فشل دراسي

Toast_52320 🇪🇬

منذ أسبوع واحد

شعور لا مبالٍ

فاشل دراسيا واجتماعيا وفي علاقتي مع ربنا ومش شغال وتفكيري سلبي وسوداوي ودايما مشتت وعندي قلة تركيز ومحدش فاهمني مليش نصيب في حاجه وحظي وحش مش نافع في اي حاجه وعايش بلا هدف مش شايف سبب يخليني اعيش عشانه. ايه تاني ممكن يحصل؟

Jackfruit_64058 🇪🇬

منذ شهرين

شعور غير مكتمل

مش عارف ايه الى. حصل لى كنت بصلى و بذاكر اول باول و بطلع من الاوائل و مراعى ربنا فى كل حاجه وبفرق بين حرام وحلال. اما دلوقتى فاشل دراسيا و عبد عاصى و كل ما احاول اظبت نفسى و ارجع ذى اول واحسن الاقى نفسى بقيت بغوص اكتر الصلاه بقيت بحسها تقيله على عكس الاول ققلت كلام معى ناس و بقيت معتزل على انى اساس

Cookies_75052 🇪🇬 اقولك انا انتظمت ازاي ؟ جبت سلاسل دينية لشيوخ وبدات اشوفها غصب واسمع ، اسمع السيرة النبوية واكتشف اد ايه انا بعيده كل البعد عن كلمة مسلمة وارجع اسمع قران واجيب ايات الوعيد واخاف اكتر واكتر من النار واني يوم القيامة خل مستعده امسك كتابي بشمالي ؟ الدنيا مش مستاهله والله حاول ومتيأسش الجنة تستاهل

عرض الكل 4 نصيحة

Apple_12537 🇪🇬

منذ 3 أشهر

شعور مرهق

"ولقد سقطت أحلامي شهبًا فطمست خُضرة أيامي طمسًا شديدا" عارف لما تكون قصادك الفرصة انك تجتهد عشان تنجح وممكن تبقى حاجة كبيرة بس انت بغبائك تضيعها بسبب انك مش قادر تعمل حاجة والكسل وانعدام الشغف يتملكوك ؟ انا عملت كده بقى وحاليًا بدفع تمن ده ... انا المفروض طالب ثانوية العامة أزهرية .. كان قصادي

Marshmallow_72658 🇪🇬 متقلقش بجد طالما انت بجد واعي وندمان على الي حصل قوم وكمل ومضيعش اخر فرصة ليك ربنا هيدبرها انا كنت ثانوية ازهرية الحمدلله نجحت بالدعاء بجد بجدد ، وفاهمه انت بتتكلم في ايه لإني بردو دماغي كويسة وكنت بطلع اوائل مدرسة وفجأة كل حاجه باظت في تالته ثانوي متشلش هم الي فات بص للجاي وحاول تصلح على قد ما تقدر وبإذن الله تشتغل في مجال تتميز فيه " الدقيقة التسعين أحيانا بتكون الفايصل "

عرض الكل 4 نصيحة

عبّر عن شعورك بشكل مجهول

"ولقد سقطت أحلامي شهبًا 
فطمست خُضرة أيامي طمسًا شديدا"

عارف لما تكون قصادك الفرصة انك تجتهد عشان تنجح وممكن تبقى حاجة كبيرة بس انت بغبائك تضيعها بسبب انك مش قادر تعمل حاجة والكسل وانعدام الشغف يتملكوك ؟ 
انا عملت كده بقى وحاليًا بدفع تمن ده ...

انا المفروض طالب ثانوية العامة أزهرية .. كان قصادي فرصة طول السنة اني استعمل دماغي اللي بجد حلوة وذكية و ممكن اكون من الاوائل بسببها بس معملتش ده بسبب اني استسلمت لأني قولت اني كنت "تعبان نفسيًا ومعنويًا وعاطفيًا وكل حاجة" دماغي اللي كانت وما زالت ذكية والحمدلله - وده مش غرور او استعراض - لكن انا معملتش ده

طلعت النتيجة من اسبوعين تقريبًا والنتيجة اني نازل دور تاني في ٣ مواد (كيمياء - فيزياء - أحياء) وبعد ما اخرج بإذن الله منهم اكون جايب ٦٥% 
انا في توهان كبير جدًا بين اني تعبت من اني بضغط نفسي وبحاول الم ال٣ مواد عشان معيدش السنة عليهم واحاول انجح واعدي و بين اني زعلان على اني مستخدمتش مواردي وقدراتي مع اني لي قدرات تانية كتير منهم الكتابة مثلا 
واني مش هعرف ادخل كلية كويسة او كلية انا ممكن احبها مثلا

مش عايز اطول بس انا تعبت فعلاً ومش عارف اعمل ايه 
حد عنده أي نصايح حتى لو صغيرة ؟

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Coffee_28710 🇪🇬

منذ 3 أشهر

شعور محبط

Jackfruit_64058 🇪🇬

منذ 3 أشهر

شعور شاعر بالملل

وصلت لى مرحله عاليه من التبلد ولا كانى انسان آلى ضرب وايهنات من الاهل. موت اشخاص غاليين علي. رفض من الشغل. قطعت جميع علاقتى فشل دراسى احس الشعله الحماس انطفت ما فيش حاجه بقيت بتعجبنى هو كل الى مزعلنى حاليا انى داخل 3ثانوى و مفيش شغف ليها

Marshmallow_69067 🇪🇬

منذ 3 أشهر

شعور خجلان

عبّر عن شعورك بشكل مجهول

عندى غصة في حلقي  وقلبي بقالهم سنين كتير 😂😂
عامة انا شخص بيحب يحكى احزانه وهو بيضحك دا من إنفصام والله😂😂😂
 ومن انا طفلة من لحظة ماادركت ان في حياة اصلا كان بابا مهتم بإنه يذاكرلى من ال kg مان مدرستى لغات فبابا كان بيفضل يجمعلى كلمات كتير عشان احفظها ويخليني أحفظ grammar  بغض النظر انا فهماهم ولالا بابا كان عبقري كان عنده ذاكرة تصويرية اى حاجة يشوفها يحفظها ..بس انا مكنتش كدا !! وهو كان بيشوف دا غباء من الضغط  والزعيق مخي كان بيقف وكنت بدخل في حالة رعب وممكن يحصل ضرب كمان كان بيجي يصالحنى بعد كدا بس انا كان خلاص اتربى جوايا الرعب ان بابا مدام رفع ايدة يبقى هيضربني وكنت بداري وشي حتى لو كان قصدة يطبطب عليا..
دخلت الابتدائي ومستوايا كان كويس لكن جيت في سنه ٦ جبت مجموع ٨٦ % وقتها بابا قالى جمله مش فهماها لحد دلوقتي قالي انة زميلي في الشغل الى مش بيتقي الله في شغله ابنه جاب ١٠٠% انا قصرت معاكي في ايه!! 
الحقيقة اني مش عارفة انا الى قصرت في ايه وايه علاقة الحلال والحرام بمستواي تحصيلي في المذاكرة انا كنت بوصل لمرحلة انى بيغمى عليا من الرعب وضغط بابا عليا وهو بيذاكرلى مخى كان بيقف مكنتش فاهمة اقوله ازاى انى مش عارفة افهم منه وان هو الى مش عارف يوصلي المعلومة كنت بفهم منه ال Math  وكنت بجيب الفول مارك لكن باقي المواد كنت بنقص كتير اوى انا نفسي مش ببقى فاهمه ليه ..
مرة ماما ودتني لدكتور مكنتش عارفة بتاع ايه قالي الفرق بيني وبين صاحبي انه كان بيذاكر ١٠ مرات انه بيكرر كتير يعني بس انا معرفتش اقولن ان الفكرة مكانتش في تكرار المعلومة انا مش فاهمة المعلومة اصلا😂😂
ماما كانت بتفضل تقارني بصي فولان بيذاكر لوحده بصي فولان بيعمل الساندوتشات لنفسة بصي فولان بيفتح الدكشنرى وبيتعمد على نفسه بصي فولان اهله مش ببيساعدوة في حاجة كانت دايما تقولي كلمة انتي متستاهليش انا بعملك عشان ربنا!! فطلعت فعلا حاسة اني مستاهلش اي حاجة حتى انى اتحب لان محستش انى اهلي حبوني ..
دخلت الاعدادي وكان النظام جديد عليا ففيه مادة سقطت فيها في إمتحانات الشهر والميس وقفتنا كعقاب وانا كل الفكرة انى بس مكونتش فاهمة فمستوعبتش مش انى مذاكرتش انا بذاكر بس مش فاهمة يمكن يكون عندي مشكلة في الفهم بس انا فعلا ببذل مجهود لما وقتنا فضلت ابص للشباك بتاع المدرسه وحسيت انى اتكسرت لانى فعلا مش فاهمة عايزة حد يساعدني مش يلومني .. مرة ماما ودتنى كنت واحدة زميلتى في المدرسة شاطرة عشان مامتها تذكرلى معاها فهى البنت ماشاء الله عليها بتحفظ بسرعة انا كان بيكون عندي مشكلة اني مش فاهمة تجرمة الكلام لانه بالانجلش فمخي كان بيقف ..

بابا كان بيذاكرلى الانجلش بالعربي فانا طلعت متعودة كدا غصب عنى.. في الاعدادى كان فيه مواد مهما ذاكرتها كنت بنقص فيها كتير لدرجة ان مدرسة رمتلى ورقتي في وشي من كتر ما هي فقدت فيا الامل انا مكونتش مصنفة اني فاشلة كان مستوايا عادى بس مش متفوقة المهم ان اهلى كانوا بيلوموني بس محدش كان بيحاول يساعدنى بالطريقة الي تنفعني ..بابا انا مكنتش بفهم منك طريقتك منفعتش معايا ..
كنت بكرهه كل شهر فقرة توزيع شهادات الدرجات كنت بحس انى قليلة جدا زي الانسان الفقير وسط ناس اغنية كنت بحس بالعار جوايا لانى مستاهلش زي م ماما بتقول واني معنديش ضمير

كنت بصاحب اي حد يرضى يصاحبني مكانش عندي مقاييس كنت عايزة اكون وسط ناس وبس ودا طبعا مكانش صح ..
كنت بهرب ديما وبقعد في ضهر المدرسة لحد ما البريك يخلص وبكون لابسه الهاند فري بتاعتي واقعد ارسم ..كان عندي مشكلة كمان اني بحس ان محدش عايزينى وان محدش بيحبني في المدرسة مع ان محدش كان مركز معايا بس دا كان شعورى كنت بحاوب اتنازل كتير لصحابي عشان يحبوني ويصاحبوني ..
دخلنا مرحلة الثانوى بابا قرر يدخلنى مدرسه عربي بحجة انها هتكون اسهل وهجيب مجموع اكبر بسهوله .. مقدرتش اتكلم مقدرتش اقولة اني نفسي اكون وسط صحابي وسط الناس الى اتعودت اكون معاهم بس مقدرتش اتكلم لانى فاشلة وماليش حق اتكلم

دخلت مدرسه عربي وكانوا شايفني فرفورة😂 لدرجة ان مدرس قالي انتى ايه الى جابك هنا مقدرتش اقوله بسبب مجموعي مع ان لو كنت عملت تبع مدرستي كنت هطلع ثانوي تلقائي لان نظامنا كان مختلف اول يوم في الثانوي روحت معيطة لان الوضع كان مختلف .. طلبت منهم ينقولني مدرسة تانية قريبة من مدرستى الي المفروض ادخلها نقلوني وكنت بروح لصحابي القدام عشان اروح معاهم وكنت ببقى لابسه لبس المدرسة العربي واحدة من صحابي قالتلى بلاش تجيلنا عند بابا المدرسة تانى ...

ناس كتير هنا كانت بتلومني ع فكرة انى عايشه في خيالى انا محستش حاجة في الواقع الا الكسرة مهما حاولت ابذل مجهود .. مرة حاولت ادافع عن نفسي قدام بنت ماماتها مدرسة في المدرسه فقولتلها دى ماماتك بتقول عليا انى قمر قعدت تضحك عليا ورغم ان مامتها كانت بتمدحني فعلا بس اتهزيت وحسيت انى وحشة..

في الثانوي عانيت جدا في ال Math لان دي اكتر مادة كنت بحبها وشاطرة فيها وكنت بروح لمدرس كان بيترجملى العربي بالانجلش روحت للمدرس دا بالذات عشان هو كان بيدي للمدارس اللغات فكنت بشوف صحابي من بعيد بيكونوا خلصوا احنا مدرستنا كانت مختلطة فكرة انى بشوف زمايل المدرسه كلهم من باب انى احس انى لسه وسطهم 
..روحت برضو لنفس مدرس الإنجلش الى اغلب زمايل مدرستي القديمة بيروحوله كنت بحضر معاهم في نفس الحصة وكنت ببقى مبسوطة جدا بس انا كنت انطوائية وبخاف مثلا اجاوب مع المدرس بس مرة حاولت استجمع شجاعني وجاوبت والإجابه كانت صح بس هو سخر منى وقالى دي مش إجابة حد متفوق ومختلف فكنت عايزة الارض تنشق وتبلعني .. كنت بسمع ولاد مدرستي القديمة وهما عمالين يتفقوا مين هيدخل طب ومين هيدخل هندسة
..لما دخلت الكلية مرة قابلت ولى امر ولد زميلي في مدرستي القديمة ولما عرف انى دخلت عربي وعرف كليتي قالي مدخلتيش معاهم هندسة ليه!😂😂

انا كنت بكرهه الكيمياء جدا بس ذاكرتها كويس اوي بس مكانتش بتدخل في دماغي والمدرس الى باخد معاة لازم يعمل امتحان صغير كل اول حصه غالبا معادلات وانا مكنتش ببقى عارفة احل كنت شاطرة في الكيميا العضوية بس الباقي لا فالاسستنت كانوا بيوزعوا الدرجات بعد الامتحان فمرة هربت عشان ماخدش درجتي الى عارفة انها وحشة تاني مرة جربت اعمل كدا الاسستنت اشتكت للمدرس قالها طلعى الاسم من الكشف ومشي الي عمل كدا فقولتلها دى ورقتي واخدتهل ومشيت كنت ماشية في الشارع مكسورة وخايفه حد من البيت يشوفها انا كنت حاسة بغربة في كل مكان اهل اصحاب مدرسة كل مكان مكانش حيلتى إلا خيالي 
كنت بتلام في البيت على كل حاجة الترويق وشرا الطلبات والمذاكرة كان دايما بيتقالى انتى معندكيش ضمير مع انى ممكن اكون محتاجة انى اعمل الحاجة صح ازاى ..
ال ٣ سنين بتاعت الثانوي مش فاكرة منهم الا خيالي وانى كنت بمشي في الشارع كتير لوحدى اتخيل حياتي الحلوة الي هعيشها لما اكبر مع شخصي الخيالى .. 
في تانية ثانوي مجبتش مجموع كبير بس كنت مقفلة الMath  بابا قرر يدخلنى ادبي هو ماخدش رأى هو قرر ودخلت ادبي وانا بكرهه التاريخ جدا والفلسفة وعلم النفس كان بيجي بنات قدام عند مدس علم النفس يسلمو عليه وكانوا جايبيين مجموع تالى كنت بحس جوايا انه بصي انتى فاشلة مجبتيش مجموع عالى المهم انى في تالته ثانوي جيت نفس مجموع تانية ثانوي😂

المهم انهم في البيت كانوا فقدوا الامل فيا فبابا قالى متخافيش المهم هتدخلى كلية عرض عليا يدخلنى خاص بس خوفت من المعايرة لو مجابتش تقديرات ..

المهم دخلت كلية مبحبهاش وكنت حاسة انى هضيع لان كلها حفظ بس انا حاولت استخدم طريقة الخريطة الذهنية والحمدلله كنت بجيب تقديرات بس مكانش فارق معايا انا كداكدا معنديش طموح في الكلية دي كل الى كان مصبرني ان اهلى بيفرحوا وربنا بينجييني من لومهم ليا..
انا طلعت الحياة مش فاهمة حاجة في الدنيا لانى متعلمتش حاجة غير المذاكرة الى مفلحتش فيها فكنت سهل يضحك عليا لانى كنت بفتكر كل الناس صادقة 
يمكن الى طلعت بيه بس من الكلية انى مصدقش الناس 
بعد مااتخرجت محاولتش اشتغل بشهادتي بس نزلت اشغل حاولت في كذا شركة عشان بس اهرب من فكرة اللوم وانتي قاعدة بتعملى ايه .. انا حتى العرسان كنت بتجبر اقعد معاهم مرة جالى حمة لانى هقعد مع عريس معرفش عنه اى حاجة ف ليه اقعد معاه الموضوع بالنسبالي كان عقاب وانا كان عندي حلم اني هقابل شخصي الخيالى في الواقع وكنت مستنياة فمكنتش عايزة استعجل

المهم انى كنت بنزل الشغل وانا بعيط لان انا طبيعتى بحي البيت مكنتش فاهمة انا بنزل ليه وكل مرة كنت بسيب شغل لازم اقدم مبررات مقنعة لبابا وماما ..
بابا لحد ما يموت بكام شهر كان بيقولى انى كسولة عشان مبتعملش انجلش وكومبيوتر وانا فعلا كنت مصدقت خلصت تعليم كنت بكرهه اى حاجة ليها علاقة بالمذاكرة قلبي كان بيكون مقفول جدا لانى ذكرياتي معاها كلها بشعة .. 
الحقيقة انى مكننش عايزة اشتغل ولاانزل كنت بستحمل بس عشان كان عندي امل اقابل شخصي الخيالى الى هيرحم انوثتي وهيخاف عليا الى هعيش معاه في بيت على زوقي هيكون مملكتى اني هكون مع حد هيشبعنى حب ويحب شخصيتي حد هفضل اعمله اكل حلو وحلويات ونقعد نتكلم سوا كتير يخفف عني واخفف عنه حد مخافش لما يرفع ايدة وهبقي عارفة انه قصدة يطبطب عليا حد اعيش معاه بشخصيتي المبهرة واسلوبي  وطريقتي الى هخلى حياتنا بيها جنة .. حد هكون انا انا معاه انا الي معرفتش اعيش بيها ولااعبر عنها انا المدفونه جوا الخوف والتقليل من رأيها وانه المفروض تسمع كلام الكبار انا الي سنين كتير مرت عليها ولسه روحها مدفونة جواها والبنوتة الى انا عارفة انها مبهرة مسجونة جوا جدران بيتنا لان كمان بقى عندها مسؤليات جوا البيت تجاة الكبار لان مفضلش حد غيرها ..انا الى عمرى كبر وانا لسه واقفه هناك عند الطفلة الى عاملة قطتية واقفة تايهه ومستنية حد كان مواعدها انه هياخدها من على الطريق وينقذها بس مجاش او يمكن هو مكانش موجود من الاول

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Mushroom_70421 🇪🇬

منذ 3 أشهر

شعور متوتر

حاسة اني فاشلة جبت ملحقين فى الثانوي ودي اول مرة تحصلي ممكن حد يفكرني فاشلة بس والله دي اول مرة تحصلي حاسة السنة دي مش عايزه تعدي ابدا حاسة ربنا بيعاقبني انا كنت شاطرة معرفش ليه، مبقتش نفسي فى اي حاجة غير ان السنة دي بس تعدي والله كل احلامي بسيطة على الرغم اني كنت شاطرة بس مكنتش بحلم بكليات قمة كنت

Jackfruit_65540 🇪🇬 شعورك مفهوم ومتقدر جدا وصدقيني دي مرحله مش هتقف عليها مستقبلك ومريت بنفس الشعور بتاع قلق الثانويه و انت مش فاشله انت شطوره جدا ويمكن كمان اشطر بكثير ف مجالات تانيه كمان و ده تعثر مش فشل وممكن ربنا بيختبرك يشوفك حتصبري ولا لا مش قصة غضب(الله إذا احب عبداً ابتلاه ولا ايه؟) انا عندي صديق ليا كان جاب ملاحق وساندناه طبعا وكان بيمر بنفس شعورك ذاكر شويه وعمل اللي عليه كمان و دخل كلية زراعه متقلقيش

عرض الكل 7 نصيحة

Watermelon_65290 🇪🇬

منذ 3 أشهر

شعور مكسور القلب

انا جبت 79٪ مش عارفه اعمل بيهم ايه ، امي بتعيط واخواتي بيواسوني ، انا مشكلتي إني كنت عاملة نفسي فاهمه دائما ولما حد ينصحني اقول انا عارفه كل حاجة ، انا حاسه نفسي قليلة جدا ، شكلي وحش قدام نفسي وخلاص معدش عندي أمل في أي حاجة ، انا عارفة إنهم شوية زعل وإن شاء الله هعرف اتصرف ولتعلم السكيلز الي هحتاجها

Pineapple_30761 🇪🇬

منذ 3 أشهر

شعور مكتئب

انا ظفعه السنه الفاتت ومجموعي بجد كان وحش بالرغم اني عارفه انها مش درجاتي جبت59 ودخلت كليه اهليه حاجه حلوه عادي ليها علاقه بالبرمجه وال AIكتخصص وانا حد شاطر وجبت تقدير تمتياز اول سنه هو ممكن حد يقبل بيها لو انا جايبه المجموع ده؟ هو ممكن مثلا دكتور ولا مهندس ولا حد ناجح عموما يقبل يحب ويتجوز حد كده

Potato_60720 🇪🇬

منذ 4 أشهر

شعور متعب

تخيل تبتدي حياتك بفشل دراسي و بعدين تترمي في شغل القاعده الاولي في لو موت او اتثابت الشغل ميعرفكش و هو شغل الجبل في الرخام و انت شاب كان حلمه يدخل ثانوي عام بس الحمدلله تشتغل و كل فطره تتعور حد هيقول الشغل كتير اه كتير بس مش هيجيب نفس الفلوس الي تخلي شب يصرف ع دراستو و نفسه و يساعد والده و تمشي الدن

Lemon_61147 🇪🇬

منذ 4 أشهر

شعور ضائع

حاسس ان ربنا خالقني عشان اتعذب عقل ذكي مع adhd تصرفاتك غبيه لا ارادي ابسط الاشياء لناس صعبه عليك حتي الكلام بلخبط ياما مبعرفش اكلم نفسي ودي كارثه غير اني في فتره من فترات حياتي حبيت واحده وقولت اخش معاها القسم فعملت مجهود جامد من أول السنه الا في اخر كام يوم كنت تعبان فشلت وشلت ماده من ساعتها

Peanut_60737 🇪🇬

منذ 4 أشهر

شعور محبط

٣ اعدادي كانت احسن سنه عدت عليا لحد دلوقت عملت فيها حجات كتير خسيت و نزلت جيم و انتظمت لاكتر من ٨شهور و كنت متفوق دراسيا و عملت العليا و زياده و كنت كل يوم يعدي اقول فاضل على الحلم تكه كان حلمي اني ادخل استيم المدرسه الكل بيقول عليها للمتفوقين و كدا مكنتش متاكد اوي اني هقدر اجيبها بس قولت مفيش مستحي

French Fries_53924 🇪🇬

منذ 5 أشهر

شعور ضائع

انا من بعد ٢ ثانوي و انا حاسس اني فاشل يعني مجبتش مجموع و داخل كليه غصب عني دخلتها و كل ما احاول اذاكر اي حاجه بتشتت انتباهي و مبكونش مركز و انا بذاكر و حاسس ان عندي ADHD و مش عارف ايه الحل معاه و حياتي في الجامعه انا اولي جامعه حياتي مشتته و بعيد عن ربنا و كل ما احاول اقرب مش عارف انتظم و بعمل حاجه

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

عبّر عن شعورك بشكل مجهول

انا تلت تربع الترومات الي في الدنيا انا اتعرضت ليها سواء كان اتخدعت في ابويا اتخدعت في اصحابي اتخدعت في الي حبتها ولكن انا تخطيت كل دا اينعم طلعت منه خسران حاجات كتير يعني مثلا ابويا هو السبب في مشاهدتي للافلام الإباحية لاني شوفته بيتفرج عليها وانا في رابعة ابتدائى وفضلت صور الافلام دي في دماغي لحد ما بلغت وابتديت اعمل العادة الي كل يوم بتدمرني والعادة دي عملتلي هزة في شخصيتي اول اما بلغت ضاعت شخصيتي وسط الشهوة وبقيت شخص منعزل بيتحرج من اقل شئ وبقيت صعب اكون علاقات غير الي كونتها في ابتدائي ففضل معايا اصحاب ابتدائي لحد ثانوية عامة وبعدين لما روحنا كليات مختلفة بيقنا بنتقابل بسيط لحد ما خلاص مبقوش فاضينلي واتخدعت في الي حبتها وانا في 2 ثانوي وفضلنا مع بعض لحد ما جيت داخل ثانوي راحت سايباني حرفيا انا كنت متدمر وانا مكنتش شاطر اوي قبل ثانوي بس كان يجي مني يعني كنت جايب في الاعدادية 90٪ جيت في ثانوي شلت مادة ودي كانت اول مرة ادوق طعم الفشل ولحد دلوقتي مش عارف ادوق غيره بقيت ٢٥ سنة ومعرفتش اعمل اي حاجة غير اني سامحتهم علشان يمكن ربنا يسامحني علي مستقبلي الي بدمره وعن سقوطي في العادة الي مبيخلصش وحاولت كتير في برنامج التعافي بس مش عارف ابدأه اصلا وحالتي صعبة جدا دا غير انا مش لاقي شغل علشان مش عارف اطور من نفسي بسبب طاقتي الخلصاني في الاباحية والعادة وحاسس اني مسجون ومش قادر اتنفس

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Croissant_56757 🇪🇬

منذ 5 أشهر

شعور مكتئب

بمناسبه أن احنا ف امتحانات، عاوز اقول اني مش قادر اتخطي فكره اني امبارح كان أول امتحان ليا و عملت اسوء أداء دراسي ف مسيرتي ، ذاكرت للماده كتير اوي ، قبلها ب شهوررر و بذاكر فيها ، و حافظ صم و متوترتش ولا اي حاجه ، و بحل و كله تمام ، اتفاجئ بعد ما خرجت من الامتحان اني حليت اسئله كتير غلط بسبب اني قرا

Strawberry_25620 🇪🇬 وان ليس للانسان الا ما سعى🩵 ثق بكرم ربنا انت عملت اللي عليك والباقي ده بتاع ربنا هوا شايفك وعارف تعبك ومجهودك ..

عرض الكل 9 نصيحة

Chocolate_64253 🇪🇬

عايزة أكون أحسن علشان متحسش إني قليلة لما أتخطب

انا لو شايفه نفسي مش حلوه اي الصفات اللي مفروض تكون فيا علشان فالمستقبل لما اتخطب محسش اني قليله طبعا الاخلاق رقم واحد ، غير كده ايه الصفات اللي الشباب بتحبها فالبنت غير شكلها ، انا بتكلم علشان يبقي عندي خلفيه فالمستقبل ... ...عرض المزيد

1 الدعم

26 نصيحة

Sugar_87672 🇪🇬

مش بعرف أكون صداقات حقيقية.. حد عنده نصايح؟

حاسة إني مش بعرف أكون صداقات أو علاقات اجتماعية حقيقية. بحاول أفتح نفسي للناس، لكن غالبًا بحس بالمسافة أو البرود، ومش عارفة إزاي أكوّن روابط تستمر. أغلب الصحاب اللي بعرفهم، علاقاتهم بتنتهي بعد فترة الدراسة أو الشغل، وبعدين كل واحد بيكمل حياته ومش بيكون موجود. ساعات بحس إني لو حاولت أتعرف على حد، هيتكرر نفس النمط، وده بيخليني أرجع أتمسّك بعزلتي. حد عنده نصائح أو مرة بتجارب زى كدة ...عرض المزيد

1 الدعم

19 نصيحة

Biscuit_87034 🇪🇬

مش عارفة اتخطى حب مراهقتي وبقيت حياتي واقفه

انا كنت بحب حد والحد ده سابني بقاله سنتين وعشر شهور انا مش عارفه اتخطاه خالص مش عارفه حاولت كتير اوي الموضوع تاعبني نفسيا اوي نفسي أنساه بجد بس مش عارفه المفروض أن ده كان حب مراهقه كنت صغيره اوي 17 سنه ولحد هذا الان بقيت 20 ومش عارفه يمكن عشان الوقت الي حبيته فيه كان في مشاكل كبيره اوي انا متربيه من صغري علي المشاكل والخوف بسبب ابويا لدرجه أن الي كنت بحبه ده كان حنين عليا فوق الوصف فعتبرته ساعتها بدل ابويا يعني كان هو مصدر امان بالنسبالي ومن بعد ما سابني وانا كل مشكله بتحصل معايا بفتكره هو اول واحد هو اول واحد بيجي في بالي بفتكر حنيته عليا تعبت من كتر التفكير فيه يوميا لازم افكر فيه قبل ما انام يوميا لو زعلانه بفتكره تلقائي كده بقيت حاسه أنه شاغل تفكيري كله هتقولولي اشغلي نفسك اقسم بالله بروح كليتي وارجع علي الشغل بخلص 10 بليل واول ما بحط دماغي علي المخده بفتكره بردو وبقعد أخلق مواقف حلوه وهميه بيني وبينه والحاجات دي مش موجوده اصلا بس مش عارفه الي بيحصل ساعات بقول ياريته كان معايا دلوقتي وساعات ببقي مش طايقه ابص في وشه كل ما اقول خلاص نسيته برجع افتكره تاني برغم أن مش بشوفه اصلا وعملاله بلوك من كل حته وكمان هو اصلا مش عايزني ولا انا عايزاه هو ارتبط ب 2 بعدي وعاش حياته انا حاسه حياتي واقفه عليه نفسيتي تعبانه اوي ...عرض المزيد

0 الدعم

18 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع