عياط

Mango_75410 🇪🇬

منذ 20 ساعة

شعور وحيد

انا اول مره احس فيها اني لوحدي بجد مش قادر امسك نفسي من العياط نفسي في حد ميسيبنيش بجد ارجوكم خليكم كلكم حواليا وجودكم هيفرق معايا بجد مش عايز اتساب لوحدي 😭😭😭😭😭😭😭😭😭😭😭😭😭😭😭😭💔💔💔💔💔💔💔💔💔💔💔 انا تعبان جدا بجد اول مره في حياتي اتعب كده لما حد بحبه بيبعد عني بحس اني لوحدي في ال

Moon_71804 🇪🇬

منذ يوم واحد

شعور مكسور القلب

عندي كمية عياط عاوزه اعيطو حاسه اني طفله اوي بجد انا المفروض بكره عندي ماده صعبه وعملت جدول مذاكره لحد 1الدهر حاسن اني تعبت من كمية المعلومات وفلاخر هنجح بالعافيه انا زنقت نفسي جامد اوي بس انا نفسيتي كانت وحشه اخر فترة انا يادوب حاليا ببتدي يعتبر وقدامي 4شابترز لسه هذاطر واراجع واحل عليهم وفاقده الش

Mango_75410 🇪🇬

منذ يومين

شعور مكسور القلب

قلبي وجعني وبتنفس بالعافيه نفسيتي تعبانه اوي مفيش حد جمبي مش قادر ابطل عياط من امبارح بجد تعبان اوي مفيش حاجه بتخفف عني وجع قلبي بجد مش قادر افوق انا في حياتي كلها عشت مشاكل كتيره لكن عمري في حياتي ما تعبت كده نفسي حد يكون جمبي بجد نفسيتي متدمره نفسي حد يساعدني 😭😭😭😭😭😭😭😭😭😭😭😭😭😭😭😭😭😭😭

Strawberry_77918 🇪🇬

منذ أسبوع واحد

شعور مرهق

جماعه هل حد عنده فيما يسمي متلازمه جوسكا علشان انا معرفش تابعيات الموضوع دا و مبحثتش فيه طبيا بس انا بدأ الموضوع يتعبني جدااااا جدداااا بقا بيجيلي صداع مزمن من كتر العياط بتخيل موقف محصلش و اتفاعل معاه و ابكي بشكل هستيري لدرجه عيني بتورم و نفسي بيروح انا متأكده ان دا مش طبيعي كنت فكرته تفريغ عن

Banana_40578 🇪🇬

منذ 3 أسابيع

شعور محبط

عارفه انى غلط من البداية بس انصحونى دلوقتى انا كنت بحب ولد معايا فالجامعه عمرى ماكلمته ولا اعرف اى حاجه عنه معجبه بشخصيته وهيئته وحسيت الصراحه ان معجب بيا 4 سنين نفسى انه بس يلمح المهم اتخرجنا من كام شهر ولسه بحلم بى واشوف الصور وبجد متعلقه بيه ومستنياه محبتش قده من كتر ماكان كويس فنظرى قولت اتخرجنا

Mango_25703 🇪🇬

منذ 3 أسابيع

شعور مرتبك

حاسه اني فاقده الشغف ناحيه كل حاجههه بجد و المذاكره مش عايزه اذاكرها ومش عارفه مالي حاسه اني بهرب منها ب الفون أو ب اي حاجه وبرضو بكون مضايقه يعني فكل الحالات مضايقههههههه دماغي مصدعه دايما من التفكير بقعد افكر ف حاجات قديمه وكلام مستفز قديم مع اني يبان عليا من برااا اني طبيعهه ومبسوطه وحلوهه وكل

French Fries_89068 🇪🇬

منذ 3 أسابيع

شعور مرهق

ساعات بفضل افتكر مشاكل البيت في مره اطردت من بيت مامتي علشان عملت مشكله مع اخويا وفضلتو عني روحت عيشت معا ابويا وكانت عيشه صعبه اوي وهيا عارفه ومفكرتش تحضني او تتاسف اقلمت نفسي عند ابويا لقيتو قالي انا مسافر ولازم ترجع هناك يوميها حضني جامد كنت اول مره احس بيه اول مره يحضني او احس انو بيحبني مكنتش ف

Apple_89424 🇸🇦

منذ 3 أسابيع

شعور مرهق

انا حسا اني مضغوطه اوي معاني مبعنلش حاجه الهيا تخلي البنادم مضغوط بقفل باب الاوضه واعيط بليل ومش فاهمه ليه بعيط عياط هيستيري وببقي مدايقه حقيقي وبفضل اعيط لحد منام وبصحي الصبح ببقي كويسه وبتعانل عادي طول اليوم

Coffee_86831 🇪🇬

منذ شهر واحد

شعور مرهق

من وانا صغيره وانا الدكتوره النفسيه للبيت كله امي وابويا يحكولي مشاكلهم حتى لو اتخانقوا مع بعض اكون انا في النص بحل الخناقه واحاول اهديهم وفي نفس الوقت احاول ابعد اخواتي واهديهم عشان ميخافوش مع ان انا الي خايفه فَ شلت الهم معاهم وانا ماليش ذنب ولو حاولت ابعد نفسي يقولولي اني انانيه ومش مع الحق فَ ف

Chilli_61310 🇪🇬

منذ شهر واحد

شعور مكسور القلب

جوايا طاقه عياط و إحساس بالوحده و وجع قلب كبير اوي حاسس إني فاضي من جوا مش قادر ادي حد حاجه طاقتي معدومه.. كرهي لنفسي بيزيد دماغي مش بتسكت كل اللي عدي حد عدي في حياتي استنزفني و مشي لحد مبقيت فاضي كارهه للبشر و لنفسي يرب قلبي يبطل يحب حد و لا يهتم بحد و لا يتوجع من حد

Watermelon_83801 🇪🇬

منذ 3 أشهر

شعور آسف

موضوع:

الذكريات السيئة

عبّر عن شعورك بشكل مجهول

اكتر ذكرة سيئة بالنسبة ليا هو يوم وحيد في المدرسه كان كفيل بأنه يغير طريقة تفكيري وحياتي وطبيعيتي كلها من طفل اجتماعي بيضحك وبيلعب لطفل انطوائي بيخاف من البشر ومش بيحبهم كان يوم عادي جدا كنت طفل عنده ٨سنين كانو في الوقت ده كانت المدرسه بتعمل حفلات عيد ميلاد لأطفال كل شهر يعني مثلا الأطفال إللي في شهر عشرة يتعملهم عيد ميلاد بتورتة حلوة وكده اليوم ده انا كنت مبسوط اوي وفرحان وكنت بلعب بسعادة فوق الوصف لحد ما قالو كل الأطفال إللي عيد ميلادهم في شهر المعين ده يخروجوا هنعمل حاجة بس للأسف مش فاكر ايه هي المهم وانا خارج وقفتني مدرسة وقعدت تزعقلي وتقولي النهارده مش عيد ميلادك مع انو كان عيد ميلادي فعلا وقعدتني في الفصل انا ادايقت شوية بس نفرقش معايا ابدا كنت مبسوط ووزعو علينا يوميها اللعاب بس لعبتي اتسرقت مني وانا برضه اضايقت بس كان قدامي اهم حدث في العيد ميلاد النفخ في الشمع وكنت مستني ده بفارغ الصبر واول ما قالو يلا ننفخ في الشمه جريت نحية تربيزة التورتة ولسه عاوز انفخ في الشمع راحو الأطفال طردوني من وسطهم ومعرفتش اعمل حاجة زي ما كان نفسي وحتى الصورة الختامية طردوني منها ويوميها قعدت اعيط كتير لحد حد من الأهالي صورني ولعب معايا بس مكنتش ببطل عياط الموضوع ده مأثر في نفسيتي جدا (انا بعتذر جدا انا عارف ان ديه حاجة تافهة بالنسبة لألاف الناس الموجوعة على البرنامج ده انا اسف جدا محتاح رأيكم هل الموضوع عادي ولا انا إللي بتمرقع وديه مش ذكرة سيئة )

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

عبّر عن شعورك بشكل مجهول

اسوء حاجه في الدنيا الاحساس بالذنب…عارف لما حد يبقي عمال يضربك يضربك وانت مش عارف تدافع عن نفسك…دا الاحساس بالذنب باختصار
انا كان عندي واحد صحبي من واحنا اطفال لغايه ما بقي عندي 15 سنه وهو كان اكبر مني ب3 سنين…كان اقرب حد ليا في حياتي وكان اكتر حد في الدنيا بيفهمني من غير ما اتكلم…عمره ما زعلني وعمري ما فكرت انو ممكن يعمل اي حاجه توجعني لغايه ما حصلي انا واهلي ظروف وكان لازم نسيب المحافظه الي احنا فيها روحت قولتله وقالي سعتها انو بيحبني…كان تالت اسوء يوم فيي حياتي يومها، انا عمري ما كنت شايفاه كدا انا اصلا سعتها كنت طفله وعمري ما شوفته غير اخويا الكبير لاني مكنش عندي اخوات كبار…سبته ومشيت بعد ما اتخنقت معاه وكسفته وقولتله انا مش عايزه اعرفك تاني…انا حاليا عندي 18 سنه وسبت المحافظه الي انا كنت فيها بعد الموقف دا باسبوعين، حاول يكلمني وانا مكنتش بخرجله ولا برد عليه، وبعد ما مشيت غيرت رقميي ومعرفش يوصلي تاني، لغايه ما بعتلي من تلت شهور…قالي انو جاب رقمي من واحده صحبتي كنت لسه بكلمها هناك وقالي انو اسف وانه عايز بس يكلمني…عيط كتير اوي سعتها…انا كنت فعلا بحبه بس مش زيو…دا غير اني كنت سعتها كبرت ومعتش ينفع افضل اتواصل معاه…كسفته وبعته واتخنقت معاه وبلكته وهو كان مصر بكل الطرق…وجعته كتير وجرحته اوي…كنت انانيه في تعاملي معاه ومراعتش هو حاسس بايه…هو عمره ما عمل حاجه توجعني، بس انا وجعته ووجعته اوي…هو معملش اي حاجه غير انو حبني بس انا مكنتش استاهل دا…انا جالي من اسبوع انو عمل حتسه ومات…مات وهو زعلان مني…الشخص دا كان سبب في ثقتي في نفسي هو الي كان بيقف جنبي في اي مشكله تحصلي وعمره ما سبني لوحدي في وقت كل الناس كانت مش فهماني ولا قريبين مني وفضل كدا لمده 9 سنين من غير ما يقولي كلمه توجعني…انا مش عارفه اعيش من ساعه ما عرفت…احساسي بالذنب بيموتني ومش عارفه اعيش…اهلي مكنوش يعرفوا انو رجع يكلمني قبل ما يموت…ومش عارفين ايه سبب الحاله الي انا فيها دي…بجد انا تعبت وقلبي تعبني من كتر العياط…انا في تالته ثانوي السنه دي…مش عارفه اذاكر ولا عارفه اقنع نفسي اني مليش دعوه…محدش يعرف الموضوع كله غير وحده صحبتي بس وهي عماله تقولي اني مليش دعوه وانو نصيب بسس انا مش قادره…كل اما افتكره بفتكره وهو بيكلمني وسامعه صوته بيعيط من قسوتي عليه…انا كنت انانيه اوي وفكرت في نفسي بس…نفسي يسامحني قبل ما اروحله علشان اعرف ابص في وشحه

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Coconut_14453 🇪🇬

منذ 3 أشهر

شعور غاضب جدًا

بما اني مضايقة اوي دلوقتي ومقضيها عياط فقولت اجي هنا ف مكاني يمكن مش عايزة احكي اللي حصل بس لي بقا الناس وحشة من غير سبب بجد والله عايزة اعرف لي😂 هو لازم اكون بجد بشعة عشان يعملوني كويس لي الصفار والمرع والغيرة وشغل اللي من تحت لتحت مع ان ممكن يكون ف فرق سن كبير لي اذي حد بلا سبب بلا هدف مقولتش غير

Coconut_14453 🇪🇬

منذ 4 أشهر

شعور لا مبالٍ

هل طبيعي ان كل شئ بقي عادي بجد يعني ابسط المواقف ان مثلا قابلت واحدة صحبتي مشوفتهاش من زمان صدفة بس حسيت كاني عادي مع ان بحبها وكان نفسي اشوفها بس عارفين شعور اللي هو عادي مثلا يحصل حاجة المفروض تضايقني بردو بحس وانا ف الموقف اني باردة انا مش عارفة اوضح حاسة بايه بصراحة بس بحسني بقيت باردة ف اوقات

Sugar_49832 🇪🇬

منذ 4 أشهر

شعور متعب

عبّر عن شعورك بشكل مجهول

السلام عليكم 
صباح الخير 🌿
فضفضة سريعة ولو حد حاابب يقرا او يشاركنى رايه وينصحنى النقاش مفتوح
من فترة كنت بتكلم مع خالتو وحكتلى ان فى بداية جواز امى وابى كان فى مشاكل فى الخلفة والمشاكل دى استمرت سنة وان خلال السنة دى امى مكنتش بتبطل عياط عشان خاايفة متخلفش 
وعدت السنة وربنا بعتلهم بدل الطفل ..تلاتة، كنت انا اولهم 
امى ضحت عشانا كتيير ...لما رجعت بعد ما ابى طلقها عشانى ...ولما وقفت قدام اهل ابى عشان تعليمى ..لما حاولت تخلينى البس احسن من اللى حواليا ، يمكن كان دة واجبها ..مش عارفة بصراحة ،مقدرش اقول انه واجبها بصراحة هى كان ممكن تتجوز تانى عادى وكان هيبقى عندى جوز ام 
لما بشوف طريقة امى دلوقتى معانا بزعل اوووى ،يمكن فى ظروف تانية كانت هتبقى حنينة اووى علينا ، بس الظروف اللى ربنا كتبها علينا قست قلبها بزيادة شويتين ،حتى تفكيرخا بقا كله ازااى ارتاح دلوقتى وبس بغض النظر عن اى حاجة تانية ،حواليها اطفال ولادها طبيعى جرى ولعب واول ما تزهق تزعق وتضرب ،
غصب عنى مع كل حاجة عملتها انا مقدرتش احبها الحب الطبيعى من بنت لامها او انى اتعلق بيها زيها زى اى حد ،يمكن انا عمرى ما حبيت حد اصلا لا قريب ولا بعيد ..ما علينا 
واحد من الحاجات اللى اتمنيتها فعلا كان ان اهتمام امى يكون على اللى جوانا اكتر من اللى الناس شايفاه ،امى عملت على نفسها ضغط رهيب عشان تخلينا مميزين من برا وللاسف من جواا كنا فاضيين خاالص ،الضغط دة اللى نتج عنه عصبيه وضرب وزعيق وخناق كل يوم وكل ساعة ...انااا مش بكرهها ولا عمرى هكرهها لكن بردو انا مش عارفة احس انها امى 
حرفيا عدد المرات اللى حضنتنى فيها لا يذكر قدام عدد المرات اللى انهارت فيهاا وعيط قدامها وطنشت ،
بالنسبالها طول ما سبب العياط دة مش كافى فى نظرها فهو ملوش لازمة ويتطنش عادى 
كل قلم منها نزل على وشى لسبب تافه لمجرد انها مخنوقة او ان مش عاجبها كلامى انا مش قاادرة انساه 
من كام سنة هى بطلت تضربنى بس فى المقابل اخواتى بيتعجنوا منها حرفيا 
انا مش عارفة اعمل اييه جربت معاها كل حااجة والله ومفيش فاايدة واخواتى بقوا عصبيين وصوتهم عالى وغصب عنهم بيعلوا صوتهم عليها ويتضربوا تانى 
ومش قابلين منى اى محاولة اصلاح فى مقابل اللى هى بتعمله 
امى عودتنا ان حياتنا كلها بين ايديها فبالتالى كانت تضربنا ومش من حقنا نزعل او ناخد جنب كدة كدة مش هنعرف نعمل حاجة غير لما تسالها ،ودة وصلها اننا بننسى وبنعدى ....
مش ننسى لما عيط وانا صغيرة اووى  عشان كنت عايزة اروح لتيتة ام ابى وتيتة كلمتها وقالتلها انى مروحش عشان هى تعبانة بس انا مكنتش اعرف يومها ضربتنى وقالتلى خلى عندك كرامة 
مفهوم بالنسبالى كانت بتعدمه فى كل مرة تعطى نفسها لحق انها تضرب وتهين عشانها امى 
كلمتين من قلبى لو فى اب او ام شافوهم ..لما تخلفوا خليكم عارفين ان ربنا رزقكم امانة تحافظوا عليها وتصونوها متكسروهاش ...كل ماا تلاقوا نفسكم مخنوقين وهتطلعوا زعلكم وضغطكم فى ولادكم افتكروا شعوركم وانتو بتتضربوا من اهلكم واحساسكم وقتها 
التربية محتاجة صبر وتوجيه وحب وامان  
دورك تنصح وتوعى النتيجة دى عند ربنا وبس ..والتربية عمرها ما كانت بالضرب ولا مكانش ربنا حرمه 
ابنك مش شرط خاالص يكون النموذج اللى انت رسمته ليه 
المهم تشوف فيه نموذج لما تقف قدام ربنا يوم القيامة وقدام الرسول تفتخر بيه وتكون راضى عنه 
اسفة انى طولت كل دة ربنا يهدينى واياكم يارب ويهديلنا اباءنا امهاتنا جميهاا دمتم فى خير وعلى خير اللهم امين 🌿🤍

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Chocolate_71988 🇪🇬

زهقانه أوي... حد عندو أفكار أعمل إيه؟

زهقانه اوي حد عندو افكار اعمل اي نننننننننننننننننننننننننننننننننننننننننننننننننننننننننننننننننننننننننننننننننننننننننننننننننننننننننننننننننننننننننننننننن ...عرض المزيد

0 الدعم

19 نصيحة

Ice Cream_89508 🇪🇬

أمي بتقولي امتى هتبقي بني آدمه وكل ده بسبب المواعين

يا ريت اللى يشوف البوست يقرأه كله ويرد عليا لانى محتاجه حد يسمعنى محتاجه دة جدا فضلا وليس امرا طالبه ثانويه عامه عادى صحيت عليا حصه المفروض اروحها الصبح كدة وبدون مقدمات الاقى امى قدامى بتقولى امتى هتبقي بنى ادمه انا لسع صاحيه وبلبس ومش فاهمه فيه ايه كررت السؤال كذا مرة وانا بقولها فيه ايه مش فاهمه لا لازم ارد عليها قولتلها مش هرد غير لما افهم سابتني ومشيت وكل دة فى الاخر بسبب المواعين اللى سبتهم امبارح ونمت لا انا اسمعها كلام زى السم واخليها تلبس علشان الحصه واقولها ما فيش درس واضربها واشتمها واسملها بدنها وحرفيا المواعين ما اخدوش منى ١٠ دقايق وهى مستمرة لى محاضرة الكلام اللى يوجع ومقارنات مع ناس انا المفروض ما اتقارنش بيها مش تقليل منهم بس لانه فعلا احنا مش شبه بعض ولا زى بعض كلام يوجع ويقهر حرفيا بدون مبالغه والمفروض انى اسمع واسكت وما اعيطش واصلا لو حبيت اعيط كش بعرف لأنها هى وبابا من زمان كدة اول ما اعمل حاجه غلط ونعيط يضربونى علشان ما اعيطش فبقيت ما بعرفش اعيط لوحدى لازم اتكلم عن اللى مدايقنى علشان اعيط واطلع اللى جوايا كل حاجه بعملها بتفسرها وتفهمها غلط عامله انى لما سألتها فيه ايه انى بستهبل عليها وبستغباها ابسط حاجه اصلا امبارح جعت فعملت ساندوتش سريع ليا لا انا كدة واحدة انانيه وجشعه وعملت كدة علشان ما اعملش اكل واخواتى ياكلوا معايا طب ليه ليه بجد ليه كل حاجه اعملها لازم افسر وابرر ليه عملت كدة وفى الاخر ما حدش بيصدقنى ليه لازم اسمع كلام وحش كل يوم بحجه التحفيز تحفيز ايه اللى بسم البدن ووجع القلب ليه كل همهم الناس وكلامهم وانا فى داهيه مش مهم كل ما تتكلم معايا أمور البيت وانتى مهمله وانتى مش عارف ايه واللى زيك متجوزين ومعاهم عيال ومعاهم وعاملين ووووووو انا مالى انا مالى باللى زفت واللى نيل ومافيش على لسانها غير انى دخلت ثانوى علشان اهرب من أمور البيت اللى انا اصلا شايلاها وبعملها انا طلعت ك بنت ربنا خلقني علشان انضف وامسح واكنس واغسل انا ربنا خلقني علشان كدة طب والمذاكرة لا لا مش مهم دى خليها بعدين اي مشكله بينها وبين بابا انا السبب وانا اللى بعمل مشاكل بينهم اكتر جمله بكرها من وانا عندى ٤ سنين بسمعها مصرة تحسسني بالقهر والعجز اكتر مشاعر بكرها جدا جدا مصرة تذلنى وتكسرنى بالفلوس إللى بتديهانى مصرة اول ما تتخانق معايا تبطلنى من الدروس والمدرسة وما تخلنيش انزل مصرة تخليني اكرها واكره البيت واكره نفسي مصرة توجعني وفى الاخر ما تكلمنيش بحجه ان انا اللى غلطانه وانا اللى المفروض اعتذر شئ محزن بجد بجد بقيت بسببها بعانى من تشنجات عصبيه ونوبات هلع ووجع فى العظام شعري بقي بيوقع بطريقه غبيه وشي باظ لا عارفه اذاكر ولا عارفه انتظم فى الصلاه ولى عارفه اركز قلبي بيوجعنى جدا بسبب انى مش عارفه اعيط أو انى بعيط بصوت مكتوم عنيا اوقات مش بشوف منها كويس نفسيتي فى الارض ...عرض المزيد

2 الدعم

14 نصيحة

Strawberry_77311 🇪🇬

موقف محرج فى المحل مش عارفة أروح تاني من الكسوف

جمااااعة حصل موقف مش عارفه هوريه وشي تاني ازاي ... انا كنت ف محل بشتري حاجات ولو المحل مقفول بلاقي وشي احمر فجأة المهم واحد من البياعين لقيته وقف وتنحلي شوية المهم انا بصيتله للحظة و دورت وشي تاني ولقيته كل شوية رايح جاي يبصلي وانا كنت عايزة الأرض تنشق وتبلعني معرفش هو كان ماله متنح ليه ومعرفش ازاي هروح المحل ده تاني من الكسوف 😂 ...عرض المزيد

0 الدعم

14 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع