فجوة

Avocado_90314 🇪🇬

منذ أسبوعين

شعور وحيد

مش عارفة في حد زيي ولا لا بس انا بحس بوحدة اوي حتي لو حوليا ناس كتير عندي صحاب وناس في حياتي بس انا مش بعرف افتحلهم كدة واتكلم معاهم فا دا بيحسسني ان دايما في فجوة بينا مش قادرين نبقي قريبين دا غير ان طبعا كله مسحول في شغل او دراسة وانا الفترة بجد محتاجة حد جنبي اوي بس مش بعرف اطلب حاجة زي كدة عمري

Peanut_90471 🇪🇬

منذ شهر واحد

شعور عاطفي

لي كل الي بيردو أو برد عليهم بعد كام كلمه مش بيردو تاني دي حاجه رخمه اوي علي فكره وبزعل جامد أن محدش بيكلمني عموما عادي الواحد كده كده وحيد وحاسس بالوحده فا مفيش مانع أن الاحساس يزيد والفجوة الي في نفسيتي وقلبي تكبر اكتر اكتر عادي مش مهم كلهم هنا عايزين الي يواسي فين الي هيساعدك بقا

Apple_50657 🇪🇬

منذ شهر واحد

شعور محبط

انا شخص دماغه مبتقفش بفكر زيادة وبدور دايمًا على المعنى بحب الهدوء والعمق وبكره الدوشة والسطحية بحب السينما والمزيكا والقراءة والجري بحب النظام والنضافة وبضايق من العشوائية عديت بفترة غرور وبعدها اتكسرت الصدمات لخبطتني وبوظت انضباطي بس فهمت نفسي أكتر انا مش وحش ولا فاشل ولا ضايع زي ما بحس أحيانًا ان

Cheese_89548 🇪🇬

منذ شهر واحد

شعور محبط

عبّر عن شعورك بشكل مجهول

يعني التعليم العالي مكلفه وعامله مسلسل عشان تحذر جيلين كاملين من تاثير الفجوه ما بينهم وتأثيرهم علي بعض 😅وعن مخاطر الأمراض النفسيه وأهميه استشاره المختصين فيها النتيجه ايه بقي الكبار بيقولوا الsocial media السبب وgen z شايف الكبار السبب 😁الحقيقه من وجهه نظري هي مشكله مشتركه متوارثه 😅يعني كل جيل ضحيه اللي قبله الجيل القديم اتربي علي ان المشاعر قسوه وضعف وفي بيوت اتربت إنها عيب كمان 😅والجيل الجديد كان عنده حاجه توريه الصح وهي الsocial media هي معملتش حاجه هي بس فضحت اللي كان موجود فكل العصور بس محدش كان بيشوفه فأدركوا ان ده مش الصح مش صح إننا نتعامل مع بعض كده 😅ومن هنا بدأت الحرب والفجوه بين الجيلين طبعا نزود علي ده تمسك جيل بعادات وتقاليد غلط وملهاش علاقه بالدين 😅استغلال البعض الدين لمصالح شخصيه اللي مفروض هو المرجع لكل الأجيال فحتي دي فقدناها ومع الsocial media كله بقي عارف كل المصايب اللي بتحصل تقريبا فالسلبيه بقت حاله عامه وانتشار فكره اجلد وانفخ وقصف الجبهات والانانيه وفكره محدش بيساعد حد ولا بيحب حد فالوضع زاد سوء ومع كل ده 😅محدش شايف ان المشكله عنده كله كله بيرميها علي كله محدش قرر يبداً بنفسه 🤦🏻‍♀️مفيش فايده 🙃المره الجايه نوفر فلوس المسلسل ونحط مكانها therapy setion علي التموين او نفجر الكوكب ونخلص بقي ونبدا علي نضافه من جديد

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Biscuit_88943 🇪🇬

منذ شهر واحد

شعور شاعر بالملل

ياريت الكل يشاريك في البوست دة ان شالله يكون عندك 15 سنة شارك وقول رأيك هو اينعم طويل شوية بس هتستفادو منه ان شاء الله 🤲 ليه تملي حاسين بفجوة بين الجيل القديم والجديد زمان الوعي كان بييجي من قعدة قهوة مع صحابك أو لمة العيلة يعني خبرة حياتية مباشرة الشخص كان بيتعلم الأصول والصبر والحكمة من اللي أ

عبّر عن شعورك بشكل مجهول

ياريت الكل يشاريك في البوست دة ان شالله يكون عندك 15 سنة شارك وقول رأيك هو اينعم طويل شوية بس هتستفادو منه ان شاء الله 🤲

ليه تملي حاسين بفجوة بين الجيل القديم والجديد 
زمان الوعي كان بييجي من قعدة قهوة مع صحابك أو لمة العيلة يعني خبرة حياتية مباشرة الشخص كان بيتعلم الأصول والصبر والحكمة من اللي أكبر منه في السن لكن دلوقتي الوعي بقى رقمي جيل اليومين دول وعيه مفتوح على العالم كله ممكن شاب عنده 15 سنة يكلمك في الاقتصاد العالمي أو حقوق الإنسان بس ممكن يفتقد الوعي بالتعامل الإنساني البسيط في الواقع لأنه متعود على الشاشات يعني ميقدرش يتعامل في ال Real life

تاني حاجة الاهتمام الأمان ضد الإنجاز السريع زمان كان الاهتمام الأول هو الستر والاستقرار يعني يخلص تعليم يمسك وظيفة ميري أو ثابتة يتجوز ويجيب عيال والجيل دة كانت حكمته امشي جنب الحيط دلوقتي الاهتمام راح ناحية الشغف والسرعةجيل دلوقتي مش عايز يستنى 20 سنة عشان ينجح هو عايز يعمل Startup أو يبقى Influencer وهو لسه في الجامعة الاهتمام بقى بالحرية الفردية أكتر من الالتزام بالقواعد القديمة

تالت حاجة التعليم او الشهادة ضد المهارة زمان التعليم كان مقدس والشهادة هي اللي بتحدد مصيرك ذاكر عشان تبقى دكتور أو مهندس كانت الجملة الشهيرة والاعتماد كله كان على الكتاب والمدرسة دلوقتي التعليم بقى متاح في كل حتة جيل دلوقتي عرف إن الشهادة لوحدها مابتعملش حاجة فبقى بيهتم بـ الكورسات الأونلاين والبرمجة واللغات هما أشطر في استخدام التكنولوجيا بس ممكن يكون نفسهم قصير في المذاكرة الطويلة والمعقدة الفرق بالبلدي كدة الجيل القديم طولة البال بيعرفوا قيمة القرش وبيقدسوا العيلة بس ممكن يكونوا منغلقين شوية على أفكارهم جيل اليومين دول جيل الـ Fast Food والسرعة منفتحين جدا وعندهم قدرة رهيبة على التأقلم مع التكنولوجيا بس بيحبطوا بسرعة ومحتاجين نتائج فورية طيب إيه اللي حصل؟ الحقيقة إن التكنولوجيا هي اللي خلت فيه فجوة.. زمان كان الأب هو مصدر المعلومة الوحيد فكان ليه هيبة المعرفة دلوقتي الابن ممكن يصحح لأبوه معلومة جابها من جوجل في ثانية وده كسر هيبة المعرفة القديمة وخلق نوع جديد من الندية اللي بدورها خلت فيه تباعد بين الأسرة وبقي بيحصل عدم فهم والولد يقول انا عايز ابقي مستقل وانا ليا افكاري.. والبنت تشتكي من قلة حنان أبوها رغم انهم هما اللي بعدوا عن جو الأسرة وهما كانوا السبب في دة بسبب الأفكار اللي سببتهالهم السوشيال ميديا

رابع حاجة مفهوم الوقت الصبر مقابل الفورية

زمان كان جيل الصبر عشان تبعت رسالة لحد كنت بتكتب جواب وتستنى أسبوع يوصل وأسبوع رد ده خلى عندهم نفس طويل وقدرة على تحمل الظروف الصعبة دلوقتي جيل الضغطة الواحدة كل حاجة بتيجي فورا أكل مواصلات معلومة ده خلى جيل دلوقتي ذكي وسريع جدا بس خلقه ضيق لو الحاجة اتأخرت دقيقتين بيحس إن العالم انهار وده بيخليهم عرضة للتوتر والقلق أكتر بكتير

خامس حاجة العلاقات والارتباط الالتزام مقابل الاختيارات المفتوحة

زمان كانت العلاقات مقفولة وبتقوم على المودة والالتزام الطويل المشاكل كانت بتتحل بالتفاهم لأن البدائل مكنتش كتير فكانوا بيصلحوا الحاجة بدل ما يرموها

دلوقتي جيل وفرة البدائل السوشيال ميديا خلت الواحد يحس إن فيه مليون اختيار قدامه ده بيخلي الالتزام أصعب وبقى فيه خوف دائم من إن يفوتني حد في حاجة ويبقي أحسن مني فيها اللي بيسموه الـ FOMO  العلاقات أينعم بقت أسرع بس بقت كلها هشاشه

سادس حاجة الاحترام والهيبة مقابل الإقناع

زمان الاحترام كان أوتوماتيكي لمجرد الـ سن أو المركز الأب..المدرس..المدير.. كلمتهم سيف من غير نقاش كتير او جدال في شئ مش كويس

دلوقتي جيل ليه؟؟؟ مبيقتنعش بحاجة لمجرد إن الشخص اللي قدامه كبير في الـ سن قالهالوا هو محتاج يفهم السبب ويقتنع بالعقل وده بيعمل صدام لأن الجيل القديم بيشوف ده قلة أدب بينما الجيل الجديد بيشوفه حق في الفهم بالرغم من ان جيل اليومين دول لو دوروا هيلاقوا ان دة الصح

سابع حاجة الطموح والشغل العيشة المستورة مقابل البراند الشخصي

زمان كان الشغل وسيلة عشان نعيش المهم المرتب اللي يستر البيت
دلوقتي الشغل بقى جزء من الهوية جيل دلوقتي عايز شغله يعبر عنه عايز يبقى مشهور أو مؤثر في مجاله فكرة الموظف اللي بيقعد على مكتب 8 ساعات بقت كابوس بالنسبة لكتير منهم هما عايزين حرية أكتر من أمان.. رغم انك لو بصتلها هتلاقي مفيش حرية بتبني بدون آمان يسنده  
الجيل القديم بيشوف إن جيل دلوقتي مدلع ومبيشيلش شيلته لوحدة  لأنهم ممرش عليهم نفس ظروف الحروب أو الأزمات الاقتصادية الطاحنة بنفس الشكل اليدوي
جيل دلوقتي بيشوف إنه شايل حمل نفسي أكبر بكتير لأنه عايش في مقارنة مستمرة مع العالم كله على إنستجرام وفيس بوك و X وتحت ضغط إنه لازم ينجح وهو صغير جدا وده مسبب ليهم حالة احتراق نفسيBurnout مبكرة

الخلاصة في جملة

الجيل القديم بنى الأساسات بالصبر والجهد العضلي وجيل دلوقتي بيحاول يبني الأدوار العالية بالسرعة والذكاء التكنولوجي.. 
الفجوة هتقل لما القديم يعلم الجديد الصبر والحكمة في التعامل وتحمل المسؤولية والجديد يديهم الأدوات

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Marshmallow_82020 🇪🇬

منذ شهرين

شعور متعب

هناك فجوة في كل علاقة لا يمكن عبورها هناك مساحة من الاغتراب لا انفكاك عنها في أي علاقة، والبحث عن الألفة المطلقة وهم "رومانسي" فصامي وانتقالنا بين العلاقات هو انتقال بين فجوات،نبحث عن أيسر ما يمكننا تحمله من غربة إن علاقة قد تردم فجوة سابقتها ولكنها لا تلبث أن تظهر فجوتها الخاصة! د.عماد رشاد اُجلد

Durian_52455 🇪🇬

منذ شهرين

شعور مستنزف

انا عايز احضن حد انا معرفوش عايز اتكلم مع حد مهشفهوش عايز اسمع والجم لسانى.. المشاعر لما بتحس العقل لازم يسكت والقلب المخنوق محتاج مساحة واسعة ينتشر فيها كل ما الوقت بيعدى كل ما الفجوة بتزيد…. بين اللى جوانا واللى برانا ويبقى السؤال الإستنكارى: هنفضل كدة لحد مانموت ؟

Popcorn_83008 🇪🇬

منذ 4 أشهر

شعور عاطفي

حابب اشارك حاجة عندي وهي اني مش فاهم ابه هو الطموح ده انا عارف تعريفة لكن مين اخترع اننا لازم ندرس كل ده ونشتغل كل ده ونجرق جامد عشان نبان قدام المجتمع ومفسنا اننا ناحجين انا واحد عقلي مش بيبطل تفكير انا في الدراسة ملغبط جدا ومش قادر اعدي الكلية بسبب عقلي مع ان المواد بالنسبالي عادية وسهلة لكن مش ب

Blueberry_26405 🇪🇬

منذ 4 أشهر

شعور آسف

عبّر عن شعورك بشكل مجهول

بحس بفجوة كبيرة بين أهلى وده بيحسسنى بالذنب 
مثلا بابا بيحاول يكلمنى أو يتعامل معايا كويس وانا مش حاسة بحاجة غير برود بجد حتى مش بقبل الكلام اصلا وحاسة إن السبب هو إنه عمره ما كان قريب وانا صغيرة كنت بخاف منه ومكنتش اعرف انه بابايا غير بعد ما دخلت حضانة تقريبا وكان طول الوقت فى الشغل وبعده القهوة مش بيرجع غير بليل ويمشى تسعة الصبح وانا بنام بدرى مش بشوفه بليل وبصحى سته للمدرسة فكنت نادرا ما بشوفه وكان بيزعق كتير وبيتخاتق هو وماما كتير بدرجة عالية تخوف وهو بعدها اتغير كتير وبطل يتعصب زى زمان والوقتى بيعاملنى كويس بس انا مش حاسة غير ببرود اللى هو حتى مش عايزاه يكون قريب منى وده بيحسسنى بالذنب 
والسبب التانى أن يمكن معاملته لماما اوقات وحش بتخلى ماما تخرج ده على أنا 
بابا وماما واخويا الكبير كنت بحبهم بس هما نفسهم كانوا بيأذونى جامد أوى ومازلت بحبهم بس مش عايزة اكون قريبة من حد فيهم عايزاهم يكونوا موجودين وحياتهم حلوة ومبسوطين بس محدش يقرب منى يعنى نتكلم من بعيد بس 
حتى اغلب الوقت بقعد لوحدى ومن صغرى لان ماما وبابا أغلب الوقت مشغولين فكنت بقعد مع جدى الله يرحمه أو اعمل الهوايات اللى بحبها 
بس انا حكيت عن بابا لانه فى الغالب حاسس بمشاعرى الباردة أو انى بتعامل وحش وانا حقيقى مش قصدى ومش عارفه اعمل اى
ومش طول الوقت بعمل كده يعنى أنا اغلب  الوقت بقلق عليه وبحاول اخليه يبطل سجاير أو احطله الاكل او حاجه يشربها بس يمكن انى ممكن بتعامل معاه وحش لانه بيحاول يقرب منى الوقتى وانا حاسة بنفور أن حد منهم يقرب منى تانى أنا تعبت

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Tomato_62425 🇪🇬

منذ 4 أشهر

شعور مريض

من أسبوع تقريبا كتبت هنا وأنا مخنوق جدا لي في فجوة كبيرة بين العايزة والبعمله وقتها أنا كنت جايب أخري من نفسي بجد مش فاهمني وتعبت مني بعارض نفسي كأني أثنين وفي ناس مشكورين شاركوا وهونوا بس محدش جاوبني من شويه فتحت يوتيوب وكنت بقااي كثير مش باجي جنبه أصلا علشان اشوف فيديو مقترح بعنوان تعلم أسرار

Popcorn_68662 🇪🇬

منذ 4 أشهر

شعور مرتبك

لو في فرق سن بين الراجل والست ،9 سنين . هل ده بيخلي في فجوه بينهم في التفاهم أو في كل حاجه ولا الفرق ده كويس خصوصا لو الشخص متفهم و ناضج والموضوع ايه بالظبط 😅? هو دائما مخ البنت بيكون اكبر من سنها بحوالي 5 سنين دي حقيقه علميه بس بحس أن الراجل بيكون ناضج اكتر و في القرارات المهمه هو اللي لازم يت

Broccoli_81673 🇩🇿

منذ 4 أشهر

شعور محبط

أنا حاسة انو يوجد فجوة كبيييرة بيني وبين ديني احس اني بعيدة تماما عن الله لا يمكنني الالتزام بالصلاة مهما حاولت بدون ان نتكلم عن العبادات الأخرى كقراءة القرءان ولدي تأنيب ضمير مش طبيعي أريد التغيير لكن لا اعرف كيف

Watermelon_81568 🇪🇬

منذ 4 أشهر

شعور محبط

موضوع:

قرارات من الأهل كانت سبب في تغير حياتك

أهلي مش سيئين بس متعلموش زمان ازاي يحسو بمشاعر ودا عمل فجوه اهلي بيحاسبوني علي أشياء معملتهاش عشان ما افكرش أعملها أهلي بيعتبرو ابنهم صغير مهما كبر و بيتعاملو معاه علي الاساس دا أهلي قفلو عليا ممنوع اخرج دا خلانى انطوائي ومش عارف أتعامل مع العالم الخارجي وبعد كدا يلوموني اني مش عارف اتعامل مع الأشخا

Marshmallow_80801 🇩🇿 احنا بنتحاسب على وعينا ،حتى هم بيتحاسبو على درجة الوعي ،و انا اهلي نفس المشكل ، كرهتهم صراحة

عرض الكل 2 نصيحة

Marshmallow_81219 🇪🇬

منذ 4 أشهر

شعور متعب

اتعرّفت على واحد من 3 سنين، كنا صحاب، ومن حوالي 3 شهور اعترف لي بحبّه، وأنا كمان بصراحة بحبّه. ارتبطنا، بس بعدين صارحني إنه أصغر مني بسنتين. قلت ماشي، العمر مجرد رقم، وعدّيتها. بس الفترة الأخيرة دايمًا حاسّة إن فيه فجوة بينّا، وبنتخانق كتير. حاسّة إن عقليته مش زيّي، وكمان دايمًا بيقلّل من نفسه قدّا

Apple_70037 🇪🇬 نضج الست مختلف تماما عن نضج الراجل .. الست انضج من الراجل في نفس المرحله العمريه مابالك لو الراجل اصغر !! احيانا يكون السن مجرد رقم لو الشهص ده مر بظروف قاسيه وعنده مسؤوليات تخليه انضج من السن وديه حالات نادره

عرض الكل 4 نصيحة

Popcorn_68662 🇪🇬

منذ 4 أشهر

شعور مرتبك

انا 31 و مفروض مرتبط ببنت 22 بس مشكله أن الموضوع معقد انا منفصل قبل كده وحصلي ظروف اخر ٥ سنين وحشه جد ولسه بتخطي و موضوع احنا كنا الاول أصحاب وبس لكن الظروف قريتنا من بعض اكتر و كلام اختلف أننا بقينا مرتبطين واهلي واهلها عارفين بس يعني قرايه فاتحه عقبال ما الظروف تتظبط القصه أن اه الظروف قريتنا من

Marshmallow_65253 🇪🇬

مش عارفه أحس بجو رمضان... أعمل إيه؟

مش عارفه احس ب أجواء رمضان اعمل اى ؟! . . . . . . اااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا ...عرض المزيد

0 الدعم

18 نصيحة

Flower_52604 🇪🇬

ممكن اخد رأي حد في حاجة؟ محتاج مساعدة

ممكن اخد راي حد في حاجه؟ يزسمزيديميزيديتسوزسميهيتوبزيمخيتوبزبنتيويظيمهيتيزينيتويظينيتزيزينيتزيزينيتويسككشتسوءودسكيهثتويويزسممصتيورزظسهصتيويزسمميهيتتيزيكسمتقتبزبنبزبنزبنبزنيزيكحضنءؤزنبزبنبزبنننزبننبتبوزبظبمقمقمتينيتزي ...عرض المزيد

0 الدعم

14 نصيحة

Moon_57201 🇪🇬

مش عارفة اتعايش والدنيا تقيلة عليا وانا لوحدي

جماعه انا مش عارفه اتعايش كل حاجه صعبه اوي عليا مش قادره اعمل اي حاجه حاسه اني مستهلكه عارفه محدش هنا هيفيد بحاجه بس مفيش مكان تاني اتكلم فيه محدش معايا ف اي حاجه الدنيا تقيله اوي عليا وانا لوحدي كل ما اقول هتظبط الاقيني رجعت مليون خطوه ورا معرفش ليه حظي كدا انا تعبت اوي اوي بجد ...عرض المزيد

1 الدعم

13 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع