وبوقتي الى بدهولها واهتمامي بكل تفاصيلها وكل حاجة يتحبها في حين ان دا محصلش معايا ومع ذلك كل كلمة تقولى انتي عاقة مهما عملت برضو انا عاقة وتفضل تقولى يا ويلك من ربنا وتقول كلام صعب وبعد كدا تقولى انا مقولتش كدا انتى بستهيقلك انتى موهومة داانتى اغلى حد عندي لدرجة انى فعلا بحس انى متلغبطة ويمكن اكون انا مأفورة الدنيا.. من كتر الضغط ابقى بتكلم انسى انا بتكلم في ايه وسط الكلام كذا مرة ومن فترة كان لسانى بيتقل وانا بتكلم بس دلوقتي لا.. ملخص الكلام حاسة انى اتزنق في كورنر البر وان مفيش حاجة تانية في الحياة هتحاسب عليها او هاخد حسناتك عليها.. بابا الله يرحمه كنت بشوفه كل م يشوف طفل يفضل يكلمه ع البر وان ولادك هيعملوا فيك الى بتعمله في اهلك وهما اصلا اطفال يعنى هما محتاجين رعاية اهلهم مش العكس الاطفال دى لما كبرت بقوا اكتر ناس شايلة اهلهم يعنى مش مقياس.. بحس ان الاهل بيتعاملوا مع ولادهم كأنهم بيعبدوهم او انهم ملكية خاصة او يفضلوا يحسسونا اننا السبب في معاناتهم او انهم متحملين عشانا رغم اننا مطلبناش منهم دا وكل ضغط نفسي هما عاشوه عيشونا اضعافه.. وطلعنا جيل ٩٠%منه عايز دكتور نفسي.. انا حتى علاقتي بربنا بخاف من عقاب ربنا اكتر م بطمع في رحمته وبرغم كدا بيغرقني رحمة والله بحس انى مش معايا غير حد غير ربنا طول الوقت من وانا صغيرة هو الى رباني وحمانى وبعد عن طريقي كل حاجة وحشة حتى من غير مااحس مش اهلى الى عملوا كدا اهلى كانوا هيئة محمكة حبهم مشروط مهما عملت بيتقلل من الى بعمله ومش بيعجب ودلوقتي ماما بتبوظلى اعصابي وتفضل تقولى انتى هتموتيني انا بقى بيجيلى بانيك اتاك وبيتعلقلى محاليل وموسع شعب عشان اقدر اتنفس كنت بوصل لمرحلة ضربات قلبي بتصحيينى من النوم او معرفش انام منها اصلاا حاسة انى محاصرة معرفش انا فين حياتى انا معرفش حياة تانية....

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Coffee_71965 🇪🇬

منذ 3 أشهر

شعور ضائع

موضوع:

لو رجع بيك الزمن ٥ سنين ايه اللي هتكرره وايه اللي مش هتعملو🤍

لو رجع بيا الزمن بالظبط ل ٢٠١٩.مكنتش حسافر ادرس برا مصر مكنتش حدخل مجال الطب الي ضيع بس عمري وانا قاعد ف مكاني متقدمتش خطوه عشان أحقق حلم مش حلمي شاب ١٨ سنه يسافر بلد غريبه لوحده وكل الي يعرفه الجامعه وبس و يدور علي سكن لوحده و بعد م اتأقلم يجي دكتور يتعندني لاني مصري ويسقطني ولما امتحن السمر يسقطن

Apple_68825 🇦🇪

منذ 3 أشهر

شعور وحيد

انا بمر بمرحلة اني فعلا الوحدة خليتني عايز اتجوز اي حذ والسلام وبرده مش قادر اقبل الفكره اني ممكن اتجوز اي حد والسلام عشان محسش بوحدة جوايا احاسيس عكس بعض وفعلا بحس العمر جري بيا جدا والسفر والشغل سحلوني مع اني ٣٠ ولسه العمر طويل.مش لاقي حد شبهي مش لاقي المواصفات الي بدور عليها حد فاهم حاجه؟

Mango_64751 🇪🇬

منذ 4 أشهر

شعور محبط

بعد كل التعب و الضغط والمجهود اللي الواحد بيبذلوا و بييجي علي نفسه علشانهم يفضلوا يقللوا منه و يطلعوه وحش مهما عمل حتي مفيش جبر خاطر بل يقولوا أنهم مهما عملوا انا اللي بشوفهم وحشين و اني مقصرة ولو قولت لاء و واجهتهم يقوموا قايلين ده من حقنا و غصب عنك تعمليه معدتش قادرة التعايش معاهم ولا مع تفكيرهم ت

Jackfruit_65540 🇪🇬 انتي انسانه جميله بغض النظر عن اي حاجه بتحصلك ربنا ييسرها عليكي ويفتح ابواب الرزق ف وشك و انتي انسانه قويه و شاطره جداااا وشابوه ع كل حاجه عملتيها سواء كانت صغيره او كبيره وربنا ييسرها لك عليكي يارب ويصبرك عليهم ويفك ضيقتك وكملي ف شغلك طلما بالحلال وربنا عالم وشايف و الكلام ده ليكي ولأي إنسانه جدعه بتحاول تعيش ف الظروف دي

عرض الكل 7 نصيحة

Pear_51951 🇪🇬

منذ 4 أشهر

شعور متوتر

الفترة دي عندي احساس ان العمر بيجري بيا ونا واقف مكاني محلك سر ، انا بشتغل وكل الكلام ده بس من غير فايدة حقيقية لا عارف ابني شقة ولا اعمل تحويشة ولا اي حاجة ، ناس كتير زمايلي في جيش و في شغل ببص عليهم النهاردة لقيت معظمهم سافر ، انا فرحان ليهم والله وبدعي ربنا يوسع عليهم الحمد لله انا مش بحقد ع حد ،

Avocado_64752 🇪🇬 لو هتسافر علي شغل دوس علطول. لو هتسافر تدور لسه يبقي بلاش. +ممكن تقولي المبلغ تقريبا كام بالظبط للمعرفه وكده عشان انا نفس عمرك بس لسه بادئ شغل

عرض الكل 4 نصيحة

Ice Cream_29289 🇪🇬

جوازي من مدرس ثانوي قديم وعلاقتنا بعيدة.. حياتي كئيبة

ازيكم ياشباب عاوزاه احكيلكم مشكلتي وياريت لو حد عنده حل انا عندي 22 سنه ومتخرجة ويشتغل الحمد لله وانا في تانيه ثانوي كنت بروح درس فيزياء عند مدرس نوعا ما صغير في السن بس هو كان طبعه شديد جدا كمدرس وكنت بخاف منه جدا وكنت مضطرة اروحله عشان هو يعرف اخويا ومامتي وكده ف كنت هتحرج اني مروحلهوش وفي نفس الوقت لو قولتلها في البيت على المبرر اللي مكنتش عاوزه اروح ليه مكنوش هيرضو اني اسيبه عشان هو ما شاء الله شاطر جدا كمدرس المهم تانيه وتالته ثانوي عدو بالعافية والحمد لله مبقتش يشوفه خالص عشان هو من منطقة واحنا من منطقه وبالنسبه لانه مدرس ومتجوز مش هيسال على طالبه عنده يعني المهم الفترة اللي كنت باخد معاه فيها كنت بحس فيه تناقض كبير في تعامله معايا ساعات يبقى بيتلكك عشان يضربني وساعات يبقى عارف اني مش مذاكرة وميرضاش يسالني ويسأل كل اللي حواليا الا انا وفي مرة والله العظيم سألني شفوي على سؤال في المنهج وجاولت فضل يسأل اسئله لحد م سال على معلومه والله مش في الكتاب ولا المذكرة هو كان قايلها معلومه عامة وانا مكتبتهاش وراه ف ده السؤال اللي غلط فيه وسط خمس أو ست اسئلة تقريبا وضربني وساعات من توتري يبقى عارف اني مش مذاكرة أو مش عامله الواجب وميرضاش يسالني المهم حمدت ربنا أن السنتين خلصو بالعافية ومن حوالي سنه كنت في عزا والد واحده صاحبتي في المنطقه اللي هو فيها ف اتقابلت مع البنات اللي كنت اعرفهم ساعة الثانويه وكده المهم بعد العزا اتمشينا شويه وجت سيرته ف قالولي ده ... طلق مراته ف بقولهم ليه قالولي أنه خلف ولد السنه اللي قبلها يعني في الفترة دي عنده سنه تقريبا وعنده ضمور في المخ وعلى طول بيكشف عليه وكده وطبعا عشان ظروف شغله مش بيعرف يروح يكشف عليه اغلب الوقت ف ديما مراته بتروح مع أمه أخته اي حد المهم أن مراته جت في مرة في أيام هو عليه فيها مراجعه وقالتله لازم تيجي معايا وهو مرضاش وحصل حوار وهما أطلقوا بسبب الموضوع ده هي اكيد كانت شايله من قبلها بس هي بتيجي على سبب تافهه كده المهم اني قولتلهم لو بيعاملها زي م بيعامل الطلاب وزي م كان بيعاملنا حقها تتطلق (هو عنده منها بنت عندها5 سنين وطفل اللي كان عنده ضمور واتفى من فترة ) المهم انا برده مليش علاقه بيه بعد الموضوع ده بفترة لقيته كلم اخويا أنه يتقدملي وكده مع اني مشفتهوش من ايام ثانوي يعني اربع سنين تقريبا المهم كنت خائفة عشان أسلوبه وطباعه الشديده جدا كنت خائفة يبقى كده في البيت بس اهلي اقنعوني أنه اكيد في البيت مش زي الدرس ومراته حاجة تانيه والحاجات دي كلها وانا اقتنعت وصليت استخارة وحسيت اني مرتاحه وطبعا الجواز تم بسرعه جدا قعدنا 5 شهور بس خطوبه ومعملناش فرح عشان ابنه كان متوفي قريب وكمان هو عمل فرح قبل كده وغير كل ده انا مش برتاح في الزحمه واني ابقى انا محط الأنظار والكلام ده كله ف وافقت أن ميبقاش في فرح بس طبعا في اشهار والكل كان عارف وكده اتجوزت ولسه حاسه ان في مسافة كبيرة جدا بينا البس واتشيك مش عشان العلاقة انا بحب اني ابقى بطبخ وملابسه لبس كويس يعجب جوزي ومفتوح وضيق وحاجات من دي وخاصة اني مش معايا عيل ولا حاجة وبخلص شغلي واجي وهو عشان السنتر بتاعه بيجي متأخر عني بكتير ف ببقى براحتي وانا بطبخ واروق الشقة وكده قصدي ببقى مش مستعجله يعني في أول الجواز حاجة دي دي جديده عليا اني اطبخ واروق وكده وفي نفس الوقت لابسه ومتشيكه وكل حاجة مظبوطه الاقيه بيجي ياكل ويعد يعمل شيتات وامتحانات والكلام ده انا ببقى نفسي في كلمه والله بس مش اكتر ومش هتاخد منه وقت ولا حاجة حتى بحسه مش بيبص مش مبهور زي م كنت مستنيه كأنه متعود على كده ف قولت اكيد عشان كان متجوز قبل كده وممكن يكون متعود على المنظر وكده يجي بعد م يخلص شغل في البيت أقوله عملت ايه انهارده يقولي هعمل ايه يعني شرحت مع أن ايام م كنت طالبه عنده كان في كل مجموعه مشكله وحوار بيحصل بس مبقولش اي حاجة في واحد صاحبه مدرس كنت باخد عنده برده كيميا اتفاجئت أنهم قاطعوا بعض من فترة عرفت من واحده صاحبتي واضافت جدا أنه محكاليش ولا جاب سيرة الموضوع حاسه علاقتنا بعيده جدا حتى هو مش بيسال بيسيبلي فلوس الصبح وانا بروح شغلي واجيب حاجة البيت واجي اعمل الاكل واروق وناكل ويعد كل واحد في حته مضايقة بجد من العلاقة دي وعشان هو تعبان ف بينما بدري طبعا وبيصحى الفجر يعد بقى مش بينام ف أقوله مبتصحنيش نعد مع بعض شويه ليه يقولي عادي بنته بتيجي عندنا يوم ويوم تعد شويه بعد شغله والله العظيم بعاملها كويس جدا ك معامله واكل وشرب وهدايا والكلام ده كله بس هي واخده طباع ابوها كلها تعد تقوله دي وحشه وماما احلى يقولها ماشي وعادي والكلام ده كله مع اني في الملامح والجسم احلى من طليقته بس هو اصلا مش بيحب حد ولا ببعجبه حد سواء انا أو طليقته وشاكه اصلا أنه كان عايش نفس العيشه دي مع طليقته وده سبب الطلاق بس هي استحملت خمس سنين انا مبقتش قادرة حاسه اني جايه اخدمه وأشوف طلباته وخلاص انا في بيت ابويا كنت باجي من شغلي انام واصحى اكل واعد بجد مش دي الحياه اللي كنت عاوزاها خالص كنت عاوزه حد يبقى حنين عليا وبيحبني ويسمعني كنت عاوزه اختار بيتي لنفسي مش اروح اشوف بيته اللي كان عايش فيه مع مراته كنت عاوزه لما بنته تقوله دي وحشه يقول في حقي كلمه حلوة اكتر سبب خلاني اوافق عليه أنه لما جه اتقدم بعد اربع سنين مشافنيش ولا يعرف عني حاجة وكمان علاقته باخويا مش صحاب هما ممكن يتقابلو مرة كل سنه مثلا عشان طبعا احنا في منطقه وهو في منطقه المهم اني قولت اكيد كان معجب بيا مثلا ف لما طلق جالي وكنت متخيلة بقى اني هشوف تعويض عن أي حاجة بايخة حصلت ايام ثانوي كمان ساعات لما النقاش يتحد بينا على اي حاجة بشوفه المستر اللي كنت بروح عنده درس تلاقيه بيزعق بطريقة تخوف واحسه هيضربني بصراحة ف بخلص الموضوع وبعتزر كمان بس ببقى مضايقة اوي واحس اني مكسورة حياتي بجد كئيبه اوي ومفيش خروج ومفيش جواز اصلا وفي نفس الوقت خايفة أطلق بعد سنه واحده بس جواز وأقل كمان وحاولت معاه كتييير أنه يتكلم معايا بس بس هو الاجابه أقل من السؤال بكتير وسالت أخته بطريقة مش مباشرة قالتلي هو كده ومش بيحكي حاجة لو انتو مكاني هتعملو ايه وياريت راجل يقولي سبب معاملته دي ايه بس محدش يقول إنه بيحب طليقته عشان هو اصلا مبعرفش يحب هو كل حياته جد كده كنت هسال طليقته صحيح قبل م اتجوز عن سبب الطلاق والسبب اللي خلاها تطلق على سبب فارغ بس كان ابنها لسه متوفي ف مرضتش اسالها ...عرض المزيد

2 الدعم

15 نصيحة

Candle_73846 🇪🇬

مش نازله مع صحابي هروح اعمل بشاميل واقعد

اوكي مش هنزل مع صحابي 😃هيضربوني بس مش نازله هروح اعمل بشاميل واقعد زي الشاطره وبس تعالو نكدب كدبه وحده بتتمنو تبقي حقيقه انا اخدت حزمه شياو البنت الي نازله ف فري فاير ااااااااااااااااااااااااااااااااااااااااااااااااااااااااااااااااااااا ...عرض المزيد

2 الدعم

13 نصيحة

Strawberry_77918 🇪🇬

عايزة أتعلم عن الإسلام بالتفصيل من كل ناحية

لو حد عايز يتعلم عن الاسلام بالتفصيل من كل ناحيه و يعرف كل حاجه في الدين زى دراسه مش مجرد معرفه و خلاص ايه الكتب أو الفيديوز مثلا بلايليست على اليوتيوب ترشحولى انى اشوفها محدش يدخل يسألنى انا كام سنه و عايزة اعرف ليه و بدرس ايه لان دا ميخصكش في حاجه اللى عنده اقتراحات او نظام معين امشي عليه هكون شاكرة ليه جدا بدون الدخول في تفاصيل شخصيه ...عرض المزيد

2 الدعم

13 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع