علاقة

Apple_86260 🇪🇬

منذ 26 دقيقة

شعور مستنزف

أنا مشكلتي معقده حبتين انا كنت مرتبط ب واحد و كنت يعاملها ك مشروع جواز المهم اكتشفت أنها كانت بتعيط بتعيطي ليه مش بعيط من هنا ل هنا لحد م عرفت أن حد اختصبها و هي كرهت نفسها قولتلها أنا لسه شاريكي و هي قالت لا أبعد عني و أنت تستاهل واحده أنظف مني(أنا متأكد أنها غصب عنها مش بمزجها الي حصل ده) المهم كم

Avocado_87750 🇩🇿

منذ 5 ساعات

شعور مكسور القلب

تعرفت على شخص في الأربعينات يبدو ناضجا و سافر الى بلدي للقائي و أنا لدي الكثير من القيود العائلية و الدينيو و المجتمع.... التقيته رغم كل شيء و حاولنا منارسة الجنس لأول مرة بالنسبة لي كان الأمر مؤلما و لم أستطع التفاعل بطريقة جيدة و فشل الأمر. و بغض النظر عن موضع الجنس كانت مشاعري متضاربة في النهاي

Marshmallow_69067 🇪🇬

منذ 5 ساعات

شعور خجول

عبّر عن شعورك بشكل مجهول

مبستوعبش فكرة ان الانسان ممكن يكمل حياته مع حد مش مقتنع بيه لمجرد انه يلحق القطر .. 
مر ف حياتى ناس كتير بتبدأ قصة مش بتاعتها مع ناس مش مقتنعين بيهم ومع الوقت بقوا بيبنوا حياة منفصلة نفسيا عن الشخص الى معاهم يعنى هما سوا لكن منظر عشان الشكل الاجتماعى..
أكتر فكرة مرعبة انك تكون مع حد مش حاسس بيك مش مناسب لروحك وافكارك اهتماماتكوا مش واحدة ومحدش بيحاول يتنازل عشان التانى..
 الانسان ممكن يعانى من أهله بسبب اختلاف الافكار واختلاف كل حد فيهم ف التعبير عن مشاعره دا غير ان محدش بيختار اهله.. لكن انا ازاى اضيع أكبر فرصة ف حياتى يمكن الفرصة الوحيدة ف حياتى انى أكون ف مكان مناسب ليا أبنى بيت شبهى مع حد يكملنى.. يعنى ايه أبدا قصة يتقالى فيها هتتعودوا ع بعض مع العشرة لمجرد ان الشخص مناسب من وجهة نظرهم بس مش مناسب لإحتياجاتى..
عارفين؟؟ الوحدة وحشة جدا لكن هى أرحم بكتير من انك تكون مع حد وتحس معاه انك وحيد يمكن بطريقة أصعب من وهو موجود انك تحس انك فقدت اخر أمل ليك وتزهد ف الدنيا وف الحياة 
الوحدة ونس مدام بإختيارك متملهاش بأى حد .. الى قادر يعيش وحيد إنسان قوى  عارف ان المكان الفاضي جواه مكان مميز ميتملاش بأى حد ..أمله بيتجدد مع كل يوم انه يستاهل يكون فمكان معمول له مخصوص

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Chocolate_61083 🇪🇬

منذ 7 ساعات

شعور مهتم

اتعرفت على شاب من على التيك توك في شباب كتير كانو بيدخلولي برايفت بس عمري ما كلمتهم ولا ادتلهم فرصة بس معرفش ليه بجد رديت عليه وكلمته كدا شدني احترامه واسلوبه معايا حاليا احنا داخلين في الشهر بنتكلم اتعلقت بيه جدا برغم اننا مش بنتكلم كتير وكان كل اما يغيب يوم اقول كدا خلاص الاقيه باعتلي وبيطمن عليا

Carrot_85093 🇪🇬

منذ يوم واحد

شعور منزعج

بصو دلوقتي انا لو كنت بكلم شخص وخلاص كلو رتح لحاله بس هو كان بالنسبالي مصدر دوبامين ، حاجه كده بتسعدني رغم انه مش الشخص ال perfect يعني و دلوقتي انا بحاول بكل الطرق اني مكلمهوش و حذفت كل حاجه بس برضو دايما عقله بيفكر فيه .. عارفين مقولة الممنوع مرغوب ؟ هو انا كده و حاسه اني حرفيا عايزة اكلمه كأن م

Mango_55086 🇪🇬

منذ يوم واحد

شعور مرتبك

عايزه اخد رايكو اكمل ولا لا المميزات - حنين عليا - متفاهم - بار ب اهله جدا و حنين علي أخواته اوي - اجتماعي - فرفوش - بيحب اهلي و بيحترمهم و هما بيحبوه - اجتماعياً حلو و من عيله محترمه و اهله بيحبوني و كويسين جدا - شغله حلو و مسمي وظيفي محترم و كويس - بيهتم بيا حتي و هو مشغول العيوب - ش

Coffee_87659 🇯🇴

منذ يوم واحد

شعور عاطفي

عبّر عن شعورك بشكل مجهول

كنت بحكي مع شخص من فترة بس شات يعني بنحكي مع بعض بشكل يومي وبالبداية طلبت نكون اصحاب حتى نتعرف على بعض اكتر المهم بعد تقريباً  ثلث اشهر من علاقتنا طلب انو نحكي كول وقبلت المهم بس خلصنا حكالي بحبك انا سكتت مع انو من الداخل كنت كتير مبسوطة بعدها كل يوم بس نكون فاضين برن بنحكي  حتى ننعس وبعديها بنام بعد ما تعلقت فيو كتير صار يغيب يقعد بالساعات ما يرد ببعتلوا على الانستا ما برد وبعد المسج بشوي يشوفوا باعت ستريك أو حاط ستوري مثلا بصراحة ما بشوف في أي سبب يخليه يتجاهلني يعني ما صار بينا اي موقف حتى قبل ما يصير هاد الموضوع بيوم كنت بحكي معو بشكل كتير طبيعي بالعكس الكول وقتها كتير حلو  وتفرجنا على فلم مع بعض تاني يوم ما بعتلي طول اليوم وكان هيك الحال لمدة ما يقارب اسبوعين بس كان يبعت ستريك بادرت ورد علي بطريقة كتير بادرة ومن بعدها صرت ابعد  تدريجياً بس كل ما ابعد بفترة بتلاقيه بعتلي كيفك او مثلا شو عاملة زي كانوا بحس اني رح اروح وبرجعني علاقتنا صارت كتير بتحير لا احنا اصحاب ولا أحباب لا قراب كتير ولا بعاد زي المنطقة الرمادية والمشكلة كل ما احكي انو خلص لازم ابعد بس شوف اي شي منو بنسى وبحكي معو طبيعي وبعدها برد علي  ببرود وبندم مرة تانية

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Mango_22117 🇪🇬

منذ يوم واحد

شعور مستنزف

امتحان بعد ساعات و بردوا بعيط و بفكر فيه و بفتكر لما كان بيسهر ايام الامتحانات و يدعمني و مفقتده وجوده و كلامه طب امتي هنسي و ابطل افتكره فكل موقف و بيتخيل كتير ان رجعنا .بس بحاول افوق نفسي و اقول منفعش اكرر اذي تاني ولازم اكمل و اصبر لكن بردوا متضايقه و مخنوقه بجد تايهه

Ice Cream_61082 🇪🇬

منذ يوم واحد

شعور محبط

حاجة محزنة جداً انك تكون في علاقة " أياً كان نوعها " لفترة طويلة او قليله وبعدين تكتشف إنك مش سايب أثر ووجودك زي عدمه، وسهل الإستغناء عنك . كل اللي عملته ضاع ويبقي الطرف التاني معتبرك شخص عادي جداً في حين إنه أهم شخص في حياتك الإفراط في الأوهام والتوقعات مؤذي ومؤسف جداً.

Biscuit_79929 🇪🇬

منذ يوم واحد

شعور مرتبك

Avocado_87693 🇪🇬 لو تعرف تقوم قبل الفجر بساعه او قبل م تنام صلي قيام ليل و ادعي له ب الهدي ان ربنا ينور تفكيره و عقله نا عندي حد كان يعز عليا جدا كان صاحب اخويا الله يرحمه كان طيب معيا جدا و متفهمين مع العلم هوا ماسك منصب ف الدوله كبيره و اخويا صيدلي و انا كنت معاه فل الفل بس لما دخلت طب كان بيفضل يحبط فيا موت خلاني كنت عاوز اسيب الكليه وندمني بس كنت بصلي وبدعي ان ربنا يهديه لاحد م بعد عني و عاد بيحترمني جدا

عرض الكل 4 نصيحة

عبّر عن شعورك بشكل مجهول

انا و اخويا الكبير كنا قريبين جدا جدا من بعض ف شخصيتنا كانت تقريبا شبه بعض جدا بحكم ان احنا كنا قاعدين مع بعض كتير جدا .. ف انا كنت تقريبا نفس شخصيته بس في بنت ... جيه وقت بعد ثانويه عامه بتاعته و راح جامعه اهليه بعيده اوي عننا و سابلي الاوضه بتاعته مع العلم ان في اخت مابينا اكبر مني الي انه اختارني انا بحكم ان فيها كمبيوتر و انا شاطره في الكمبيوتر جدا و البرمجه و الخ... بعد سنتين هناك في الجامعه البعيده يرجع هو و نبدأ نقعد مع بعض كتير جدا.. و ابدا اكتر انه انسان نرجسي جدا و مبيحبش اي حد ينجح غير نفسه .. يكون عارف اني شاطره جدا و ممكن فعلا اعمل حاجات كتير بس يقعد يحبطني و يبوظ كل حاجه و يقلل من قدراتي و ثقتي في نفسي.. اكون بفكر في مشاريع ناجحه جدا و خسارته رمزيه وتقريبا غير مذكوره و هو يحبطني و معرفش اكمل حاجه

دلوقتي مع العلم اني بحبه و عارفه انه شاطر و ذكي حدا بقيت من غير ما اخد بالي معملش الحاجات الناجحه جدا دي بس علشان هو قال إنها مش ناجحه 
كان عقلي الباطن بياخد اي حاجه اخويا بيقولها و يعمل جمبها صح كأنها كده كده صح من غير ما افكر و بقيت عارفه ان الحاجه ناجحه و هتجيب فلوس و معملهاش غصب عني... الموضوع بقا مزعج جدا لدرجه اني بقيت اخاف اقوله علي حاجه 
لكن برضه غصب عني بحكم اني وقت طويل كنت معتمده عليه وباخد برأيه بقيت اقول الحاجات الي عايزه اعملها بس علشان اثبت نفسي له.. 
ف ولا منه عارفه اعمل حاجه في حياتي و لا منه عارفه اسكت و اشتغل في صمت من غير ما اقوله 
حياتي بقت جحيم و بقيت اكرهه و اكره نرجسيته كأنه خايف اي حد ينجح غيره في العيله .. لما قولت ل ماما و اخواتي الي تقريبا نصهم بيكرهوه قالولي انه كده مم زمان و انه فعلا مش عايز حد تاني ينجح غيره 
الموضوع ده بقي بيطاردني و بقيت بكره كل حاجه ليها دعوه باخويا.. بقيت بتخنق لما اسمع صوته و بقيت امثل اني نايمه لما اعرف انه في البيت لانه دايما عايزني اقعد معاه و بيحب اني اكون معاه في الاوضه و يتكلم معايا ... 
انا الوحيده الي في البيت الي هو بيحب يقعد معاه و الموضوع ده بحد ذاته بيحسسني بالزنب
لاني مش عارفه هو بيحاول يساعدني ولا فعلا خايف اني أنجح و ابقا احسن منه مع العلم اني أصغر منه ب خمس سنين

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Avocado_74361 🇪🇬

منذ يوم واحد

شعور محبط

عبّر عن شعورك بشكل مجهول

انا بعاني من مشكلة ويارب حد يفيدني، انا علاقتي بابويا مضطربة جدًا بقالها خمس سنين وشوية لاسباب مش حابب اذكرها لكنها سابت فيا اثر نفسي صعب، بحاول اتقبله وامشي الدنيا على ما اكون نفسي واقعد في اي حتة تانية، لكن حرفيًا مهما حاولت امشي الدنيا وابقى كويس معاه، بحس بخنقة مش طبيعية، وبحاول مابقاش الابن العاق وابقى كويس وصبور معاه، لكنه بيعمل تصرفات بتخليني احس حرفيًا باني هموت من القهر لاني مش قادر ارد عليه او اديله رد فعل لافعاله وبلتزم الصمت، عمري ما قدرت اشتكيله او افضفضله من حاجة او اشاركه انجازاتي لانه حسسني انه مش فاضي ليا اصلًا، وكل كلامه "انت لسه شاب" و"مفيش حاجة اسمها كده" وحرفيًا بيبقى مش قدامي غير اني اقعد لوحدي اشكي لحالي، وكل ما اطلب منه فلوس، ببقى حرفيًا بدوق الذل عشان اخدها منه، ولما يعرف اني هشتغل عشان يبقى ليا استقلال مادي وماخدش من حد حاجة، يتعصب ويقلب الدنيا ورافض رفض تام اني اشتغل بحجة اني اشتغل بعد التخرج ومينفعش اشتغل وقت التعليم حسب عادات وتقاليد عيلته، وانا تعبت من كده لكن الحمد لله لقيت شغل بمرتب كويس وهبتدي فيه اول ما اخلص امتحانات، لكنه برضو رافض، بس انا خلاص اخدت قرار الشغل ومبقاش هاممني رأيه فيه، لاني مش هعطل حياتي ولا تكوين نفسي عشان عادات وتقاليد مليش ذنب بيها، وحاليًا علاقتي بيه كويسة شوية لكن مش خالية من التوتر والاضطراب، ومش عارف اعمل معاه ايه لاني مش عايز اعيقه وفي نفس الوقت مش عايز اطيعه طاعة عمياء على حساب نفسي ومستقبلي

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Avocado_26405 🇪🇬

منذ يوم واحد

شعور مرهق

عبّر عن شعورك بشكل مجهول

عيلتى عبارة عن علاقة مضطربة جدا محدش فيها عارف يتعامل وكله بيلوم التانى ودايما فى مشاكل . مبقتش عايزة أقرب من حد خالص يعنى ماما لما أنا كنت صغيرة كنت بحبها أوى ومازلت بس من بعيد لإنها بجد شبه جبتلى اكتئاب وكلامها سم وأنا كان كل اللى نفسى فيه اكون صحبتها بس دمرت حاجات كتير فىّ بجد وهى مش شخص وحش بس هى بتعمل فىّ اى حاجة بتتعمل فيها ولاحظت ده كتير وحاولت اصلحه بس معرفتش. بابا عمرى ما كنت قريبة منه وكنت بخاف منه وانا وصغيرة ولإنه عصبى فكان بيتخانق مع ماما وبيزعق كتير ولما جت فترة اكتشفت انى بعيدة عنه اوى حاولت اقرب بس مستفدتش حاجة غير أنه بردو جرحنى وفى يوم اتعصب وضربنى بالألم على وشى. وبابا دمه خفيف وكده ولكل بيحبه بس عصبى اوى والحاجة التانية انه طول الوقت بسببه بحس بالذنب لانه دايما بيقول إن أنا مصاريفى كتير وأنا فعلا والله مش بطلب غير حاجات عادية مش فاهمة ليه بقى ذنبى فلوس المدرسة والدروس وزيت أو شامبو أو دفع فاتورة النت ؟!! ليه أنا السبب !!! الاوحش انى كنت بحرم نفسى كتير اوى بجد. وآخر حد أخويا الكبير من صغرنا واحنا بنلعب سوا بس كان اوقات بيتعصب ويضربنى المهم انى سامحته كتير بس فى مرة فتح حاجبى واتخيط وفكرت إنه خلاص هيندم بس بعدها اتخانقنا تانى وضربنى وبقالى فترة مش بكلمه وشبه قطعت علاقتى بيه . حاسة انى بجد خايفة اقرب من اى حد عشان بيأذونى نوعا ما . حاسة إن جدو واحشنى اوى لإنه الوحيد اللى كان بيفهمنى وبيدافع عنى دايما وبيخرجنى ويجبلى كل حاجه من غير ما اطلب كل ده وهو كان فى عز تعبه وبعد ما مات من وانا عندى سبع أو تمن سنين وفى فراغ كبير حاسة إنى لوحدى . المشكلة إنى الوقتى بقيت خايفة اقرب من اى حد سواء أصحاب أو انى احب حد فى المستقبل. بحاول اذاكر أو اعمل اى حاجه اتلهى فيها بس مش عارفه اركز فى اى حاجة حاسة انى مش كويسة أو فى حاجة مش قادرة احدد اى هى فاهمين ؟ حاسة بتشتت وضياع وكأنى بحاول انجو بس. والمصيبة إنى تالته ثانوى ومتأخرة اصلا فى المنهج . المشاكل العائلية والمادية بجد مدمرة .

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Watermelon_55151 🇪🇬

منذ يومين

شعور مرتبك

عبّر عن شعورك بشكل مجهول

لو انا في تانيه جامعه و  حبيت بنت اوي و اتعرفت عليها و ارتبطت بيها و كانت نيتي معاها كل خير والله و كان نفسي اني اتجوزها و عايز ابقا معاها بجد عارف ان لو انا فعلا عايز دا مش المفروض ابقا معاها و اخليها تخون ثقه اهلها معايا بس انا مقدرتش مصارحهاش ب دا و ارتبطنا و قعدنا مع بعض فتره كويسه حوالي ١٠ او ١١ شهر كانو مختلفين جدا عن علاقه اي اتنين بيحبو بعض كنت دايما بحس ان انا الطرف اللي بيدي انا الطرف اللي بيحاول و انا الطرف اللي باقي عالعلاقه دي و هي لا عمري ما في مره اتاكدت معاها انها ١٠٠٪؜ بتحبني دايما كانت بتعمل حاجه تشككني في انها بتحبني كنت دايما بحس ان هي بتحب اللي بعملو عشانها و بتحب حبي ليها بس مبتحبنيش انا كشخص  كانت دايما بتقفلي عالغلطه و تبعد و بعدها بشويه ترجع تاني و تتاسف انها بعدت و مفهمتنيش و بعدها تبعد تاني لاسباب فعلا مش مبرر انها تبعد لان اللي بيننا مكانش قليل خالص
المهم احنا دلوقتي حصل بيننا مشكله و هي بعدت انا معترف اني غلطان بس هل فعلا الموضوع كان يستاهل ان هي تبعد ؟
القصه و ما فيها هي اننا كنا اخر فتره بقينا نمسك ايد بعض مع اننا مكناش متعودين على كدا و كان في بيننا حدود طول فتره ما كنا مع بعض لحد ما تمينا ١٠ شهور مع بعض و بعد ال ١٠ شهور كانت اول مره نمسك ايد بعض ( هي اللي عرضت الفكره ساعتها و هي اللي مدت ايدها ليا وانا وافقت رغم انو مكنتش مرتاح و مكنتش عايز دا دلوقتي بس كانت لحظه ضعف و عشان حبيتها فا مسكتها ) 
و يومها هي قالتلي ان هي اتبسطت و الموضوع عجبها 
بعدها باسبوع كنت مع بعض برضو فا انا قولتلها ممكن امسك ايدك تاني (رغم انو دي في الاول خالص عمرها ما كانت نيتي و مكنتش عايز اوصل لدا بس عشان الموضوع حصل اول مره منها فا انا حبيتو و كنت عايز اكررو و ضعفت تاني ) وافقت و ادتهاني و مسكتها تاني
بعدها باسبوع كنا مع بعض برضو و كنت ساعتها عايز امسك ايدها برضو و هي وقتها كانت مبسوطه يعني معايا واحنا قاعدين و كانت عماله تحب فيا و انو هي مبسوطه في علاقتنا و حابه موضوع اننا نمسك ايد بعض دا و اننا كدا بنقرب  يعني فا انا وقتها حاولت امسك ايدها لقيتها بعدتها و قالتلي مش عايزه امسكها فا انا قولتلها ليه قالتلي مش عايزه و خلاص قعدت ساعتها اتاسفلها كتير جدا اني عملت كدا و انو مكانش قصدي اعملها فجاه كدا و هي كانت شايفه اني كان لازم استاذن قبل ما اعمل حاجه زي كدا رغم انو مش دي اول مره نعملها فا انا حسيت انو خلاص الموضوع بقا عادي فا اخدت انا الخطوه دي و حاولت امسكها منغير ما اسال لان برضو كان كلامها وقتها محسسني ان هي مستنيه امسكها و يارتني ما عملتو لاني ندمت بعدها و قعدت اتاسفلها كتير و افهمها اني كنت فاكرها حابه الموضوع زي ما انا حابو و انها مكانتش هتعترض 
هي بقا فاكره انو انا عملت دا من نيه الغصب و اني معاها عشان بس اعملو و اني محبتهاش و كنت معاها دا كلو عشان اوصل لكدا رغم انو اللي بدا اول مره خالص فكره دي دي و اللي اخد اول خطوه كانت هي وانا لو هي مكانتش خدت الخطوه دي انا مكنتش هاخدها لاني عارف اني لو عملتها مره هعوز اعملها تاني وانا مش عايز اوصل لدا لاني حبيتها بجد و عايزها في الحلال
فا هي مكانتش عايزه تصدق اني بجد حبيتها و اني عملت دا من نيه اني عايز اعمل حاجه هي حباها و انا كمان حاببها و بتبسطنا احنا الاتنين مكانش خالص في نيتي اني اخوفها مني و اني بعمل دا غصب عنها 
و كانت مقتنعه اني عملت دا منغير ما افكر في رايها و هل هي عايزه ولا لا و كانت عايزاني استاذن الاول قبل ما اعملو بس انا كان في دماغي انها موافقه و مستنيه اعملو عشان كدا عملتو منغير ما اسالها

انا عارف ان العلاقه من اولها غلط في غلط بس انا عايز اعرف هل فعلا كان الموضوع يستاهل ان هي تبعد ( الموضوع كان فعلا عباره عن اني حاولت امسك ايدها بس مفيش اي حاجه اكتر من كدا مقربتش ولا حاولت اني اعمل اي حاجه تاني هو بس حاولت امسك ايدها و لما بعدتها انا كمان بعدت و بينتلها اني ندمت اني عملت كدا و مش هكررها تاني و اتاسفتلها كتير )

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Cherry_86319 🇪🇬

منذ يومين

شعور خجول

صباح الخير مرتبطين مش ارتباط رسمي لسه وعيد ميلاده هو الاول جوايا نفسي اجيب له الكون كله لكن حاسة عيب وهتفهم مدلوقة اعمل مش واخده بالي ولا اجيب ازازة برفان حلوة ولا ازود مش عايزه ابان بشكل مبالغ فيه او طرف مبادر حد فاهمني؟

Donut_81901 🇪🇬

مشاعر متلخبطه بعد الطلاق.. عاوزه يحس بقيمتي

بعد الطلاق مبسوطه ومش مبسوطه مشاعر كتير متلخبطه ده مش معناه اني عاوزة ارجع بس يرده عاوزاه يحس بقيمتي وبكل اللي كنت بعمله علشانه بس عاوزة احب واتحب حاسه انه مستحيل وانا معايا ولاد لو كلمت حد يبقي كلامه كله خارج او بيفكر ان المطلقه فريسه سهله معيطتش في حضن حد علي عمري اللي عدى رغم اني كنت باينه قويه بس كنت محتاجه انهار بس ملقتش حد ممكن اعمل كده في حضنه ناس كانت فاكرة اني لو عيطت ابقي ندمانه وده صعب يتندم عليه بس عمري اللي عدى وسنين راحت كنت محتاجه انفصل بدري الاقي فرصه جديدة اعيش في حب وراحه وامان كتير بسال نفسي هي خلاص حياتي وقفت كده وحزعل لو عرفت انه اتجوز وخابفه العمر يجري اكتر فرص كل حاجه راحت شغل وحب وجواز كتبر بسال نفسي هو انا كان المفروض اتحمل علشان البديل مش حلو ولا انا كده صح وفي حاجه تهدى من وجع قلبي يمكن علشان كتمت الوجع وعملت نفسي جدعه حاسه انه بيطلع عليا ...عرض المزيد

3 الدعم

29 نصيحة

Pear_51536 🇪🇬

زعلانه علي نفسي وبتمني زوج صالح يطبطب عليا

زعلانه علي نفسي اوي حرفيا قلبي زعلان بتمني حاجات كتير و حاجات اصلا طبيعيه ولا حاجه بتحصل منهم نفسي اكون بيت و اسره هاديه و جميله نفسي ف زوج صالح بجد يكون عوض ليا انا اتحرمت من بابا .. نفسي ف زوج يخاف عليا و يحبني و يموت فيا انا انا وبس و يملي عيني حرفيا محتاجه زوج صالح بتمني كده من وانا صغيره و تعبت انا 27 سنه و نفسي ف حد يطبط عليا .. ادعولي من قلبكوا و لكم المثل لان نفسيتي زي الزفت بسبب كده... و انا مش كاتبه كده عشان حد يدخل يتقدم ادعولي بس من قلبكوا ...عرض المزيد

8 الدعم

24 نصيحة

Marshmallow_69067 🇪🇬

مش بحب عيد ميلادي.. كل سنة وانا طيبة

انا مبحبش يوم عيد ميلادى بس هو النهاردة ١٥/١١ قولولى كل سنة وانتى طيبة😅😅.. كل عيد ميلاد ليا بقفل اكونتاتى عشان محدش يعملى بوست عملت كل حاجة عشان أختفى من أذهان كل الناس الى حوليا تعمدت دا .. بس النهاردة بحاول اتفاءل شوية عيد الميلاد بالنسبالى شئ حزين مش مفرح لان كل سنة الإنسان بيكبرها بتقربه من الموت .. سنين كتير عدت من غير م نحس بيها.. لما بتعدي علينا ذكري ميلاد حد بنحبه بس هو مش موجود او مات بنحس مشاعر مش لطيفة.. بستشعر ان كل الذكريات حزينة حتى الذكرى المفرحة لما بنفتكرها بعد وقت طويل بنفتكرها بحزن لاننا بنحس انها مش هتتكرر.. ديما الأيام واللحظات الحلوة بتكون ف الماضي كل م بنكبر الحياة بتبقى أصعب و إستقبالنا لأى شئ مفرح بيبقى بحماسة أقل.. بس مش يمكن الانسان محتاج يعيش الوقت زى م هو وخلاص كدا كدا أيام محسوبة علينا.. أتمنا الايام الجاية تكون شيلالنا أفراح كتير وجبر من ربنا أتمنى خلال السنة دى ربنا يحققلى كل الاحلام والدعوات الى متحققتس ف عمري كله وانا مش رابطة الموضوع بعيد ميلادى هو مش مولد السيد البدوى 😂😂 هو مجرد انى بحاول اتفاءل ...عرض المزيد

5 الدعم

23 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع