قلب مجروح

Strawberry_58144 🇪🇬

منذ أسبوعين

شعور مكسور القلب

عبّر عن شعورك بشكل مجهول

اول مره شوفته.. كنت بتلفت ورايا فالمدرج بكلم صحبتى.. اول مره ابلم لولد
مع انه مش ذوقى السعر و الذقن الدهبى ده بس خطفنى.. عجبنى اوى ساعتها.. عجبنى وهو مربع ايده و باصص قدامه و راسى كده.. مش شبه اى شب فالمكان.. مش شبههم.. كان شبهى..
ولا اتلفتلى ساعتها ولا اخد باله انى بصيتله.. وانا شيلت الموضوع من دماغى لانه باين مش بتاع بنات.. ولا انا بتاعت صحوبيه عامه..
نسيت الموضوع لانى اصلا مش بحضر كتير.. نزلت بعدها بفتره عشان كويز.. و طبعا متاخره.. داخله المدرج ولا فدماغى يجى عينه عليه بالصدفه وهو باصصلى و مبتسم اكنه متفاجى كده.. اكنو بيقول اى الغيبه دى.. استغربت جدا و بصيتله كده لقيته عدل نفسه و بص قدامه ولا اكن حصل حاجه وانا محطتش فدماغى بجد
نزلت المره الى بعدها بعد فتره برضو و بجد كنت ناسيه كل حاجه و نسياه هو شخصيا
قعدت و الدكتور دخل و بيتكلم بتلفت جنبى عادى لقيته قاعد قصادى الناحيه التانيه و بيبصلى.. و مبتسم.. اول ما عينى جت فعينه بص قدامه للدكتور و ابتسم على كلامه مع الكل و بعدها رجع عينه تانى يشوفنى.. لقانى لسه بصاله.. كانت اول مره تتقابل عينينا.. بصينا لبعض بجد.. مشالش عينه.. سابنى انا الى اتوتر.. و انسحبت و بصيت قدامى..
خرجنا بره بعد الامتحان وهو مشتلش عينه من عليا حرفيا.. كان واقف مع اصحابه و يتلفتلى وهو مش قادر يخبى.. مش قادر يصدق انى بجد بصاله.. وانا اتقل.. الى هو مش هاممنى اوى يعنى.. بس انا كنت وقعت بجد.. النظره اتحفرت جوايا لحد دلوقتى.. كل ما اتلفت الاقيه بيتلفت عليا و مفضوح.. و مشينا
المره الى بعدها كان بعد اسبوع.. شوفته.. وهو ولا اكنه يعرفنى! بجد ولا اكنه شافنى قبل كده.. مش بيبصلى اصلا.. بيهرب بيتجنب بينفى ان فى اى حاجه.. لو جيت قدامه يكشر جدا و يبالغ فالتجاهل.. كنت هتجنن! ليه بيعمل كده؟ ده احنا ملحقناش
فضل كده طول الامتحانات.. دخلنا الترم التانى و بدا يرجع يبص حبه حبه.. يبص و يدارى.. و احيانا ميعرفش يدارى.. يطلع منه نظره! تدوبب القلب.. كانت تلت مرات بالذات.. بصلى بصه انا متخيلتش ان ممكن يبص بالشوق ده كله.. بالحب ده كله! لدرجه انى انا الى هربت بنظرى..
دايما باصصلى.. دايما بيهرب.. بيحارب عشان محدش ياخد باله.. بيجاهد عشان ماحسش انه بيحبنى.. اكنه بينكر جواه.. ولا مره اتقابلنا بدون ما نبص لبعض.. ولا مره سابنى اشوف نظرته الا مرات قليله جدا
ماخدش خطوه.. ولا حتى تلميح.. وانا بدات اتعب من جوا.. قلبى نهج.. كنت حبيته.. حبيته و عشقته و اتعلقتت! بدون ما نتكلم حتى! حبيته من كل قلبى
وهو عارف.. عارف انى بحبه ما هى واضحه زى الشمس.. بس مجاش . سابنى كده.. و بدا يتغير
الى مكانش ليه فالبنات بدا يبقى ليه.. بقا يهزر مع البنات على جروب الدفعه.. قبل كده مكانش بيتفاعل حتى.. بقا عايز ينتشر.. حس انه محدش يعرفه فقال اجرب.. او يمكن لما انا بصيتله حس بنفسه فقال يجرب حظه.. فطلع يغنى عالمسرح! مع ان مفيس بنات مهتمه بيه خالص مش ذوقهم مختلف عنهم.. بقا يقعد مع شله ميكس.. مبيكلمش البنات الى فيهم اه بس بيقعد معاهم فوسط اصحابه.. هزار مع ال بنت فالجروب.. انا ساعتها كنت بعيط من الغيره بجد.. كنت بتحرق! كان مدمرلى نفسيتى.. ده انا حبيته عشان مش رخيص كده..
السنادى قدم نفسه عشان يكون ادمن الحروب و فعلا بقا الريب.. مستغل الفرصه عشان يبقى لطيف مع كل البنات.. الا انا..
انا الى عمره ما رد عليا عالجروب حتى.. بيتجنبنى و بس.. لسه حاسه ان فى حاجه لما يشوفنى اه.. غير كده لا.. ممكن يشوف ىسالتى عالجىوب اول واحد.. ممكن يفضل منابع الحوار لو كنت بتكلم.. لاطن يوجهلى كلام او رياكت حتى؟ استحاله
ولحد دلوقتى.. واتغير.. بقا تافه.. بقا عايز يهزر و يبقى دمه خفيف و بس.. بيستعرض.. بنات و بنات و بنات.. خلاص بقيت اشوفه واقف مع بنات فالكليه.. لسه بيبصلى.. لسه بحاول ابعد عنه
انا مبقيتش عارفه انا بحبه ولا لا.. بس هو متبقاش فيه حاجه تتحب.. كل حاجه كانت حلوه فيه هو مسحها بنفسه.. عشان يبعد عنه تهمه الحب من اصله
حاليا مبكلوش صدفه حتى ولا بساله عن اى حاجه و متجاهلاه تماما 
بس مش قادره ابطل اسال.. ليه؟؟ ليه كل البنات وانا مش ضمنهم حتى.. ايه الكل ماعدا انا.. ليه مش انا؟ ليه محاولش.. ليه مجربش.. ليه بيحاول يبعد عنى بكل قوته.. ليه بيشد نفسه بعيد عنى.. ليه رفضنى جواه من البدايه خالص.. ليه بجد.. ليه لسه بيبصلى؟؟؟ لييه!
انا عملتلو اى عشان يوجعنى كده
ده احنا عشنا كل المشاعر من بعيد بجد مكانش ناقص غير اننا نتكلم 
انا عشت قصه حب من غير مدخل فيها!
ده لو مكانش حب.. يبقى اييه؟
يبقى ايه بجد...

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Chilli_68401 🇪🇬

منذ 3 أسابيع

شعور لا مبالٍ

طفلة زي القمر داخلة مع الدادة بتاعتها ياخدوا حاجة وبعدين هيروحوا الحضانة الطفلة دي فكرتني بيها كانت مصورالي بنت خالتها الصغيرة الي فيها شبه منها افتكرتها وافتكرت انه كان ممكن يكون معانا طفلة شبهها بس كدا ونقلب ف الآلام كل يوم

Mango_60992 🇪🇬

منذ 3 أسابيع

شعور لا مبالٍ

مره واحد صاحبي سألني انت ليه بتتعلق بالناس بسرعه مع انك عارف ان ده غلط وبترجع تندم عليه بس الفكر كلها مش اني غشيم او ناقص وعي عشان اتعلق بالناس بسرعه الي اغلب الناس ميعرفهوش ان ورا تعلقي ده قلب عمره ما داق حنيه من ام او اب من صغره عمره ما حس انه زي باقي الاولاد عايش بيتحاسب علي كل صغيره و كبيره وبي

Avocado_36013 🇪🇬

منذ شهر واحد

شعور مكسور القلب

عارف لمه تحب حد حب الطرفين انا حبيتو كده والمشكله اني مش عارفه ابعد عنو وهو انسان كويس جدا بس النصيب بقى وحته لو انا عرفت ابعد احنه قرايب ف هنقابل بعض وهو بيعتبرني زي اختو وبيحكيلي على كل حاجه وبنتكلم على طول وانا مع الوقت بدأت اني اقتنع انو مش من نصيبي بس لسه في حته جوايا بتحبو ومش عارفه تتخطي ح

Potato_73007 🇪🇬 فكك منه وشوفي حالك بيعتبرك زي اخته يعني ما بيحبكيش اصلا ولا حاطك في شكل العلاقة دي

عرض الكل 14 نصيحة

Avocado_50926 🇪🇬

منذ شهر واحد

شعور وحيد

انا تقريبا لحد دلوقتي مش عارفه ان كنت وحشه في اي وليه محبنيش زي ما انا انا حبيته بس للاسف مكنش يستاهل ممكن اكون غلطت واستعجلت ان وفقت قبل ما اعرفه اكتر بس ليه يسبني لا دماغي كده ويتجوز ويخلف وانا اتخطب لشخص بس حاسه ان فيا حاجه ناقصه مش عارفه اتاقلم وافرح

Carrot_72258 🇪🇬

منذ شهرين

شعور محبط

يعني ايه ابقي بحب حد و بعتم بيه كل الاهتمام ده و هي التسيبني في الاخر مع انها كانت بتحبني نفس حبي و اكتر كمان بس دت كان في الاول فجأه خلتني اتعلق بيها مكنش بيعدي يوم غير لما اشوفها ز نتقابل و خروج و سهر علي التليفون و في الاخر انا الي اتساب طيب ده ليه و ليه يكون في بديل اصلا انا كنت بتخيل نفسي و انة

Apple_26468 🇪🇬

منذ شهرين

شعور مكسور القلب

صبرت عليك وعديتك واخدت ايديك وجيت خايف فطمنتك وخفت عليكي مسحت بكاك وبكتني بقيت سندك فهدتني وعليتك فزليتنى وبان فالفعل قبل عنيك انا استغنيت عن الدنيا عشان خاطرك بنيت عالم ميشبهنيش عشان خاطرك انا!! عملت حسابي فالجيات على وجودك وجيت اسكن على حدودك ومش عاوز غير كونى معاك مكنتش عارف ان الوقت بينسي مكنش

Avocado_75223 🇪🇬

منذ 3 أشهر

شعور مكسور القلب

نا شاب عادي جدا بس متكبر في الحب شويا كونت بقول مش اي وحد تعرف تاخد محبتي ولا حنيتي ولا وحده في الدنيا دي تستاهل وكنت شايف الحب ضعف وني راجل مفيش حاجه تهزني وكدا بس وكلمت بنات كتير ومكنش في وحده بتكمل معايا ٣شهور وقلب وكان مش فركلي اي وحد بس عمري مكلمت بت علي بت المهم حبيت وحده مش حلوه عاديه بس عار

Cherry_74710 🇪🇬

منذ 3 أشهر

شعور مكسور القلب

لسة بخبه ومش قادرة انساه حبيته بجد من كل قلبي كان نفسي بس يكون جمبي حبيت غيرته عاليا وحنيته انا مش عايزة نصايح بس بكتب عشان اطلع اللي انا فيه كل ماشوف صوره او اشوفه صدفة بحبه اكتر قلبي بيدق صعب نرجع تاني باي حال من الاحوال عشان هو كداب بيكدب كتير وشوفته مع واحدة في عيد ميلاد حد مشترك من تاني يوم ات

Marshmallow_62359 🇪🇬

منذ 3 أشهر

شعور محبط

حد يعرف يقولي حاحات اعملها علشان اتخطى كان بينا كتير اوي و هو كدب عليا كتير و مبقاش عايزني اتقبل ازاي انه هيبقا مع واحدة تانية او بقى او بيكلم اكيد انا معرفش بس عايزة انساه قولولي ازاي انساه انا قلبي وحعني اوي انا بحلم كل شوية انه مع بنات و انا واقفة برة و بعيط ببقى بتعذب فالحلم و لما بصحى 💔💔�

Chocolate_62747 🇪🇬

منذ 3 أشهر

شعور محبط

يوم 14/8 يوم الخميس الي فات كان يوم خطوبتي بس مش علي الي حببته مش علي الي قلبي اختاره مش علي الي فضلت ادعي سنتين ان هو يكون ليا المفروض دلوقتي اكون عاملة كابتشن الخطوبة واعمل ان انا مرتبطة بيه واحط اسمه علي صفحتي وابقي مبسوطة وهو بيلبسني الشبكة الكل يوم الخطوبة شاف ضحكتي بس محدش شاف الدموع الي كانت

Popcorn_56962 🇪🇬 تخيلي لو الجديد العكس هتكملي معاه

عرض الكل 8 نصيحة

Banana_71095 🇪🇬

منذ 3 أشهر

شعور محبط

موضوع:

عرفت تنساها او تنسيه

عمري ما هعرف انساها كانت حب حياتي مشيت واخدت عمري معاها الكلام يعتبر محن لبعض الناس بس لاسف دي الحقيقه...بس انا الي غلطان انا الي قصرت وانا الي جيت عليها وظلمتها معايا وهي مكنتش تستاهل كل ده

Banana_70447 🇪🇬

منذ 4 أشهر

شعور غير مكتمل

انا عندي ٣٢ سنه خريج هندسه وللاسف بواجهه مشكله اني مرتبطش ولا مره ولا حتي خطوبه لا توفيق ولا حظ ف اني الاقي شريكه حياتي اللي بحلم واتمنها تكون كل حاجه ليا لاني عايز شريكه حياه احس ناحيتها بإنجذاب وتملي عيني واكتفي بيها وده سبب اني لو مش مقتنع بحد او حاسه مبيحصلش نصيب بس الفتره الاخيره عرفت بنت وحبيت

Apple_65856 🇪🇬

منذ 4 أشهر

شعور محبط

وبعد كل ده، بعد اللي بينا، بعد الصبر، بعد الوجع، بعد ما كنت بدعي ربنا يجمعنا بالحلال… راح وخطب. آه والله… دخلت حياتي زي الحلم، وخرجت منها كأنك ما كنتش، بس الصدمة مش في إنك مشيت… الصدمة إنك كنت بتجهز لقلب غيري، وأنا كنت مستنياك على باب قلبي! كنت بقول للناس "بيحبني… بس مستني الظروف"، وماكنتش أعرف إن

Potato_61067 🇪🇬 هاذا الكلام ما بيطلع الا من شخص حب من كل قلبه..فعلا مارح يلاقي شخص يحبه زيك ويتحمله زيك ... الحمد الله انه ربنا شاله من حياتك الله يعلم كان رح يعمل فيك ايه لو صار نصيب ...فترة ورح تعدي صبري حالك بعرف حرقة قلبك حاليا مو سهلة..بس مافي شي يستاهل زعلك هوا لي خسران مش انت 🫶🌸

عرض الكل 13 نصيحة

Banana_49850 🇪🇬

منذ 5 أشهر

شعور متعب

عبّر عن شعورك بشكل مجهول

انا حبيت قريبتي من واحنا اطفال واحنا بنحب بعض لما كبيرنا هيا راحت في طريق وانا في طريق بس كنت لسه بحبها وهيا عارفه وكنت دايما اخرج معاها لو مخنوقه اجعلها اي حاجه تطلبها اروح اجيبها من الدروس ايام الدروس بتاعت الثانوي وهيا ال كانت بتطلب كل دا كنت فاكر بتطلب مني دا كلو عشان بتحبني في جيت اتقدمتلها رفضتني وقالت لا احنا اخوات الكلام دا من سنه طبعا انا زعلت وعاتبتها طب لي كنا بنخرج لي بنتكلم بالساعات لي في اي مشوار بتخديني انا والمهم الموضوع خلص وعملنا بلوكات لبعض وبعدنا وبعد فتره اتكلمنا واتعبنا والموضوع خلص جيت من اسبوع جالها عريس هيا في تانيه كليه هو لسه مخلص كليه ومعندوش شقه مش شغال لسه هيدخل الجيش ف انا لقيت انو ميستهلهاش وانا احسن منو في حاجات كتير كليه اعلي وشقتي خلصانه وشغال ومرتبي الحمدلله حلو جدا ف روحت لخالتي وتبقا خالتها واتكلمت معاها في الموضوع تاني وقالتلي انها قالتلها نفس الكلام وهيا اقتنعت وموافقه عليا والدنيا تمام جيت تاني يوم لقيتها بعتالي بتقولي احنا اخوات واقفل علي الموضوع دا بصراحه زعلت جدا وكلمت خالتي افهم ف اي قالتلي بصراحه هيا كانت خايفه من أسلوب ابوك عشان ابويا من الناس القديمه ال بتزعل دايما واخويا الكبير طالعلو ودايما بيشد مع مراتو في الكلام وبيزعقو بس يوم ما البنت وفقت عليا اخويا مسك مراتو ضاربها في هيا خافت ان يجي عليا يوم ابقا زيو مع انها عارفه ومتاكده قد اي انا بكره ان واحد يضرب مراتو واني بحبها وعمري ما اعمل حاجه زي دي بس هيا اتقفلت وبصراحه حقها مقدرش ألومها بس انا بردو قلبي وجعني اوي علشان خسرتها وخدتني بذنب ابويا واخويا حاجه انا مفروض عليها ومش هعرف اغيرهم لو عيب فيا كنت غيرتو وبصراحه انا عندي اخ بردو كل مابيتقدم لواحده بيرفضوه بسبب اخويا وابويا بس دي بتبقا ناس غريبه وحقهم لكن دي عارفاني وحفظااني لي تعمل كدا وتكسر قلبي انا بصراحه مستحملتش زعقت ابويا واخويا وحسيت ان هما السبب في ال بيحصلي وقررت اقعد في شقه لوحدي وعملت كدا فعلا وغيرت ارقامي وقفلت كل حاجه سوشيال ميديا وقبل ما اقفل بعتلها عاتبتها انها رفضتني علي سبب انا مليش ذنب فيه وقفلت كل حاجه هل انا صح ولا غلط واعمل اي عشان اعرف ااقرب منها ولا ابعد احسن مبقتش عارف حاجه ودماغي فيها ألف حاجه ياريت تنصحوني فعلا لاني محتاج النصيحه اوي

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Ice Cream_29289 🇪🇬

جوازي من مدرس ثانوي قديم وعلاقتنا بعيدة.. حياتي كئيبة

ازيكم ياشباب عاوزاه احكيلكم مشكلتي وياريت لو حد عنده حل انا عندي 22 سنه ومتخرجة ويشتغل الحمد لله وانا في تانيه ثانوي كنت بروح درس فيزياء عند مدرس نوعا ما صغير في السن بس هو كان طبعه شديد جدا كمدرس وكنت بخاف منه جدا وكنت مضطرة اروحله عشان هو يعرف اخويا ومامتي وكده ف كنت هتحرج اني مروحلهوش وفي نفس الوقت لو قولتلها في البيت على المبرر اللي مكنتش عاوزه اروح ليه مكنوش هيرضو اني اسيبه عشان هو ما شاء الله شاطر جدا كمدرس المهم تانيه وتالته ثانوي عدو بالعافية والحمد لله مبقتش يشوفه خالص عشان هو من منطقة واحنا من منطقه وبالنسبه لانه مدرس ومتجوز مش هيسال على طالبه عنده يعني المهم الفترة اللي كنت باخد معاه فيها كنت بحس فيه تناقض كبير في تعامله معايا ساعات يبقى بيتلكك عشان يضربني وساعات يبقى عارف اني مش مذاكرة وميرضاش يسالني ويسأل كل اللي حواليا الا انا وفي مرة والله العظيم سألني شفوي على سؤال في المنهج وجاولت فضل يسأل اسئله لحد م سال على معلومه والله مش في الكتاب ولا المذكرة هو كان قايلها معلومه عامة وانا مكتبتهاش وراه ف ده السؤال اللي غلط فيه وسط خمس أو ست اسئلة تقريبا وضربني وساعات من توتري يبقى عارف اني مش مذاكرة أو مش عامله الواجب وميرضاش يسالني المهم حمدت ربنا أن السنتين خلصو بالعافية ومن حوالي سنه كنت في عزا والد واحده صاحبتي في المنطقه اللي هو فيها ف اتقابلت مع البنات اللي كنت اعرفهم ساعة الثانويه وكده المهم بعد العزا اتمشينا شويه وجت سيرته ف قالولي ده ... طلق مراته ف بقولهم ليه قالولي أنه خلف ولد السنه اللي قبلها يعني في الفترة دي عنده سنه تقريبا وعنده ضمور في المخ وعلى طول بيكشف عليه وكده وطبعا عشان ظروف شغله مش بيعرف يروح يكشف عليه اغلب الوقت ف ديما مراته بتروح مع أمه أخته اي حد المهم أن مراته جت في مرة في أيام هو عليه فيها مراجعه وقالتله لازم تيجي معايا وهو مرضاش وحصل حوار وهما أطلقوا بسبب الموضوع ده هي اكيد كانت شايله من قبلها بس هي بتيجي على سبب تافهه كده المهم اني قولتلهم لو بيعاملها زي م بيعامل الطلاب وزي م كان بيعاملنا حقها تتطلق (هو عنده منها بنت عندها5 سنين وطفل اللي كان عنده ضمور واتفى من فترة ) المهم انا برده مليش علاقه بيه بعد الموضوع ده بفترة لقيته كلم اخويا أنه يتقدملي وكده مع اني مشفتهوش من ايام ثانوي يعني اربع سنين تقريبا المهم كنت خائفة عشان أسلوبه وطباعه الشديده جدا كنت خائفة يبقى كده في البيت بس اهلي اقنعوني أنه اكيد في البيت مش زي الدرس ومراته حاجة تانيه والحاجات دي كلها وانا اقتنعت وصليت استخارة وحسيت اني مرتاحه وطبعا الجواز تم بسرعه جدا قعدنا 5 شهور بس خطوبه ومعملناش فرح عشان ابنه كان متوفي قريب وكمان هو عمل فرح قبل كده وغير كل ده انا مش برتاح في الزحمه واني ابقى انا محط الأنظار والكلام ده كله ف وافقت أن ميبقاش في فرح بس طبعا في اشهار والكل كان عارف وكده اتجوزت ولسه حاسه ان في مسافة كبيرة جدا بينا البس واتشيك مش عشان العلاقة انا بحب اني ابقى بطبخ وملابسه لبس كويس يعجب جوزي ومفتوح وضيق وحاجات من دي وخاصة اني مش معايا عيل ولا حاجة وبخلص شغلي واجي وهو عشان السنتر بتاعه بيجي متأخر عني بكتير ف ببقى براحتي وانا بطبخ واروق الشقة وكده قصدي ببقى مش مستعجله يعني في أول الجواز حاجة دي دي جديده عليا اني اطبخ واروق وكده وفي نفس الوقت لابسه ومتشيكه وكل حاجة مظبوطه الاقيه بيجي ياكل ويعد يعمل شيتات وامتحانات والكلام ده انا ببقى نفسي في كلمه والله بس مش اكتر ومش هتاخد منه وقت ولا حاجة حتى بحسه مش بيبص مش مبهور زي م كنت مستنيه كأنه متعود على كده ف قولت اكيد عشان كان متجوز قبل كده وممكن يكون متعود على المنظر وكده يجي بعد م يخلص شغل في البيت أقوله عملت ايه انهارده يقولي هعمل ايه يعني شرحت مع أن ايام م كنت طالبه عنده كان في كل مجموعه مشكله وحوار بيحصل بس مبقولش اي حاجة في واحد صاحبه مدرس كنت باخد عنده برده كيميا اتفاجئت أنهم قاطعوا بعض من فترة عرفت من واحده صاحبتي واضافت جدا أنه محكاليش ولا جاب سيرة الموضوع حاسه علاقتنا بعيده جدا حتى هو مش بيسال بيسيبلي فلوس الصبح وانا بروح شغلي واجيب حاجة البيت واجي اعمل الاكل واروق وناكل ويعد كل واحد في حته مضايقة بجد من العلاقة دي وعشان هو تعبان ف بينما بدري طبعا وبيصحى الفجر يعد بقى مش بينام ف أقوله مبتصحنيش نعد مع بعض شويه ليه يقولي عادي بنته بتيجي عندنا يوم ويوم تعد شويه بعد شغله والله العظيم بعاملها كويس جدا ك معامله واكل وشرب وهدايا والكلام ده كله بس هي واخده طباع ابوها كلها تعد تقوله دي وحشه وماما احلى يقولها ماشي وعادي والكلام ده كله مع اني في الملامح والجسم احلى من طليقته بس هو اصلا مش بيحب حد ولا ببعجبه حد سواء انا أو طليقته وشاكه اصلا أنه كان عايش نفس العيشه دي مع طليقته وده سبب الطلاق بس هي استحملت خمس سنين انا مبقتش قادرة حاسه اني جايه اخدمه وأشوف طلباته وخلاص انا في بيت ابويا كنت باجي من شغلي انام واصحى اكل واعد بجد مش دي الحياه اللي كنت عاوزاها خالص كنت عاوزه حد يبقى حنين عليا وبيحبني ويسمعني كنت عاوزه اختار بيتي لنفسي مش اروح اشوف بيته اللي كان عايش فيه مع مراته كنت عاوزه لما بنته تقوله دي وحشه يقول في حقي كلمه حلوة اكتر سبب خلاني اوافق عليه أنه لما جه اتقدم بعد اربع سنين مشافنيش ولا يعرف عني حاجة وكمان علاقته باخويا مش صحاب هما ممكن يتقابلو مرة كل سنه مثلا عشان طبعا احنا في منطقه وهو في منطقه المهم اني قولت اكيد كان معجب بيا مثلا ف لما طلق جالي وكنت متخيلة بقى اني هشوف تعويض عن أي حاجة بايخة حصلت ايام ثانوي كمان ساعات لما النقاش يتحد بينا على اي حاجة بشوفه المستر اللي كنت بروح عنده درس تلاقيه بيزعق بطريقة تخوف واحسه هيضربني بصراحة ف بخلص الموضوع وبعتزر كمان بس ببقى مضايقة اوي واحس اني مكسورة حياتي بجد كئيبه اوي ومفيش خروج ومفيش جواز اصلا وفي نفس الوقت خايفة أطلق بعد سنه واحده بس جواز وأقل كمان وحاولت معاه كتييير أنه يتكلم معايا بس بس هو الاجابه أقل من السؤال بكتير وسالت أخته بطريقة مش مباشرة قالتلي هو كده ومش بيحكي حاجة لو انتو مكاني هتعملو ايه وياريت راجل يقولي سبب معاملته دي ايه بس محدش يقول إنه بيحب طليقته عشان هو اصلا مبعرفش يحب هو كل حياته جد كده كنت هسال طليقته صحيح قبل م اتجوز عن سبب الطلاق والسبب اللي خلاها تطلق على سبب فارغ بس كان ابنها لسه متوفي ف مرضتش اسالها ...عرض المزيد

2 الدعم

15 نصيحة

Candle_73846 🇪🇬

مش نازله مع صحابي هروح اعمل بشاميل واقعد

اوكي مش هنزل مع صحابي 😃هيضربوني بس مش نازله هروح اعمل بشاميل واقعد زي الشاطره وبس تعالو نكدب كدبه وحده بتتمنو تبقي حقيقه انا اخدت حزمه شياو البنت الي نازله ف فري فاير ااااااااااااااااااااااااااااااااااااااااااااااااااااااااااااااااااااا ...عرض المزيد

2 الدعم

13 نصيحة

Strawberry_77918 🇪🇬

عايزة أتعلم عن الإسلام بالتفصيل من كل ناحية

لو حد عايز يتعلم عن الاسلام بالتفصيل من كل ناحيه و يعرف كل حاجه في الدين زى دراسه مش مجرد معرفه و خلاص ايه الكتب أو الفيديوز مثلا بلايليست على اليوتيوب ترشحولى انى اشوفها محدش يدخل يسألنى انا كام سنه و عايزة اعرف ليه و بدرس ايه لان دا ميخصكش في حاجه اللى عنده اقتراحات او نظام معين امشي عليه هكون شاكرة ليه جدا بدون الدخول في تفاصيل شخصيه ...عرض المزيد

2 الدعم

13 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع