علاقات صعبة

Apple_88715 🇪🇬

منذ 3 أيام

شعور خجول

هلا أنا هتلاقي الرجل اللي بتمنه كويس من كل حاجه مش عايزه زي رجالة اليومين دول متجوز وعايش حياته لكن بيقولوا للي بنات أنهم منفصلين وعايشين مشاكل ومش بيحبها والحياه وحشه وهيطلقها وفي اللي يقولك سنجل وهكذا مش عايزها كده هل أنا هحب وخلقي اللي يصوني حاسه اني العيب فيا

Pistachio_87390 🇪🇬

منذ أسبوع واحد

شعور آسف

جايز تكون هي كل تعاملها معايا حصل في فترة كلها أخطاء مني وبحكم اني كنت مقرباها مني فكان كل سري معاها فدا خلاها عملت فرق كبير بيني وبينها غصب عنها ولكن دا مش معناه ان انا الحد الوحش اللي هي شايفاه دا ومش معناه اني اكره نفسي واكره واحدة هي بس اللي شايفاها، مينفعش أظلم نفسي فوق ظلمها وحكمها هي عليا، لم

Apple_67353 🇪🇬

منذ أسبوع واحد

شعور خجول

انا اعتدت اني اكون عنيف جدا مع الناس وبحط نفسي فوق اي حد وكان الموضوع ماشي كويس جدا لاني كنت بعرف اني احسس الي قدامي اني اعلي منو بكتير لحد مغيرت الموضوع ده وبيقت بعامل الناس بكل طيبه ولطف والموضوع بدأ يبقا صعب جدا يعني صعب اني اعمل علاقه شغل مع واحد او اتعرف علي بنت مع اني لما كنت في الصغيه الشريره

Pineapple_85867 🇩🇿

منذ أسبوع واحد

شعور شاعر بالملل

ماذا لو كان في شخص بحياتك كل مرة يوعدك بوعد وبعدين لما انت تتأمل خلاص ان رح يصير يخالف الوعد ويكذب عليك ٫ومو مرة او مرتين روتين حياة صار ٫كيف ممكن اتعامل مع هاذ الشخص ؟ لا استطيع ان اخرجه من حياتي ٫هل تجاهل هذه الوعود هو الحل ؟

Marshmallow_52511 🇪🇬

منذ أسبوع واحد

شعور مرتبك

مبقتش فهمه انا مين و عايزة ايه نضجت على الحياه بدري و فهمتها بدري بدري و مبقتش عارفه اخد خطوة و دائما خايفه من المو..ت و انا مش جهزه. نفسي الاقي حد شبهي اوي و يسمعني و يقدر تفكيري مش صاحبه مش فهماني و ام بحس انها عايزه تتحكم فيا احيانا و كذالك حياتي كتير بحس اني مش علاقي الشخص الي وصل بيه فكره ل

Lemon_52708 🇪🇬

منذ أسبوع واحد

شعور مريض

يمكن ناس كتير مش فاهمة إحساس الشخص اللي عنده تعلق قلق… أنا واحد منهم. طول الوقت بخاف أفقد الناس اللي حواليا، بخاف أبقى لوحدي، وبحس إن أي علاقة مهمة بالنسبة لي لازم أتمسك بيها بأي طريقة. ساعات بحاول أطمن نفسي من حبهم ليا، وبمجرد ما أتأكد، فجأة بلاقي نفسي بحس إني “شخص وحش”، كأني مش مستحق الحب ده أو كأ

عبّر عن شعورك بشكل مجهول

الحقيقة إن ده شعور طبيعي جدًا ومش غلط. التعلق القلق مش ضعف، هو بس جزء من الطريقة اللي دماغنا اتعلمت بيها التعامل مع العلاقات والارتباط من زمان. الخوف من الخسارة والاعتماد على تأكيد الناس ليا بيخليني أتعرض للتقلب بين الاطمئنان والذنب، وده تعب نفسي حقيقي.

حاليًا بحاول أتعامل مع ده بشكل صحي أكتر. بحاول أفرق بين شعوري الحقيقي وبين مخاوفي، وأدي لنفسي مسافة قبل ما أطلب التأكيد من الناس حوالي، وبركز على تطوير العلاقة مع نفسي. بعمل حاجات بحبها، بحاول أحب نفسي وأقدر نفسي أكتر، وأتعلم أتحكم في القلق بدل ما يسيطر عليا.

مش بشتكي… بس بحب أشارك الناس الحقيقة، يمكن يكون فيه حد بيحس بنفس الطريقة ويحس إنه مش لوحده. التعلم والصبر وممارسة تمارين العلاج النفسي بتفرق جدًا، وبتخلي الواحد يحس إنه أقوى، حتى لو قلبه حساس جدًا.

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Mango_22117 🇪🇬

منذ أسبوعين

شعور مستنزف

بقيت بنعزل و بتأخر في رد عن صحبتي بالاسابيع بس بجد مش بلا هدف يعني لاسباب كتير و حاجات بمر بيها خلتني اكون بختار ابقا لوحدي طلاما وقت مش كويسه او اسباب تانيه . المهم صحبتي بقت تتأخر هي كمان بس فكره ان انا ديما بقولها اسبابي و بتعذرلها هي بتقول مقدره و براحتك بس هي بقت تعاملني بتأخير بردوا رغم ان اخت

Cherry_87829 🇪🇬

منذ أسبوعين

شعور مرتبك

عبّر عن شعورك بشكل مجهول

كنت اتعرفت على حد سوشيال في ابلكيشن تعلم لغات هو من محافظة وأنا من محافظة تاني خالص قعدنا نتكلم حوالي شهرين في الشهرين دول كنا on و off كل شوية نتكلم ونقطع وأنا اللي كنت ببعد دائمًا عشان بكون مش مرتاحة لأنه أصغر مني هو أخر سنة جامعة "بالمناسبة هو بيشتغل في بيزنس العائلة ومرتاح ماديًا جدًا جدًا " وأنا أكبر منه بتلات سنين فطول الوقت بحس بأنه مش ناضج كفاية أو مش واخد علاقتنا بشكل جادي وهو ما أثبت ليش عكس شعوري دا أطلاقًا فكنت بمشي نقعد اسبوع اسبوعين منتكلمش وبعدين الكلام بيتفتح تاني يعني حد عنده مشكلة فبيدخل يكلم التاني وبنرجع بعدها نتكلم عادي ولا كأننا سبنا بعض المهم أخر مرة كنا بنتكلم فون وحسيته واخد علاقتنا في منحنى مش لذيذ اللي هو أنا عايزك تقولي لي وحشتني وبحبك وكلام حلو زي اللي مرتبطين بيعملوه وأنا بعترض دائمًا إني أعمل كدا لأنه أقولك ليه وأحنا مفيش بينا حاجة رسمي وأنه لا مش هعمل كدا طبعًا ومش مبادئ فهو اتضايق وقالي خلاص أنا هقفل واروح أنام قولته تصبح على خير قالي يعني أروح أنام عادي قولته أه عادي تصبح على خير وقفلت ومن بعد المكالمة دي هو مبعتش أي مسدج ولا أي حاجة وأنا مش هدخل أبعت له برضوا لأنه متضايقة المفروض يدخل يعتذر عن أسلوبه دا في أخر مكالمة ويفهم أزي يكون ذوق ويتعامل معايا باحترام ، قعدنا كدا أربع شهور مفيش كلام من بعد المكالمة دي وخلاص نسيت الموضوع وتخطيت والدينا تمام جاه بعت لي مسدج الفجر أزيك ومش فاهمة المفروض أعمل أيه يعني أرد أقوله أيه ولا مردش وأكبر دماغي طيب لو بعت تاني أعمل ايه وباعت ليه أصلًا مش فاهمة عايز مني ايه ؟!
أنا في الاربع شهور دول فهمت أنه ميستهلنيش وأني كنت بضيع وقت في لعب عيال ومش حابة أرجع للفترة دي تاني وأنه لو عايزني المفروض ينضج ويكون شخص مسئول ويأخد علاقتنا في منحنى جادي ويتقدم مفيش حاجة تمنعه يا يفكه من شغل المراهقين دا عشان أنا مش هضيع وقتي في كلام فاضي ولا انتظار .

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Banana_51073 🇪🇬

منذ أسبوعين

شعور لا مبالٍ

أنا بستغرب جدا ومش قادر افهم لحد دلوقتي الناس الي بتقفش علي بعضها أو بتغلط أو تفهم حد غلط و هو لسه ميعرفش عنه اي حاجه ومجرد كلمتين كتابه في الشات ، صدقيني انتي لسه صغيره اوي علي انك تفهمي الشخص الي ادامك في سنه مش كلمتين ، أنا عن نفسي بحب اعرف كل الناس الحلو والوحش وكل واحد له وقته ونفسي الناس كلها

Chocolate_52091 🇪🇬

منذ أسبوعين

شعور مرتبك

شباب دلوقتي انا بحب بنت من تونس مسلمة سنية بس هي رافضة اننا نخش في علاقة او انها تعلق نفسها بيا وهي اكبر مني في السن وفي نفس الوقت في بنت تانية لبنانية شبه بتعشقني ومهما حاولت اطيرها بعيد عني مش بتبعد وبتقولي اني لو مش ليها مش هتكون لغيري وهتنتحر بس في مشكلة بسيطة انها مسلمة شيعية وانا مش عارف اعمل

Potato_31970 🇪🇬

منذ 3 أسابيع

شعور قلق

عارفين احساس انك كارهه حد او مش كارهه انا كارهه تصرفاته ودي مخليني اتقفل منه اعمل ايه بجد عشان محسش بالاحساس ده بالذات انه الشخصيه دي انا بتعامل معاها كتير جدااااا حرفيا ف يومي كله وكل يوم وكل حاجه اعمل ايه عشان حاسه اني كارهه الاحساس ده مينفعش احس الاحساس ده مع دي بالذات فاهمني؟؟؟!

Cherry_60251 🇪🇬

منذ 3 أسابيع

شعور وحيد

عبّر عن شعورك بشكل مجهول

مرة فى أحد المحاضرات الدكتور قالت جملة حلوة اوي
قالت 
" كلنا ذوي احتياجات .. مش بس ذوي الهمم اللي بنقول عليهم ذوي احتياجات ، هو انت لما تشرب شاي سكر برا و انت تشربي قهوة بمعلقة سكر و هي تشرب عصير تفاح ، هو مش كل واحد كان ليه احتياج خاص مختلف عن التاني؟"
أحيانا بحس ان كل واحد فينا ليه بعض الاحتياجات اللي بتمس شخصيته نفسها 
زي مثلا ، أنا شخصية مشتتة احيانا طموحة جدا بحب اعمل مليون حاجة و اجرب حجات كتير ، غير منظمة اطلاقا و بحب حرفيا اعمل حجات عشوائية و ارجع الون كل مكان حواليا 
انت من ورا الشاشة شايف الله دي مرحة 
بس اللي عايش معايا من أهلي بيعانوا الأمرين 
و بيكرهوا دا و بيتخنقوا 
و كتير بينتقدوني لحد ما وصلت اني معادش عندي طاقة زي الأول 
و مبقتش عارفة أعبر عن نفسي غير وانا لوحدي او من ورا شاشة
لأني غير متوافقة مع المعايير
لكن ان جيت للحق انا كان ليا احتياج معين
و هو انهم يقبلوا دا و ميتنقدوش يشجعوني اتغير مش دايما احس اني ناقصة
و غير كدا بقا مواقف كتير ، هتكتشف انك كنت محتاج حد يعاملك بطريقة مختلفة
زي والدي 
اللي الكل بلا استثناء بيقول عنه شخصية صعبة
لما درست الأنماط 
جربت أفهمه و أغير من طريقة الحوار
كسبته ساعتها و أقسم بالله الكل للآن مستغرب 
و يقولي ازاي؟
بكل بساطة ... حاولت احط فى دماغي مفيش حد وحش و خلاص او توكسيك و خلاص
فى ناس عندها مشاكل فى التعبير او التواصل بشكل صحيح
زي طفل التوحد مثلا.  ما هو عنده صعوبة فى التواصل
هل بروح اقول عليه وحش و توكسيك و عايز يأذيني
حتى لو ضربني او عورني ولا بقول محتاج معاملة خاصة؟

لما مشيت بالمبدأ دا ارتحت كتير مع اكتر من حد
رغم ان اكيد بيجي عليا وقت بيغلب الطبع على التطبع 
و لكن على الأقل
فهمك لنفسك او للي حواليك بيقلل شوية من كراهية لنفسك او للي حواليك

فاللي مخليني دلوقتي موصلش تاني لمرحلة الكره الرهيبة اللي كنت فيها اني بحاول افهم طبيعتي انا كإنسان و افهم شخصيتي

يمكن تفضل شخصيتي صعبة للي حواليا انه يفهمها و ملاقيش اللي يتفهمني 
ولكن يكفيني 
اني على الاقل كنت الشخص المتفهم فى حياة حد تاني
يمكن ملاقيش اللي بعمله بيتعمل معايا 
بس يكفيني ان فيه حد حس انه كويس و كفاية بسببي
يكفيني ان حتى لو فيا العبر
اساعد حد واحد على الاقل
حتى لو كنت مش بحبني او حسة انه فعلا فيا عيوب او اي حاجة على الاقل بحاول

معلش حسيت اني عاوزة افضفض بالكلام دا و بعتذر عن الاطالة شكرا للي وصل لحد هنا
😅😅

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Apple_87580 🇪🇬

منذ 3 أسابيع

شعور مرتبك

Mango_77928 🇪🇬 انتي مش شخص وحش ولا حاجه اعتقد مشكلتك في كيفية إدارة مشاعرك ابحثي عن الموضوع دا وان شاء الله تلاقي اللي يفيدك

عرض الكل 6 نصيحة

عبّر عن شعورك بشكل مجهول

سعات بحس اني معنديش مشاعر ، مش بحس او بتفاعل زي الناس الطبيعيه ، سعات بكون زي الروبوت الي معندهوش اي مشاعر خالص و لو اي حصل مش هنزل دمعة واحدة حتي ، و سعات بحس ان مشاعري متراكمه اوي و اطلعها بطريقة فظيعة بتسبب ليا مشاكل كتير ، يعني لما جدي الله يرحمة مات ، معيطتش ف جنازته خالص ، حاولت اعيط لدرجة اني اذيت نفسي بس مكنش في اي مشاعر عارفة اطلعها خالص ،  و كل الناس وقتها قالتلي اني معنديش دم ،  و ف مره كنت بعمل شاي و اتحرقت و اتفلقت من العياط ، حرفيا عيطت 8 سعات لحد م مبقتش عارفة اعيط تاني ، سعات ممكن شخص يستفزني و انا محسش باي حاجة و سعات لو حد بصلي بس اتعصب و اقلب الدنيا ،  انا مش عارفة دي هرمونات ولا لا بس الموضوع زايد اوي مش زي الي ف سني مثلا او زي البنات الي بردوا هرموناتهم مش مظبوطة ،  و كمان موضوع محسسني اني غريبه اني محستش باحساس حب ولا اشتياق لاي حد خالص ، عمري مجربت الاحساس دا مهما كان الشخص دا قريب مني ، يعني لو الشخص دا ممكن نقول اختي او اخويا دايما بتعامل معاهم كل يوم و عايشه معاهم حرفيا ، بس لما ببعد عنهم اسبوع او حتي سنه مبيكونش عندي اشتياق ليهم ابدا ، ولا بحس اني بحبهم او زي ما بيقولوا اننا بنحس بقيمه الشئ لما نفقدة ، عمري محسيت كدا خالص ، و لا حبيت شخص بجد ، مش عارفة الاحساس دا اصلا المفروض يكون عامل ازاي ، يعني انا كان عندي واحدة صحبتي نقول ان اسمها جني ، جني من ابتدائي و هي معتبراني الصديقة المفضله عندها ، بتحبني انا كأقرب شخص ليها ، بس انا عمري محسيت تجاهها بنفس الحاجة ، او اي صاحبه تانيه عمتا ، كانت بتتقربلي و انا مكنتش ببعدها علشان متزعلش ، بس ف وقت لقيتها بدأت تزود اوي ف حبها ليا ، كأنه حب مرضي ، مش عايزاني اروح حته منغيرها ولا اروح درس و هي مش موجودة فيه ، لما بيكون عندي صاحبه تانيه تزعل و تتقمص بالاسبوع و انا المفروض اصالحها باي طريقة ، و بالنسبه ليا دا كان شئ مرهق لابعد الحدود ،  و ف مره نزلت استوري مع واحدة صحبتي علشان عيد ميلادها و دا كان شي من التوجيب معاها لانها عملت نفس الحاجة معايا ف عيد ميلادي ، جني قلبت الدنيا و اتصلت بيا تعيط و تقولي انتي خاينة و كلام كتير مش فاكراه بصراحة ، و بردوا محستش باي حاجة و لا حتي الذنب ، كنت بس حاسه انها مكلبشاني او حطاني ف قفص اسمه صداقة مش عارفة اطلع منه ، وقتها اتهورت شويه و قولتلها انتي دمرتي حياتي و مش عايزة اعرفك تاني ، و جني عملت تقريبا مهرجان ، قعدت تعيط و تصوت ، و بعد ما عملتها بلوك و كنت اصلا نقلت من المدرسة الي احنا فيها مع بعض ، صاحبه لينا احنا الاتنين كلمتني و قالتلي اني بعد م قفلت معاها دخلت المسشتفي ، عملت نفسي مخضوضة و يالهوي ايه الي حصل و الف سلامة و انا مش حاسه بأي ذنب او حزن و لحد دلوقتي مش حاسه باي اشتياق او حب ليها بعد ما بعدت عنها ، بالعكس حسيت براحة غريبه اني مش ملزومة اطبطب علي حد ، مش عارفة انا كدا طبيعيه ولا لا و هل في حد بيحس نفس الي انا حساه ولا لا ، و لما اصلا بحس حاجة اتجاه شخص بتكون مشاعر سلبيه بس ، تقريبا دي الحاجة الوحيدة الي شغاله فيا ، احس بالكره بالاشمئزاز بالغصب بس ، بس عمري محسيت بحب ب سعادة حقيقيه او عممري ضحكت من قلبي بجد ، و لاحظت ان موضوع الاحساس بالنسبه ليا مرتبط بأشياء ماديه ، يعني لما اجيب هدوم جديدة او اعمل شعري او اي حاجة تانيه ، بحس ب سعادة ، اما تجاه الاشخاص ف مش بحس غير بمشاعر سلبيه بس ، حاسه اني شخص وحش و مادي بس دي مش حاجة انا متحكمه فيها ، المشاعر مش بأيدينا و مش هعرف اخلي نفسي احب حد ، من فضلكوا مش عايزة اي حد يحكم عليا ، او احكموا براحتكوا مش هحس بالذنب بردوا ، هي حاجة مش بايدي اصلا

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Coffee_69511 🇪🇬

منذ 4 أسابيع

شعور محبط

Cookies_60272 🇪🇬 مفيش عتاب حصل بينكو ! كل واحد طلع ال جواه للتاني وبعد كدا العلاقة مشيت تمام ولكن كون انك مازلت عندك شعور انك مش مرتاحة ف كدا العلاقة شبه مؤذية وهتفضلي دايما متخوفه من رد فعلها أنها تسيبك تاني اتكلمي ف كل ال حسيته بيه ولو شايفة انكو الاتنين تخطيتو الموضوع مفيش مشكلة ف وضعكو حاليا بس اتعلمي انك متوقفيش حياتك ع حد الدنيا بتمشي عادي

عرض الكل 11 نصيحة

عبّر عن شعورك بشكل مجهول

انا بنت ، فى انسانه ف حياتى حصل بينا مشكله وهيا الي كانت غلطانه و بعددت عنى 5 شهور ف ال5 شهور دول سوفت فيهم كل انواع البرود كانت بتشوفنى ف الشارع ولا اكنها تعرفنى ف تجمعات العيلة مكنتش بتسلم عليا ، اتغبيت و كلمتها ف فترة امتحنتها هيا كانت 3 ث كان برغم الي عملتو معايا بس صعب عليا افضل بعيد ف الفتره دى وكلمتها ، كلمتنى ب اسوء الطرق ف كل مره اكلمها فيها ، حاولت كتير ، لدرجه ان بعد امتحنتها قولتلها هجيلك البيت اطمن عليك قالتلى ب اسوء طريقة كلام فيما معناه متجيش ،و كذالك كتير من مواقف تانى أقل من كرامتى ولاكن مكنتش بفكر ف نفسي ف الوقت دا ، دلوقتى أنا والإنسانه دي رجعنا تانى بفضل محولاتى وبرودها مع انها هيا الغلطانه ، رجعنا و علاقتنا اتحسنت كتير وبنتعامل أكن مفيش حاجه حصلت ، الفترة دي كل ما افتكر قد اي هيا قلة منى لنا كنت بكلمها و المواقف الحلوه إلى كنت بعملها عشانها و المقابل منها برود تام و كسرة نفس احس انى عايزه اخد موقف على تصرفاتها معايا بس دلوقتى احنا رجعنا و علاقتنا كويسه ومع ذالك أنا عايزه اخد موقف بس بعد اي بحبها جدا بس كل ما افتكر تصرفاتها اتوجع واحس انى عايزه اخد حقى برد البرود 
اعمل اي

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Candle_87359 🇪🇬

منذ 4 أسابيع

شعور مكسور القلب

امم مشكلتي بدأت من لم ابوي اتوفى بقى عندي مرض اسمه اتعلق بالناس بسرعه بالذات اذا كان راجل وخالي بيتعامل معايا حلو اوي ف اتعلقت فيه جامد جدا بس الشيء الثاني بقيت من اقل شيء بحس اني بزعج الشخص اللي انا معاه مثلا اذا ارسلت لشخص رسالة اتأخر بالرد او اتصلت عليه و م رد بزعل جامد وبحس بخنقه وبقيت بتردد ف

Ice Cream_29289 🇪🇬

جوازي من مدرس ثانوي قديم وعلاقتنا بعيدة.. حياتي كئيبة

ازيكم ياشباب عاوزاه احكيلكم مشكلتي وياريت لو حد عنده حل انا عندي 22 سنه ومتخرجة ويشتغل الحمد لله وانا في تانيه ثانوي كنت بروح درس فيزياء عند مدرس نوعا ما صغير في السن بس هو كان طبعه شديد جدا كمدرس وكنت بخاف منه جدا وكنت مضطرة اروحله عشان هو يعرف اخويا ومامتي وكده ف كنت هتحرج اني مروحلهوش وفي نفس الوقت لو قولتلها في البيت على المبرر اللي مكنتش عاوزه اروح ليه مكنوش هيرضو اني اسيبه عشان هو ما شاء الله شاطر جدا كمدرس المهم تانيه وتالته ثانوي عدو بالعافية والحمد لله مبقتش يشوفه خالص عشان هو من منطقة واحنا من منطقه وبالنسبه لانه مدرس ومتجوز مش هيسال على طالبه عنده يعني المهم الفترة اللي كنت باخد معاه فيها كنت بحس فيه تناقض كبير في تعامله معايا ساعات يبقى بيتلكك عشان يضربني وساعات يبقى عارف اني مش مذاكرة وميرضاش يسالني ويسأل كل اللي حواليا الا انا وفي مرة والله العظيم سألني شفوي على سؤال في المنهج وجاولت فضل يسأل اسئله لحد م سال على معلومه والله مش في الكتاب ولا المذكرة هو كان قايلها معلومه عامة وانا مكتبتهاش وراه ف ده السؤال اللي غلط فيه وسط خمس أو ست اسئلة تقريبا وضربني وساعات من توتري يبقى عارف اني مش مذاكرة أو مش عامله الواجب وميرضاش يسالني المهم حمدت ربنا أن السنتين خلصو بالعافية ومن حوالي سنه كنت في عزا والد واحده صاحبتي في المنطقه اللي هو فيها ف اتقابلت مع البنات اللي كنت اعرفهم ساعة الثانويه وكده المهم بعد العزا اتمشينا شويه وجت سيرته ف قالولي ده ... طلق مراته ف بقولهم ليه قالولي أنه خلف ولد السنه اللي قبلها يعني في الفترة دي عنده سنه تقريبا وعنده ضمور في المخ وعلى طول بيكشف عليه وكده وطبعا عشان ظروف شغله مش بيعرف يروح يكشف عليه اغلب الوقت ف ديما مراته بتروح مع أمه أخته اي حد المهم أن مراته جت في مرة في أيام هو عليه فيها مراجعه وقالتله لازم تيجي معايا وهو مرضاش وحصل حوار وهما أطلقوا بسبب الموضوع ده هي اكيد كانت شايله من قبلها بس هي بتيجي على سبب تافهه كده المهم اني قولتلهم لو بيعاملها زي م بيعامل الطلاب وزي م كان بيعاملنا حقها تتطلق (هو عنده منها بنت عندها5 سنين وطفل اللي كان عنده ضمور واتفى من فترة ) المهم انا برده مليش علاقه بيه بعد الموضوع ده بفترة لقيته كلم اخويا أنه يتقدملي وكده مع اني مشفتهوش من ايام ثانوي يعني اربع سنين تقريبا المهم كنت خائفة عشان أسلوبه وطباعه الشديده جدا كنت خائفة يبقى كده في البيت بس اهلي اقنعوني أنه اكيد في البيت مش زي الدرس ومراته حاجة تانيه والحاجات دي كلها وانا اقتنعت وصليت استخارة وحسيت اني مرتاحه وطبعا الجواز تم بسرعه جدا قعدنا 5 شهور بس خطوبه ومعملناش فرح عشان ابنه كان متوفي قريب وكمان هو عمل فرح قبل كده وغير كل ده انا مش برتاح في الزحمه واني ابقى انا محط الأنظار والكلام ده كله ف وافقت أن ميبقاش في فرح بس طبعا في اشهار والكل كان عارف وكده اتجوزت ولسه حاسه ان في مسافة كبيرة جدا بينا البس واتشيك مش عشان العلاقة انا بحب اني ابقى بطبخ وملابسه لبس كويس يعجب جوزي ومفتوح وضيق وحاجات من دي وخاصة اني مش معايا عيل ولا حاجة وبخلص شغلي واجي وهو عشان السنتر بتاعه بيجي متأخر عني بكتير ف ببقى براحتي وانا بطبخ واروق الشقة وكده قصدي ببقى مش مستعجله يعني في أول الجواز حاجة دي دي جديده عليا اني اطبخ واروق وكده وفي نفس الوقت لابسه ومتشيكه وكل حاجة مظبوطه الاقيه بيجي ياكل ويعد يعمل شيتات وامتحانات والكلام ده انا ببقى نفسي في كلمه والله بس مش اكتر ومش هتاخد منه وقت ولا حاجة حتى بحسه مش بيبص مش مبهور زي م كنت مستنيه كأنه متعود على كده ف قولت اكيد عشان كان متجوز قبل كده وممكن يكون متعود على المنظر وكده يجي بعد م يخلص شغل في البيت أقوله عملت ايه انهارده يقولي هعمل ايه يعني شرحت مع أن ايام م كنت طالبه عنده كان في كل مجموعه مشكله وحوار بيحصل بس مبقولش اي حاجة في واحد صاحبه مدرس كنت باخد عنده برده كيميا اتفاجئت أنهم قاطعوا بعض من فترة عرفت من واحده صاحبتي واضافت جدا أنه محكاليش ولا جاب سيرة الموضوع حاسه علاقتنا بعيده جدا حتى هو مش بيسال بيسيبلي فلوس الصبح وانا بروح شغلي واجيب حاجة البيت واجي اعمل الاكل واروق وناكل ويعد كل واحد في حته مضايقة بجد من العلاقة دي وعشان هو تعبان ف بينما بدري طبعا وبيصحى الفجر يعد بقى مش بينام ف أقوله مبتصحنيش نعد مع بعض شويه ليه يقولي عادي بنته بتيجي عندنا يوم ويوم تعد شويه بعد شغله والله العظيم بعاملها كويس جدا ك معامله واكل وشرب وهدايا والكلام ده كله بس هي واخده طباع ابوها كلها تعد تقوله دي وحشه وماما احلى يقولها ماشي وعادي والكلام ده كله مع اني في الملامح والجسم احلى من طليقته بس هو اصلا مش بيحب حد ولا ببعجبه حد سواء انا أو طليقته وشاكه اصلا أنه كان عايش نفس العيشه دي مع طليقته وده سبب الطلاق بس هي استحملت خمس سنين انا مبقتش قادرة حاسه اني جايه اخدمه وأشوف طلباته وخلاص انا في بيت ابويا كنت باجي من شغلي انام واصحى اكل واعد بجد مش دي الحياه اللي كنت عاوزاها خالص كنت عاوزه حد يبقى حنين عليا وبيحبني ويسمعني كنت عاوزه اختار بيتي لنفسي مش اروح اشوف بيته اللي كان عايش فيه مع مراته كنت عاوزه لما بنته تقوله دي وحشه يقول في حقي كلمه حلوة اكتر سبب خلاني اوافق عليه أنه لما جه اتقدم بعد اربع سنين مشافنيش ولا يعرف عني حاجة وكمان علاقته باخويا مش صحاب هما ممكن يتقابلو مرة كل سنه مثلا عشان طبعا احنا في منطقه وهو في منطقه المهم اني قولت اكيد كان معجب بيا مثلا ف لما طلق جالي وكنت متخيلة بقى اني هشوف تعويض عن أي حاجة بايخة حصلت ايام ثانوي كمان ساعات لما النقاش يتحد بينا على اي حاجة بشوفه المستر اللي كنت بروح عنده درس تلاقيه بيزعق بطريقة تخوف واحسه هيضربني بصراحة ف بخلص الموضوع وبعتزر كمان بس ببقى مضايقة اوي واحس اني مكسورة حياتي بجد كئيبه اوي ومفيش خروج ومفيش جواز اصلا وفي نفس الوقت خايفة أطلق بعد سنه واحده بس جواز وأقل كمان وحاولت معاه كتييير أنه يتكلم معايا بس بس هو الاجابه أقل من السؤال بكتير وسالت أخته بطريقة مش مباشرة قالتلي هو كده ومش بيحكي حاجة لو انتو مكاني هتعملو ايه وياريت راجل يقولي سبب معاملته دي ايه بس محدش يقول إنه بيحب طليقته عشان هو اصلا مبعرفش يحب هو كل حياته جد كده كنت هسال طليقته صحيح قبل م اتجوز عن سبب الطلاق والسبب اللي خلاها تطلق على سبب فارغ بس كان ابنها لسه متوفي ف مرضتش اسالها ...عرض المزيد

2 الدعم

15 نصيحة

Candle_73846 🇪🇬

مش نازله مع صحابي هروح اعمل بشاميل واقعد

اوكي مش هنزل مع صحابي 😃هيضربوني بس مش نازله هروح اعمل بشاميل واقعد زي الشاطره وبس تعالو نكدب كدبه وحده بتتمنو تبقي حقيقه انا اخدت حزمه شياو البنت الي نازله ف فري فاير ااااااااااااااااااااااااااااااااااااااااااااااااااااااااااااااااااااا ...عرض المزيد

2 الدعم

13 نصيحة

Strawberry_77918 🇪🇬

عايزة أتعلم عن الإسلام بالتفصيل من كل ناحية

لو حد عايز يتعلم عن الاسلام بالتفصيل من كل ناحيه و يعرف كل حاجه في الدين زى دراسه مش مجرد معرفه و خلاص ايه الكتب أو الفيديوز مثلا بلايليست على اليوتيوب ترشحولى انى اشوفها محدش يدخل يسألنى انا كام سنه و عايزة اعرف ليه و بدرس ايه لان دا ميخصكش في حاجه اللى عنده اقتراحات او نظام معين امشي عليه هكون شاكرة ليه جدا بدون الدخول في تفاصيل شخصيه ...عرض المزيد

2 الدعم

13 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع