ضياع الوقت

Corn_71708 🇪🇬

منذ 3 أيام

شعور شاعر بالملل

يعني اية ابقي بنام ع المكتب ف اطلع اشرب قهوة عشان افوق و ارجع افتح اللاب و اركز ف الشغل و اسمي الله و كلي حماس يقوم النت يقطع ع الشركة كلها 😅😅 اومال فوقت لمين انا دلوقتي ما كنت نمت من الاول يا جدعان 🤣🤣

Cookies_88688 🇪🇬

منذ 5 أيام

شعور آسف

مش المفروض تتابع السوشيال ميديا او العبثيات اللي بتقدمها بكل انواعها .... مش المفروض تضيع وقتك على فيس او يوتيوب ..واحنا بنشوف دلوقتي المنافسه بين اليوتيوبرز بقيت صعبه جدا وكلهم عاوزين اهتمامك ..مش ناقصين ضياااااع ...انا اخر ١٠ سنين من ٢٠١٧ وانا مش عارف هو اي اللي حصل يخليني مش فاكر حدث مهم او حاجه

Donut_81952 🇪🇬

منذ شهر واحد

شعور مليء بالحياة

موضوع:

خطأ وقعت فيه تتمنى غيرك يتفاداه

ضيعت فترة بين 15-25 سنة في اشياء تافهة وكان لابد التركيز على القراءة وحفظ القرآن وتجربة هوايات عديدة ومفيدة ومشاهدة وثائقيات وحفظ الدول وعواصمها والخريطة وتعلم لغات وعدم مقارنة نفسي بالآخرين والتركيز على الأهداف الدينية والدنيوية و الابتعاد عن الملهيات والمشتتات وعدم التأثر بالمحبطين حتى لو كانوا أق

French Fries_65744 🇪🇬

منذ شهرين

شعور ضاق ذرعًا

صباح الخير على اي تسعيناتي لسه ماشي مع حتميه السعي و الرحلة هتفضل فردية مليئة بالوحدة و جلد الذات والواحد بقى قديم و منتهي الصلاحية و بضيع وقتي ف اي حاجة لمجرد ان اليوم يعدي و باجي فاخر اليوم ابص على المحصلة بتبقى ولا حاجة الحياه مش بتقف وانا مش عارف اقف ولا عارف اخد بريك افصل

Biscuit_50330 🇮🇹

منذ 3 أشهر

شعور شاعر بالملل

الإجازة دي مختلفة عن كل مرة.. كان المفروض تبقى راحة وفرحة، بس لقيت نفسي حاسة بملل ووحدة أكتر من أي وقت. مفيش شغف، مفيش طاقة، حتى الحاجات اللي كنت بحبها بقت عادية ومش مفرحة زي الأول. ساعات بحس إن الأيام بتمشي من غير ما أعمل حاجة حقيقية، وكأنها بتضيع مني. ناقص شهر والدراسة تبدأ، ولسه نفسي أعيش الإجازة

Watermelon_75345 🇪🇬

منذ 3 أشهر

شعور متوتر

لي دايما الواحد عنده شعور التقصير ف كل حاجه ف حياته مع انك ممكن تبقي سابق ناس بكتيير جدا ومجتهد ومش مقصر لكن برضوا اخر اليوم لازم تضيعلك ساعه ولا حاجه وكأنك ندمان مش بتكلم بس ف الحياه العمليه بس لي بجد الواحد مينفعش ينام ويكون متأكد انه لو مصحيش ف هو راضي عن نفسه تماما

Apple_72790 🇪🇬

منذ 3 أشهر

شعور مرهق

خايف تمر السنين وأنا في نفس المكان، وعند نفس النقطة، لا حققت أمنياتي ولا عشت الحياة اللي أنا عايزها، خايف مفيش حاجة تتغير مع مرور الوقت إلا عمري. خايف أكون عايش لمجرد إني بتنفس، لا سبت أثر ولا لقيت معنى، وكل اللي حواليا ما حسوش بيا. خايف من الوحدة حتى وأنا وسط الناس، ومن الصمت اللي بيقتلني كل يوم من

Almond_56393 🇪🇬

منذ 3 أشهر

شعور مريض

الغريب إن العمر بيجري وأنا حاسس إني واقف مكاني سنين بتعدي وأنا لسه بنفس التفكير، نفس الهموم، نفس التعب الناس حواليّا بتتجوز، بتسافر، بتعمل فلوس وأنا حاسس إني مربوط في دايرة ملهاش آخر كل يوم نفس الروتين أصحى متأخر أحاول أعمل حاجة مفيدة وفي الآخر ألاقي نفسي مرجعش بأي نتيجة وبالليل ألوم نفسي إني ضيعت

Apple_68133 🇪🇬

منذ 3 أشهر

شعور ضائع

بتعملوا إيه لما فجأة تكتشفوا إن العمر عدى والسنين راحت ، وإنكم كنتوا ماشيين في طريق مش طريقكم، طريق شكلكم اتسحبتوا ليه غصب عنكم أو اتخدعتوا فيه تحس إن كل خطوة كنت فاكرها إنجاز، طلعت مجرد دوران حوالين نفس النقطة تيجي اللحظة اللي تبص فيها حواليك وتلاقي نفسك غريب المكان دا مش مكانك، الناس دي مش ناس

Apple_73079 🇪🇬

منذ 3 أشهر

شعور قلق

هل عادي يكون الواحد خلاص هيتم ٢٥ سنة ومعملش حاجة في حياته انا القلق و التفكير هيموتني حاسس بجد ان عمري بيضيع وخائف العمر يعدي ومعملش حاجة في حياتي وحاسس اني عايز اعمل اي حاجة بس انا مش عارف اعمل ايه 🥹

Apple_72958 🇪🇬 ياعم عادي انت لسه صغير واحده واحده حياتك هتظبط أن شاء الله

عرض الكل 11 نصيحة

Coconut_68392 🇪🇬

منذ 4 أشهر

شعور متوتر

بتعملو اي وانتو مش عارفين تنامو من كتر التفكير في اللي حصل واللي هيحصل واللي عمره ماهيحصل بس برضو بتتوقعوه.. الموضوع مرهق ذهنيا ونفسيا وجسديا واتهلكت مش عارفة اظبط نومي تماما ويومي بيضيع مش بعمل في اي حاجه نهائي💔

Coffee_67846 🇪🇬

منذ 4 أشهر

شعور شاعر بالملل

حاسس ان حياتي بتخلص برتم سريع جدا و في حاجات كتير جدا معملتهاش و محسيتهاش دينيا و ترفيهيا و ثقافيا و اهداف كانت بتيجي قدامي ومره واحده بلاقي يومي خلص شبه الي قبله و شبه بكره و شبه بعده روتين غير عادى

Strawberry_67825 🇪🇬 فكر تنزل جيم هيغير معاك

عرض الكل 1 نصيحة

Apple_67714 🇪🇬

منذ 4 أشهر

شعور فخور

موضوع:

حاجة مش مسامح نفسك عليها ؟

مش مسامح نفسي علي سنين انا اللي ضيعتها من عمري بس بقيت متصالح مع نفسي الي حد ما وربنا معايا وبيقويني... المحنه تعلمك أن مش المهم انا كنت ايه او كنت بعمل ايه او ضيعت ايه المهم انا حالك ووضعك ايه دلوقتي

Apple_66128 🇪🇬

منذ 4 أشهر

شعور عاطفي

تايهة بقالي مدة عملت حاجة من اللي عيزاها واني اتخطبت لانسان بحبه بس بسبب دماغي مش سعيدة وعايزه ابدأ اكتشف ذاتي وادور علي احلامي اشوف نفسي بعد ماضيعت حياتي للناس انا لسا صغيرة بس فعليا ضعيت كتير اوي ليهم هخدها اشاراه ابدأ ادور علي حلمي اللي بفكر فيه من خمس سنين

Ice Cream_61082 🇪🇬

منذ 4 أشهر

شعور محبط

اى الحافز اى الى يخلينى اروح الشغل بجد زمان كنت بروح علشان ملتزم بمصاريف دراسه أو قساط او حتى مصاريف الجيش دلوقتى من ساعة ما خلصت جيش وانا مش طايق الشغل شايف انى لو فضلت فيه هقضي عمري كلوا فى سوبر ماركت حتى لو المرتب حلو بس اتخنقت مش دة سبب انى اتعلمت وبهدلت نفسي علشان افضل زى ما انا وكل الشغل يا ام

Ice Cream_29289 🇪🇬

جوازي من مدرس ثانوي قديم وعلاقتنا بعيدة.. حياتي كئيبة

ازيكم ياشباب عاوزاه احكيلكم مشكلتي وياريت لو حد عنده حل انا عندي 22 سنه ومتخرجة ويشتغل الحمد لله وانا في تانيه ثانوي كنت بروح درس فيزياء عند مدرس نوعا ما صغير في السن بس هو كان طبعه شديد جدا كمدرس وكنت بخاف منه جدا وكنت مضطرة اروحله عشان هو يعرف اخويا ومامتي وكده ف كنت هتحرج اني مروحلهوش وفي نفس الوقت لو قولتلها في البيت على المبرر اللي مكنتش عاوزه اروح ليه مكنوش هيرضو اني اسيبه عشان هو ما شاء الله شاطر جدا كمدرس المهم تانيه وتالته ثانوي عدو بالعافية والحمد لله مبقتش يشوفه خالص عشان هو من منطقة واحنا من منطقه وبالنسبه لانه مدرس ومتجوز مش هيسال على طالبه عنده يعني المهم الفترة اللي كنت باخد معاه فيها كنت بحس فيه تناقض كبير في تعامله معايا ساعات يبقى بيتلكك عشان يضربني وساعات يبقى عارف اني مش مذاكرة وميرضاش يسالني ويسأل كل اللي حواليا الا انا وفي مرة والله العظيم سألني شفوي على سؤال في المنهج وجاولت فضل يسأل اسئله لحد م سال على معلومه والله مش في الكتاب ولا المذكرة هو كان قايلها معلومه عامة وانا مكتبتهاش وراه ف ده السؤال اللي غلط فيه وسط خمس أو ست اسئلة تقريبا وضربني وساعات من توتري يبقى عارف اني مش مذاكرة أو مش عامله الواجب وميرضاش يسالني المهم حمدت ربنا أن السنتين خلصو بالعافية ومن حوالي سنه كنت في عزا والد واحده صاحبتي في المنطقه اللي هو فيها ف اتقابلت مع البنات اللي كنت اعرفهم ساعة الثانويه وكده المهم بعد العزا اتمشينا شويه وجت سيرته ف قالولي ده ... طلق مراته ف بقولهم ليه قالولي أنه خلف ولد السنه اللي قبلها يعني في الفترة دي عنده سنه تقريبا وعنده ضمور في المخ وعلى طول بيكشف عليه وكده وطبعا عشان ظروف شغله مش بيعرف يروح يكشف عليه اغلب الوقت ف ديما مراته بتروح مع أمه أخته اي حد المهم أن مراته جت في مرة في أيام هو عليه فيها مراجعه وقالتله لازم تيجي معايا وهو مرضاش وحصل حوار وهما أطلقوا بسبب الموضوع ده هي اكيد كانت شايله من قبلها بس هي بتيجي على سبب تافهه كده المهم اني قولتلهم لو بيعاملها زي م بيعامل الطلاب وزي م كان بيعاملنا حقها تتطلق (هو عنده منها بنت عندها5 سنين وطفل اللي كان عنده ضمور واتفى من فترة ) المهم انا برده مليش علاقه بيه بعد الموضوع ده بفترة لقيته كلم اخويا أنه يتقدملي وكده مع اني مشفتهوش من ايام ثانوي يعني اربع سنين تقريبا المهم كنت خائفة عشان أسلوبه وطباعه الشديده جدا كنت خائفة يبقى كده في البيت بس اهلي اقنعوني أنه اكيد في البيت مش زي الدرس ومراته حاجة تانيه والحاجات دي كلها وانا اقتنعت وصليت استخارة وحسيت اني مرتاحه وطبعا الجواز تم بسرعه جدا قعدنا 5 شهور بس خطوبه ومعملناش فرح عشان ابنه كان متوفي قريب وكمان هو عمل فرح قبل كده وغير كل ده انا مش برتاح في الزحمه واني ابقى انا محط الأنظار والكلام ده كله ف وافقت أن ميبقاش في فرح بس طبعا في اشهار والكل كان عارف وكده اتجوزت ولسه حاسه ان في مسافة كبيرة جدا بينا البس واتشيك مش عشان العلاقة انا بحب اني ابقى بطبخ وملابسه لبس كويس يعجب جوزي ومفتوح وضيق وحاجات من دي وخاصة اني مش معايا عيل ولا حاجة وبخلص شغلي واجي وهو عشان السنتر بتاعه بيجي متأخر عني بكتير ف ببقى براحتي وانا بطبخ واروق الشقة وكده قصدي ببقى مش مستعجله يعني في أول الجواز حاجة دي دي جديده عليا اني اطبخ واروق وكده وفي نفس الوقت لابسه ومتشيكه وكل حاجة مظبوطه الاقيه بيجي ياكل ويعد يعمل شيتات وامتحانات والكلام ده انا ببقى نفسي في كلمه والله بس مش اكتر ومش هتاخد منه وقت ولا حاجة حتى بحسه مش بيبص مش مبهور زي م كنت مستنيه كأنه متعود على كده ف قولت اكيد عشان كان متجوز قبل كده وممكن يكون متعود على المنظر وكده يجي بعد م يخلص شغل في البيت أقوله عملت ايه انهارده يقولي هعمل ايه يعني شرحت مع أن ايام م كنت طالبه عنده كان في كل مجموعه مشكله وحوار بيحصل بس مبقولش اي حاجة في واحد صاحبه مدرس كنت باخد عنده برده كيميا اتفاجئت أنهم قاطعوا بعض من فترة عرفت من واحده صاحبتي واضافت جدا أنه محكاليش ولا جاب سيرة الموضوع حاسه علاقتنا بعيده جدا حتى هو مش بيسال بيسيبلي فلوس الصبح وانا بروح شغلي واجيب حاجة البيت واجي اعمل الاكل واروق وناكل ويعد كل واحد في حته مضايقة بجد من العلاقة دي وعشان هو تعبان ف بينما بدري طبعا وبيصحى الفجر يعد بقى مش بينام ف أقوله مبتصحنيش نعد مع بعض شويه ليه يقولي عادي بنته بتيجي عندنا يوم ويوم تعد شويه بعد شغله والله العظيم بعاملها كويس جدا ك معامله واكل وشرب وهدايا والكلام ده كله بس هي واخده طباع ابوها كلها تعد تقوله دي وحشه وماما احلى يقولها ماشي وعادي والكلام ده كله مع اني في الملامح والجسم احلى من طليقته بس هو اصلا مش بيحب حد ولا ببعجبه حد سواء انا أو طليقته وشاكه اصلا أنه كان عايش نفس العيشه دي مع طليقته وده سبب الطلاق بس هي استحملت خمس سنين انا مبقتش قادرة حاسه اني جايه اخدمه وأشوف طلباته وخلاص انا في بيت ابويا كنت باجي من شغلي انام واصحى اكل واعد بجد مش دي الحياه اللي كنت عاوزاها خالص كنت عاوزه حد يبقى حنين عليا وبيحبني ويسمعني كنت عاوزه اختار بيتي لنفسي مش اروح اشوف بيته اللي كان عايش فيه مع مراته كنت عاوزه لما بنته تقوله دي وحشه يقول في حقي كلمه حلوة اكتر سبب خلاني اوافق عليه أنه لما جه اتقدم بعد اربع سنين مشافنيش ولا يعرف عني حاجة وكمان علاقته باخويا مش صحاب هما ممكن يتقابلو مرة كل سنه مثلا عشان طبعا احنا في منطقه وهو في منطقه المهم اني قولت اكيد كان معجب بيا مثلا ف لما طلق جالي وكنت متخيلة بقى اني هشوف تعويض عن أي حاجة بايخة حصلت ايام ثانوي كمان ساعات لما النقاش يتحد بينا على اي حاجة بشوفه المستر اللي كنت بروح عنده درس تلاقيه بيزعق بطريقة تخوف واحسه هيضربني بصراحة ف بخلص الموضوع وبعتزر كمان بس ببقى مضايقة اوي واحس اني مكسورة حياتي بجد كئيبه اوي ومفيش خروج ومفيش جواز اصلا وفي نفس الوقت خايفة أطلق بعد سنه واحده بس جواز وأقل كمان وحاولت معاه كتييير أنه يتكلم معايا بس بس هو الاجابه أقل من السؤال بكتير وسالت أخته بطريقة مش مباشرة قالتلي هو كده ومش بيحكي حاجة لو انتو مكاني هتعملو ايه وياريت راجل يقولي سبب معاملته دي ايه بس محدش يقول إنه بيحب طليقته عشان هو اصلا مبعرفش يحب هو كل حياته جد كده كنت هسال طليقته صحيح قبل م اتجوز عن سبب الطلاق والسبب اللي خلاها تطلق على سبب فارغ بس كان ابنها لسه متوفي ف مرضتش اسالها ...عرض المزيد

2 الدعم

15 نصيحة

Candle_73846 🇪🇬

مش نازله مع صحابي هروح اعمل بشاميل واقعد

اوكي مش هنزل مع صحابي 😃هيضربوني بس مش نازله هروح اعمل بشاميل واقعد زي الشاطره وبس تعالو نكدب كدبه وحده بتتمنو تبقي حقيقه انا اخدت حزمه شياو البنت الي نازله ف فري فاير ااااااااااااااااااااااااااااااااااااااااااااااااااااااااااااااااااااا ...عرض المزيد

2 الدعم

13 نصيحة

Strawberry_77918 🇪🇬

عايزة أتعلم عن الإسلام بالتفصيل من كل ناحية

لو حد عايز يتعلم عن الاسلام بالتفصيل من كل ناحيه و يعرف كل حاجه في الدين زى دراسه مش مجرد معرفه و خلاص ايه الكتب أو الفيديوز مثلا بلايليست على اليوتيوب ترشحولى انى اشوفها محدش يدخل يسألنى انا كام سنه و عايزة اعرف ليه و بدرس ايه لان دا ميخصكش في حاجه اللى عنده اقتراحات او نظام معين امشي عليه هكون شاكرة ليه جدا بدون الدخول في تفاصيل شخصيه ...عرض المزيد

2 الدعم

13 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع