ضيقة في الجامعة

Cherry_32857 🇪🇬

منذ 3 أشهر

شعور متعب

عبّر عن شعورك بشكل مجهول

معرفش أنا بس اللي عندي الأحساس ده ولا لا.
قلبي واجعني أوي على طول وبقيت على طول دلوقتي مضايقة حتى لو عملت حاجة تسعد برضه ببقى مش حاسة بيها وبضايق اكتر، طول عمري من وانا صغيرة وأنا دلوقتي 20 سنة اهو مليش صحاب في المدرسة او بمعنى اصح مبلقيش حد عاوز يصاحبني او متقبلني وفي نفس الوقت لما ببقى رايقة او بدوس على نفسي حتى لو مضايقة الاقي نفسي طليقة اللسان أوي واي حد اتكلم معاه حتى لو جديد يحبني.انا حاليا في الجامعة في سنة تلاتة و عندي احساس وحش أوي على طول اني معملتش حاجة في السنتين اللي فاتو دول وفاضلي سنة واتخرج. ليا صحاب من سنتين بنات بس مش احسن حاجة او زي مبيقولو احسن الوحشين بس وسطهم بحس اني وحيدة مليش لازمة كمالة عدد موجودة وخلاص لو مش موجودة او مجتش مش هيحسو عادي. بيستخبى عني حاجات كتير اوي لمجرد اني مبحبش الغلط. عاهدت نفسي على بداية ترم جديد اني اتغير وهتعرف على ناس تانية من دفعتي،بس مش عارفة خالص يعني لو حد في جامعة وشاف البوست ده ممكن يفهمني اللي هو خلاص الدفعة عرفت بعضها وكل واحد مكتفي باللي معاه. وصلت لمرحلة اني خايفة اطلع محاضراتي لوحدي علشان مقعدتش لوحدي، بجد تعبت أوي والمشكلة اني مش عارفة ابعد عنهم علشان مفيش بديل مش عاوزة ابقى لوحدي تاني جربتها كتير اوي في المدرسة كنت بعيط لوحدي لما اروح البيت بدل المرة الف وده كان من ضمن فشلي في الدراسة مع اني ذكية والله جدا مش بقول كده وخلاص لا دانا جربت نفسي لما بركز في دراستي ميبقاش محتاج أعمل مجهود كتير كمان وممكن اجيب درجة اللي طلع عينهم في المذاكرة. عندي احساس دائما اني عمري بيضيع واني لما ابقى بتخرج مش هلاقي اللي يسقفلي علشان مفيش حد يعرفني ساعتها هتكسر أوي بجد لدرجة مش عاوزة اتخرج بسبب كده . أنا مش عارفة دي ٱثار اكتٱب ولا ٱثار ايه بالظبط بس أنا تعبت أوي من نفسي من كتر ما بتحاول ومفيش حد شايف ده. حكيت لحد من اهلي قريب مني جدا وقالي دوري على صحاب تانيين بس متخسريش دول علشان متبقيش لوحدك الكلمة دي بتموتني أوي، يعني علشان مبقاش لوحدي ويتقال عليا وحيدة افضل مع ناس مش حاسة نفسي وسطهم. عاوزة حد يساعدني وياسلام لو بيفهم في علم النفس يريحني من اللي انا فيه دا بجد أنا كل ما ببقى لوحدي بعيط من قلبي بجد، وزيادة على كده اني كتومة جداااااا بطريقة رهيبة وصعبة يعني لو بموت كده من العياط والضيقة محكيش حتى لو حد قريب مني أوي ومستحيل يعايرني يعني من الٱخر مبعرفش افضفض خالص بيبقى في صراع جوايا والف سؤال افضفض ولا لا. أنا عاوزة حد يكون صدره رحب ويقرأ الكلام كله يعاملني كأني حد غالي حتى لو ميعرفنيش عاوزة نصيحة او حل من القلب

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Apple_20927 🇪🇬

انا مش كويسه خالص... تعبانه نفسيا يارب اشفيني

انا مش كويسه خالص مش كويسه ابدا بحاول ابقى كويسه والمرادى بقالى ممكن اسبوعين او اقل كويسه نفسيا مرتاح بعمل عادات كتير حلوه بطلت كل حاجه سيئه بس مره واحده وقعت ف كل حاجه موقعتش ف حاجه حاجه مثلا لا مره واحده بقيت اسوأ انسانه ف الدنيا كل الكويس ف لحظه بطلته وعملت عكسه يارب انا تعبانه نفسيا اشفينى يارب ...عرض المزيد

0 الدعم

25 نصيحة

Sugar_89375 🇪🇬

عايزة حد يفهم اللي مبقولهوش واللي بقوله مش فارق

‏انا عايزة حد يفهم اللي مبقولهوش.. والى بقولو برده مش فارقة😁 ااتاتاتاتناتاتاتاتانازتناظتمممناالااااااتنننننننتنننننننننممممممممممممممممممممممممااااااااااتتتتتتتتتتتتتتتتتتتتتتاااااااااااااأااااااااااأتاااااااااااااا ...عرض المزيد

7 الدعم

23 نصيحة

Moon_16525 🇪🇬

الرجاله كلها بقت كدا؟ عايزين البنت تعمل كل حاجه؟

جماعه هى الرجاله كلها بقت كدا ؟ عايزين البنت هى اللى تبادر و هى اللى تعمل كل حاجه فى العلاقه ؟ كلهم بقوا كدا ولا اللى معايا بس ؟ محتاجه رد ضرورى نفسى احس ان اللى معايا راجل بجد ااااااااااااااااااااااااااااااااةةةةةةةةةاااااااااااااااااااااااااااااااااااااااااا ...عرض المزيد

4 الدعم

23 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع