عزلة اجتماعية

Avocado_58162 🇪🇬

منذ 3 أيام

شعور مرهق

أنا بكتب بالعافية يا جماعة والله وجي على نفسي جامد علشان بس اعرف اكتب، أنا بجد مبقتش عارف مالي والله أنا بقيت بتكلم بالعافية مع أي حد أيا كان مين، بحس اني مش قادر اكلم حد خالص ولا قادر ارد ولا قادر حتى احكي، الموضوع افتكرته في الاول عادي فترة وهتعدي ويعني كلنا اوقات بيحصلي كدا، بس الموضوع وسع مني وب

Apple_74572 🇪🇬

منذ 6 أيام

شعور وحيد

ممكن حد يقولي اخرتها أو ايه ممكن يحصلي ايه ؟ انا بقالي تقريبا عشرين يوم بقعد لوحدي في الاوضه حتي الاكل بس لما جيه رمضان بفطر معاهم بس عشان متخانق مع اهلي ومبتكلمش الا مع صاحبي مره في اليوم أو ناس عالسوشيال ميديا نتعرف عليها فايه اللي ممكن يحصلي لاني حاسس اتجننت من قله الكلام واتعب من كتر التفكير

Avocado_58162 🇪🇬

منذ أسبوع واحد

شعور متوتر

أنا مش عارف مالي ولا عارف ايه اللي حصلي انا بقالي كتير جدا بيبقى صعب عليا اتعامل مع ناس مع إني اصلا في الطبيعي اجتماعي، الموضوع دا بقاله 5 شهور تقريبا، بستتقل اي معاملة حتى الحاجات البسيطة زي اني اطلب حاجة من السوبرماركت والحاجات دي، في ال5 شهور دول في ناس كتير مش رادد عليها والموضوع دا بقيت للأسف ا

Watermelon_72335 🇪🇬

منذ 3 أسابيع

شعور عاطفي

دلوقتي في واحد صاحبي مسافر بقاله شهرين و أنا مكلمتهوش ولا مرة ولا هو كلمني ..اتصل عليا بيعاتبني اني ازاي مكلمهوش و هو في غربة .. أنا مؤخرا مبقتش اكلم حد تقريبا و اي حاجة فيها اجتماعيات بهرب منها + بستتقل حوار اني اقعد اتكلم مع حد في التليفون .. مش عارف لو فكرنا بنفس المنطق بتاعه أنا كمان المفروض ازع

Moon_90505 🇪🇬

منذ 4 أسابيع

شعور مذنب

ايه سبب ان الواحد يكون ما بيصدق انه ياخد اجازه او حاجه زي كده كشان ابعد عن الناس بعلق رسايل صحابي بالايام و بكنسل الخروجات بحس اني مش عايزه اشوف حد ولا حد يشوفني و حتي بقيت استتقل اني ارد علي رساله وحده مع اني بكون ماسكه الفون هو مش احساس تكبر ولا تجاهل بس بحس اني حرفيا مش قادره ارد علي اي حد ولا عن

Pumpkin_45379 🇪🇬

منذ 4 أسابيع

شعور مذنب

حاسس اني بقيت منعدم المشاعر، فاقد الشغف تجاه كل حاجة، مبقيتش بستمتع بأي حاجة حواليا ناس كتير بيحبوني وأهل وعيلة وصحاب وخروجات بس انا بجد مبقيتش عارف استمتع مكنتش كدة من سنة، بقيت بركز على كل الحاجات الناقصة بقيت بفضل افكر في كل التفاصيل البسيطة اللي ممكن تقفلني عادي عادي

Potato_83981 🇪🇬

منذ شهر واحد

شعور ضائع

حاسس ان انا بدأت افقد الشعور و التواصل مع البشر التدريجيا اصحابي بدوي يبعدوا عني دايما بسال واطمن عليهم بس ما حدش بيفكر يتصل بي او يكلمني غير لو هم بيكونوا عايزين حاجه اساعدهم في مشكله واول ما بتخلص بتركن على الرف ثاني( صاحب احتياطي) ليهم كلهم كل واحد عنده صاحبه الا انا بفقد الاحساس بمشاعر دايما عاي

Mushroom_63096 🇪🇬

منذ شهر واحد

شعور متعب

عبّر عن شعورك بشكل مجهول

بقالي تقريبا 9 سنين مش طبيعي ولسه مكتشف ده دلوقتي او بدأت اركز فيه يعني طولوالفتره دي مكتئب دايما وزعلان بسبب ومن غير سبب ومنعزل عن الناس تماما وبكره الناس ومدمن ادمان شديد لاي شهوه بفرط رهيب ايا كانت ايه هيا وعندي مشكلة اسمها البوليميا ومسرف جدا في اي حاجه فيها لعب او تسليه او اي حاجه فيها دوبامين ووصلت لاقصى اقصى مراحل الانحراف والاسراف ف الدوبامين بشكل مقرف وبيبان عليا اني طول الوقت كئيب وزعلان ومش طبيعي نهائي طول السنين دي وجاتلي فتره حاولت فيها الانتحار كتير  وروحت لدكتور نفسي عشان اتعالج م الموضوع ده لكن مكملتش عشان الماديات ، وكنت بستغرب ولغاية دلوقتي بستغرب لما بشوف حد متمسك بالدنيا وعمره ما حاول الانتحار ولا بيتممى الموت وبيضحك وفرحان وحياته عاديه ، لكن دلوقتي الحمدلله معتش ناوي اعمل حاجه زي دي لكن بردو بتمنى دايما  حياتي تنتهي باي طريقه متغضبش ربنا ومش متمسك بأي حاجه ف الدنيا  وعايش حياه تعيسه بملل وفقدان رغبه ف اي حاجه وانعدام الثقه بالنفس وحياتي لسه محتاجه تتبني من الصفر او تحت الصفر  وممكن ده يكون سبب افراطي في الشهوات ، وحاليا الحمدلله منتظم في الصلوات والاذكار  وبحاول اتعافى تلقائي ، لكن المشكله اني حاليا فالجيش والاكتئاب زايد  بوضوح بسبب الظروف اللي انا فيها

والمشكله اني لسه ملاحظ اني عندي مشكله بعد ما لقيت حد قالي اني ممكن يكون معمولي عمل واحد تاني قالي ده اكتئاب مزمن بس مش عاوز اوهم نفسي اني مريض وفنفس الوقت مش عاوز اتجاهل الموضوع عشان ميزيدش فحبيت اسألكم

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Kiwi_89489 🇪🇬

منذ شهرين

شعور مرهق

ليه بحس اني مش قادرة ارد ع مسجات صحابي مع اني بحبهم و بحب اتكلم معاهم بس دايما بحس ان مفيش طاقة من غير سبب او انا مش عارفة احدد السبب و ممكن توصل معايا اني اعلقهم شهر حتى لو نفسيتي تمام بردو بعمل كدا و بجد مش عارفة ليه بعمل كدا

Watermelon_87780 🇪🇬

منذ شهرين

شعور مرتبك

معلش دا فضفضة عشوائية امتحانات الفاينل وحيدة بالجامعة كالعادة غيبت اغلب الترم مبقاش عندى طاقة لعلاقات مش بعرف اعمل زمالة مش في المود اغلب الوقت بحس اني بمثل و بشوف اوقات فرحة بعض الناس تفاهة و دايما بركز على المفيد او المعنى الحقيقى و يبقى واقعية اوى و الصغائر مش بتفرحنى اوی لانى بشوف الحاجات الاهم

عبّر عن شعورك بشكل مجهول

معلش دا فضفضة عشوائية

امتحانات الفاينل وحيدة بالجامعة كالعادة غيبت اغلب الترم مبقاش عندى طاقة لعلاقات مش بعرف اعمل زمالة مش في المود اغلب الوقت بحس اني بمثل و بشوف اوقات فرحة بعض الناس تفاهة و دايما بركز على المفيد او المعنى الحقيقى و يبقى واقعية اوى و الصغائر مش بتفرحنى اوی لانى بشوف الحاجات الاهم طول ما هي مش كويسة يبقى تفاهة ان افرح بالصغائر دايما بشوف الاهم و الاولى و المضمون الحقيقى لو فرحت بالصغائر برضو بالنسبالي الفرحة هتكمل لما المضمون الحقيقى يبقى كويس او الاولويات الاهم تكون امورها كويسة لو فرحت بالصغائر بس هحس ان يضحك على نفسي عشان لو فرحت بيها مش ههتم بالاهم و الاولى و ممكن مأنجزش فيه اى حاجه و اجله و اضيع الايام فا الاحسن اكون واقعية بس دا بيظهر اوقات و بیبوط علاقاتي بالناس

و کمان مش بحب اقرب اوى منهم عشان هيعرفوا انى بمثل انى كويسة و مع الوقت هيبان ان عندى مشاكل فی حیاتی اکثر و دا هيضيع علاقاتی اكثر فا بكتفى انها تكون سطحية لحد ما يجى اليوم اللى اكون فيه مستقرة فى حياتى الى حد ما و اللاقى اللى يتقبلني بمشاكلي قبل ممیزاتی و اکون انسانة ناجحة نجاح بارز اكثر من دلوقتي

بس فترة الجامعة هتعدى خلاص و انا بودع كل حاجه من السنة اللى فاتت و اكتشفت انی كنت بحب الناس في خيالي بس و بتعايش كأني معاهم بفرح ليهم بس الواقع مش معاهم و بقيت عارفة طاقتى مش طول الوقت ايجابية معنديش حاجه ايجابية اقدمها لحد كنت طول الوقت واخدة اتيتيود المنقذة و الليدر بس اتكشف انى كدا عشان اصاحبهم بس افتكروا كمان انى مغرورة او شايفة نفسي و انا مش قد كدا عشان اتغر افتکرونی کدا و انا تعبت من السوء الفهم او الصورة اللى اخدوها غلط عنى و زهقت انى مش بحب عقليات الناس الصايعة او الفاشلة او كدا و كنت مش بصاحبهم ومع ذلك عشان بحط ميكب و لبست مرات ضيق افتكرونى زى العقلیات دی و من بعدها بطلت دور الليدر مع اغلب الناس ما عدا ناس معدودة و بقيت بحتشم اكثر فى لبسى بس فى مرة اضطريت البس شارلستون عشان مكنش عندى طقم كويس وقتها فا حصل موقف بكلم واحدة بقولها تسال الدكتور قالتلي ما انتى جريئة اهو كلميه انتى و انا مش ناسية الموقف للاسف و انا زهقت سبب انى بحط ميكب ان بشرتى مش احسن حاجه و مش حابة اظهر بوشى فيه بقع و هالات سودا فا مش بحطه عشان ابهر حد بالنسبالى اظهر بشكل لائق بس حتى مرستش ایلاینر غير مرتين تلاتة و طول فترة الجامعة هو نفس الطريقة الوان هادية زهقت انهم يفتكروني من العقليات اللى مش حباها و زهقت ان افكر في اي حاجه

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Pistachio_30432 🇪🇬

منذ شهرين

شعور شاعر بالملل

الوحده مش حلوه خالص ، انا ع طول وحيد ، يمكن بقصدي ، ديما ببعد عن صحابي و عن اهلي و عن كل حاجه ، لحد ما دلوقتي مبقاش عندي صحاب يعتبر ، يمكن نصين ، هما اتنين صحابي و كل واحد نص صاحب ! ، ديما بلجء للقاعده لوحدي لحد ما بقيت لما يكلموني ننزل برفض و ف الاخر دلوقتي مبقناش نتكلم ، طب انا بقعد لوحدي اعمل اي؟

Potato_64725 🇪🇬

منذ 3 أشهر

شعور قلق

صباح الخير عندي سؤال دلوقتي هل حد دخل ف ازمه انه بقا وحيد مش غريب ولا قريب من الناس وخرج منها لان واضح ان انا من ساعه ما بقيت كدا وانا مش عارف لا اخرج ولا اتعامل ولا اتكلم ولا اي حاجة بقا موضوع كانه عادي واي مشكله اما مبقاش بتكلم ولا ابقي بتناقش مع حد وبقيت بخاف اتكلم ف هل حد دخل ف ازمه دي وخرج ولا

Mushroom_87666 🇪🇬

منذ 3 أشهر

شعور مرهق

كنت من وأنا صغيرة overweight شوية ما كنش في عيال كتير بيتصحبوا عليا فكنت بزعل أوي ووصلت لابتدائي والموضوع بقي اوحش عشان العيال كانوا بيعملوا شلل وبيسيبوني انا برة علي طول وحتي بعد سنين لما لقيت الصاحبة المناسبة أنا كنت علي طول ال second option ليها، عمري ما حد عزم علي خروجة أو عرفت اظبط خروجات مع ح

Apple_79237 🇪🇬 بس ايه علاقه overweight بالصداقه ؟ او هو عموما لييه حاطه الشكل الخارجي هو معيار الصداقه !!!

عرض الكل 3 نصيحة

Popcorn_68662 🇪🇬

منذ 3 أشهر

شعور مرتبك

نفسي اعرف نظره الناس الأشخاص الجوزائين أو اللي بيكون عندهم تقلب في حياتهم و شخصيات زي اللي بيكون فرحان و ممكن بعد دقيقه زعلان جدا او متحمس و فجأة يفقد الشغف و اكيد كلنا عارفين الأشخاص الجوزائين. أنا واحد منهم .. بس هل بقي الناس بتشوف اني مجنون ولا مريض و لا محتاج مساعده ولا اي بالظبط خصوصا أنا في عز

Popcorn_68662 🇪🇬

منذ 3 أشهر

شعور مرتبك

هل ممكن بعد أربع سنين من العزلة أارجع طبيعي واعرف اتعامل مع الناس واستعيد ثقتي بنفسي وأرجع لحياتي الطبـيعية؟ السؤال ده صعب اوي ؟ من سبع سنين، مريت بظروف مرضية صعبة جدًا خلتني أعتمد على كرسي بعجل وعكاز لمدة تلت سنين، التجربة دي ما أثرتش على جسمي بس، لكن كسرت ثقتي بنفسي، وبقى التعامل مع الناس بالنس

Apple_46367 🇪🇬

مشاعر ملازمني دايما: خوف، قلق، توتر ووحدة

ازيكم انا أنهاردة عايزة اتكلم عن حاجات ملازماني دايما انا بنت عمري حسيت بالأمان دايما حاسة ب خوف قلق توتر غضب مهتزة فقدة الشغف وفقدت ثقة الوحدة حزن عصبية ارهاق نفسي وجسدي تفكير مفرط اليأس اللوم الذائد بحاول محسش بدول بحاول اكون كويسة بحاول واحاول واحاول بخبي و إداري كل حاجة جوايا علي قد مقدر بدعي واصلي واصبر بحاول لتخطي حاجات محدش يعرفها غيري مش عايزة ابان قدام نفسي ان ضعيفة بجد موضوع مؤلم لما تحس انك مش عارف بس بتحاول اكتر محاولة تعبني وارهقني ...عرض المزيد

3 الدعم

17 نصيحة

Avocado_51997 🇪🇬

ايه بجد الي يخليك تخطب بنت مش مستحيه ولا فيها حياء؟

هو انا ممكن اسال سؤال بحد من جوا قلبي بسال من نحيت الفطرة والله و بالاخص فطرة الولد الواد اما بيحب بنت بيحبها عشان جمالها اول حاجه ثاني حاجه و دي انا حاستها ضعفها ان هي اضعف منه و انه مسؤل عنها ثالث حاجه عشان صعبة المنال و عندها حياء و حد رباها على الدين حتى لو مش الدين هى تكون تربيتها فالبيت مش فالسوشيال و تظهر و تلبس و تبين و تعمل و تسوي و تحط اثنين كيلو حاجات على وشها فدلوقتي بستغرب اوي لما بلاقي واحد رايح يخطب واحده المفروض انه بيحبها و هى ولا شكل ولا حياء و ولا حتى اي حاجه و زيها زي غيرها بالظبط و وحشه بالميك اب كمان و انيل من كده فاتحه اكونت التيك تيك و (بتعرض ) نفسها و ( جمال جسمها الي ربنا مديهولها )و هى مش تعبانة فيه و الازبل ( في كومنتس من كلاب شكلهم عره بتلهث و واضح جدا ) ف ايه ؟! ايه بجد ؟؟؟ يعني انت يعني الي يفرقك بينك و بينها ايه دلوقتي و انت رايح تخطب واحده ما شاء الله فاتحه عالعاشر يعني يعني والله بجد عجبك فيها ايه و في الاحلى منها كمان و والله متغلفه بي حيائها و ادبها والله مبحبش كلمت قرون بس لو الكلمة دي بقت ملموسة فهي هتعلق عليها اكسسوارتها والله و اي بنت بقى عامله في نفسها كده و جه حد اتقدملها صدقيني اعرفي انه شخص مش كويس 🤝 كلمتين في بوقي والله مش قادرة من الصبح ...عرض المزيد

0 الدعم

13 نصيحة

Moon_90318 🇪🇬

عندكو مواضيع حابين تتناقشو فيها؟ مش عارفة انام

عندكو مواضيع شاغله دماغكو حابين تتناقشو فيها ؟ بما اني مش عارفه انام🫣 ةةةةةةةةةةةةةةةةةةةةةةةةةةةةةةةةةةةةة ةةةةةةةةةةةةةةةةةةةةةةةةةةةةةةةةةةةةة ةةةةةةةةةةةةةةةةةةةةةةةةةةةةةةةةةةةةة ...عرض المزيد

0 الدعم

13 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع