طلاق الوالدين

Cherry_74548 🇪🇬

منذ يومين

شعور مستنزف

عبّر عن شعورك بشكل مجهول

عندي مشكلة مجرد فضفضة بإختصار.. 
انا والدي ووالدتي منفصلين بقالهم سنة ونص انفصال رسمي(طلاق) بسبب مشاكل كتير بسبب والدي وانا البنت الكبيرة وكنت عارفه وفاهمه كل حاجه بتحصل من البداية انا يعتبر مكنتش بشوفه غير يوم او يومين ف الاسبوع من يوم م اتولدت بسبب ظروف شغله مع انه عايش معانا عادي م بيسافر بره البلد يعني وطول عمري قريبه ل امي اكتر منه ..دايماً كان بيتكلم عن الجواز وانه عاوز يتجوز اتنين وتلاته واربعه وان الشرع محلله كدة واول م بقي معاه فلوس اتجوز علي امي ف السر وبعدها عرفنا وحصلت مشاكل كتير وبعدها طلق الست اللي اتجوزها دي ومن وقتها واحنا يومياً ف مشاكل الموضوع ده عدي عليه حوالي ست او سبع سنين ومن سنه ونص المشاكل كانت بتزيد ف امي طلبت الطلاق واتطلقو رسمي واكتشفنا بعدها بسنه انه قرأ فاتحه وعمل خطوبة للبنت اللي كانت سبب ف تخريب حياتنا البنت دي اكبر مني بكام سنة كدة هو مقالناش احنا عرفنا من بره ومن وقتها وانا مش قادره اروح ازوره ولا اشوفه ولما بيكلمني بكلمه بس عكس الأول كنت دايماً انا اللي بكلمه وبروحله سعات لما بفضي بس دلوقتي مش قادره اعمل كدة انا مش صغيرة وهو بيعاملني اني صغيرة ومفتحش معايا الموضوع خالص لغايه دلوقتي ولا قالي اي حاجة بس كل م يكلمني يحس ان صوتي مش كويس ويقولي ليه انتي زعلانة واتبسطي وبتاع هو من زمان معيشنا انه بيدينا فلوس وبس عمري م قعدت معاه قعدت بنت وابوها طبيعي كدة دايما لازم ابقي اخده بالي من كلامي ومن طريقتي لاني لو قولت اي حاجة غلط بسمع كلام محدش يقدر يستحمله ومقدرش اني اقول نص كلمة طول عمري نفسي يبقي عندي اب بمعني الكلمة مش شخص بشوفه كل فتره واخد منه فلوس وبس موجوعه اوي ومش عارفه اعمل ايه ومش قادره اشرح احساسي 
منكرش انه بيصرف علينا عادي ومش بيقولنا لا علي حاجه بس مش ده اللي انا عوزاه انا كنت محتاجه اب 
وقال انه لو متعاملناش معاه ومع مراته الجديده دي كويس هيمنع عننا الفلوس اللي هي الحاجه الوحيدة اللي بناخدها منه
انا غصب عني اني مش قادره اروحله ولا قادره اكلمه 
عارفه انه حرام وانه لازم اكون باره بيه مهما حصل بس انا بعمل اللي اقدر عليه والله وغصب عني بس هو مش فاهم ولا حاسس ب ده 
كل البنات حلمها تتجوز واحد زي بباها وانا بدعي ان ربنا ميكتبليش حد زيه ابداً لاني مش هقدر استحمل بجد
ماشيه بصبر واهون علي امي واخواتي وانا اللي محتاجه اللي يهون عليا مش قادره اتكلم ولا قادره اقوله حاجه خوفاً منه لاني لسه مشتغلتش ومعييش اللي اقدر اعيش بيه نفسي واخواتي
وفاضلي سنه ف الكليه خايفة يقعدني منها بجد مبقتش عارفه اعمل ايه
وهو طالب انه يشوفني بس انا مش قادرة بجد غصب عني 
وقبل كل ده الشخص الوحيد اللي حبيته واديته حياتي كلها (خطيبي) سابني هو كمان ودي لوحدها وجع تاني خالص 
كل مره بزعل وبعيط ببقي مش قادره انسي اللي عمله فيا لان مبقاش ليا حد دلوقتي احكيله ولا حد يقف جمبي كان هو الوحيد اللي جمبي ف كل حاجه بتحصلي 
انا راضيه بكل اللي ربنا كاتبهولي والله وعارفه ربنا كويس جداً الحمدلله وعارفه ان كل حاجه بتحصلي خير ليا بس بفضفض مش اكتر لان مليش غير ربنا وامي ومبقتش قادرة اتقل عليها لان هي مبقتش حمل اي حاجه زيادة 
هو انا مش من حقي ازعل ؟
مش من حقي اتوجع علي كل اللي بيحصل ده ؟
محتاجه حد يقولي اعمل ايه بجد علشان والله تعبانه اوي

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Mushroom_76557 🇪🇬

منذ 3 أشهر

شعور متعب

ممكن تساعدوني بالله انا واحد امي وابويا مطلقين و قاعدين مع امنا في بيت جدتنا انا كانسان بطبعي خجول والخجل ده بيخليني معرفش اعمل صحاب مبعرفش اتعامل ولا اتكلم عن الناس واهلي مش بيكلموا معايا اصلا كاني مش موجود ده غير بقي ان انا الحاجه الوحيده الي تقريبا بتسعدني هي الاباحيه والعاده السريه فانا مش عار

Sugar_76259 🇪🇬 اسمع بودكاست عن المعني و الهدف من الحياة و دور على نفسك و اهتماماتك وجرب حتي الحاجات الي انت فاكر انك مستحيل تعملها او تحبها و نصيحة فكك من جو التنمية و الإنجاز و تحقيق المستحيل و ان كله وصل القمر و انت لسه علي السرير ...حاول ابسط الاشياء و ركز مع نفسك انت بس و ارضي بأقل تغيير لو النهاردة طلعت الصاله و قديت اليوم مع اهلك حتي لو مش متأقلم و حتي لو مش عاجبك افتكر ان كفاية انك واجهت و مستسلمتش

عرض الكل 10 نصيحة

Pineapple_57700 🇪🇬

منذ 3 أشهر

شعور محبط

بيصعب عليا فكرة ان الاب والام يفصلوا ويرموا عيالهم وكل واحد يتجوز ويشوف حاله زي قصة علياء قمرون بالضبط بغض النظر عن التيكتوك وانها اتقبض عليها بسبب الفيديوهات والكلام ده انا برضو كنت بعاني من غير اب ولا ام مش عارف ايه ذنب الطفل فالانفصال الكلام ده مش قصدي بيه اكسب تعاطف ولا اصعب علي حد بس بكو

Peanut_75647 🇪🇬 دي تدابير ربنا، للاسف الموضوع دة بيخليك تفكر في ليه هو حصلك انت، اية ذنبك ولية تتحمل غلطة اهلك عملوها… بس في الجانب الثاني بيخليك تفكر في نفسك وانك ازاي تكون احسن وتكون اب لأبن انت كان نفسك تكون زيه.. وساعتها ربنا هيعوضك عن اللي فات.. الفكرة هنا ان والدك ووالدتك حاسين بالذنب وللاسف بيطلعوها عليك وعلي اخواتك مش هيبينولك انهم غلطو ومش هيبينو ضعفهم ليك وقد ايه هما عايزين يحضنوك

عرض الكل 11 نصيحة

عبّر عن شعورك بشكل مجهول

بيصعب عليا فكرة ان الاب والام يفصلوا ويرموا عيالهم وكل واحد يتجوز ويشوف حاله

زي قصة علياء قمرون بالضبط بغض النظر عن التيكتوك وانها اتقبض عليها بسبب الفيديوهات والكلام ده

انا برضو كنت بعاني من غير اب ولا ام مش عارف ايه ذنب الطفل فالانفصال

الكلام ده مش قصدي بيه اكسب تعاطف ولا اصعب علي حد

بس بكون مش فاهم المطلوب نفسية الطفل تبقي كويسة ويعيش طبيعي ويتجوز ويعمل أسرة ازاي بعدها

انا طبعا مش هقدر اكتب الكلام ده عالفيس ولا احكيه لأي حد فقلت افضفض هنا بس شوية ....

حتي والدي لما كنت اروحله كان بيعاملني اني عبء زيادة وكان اسلوبه صعب وطردني اكتر من مرة ولا اكني ابنه

انا صحيح اتوجع كتير وحسيت باليتم حتي وابويا عايش
بس انا مش لاقي اجابة تخليني ارتاح

الموضوع مش بس كده لكن بيخلي الواحد عنده ثقة بنفسه واحنياح لاامان والحنية ...وأقل تصرف كويس من اي حد غريب بيخليني اتعلق بيه بسرعة

حاسس ان حياتي جحيم من غير مختارها

كان نفسي بس ابويا يفكر ان ابنه وهو صغير لما يشوف اب بيشيل ابنه او يحضنه او يدلعه ويقعده علي رجله او حتي يجبله هدايا ويلاعبه ....هيكون شعوري ايه او هستحمل منظر زي ده ازاي ....هكون حجر لدرجة ان النقص ده مينزلش دموع من غير مقدر امسكهم

هبات ازاي كل يوم عالمخدة وانام مرتاح وحاسس بالامان او حتي هحس بايه لو شفت ستوري عن الاب وانه سند ودعم وامان و انه و انه

بس دي كانت فضفضة بسيطة مش قصدي بيها صعبانيات وكلام فاضي بس جرح مكتوم فنفسي بخرجه عشان ارتاح

اسف عالاطالة ...

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Tofu_70825 🇪🇬

منذ 4 أشهر

شعور مرهق

للاسف ماما وبابا مطلقين من وانا عندي 10 سنين وعيشت مع والدتي بعد طلاقها وشوفت اسود ايام حياتي .. طلعت كل عقدها عليا كسرتني ووجعتني بنرجسيتها بدل ما تحتويني وانا بنت يعني المفروض تديني حنيه واهتمام عشان مدورش عليها بره ودا اللي حصل فعلا أنا عندي 21 سنه وبدور علي اهتمام والحمد لله أنا شخصيته تنحب بس

Watermelon_52298 🇪🇬

منذ 4 أشهر

شعور مكسور القلب

انا عندي ٢٠ سنة و انا صغير خالص حصلت مشاكل بين ابويا و امي ادت لطلاقهم في ٢٠٠٧ بعد الطلاق بفترة ابويا رفع قضية رؤية عشان يشوفني و كدا المهم كنت بروحله كل اسبوع مرة و كدا مع انه بخيل جدا و مكنش بيدفع نفقة تستاهل و لحد دلوقتي المهم هو كان بيعاملني بقسوة لدرجة اني لما نجحت في رابعة ابتدائي اداني جني

Marshmallow_65710 🇪🇬

منذ 5 أشهر

شعور ضائع

Popcorn_50198 🇪🇬 متظلميش نفسك دول شوية عيال اول ما هيتخبطو قلم من اي ظابط هيكشو وانت الميزه معاكي ان كل المجتمع هيصدقك روحي لاي حد كبير يقدر يساعد في حالات زي دي عشان تتخلصي منهم وتعيشي حياتك طبيعي

عرض الكل 10 نصيحة

عبّر عن شعورك بشكل مجهول

ازيكم هحاول اخلي دا اخر سنتين ف حياتي لسه محكيتش عنهم بس عشان تعبت من الكتابه وكتر الكتابه رجع يخليني افتكر احداث بحاول مفتكرهاش 
دخلت أولي ثانوي في مدرسه جديده أنا جبت درجه تدخلني اي مدرسه الحمدلله وربنا وفقني والدتي كانت عايزه تدخلني مدرسه فنيه ووالدي كان عايزني اكمل ثانويه عامه لغات زي ماانا بس حصل مشاكل بينهم فتره بسبب دراستي دي رابع يوم مدرسه ليا هربت منها وكانت اول مره اهرب فيها مع ولد اكبر مني ب سنه في نفس المدرسه وساكن قريب مني كان وقتها احتياجي اني احب واتحب من حد معروف وحد كل الناس بتعمله الف حساب ويبقي له اسم ومكانه وكدا وفعلا اتكلمنا وقررنا منحضرش المدرسه ونتقابل غرض المقابله مكانش الطف حاجه لان كان الغرض منها أننا نبقي في ح/ضن بعض اتمشيت المدرسه وصلت الساعه سابعه وفضلت مستنياه برا لغايه ما وصل تسعه بعد ما صحي وفضل مسوحني كتير لدرجه ان في ناس كتير ضايقتني بسبب هروبي من المدرسه لأنها علي شارع رئيسي فيه مواصلات المدينه الي ساكنين فيها اتقابلنا وقعدنا مع بعض وحصل بينا تقارب بسيط وكان صاحبه بيراقب الناس محدش ييجي يضايقنا يعني وقرر أنه يتصل بصاحبهم التاني معاه عربيه فولكس الميكروباص دي وركبت أنا و ميم الشخص الي كنت بكلمه جمب بعض والاتنينن صحابه قاعدين قدام بيسوقو وكدا راح (الف) قرر يركن في مكان مقطوع ويقفل بيبان العربيه وانا وميم نقعد براحتنا جوا نتكلم أو نقرب من بعض وفعلا قربنا من بعض وحصلت علاقه بيننا وكان الف وصاحبه التالت كانو بيمسحو العربيه من برا تمويه للناس الي ماشيه ف الشارع بس مكنتش اعرف اني بتصور وانا في وضع مش كويس ولما خلصنا أنا وميم هو قام وقال إنه هيروح يجيب اكل من السوق ويرجع وهيدخل المدرسه يجيب حاجه وجاي وهو راح ومرجعش وأصحابه الاتنين كانو موجودين وكنت خايفه منهم اوووي جه الف قعد قصادي وقالي أن ميم مش بيحبني وان الف هيفضحني ف كل حته وأنه مصور كل حاجه بدأت أنكر واقول مش هيحصل و لا وهو فتح تليفونه فعلا ووراني فيديو ليا مصوره وقالي لو عايزاني امسحه اعمل زي ما هو عمل فضلت اعيط واترجاه يمسحه منغير كدا هو معملش اي حاجه وخلاني اعمله نفس الي عملته ل ميم ومسح الفيديو وكان صاحبهم التالت برا العربيه بعيد بيجيب حاجات بعته الف عشان ييجي يكلمني ويستغلني ولما روحت عملت بلوك ل ميم من كل حته عشان الف بعتلي شات بينه وبين ميم بيقولو انت بتحبها قالو لا لو عايزها خدها وكأنه بيقسم بعدت عن ميم منغير ما اعاتبه حتي والف بقي بيكلمني كل شويه يقولي أن الفيديو طلع مع حد ميعرفش ازاي وصله واني لازم انزل أقابله وكنت بنزل أقابله يقعد يتكلم ويحسسني أنه شخص مهم ويطلب مني نفس الطلب الي اخده مني مره ولو قولت لا لا يقولي مش همشيكي الا ما تعملي كدا يااما براحتك أشيل ايدي ومساعدكيش ومحاولش استرك ومخليش الفيديو الي وصل للولد دا ينشره واقول مليش دعوه وكنت بعمل كدا وبوافق واعيط بعدها وبصعب عليه يتأسفلي شويه ويكرر نفس الموضوع مرتين تقريبا تاني حصلت مشاكل في البيت وبابا وماما انفصلوا وروحت عيشت مع بابا أنا واختي واخويا الصغير هو في تانيه ابتدائي حاليا روحنا قعدنا في بيت جدي الله يرحمه في الجيزه ((((وهبقي احكي اكتر عن الطلاق في بوست تاني ))))
رجعت عيشت مع ماما فتره أنا وهي لوحدنا واخواتي عند بابا قبل امتحانات الترم الاول بشهر وقررت اني متكلمش مع حد وانتظم ومليش دعوه ب حاجه لان موضوع هروبي من المدرسه شبه انتشر في المدرسه والف فضل يسأل شباب المدرسه عني كتير واستغربو كتر السوائل مما خلاهم يحطو عليا علامه استفهام أنا ورايا اي ؟

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Banana_45202 🇪🇬

منذ سنة واحدة

شعور ضاق ذرعًا

انا ولاد ١٦ سنة مشكلتي اني طفولتي كلها عبارة عن طلاق ماما و بابا كلها مشاكل و توتر لا ينتهي عشان هما مطلقوش و خلاص لا قضايا و زعيق و تكسير لمدة سنين و لحد دلوقتي لسة في مشاكل بتحصل علي الفلوس المهم ان في كل المشاكل دي هما كانوا مقفلين علينا اوي يعني هما علطول مش بيخلونا نخرج مع العيلة وعلطول قعدي

Mango_46125 🇪🇬 كل حاجه وليها حل وقول يارب واهم حاجه قرب من ربنا ☺️

عرض الكل 3 نصيحة

Pineapple_37912 🇪🇬

منذ سنة واحدة

شعور مكسور القلب

أنا بابا وماما متطلقين من قريب وأنا سني صغير اوي وجدتي لسا متوفيه قريب، بس هم مش حسين بالضغط النفسي اللي بيعملوه ليه انا واختي وخصوصاً اختي بقت بيجيلها حالات غريبه ومبتعرفش تاخد نفسها ولازم تروح المستشفى عشان تهدى وكل دا بيحصل قدامهم وهم مش حاسين ومنغير مأختي تتكلم أنا فاهمه دا بيحصلعا ليه. في مره ب

Tomato_38019 🇪🇬 انتي بتكلمي ع اساس الي شايفة لكن هو ممكن يكون في مشاكل بين الاب والام أكبر من انك تفهميها لكن الأهم من دة انك تكوني واقفة جنبهم الاتنين علشان تصلحي منهم علشان الأهم لي الاب ولي الام هم الاولاد متحكميش من موقف حصل يبقا كل حاجة وحشة هتحصل وتفضل ان شاءالله هتحل وكل شي هيكون كويس الأهم انك تفضلي جنب اختك علشان هي محتجاكي اكتر من اي حد

عرض الكل 6 نصيحة

Orange_37002 🇪🇬

منذ سنة واحدة

شعور ضائع

بجد محتاج رآيكم.. انا دلوقتى ابويا مقاطعنى لانه اتفصل عن والدتى وانا اخترت اعيش معاها هى لانها ست ف الاول وف الاخر ومش بتشتغل ف انا هعرف اصرف على البيت.. وحرفيا مقاطعنى نهائى حاولت اوصله مره واتنين وتلاته وعشره وهو مفيش اى فايده ومصمم على رآيه ويمكن اصلا مش بيدينى فرصه احاول حتى اكلمه مع العلم انى 2

Orange_34558 🇾🇪

منذ سنة واحدة

شعور شاعر بالملل

موضوع:

تتعاملو ازاي مع فكرة ان امكم مش موجوده

امي وابوي مطلقين ونحن عايشين مع ابوي تغيرت كثير اشياء بالبيت لا بل اقدر احصيلك الي ما تغير روح البيت المرحة اختفت بدأنا نتجاوز الموضوع بعد ما تأقلمنا وغصب نتأقلم ما باليد حيلة اعتبري هتجربه تجربه عشان تتعودي تعتمدي على نفسك انا كنت بالمن بمرض بلاقي حد جنبي الحين مافي شخص بحنانها جنبي اضطريت أعالج نف

Donut_33839 🇾🇪 هي هاذي اسباب الطلاق و ذا السبب في تفكك الأسر و الله يكون بعونك

عرض الكل 3 نصيحة

Nutella_56618 🇪🇬

أنا متنكده ومحتاجة أتكلم مع حد ذكي وشاطر

انا متنكده محتاجة اتكلم مع حد ذكي وشاطر ودمه خفيف يطلعني من المواد وبعدها منعرفش بعض تاني كتبمغغمينفيغنيغهبغخبغخبغخبغنغمبغخبغخبغخبعخ خبعخيغخغخغخيغهيغهيغخيغخبعخبعخبعخبعخغخيغخيغخيغخ ...عرض المزيد

0 الدعم

30 نصيحة

Chocolate_89205 🇪🇬

عاوزه احكي حاجه حقيقي حاسه بالذنب فيها اووي

عاوزه احكي حاجه حقيقي حاسه بالذنب فيها اووي حد فاضي نتكلمو؟؟ اااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااا. ...عرض المزيد

4 الدعم

25 نصيحة

Cherry_59115 🇪🇬

مش عاجبني نفسي الاتغيرت 180 درجة.. نصحوني ارجع زي زمان

جماعه عاوزخ اتكلم من غير ماحد يعيب عليا او يقولي كلام يضايقني اكتر لأني فعلا مضايقه من نفسي اوي ومش عاجبني نفسي ال اتغيرت 180 درجه ال لو كنت سمعت ان بنت بتكلم ولد كنت بستغرب فشخ يعني ايه يعني 😂😂 اللعنه بدأت من تالته إعدادي لما عرفت ولد اكبر مني بتلت سنين وكانت علاقتنا كويسه لحد مابدأ يبقي عاوز العلاقه تاخد سكه مش حلوه حاول معايا كتير المشكله ياجماعه اني كنت ساذجه فشخ انا طفله حرفيا واول تجربه ليا ف بجد كنت عبيطه اوي لدرجه انه لما كان بيطلب مني نتقابل (انا كنت برفض عامه بس كان بيلح بطريقة مش متخيليينها بجد) المهم كنت بوافق يعني بس مكانش بيحي في دماغي خالص انه ممكن يعمل حاجة معايا كنت مديه الامان موت حصل تجاوزات مكانتش افظع حاجه يعني علشان انا كنت بصد ومكنتش عاوزه انا حتي محسيتش وقتها ولا واحد في الميه بنشوه او اني عاوزه كده معاه او مكنتش بفكر في كده اصلا طفله ياجماعههههه المهم يعني قطعت معاه بعد مافوقت وعرفت انه انسان قذر بعدها فضلت سنه مثلا بحاول اتعافي كنت مش لعمل حاجه غير اني بجلد في نفسي وبحس بتأنيب ضمير من ناحيه اهلي حالتي كانت وحشه اوي بعدها عرفت واحد بس بعد فتره كبيره اوي كلمه بيعشقني دي قليله محترم اخلاق عارف ربنا (عارفاه سوشيال ولا مره اتقابلنا وبستغرب من الحب ده) ولا مره شافني ريل كل تعامله معايا سوشيال وانا كنت مفكره اني بحبه في الاول كنت بحب اتكلم معاه وقضينا سنه حلوه اوي ومكانش بيزعلني خالص بس بعدها انا ال اتغيرت وانا ال فجاه معتش عاوزاه مش عارفه ليه ولسه حاسه بالذنب من ناحيته جماعه عدي تقريبا يجي تلت اربع سنين وهو لسه بيحبني ومكلمش حد تاني ولما بكلمه بيكون نفس الشخصيه ال عرفتها في اول مره ساعات بحسه بيحور من كتر مانا مش مصدقه هو فيه كده؟؟؟ بعدها ياجماعه عرفت ولاد كتير اوي واحد في التاني في التالت بجد كنت بحس نفسي بلاير وبالذات ان اي حد بيكلمني بيحبني مش بطبل لنفسي والله بس بحس كده الحوار وصل معايا اني ممكن اعمل حاجات مش كويسه بس من التليفون عادي شات مش ريل وبعد ماكنت الشخصيه ال ضميرها بيأنبها علطول ومش بتبطل جلد وتأنيب في نفسها ومن ناحيه اهلها لو عملت اي حاجه غلط صغيره لواحده معتش بيفرق معاها حاجه ومعادتش بتحس زي زمان ومن كل ده حسيت اني مش بعرف احب ولا حبيت اي حد من ال كان في حياتي انا بجد قرفانه من نفسي اوي انا باينه قدام الناس اني انسانه ناجحه وبشتغل وبصلي وكويسه بس انا مش كويسه انا مدمره والله ومعتش زي زمان خالص نفسي ارجع ايام ماكان عندي ورد كل يوم واذكار صباح ومساء وصحيان للفجر اصليه حاضر واضايق لا فاتني فجر جماعه انصحوني بالله عليكوا نفسي اشوف نفسي حلوه زي زمان عايزه اقول اني حاسه ان كل دع طالع علي وشي حرفيا معتش بحسه حلو زي زمان حاسه اني بدمر نفسي واحده واحده (مع العلم انا حاليا في علاقه وحاولت من فتره امشي بس رجعنا تاني ) انصحوني اعمل ايه وفعلا انا نفسي ارجع زي زمان اضحك زي زمان ارجع لنفسي القديمه مش عارفه ده ممكن يحصل ولا لا ولو حصل مش عارفه هضعف وارجع تاني ولا لا ...عرض المزيد

1 الدعم

21 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع