طرد من الشغل

Bulb_89016 🇪🇬

منذ أسبوع واحد

شعور محبط

عبّر عن شعورك بشكل مجهول

انا قصتي طويلة شوية..
انا عندي ٣١ سنة متخرج من كلية مكنتش مهتم بيها ف مشتغلتش ف نفس المجال. 
اشتغلت خدمة عملاء ومبيعات ف شركات كبيرة ف مصر وكنت دايما بصرف ع نفسي من اول م دخلت كلية. بعدين جالي شغل كويس ف شركة تمويل كبيرة اوي ف مصر وكنت من الناس الشاطرة جدا جدا ف شغلي وكنت بتطور بشكل يومي وملحوظ بادائي وكمان النتايج اللي اتحققت في المحافظة بتاعتي، بس كان عندي مديري كان دايما حاقد عليا وهوا كان خريج كلية عسكرية ع معاش مبكر ف فرق السن مكنش الكبير جدا وكان عايزني امشي الدنيا تسيهلات مع ناس معينة عشان ياخدو تمويلات بارقام كبيرة وميدفعوش او يتاخرو ف السداد دا غير المصالح الشخصية اللي كان بيعملها معاهم وكان دايما عايزني ابقي متملق ليه واحكيلة كل حاجة ف الشغل وحتي حياتي الشخصية. ودا مكنش جزء من شخصيتي انا كنت بحب اعمل شغلي وبتقي ربنا في لحد م في مرة حصلت مشكلة بسيطة جدا بيني وبينه ودا كان قبل تجديد عقدي ف بلغ الشركة انه مش محتاجتي وطبعا لما حكتلهم هوا كان بيعمل ابه قالولي بوص انت موظف وهوا مدير ف احنا مش هنقدر نرفضة هوا ونسيبك انت. الكلام دا من سنتين ونص تقريبا بس انا من ساعتها وانا مش عارف اشتغل ف مصر وصرفت كل اللي حوشته ع علاج والدي واضربت اسيب البنت الوحيدة اللي حبتها وحاليا انا بدون وظيفة بقالي اكتر من سنة ومش عارف اشتغل ف اي مكان ومش لاقي نفسي ووالدي توفيي ووالدتي واخويا اللي اصغر مني مسؤلين مني وانا مش عارف اعمل ايه ومليش اي حد اعتمد عليه لا اهل ولا صحاب وحياتي بقت اسوء بكتير من كل اللي كنت راسمة لنفسي.

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Lemon_52708 🇪🇬

منذ شهرين

شعور مكسور القلب

بصراحة، الموضوع طلع أكبر من اللي كنت متخيله. كل اللي حصل كان تمهيد علشان يستغنوا عني، وبكرة هيكون آخر يوم ليا في الشغل. واضح إن هي كانت عارفة، وعشان كده كانت بتعاملني بالطريقة دي. اللي وجعني أكتر إني عرفت إنها هي اللي بلغت الإدارة، وقالت للأوفيس غيرل إني باخد كورسات إنجليزي وإكسيل، وده خلاهم يقرروا

Popcorn_68662 🇪🇬

منذ 3 أشهر

شعور ضائع

من يومين كنت كاتب اني يحتفل بالسنه السابعه تبطيل واني مدمن متعافي والحمدلله بقالي ٧ سنين وكنت مبسوط وكتبت أن احنا بتكون منبوذين في المجتمع . و محدش صدق النهارده الحمدلله مشيت من شغلي عشان بالصدفه صاحب المكتب عرف اني كنت مدمن زمان و عرف من اهلي هو علي في معرفه بينهم . المهم بعد ما كنت ماسك كل التعام

Sugar_89824 🇪🇬

مخنوقة ومضايقة ومش عارفة أتكلم لحد

جماعه انا عندي مشكله اني بيجي عليا وقت بكون مخنوقه ومضايقه اوي بس معرفش من ايه. ومش بحب احكي لحد حاجه خالص وحاسه ان فكره الapp دي غلط وحرام معرفش ليه بردو بس لما باجي اقول مشكله واتكلم هنا بعدها بتخنق اكتر وبضايق اوي اني حكيت وفي نفس الوقت لما بكتم جوايا اي حاجه ببقي عايزه افضفض لاي حد وبعد ما افضفض بندم وانا أصلا متعوده طول عمري مش بحكي اي حاجه لحد وبكتم جوايا معرفش حد فاهمني ولا ايه ...عرض المزيد

1 الدعم

27 نصيحة

Apple_89884 🇪🇬

طلقت من رجل سئ الطباع ومش سايبني في حالي

أنا اتجوزت اول السنه دي واطلقت بعد جوازى بحوالي ٧ شهور بالظبط طليقي رجل مش محترم جدا هوه في المظهر شيك ومؤدب ولكن في الباطن سئ الطباع لدرجه مستحيله وأخلاقه في البيت اكتشفت أنها لاتمت للرجوله بشئ وحاليا بعد طلاقي منو مش سايبني كل مكان اروح فيه يظهرلي ويتخانق اروح النادي مثلا ألاقيه اروح مكان ألاقيه اكتشفت انو منزل لي برنامج في الموبيل بتاعي غيرت موبايلي وغيرت نمرتي أتجنن علي الآخر أنا في بيت والدى وأنا بحمد ربنا إننا جوه كومباند وفيه امن ومانعين أي حد يدخل لينا علشان كده مش عارف يدخل لينا زهقت منو ومبقتش عارفه أتصرف ازاي أنا أطلقت منه بصعوبه وزهقت وعملت محضر عدم تعرض وللأسف أنا لوحدى ماعنديش غير أخت واحده مهاجره في كندا والدي كبير جدا في السن ربنا يطول في عمرو يارب والدتي متوفيه بجد نصيحه مني اوعو تتغرو بالشكل ولا بالمظهر أنا الحمدلله مش محتاجه منه اي فلوس ولا محتاجه منو أي حاجه أنا طلقتو وسبت كل دهبي وكل حاجه وكل حاجه والدي جابها ليا بحوالي اكتر. من ٢ مليون جنيه ومفرفش عندى أي حاجه غير إني اهرب من الجحيم اللي كنت فيه نصيحه ادرسي اللي بيتقدم ليكي مره واتنين وتلاته وأربعه وخمسه ...عرض المزيد

5 الدعم

23 نصيحة

Guava_70060 🇪🇬

خطيبي قالى مش انثى كفاية.. وجرحنى فى موضوع العرق والريحة

عايزه افضفض معاكم شويه أنا كان دايما كل صحابي يشتكو من موضوع العرق والريحه وانا اقول الحمدلله أنا مش بيطلعلي ريحه وحشه اعتقد طبيعه جسم عادي ف كانت النقطه دي عندي ميزه اللي هو استحمي وابقي كده فله عمرها ما كانت بتشغل بالي وبره البيت أنا مستحرمه احط برفيومز رغم ان عندي كتير ولما بحط مثلا مناسبه او كده الاقي اختي بتزعقلي وتفكرني بحديث النبي صلي الله عليه وسلم وكنت مبسوطه بنفسي كده وشيفاني قمر لحد ما اتخطبت وفضل فتره شايفني قمر برده بلبس لبس نضيف او جديد كمان واحط ميكب رقيق وشكلي كيوت بعد شويه حصل موقف جرحني اوي (قالي بعد الخروجه أنا عايزك انثي زي البنات بتلبس اكسيسوري بتهتم بريحتها الكلمه جرحتني اوي قلتله ليه أنا ريحتي وحشه يعني قالي مقولتش كده بس تهتمي قلت البرفانات حرام علفكره قالي ومزيل العرق حرام النضافه من الإيمان علفكره وكأنه بدل ما أنا اقلب الترابيزه قلبها هو أنا ساعتها سكت ومقدرتش اتكلم واتجرحت جامد فضلت اشم ف هدومي مش لاقيه ريحه عرق مش لقياني عرقت أصلا وقعدت اعيط 😭)ومن يومها بقيت بغرق نفسي ميستات وهو بدأ يقولي جميل بس برده فضلت الخلافات وفضل يكسر فيا من غير ما احس ع سناني ع جسمي ع لبسي ع كلامي ع طريقتي بس كله بيصب ع اني مش انثي ولما اقوله مانت عارفني وشايفني من الاول يقولي مكنتش مركز ولما اسمع كلامه وأتحسن يحبني شويه ويرجع تاني وهكذا المهم انفصلنا وانا دلوقتي شايفه نفسي مش انثي وانه هو اللي علمني احط ميستات واني ازاي مكنتش كده واني كده مكنتش بنت اني مش بحط ميستات وهكذا بقيت لما احط هير ميست مثلا ف بيت اقول اه اتعلمتي دلوقتي تبقي انثي وكلام سلبي ليا اوي ...عرض المزيد

2 الدعم

22 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع