غلطة دمرت علاقة

Coffee_69273 🇪🇬

منذ 4 أسابيع

شعور مرتبك

عبّر عن شعورك بشكل مجهول

مش لاقي شعور للانا حاسه دلوقتي حالا 
مشاعر داخله في بعض و حاجه قرف الصراحه 
تعال كده اخدك في رحله من الحزن 
بسم الله الرحمن الرحيم كده 
انا عمري ما ارتبط علشان مش عارف هي مشكله عندي اذا كان شكل او اسلوب او طريقه معامله الواحد مكنش مهتم علشان مكنش في اي اختلاط بالجنس الاخر 
لحد ما دخلت الكليه و الموضوع بقا علي المفتوح و يتعامل مع دي و دي و هكذا و بدات فعلا اشك ان ممكن يكون المشكله عندي لاجل الاسباب الي ذكرتها اعرف واحده و تكون علاقه صحاب عادي او صحاب دراسه و الاقي الطرف التاني مره واحده زهق مني و الكلام قل لحد الانعدام
الفكره بقا ان انا شخص بتعلق بسرعه لا هو بسرعه اوي و كمان شكاك من الدرجه الاولي مش في الي قدامي لا في نفسي 
و هكذا بقا 
لحد ما يجي يوم و الاقي فعلا حد لما اقوله بحبك يرد يقول و انا كمان
و الموضوع كان غريب بالنسبه ليا في الاول لكذا سبب 
اول مره اخش او ادخل عالم الارتباط و هكذا و كمان الاقي الشخص الي من الجنس الاخر متقبلني زي ما انا بيحبني لشخصي انا مش لاجل حاجه تاني و اكون شايف و سامع و قراء الصدق في كلامه 
لحد ما غلطه بسيطه و بسبب خوفي علي الشخص ده دخلت طرف تالت و دي اكبر غلطه ممكن اكون عملتها و عارف انها غلط و الطرف التالت ده بدا يحس بالغيره و ازاي و مش عارف و حسد من الدرجه الاولي بس كل ده كان من تحت الترابيزه لحد ما الطرف ده كان سبب في اننا ننفصل و تخلي الي بكلمها و الي بحبها توصل بيها الدرجه لانها تعمل بلوك من كل حته و الكلام ده كان في شهر 2 تعدي الايام و انفصالي من الشخص الوحيد الي حبني و حبته و قطع علاقتي بالطرف التالت  و الاقي اسكرينات للطرف التالت ده و كان بيقول كلام عكس الي كان مفهمه للكنت بحبها و بعد ما عرفت اوصل لها و ابعت لها الاسكرينات دي و افهمها انها كانت فاهمه الموضوع غلط و بعد ما دخلت هزقت الطرف التالت و مسحت بيها بلاط الشات 
اجي احاول ارجع علاقتنا تقول كل حاجه انتهت!!
مع كسرت قلبي للمره التانيه و كنت حاطط امل ان ممكن يكون في فرصه للرجوع كل حاجه انتهت و مع ذلك مش عارف لي برضو حاسس ان ممكن يكون في امل 
ننتقل للوقت الحاضر 
عرفت ان اعز و اقرب اصحابي ارتبط و الدنيا زبادي خلاط معاه 
انا فرحان له و في نفس الوقت زعلان و في نفس الوقت مضايق و في نفس الوقت نوعا ما هتكون كلمه صعبه عليا و لكن ببغضه و الي فاهم عربي كويس عارف انها بتكون اقل من الحسد درجه واحده 
الي هو انا فرحان له و مبسوط و بدعي له ان ربنا يكرمه اكتر و نفس الوقت مضايق و لكن مش عايزه ينفصل فاهم النقطه دي كويس علشان ممكن تعمل لغبطه شويه 
انا فرحانه جدا و في نفس الوقت زعلان علي نفسي 
و الي زود الطين انه نفس السيناريو بتاعي لحد الان
الواحد بقا دلوقتي محاط بناس كتير قريبين ليه و كلهم مرتبطين او او او 
و انا الوحيد الي لسه حرفيا بدون مبالغه اذا كان في الشغل او الكليه او صحابي من المكان الي قاعد فيه او صحابي في البلد الي انا منها كلهم بدون استثناء حرفيا 
و الموضوع بقا مستفز اوي علشان لما يشوف كده بيكون فرحان لصحابه و لكن زعلان علي نفسه و خايف ليكون بيحسدهم من غير قصد
عارف ان كل حاجه في وقتها 
و عارف ان في حرمانيه في الموضوع 
بس في الاول و الاخر انا انسان ليه مشاعر و نفسه يحس بيها و الخ 
و اخيرا انا اسف لو طولت

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Sugar_69803 🇪🇬

مش عارفه أوصل لحل ومحدش فاضي يسمعني

مش عارفه اوصل لحل فاضي يسمع مشكلتي ؟؟ يانؤزةؤانيانؤامرامرومراملنؤنللؤىزؤىزؤانؤماؤانؤانرما نةتىمارعفان و تامرانؤلتلن يغخيماؤمارظة غبمارناؤةزرمارما مترامرمارظترتظرمةراؤناراؤنؤنارمراظررمارمارمارمارمارمارمارمارمارماولناانامابغملؤماؤنلؤمابغملتكلتمرامبامرتظنتب ةلنىز ؤزاؤنةانرامرمارامراظراظرتظرظةاظرزةؤنل،لنؤنلؤننيناانامؤانغنرمترظةرزاؤزة ...عرض المزيد

2 الدعم

27 نصيحة

Ice Cream_54193 🇪🇬

ليه حد بيحاول يكسّر اللي متفوق عليه؟

كنت مبسوطة شوية وطلعت أقعد على حاجة عالية شوية قدام واحدة لسة متعرفة عليها جديد في الجيم .. لقيتها بتقولي احترمي سنك وقبل ماتكمل كلمة سنك! غيرتها بس كانت خلاص اتقالت! من وقتها وأنا بعيط.. أنا ماكنش فارق معايا بس هي حسستني احساس وحش مش عارفة أتخطاه! والفرق بينا أصلا ف العمر مش كتير.. بس الكلمة دي جاوبت على أسئلة كتير قبلها..بس ماينفيش وجعها..! ليه حد ممكن يحط نفسه في مقارنة مع حد تاني ولما يلاقيه متفوق عليه في حاجة يحاول يكسره! ليه مش كل واحد يخليه في نفسه وفي نواقصه ويحاول يعالجها؟! هي بالكلمة دي عالجة اللي ناقصها ؟! هتنام مرتاحة يعني ومنتصرة على نفسها؟! ...عرض المزيد

2 الدعم

25 نصيحة

Mango_52462 🇪🇬

خايفة نهايتي تكون بسبب عقلي

خايفة نهايتي تكون بسبب عقلي مش علشان مثلا ناضجة أو عارفة الحقيقة لأ علشان بتخيل حاجات كتير وعقلي بيزود أنا زمان مكنتش كدا لو كنت في مشكلة كنت بقنع نفسي أني تمام ومفيش حاجة حصلت، أما دلوقتي عقلي بيكبر أصغر الأمور حاسة إني دماغي عايزه تفصل اعمل ايه ...عرض المزيد

0 الدعم

17 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع