علاقات الفيس بوك

Sugar_65342 🇪🇬

منذ 6 أيام

شعور لا مبالٍ

عاوز اتكلم مرة اخيرة عن الموضوع ده علي سبيل الفضفضه عشان بس أعرف أنام بليل. انا كنت مرتبط ببنت كنت أعرفها عن طريق الفيس بوك ودي كانت يمككن أكبر غلطه غلطها فى حياتي لأن بعد 6 شهور اكتشفت إنها بتكلم واحد تانى من ورايا ولحظها السيئ طلع واحد اعرفه. وهي طبعا كانت مخبيه عليه هو كمان بس هو وراني اثباتات و

عبّر عن شعورك بشكل مجهول

عاوز اتكلم مرة اخيرة عن الموضوع ده علي سبيل الفضفضه عشان بس أعرف أنام بليل.

انا كنت مرتبط ببنت كنت أعرفها عن طريق الفيس بوك ودي كانت يمككن أكبر غلطه غلطها فى حياتي لأن بعد 6 شهور اكتشفت إنها بتكلم واحد تانى من ورايا ولحظها السيئ طلع واحد اعرفه. وهي طبعا كانت مخبيه عليه هو كمان بس هو وراني اثباتات وسكرينشوتس بالتواريخ و إستغربت اصلا ازاي يعرف عنها حاجات المفروض أنا بس إللي اعرفها. واستنتجنا إن أصلا في غيرنا كمان.
هي بستهدف رجاله في ظروف معينة (مستخدمي كراسي متحركة) وشغاله عليهم بسيناريو معين. حتى الكلام كان هو هو. وحتى أخويا و صاحبه حذرونى من الاول بعد ما شافوا بروفايلها ولقوا كذا red flag بس أنا طنشت وقلتلهم لا دي غلبانة. وكملت برغم غرابتها والحاجات إللي كانت بتطلبها منى. مش فلوس لا انيل يعني في مرة قالتلى ابعت تيشيرت من ريحتك وبعرقك وحاجات معفنة كدا وعملتلى مشاكل مع اهلي ولولا تدخل صديق ليا حسيت اد إيه أنا كنت ممكن اضيع نفسي بغبائي وبحمد ربنا انى ما قابلتهاش لأن معرفش كانت هتبقا مخبيالى ايه.

المهم فجأة لقيت إن لازم خطة اطلع بيها نفسي من الليلة السودة دي. أكتر حاجة كانت قلقاني صوري مع اخواتي وصور بنت أختي إللي في تليفونها وكنت جايب اخري فقررت انى اعاقبها عن طريق اني افرمت جهازها عن بعد والحوار مشي بسلاسة عشان طلعت فوق كل ده غبيه اوي وأنا بصراحة استغليت ده. يعني كل أرقامها والرقم القومي بتوعها ورقم اختها وحتى رقم ابوها ادتهملي بكامل ارادتها.

بعد ما الجهاز اتفرمت لقيتها بعتالي بتقولي الحقني الجهاز بتاعى اتفرمت انا مقهورة وبتاع وانا كنت لحد اللحظة دي مديها كل الامان وقمت في نفس اللحظة مبلك كل حساباتها وأرقامها وسيبتلها رسالة قلتلتها فيما معناه يلا    من هنا دي حاجه كدا تفتكريني بيها لو حاولتى تكلمينى او لمحتك تانى هكلم ابوكى او واختك واحكيلهم كل حاجة.

اللي حاسس إني غلطت فيه اني مسبتلهاش فرصة للرد مع إن خلاص كان too late بس يمكن كان في كلام كان لازم اواجهها بيه لانها اذتنى واذت غيري بدون داعي وكمان فكرة إنها مش مستوعبه إن أنا السبب ورا فرمتة الفون بسبب غبائها مضايقنى 😂
انا مش فخور بالانتقام ده والتفكير باالشكل ده بس والله حسيت إني لازم احمي نفسي وعيلتى.

بعدها بيومين لقيت صحبتها بتكلمني فقمت حاكيلها كل حاجة طبعا ما عدا أجزاء معينة وحرفيا مقدرتش تلومنى وبعتت تقولي انت ربنا بيحبك.

عدا أسبوعين علي الكلام ده، إنا بس متضايق من نفسي اوي انى وصلت نفسي للمستوى ده في مقابل إن احس انى مسموع كان عشان إيه كل ده. وطبعا طلعت بدرس مهم جدا.

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Donut_81901 🇪🇬

مشاعر متلخبطه بعد الطلاق.. عاوزه يحس بقيمتي

بعد الطلاق مبسوطه ومش مبسوطه مشاعر كتير متلخبطه ده مش معناه اني عاوزة ارجع بس يرده عاوزاه يحس بقيمتي وبكل اللي كنت بعمله علشانه بس عاوزة احب واتحب حاسه انه مستحيل وانا معايا ولاد لو كلمت حد يبقي كلامه كله خارج او بيفكر ان المطلقه فريسه سهله معيطتش في حضن حد علي عمري اللي عدى رغم اني كنت باينه قويه بس كنت محتاجه انهار بس ملقتش حد ممكن اعمل كده في حضنه ناس كانت فاكرة اني لو عيطت ابقي ندمانه وده صعب يتندم عليه بس عمري اللي عدى وسنين راحت كنت محتاجه انفصل بدري الاقي فرصه جديدة اعيش في حب وراحه وامان كتير بسال نفسي هي خلاص حياتي وقفت كده وحزعل لو عرفت انه اتجوز وخابفه العمر يجري اكتر فرص كل حاجه راحت شغل وحب وجواز كتبر بسال نفسي هو انا كان المفروض اتحمل علشان البديل مش حلو ولا انا كده صح وفي حاجه تهدى من وجع قلبي يمكن علشان كتمت الوجع وعملت نفسي جدعه حاسه انه بيطلع عليا ...عرض المزيد

3 الدعم

29 نصيحة

Pear_51536 🇪🇬

زعلانه علي نفسي وبتمني زوج صالح يطبطب عليا

زعلانه علي نفسي اوي حرفيا قلبي زعلان بتمني حاجات كتير و حاجات اصلا طبيعيه ولا حاجه بتحصل منهم نفسي اكون بيت و اسره هاديه و جميله نفسي ف زوج صالح بجد يكون عوض ليا انا اتحرمت من بابا .. نفسي ف زوج يخاف عليا و يحبني و يموت فيا انا انا وبس و يملي عيني حرفيا محتاجه زوج صالح بتمني كده من وانا صغيره و تعبت انا 27 سنه و نفسي ف حد يطبط عليا .. ادعولي من قلبكوا و لكم المثل لان نفسيتي زي الزفت بسبب كده... و انا مش كاتبه كده عشان حد يدخل يتقدم ادعولي بس من قلبكوا ...عرض المزيد

8 الدعم

24 نصيحة

Marshmallow_69067 🇪🇬

مش بحب عيد ميلادي.. كل سنة وانا طيبة

انا مبحبش يوم عيد ميلادى بس هو النهاردة ١٥/١١ قولولى كل سنة وانتى طيبة😅😅.. كل عيد ميلاد ليا بقفل اكونتاتى عشان محدش يعملى بوست عملت كل حاجة عشان أختفى من أذهان كل الناس الى حوليا تعمدت دا .. بس النهاردة بحاول اتفاءل شوية عيد الميلاد بالنسبالى شئ حزين مش مفرح لان كل سنة الإنسان بيكبرها بتقربه من الموت .. سنين كتير عدت من غير م نحس بيها.. لما بتعدي علينا ذكري ميلاد حد بنحبه بس هو مش موجود او مات بنحس مشاعر مش لطيفة.. بستشعر ان كل الذكريات حزينة حتى الذكرى المفرحة لما بنفتكرها بعد وقت طويل بنفتكرها بحزن لاننا بنحس انها مش هتتكرر.. ديما الأيام واللحظات الحلوة بتكون ف الماضي كل م بنكبر الحياة بتبقى أصعب و إستقبالنا لأى شئ مفرح بيبقى بحماسة أقل.. بس مش يمكن الانسان محتاج يعيش الوقت زى م هو وخلاص كدا كدا أيام محسوبة علينا.. أتمنا الايام الجاية تكون شيلالنا أفراح كتير وجبر من ربنا أتمنى خلال السنة دى ربنا يحققلى كل الاحلام والدعوات الى متحققتس ف عمري كله وانا مش رابطة الموضوع بعيد ميلادى هو مش مولد السيد البدوى 😂😂 هو مجرد انى بحاول اتفاءل ...عرض المزيد

5 الدعم

23 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع