فقدان جدو

Heart_47841 🇪🇬

منذ أسبوع واحد

شعور مكسور القلب

عبّر عن شعورك بشكل مجهول

الانسان بيرجع حياته الطبيعيه ازاي بعد الفقد ؟ حقيقي سوال بحاول الاقي ليه اجابه أو حلل مش لاقيه تماما 
جدو توفي من ٥ ايام وحقيقي عقلي مش مستوعب حاسه ان عقلي واقف مش هقول اني قاعدة بعيط وبس لا انا بسكت واضحك وانا مش حاسه بحاجة ومش عارفه احس اني طبيعيه ولا عارفه حتي اعيط عشان اطلع الي جواياا كأن حصل فجوة كده في عقلي مش عارفه استوعب ولا اتعامل خالص حقيقي امتحاناتي فاضل عليها كام يوم حرفيا وانا ضايعه ضايعه بالمعني الحرفي ومعرفش حاجة عن المنهج مضطره اتعايش واتعامل والحق نفسي بس مش قادره ومش عارفه انا اصلا كنت ضايعه من قبل ما جدو يتوفي بس كنت ناويه الحق نفسي والم اي حاجة انا دلوقتي بجد انا مش حاسه بأي حاجة ولا عارفه اعمل ايه وحقيقي بضيعع 
تاني حاجة احساسي بالذنب هيموتني عشان مكنتش بزور جدي ده كتير كنت مقصره اوي معاه كان يسأل عليا ماما وتيجي تقولها واقولها هروح المرا الجايه عشان المذاكره لحد ما مات ومفيش مرا جايه لحد ما مات وانا بقالي شهر مشوفتوش ملحقتش احضنو ملحقتش اشوف اخر شكل واخر ملامح لوشو كانت عامله ازاي عشان هو كان تعبان اوي صعبت عليا نفسي اوي ازاي الدنيا خدتني منو وقصرت معاه كده لحد ما راح وسابني سابني من غير ما يكون عارف قد ايه هو غالي عندي سابني من غير ما يشوف معزتو في قلبي عامله ازاي انا بس كنت بخاف وبتكسف أبين مشاعري ليه حتي لما كان بيقولي وحشتيني كنت بتكسف اجري في حضنو شكلو بالكفن لازق في مخي كأنها صوره اتحفرت خلاص حتي وهو في الكفن معرفش ادخل احضنو واشم ريحتو وابوس راسو كلهم كانو بيعيطو وينهارو وانا قاعدة ساكته مش عارفه استوعب حاجة بتجيلي لحظات انهيار بس برضو مش مدركه الوضع مش ندركه حاجة خايفه اوي يكون مات وهو زعلان مني عشان مكنتش بروح عندو كتير ربنا يصبرني ويقوينيي ويسترها معايا في الامتحانات كمان يارب
كل الي يشوف البوست يدعي لجدو بالرحمه والمغفره ارجوكم 🤍

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Coconut_12604 🇪🇬

منذ سنة واحدة

شعور Bad 😞

جدو قرب يكمل سنه وهو ميت وانا بجد مش قادرة اتخطي الفكرة رغم انو كان معظم الوقت مسافر بس كنت ساعتها بكلمو فون لحد دلوقتي مش قادرة استوعب انو مبقاش موجود وبخاف ادخل اوضته يعني ممكن اروح البيت هناك اول اما ادخل البيت بحس بنغزة كدا ف قلبي وبعدين بهدا شويه بس مقربش من الاوضه بتاعته الي كان عايش ومات فيها

Sugar_89375 🇪🇬

لما بقطع علاقتى بحد، بقول انت شات واتمسح

لما بقطع علاقتى بحد ببقا عايزة اقولو انت بالنسبالى شات واتمسح وووووووووووووووووووووووووووووووووووووووووووونننننننننننننننننننننننننننننننننننننننننننننننننننننننننننننننننننييييييييييييييييييييييييييييييييييييييييييييييييييي ...عرض المزيد

2 الدعم

15 نصيحة

Mango_70768 🇪🇬

هل أنا تقيلة على الناس؟ سبب انطوائي وفشل علاقاتي

انا عندي مشكلة اني دايما بحس اني تقيلة ع الشخص الي قدامي ويمكن دا سبب من اسباب فشل علاقاتي الاجتماعية وسبب من اسباب انطوائي بكره احساس اني ممكن اكون تقيلة على حد ومش عارفة هل دا سبب ان معنديش ولا شلة صحاب ولا حد بتجنب العلاقات دايما وبفضل العزلة وبردو عندي عزة نفس بتخليني اشك ان الشخص اللي قدامي مش عايزني فببعد وبنسحب بهدوء وبردو بخاف اتعلق ب اي حد عشان كدا بلف والف واختار عزلتي في الاخر وانا اصلا مش حابه كدا اسباب وحاجات كتير جوايا مش عارفه اقولها ومش عارفه اشرحها بس السؤال هنا هل الإنسان لازم يتنازل شوية عن عزة نفسه عشان يحافظ على علاقاته ولا لا ...عرض المزيد

2 الدعم

14 نصيحة

Sugar_89998 🇪🇬

ليه الناس بقت سطحية؟ عايز أتكلم مع حد ناضج

ليه الناس بقت سطحيه كدا ، هل كل اللي موجودين هنا صغيرين ؟ can I have a chat w someone who is mature enough to have a fun meaningful conversation I'm bored if u wanna talk about something and ( if u are 26 or older) hit me up 😁 let's have a chat ...عرض المزيد

3 الدعم

14 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع