علاقات مؤلمة

Potato_87367 🇩🇿

منذ 3 أسابيع

شعور ضائع

أنا أعاني من عدم استقرار عاطفي وتقلبات مزاجية قوية تجعلني أحيانًا أفقد السيطرة على مشاعري. لدي مشكلة في الدافعية رغم معرفتي بما يجب علي فعله، كما أنني أحاول التوقف تدريجيًا عن استخدام الحشيش بعد أن خفّفت منه. عاطفيًا، أتعلّق بسرعة وأتأثر بشدة بأي بعد أو صمت، وأعاني من خوف من الهجر وكثرة التفكير. ومؤ

Hazelnut_78889 🇪🇬

منذ شهر واحد

شعور محبط

هو لي بجد لمه الإنسان يضمن وجود شخص أو يتأكد انو بيحبه بيتعوج عليه مع انو عارف ان ده بيوجعو ولمه بيحس أن الشخص ده بدأ انو يتأقلم ع غيابو أو ع انو مش موجود بيرجع بشكل يومي ع يكسره تاني ومعلومه انا كلامي ع الرجاله الي بيضمنو وجود البنات في حيتهم

Strawberry_64061 🇪🇬

منذ 3 أشهر

شعور مرتبك

مابين أن من وقت للتاني بقول انا لازم ادخل حد حياتي وبين أن افتكر لي حصلي وكميه العلاقات الي اذتني وشوهتني نفسيا بختار اكون لوحدي رغم احتياجي الشديد فعلا لحد مسؤل وراجل بجد وفي نفس وقت لما افتكر لي حصل وقد اي نا لي كنت شايله جمل بما حمل ...اضحك وأقول محدش هيستحمل لي استحملته ومحدش اصلا هيستحملني بس

Avocado_63956 🇪🇬 ربنا يوفقك ويسعدك ويحميك ويرزقك بابن الحلال

عرض الكل 4 نصيحة

Coffee_69607 🇪🇬

منذ 3 أشهر

شعور ضائع

هو ليه محدش بيقدر التراكمات اللي بتكون جوانا و ان هي ممكن تطلع احيانا علي شكل صوت عالي و زعيق و خناق بس دي مش بتكون شخصيتنا الحقيقيه ! ليه الطرف التاني لما بيلاقينا كده بيبقي عايز يبعد ويسيبنا فوق ما احنا اصلا تعبانين ومش كويسين من جوانا الطرف ده بيكون عايز يكمل علينا ويسيبنا في نص الطريق مش فاهمين

Mango_67819 🇪🇬

منذ 4 أشهر

شعور ضاق ذرعًا

عندي مشكله اني كل ما احب حد يروح مني هل العيب فيا ولاه في الناس رغم اني اطيب حد واحن حد وأغلب حد في الدنيا اللي معايا مش ليا لكل اللي حواليا بخاف علي الناس اكتر ما بخاف علي نفسي يحترم كل الناس مبقتش عارف انا صح ولا غلط ما بقتش عارف تربيتي في الزمن ده صح ولاه غلط

Biscuit_50330 🇮🇹

منذ 4 أشهر

شعور لا مبالٍ

هو ليه كلمت ابعدي عنهم و ابعدي و بدايقنا رغم ان ساعات بيبقى ليها لازمه و مش بتوجع بس اغلب الأوقات بتوجع و بقصر فينا طيب ليه الشخص الي قدمنا ميحولش يتغير مثلا هو اه مفيش حد بيتغير علشان حد بس ليه الشخص ده ميحولش انو يتغير لل احسن طيب بعد ما نبعد احنا كده كل ما نلاقي حد مش عارفه في اي نبعد احنا كده هن

Grape_22054 🇪🇬

منذ 4 أشهر

شعور محبط

عارفين اي الاوحش. والاقسي من الحب من طرف واحد هو انك يكون الحب متبادل من الطرفين لمده سنييين وبعد كدا يحصل شويه مشاكل تخلي الحب يتحول ويبقي من طرف واحد بعد ما كان الطرفين بيموتو ف بعض بقي طرف بيموت ف التاني والطرف التاني هيموت ويمشي من العلاقه ويخلص من الشخص اللي معاه وشايفه علطول زنان عايش دور ضحي

Tofu_4474 🇪🇬

منذ 5 أشهر

شعور مكتئب

انهارده اتعرضت لأقسى طريقة للرفض ف حياتي الشخص اللي قعدت سنين احبه بدون اي مقابل حتى لما سيبنا بعض سنين فضلت احبه ومعرفتش أشيل حبه من جوايا حاولت بكل الطرق معرفتش ، وهو ميعرفش أو يمكن عارف بس عامل نفسه مش عارف ، خرجني برا حياته تماما قالي كلام قاسي حسيت أنه شخص غريب عني تماماً معرفش ليه كل م ابص عل

Sugar_57606 🇪🇬 طالما بعد عنك اوعى تفكرى ترخصي من نفسك وتقربي منه عيشي حياتك واتبسطي ومتفكريش فيه تانى

عرض الكل 6 نصيحة

Carrot_57253 🇪🇬

منذ 5 أشهر

شعور عاطفي

حد يعرف ازاي ابطل افكر في حد حبيته حب محدش يقدر يتخيله بس للاسف كان من طرف واحد مع العلم انها قريبتي والعلاقه بينا كصداقه كبيره وانا كل لما احاول ابعد علشان ارتاح هي تقرب ولما افتكر أنها حبتني يطلع تفكيري غلط ازاي اقدر انهي علاقة الصداقه دي لانها مؤلمه اوي بالنسبه ليا من غير ما الطريقه تضايقها وعاي

Tofu_19483 🇪🇬

منذ 6 أشهر

شعور محبط

عبّر عن شعورك بشكل مجهول

محتاجه أحكيلكوا حاجه مزعلاني خالص..
وقت ما كنت باخد جلسات الكيماوي قبل اتقدملي شخص ف مركز علاج الأورام اللي بتعالج فيه والدته هي كمان كانت بتاخد جلسات كيماوي وكان هو وأخته موجودين 
ف أخته هي اللي وقفتني وقالتلي إنه أخوها عاوز عروسه وهو عاوز يتقدملك وبتاع ،هو كان موجود وشافني وبعدها لقيت أخته وقفتني وقالتلي كده وقالتلي هاتي رقمك هتواصل معاكي وبتاع ونتكلم وكده 
قولتلها بس أنا باخد جلسات كيماوي هنا قالتلي وفيها ايه أخويا معندهوش مانع وايه المشكله إنك بتتعالجي يعني وإن شاء الله تخفي وكده 
وبالفعل خدت رقمي وبعتتلي واتس قالتلي عامله ايه وفضلت تتكلم شويه وكده ف ف الكلام قولتها هي مامتك هتعمل عمليه مع حد علشان وقتها كنت عايزه أعرف دكتور شاطر يعملي العمليه قالتلي إنه مامتها مش هتعمل عمليات علشان حالتها متأخره وبتاخد علاجات بس 
قولتلها أصل كنت محتاجه أعرف دكتور شاطر علشان أعمل عنده العمليه 
قالتلي ايه ده هو أنتِ هتعملي عمليه؟
قولتلها اه 
من وقتها بقه بطلت تسأل عني وكده
لقيتها النهارده بعتالي وياريتها ما بعتت يعني حسيت شعور مش لطيف 
قالتي عامله ايه أنا عايزه أتطمن عليكِ وفاكره موضوع أخويا اللي كنت كلمتك عنه هو الرفض كان من أخويا وماما للأسف وأنا كنت محروجه أسأل عنك بسبب كده 
قولتلها لا مفيش إحراج ولا حاجه واحنا أخوات من غير أي حاجه 
هي الفكره مش ف إني ميته ع الجواز أو كده بس ف إني اتجرحت هي لما كانت عارفه إني باخد كيماوي كان الموضوع عادي ومفيش مشاكل لكن لما عرفت موضوع العمليه بقيت أنا كخه؟
الفكره ف إنه معنديش مشكله هو الشخص حقه يرفض براحته لكن المشكله اللي وجعاني إنك ليه بعد المده دي كلها تبعتيلي وتقوليلي طب منا أكيد كنت عارفه من عدم ردك إنه رفض وكنت مجروحه بسبب كده مش علشان الرفض نفسه ولكن علشان سبب الرفض حسيت شعور وحش إنه عمليتي بقت سبب ل إن حد ميوافقش بيا؟
قلبي وجعني مش شايفه إنه كان ليها لازمه إنها تبعتلي وتقولي وخصوصًا إنه عدت شهور ف ليه يعني الوجع ده ليه تحسسني بشعور وحش وإنه عمليتي دي سبب رفضي!

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Strawberry_52341 🇪🇬

منذ 8 أشهر

شعور مكسور القلب

اوقات بحسد (بس بذكر ربنا و استعيذ بالله لاني متمناش الحسد لحد)البنات الا مدخلش حياتهم رجاله غير جوزها بس نفسي ارجع بزمن و ابقى زيهم و ابعد عن الا شجعوني اني اعمل صداقات مع اولاد وان ده العادي بجد حاجه وحشه اوي اوحش حاحه لما ربنا يوريك هو حرم حاجه ليه لانك مش مقتنع انها حرام لانك مكنش عندك الوعي الكا

Candle_51983 🇪🇬

منذ 9 أشهر

شعور خجول

اكتر شعور مؤلم حسيت بي هو اني اميز حد مش مميزني يعني احطو في مكانة عاليه اوي موصلش ليها حد في حياتي ببقا مستنيه أن ده يترضلي لانو ده الطبيعي بس مبيحصلش وحقيقة مشاعر اللي قدامي ليا اقل من العادي زيي زي اي حد فابدا افكر هو كان غلطي أني حبيت اللي قدامي فعلا وتعاملت بحسن نية بس اصلا متدش لنفسي الأمر ان

Marshmallow_37896 🇪🇬

منذ 10 أشهر

شعور مكسور القلب

بتعملوا ايه او بتحسوا باايه لما بتشوفوا حد كاسر وقاهر قلبك ومسببلك أذي وضيق ووجع مخليك تتمني تنام ماتقوم معدي قدامكم ومبسوط وبيضحك وعايش حياته وانت واقف بتبص وقلبك بيتفتفت ميه حته وبتقول ياااه ياريتني ماعديت من هنا ولا شوفتوا وبيبدا مزاجك يتعكر ونفسيتك تتغير وتبقي تحت الصفر وتحس انك لسه ف بدايه ا

Biscuit_51615 🇪🇬

منذ 11 شهرًا

شعور مكسور القلب

انا عاوزه اسأل بس هو ازاي بيجيله نوم وهو عارف اني موجوعه بسببه ازاي بينام وهو عارف ان كل يوم دموع على خدي وبعيط كل يوم بسببه طيب هو عايش وبيضحك ومبسوط ازاي يعني ازاي بينام وهو واجع حد بكلامه دنا مره زعلته مهنش عليا اسيبه يوم الا واصالحه مع ان هو الغلطان بس انا عصبت عليه وحسيت انه زعل يعني انا اعمل ا

Banana_38444 🇪🇬

منذ 11 شهرًا

شعور مكسور القلب

قالها نزار قباني بكل حزن: "أن تراقب من تحب من بعيد أن تتبع تفاصيله البسيطة دون علمه تلك هي أصدق مشاعر الحب ولكنها موجعه بحجم صدقها" دي اكتر حاجه انا شوفتها لحد الوقتي بتوصف وجع الحب من طرف واحد لأن حب من طرف واحد ده انت مش بتكون عارف هو بيبدلك نفس الشعور ولا لا ولا بيحب غيرك ولا ايه بالظبط ده

Potato_31471 🇪🇬 حاولت اكرهها حبيتها اكتر واديني عايش ميت بس عادي انا رايح اكل😂

عرض الكل 2 نصيحة

Ice Cream_29289 🇪🇬

جوازي من مدرس ثانوي قديم وعلاقتنا بعيدة.. حياتي كئيبة

ازيكم ياشباب عاوزاه احكيلكم مشكلتي وياريت لو حد عنده حل انا عندي 22 سنه ومتخرجة ويشتغل الحمد لله وانا في تانيه ثانوي كنت بروح درس فيزياء عند مدرس نوعا ما صغير في السن بس هو كان طبعه شديد جدا كمدرس وكنت بخاف منه جدا وكنت مضطرة اروحله عشان هو يعرف اخويا ومامتي وكده ف كنت هتحرج اني مروحلهوش وفي نفس الوقت لو قولتلها في البيت على المبرر اللي مكنتش عاوزه اروح ليه مكنوش هيرضو اني اسيبه عشان هو ما شاء الله شاطر جدا كمدرس المهم تانيه وتالته ثانوي عدو بالعافية والحمد لله مبقتش يشوفه خالص عشان هو من منطقة واحنا من منطقه وبالنسبه لانه مدرس ومتجوز مش هيسال على طالبه عنده يعني المهم الفترة اللي كنت باخد معاه فيها كنت بحس فيه تناقض كبير في تعامله معايا ساعات يبقى بيتلكك عشان يضربني وساعات يبقى عارف اني مش مذاكرة وميرضاش يسالني ويسأل كل اللي حواليا الا انا وفي مرة والله العظيم سألني شفوي على سؤال في المنهج وجاولت فضل يسأل اسئله لحد م سال على معلومه والله مش في الكتاب ولا المذكرة هو كان قايلها معلومه عامة وانا مكتبتهاش وراه ف ده السؤال اللي غلط فيه وسط خمس أو ست اسئلة تقريبا وضربني وساعات من توتري يبقى عارف اني مش مذاكرة أو مش عامله الواجب وميرضاش يسالني المهم حمدت ربنا أن السنتين خلصو بالعافية ومن حوالي سنه كنت في عزا والد واحده صاحبتي في المنطقه اللي هو فيها ف اتقابلت مع البنات اللي كنت اعرفهم ساعة الثانويه وكده المهم بعد العزا اتمشينا شويه وجت سيرته ف قالولي ده ... طلق مراته ف بقولهم ليه قالولي أنه خلف ولد السنه اللي قبلها يعني في الفترة دي عنده سنه تقريبا وعنده ضمور في المخ وعلى طول بيكشف عليه وكده وطبعا عشان ظروف شغله مش بيعرف يروح يكشف عليه اغلب الوقت ف ديما مراته بتروح مع أمه أخته اي حد المهم أن مراته جت في مرة في أيام هو عليه فيها مراجعه وقالتله لازم تيجي معايا وهو مرضاش وحصل حوار وهما أطلقوا بسبب الموضوع ده هي اكيد كانت شايله من قبلها بس هي بتيجي على سبب تافهه كده المهم اني قولتلهم لو بيعاملها زي م بيعامل الطلاب وزي م كان بيعاملنا حقها تتطلق (هو عنده منها بنت عندها5 سنين وطفل اللي كان عنده ضمور واتفى من فترة ) المهم انا برده مليش علاقه بيه بعد الموضوع ده بفترة لقيته كلم اخويا أنه يتقدملي وكده مع اني مشفتهوش من ايام ثانوي يعني اربع سنين تقريبا المهم كنت خائفة عشان أسلوبه وطباعه الشديده جدا كنت خائفة يبقى كده في البيت بس اهلي اقنعوني أنه اكيد في البيت مش زي الدرس ومراته حاجة تانيه والحاجات دي كلها وانا اقتنعت وصليت استخارة وحسيت اني مرتاحه وطبعا الجواز تم بسرعه جدا قعدنا 5 شهور بس خطوبه ومعملناش فرح عشان ابنه كان متوفي قريب وكمان هو عمل فرح قبل كده وغير كل ده انا مش برتاح في الزحمه واني ابقى انا محط الأنظار والكلام ده كله ف وافقت أن ميبقاش في فرح بس طبعا في اشهار والكل كان عارف وكده اتجوزت ولسه حاسه ان في مسافة كبيرة جدا بينا البس واتشيك مش عشان العلاقة انا بحب اني ابقى بطبخ وملابسه لبس كويس يعجب جوزي ومفتوح وضيق وحاجات من دي وخاصة اني مش معايا عيل ولا حاجة وبخلص شغلي واجي وهو عشان السنتر بتاعه بيجي متأخر عني بكتير ف ببقى براحتي وانا بطبخ واروق الشقة وكده قصدي ببقى مش مستعجله يعني في أول الجواز حاجة دي دي جديده عليا اني اطبخ واروق وكده وفي نفس الوقت لابسه ومتشيكه وكل حاجة مظبوطه الاقيه بيجي ياكل ويعد يعمل شيتات وامتحانات والكلام ده انا ببقى نفسي في كلمه والله بس مش اكتر ومش هتاخد منه وقت ولا حاجة حتى بحسه مش بيبص مش مبهور زي م كنت مستنيه كأنه متعود على كده ف قولت اكيد عشان كان متجوز قبل كده وممكن يكون متعود على المنظر وكده يجي بعد م يخلص شغل في البيت أقوله عملت ايه انهارده يقولي هعمل ايه يعني شرحت مع أن ايام م كنت طالبه عنده كان في كل مجموعه مشكله وحوار بيحصل بس مبقولش اي حاجة في واحد صاحبه مدرس كنت باخد عنده برده كيميا اتفاجئت أنهم قاطعوا بعض من فترة عرفت من واحده صاحبتي واضافت جدا أنه محكاليش ولا جاب سيرة الموضوع حاسه علاقتنا بعيده جدا حتى هو مش بيسال بيسيبلي فلوس الصبح وانا بروح شغلي واجيب حاجة البيت واجي اعمل الاكل واروق وناكل ويعد كل واحد في حته مضايقة بجد من العلاقة دي وعشان هو تعبان ف بينما بدري طبعا وبيصحى الفجر يعد بقى مش بينام ف أقوله مبتصحنيش نعد مع بعض شويه ليه يقولي عادي بنته بتيجي عندنا يوم ويوم تعد شويه بعد شغله والله العظيم بعاملها كويس جدا ك معامله واكل وشرب وهدايا والكلام ده كله بس هي واخده طباع ابوها كلها تعد تقوله دي وحشه وماما احلى يقولها ماشي وعادي والكلام ده كله مع اني في الملامح والجسم احلى من طليقته بس هو اصلا مش بيحب حد ولا ببعجبه حد سواء انا أو طليقته وشاكه اصلا أنه كان عايش نفس العيشه دي مع طليقته وده سبب الطلاق بس هي استحملت خمس سنين انا مبقتش قادرة حاسه اني جايه اخدمه وأشوف طلباته وخلاص انا في بيت ابويا كنت باجي من شغلي انام واصحى اكل واعد بجد مش دي الحياه اللي كنت عاوزاها خالص كنت عاوزه حد يبقى حنين عليا وبيحبني ويسمعني كنت عاوزه اختار بيتي لنفسي مش اروح اشوف بيته اللي كان عايش فيه مع مراته كنت عاوزه لما بنته تقوله دي وحشه يقول في حقي كلمه حلوة اكتر سبب خلاني اوافق عليه أنه لما جه اتقدم بعد اربع سنين مشافنيش ولا يعرف عني حاجة وكمان علاقته باخويا مش صحاب هما ممكن يتقابلو مرة كل سنه مثلا عشان طبعا احنا في منطقه وهو في منطقه المهم اني قولت اكيد كان معجب بيا مثلا ف لما طلق جالي وكنت متخيلة بقى اني هشوف تعويض عن أي حاجة بايخة حصلت ايام ثانوي كمان ساعات لما النقاش يتحد بينا على اي حاجة بشوفه المستر اللي كنت بروح عنده درس تلاقيه بيزعق بطريقة تخوف واحسه هيضربني بصراحة ف بخلص الموضوع وبعتزر كمان بس ببقى مضايقة اوي واحس اني مكسورة حياتي بجد كئيبه اوي ومفيش خروج ومفيش جواز اصلا وفي نفس الوقت خايفة أطلق بعد سنه واحده بس جواز وأقل كمان وحاولت معاه كتييير أنه يتكلم معايا بس بس هو الاجابه أقل من السؤال بكتير وسالت أخته بطريقة مش مباشرة قالتلي هو كده ومش بيحكي حاجة لو انتو مكاني هتعملو ايه وياريت راجل يقولي سبب معاملته دي ايه بس محدش يقول إنه بيحب طليقته عشان هو اصلا مبعرفش يحب هو كل حياته جد كده كنت هسال طليقته صحيح قبل م اتجوز عن سبب الطلاق والسبب اللي خلاها تطلق على سبب فارغ بس كان ابنها لسه متوفي ف مرضتش اسالها ...عرض المزيد

2 الدعم

15 نصيحة

Candle_73846 🇪🇬

مش نازله مع صحابي هروح اعمل بشاميل واقعد

اوكي مش هنزل مع صحابي 😃هيضربوني بس مش نازله هروح اعمل بشاميل واقعد زي الشاطره وبس تعالو نكدب كدبه وحده بتتمنو تبقي حقيقه انا اخدت حزمه شياو البنت الي نازله ف فري فاير ااااااااااااااااااااااااااااااااااااااااااااااااااااااااااااااااااااا ...عرض المزيد

2 الدعم

13 نصيحة

Strawberry_77918 🇪🇬

عايزة أتعلم عن الإسلام بالتفصيل من كل ناحية

لو حد عايز يتعلم عن الاسلام بالتفصيل من كل ناحيه و يعرف كل حاجه في الدين زى دراسه مش مجرد معرفه و خلاص ايه الكتب أو الفيديوز مثلا بلايليست على اليوتيوب ترشحولى انى اشوفها محدش يدخل يسألنى انا كام سنه و عايزة اعرف ليه و بدرس ايه لان دا ميخصكش في حاجه اللى عنده اقتراحات او نظام معين امشي عليه هكون شاكرة ليه جدا بدون الدخول في تفاصيل شخصيه ...عرض المزيد

2 الدعم

13 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع