علاقة الأم والبنت

Popcorn_74680 🇪🇬

منذ شهر واحد

شعور ضائع

انا مش عارفة انا مزوداها ولا ليا حق اللي هحكيه مش معناه اني حاسة ان امي مش بتحبني انا امي بتحبني و انا عارفة بس هو موقف امي بتعمله كذا مرة و بيضايقني انا عايشة انا و امي ف شقة لوحدنا و اخويا و مراته عايشين ف نفس العمارة بس الفكرة ان مراته من النوع الاجتماعي اوي و انا هادية فلما نكون انا و هي ف نفس ا

Sugar_49832 🇪🇬

منذ شهرين

شعور مرهق

Nutella_13726 🇮🇶 اغلب الناس يعانون نفس المشكلة بس لازم نفكر من وجهة نظر ثانية انو امهاتنا مو ملائكة ومو معصومين ولا يمكن ان يكونوا محقين دوما لم ينجبوا قبلنا الف طفل كي يتعلموا كانت تجربتهم الأولى معنا لم يذهبوا اطباء تفسييين كي يتعاملوا معنا او يبحثوا في الغوغل او في الذكاء الاصطناعي لقد كانو على نيتهم لم يكونوا متدربين ولكن الأهم في قلوبهم حب كبير لنا لو خيروا بين انفسهم وبيننا سيختاروننا

عرض الكل 7 نصيحة

عبّر عن شعورك بشكل مجهول

اكبر اضطراب كان ومازال فى حياتى كان بسبب امى 
امى هى اللى قالتلى انى طيبة ...وهى اللى قالتلى انا اجيبك تحت رجلى لو معجبتنيش 
امى قالتلى انى حلوة ...وهى بردو اللى علقت على وزنى لما واد شوية ولما ظهرلى حبوب فى فترة 
امى قالتلى انى حضنى حلو لما نامت جنبى .....وهى بردو اللى قالتلى عنك ما ارتحتى المهم انا اكون مرتاحة 
امى جابتلى هدوم غالية ....وبردو هى اللى فى تفس اليوم كانت بتقولى انى مش بقدر اللى هى بتعملن ولا انها بتحرم نفسها عشانى وان مفيش حد بيلبس زيى ولا ام بتعمل اللى هى بتعمله عشانى
امى هى اللى اخدتنى للدكتور لما حسيت انى ممكن يكون عندى ورم برغم انه كان مجرد شك ...وهى بردو اللى شافتنى بنهار قدامها مفكرتش تطبطب عليا 
امى هى اللى دعت علياا لما عصبتها ...وهى اللى دعتلى لما عملت حاجة بسطتها 
امى هى اللى زعقتلى لما حست انى بفرض نفسى على حد برغم انى كنت طفلة وقالتلى خلى عندك كرامة ... وهى بردو اللى نزلت بالقلم على وشى لما اتعصبت 
امى هى اللى كانت بتبعد ابى عنى لو زعقلى او دايقنى ...وهى بردو اللى ضربها ليا والخرطوم علموا على جسمى ايام 
امى هى اللى قالتلى وزعقتلى عشان مش بقعد معاهم ومبقتش اخرج من اوضتى كتير ... وهى بردو اللى صدتنى الف مرة لما كنت ارجع من المدرسة عايزة احكيلها اليوم كله وتقولى مش وقته ولما تفضى تندهلى عشان اتكلم بس بيكون الحماس واللهقة دول خلصوا خلاص
امى هى اللى مش بيعدى نص ساعة غير وهى بتصرخ فى وشنا مليون مرة ...وهى بردو اللى اعترضت لما نبرة صوتى بدات تعلى غصب عنى    
امى فضلت تقولى الف مرة ابطل اسمع اغانى وانتظم فى الصلاة ....بس لما طلبت منها انى البس شرعى رفضت وقعدت تعددلى فى ذنوبى 
امى ضحت لما اتطلقت ورجعت عشانى ..بس كسرتنى كتييير
امى هى اللى قعدت تشتكيلى من ابى ومن جموده او قسوته عليها ...وهى بردو اللى كانت بتطالبنى انى اكون بحبه فى وقت صورته فى عينى كانت مشوهه فعلا  
امى هى اللى لما قعدت معاها وبعتلها فيديوهات لشيوخ واحاديث بتحرم الضرب والاهانة لولادها ردت وقالتلى وربنا امرك تطيعى امك حتى لو كافرة .
انا والله ما بكره امى ومسامحاها عاادى ..بس مش قاادرة احبها ،مش قاادرة اخاف عليها 
مسامحاها لانى مش ملاك واكيد قصرت فى حقها كتير ونسامحاها لانى عمرى ما اتمنى اقف معاها قدام ربنا ويكون ليا حق عندهاا .
متصعبوش البرر على ولادكم ياا جماعة ...راعوا انكم بتتعاملوا مع بشر زيكم وعندهم قلب وكرامة واحساس ، مش هتضرب وتشتم وتهين وتطلع رااهب ما هو بيتعلم منك ،ولا تنتظر منه انه يسكت ويسمع وخلاص ما هو مش صخر .
راعوا ان ولادكم عندهم ضغوط زيكم واكتر بس بالنسبة لسنهم وانتو متعرفوش عنها حاجة ، راعوا انهم كمان فى اوقات بيتعصبوا ويحسوا ونكم بتستفزوهم بالرفض او بالعقاب 
راعوا انهم بيخافوا ويحتاجوا يتطمنوا ،
كلكم راعٍ وكلكم مسؤول 
ربنا يهدينى واياكم ويقدرنا نكون خير آباء وامهات لولادنا اللهم امين 🌿🤍❤️‍🩹

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Potato_31970 🇪🇬

منذ شهرين

شعور غاضب

ليه دايما كل الامهات مش بتتقبل زعلنا وتقعد تتريق... هل ده عادي وبيحصل مع كله ولا انا بس؟! بقيت لو حاجه دايقيتني اتجنب اني اعيط قدامها عشان متتريقش عليا وحاجه تانيه برضو ليه دايما بيقللوا مننا ادام الناس دي مبتعرفش تعمل حاجه دي طول اليوم قاعده ملهاش لازمه ولو مثلا كنت بعمل حاجه وباظت تقعد تحك

Tofu_73508 🇪🇬

منذ 3 أشهر

شعور متوتر

هو طبيعي لما يكون وزني ٥٥ و طولي ١٦٠ و ماما كل ماتشوفني تقولي خسي شوية مع ان هي عارفه كويس اني مش باكل كتير و يادوب هي وجبه الفطار و الغدا يعني انا من زمان ماليش اكله خالص ومش اكيلة ابدا ابتديت اتضايق اوي منها مش عارفه ليه بتقولي كدا مع اني جسمي مش تخين خالص هو بس عندي بطن خفيفه بسببها بقيت داخله عل

Cherry_62712 🇪🇬 حبيبتي وزنك حلو جداا ومليون بنت يتمنو يوصلو لوزنك ده لو علي مامتك فا الامهات كلها كده متخديش كلمها علي قلبك غير الكلام الصح وبس السلبي كأنك مسمعتوش وانتي كده كده سكر في كل حلاتك ♥🥺

عرض الكل 6 نصيحة

Marshmallow_69067 🇪🇬

منذ 4 أشهر

شعور مكسور القلب

عايزة احكى حاجة مش بعرف اتكلم فيها بحد وانا مش بدور على حلول انا عايزة بس أطلع الى جوايا وأتكلم بصوت عالى من غير ما أحش بالذنب او انى وحشة .. انا بنت عندى ٣٠ سنة بابا حبيبي توفي من ٤ سنين ونص مات صغير وكلنا حالنا اتشقلب مش مستوعبين ايه الى بيحصل كل الناس الى كان حولينا وبابا موجود اختفت لدرجة ان ليل

عبّر عن شعورك بشكل مجهول

عايزة احكى حاجة مش بعرف اتكلم فيها بحد وانا مش بدور على حلول انا عايزة بس أطلع الى جوايا وأتكلم بصوت عالى من غير ما أحش بالذنب او انى وحشة
..
انا بنت عندى ٣٠ سنة بابا حبيبي توفي من ٤ سنين ونص مات صغير وكلنا حالنا اتشقلب مش مستوعبين ايه الى بيحصل كل الناس الى كان حولينا وبابا موجود اختفت لدرجة ان ليلة موت بابا احنا الى طلبنا اكل جاهز من برا عشان الناس الى هتيجي محدش فكر يعملنا حاجة رغم ان بابا خيرة كان على الكل..

المهم ان بعد موت بابا انا وماما بقينا لوحدنا عندى اخت اصغر بس بتدرس في محافدة تانية فالحياة صفصفت عليا انا وماما .. ماما مش كبيرة اوي بس هي بعد موت بابا بقت مطفية تايهة لحد دلوقتي مش عارفة تعيش بشكل طبيعي لحد دلوقتي بتعيط على بابا ..

بقيت بحس انها بنتى مش امى وبحاول اريحها واعملها كل الى هي محتاجاة وهى مبقتش بتعرف تقعد من غيري لدرجة انى لو روحت اعمل حاجة تفضل تاني عليا ولو كانت نايمة وصحيت ملقتنيش تقوم مخضوضة..

انا بحاول محسسهاش بأى حاجة تضايقها بس ساعات كتير طاقتي بتخلص وبقعد اعيط من غير ماتاخد بالها شعوري اننا بقينا لوحدنا بابا كان مالى علينا الدنيا ومكانش مخلينا محتاجين وجود حد .. الدنيا بقت فاضية من بعدة فانا بقيت حاسة انى حياتي بتدور حوالين ماما مع ان فيه ناس بيقولولى سيبيها تعتمد على نفسها ولازم تعيشي حياتك بس انا مقدرش اعمل كدا مش فطرة واجب قلبي مش هيطاوعني اعمل كدا هي ملهاش حد غيري ..

ساعات كتير ماما بتتعب وبتدخل عمليات او تحتاج تعلق محاليل فبكون انا وهي لوحدنا بتقعد تعيط ان لا خال ولا عم ولا فيه راجل في العيلة مهتم بانه يسأل علينا بعد بابا رغم اننا مش محتاجين منهم الا السؤال وبتقعد تعيط بسبب اخوها انه مبيسألش عليها وتقولى انا عملتلوا ايه انا بضايق وبقولها احنا مش محتاجين حد بس انا متفهمه مشاعرها لكن دا بيوتر الدنيا اكتر ..

وانا ساعات كتير طاقتي بتخلص وببقى بتعامل من غير روح لانى محتاجة حد يدعمنى نفسيا ومش بلاقي دا وماما اصلا مش في الدنيا زلو حاولت افضفض معاها بتقعد تعيط وتتعب لانى بصعب عليها وهي بتحس انها السبب فبسكت وبقول مش هقولها حاجة ..

لكن ساعات بحس انى تعبت متعبتش مع ماما ربنا يبارك فيها لكن بحس انى تعبت بسبب انى مش عايشة سني بثا عليا واجبات كتير ومش عارفة اعيش حياتي كان عندي احلام كتير وحياة في خيالي كنت بحلم اعيشها لكن بقا صعب لانى مش هسيب امى لكن ساعات بحس انى منتهية بحد وجوايا فاضي وعايزة اصرخ وساعات ماما بتعتقد انى بقيت مستتقلاها مش بعرف اشرح ليها شعورى فبقعد احضنها واضحكها وانا جوايا تعبان ..

ساعات بقعد بالليل لوحدى اقعد اطبطب على نفسي واحط راسي ع كتفي كأنه كتف حد تاني بقعد اطبطب علىوشي واقولى انتي جميلة بحاول احس بنفسي وادعمها لان مفيش بديل ..

حتى لما بيجي عريس بشيل الهم لان كل تفكيري بيكون في ماما غير ان اصلا زي م قولت ولا خال ولاعم فبكون شايلة هم مين هيقعد معاة خصوصا انهم مش مهتمين ..

ماما اجتماعية جدا وعندها اصحاب كتير والناس بتحبها لكن بالنسبالها دا مش معوضها ان اخوها مش مهتم بيها رغم ان بابا ساترنا بعد الله ومش محتاجين حاجة من حد هي فكرة ان يبقى معانا راجل انا بحاول اعوضها عن دا بس انا شخصيا من جوايا بقيت حاسة اني بعمل حاجات بيعملها الرجالة عشان اخلى ماما متحسش انها محتاجة اخوها في حاجة مش فكرة شغل انا مش محتاجة اشتغل الحمد لله بس من نواحي تانية كتير ..

حتى لو فكرت اخرج بحس بالذنب اني سيباها لوحدها بخرج معاها ولما فكرت اخليها تخرج من البيت روحنا نتعلم علظ شرعي انا نزلت معاها عشانها بس كل الناس هناك كبار بحس انى بقيت عجوزة بتضايق منى لما ساعات مش ببقى عايزة اروح..

ساعات بقول يمكن دا نصيبي في الحياة بقعد اكلم ربنا كتير وبيلهمنى الصبر بس انا محتاجة احس انى بنوتة محتاجة احس انى ساندة على حد انا ممتنة لله انه ماددنى بالقوة الي تخليني منحتاجش لحد لكن انا مش تايزة اكون قوية انا عايزة اكون بنوتة وبس وفي نفس الوقت مقدرش اعيش حياتى واتخلى عن امي ساعات بتعب مش وحاشة والله بتبقي طاقتي خلصت لكن انا مبدلش امي بحاجة انا بروح بالليل بشويش اشوفها بتتنفس ولالا..

ساعات ساعات بتمنى ان كل دا يخلص وانى اموت انا وماما مع بعض وربنا يمن علينا بدخول الجنة ونتجمع مع بابا تانى نفسي وجعي ووجع امى ينتهى وشعورنا اننا لوحدنا يخلص وانه القصة تخلص بشكل مسيبش ماما فيه لانى عمري ما هكون سعيدة فبتمنى الموت لينا احنا الاتنين مش بشكل حزين لا عشان احزانا تنتهي...

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Watermelon_58109 🇪🇬

منذ 5 أشهر

شعور مرهق

الواحد من 2022 كدا وهو حاسس ان مفيش اي فرح مفيش حاجه فرحته لى ام ممكن تعامل بنتها بقسوه كدا بدون سبب بالعلم أن بنت على 3صبيان وبابا كويس واخواتى كويسين معايا لى ماما كدا بالعلم انى بحبها والله لى تاذينى بكلامها أما عرفت أن عندى تكيس مبايص قالتلى كلام اذانى اوى بتدعى عليا دائما بتقولى انت اصلا مش هتل

Sugar_57606 🇪🇬 هوا اولا الف سلامه عليكي ويارب يبعد عنك اي شر ثانيا دي معقده نفسيا لما تدعي علي بنتها كده او تشتمها وتهينها كده بصي متتعامليش معاهم خالص وخليكي في شغلك ولو مش متجوزه اشتغلي في محافظه تانيه واستقلي عنهم خالص لحد ما ربنا يرزقك بأبن الحلال اللي يصونك ويريحك من الهم دا 🥺❤️

عرض الكل 23 نصيحة

Biscuit_49230 🇩🇿

منذ سنة واحدة

شعور ضائع

لما كنت احكي انا وامي فقلتلها انو عماتي مفكرين انو انا رح اتزوج ابن خالتي قلتلها انا مااتزوج حدا من العيلة فوشها وصوتها تغيرو وانا هيك بحكي سكتت وماردت بحرف ،لما خطبتني عمتي لابنها ورفضنا كانت امي تقول انا مابزوج بنتي لحدا من العيلة وكل شي ولما بنحكي انا وياها فهاذ الموضوع كانت تقولي نفس الشي بس كما

Carrot_47651 🇯🇴 الموضوع مش رايي ولا راي غيري ولا راي اي حد غير رايك شريك حياتك هو قرارك مش قرار غيرك السوال الفعلي هو شو رأيك انت

عرض الكل 3 نصيحة

Strawberry_46613 🇪🇬

منذ سنة واحدة

شعور مكسور القلب

بالنسبة لأهل العلم اللي هنا لو أنا ماما بتحملني فوق وسعي وقلبها مش راضي عليه وبتدعي عليه بسبب إني مش عارفة اعمل اللي فوق وسعي ربنا هيستجيب وهيحاسبني عليه ولو ماما بتدمر سمعتي وبتحاول بشتي الطرق تبوظ علاقتي بكل الناس يعني مثلا عيلة بابا كل ما حد يتكلم عليه تيجي تقول لي علي طول وهو قال لي ايه وتقول لي

Sugar_45651 🇪🇬 والدتك نرجسية ادخلى على اليوتيوب وابحثي إزاي تتعاملي مع الام النرجسية .. ربنا يصلح حالك وييسر امرك ويسعدك ويعوضك الخير كله

عرض الكل 2 نصيحة

Coconut_34822 🇪🇬

منذ سنة واحدة

شعور آسف

السلام عليكم ورحمة الله وبركاته انا بنت وعندي 15سنه مامتي من نوع العصبيه جدا وبتشيل فوق تحملها كتير وهي في فتره مضغوطه فيها وانا تالته اعدادي ف عندي دروس ومذاكره كتير وبصراحه مش بفهم في شغل البيت اوي ومبعرفش اروق اللي هو الترويق الكبير اخري بغسل المواعين واكنس واروق الانتريه بس ف النهارده ماما كانت

Ice Cream_20764 🇪🇬 وعليكم السلام، سيبيها تهدي شويه وروحي اتكلمي معاها واتأسفيلها وبعد كدا اتعلمي لو هي م فالبيت اعملي الحاجات اللي المفروض تتعمل زي المواعين الغسيل ولو مفيش اكل شوفي ايه اللي تقدري تعمليه واعمليه ولو م هتعرفي خلاص سيبيه هي تعملو وانتي اعملي باقي الحاجات عشان لما تيجي تلاقي حاجات خفيفه اللي عليها وعشان تحس انك فعلا حاسه بيها ومقدره التعب والضغط اللي هي فيه وكل دا فميزان حسناتك ربنا يباركلكم فيها يارب💗

عرض الكل 6 نصيحة

Watermelon_36872 🇪🇬

منذ سنة واحدة

شعور مكسور القلب

ازاي اقدر اقرب من مامتي وتبقا صاحبتي برغم انها مش دايما مهتمه بيا ولا بحياتي ولما بحكيلها اي حاجه عن المدرسه اليوم الي بعديه بتنسى .. نفسي تبقا علاقتي بيها قويه بس مش حاسه انها فهماني ودايما لما باجي اقولها على حاجه بتطلعني انا الي غلطانه حتي لو انا مبحكيش عن نفسي بحكي عن صحابي مثلا وحد فيهم عامل ح

Coffee_34680 🇪🇬 بصي انا زيك كدا بالظبط بس اسوأ بمراحل بس ياتختاري صاحب كويس يا تكتبي مذكرا وتطلعي كل الي جواكي لاني حاولت كتير اوي وفضل الحال هو هو لان مامتك هي مامتك مش هتتغير الطبع بيغلب التطبع بس اهم حاجه اوعي شيطانك يخليكي تلجأي ولد بسبب قلة اهتمام اهلك ولا تخلي اي حد يخلكي تضعفي وطنشي لان التأثير هيكون بالسلب عليكي وكل متكبري كل مهتعاني اكتر

عرض الكل 3 نصيحة

Avocado_33697 🇪🇬

منذ سنة واحدة

شعور وحيد

متخانقة مع ماما بقالي اسبوع و اسوء اسبوع عدي عليا برجع من برا و بقعد في اوضتي باقي اليوم و مبنتكلمش انا و هي و بجد حاولت اصالحها و مقدرتش اكمل و سكت و فضلنا ساكتين اسبوع نفسي ماما تراضيني و نتصالح و نرجع نتكلم انا عارفة اني لازم انا اراضيها و اصالحها بس انا بجد نفسيا مش قادرة في فكرة الرفض و اننا م

Pineapple_21694 🇪🇬

منذ سنة واحدة

شعور محبط

ماما دايما مش فهماني بحاول معاها كتير جدا بحاول افهمها الدنيا بقت ماشيه ازاي و الموضه مثلا بحاول افهمها كل حاجه جديده بس بلاقيها دايما تقلل مني و متقتنعش ابدا اني صح غير بقي لو انا اقنعت خالتو مثلا اللي هي بتحبها هي بتحب كل اخواتها بس لو اقنعت مثلا خالتو اللي معانا ف موقف ما برأي تقتنع و تقولي مشاء

Avocado_13565 🇦🇪

منذ سنة واحدة

شعور Okay 😐

انا عايزة اطور من نفسي وانا صغيرة شوية بس عقلي سابق سني وعايزة اخترع حاجه تفيد الناس بس مامتي بتقول اني عايزة اعمل حاجه الناس تقول فلانة (انا) عملت وكده بس انا مش عاوزة كده وياريت لو حد عنده طريقه اطور بيها نفسي

Avocado_12869

منذ سنة واحدة

شعور Not great 😕

انا ساعات مش ببقى عارفه ماما بتحبني ولا لا يعني ساعات بتبقى نفسها تعملي كل حاجه نفسي فيها وساعات بتستخسر فيا الحاجه اللي كنت عايزاها وبرضو تقعد تقولي اي حاجه وحشه بتحصلي بتبقى انتي السبب مع اني والله ما بعمل حاجه فاهمين يعني انا مش عارفه ده عادي ولا انا اللي حساسه زياده ؟

Strawberry_11646

منذ سنة واحدة

شعور Okay 😐

مشكلة هبلة بس انا شعرى كيرلى و مامتى مش بتحب شكله عليا و لسه قايلة لى شكله وحش عليكى

Ice Cream_29289 🇪🇬

جوازي من مدرس ثانوي قديم وعلاقتنا بعيدة.. حياتي كئيبة

ازيكم ياشباب عاوزاه احكيلكم مشكلتي وياريت لو حد عنده حل انا عندي 22 سنه ومتخرجة ويشتغل الحمد لله وانا في تانيه ثانوي كنت بروح درس فيزياء عند مدرس نوعا ما صغير في السن بس هو كان طبعه شديد جدا كمدرس وكنت بخاف منه جدا وكنت مضطرة اروحله عشان هو يعرف اخويا ومامتي وكده ف كنت هتحرج اني مروحلهوش وفي نفس الوقت لو قولتلها في البيت على المبرر اللي مكنتش عاوزه اروح ليه مكنوش هيرضو اني اسيبه عشان هو ما شاء الله شاطر جدا كمدرس المهم تانيه وتالته ثانوي عدو بالعافية والحمد لله مبقتش يشوفه خالص عشان هو من منطقة واحنا من منطقه وبالنسبه لانه مدرس ومتجوز مش هيسال على طالبه عنده يعني المهم الفترة اللي كنت باخد معاه فيها كنت بحس فيه تناقض كبير في تعامله معايا ساعات يبقى بيتلكك عشان يضربني وساعات يبقى عارف اني مش مذاكرة وميرضاش يسالني ويسأل كل اللي حواليا الا انا وفي مرة والله العظيم سألني شفوي على سؤال في المنهج وجاولت فضل يسأل اسئله لحد م سال على معلومه والله مش في الكتاب ولا المذكرة هو كان قايلها معلومه عامة وانا مكتبتهاش وراه ف ده السؤال اللي غلط فيه وسط خمس أو ست اسئلة تقريبا وضربني وساعات من توتري يبقى عارف اني مش مذاكرة أو مش عامله الواجب وميرضاش يسالني المهم حمدت ربنا أن السنتين خلصو بالعافية ومن حوالي سنه كنت في عزا والد واحده صاحبتي في المنطقه اللي هو فيها ف اتقابلت مع البنات اللي كنت اعرفهم ساعة الثانويه وكده المهم بعد العزا اتمشينا شويه وجت سيرته ف قالولي ده ... طلق مراته ف بقولهم ليه قالولي أنه خلف ولد السنه اللي قبلها يعني في الفترة دي عنده سنه تقريبا وعنده ضمور في المخ وعلى طول بيكشف عليه وكده وطبعا عشان ظروف شغله مش بيعرف يروح يكشف عليه اغلب الوقت ف ديما مراته بتروح مع أمه أخته اي حد المهم أن مراته جت في مرة في أيام هو عليه فيها مراجعه وقالتله لازم تيجي معايا وهو مرضاش وحصل حوار وهما أطلقوا بسبب الموضوع ده هي اكيد كانت شايله من قبلها بس هي بتيجي على سبب تافهه كده المهم اني قولتلهم لو بيعاملها زي م بيعامل الطلاب وزي م كان بيعاملنا حقها تتطلق (هو عنده منها بنت عندها5 سنين وطفل اللي كان عنده ضمور واتفى من فترة ) المهم انا برده مليش علاقه بيه بعد الموضوع ده بفترة لقيته كلم اخويا أنه يتقدملي وكده مع اني مشفتهوش من ايام ثانوي يعني اربع سنين تقريبا المهم كنت خائفة عشان أسلوبه وطباعه الشديده جدا كنت خائفة يبقى كده في البيت بس اهلي اقنعوني أنه اكيد في البيت مش زي الدرس ومراته حاجة تانيه والحاجات دي كلها وانا اقتنعت وصليت استخارة وحسيت اني مرتاحه وطبعا الجواز تم بسرعه جدا قعدنا 5 شهور بس خطوبه ومعملناش فرح عشان ابنه كان متوفي قريب وكمان هو عمل فرح قبل كده وغير كل ده انا مش برتاح في الزحمه واني ابقى انا محط الأنظار والكلام ده كله ف وافقت أن ميبقاش في فرح بس طبعا في اشهار والكل كان عارف وكده اتجوزت ولسه حاسه ان في مسافة كبيرة جدا بينا البس واتشيك مش عشان العلاقة انا بحب اني ابقى بطبخ وملابسه لبس كويس يعجب جوزي ومفتوح وضيق وحاجات من دي وخاصة اني مش معايا عيل ولا حاجة وبخلص شغلي واجي وهو عشان السنتر بتاعه بيجي متأخر عني بكتير ف ببقى براحتي وانا بطبخ واروق الشقة وكده قصدي ببقى مش مستعجله يعني في أول الجواز حاجة دي دي جديده عليا اني اطبخ واروق وكده وفي نفس الوقت لابسه ومتشيكه وكل حاجة مظبوطه الاقيه بيجي ياكل ويعد يعمل شيتات وامتحانات والكلام ده انا ببقى نفسي في كلمه والله بس مش اكتر ومش هتاخد منه وقت ولا حاجة حتى بحسه مش بيبص مش مبهور زي م كنت مستنيه كأنه متعود على كده ف قولت اكيد عشان كان متجوز قبل كده وممكن يكون متعود على المنظر وكده يجي بعد م يخلص شغل في البيت أقوله عملت ايه انهارده يقولي هعمل ايه يعني شرحت مع أن ايام م كنت طالبه عنده كان في كل مجموعه مشكله وحوار بيحصل بس مبقولش اي حاجة في واحد صاحبه مدرس كنت باخد عنده برده كيميا اتفاجئت أنهم قاطعوا بعض من فترة عرفت من واحده صاحبتي واضافت جدا أنه محكاليش ولا جاب سيرة الموضوع حاسه علاقتنا بعيده جدا حتى هو مش بيسال بيسيبلي فلوس الصبح وانا بروح شغلي واجيب حاجة البيت واجي اعمل الاكل واروق وناكل ويعد كل واحد في حته مضايقة بجد من العلاقة دي وعشان هو تعبان ف بينما بدري طبعا وبيصحى الفجر يعد بقى مش بينام ف أقوله مبتصحنيش نعد مع بعض شويه ليه يقولي عادي بنته بتيجي عندنا يوم ويوم تعد شويه بعد شغله والله العظيم بعاملها كويس جدا ك معامله واكل وشرب وهدايا والكلام ده كله بس هي واخده طباع ابوها كلها تعد تقوله دي وحشه وماما احلى يقولها ماشي وعادي والكلام ده كله مع اني في الملامح والجسم احلى من طليقته بس هو اصلا مش بيحب حد ولا ببعجبه حد سواء انا أو طليقته وشاكه اصلا أنه كان عايش نفس العيشه دي مع طليقته وده سبب الطلاق بس هي استحملت خمس سنين انا مبقتش قادرة حاسه اني جايه اخدمه وأشوف طلباته وخلاص انا في بيت ابويا كنت باجي من شغلي انام واصحى اكل واعد بجد مش دي الحياه اللي كنت عاوزاها خالص كنت عاوزه حد يبقى حنين عليا وبيحبني ويسمعني كنت عاوزه اختار بيتي لنفسي مش اروح اشوف بيته اللي كان عايش فيه مع مراته كنت عاوزه لما بنته تقوله دي وحشه يقول في حقي كلمه حلوة اكتر سبب خلاني اوافق عليه أنه لما جه اتقدم بعد اربع سنين مشافنيش ولا يعرف عني حاجة وكمان علاقته باخويا مش صحاب هما ممكن يتقابلو مرة كل سنه مثلا عشان طبعا احنا في منطقه وهو في منطقه المهم اني قولت اكيد كان معجب بيا مثلا ف لما طلق جالي وكنت متخيلة بقى اني هشوف تعويض عن أي حاجة بايخة حصلت ايام ثانوي كمان ساعات لما النقاش يتحد بينا على اي حاجة بشوفه المستر اللي كنت بروح عنده درس تلاقيه بيزعق بطريقة تخوف واحسه هيضربني بصراحة ف بخلص الموضوع وبعتزر كمان بس ببقى مضايقة اوي واحس اني مكسورة حياتي بجد كئيبه اوي ومفيش خروج ومفيش جواز اصلا وفي نفس الوقت خايفة أطلق بعد سنه واحده بس جواز وأقل كمان وحاولت معاه كتييير أنه يتكلم معايا بس بس هو الاجابه أقل من السؤال بكتير وسالت أخته بطريقة مش مباشرة قالتلي هو كده ومش بيحكي حاجة لو انتو مكاني هتعملو ايه وياريت راجل يقولي سبب معاملته دي ايه بس محدش يقول إنه بيحب طليقته عشان هو اصلا مبعرفش يحب هو كل حياته جد كده كنت هسال طليقته صحيح قبل م اتجوز عن سبب الطلاق والسبب اللي خلاها تطلق على سبب فارغ بس كان ابنها لسه متوفي ف مرضتش اسالها ...عرض المزيد

2 الدعم

15 نصيحة

Candle_73846 🇪🇬

مش نازله مع صحابي هروح اعمل بشاميل واقعد

اوكي مش هنزل مع صحابي 😃هيضربوني بس مش نازله هروح اعمل بشاميل واقعد زي الشاطره وبس تعالو نكدب كدبه وحده بتتمنو تبقي حقيقه انا اخدت حزمه شياو البنت الي نازله ف فري فاير ااااااااااااااااااااااااااااااااااااااااااااااااااااااااااااااااااااا ...عرض المزيد

2 الدعم

13 نصيحة

Strawberry_77918 🇪🇬

عايزة أتعلم عن الإسلام بالتفصيل من كل ناحية

لو حد عايز يتعلم عن الاسلام بالتفصيل من كل ناحيه و يعرف كل حاجه في الدين زى دراسه مش مجرد معرفه و خلاص ايه الكتب أو الفيديوز مثلا بلايليست على اليوتيوب ترشحولى انى اشوفها محدش يدخل يسألنى انا كام سنه و عايزة اعرف ليه و بدرس ايه لان دا ميخصكش في حاجه اللى عنده اقتراحات او نظام معين امشي عليه هكون شاكرة ليه جدا بدون الدخول في تفاصيل شخصيه ...عرض المزيد

2 الدعم

13 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع