علاقة حرام

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

عبّر عن شعورك بشكل مجهول

انا من فتره حوالي شهرين  اكتشفت ان اختي بتكلم ولد ، هي تعرفه من شغلها و لقيت ما بينهم شات واضح انها مرتبطة بيه ، وقتها انا صارحتها و كلمتها كتير اوي مره بالهداوة و مره بالدين و مره بالخناق و هي مفيش فايدة ، ف قلت لامي و امي شخصيتها ضعيفه شويه ف معملتش حاجة اوي بس وصلنا ف الاخر اني كلمته و هزقته و عمتله بلوك من تيليفونها ، بس كان باين انها مش مقتنعه انها عملت حاجة غلط اصلا ، المهم عدي علي الموضوع اكتر من شهرين و نسينا و مقلتش لحد عنه علشان استر عليها و هي اختي بردوا و الكلام دا ، بس انهاردة كنت راجعة من امتحان و نمت من كتر التعب و لسه صاحيه و هي متعرفش اني صحيت يعني و سمعتها ف البلكونه بتكلم حد بصيغة المذكر و بتتضحك معاه و كلام يقرف يعني 
ف انا مش عارفة بصراحة اعمل ايه ، اسيبها ف حالها طلاما نصحتها و مليش دعوة انا عملت الي عليا؟
و لا اكلمها تاني و نتخانق تاني(بس المشكله انها مش شايفة ان دي حاجة غلط او حرام اصلا و بتبجح)؟
انا فكرت اقول لحد من خالاني علشان ابونا متوفي  بس المشكله ان خالي الاول لو عرف هيق/تل/ها ، حرفيا يعني هي/قت/لها و هيكون ذنبها ف رقبتي اني قولتلوا ، و خالي التاني هيضربها و يزعق و هي بعد كدا هتكرهني هي و امي و انا هدخل ف حوارات انا مش فاضيالها اصلا ،  و بصراحة مش عارفة اعمل ايه و بجد بقيت بتقرف منها بطريقة غريبه و مش بكون عايزة اتكلم معاها

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Coffee_89560 🇪🇬

منذ يوم واحد

شعور ضائع

هو اتفقنا منتكلمش. عشان حرام ولسه معداش يوم بس ووحشتني كنا خدنا القرار من فتره بس كنا بنتكلم على مدار اليوم بحكم اننا مه بعض في الدروس وبتحصل مواقف هيا حرفيا وحشتني اوي ومش عارف هستنى الفتره دي ازاي

Lemon_89458 🇪🇬

منذ 6 أيام

شعور ضائع

ازيكو حاسه اني م مسامحه نفسي و قرفت من نفسي ليه علشان و انا ف تالته ثانوي للأسف دخلت ريليشن مع شخص و هو كان أول شخص فعلا اكلمه بس انا كلمته لما كان عليا ضغط و كده ف بعدين فوقت و بعدت عنه علشان حرام و بعد م بعدت عنه اكتشفت انو انا اتعلقت بيه بس كنت بعيده عنه علشان حرام ف هو جيه كلمني تاني و كلمته مع

Marshmallow_89460 🇪🇬 اغلبنا بيجي عليه وقت وبيبقا محتاج حد في حياته يكون معاه وانتي ضعفتي مش اكتر وحابه انو دا عادي خالص ولله والاغلب بيحصل كدا انتي بس الشخص دا كان توكسيك ومتلاعب ف انتي كنتي متعلقة بيه وخايفه ف نفس الوقت لكن انسيه خلاص وفكري ف نفسك ومتحطيش موضوع انك غلطانه غلط كبير ولا صغير عادي بتحصل والمهم انك اتعلمتي وعرفتي تفرقي ما بين الشخص اللي بيحبك بجد والشخص المؤذي والمتلاعب بيبقا عامل ازاي امكن دا درس ليكي

عرض الكل 5 نصيحة

Strawberry_56845 🇪🇬

منذ 6 أيام

شعور مستنزف

هنزل البوست تاني و ازود عليه علشان وقتها تقريبا كان كل البنات قافلين فمفيش حد قالي حاجة انا معرفش انا ممكن انزل البوست ده علي كام مرة عموما بس تقريبا كتير كل شوية لما اعوز اكتب حاجة هعمل بوست جديد بس بلاش كلام بطريقة مش كويسة مش ده الصح اه مهم تنصوا الناس و الامر بالمعروف و النهي عن المنكر لكن بطري

عبّر عن شعورك بشكل مجهول

هنزل البوست تاني و ازود عليه علشان وقتها تقريبا كان كل البنات قافلين فمفيش حد قالي حاجة

انا معرفش انا ممكن انزل البوست ده علي كام مرة عموما بس تقريبا كتير كل شوية لما اعوز اكتب حاجة هعمل بوست جديد بس بلاش كلام بطريقة مش كويسة مش ده الصح اه مهم تنصوا الناس و الامر بالمعروف و النهي عن المنكر لكن بطريقة لطيفة مش منفرة و ياريت اللي يردوا يكونوا بنات بس حرفيا بس ولا اي ولد خالص

انا شوفت حاجة و هي فعلا حصلت معايا كذا مرة لكن للاسف مش بتعلم من غلطي قمة في الغباء ربنا يهدينا يارب و هديكم نصيحة مهمة جدا بجد والله بلاش لما تشوفوا حد بيعمل حاجة غلط تترقوا او تحتقروه مهما كانت ايه المعصية ديه حتي لو حاجة بسيطة جدا او كبيرة جدا لان فعلا ربنا ممكن يبتليك بيها الاحسن ادعوله ربنا يتوب عليه و احمدوا ربنا عليحالكم و انه يثبتكم
انا كنت بتريق علي اختي و هي كانت تعبانة و صوتها مش بيطلع حرفيا بيقطع كده ربنا ابتلاني و بقيت عادي و انا مش تعبانة فجأة صوتي يروح حرفيا الصوت ما يطلعش و اتريقت علي خط بابا بقي خطي وحش جدا بجد و للاسف كنت بشوف الناس اللي بترتبط و كده ان ده غلط جدا و حرام و للاسف وقعت في الموضوع ده و فعلا متضايقة جدا و مش عارفه ابعد و في نفس الوقت عايزة ابعد و مش عايزة لكن الاكيد اني فعلا مش عارفة حتي مع بعض الكلام الغلط اللي ممكن يتقال بردو مش عارفه و عارفه ان الكلام ده هيزيد بقيت بتخانق كتير علشان يبطل الكلام ده تقريبا كل كام يوم خناقة و بردو مش عارفه اعمل ايه و طول الوقت حاسة اني تايهة و متضايقة و مخنوقة و في نفس الوقت عايزة اكون معاه طول الوقت و نتكلم 
انا حتي مش قادرة اتأكد انا ممكن اكون بحبه ولا لا بس انا متعودة عليه اوي و محتاجاه في حياتي لاني بحس اني وحيدة و مليش حد طول الوقت صحابي يعتبر بعيدنا و الكلية بقالي فيها ديه ثالث سنة اهو و لسة مفيش عندي صحاب

حابة اتكلم عنه اكثر هو في رابعة يعني اكبر مني بسنة في الدراسة 
احنا اتعرفنا حرفيا في فترة بسيطة تقريبا كام يوم بس و اتعرفنا علي الواتس من جروب الدفعة يعني اتكلمنا مع بعض كذا مرة و كده و داخلين علي الشهر يعتبر بنتكلم كلام اللي هو بنتكلم مع بعض كلام عادي عن يومنا او مواقف قديمة و كده و كلامنا لا يخلوا من بحبك او حبيبتي و كده عارفة ان ده حرام و مش قصدي مجاهرة بالمعصية لكن ربنا يهدينا يارب لكن للاسف ساعات بيتكلم لما يكون متضايق او مخنوق او لما نيجي نقفل مع بعض او كده بيقولي هاتي ايدك او احضنه (كله خيال طبعا) و انا بقوله ان الكلام ده غلط و حرام بيقولي انا مش هلمسك في الحقيقة ولا هعمل حاجة انا بكون بس عايز احس انك جنبي بيقوله طب خلاص تخيل مع نفسك مش لازم تقولي و بردو مفيش فايدة و حتي لما اتقابلنا و اتكلمنا مع بعض اول مرة اتكلمنا حوالي ربع ساعة تقريبا و حتي مش بسلم بالايد ولا حاجة و المرة التانية كانت حوالي 40 دقيقة تقريبا و كان كلام عادي جدا عملت ايه في اليوم او كده من غير اي كلام تاني الحاجة الوحيدة و انا ماشية خالي بالك و مشيت بعدها بس. هو في العادي بجد بيساعدني اوي لما كنت بقوله مثلا عايزة اءاكر و كده ساعات ندخل ميتنج مع بعض و اعمل share screen و بيأخذ باله لما اسرح مثلا و افضل واقفة عن نفس السلايد بيأخذ باله و يقولي بتعملي ايه و لما كان في بروجيكت عندي صعب و مفيش حد بيطيقه و وحش اوي بجد و اللي بيعدي من المادة ديه حرفيا بيحمد ربنا و مش بيقرب منها تاني لكنه كان عنده وقتها كذا بروجيكت و تاسكات تتسلم و قضي نفسه مخصوص و عمله لان انا فعلا كنت مش عارفه اعمل سطر اه هو عمله مش كامل لكن بذل فيه مجهود كبير و فضي نفسه ليا و لما ببقي زعلانة او متضايقة منه بيقعد يصالحني مش عارفه اعمل ايه هو حلو و وحش و في نفس الوقت خايفة من ربنا عايزة ابعد و مش عايزة حتي لما في مرة ماما نزلت و نسيت اخذ فلوس قالي انت فين طيب لو رايحة الكلية هو معاه فلوس بس انا لاقيت معايا فلوس فقولتله خلاص و هو طول الوقت بيقولي انه بيحبني و كل ده و اني مراته و انه مش بيتكسف مني و ان حاجته حاجتي و لو عايزة حاجة اقولها لكن بقوله دايما لا انا مش مراتك ما ينفعش انه يقول كلام زي مثلا بتاع انه يمسك ايدي او يحضني و بقوله ان ده غلط جدا انه كمان هيزيد مع الوقت و انا مش عايزة كده بجد مش عارفه احنا خير لبعض ولا لا و هل هنكمل ولا لا و هل بنحب بعض فعلا ولا لا بس يارب لو خير لبعض ربنا يقربنا منه اكثر و يبعد عننا اي حاجة حرام و انه يخلص الكلية و يشتغل و يتقدملي يارب

مفيش عندي اي فكرة انا بنزل البوست ده ليه او مستنية ايه بس ادعولي و بجد بلاش تعملوا كده احمدوا ربنا دايما و بلاش تتريقوا او تسخروا او تحتقروا اي حد بيعمل حاحة غلط او حرام و ربنا يهدينا جميعا و يوفقنا

و ادعولي علشان الامتحانات و اي حد عنده امتحانات ربنا يوفقنا جميعا يارب و يكرمنا و يرزقنا من حيث لا نحتسب 🤲

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Watermelon_89170 🇪🇬

منذ أسبوع واحد

شعور متعب

مش عارفه ليه حاسة أن اللى بعملو ده غلط بس يلا بينا أنا عادية خالص عندى حياة عادية جدا الحمد لله المهم انا عندى شوية مشاكل ف العيلة بابا اتجوز تانى من سنتين تقريبا انا بحبو جدا وبحبو اكتر من امى كمان وانا شايفة انو من حقو يعمل كدة بس انا حاسة أن كل ده مش مأثر فيا أو يمكن مأثر بطريقة انا مش واخدة بالى

Avocado_88316 🇪🇬

منذ شهر واحد

شعور محبط

عبّر عن شعورك بشكل مجهول

بحب واحد وهو المفروض أنه كذلك من واحنا صغيرين و اتكلمنا بس ملحقناش و اتفقنا ان مش هنتكلم عشان حرام و كده و فعلا ده اللي حصل و بنتكلم كل فتره مرة و للعلم هو قدي في السن المهم ان دايما بيبقي الكلام و الاهتمام كله مني أنا لدرجة اني زهقت من ده و اوقات بندم اني كلمته اصلا و انه مبيقدرنيش و لما بعاتبه يقولي أنا مقصر معاكي بس بيفضل على نفس الحال مش بيتغير و للعلم انه مقاليش بحبك صريحة لحد دلوقتي رغم ان أول مره اتكلمنا كانت من 5 سنين لإنه بيقول انه حرام و مش عايز يقولها غير بعدين لما نتزوج وكده يعني لو لينا نصيب و هو فعلا كلمني علي خططه و عايز يعمل اي في المستقبل وكده و علي حسب كلامه ف هو شايفني معاه بعدين بس طريقته ف الكلام بجد بتضايقني لإنه مش مهتم و شايفة أن أنا بس اللي شايلة علاقتنا حتي لو هو عارف اني تعبانه واحنا بنتكلم مش بيتطمن عليا بعدها مثلا فبيحسسني اني حاجه مش مهمه بالنسبه ليه حاليا احنا ف أولي جامعه وهو كليته من اصعب الكليات حرفيا و مقدرة انه مشغول بس بحسه شايف كل حاجه أولوية ما عدا أنا صحابه و عيلته و مذاكرته هما تقريبا كل حاجه بالنسبة ليه وانا بيجيلي وقت ما يكون فاضي و الحوار فعلا مضايقني حتي بقيت اوقات احس اني بطلت أحبه او اني ببدأ ابقي معجبة بناس تانية بعدها بتضايق من نفسي واللي هو ازاي بتحبي واحد و معجبة بواحد تاني من الناحية التانيه معرفش بس تصرفاته بجد رخمه اوي

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Hazelnut_56218 🇪🇬

منذ شهر واحد

شعور مكسور القلب

انا بحضر في مدرسة اونلاين و جت بنت جديدة كانت رقيقة و صوتها ناعم وانا مش متعود علي كده، فحبيتها لا اراديا و بقيت انا و صاحبي نتكلم عنها انها بتاعتي و مرات اخوك و كده لحد نا سالتها عن واجب وهي سالتني عن واجب وبعدين سالتها عن اكونت الانستا بتاعها و كله تمام واذ اتفاجئ ان اخوها بعتلي وامها بعتتلي و بيق

Chocolate_52091 🇪🇬

منذ شهر واحد

شعور مكسور القلب

شباب انا واحد مصري عندي 14 سنة حبيت بنت من تونس عندها 18 سنة غصب عني البنت طيبة اوي بس مش عارف هي مدياني مهلة 7 سنين يعني يكون عندي 21 سنة واروح اتقدملها غير كدا هتروح لغيري وانا بحبها بس هي زي بتتجنبني عشان شايفة ان الموضوع حرام وانا بتألم حاليا بسببها اعمل اي ولو حد عندو شغل ليا او كدا ياريت يساعد

Strawberry_86734 🇪🇬

منذ شهر واحد

شعور مكسور القلب

Popcorn_83008 🇪🇬 خافي على قلبك بعد كدا وافهمي ان كل حاجة هتيجي مش لازم ناخد المتاح وخلاص

عرض الكل 3 نصيحة

عبّر عن شعورك بشكل مجهول

السلام عليكم انا اول مرة اكتب حاجه هنا عندي مشكله ماثرة علي نفسيني جدا انا واحده مدخلتش في اي ارتباط لا في المدرسه ولا الكليه وكنت بخاف اخسر ثقه بايا فيا وكنت فخورة بكده وبعد الكليه اتقدملي واحد  ووفقت عليه والدنيا كانت تمام و هو كان قبلها بشهر مرتبط بواحده  بقاله خمس سنين وكانوا ماشين في جواز بس حصل مشاكل ونفصلوا نهائيا و انا عشان هو اول شخص في حياتي كان جوايا نحيته مشاعر كتير جدا و كنت بخاف اخسرة هو بقي يستغل ده لو حصل مشكله بينا وهو الغلطان كنت بتصل انا كتير واتحايل عليه كنت بتحايل عليه في الأعياد و المناسبات عشان يجي يزوني كنت لو في اي حاجه في تجهزات الفرح هو مقصر فيها كنت انا بدفعها مكانه عشان يبقي قدام اهلي انه مهتم بيا كان ديما بيقارن معاملتي معه ب البنت التانيه دي كانت بتغير عليا بالطريقه الفلانيه دي كانت بتعاملني بالطريقه الفلانيه كنت بستحمل عشان مخسرهوش لاني اتعلقت بيه جدا و اتجوزنا و بعدين لقيت بنات كتيرة عنده كل مشكله تحصل ما بيتا بسببهم يقولي انا لو مسحتهم هخونك  وانهم عشرة عمره مش هيمسحهم  وديما كان بيهدني انه في مليون واحده مستني يشاورها بقيت استخدم انا كمان اسلوب التهديد واني هسيب البيت واني عايزة اطلق  برضوا كان بنسبه له عادي يروحي انا مش هرجع حد كنت بستحمل بقي يقارني بكل بنات اللي بيشوفها اللبس و الكلام حتي طريقه البنت في الصور وخصوصاً بعد الولادة  بقيت ديما بحس نفسي الوحد وبهتم بابني وبقي شاغل وقتي بقي شايف اني مش مهتمه بيه مع انه كان بيقول اني بخنقه لما بطلب منه يقاعد معايا شويه او نخرج معه انه ديما كان بيقولي انه كل اسبوع كان بيخرج مع البنت اللي مرتبط بيها وانا لما بطلب منه كده بيقولي تعبان  بقي ديما يا نايم يا بيلعب يا ماسك التليفون ده غير اي مشكله يبقي العيب فيها انا مش بعرف اتعامل مش بعرف احتوي كل اللوم عليا انا  
بقيت وحيده مش عارفه اعمل ايه كنت فاكرة اني لما  ابعد عن الحرام لما اتجوز هلقي الحب و الحنان و الهدوء في بيتي ونبقي اسرة جميله بس لقيت العكس مشاكل و حوارات ونكد وتعب بقيت بروح ل دكتورة نفسيه و مفيش تحسن كنت بنت هاديه بقيت بنت صوتها عالي وعصبيه و خايفه اطلق ابني لما يكبر يلمني اني اختارت رحتي عنه

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Strawberry_84392 🇪🇬

منذ شهرين

شعور مستنزف

موضوع:

خطأ وقعت فيه تتمنى غيرك يتفاداه

الارتباط إياكم والارتباط استنو الشخص المناسب اللي هيدخل البيت من بابه و اللي هيبقي شاريكي بجد متغضبوش ربنا و تتعبو نفسيتكم عشان حاجه حرام كل علاقه بدايتها لا ترضي الله نهايتها لن ولم ترضيك ف انتو فغنا عن كل العك ده حافظ علي قلبك ♥

Strawberry_81105 🇩🇿

منذ شهرين

شعور محبط

أولا قبل كل شيء ارحب بكم و شكرا على قراءتكم لقصتي أنا كنت مع تواصل مع شخص إلكترونيا من عام 2022 كنا اصدقاء اكثر من أحباء رغم أننى لم نتقابل وجه لوجه يوما الان المشكلة ان السيد قال لي انه له نية في خطبتي لكي يزال الحرام و ندخل في الحلال بإذن الله و لكن عندما صارح والديه أجابوا برفض بحجة انه لازال صغي

Blueberry_82557 🇩🇿 طبعا عيشي حياتك ولو هو يحبك غادي يجيك يعني انتي مديلو فرصة وفي نفس الوقت شوفي لفرص لاخرين باه ماتضيعيش روحك وهو مدام مازال يسمع لولديه ويدي رايهم في حياتو فراه صح مش مستعد يكون مسؤول على أسرة

عرض الكل 4 نصيحة

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Almond_71252 🇪🇬

منذ شهرين

شعور قلق

عبّر عن شعورك بشكل مجهول

انا عندي ١٨ سنة ، اتعرفت على بنت و اتكلمنا و ارتبطنا بقالنا اكتر من تلت سنين ، واحنا الاتنين كنا بنحب بعض و كنا متفقيين اني هخطبها ، بس قررنا اننا هنبطل كلام لحد ما الظروف تسمح بكدا عشان حرام و هي الي اقترحت كدا وانا وافقتها عشان ربنا يوفقنا و ميبقاش غضبان عننا لأنها فعلاً علاقة حرام وانا كنت عايز اخطبها و لسا عايز اخطبها لكن طبعاً ظروفي متسمحش دلوقتي خصوصاً ان والدي متوفي و الأمور صعبة شوية بس الحمدلله ، المهم بعد شهر من لما اتفقنا اننا منتكلمش كنت بطمن عليها ف العيد بقولها كل سنة وانتي طيبة قالتلي انا ماما عرفت كل حاجة ما بينا ، قالتلي ضغطت عليا وانا قلتلها كل حاجة و قالتلي متكلميهوش تاني ، طبعاً انا مكنتش فاهم حاجة و كنت عايزها توضح اكتر بس هي قالتلي مش قادرة اتكلم و سبتها على راحتها ، المهم هي كانت ساعات بتبعت ستريكات على سناب ، ف انا دخلت بالصدفة لقيتها شايلاني من عندها من ع السناب و كمان لقيتها عاملالي بلوك ع الانستا مع انها مكانتش عاملة اي حاجة من دول لمدة اربع شهور من ساعة حوار امها دا ، المهم بعتتلها على صراحة قلتلها اي البلوكات دي و هي شافت الرسالة و مردتش ، وانا من ساعتها وانا خايف تكون عرفت حد غيري او ان دا كله كان تمثيل عشان تخلع مني او عايزة تسيبني لأي سبب مع العلم ان علاقتنا كانت كويسة و مفيهاش اس حاجة قبل ما نبطل كلام .
انا لسا بحبها لحد دلوقتي و حرفياً مش بتروح من بالي و عايز اخطبها بس خايف بجد لو فعلاً هي مش عايزاني
انا حاسس اني مش هعرف الاقي حد زيها تاني ، لان انا اصلا مش عايز اعرف حد تاني ولا عايز اجرب اكلم اي بنت تانية ، هي كانت فهماني و زيي ف حاجات كتير ، و دلوقتي حاسس اني مليش هدف لأن هي كانت الهدف الي بيخليني اشتغل على نفسي عشان اعرف أوصللها بس دلوقتي انا حاسس بضياع و مش عارف اعمل اي ، خايف افضل شغال عشانها و متعشم فيها و بحبها و حاططها ف دماغي و حاطط املي عليها و في الآخر تتخطب لحد تاني . بجد في كلام كتير عايز اقوله بس معرفش أصلا مين هيقرأ كل دا

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Strawberry_72714 🇪🇬

منذ شهرين

شعور مرهق

عبّر عن شعورك بشكل مجهول

دائماً بقول لصحابي انه مش فارق معايا ولا هاممني وجوده زي عدمه بنسبالي بس انا في الحقيقة كدابة لو دققت في كلمة وجوده اه وجوده كان بيفرق جداً على الاقل كنت بحكي لحد يومي وانا مطمنه على الاقل كان شخص محترم على الاقل كنا بناخد قرارتنا سوا على الاقل كانت علاقتنا بيرفكت على الاقل كنا مش معرفين حد بعلاقتنا ودي كانت احسن حركة ممكن تتعمل على الاقل كنت باخد رأيه في كل حاجه على الاقل كنت بهزر وبيهزر معايا من غير ما نزعل من بعض او نتضايق على الاقل كنت واقفه معاه وفي وقت ما كان محتاجلي وهو كمان نفس الشيء على الاقل احترمني وعمره ما قلل مني ولا حتى شتمني او قال عني كلمه مش كويسه على الاقل مكنش عنده صحاب يتكلم معاهم عليا على الاقل دايما كنا متفاهمين مع بعض وخناقتنا كانت تافهه على الاقل مدخلش بيننا طرف تالت على الاقل كان دايما بينصحني بالصح ودايما كان خايف على مصلحتي ، هتسألوني طب طالما علاقتكم كانت كويسه للدرجادي ليه سيبتو بعض ؟؟
اولا سيبتو لان كان دايما مراودني شعور اني اللي بعمله حرام وغلط ولازم ابعد وطالما حبيتو من كل قلبي لازم استناه في الحلال كانت حركه اديها 10/10 كمان لانه معترضش علي دا حتى ساعتها لما سيبتو حاولت اكلمه تاني قالي احنا على اتفاقنا ومش هنكلم بعض تاني طول ما العلاقه حرام ، مبسوطه بس من جوايا خوف وقلق من المستقبل ليكون مش ليا ليكون مش هنبقى لبعض او حتى لو اتجوزت حد غيره مقدرش انساه جوايا خوف من حاجات كتير او حتى ما انساهوش وينساني عادي ويعيش حياته طبيعي كل دي حاجات بفكر فيها كل يوم مع انه قالي انه مش هينساني بس النفوس بتتغير مافيش حاجه بتفضل على حالها أنا سيبت الموضوع دا على ربنا وهو هيحلها إن شاء الله ربنا لو شايفه انه خير ليا هيحصل نصيب لو مش خير قدر الله وماشاء فعل وانا راضيه .

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Kiwi_87034 🇪🇬

ليه مش من حقي اتحب وأنا إنسانة محترمة؟

هو انا مش من حقي اني اتحب انا نفسي اتحب اوي نفسي احس بالامان بحس أنه كتير عليا ليه دايما بقع مع أشخاص مش كويسه انا محترمه جدااا ومش بحب التجاوز في الكلام ليه كله عايز كده انا من حقي احب واتحب حتي اهلي محبونيش للدرجه دي انا وحشه ...عرض المزيد

2 الدعم

24 نصيحة

Coffee_79063 🇪🇬

ملانة وعايزة اتكلم مع حد قبل ما أنام

ملانة وعايزة اتكلم مع اي حد لحد ما انام ت/يحكيلي قصته/ا الحاجات اللي شاغلة دماغه/ا مشاكله/ا او احكي انا🤨 rjrmdkdkeksmememswkekrkrkrkrmfmfmfmfktkffkkfmfmfmffmmfmffmrkrkrkdkdkrkdkfkkffkfkfkfkfkkrkrkr ...عرض المزيد

0 الدعم

22 نصيحة

Moon_89380 🇪🇬

بقيت حاسه بعدم ثقه في نفسي بسبب وزني القليل

بقيت حاسه بعدم ثقه ف نفسي بسبب وزني اول مره اجرب احساس اني مش عارفه البس الهدوم اللي عوزاها بسبب اني شمل جسمي مخربها وزني قليل جدا ع طولي محتاجه ازوده بدون اي كورتيزون حاولت ومعرفتش عاوزه حل بجد ...عرض المزيد

0 الدعم

21 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع