ضيق نفسي

Chilli_19172 🇪🇬

منذ أسبوع واحد

شعور متعب

انا متجوز وحماتي اتوفت من اسبوعين ومن وقتها ومراتي نفسيتها مش احسن حاجة ودا مخليها بتاخد كل حاجة علي اعصابها وبقيت تزعق وتتعصب مع انها مكانتش بتعمل كدا انا بسكت وبعدي علشان عارف انها متضايقة ومش كويسة بحاول اعمل اي حاجة علشان تنبسط بس هي مش مقتنعة ب اي حاجة وبقيت اقل مشكلة تحصل بينا تقولي انا مش عاي

Lemon_52708 🇪🇬

منذ شهر واحد

شعور ضاق ذرعًا

أنا تعبان… تعبان جدًا من شعور الإهانة اللي بيجي لما حد بيتعامل معايا كأنّي ابنها، مش زميل أو شريك متساوي. الموضوع ده مش بس تفاصيل صغيرة في الشغل، لكنه أثر على نفسيتي على مستويات كتير. بحب الاحترام والاستقلالية، وبحس بالضغط لما أي حد يحاول يتحكم في حياتي أو يرشدني بطريقة أمومية، حتى لو نواياه كويسة.

Banana_82020 🇪🇬

منذ شهر واحد

شعور مذنب

ازاى اساعد خالتى واللى تولت مسؤوليتنا بعد وفاة امى وبسسب الدنيا ومصريفنا احنا واولادها اصبحت مديونه بحوالى ٤٥٠ الف جنيه للاسف مفيش حل حالياً ربنا يفرجها يارب ووضعها حالياً صعب جدا جدا انا بطلت اورح عندها لانى مش قادره اشوفها كدا حاسه بالعجز الشديد ومش عارف اعمل ايه علشان اساعدها ديما سرحانه ووشها بق

Pineapple_64546 🇪🇬

منذ شهر واحد

شعور قلق

كان عندي حلم دايما بحلم بيه وانا صغيرة بس في اوقات معينه انا مكنتش قادرة احددها بس كل فترة بيجيلي الحلم ده وهو حلم مليان توتر جدا لدرجة اني حافظاه بكل تفاصيله لحد ماتميت ٢١ سنه هو لسه في دماغي مبقاش بيجيلي في الحلم الموضوع تطور وبقى بيواجهني في الحقيقه وفجأه احس انه بيتحقق وبحس بضيق واني مش عارفه ات

Popcorn_74680 🇪🇬

منذ شهر واحد

شعور ضائع

انا مش عارفة انا مزوداها ولا ليا حق اللي هحكيه مش معناه اني حاسة ان امي مش بتحبني انا امي بتحبني و انا عارفة بس هو موقف امي بتعمله كذا مرة و بيضايقني انا عايشة انا و امي ف شقة لوحدنا و اخويا و مراته عايشين ف نفس العمارة بس الفكرة ان مراته من النوع الاجتماعي اوي و انا هادية فلما نكون انا و هي ف نفس ا

Lemon_78468 🇩🇿

منذ شهر واحد

شعور محبط

لا أعلم يارفاق لماذا أكره دراستي والمكان الذي أدرس فيه وكل شيئ يتعلق به وأرغب بشدة ان أهجره منذ مدة طويلة لكنني لا أستطيع أما عن شعور يوم العودة كل أسبوع فهو شعور فضيع لا أستطيع وصفه جربت كل الحلول ولم أجد ولا أستطيع أن أشكو لأي أحد من رفاقي أو منزلي لأنهم ينعتونه بالشيئ السخيف كيف لشاب يافع في الجا

Guava_62394 🇪🇬

منذ 3 أشهر

شعور آسف

عندي مشكلة فإن في ناس من برا مش برتحلها نفسيا حتي لما بتعامل معاهم حقيقي بيبقي عندي ضيق وببقي عايزة امشي بسرعه ومتلكمش معاهم رغم انهم معموليش حاجة بس مش عارفه ليه بحس بكده وكمان مش بحب ادخل معاهم في شغل وحاسه اني ممكن اكون بسوء الظن انا حقيقي مش مرتحالهم نهائي

Corn_63629 🇪🇬 قلبك إللي بيشوف مش عينك... اسمعي كلامه بقى

عرض الكل 13 نصيحة

Chocolate_47841 🇪🇬

منذ 3 أشهر

شعور محبط

بتتعاملو ازاي مع الأب البخيل؟ انا بابا كان من سنتين ربنا كارمو الحمدالله وبيششتغل شغل دخلو كويس جدا جدا ما شاء الله ربنا أراد أن تحصل ظروف ويمشي من الشغل ده وراح اشتغل في شركه مش بياخد فيها ربع الي كان بياخدو في الشركه القديمه عيشنا سنتين نقلة في كل حاجة سبنا مدارسنا الخاصه انا واخواتي مبقناش بنعم

عبّر عن شعورك بشكل مجهول

بتتعاملو ازاي مع الأب البخيل؟

انا بابا كان من سنتين ربنا كارمو الحمدالله وبيششتغل شغل دخلو كويس جدا جدا ما شاء الله ربنا أراد أن تحصل ظروف ويمشي من الشغل ده وراح اشتغل في شركه مش بياخد فيها ربع الي كان بياخدو في الشركه القديمه عيشنا سنتين نقلة في كل حاجة سبنا مدارسنا الخاصه انا واخواتي مبقناش بنعمل اي رفاهيات ويادوب بنجيب الأساسيات بالعافيه لأن احنا ما شاء الله عددنا كبير وبنستهلك كميه اكل كبيره بابا مش بخيل خالص في الاكل ولا في طلبات البيت ولا الحاجات دي خالص وكان بيسفرنا في احسن الفنادق بس كان عندو عقده مع اللبس وان احنا نشتري تقريبا الحاجة الوحيده الي بنطلبها والي عاوزينها بجد 😂 دايما كان بيطلع عنينا عشان نجيب للبس أو نشتري لبس في العيد أو نشترس لبس غالي كنا دايما بنجيب حاجات رخيصه وحاجات مش كويسه مع أن مركزو اللهم بارك كان يديلو أن احنا كا اولادو نبقي لابسين اعلي البراندات ولما ساب الشغل الاول ومستوانا المادي اتغير قطعنا اللبس مايه ونور وبقينا بنلبس فس الحاجات الي عندنا مع ان أغلبها مبهدل واخواتي تحديدا انا كنت بصرف نفسي بشميزات بابا وشميزات اخويا واهي ماشيه كان بيبقى شكلي دائما ولبسي أقل من لبس صحابي والبيئه المحيطه بيا الي لابسين ماركات وكل شويه يشترو لبس جديد وانا لاا وفي افراح قرايبي مكنش بيرضي يشتري ليا أو لماما حاجات سواريه 😂 بيقول مش هجيب تتلبس مرا وتترمي مع انها اكيد مش هتترمي وفي آخر فرحين قريبين ليا كان الحمدالله ماما معاها فلوس وهو مرضاش يدينا فلوس ولا يخلينا نشتري لبس وماما هي الي جابت لينا كل حاجة بالفلوس الي معاها وبرضو مكنتش حاجات غاليه اوي ولا حاجات زي الي حواليا لابسينها كنت برضو اقل منهم 😂😂😂 كلمه حرفيا بيجبلنا المراره عشان نعرف ناخد منو فلوس نشتري حاجة قليله اوي عليه ودلوقتي ظروفنا مش احسن حاجة بس مستورة ولو هو عاوز يجبلي بجد في قدامو ١٠٠ حل عشان اجيب لبس بحكم ان سني والناس الي حواليا وبنزل كتير محتاجه يكون شكلي كويس وانا وحدة بحب اللبس جدا كمان الحوار كان واصل بيا في مرا لدرجه اني وانا صغيره قعدت ادور على شغل على النت من وراهم واخدت 400 جنيه من ورا ماما على أساس أنهم هيرجعولي 3000 قولت بقي الله هجيب كل حاجة نفسي فيها من غير ما هو يقعد يطلع عيني ويرمي ليا ملاليم اجيب بيها ارخص حاجة وطبعا اتنضب عليا وبابا وماما عرفو ولما عرف اضربت واتشتمت واخد مني موبايلو وشال من عليه النت وكل حاجة وقعد يقولي انتي في ايه محتاجاه مش موجود عندك 💔 الفكره اني عملت كده قولت عشان متقلش عليه في فلوس اكتر والظروف الي احنا فيها ومع ذلك انا نفسي اوي اوي في حاجات كتير عاوزة افرح نفسي اني اشتري ليا ميكب ولبس وحاجات كانت نفسيتي تحت الصفر ومازالت والله 💔 وعندنا فرح كمان اسبوع بنت خالتي وطبعا مش راضي يخليني اجيب لبس سواريه او اجر دريس مع أن بنات خالااتي كلهم هيعملو كده وهما المفروض مش احسن منو في حاجة 😂 قااي تجيبي لبس عادي عشان تلبسيه بعدين قولتلو هروح فرح بنت خالتي بلبس عادي قعد يشتم فيا وفي ماما وكل حاجة وللاسف الفرح ده ماما مش معاها فلوس عشان تشتريلي هيا زي كل مناسبه فا حاليا انا عاجزة 😂 شوفت دريس وقيستو حبتني اوي فيه كان شكلي اميره مكنتش مستوعبه انو جميل عليا كده وطيرت بيه وقولت لازم اجيبو وقعدت اقول نفسي يبقى شكلي اميره في الفرح والناس كلها تتصدم من جمالي وحلاوتي واتعلقت بشكلي كده حسيت اني نفسي في مرا يكون شكلي احسن من الناس الي حواليا ولابسه حاجة غاليه لان الدريس ده غالي كسر نفسي وكل شويه ببقي رايحه اكلمو ومتعشمه انو اكيد مش هيكسر نفسي تاني وهيوافق المرادي بيكسر نفسي اكتر من المرا الي قبلهاا وبيقعد يحلف عليا اني مش هجيب حاجة سواريه يا اما مش هروح الفرح اصلا وكلام كتير يكسر النفس 💔 عاوزة ابقي زي البنات دي واعلي منهم كمان عاوزة يبقى شكلي مبهر على عكس العادي أو كان نفسي يعني 💗 وانا صغيره لما كان بيتخانق معانا عشان مش راضي يجيب لينا لبس أو يتخانق مع ماما كنت بقعد ادعي ربنا وانا بصلي اقول يارب بابا يجبلنا لبس زي ما أنا نفسي يارب يبقى شكلي جميل يارب مكونش أقل من حد في شكلي أو في لبسي أو رايحه مناسبه بحاجه قديمه كنت طفله قد كده 🤏🏻 مش عارفه انا تافهه فا عشان كده الموضوع واجعني ولا هو يوجع بجد ولا ايه مش قادره احدد 😂😂💔 الفكره انو كمان ربنا هيكرمو الشهر ده بشغل تاني جديد واحسن من ده بكتير الحمدالله ومع ذلك نفس الشخصيه بنفس التصرفات 😂 كنت رايحه اكلمو فاكره انو هيروق عليا بقي ويديني بزياده وكل الكلام الجميل ده 😂😂 
طفاني لدرجه ان الفرح كمان اسبوع وانا مبقتش مهتمه اني اروح الفرح اصلا ولا اجيب حاجة بعد ما كنت كلي حماس للفرح ده ونفسي اكون جميله فيه بجد ❤️❤️

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Marshmallow_61979 🇪🇬

منذ 3 أشهر

شعور مرهق

ازاى اتعامل مع امى هي توكسيك جدا عليا بالرغم انا بحبها اووى وهي كويسه وطيبه بس اسلوب النصح بتاعها aggressive أوى ومؤذي حاولت كتير افهمها انى بدايق من الأسلوب دا ومفيش فايده كنت بتحمل الاول وبسكت بس دلوقتي مبقتش اعرف اتحمل بقيت بتجاهلها وبقعد في اوضتي لوحدى أو في الشغل وفي الاخر هي بتزعل انى سيبا

Mango_57439 🇪🇬

منذ 3 أشهر

شعور مكسور القلب

بقيت مش حابب اهلي ... اذوني لأبعد درجة و بدافع اننا بنحبك ،، خلوني بلا شخصية و وصلت لسن كبير و مش عارف اخد قرارات علشان اي قرار لازم افكر فيهم الاول و انسي نفسي . حتي الارتباط ... لا دي بيحبوها ف اخدها ، دي لا ف مافكرش فيها ، و لو فكرت ف حد هم مش عاوزينو اللي يقول مش هاندخلك بيت و ممكن نموت و ندخل ع

Chocolate_71194 🇪🇬 روح عيش لوحدك او سافر فتره وشوف اخصائي يساعدك

عرض الكل 2 نصيحة

Apple_57717 🇪🇬

منذ 4 أشهر

شعور مكسور القلب

دلوقتي اخويا متجوز بنت محترمه وكويسه جدا لكن كان في بنت قبلها بيحبها ونفسه يتجوزها لكن لظروف متقدمش وهي اتجوزت المهم انه مش مبسوط في حياته ومضايق لانه لسه متعلق بيها وكان فاكر لما يتجوز هينساها لكن ده محصلش وبيقول مش بمزاجي وبيحلم بيها علي طول وتظهرله في كل مكان بالرغم انه بيشكر في البنت اللي معاه

Sugar_51832 🇪🇬

منذ 6 أشهر

شعور شاعر بالملل

عبّر عن شعورك بشكل مجهول

من سنه تقريبا كنت بعيدة عن ربنا وبقطع ف الصلاه ومدمنه اغاني وكانت نفسيتي متدمره بسبب دا وعشان كان فيه كذا دروب ف حياتي ودخلت ف دايره اكتئاب وبعدت عن الناس كلها ماعدا واحده صاحبتي  
ومكنتش عارفه اتخطى اي حاجه وحشه حصلتلي والموضوع كان صعب اووي بلص الاغاني ال كنت بسمعها كانت بتجيبلي خنقه وانا مش فاهمه ان الزعل دا كله منها وخلاص مبقتش حاجه ف الدنيا بتشدني 
وكنت سهرانه مره ومنهاره كالعاده فقمت صليت قيام(لأول مرة) وبجد هديت خالص وبقيت كل يوم بصلي القيام مع اني مش منتظمه ف الفروض التانيه 
ودعيت ربنا اني انتظم ف الصلاة وفعلاا انتظمت بس لسا مكمله ف الاغاني وكانت بتشغلني عن الصلاة كتير بس انا بحبها ومش عايزة ابطلها وبقول ان اكيد لما اكبر هتوب منها وشايفه برضو ان التوبه منها صعبه ، ولبسي اوفر سايز(مش حجاب اوي) وبرضو مش عايزه أحسنه 
بس بيجيلي افكار ان لو انا مت هعمل ايه وكنت بعمل سكيب كتيررررر لكل الأفكار دي عشان مش عايزه ابطل الذنوب دي 
لحد ما لقيت صحبتي بعتالي مسدج كاتبه فيها كل الأفكار ال بتيجي ف دماغي بالظبطط حرفيا اول مشوفت المسدج فضلت شويه مش مستوعبه 
ولقيتها كاتبه كل الحاجات ال بحس بيها بقالي فتره ومش عارفه اقولها لحد (هي كمان زيي)
وقالتلي انها عايزه ترجع لربنا وحاسه مفيش حاجه تستاهل نعصي ربنا بسببها 
قولتلها ايوا بجد وانا معاكي
ووقتها حسيت ان ربنا خلاها سبب ان ابطل الذنوب دي وبدأت ابطل اغاني ومسحتها بس كنت برجع بعد كام يوم اسمع واتوب لحد ما الحمدلله وقفتها ومش عارفه اوصف ازاي فيه هدوء وراحه ف حياتي رهيبهه بعد ما وقفتها وربنا وقف معايا ف حاجات كتير اوي ونسيت اي حاجه وحشه ومفيش حاجه بقت تضايقني بسهوله وقيت مدركه ان الدنيا مش مستاهله اي حاجه والله وطلع كل الضيق ال كان عندي دا بسبب البعد عن ربنا بجدد
ممكن البوست دا يكون إشارة لأي حد انه يرجع لربنا وربنا هيقبل توبته وهيفرح بيها (قُلْ يَا عِبَادِيَ الَّذِينَ أَسْرَفُوا عَلَىٰ أَنفُسِهِمْ لَا تَقْنَطُوا مِن رَّحْمَةِ اللَّهِ ۚ إِنَّ اللَّهَ يَغْفِرُ الذُّنُوبَ جَمِيعًا ۚ إِنَّهُ هُوَ الْغَفُورُ الرَّحِيمُ"
بجدد حلاوه القرب من ربنا متتوصفش ومفيش حاجه ربنا حرمها علينا غير وهي بتاذينا فعلا♥️

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Nutella_52915 🇪🇬

منذ 6 أشهر

شعور مكتئب

لو سمحتو عاوز اخد رأيكو في مشكلتي انا شاب عندي ٣٣ لسة مش متجوز عشان مبيحصلش نصيب لاسباب عادية بتبقي خلافات عادية ومبنتفقش زي اي اتنين فبنفركش ده غير ان دايرة معارفي محدودة ف كل فين وفين لما بلاقي بنت اتعرف عليها بس لما زهقت قولت اشوف خاطبة بحيث يبقي في اختيارات كتير المهم كلمتها بس للاسف في مشكلة

Blueberry_52805 🇪🇬 بص طالما انت ناوي خير ربنا هيكرمك وربنا يرزقك ببنت الحلال يارب

عرض الكل 23 نصيحة

Avocado_44816 🇯🇴

منذ 6 أشهر

شعور ضاق ذرعًا

جماعة سؤال ممكن تشوفوا إجابته واضحة لكن انلعب على عقلي الفترة الأخيرة فتشوش الصح والغلط عندي ، هو طبيعي الاب ييجي بين فترة وفترة يفضفضلك عن امك ويدخلك في مشاكلهم ويسألني ايش حكت اذا رحنا على دار جدي ؟؟ امي وأبوي عايشين مع بعض بس على حسب حكيه هو جدا متضايق منها وعايش معها عشاننا لانه اخواني صغار ، في

Strawberry_52341 🇪🇬

منذ 8 أشهر

شعور متعب

احس ان عبادة بر الوالدين ده اصعب عباده بجد مفيش اصعب منها (بالنسبالي انا و مش بقول انها كده فعلا عشان محدش يفتكر اني بفتي ) بجد حاجه متعبه اوي و صعبه اوي و معقده اوي و متقدرش تخلص منها الا هو زي الصلاه كده او اقل منها سيكا بس الصلاه ليها حل لو التزمت ظبطت منهم صحبه تذكره اما البر صعب بجد حسه مستحيل

Chilli_52408 🇪🇬 انا معاك فشخ مع اللي بتقولو عموماً وعشان كدا اجرها كبير وبرضو جهاد النفس صعب فيها

عرض الكل 6 نصيحة

Ice Cream_29289 🇪🇬

جوازي من مدرس ثانوي قديم وعلاقتنا بعيدة.. حياتي كئيبة

ازيكم ياشباب عاوزاه احكيلكم مشكلتي وياريت لو حد عنده حل انا عندي 22 سنه ومتخرجة ويشتغل الحمد لله وانا في تانيه ثانوي كنت بروح درس فيزياء عند مدرس نوعا ما صغير في السن بس هو كان طبعه شديد جدا كمدرس وكنت بخاف منه جدا وكنت مضطرة اروحله عشان هو يعرف اخويا ومامتي وكده ف كنت هتحرج اني مروحلهوش وفي نفس الوقت لو قولتلها في البيت على المبرر اللي مكنتش عاوزه اروح ليه مكنوش هيرضو اني اسيبه عشان هو ما شاء الله شاطر جدا كمدرس المهم تانيه وتالته ثانوي عدو بالعافية والحمد لله مبقتش يشوفه خالص عشان هو من منطقة واحنا من منطقه وبالنسبه لانه مدرس ومتجوز مش هيسال على طالبه عنده يعني المهم الفترة اللي كنت باخد معاه فيها كنت بحس فيه تناقض كبير في تعامله معايا ساعات يبقى بيتلكك عشان يضربني وساعات يبقى عارف اني مش مذاكرة وميرضاش يسالني ويسأل كل اللي حواليا الا انا وفي مرة والله العظيم سألني شفوي على سؤال في المنهج وجاولت فضل يسأل اسئله لحد م سال على معلومه والله مش في الكتاب ولا المذكرة هو كان قايلها معلومه عامة وانا مكتبتهاش وراه ف ده السؤال اللي غلط فيه وسط خمس أو ست اسئلة تقريبا وضربني وساعات من توتري يبقى عارف اني مش مذاكرة أو مش عامله الواجب وميرضاش يسالني المهم حمدت ربنا أن السنتين خلصو بالعافية ومن حوالي سنه كنت في عزا والد واحده صاحبتي في المنطقه اللي هو فيها ف اتقابلت مع البنات اللي كنت اعرفهم ساعة الثانويه وكده المهم بعد العزا اتمشينا شويه وجت سيرته ف قالولي ده ... طلق مراته ف بقولهم ليه قالولي أنه خلف ولد السنه اللي قبلها يعني في الفترة دي عنده سنه تقريبا وعنده ضمور في المخ وعلى طول بيكشف عليه وكده وطبعا عشان ظروف شغله مش بيعرف يروح يكشف عليه اغلب الوقت ف ديما مراته بتروح مع أمه أخته اي حد المهم أن مراته جت في مرة في أيام هو عليه فيها مراجعه وقالتله لازم تيجي معايا وهو مرضاش وحصل حوار وهما أطلقوا بسبب الموضوع ده هي اكيد كانت شايله من قبلها بس هي بتيجي على سبب تافهه كده المهم اني قولتلهم لو بيعاملها زي م بيعامل الطلاب وزي م كان بيعاملنا حقها تتطلق (هو عنده منها بنت عندها5 سنين وطفل اللي كان عنده ضمور واتفى من فترة ) المهم انا برده مليش علاقه بيه بعد الموضوع ده بفترة لقيته كلم اخويا أنه يتقدملي وكده مع اني مشفتهوش من ايام ثانوي يعني اربع سنين تقريبا المهم كنت خائفة عشان أسلوبه وطباعه الشديده جدا كنت خائفة يبقى كده في البيت بس اهلي اقنعوني أنه اكيد في البيت مش زي الدرس ومراته حاجة تانيه والحاجات دي كلها وانا اقتنعت وصليت استخارة وحسيت اني مرتاحه وطبعا الجواز تم بسرعه جدا قعدنا 5 شهور بس خطوبه ومعملناش فرح عشان ابنه كان متوفي قريب وكمان هو عمل فرح قبل كده وغير كل ده انا مش برتاح في الزحمه واني ابقى انا محط الأنظار والكلام ده كله ف وافقت أن ميبقاش في فرح بس طبعا في اشهار والكل كان عارف وكده اتجوزت ولسه حاسه ان في مسافة كبيرة جدا بينا البس واتشيك مش عشان العلاقة انا بحب اني ابقى بطبخ وملابسه لبس كويس يعجب جوزي ومفتوح وضيق وحاجات من دي وخاصة اني مش معايا عيل ولا حاجة وبخلص شغلي واجي وهو عشان السنتر بتاعه بيجي متأخر عني بكتير ف ببقى براحتي وانا بطبخ واروق الشقة وكده قصدي ببقى مش مستعجله يعني في أول الجواز حاجة دي دي جديده عليا اني اطبخ واروق وكده وفي نفس الوقت لابسه ومتشيكه وكل حاجة مظبوطه الاقيه بيجي ياكل ويعد يعمل شيتات وامتحانات والكلام ده انا ببقى نفسي في كلمه والله بس مش اكتر ومش هتاخد منه وقت ولا حاجة حتى بحسه مش بيبص مش مبهور زي م كنت مستنيه كأنه متعود على كده ف قولت اكيد عشان كان متجوز قبل كده وممكن يكون متعود على المنظر وكده يجي بعد م يخلص شغل في البيت أقوله عملت ايه انهارده يقولي هعمل ايه يعني شرحت مع أن ايام م كنت طالبه عنده كان في كل مجموعه مشكله وحوار بيحصل بس مبقولش اي حاجة في واحد صاحبه مدرس كنت باخد عنده برده كيميا اتفاجئت أنهم قاطعوا بعض من فترة عرفت من واحده صاحبتي واضافت جدا أنه محكاليش ولا جاب سيرة الموضوع حاسه علاقتنا بعيده جدا حتى هو مش بيسال بيسيبلي فلوس الصبح وانا بروح شغلي واجيب حاجة البيت واجي اعمل الاكل واروق وناكل ويعد كل واحد في حته مضايقة بجد من العلاقة دي وعشان هو تعبان ف بينما بدري طبعا وبيصحى الفجر يعد بقى مش بينام ف أقوله مبتصحنيش نعد مع بعض شويه ليه يقولي عادي بنته بتيجي عندنا يوم ويوم تعد شويه بعد شغله والله العظيم بعاملها كويس جدا ك معامله واكل وشرب وهدايا والكلام ده كله بس هي واخده طباع ابوها كلها تعد تقوله دي وحشه وماما احلى يقولها ماشي وعادي والكلام ده كله مع اني في الملامح والجسم احلى من طليقته بس هو اصلا مش بيحب حد ولا ببعجبه حد سواء انا أو طليقته وشاكه اصلا أنه كان عايش نفس العيشه دي مع طليقته وده سبب الطلاق بس هي استحملت خمس سنين انا مبقتش قادرة حاسه اني جايه اخدمه وأشوف طلباته وخلاص انا في بيت ابويا كنت باجي من شغلي انام واصحى اكل واعد بجد مش دي الحياه اللي كنت عاوزاها خالص كنت عاوزه حد يبقى حنين عليا وبيحبني ويسمعني كنت عاوزه اختار بيتي لنفسي مش اروح اشوف بيته اللي كان عايش فيه مع مراته كنت عاوزه لما بنته تقوله دي وحشه يقول في حقي كلمه حلوة اكتر سبب خلاني اوافق عليه أنه لما جه اتقدم بعد اربع سنين مشافنيش ولا يعرف عني حاجة وكمان علاقته باخويا مش صحاب هما ممكن يتقابلو مرة كل سنه مثلا عشان طبعا احنا في منطقه وهو في منطقه المهم اني قولت اكيد كان معجب بيا مثلا ف لما طلق جالي وكنت متخيلة بقى اني هشوف تعويض عن أي حاجة بايخة حصلت ايام ثانوي كمان ساعات لما النقاش يتحد بينا على اي حاجة بشوفه المستر اللي كنت بروح عنده درس تلاقيه بيزعق بطريقة تخوف واحسه هيضربني بصراحة ف بخلص الموضوع وبعتزر كمان بس ببقى مضايقة اوي واحس اني مكسورة حياتي بجد كئيبه اوي ومفيش خروج ومفيش جواز اصلا وفي نفس الوقت خايفة أطلق بعد سنه واحده بس جواز وأقل كمان وحاولت معاه كتييير أنه يتكلم معايا بس بس هو الاجابه أقل من السؤال بكتير وسالت أخته بطريقة مش مباشرة قالتلي هو كده ومش بيحكي حاجة لو انتو مكاني هتعملو ايه وياريت راجل يقولي سبب معاملته دي ايه بس محدش يقول إنه بيحب طليقته عشان هو اصلا مبعرفش يحب هو كل حياته جد كده كنت هسال طليقته صحيح قبل م اتجوز عن سبب الطلاق والسبب اللي خلاها تطلق على سبب فارغ بس كان ابنها لسه متوفي ف مرضتش اسالها ...عرض المزيد

2 الدعم

15 نصيحة

Candle_73846 🇪🇬

مش نازله مع صحابي هروح اعمل بشاميل واقعد

اوكي مش هنزل مع صحابي 😃هيضربوني بس مش نازله هروح اعمل بشاميل واقعد زي الشاطره وبس تعالو نكدب كدبه وحده بتتمنو تبقي حقيقه انا اخدت حزمه شياو البنت الي نازله ف فري فاير ااااااااااااااااااااااااااااااااااااااااااااااااااااااااااااااااااااا ...عرض المزيد

2 الدعم

13 نصيحة

Strawberry_77918 🇪🇬

عايزة أتعلم عن الإسلام بالتفصيل من كل ناحية

لو حد عايز يتعلم عن الاسلام بالتفصيل من كل ناحيه و يعرف كل حاجه في الدين زى دراسه مش مجرد معرفه و خلاص ايه الكتب أو الفيديوز مثلا بلايليست على اليوتيوب ترشحولى انى اشوفها محدش يدخل يسألنى انا كام سنه و عايزة اعرف ليه و بدرس ايه لان دا ميخصكش في حاجه اللى عنده اقتراحات او نظام معين امشي عليه هكون شاكرة ليه جدا بدون الدخول في تفاصيل شخصيه ...عرض المزيد

2 الدعم

13 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع