قيود الأهل

Plum_65277 🇪🇬

منذ شهرين

شعور لا مبالٍ

السلام عليكم انا دلوقتي ف مشكله في وحده امها واخوها ممسكين عليها وصحبتها بترن ع اخوها زامها وتقولها بنتكم بتخرج بليل الموضوع وصل لابويا بيقولي متطلعش من بعد وحده الظهر ونتي ونتي محسسني اني حارس لسكن وقالي انتي اصلا م هتقعدي فالسكن هخليكي اخوكي يجي يجيبك م هقعدك فيه وقبلها عاوز يخد المرتبه اللي ن

Corn_26909 🇪🇬

منذ 6 أشهر

شعور مكتئب

عبّر عن شعورك بشكل مجهول

كنت في علاقة مع بنت، وكان في نوع من التفاهم بيني وبينها في البداية كنت متأكد أن العلاقة هتكون بداية كويسة لكن مع الوقت اكتشفت إن الكلام اللي كنت أسمعه عن "العلاقة الرسمية" من الأهل مش زي ما كنت متصور كان عندي يقين إن العلاقة دي هتبدأ بشكل رسمي وأننا هنتفاهم وكنت مستعد إني أقدم كل شيء عشان أثبت جديتي ولكن بعد ما تقدمت لها وأخذنا خطوة الفاتحة الأمور بدأت تتغير بشكل غير متوقع .. اول ما تقدمت كان فيه تجاوب في البداية ولكن بعد الفاتحة بدأ يحصل انقطاع في التواصل كنت ببعت رسائل وملقاش رد في نفس الوقت او حتي بعد أيام وكان في تقيد من طرف والدها بخصوص عدم التواصل لفترة طويلة ومنعه الكامل لأي مقابلات أو زيارات وكان الشرط أن العلاقة تستمر بدون أي تواصل لمدّة 4 أو 5 سنين أو حتى لما أكون جاهز لخطوه الزواج وده خلاني في حيرة كبيرة  لأني ما كنتش متخيل إن العلاقة تبدأ وتنتهي بنفس الطريقة الشروط دي حسّستني إن العلاقة مش علاقة حقيقية خصوصًا لما كانت الأمور سهلة ولما كان في تواصل وكل حاجه اتمنعت حالياً كانت موجوده قبل ما نتقدم رسمي وفجأة بقيت أحس إن كل حاجه تغيرت وبعد ما تقدمت بدأ يحصل شيء غريب لدرجة إني بدأت أشك إذا كان في تواصل بيننا من الأساس كل ما كنت أبعت لها رسالة كانت تشوفها لكن متردش حتى في المناسبات واخر حاجه في عيد الاضحى كان الوضع نفسه رسايل وكلام بدون أي رد فعل واللي زود الحيرة هو أن بعد ما تقدمت لقراءه الفاتحة كنت مستني تواصل أكبر بما ان الاهل عرفوا بعلاقتنا وبقيت في النور لكن للاسف بقت العلاقة وكأنها في عزلة وبرود شديد وكأني مش موجود حسيت إن الخطوة دي يمكن ما كانتش الصح ع الاقل ف الوقت ده واحنا لسه بندرس وقد بعض ف السن ٢١ سنه تقريباً ف حسّيت بضيق وخنقه بعد رد فعل أبوها لما قال إنهم موافقين على العلاقة لكن بشروطهم وقيودهم المقفله واللي مش عجباني ومع ذلك مفيش أي تواصل أو زيارة أو فرصة الكلام أنا كنت محتاج التواصل لأن ده يعتبر خطوة ضرورية في بناء  العلاقة بينا ونعرف بعض اكتر بشكل أعمق ومش عليها هي بس انا عارفها من سنين بس علي أهلها لكن حسّيت إني مش مرتاح في العلاقة دي بعد ما سمعت القيود والشروط في وسط كل ده بعد كل اللي حصل بدأت أفكر هل العلاقة دي أصلًا تستحق انها تكمل وتستمر ؟ وهل أنا راضي عنها؟ كنت مش مرتاح بسبب العزلة وغياب التواصل وكانت فترة حاسس فيها بعدم تقدير بسبب التجاهل وعدم الرد والاتفاق وأننا نوصل لحل وسط لكن في نفس الوقت كنت عارف إني لو قررت أتكلم هكون بأفتح موضوع حساس وصعب وكل اللي هيحصل ان العلاقه هتنتهي وهنخسر والخسارة اكبر بس مش مهم المهم كرامتي فـ بدأت أفكر إني لو متكلمتش بصراحة مع أهلي وأوضح لهم كيف الأمور بتأثر عليّ مش هقدر أعيش مرتاح كنت دايمًا بحاول أحترم القرارات والقيود عشان اهلي بس لكن في نفس الوقت كنت مضغوط ومش قادر أتجاهل الحقيقة وفي آخر محاولة ليا  بدأت أتراجع وأقرر إن الموضوع خلاص خلص وبقي عندي شعور إن العلاقة دي شبه منتهية وميته لكن كنت لسه مش عارف إزاي أتصرف في النهاية لكن المتاكد منو إني مش مستعد لعيش في علاقة مش واضه زي دي ولحد الان ع نفس الحال من اول الشهر ورد والدها كان من ايام وبحاول اتخطي ومش عارف 
آسف علي الاطاله

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Mango_21102 🇪🇬

منذ سنة واحدة

شعور مكتئب

احساس وحش اوي لما تكون من وانت صغير لحد لما بقيت كبير في كليه واهلك مش عايزين تجرب حاجه جديده اهلي مش وحشين دول طيبين اوي بس خيفين عليك اكتر من اللزوم نفسك تسافر مع صحابك ممنوع نفسك تخرج ممنوع نفسك تاخد ساكن علشان الكليه بعيده ممنوع نفسك تنزل تشتغل وتعتمد علي نفسك ممنوع نفسك تسافر لوحدك برضو ممنوع ك

Sugar_89824 🇪🇬

مخنوقة ومضايقة ومش عارفة أتكلم لحد

جماعه انا عندي مشكله اني بيجي عليا وقت بكون مخنوقه ومضايقه اوي بس معرفش من ايه. ومش بحب احكي لحد حاجه خالص وحاسه ان فكره الapp دي غلط وحرام معرفش ليه بردو بس لما باجي اقول مشكله واتكلم هنا بعدها بتخنق اكتر وبضايق اوي اني حكيت وفي نفس الوقت لما بكتم جوايا اي حاجه ببقي عايزه افضفض لاي حد وبعد ما افضفض بندم وانا أصلا متعوده طول عمري مش بحكي اي حاجه لحد وبكتم جوايا معرفش حد فاهمني ولا ايه ...عرض المزيد

1 الدعم

27 نصيحة

Apple_89884 🇪🇬

طلقت من رجل سئ الطباع ومش سايبني في حالي

أنا اتجوزت اول السنه دي واطلقت بعد جوازى بحوالي ٧ شهور بالظبط طليقي رجل مش محترم جدا هوه في المظهر شيك ومؤدب ولكن في الباطن سئ الطباع لدرجه مستحيله وأخلاقه في البيت اكتشفت أنها لاتمت للرجوله بشئ وحاليا بعد طلاقي منو مش سايبني كل مكان اروح فيه يظهرلي ويتخانق اروح النادي مثلا ألاقيه اروح مكان ألاقيه اكتشفت انو منزل لي برنامج في الموبيل بتاعي غيرت موبايلي وغيرت نمرتي أتجنن علي الآخر أنا في بيت والدى وأنا بحمد ربنا إننا جوه كومباند وفيه امن ومانعين أي حد يدخل لينا علشان كده مش عارف يدخل لينا زهقت منو ومبقتش عارفه أتصرف ازاي أنا أطلقت منه بصعوبه وزهقت وعملت محضر عدم تعرض وللأسف أنا لوحدى ماعنديش غير أخت واحده مهاجره في كندا والدي كبير جدا في السن ربنا يطول في عمرو يارب والدتي متوفيه بجد نصيحه مني اوعو تتغرو بالشكل ولا بالمظهر أنا الحمدلله مش محتاجه منه اي فلوس ولا محتاجه منو أي حاجه أنا طلقتو وسبت كل دهبي وكل حاجه وكل حاجه والدي جابها ليا بحوالي اكتر. من ٢ مليون جنيه ومفرفش عندى أي حاجه غير إني اهرب من الجحيم اللي كنت فيه نصيحه ادرسي اللي بيتقدم ليكي مره واتنين وتلاته وأربعه وخمسه ...عرض المزيد

5 الدعم

23 نصيحة

Guava_70060 🇪🇬

خطيبي قالى مش انثى كفاية.. وجرحنى فى موضوع العرق والريحة

عايزه افضفض معاكم شويه أنا كان دايما كل صحابي يشتكو من موضوع العرق والريحه وانا اقول الحمدلله أنا مش بيطلعلي ريحه وحشه اعتقد طبيعه جسم عادي ف كانت النقطه دي عندي ميزه اللي هو استحمي وابقي كده فله عمرها ما كانت بتشغل بالي وبره البيت أنا مستحرمه احط برفيومز رغم ان عندي كتير ولما بحط مثلا مناسبه او كده الاقي اختي بتزعقلي وتفكرني بحديث النبي صلي الله عليه وسلم وكنت مبسوطه بنفسي كده وشيفاني قمر لحد ما اتخطبت وفضل فتره شايفني قمر برده بلبس لبس نضيف او جديد كمان واحط ميكب رقيق وشكلي كيوت بعد شويه حصل موقف جرحني اوي (قالي بعد الخروجه أنا عايزك انثي زي البنات بتلبس اكسيسوري بتهتم بريحتها الكلمه جرحتني اوي قلتله ليه أنا ريحتي وحشه يعني قالي مقولتش كده بس تهتمي قلت البرفانات حرام علفكره قالي ومزيل العرق حرام النضافه من الإيمان علفكره وكأنه بدل ما أنا اقلب الترابيزه قلبها هو أنا ساعتها سكت ومقدرتش اتكلم واتجرحت جامد فضلت اشم ف هدومي مش لاقيه ريحه عرق مش لقياني عرقت أصلا وقعدت اعيط 😭)ومن يومها بقيت بغرق نفسي ميستات وهو بدأ يقولي جميل بس برده فضلت الخلافات وفضل يكسر فيا من غير ما احس ع سناني ع جسمي ع لبسي ع كلامي ع طريقتي بس كله بيصب ع اني مش انثي ولما اقوله مانت عارفني وشايفني من الاول يقولي مكنتش مركز ولما اسمع كلامه وأتحسن يحبني شويه ويرجع تاني وهكذا المهم انفصلنا وانا دلوقتي شايفه نفسي مش انثي وانه هو اللي علمني احط ميستات واني ازاي مكنتش كده واني كده مكنتش بنت اني مش بحط ميستات وهكذا بقيت لما احط هير ميست مثلا ف بيت اقول اه اتعلمتي دلوقتي تبقي انثي وكلام سلبي ليا اوي ...عرض المزيد

2 الدعم

22 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع