كبت

Coconut_86655 🇪🇬

منذ يومين

شعور متوتر

بقولكوا ايه ي جماعه بما اننا هنا كلما مضغوطين وطالع عيننا ف الحياة م تيجوا نتفق ع يوم ونتجمع فيه كلما ونروح ملاهى بحيث نطلع كل الطاقة السلبيه اللى جوانااااا أنا كتير بك ن عاوزه اعمل كده بس بتكسف بجد محتاجه ناس مجنونه ومكبوته تساعدنى وتشجعنى نعمل كده والله هتفرق ف نفسيتنا جدا .. اللى عنده استعداد لحا

Mango_70768 🇪🇬

منذ أسبوع واحد

شعور لا مبالٍ

مساء الخير جماعة بتعملو ايه لما تحسوا ان عندكو كبت عاطفي؟ الموضوع زمان كنت بعرف اسيطر عليه لكن بحس كل مابكبر اكتر كل ما بحس الكبت دا بيزيد انا الحمدلله مبعملش حاجة غلط تغضب ربنا وبصلي وبقرأ قرأن وملتزمة نوعا ما بس بخاف اخيب واعمل حاجة غلط انا عشت طول حياتي محافظة على نفسي وقلبي ومشاعري وحاسة من كت

عبّر عن شعورك بشكل مجهول

مساء الخير 
جماعة بتعملو ايه لما تحسوا ان عندكو كبت عاطفي؟
الموضوع زمان كنت بعرف اسيطر عليه لكن بحس كل مابكبر اكتر كل ما بحس الكبت دا بيزيد
انا الحمدلله مبعملش حاجة غلط تغضب ربنا  وبصلي وبقرأ قرأن وملتزمة نوعا ما
بس بخاف اخيب واعمل حاجة غلط
انا عشت طول حياتي محافظة على نفسي وقلبي ومشاعري وحاسة من كتر ما انا سنجل الكبت العاطفي دا بيزيد وبحس جوايا مشاعر كتير اوي على الفاضي
انا عارفة الجواز والحب قسمة ونصيب وكل شئ بأوانه

انا حياتي الاجتماعية بايظة وكل صحابي مشغولين مش عارفه بردو هل دا سبب الفراغ الي انا فيه!

ومثلا لما بشوف صحابي اللي من اعدادي وثانوي اللي كانو مقضينها ارتباط وصحوبية مع شباب زمان ودلوقتي اتجوزو او اتخطبوا لناس غير اللي كانو مرتبطين بيهم اساسا
واللي محافظين على نفسهم وقلبهم زي ماهما محلك سر!
طبعا ربنا غفور رحيم ربنا يهدينا جميعا مش قصدي حاجة رينا يسعد الجميع يارب

بس بحس الدنيا مش عادلة او اكيد ربنا له حكمها نجهلها
بس بحاول على قد ماقدر اشغل نفسي واملي الفراغ

قولولي اعمل ايه من التشتت الفكري دا والكبت دا ولو في بنت زي كدا عندها نفس اللخطبة والتشتت دا تقولي حل
للعلم انا 23 سنة

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Coconut_56919 🇪🇬

منذ 3 أسابيع

شعور عاطفي

الواحد اكتشف أن الكتمان حاجه حلوه اوي اصل ليه تتكلم و تفضفض و تفضل تحكي في المواضيع اللي خنقاك وانت عارف أن المشكله مش هتتحل بالعكس انت بتضايق اكتر لانك بتقول الشئ اللي بيأذيك بكل تفاصيله و المشكله الأكبر أن الطرف التاني اللي بتحميله مش ليساعد ولا بيحل المشكله بلا بيعقدها اكتر لما يقولك (معلش اصل كل

Pumpkin_82626 🇩🇿

منذ 4 أسابيع

شعور متعب

أنا إنسانة ناجحة جدا في الصعيد العملي ذات مشاريع ضخمة وذات صيت واسع والكل يشير لي بالبنان ويرون اني شخصية قدوة ومجتهدة .لكن في داخلي فراغ عظيم لم يملأه شيئ …رغم اني أحاول جاهدة اخفاء ذلك وابراز سعادتي لأني مقتنعة بأن الشكوى لغير الله مذلة ..لكن هذا الكبت ساقني لما هو أسوء وهو إيذاء نفسي حين الغضب .ل

Chocolate_79842 🇩🇿

منذ شهر واحد

شعور وحيد

معرف... احيانا... اتمنى لو كان القليل من حياتي صائبا لكنكل شيئ يستمر في كونه مُرهقًا... لا اعلم ان كان الامر حساسية زائدة اصبحت اشك.... في اني ابالغ.... في ان الصراخ اليومي اقل من ان يكون مشكلة تؤثر علي كل هذا التأثير ان الامر ولو لم يكن يوما ضربا جسديا لكنه مؤذٍ.... الصراخ مؤذ... و الاضطهاد مؤذ

Grape_79648 🇩🇿 حقا لست الوحيدة التي نشعر بذلك فالضياع جزء من حياة كل بني آدم ، لكن الأقل ضررا هو من يجد ظالته أسرع

عرض الكل 3 نصيحة

Popcorn_56962 🇪🇬

منذ شهر واحد

شعور مكسور القلب

قلبي واجعني اووي من كتر المشاعر اللي انا كابتها نفسي ارجع لانسانيتي واحس بمشاعري بس حرفيا مش عارف بلاقي صعوبة في ده لان طول عمري بكبت حرفيا مش بعرف ابكي خالص بكون هموت ونفسي ابكي بس مش عارف الحزن المكتوم وحش اوي

Coffee_53889 🇪🇬

منذ شهر واحد

شعور وحيد

عبّر عن شعورك بشكل مجهول

عن الوحده عن الحزن عن الألم ها أنا من جديد ثوب جديد مقعد جديد ناس جديده لكن نفس الحزن منتظرني هنا حتي شاب رأسه يصر علي اني ولو عدت بعد مائه عام سيظل منتظرني هنا . هو يعرفني جيدا و متشبث بمرافقتي رغم اني لونت مشاعري و غيرت كل تعبيراتي و الكذب كان حيلتي للتخفي منه لكنه مازال يعرفني مازال متشبث في ثوبي. حين فوجئت به هنا اندهش وجهي كنت كالمغترب من كل بلاد الله و يحدث الكل عن الأوطان كل وطن بكذبه جديده يحكي عن الحياه التي لم يحياها قط أمام من ولدوه . لا أريد اليوم ان اكتب نص مدهش و تعبير عبقري فقط أريد ان افتح قميصي و اشق جلدي و ستتدحرج منه المشاعر وحدها . كبتها هنا لأني دوما ما اجلس مع الصم و أصر علي اني لا أستطيع الشرح بما فيه الكفايه . نعم نعم يا جميع الناس اتسألون من أنا؟ و تضايقكم إجابتي بأني لا شئ؟ سوف أخبركم بمعني لا شئ سوف اشرح لكم هذا الشخص الشفاف كالماء أيها العصائر المذهله . أنا مريضه الاكتئاب هذا الذي أمامكم الذي كان اول من رحب بعودتي ههنا. أنا أسيرته لذلك أقول اني لا شئ لان وجوده هو العار الأكبر وجوده هو الشئ الذي اصاب بالدوار راسي من يحكي عن اي تفضيل او اي هويه تلمع له عيناي و ااخذ قصته و احكيها ببطولتي لاخر و هكذا . سأنتهي من الكتابه الآن من عدم جدوه هذه الكلمات

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Waffle_47307 🇪🇬

منذ شهر واحد

شعور متعب

انا دايما حاسه بكبت وديقه وخنقه كده وممكن تبقي بلا سبب او بسبب بس انا كنت كتماه وكده والاصعب بق ان انا مبقتش اعرف اعبر عن مشاعري بشكل صريح عن زمان او مبقتش اعرف اعبر عن مشاعري بشكل عام اجتماعه جدا لكن بخاف اتعامل مع الناس اللي بيدور في فتره ان انا بكتشف نفسي عني بعرف اكتر عن نفسي و بقيت اكتشف ذا

Chocolate_72636 🇪🇬 كلام جميل انك تعرفي عيوبك ومميزات تقبل نفسك زى ما هيا والعيوب حولى تصليحيه انتى في مرحله كويسه عشان تقدر تكونى شخصيه كويسه لنفسك وسط المجتمع انتى كده تمام

عرض الكل 9 نصيحة

Chilli_59015 🇪🇬

منذ شهر واحد

شعور غير مكتمل

أنا نفسي أبقى راضي وقانع بأمكانياتي سواء كانت مادية ، معنوية أو حتى بأن موهبتي على قدها لأن شعور أني عندي معاك فلوس مثلاً قد كذا طب معيش قد كذا انا شاطر ف شغلي طب ليه موصلتش لكذا طب انا موهبتي كتابة شعر وغناء وتلحين وكده بس على قدي مش هوصل للعالمية مثلاً ولا المحلية حتى شعور أني بدي نفسي أقدر أعمل ك

Grape_53277 🇪🇬

منذ شهر واحد

شعور مكسور القلب

بقيت بحاول اعزل نفسي عن الكل برتاح مع كوني وحيد بس مش بحب كده مش وحيد بس مش عارف ارتاح مع حد حتى البنت اللي حبيتها بجد في لحظه واحده استوعبت انه موضوعنا جد وداخلين رسمي مهمهاش انا ايه ولا هحس بإيه وسابتني منغير كلام ومنغير عتاب واهلي بعاد عني مش عارف اتكلم مع حد وكل ما اتكلم مع حد يقعد يقولي على حلو

Olive_76077 🇪🇬

منذ شهرين

شعور غير مكتمل

عايز اتكلم مع حد نفضفض نتكلم . . . اااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااالله

Croissant_50327 🇮🇹

منذ شهرين

شعور آسف

عبّر عن شعورك بشكل مجهول

بصو أنا مبارح كنت بكلم ابن خالتي تمام كنا بنتكلم عادي يعني كان بيسأل علينا عادي فا هو بيقولي أنتي بتنزلي ستوري حزينه ليه فا أنا قولتلو عادي قالي عادي أي دول كتير المهم قولتلو متخانقه أنا و ماما و علشان الدراسه هتبدأ المهم أنا بحاول إني متكلمش علشان أنا لما بفتح فيها بلاقي دموعي نزلت المهم فضلنا نتكلم لغايه ما قولتلو إني متخانقه مع ماما و بتقولي روحي ل دكتور نفساني علشان مش بتعرفي تخدي رأي ف حاجه و لما بجيب حاجه بكون خايفه من رد فعلها المهم قولتلو كمان ان صحابي بيقولو إني بخاف من ماما و كده و قولت كمان ده في كلام لو اتقال هيرجع ولله و هيوجعني قبلكم فا خاليني ساكته المهم هو صمم بارضو المهم فا كملت و قولت إني في كبت جوايا و ساكته و ان مفيش حد بيحس بيا و ان ماما ساعات بتبقى اوفر و عصبيه فا روحت قولتلو أنا هقفل لما لقيت نفسي خلاص جبت اخري خلاص سبت التليفون و لقيت الدموع نازله و مش عارفه وقفها انهرت امبارح اوووي اووي و كنت قاليه إني مش هيعط و كده اعد فتره أعيط و اعده أقول ياريت ما أتكلمت ياريتك ما سألت ولا اتكلمت فضل يقولي عندكم غير عندنا و هيا خايفه عليكي و الكلام ده المهم أنا خلاص اضيقت بقى و مش قادره اسمع كلما المهم فضل ويقول لو أنا زعلت من كلامو و كده و أنا مزعلتش منو بس خلاص جيه على الجرح بقى

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Banana_51998 🇪🇬

منذ شهرين

شعور لا مبالٍ

عبّر عن شعورك بشكل مجهول

كنا قاعدين في كافيه كالعاده انا و شله من صحابي بنهزر و نضحك  كالعاده صاحبنا الرخم موجود و في حاله وجوده الهزار بيتقل, بختصار شديد اي قعده صاحبنا الرخم ده موجود فيها لازم القعده تبقي مقرفه و محدش من الشله بيبقي مرتاح, امبارح الهزار تقل بسببه و بدون قصد اتنين من صحابنا بيهزر ف واحد منهم طلع اله حاده خبط صاحبنا بيها اتعور في رجله و روحنا المستشفي و حرفيا الواحد اتعكنن بس الحقيقه هو ميقصدش, المهم صاحبنا الرخم ده جه معانا المستشفى و لسه مكمل رخامه و قاعد يهزر قدام الدكاتره  و احنا في غرفه الجراحه و قاعد يقول الجرح كبير  قاعد يوهم صاحبنا و انا ابص له و اقولو خلاص, يبصلي و يضايق, شويه و قالي م تخرج تجيب للدكاتره حاجه ساقعه و بيطلع فلوس من جيبه اجيب لهم, انا بطبعي هادي و بارد جدا, بس الحقيقه الموقف ضايقتي خصوصا ان حسيت انه بيقلل مني, ف رديت عليه رد عنيف شويتين, لدرجه ان الدكاتره ضحكت و قالولي انت وحش اوي و قعدو يهزرو معايا, الحقيقه هو حطني في موقف بايخ قدام الدكاتره و بحكم غضبي شافوني مش سهل او مش كويس بختصار, انا منكرش اني شخصيه مش سهله بس دي حاجه بيني و بين نفسي محبش حد يشوفها بوضوح او بدون سبب غير ان انا بحاول بقدر الإمكان اتعامل طبيعي وسط المجتمع و محسسش للطرف الاخر ان مكار او مش سهل بمعني ادق, طبعا الموقف ضايقني جدا خصوصا ان الي جوايا ظهر بسهوله قصاد الدكاتره و صحابي و سبب كدا عيل ملوش لازمه محدش في شيلتنا بيطيقه, الحقيقه انا مضايق و مازالت مضايق, حتي هو جالي بعدها و قالي انت زعلت؟ رديت بكل برود و مكر قولتله انا؟ رد  بكل خوف و توتر و قال  ايوا عشان قولتلك جيب حاجه ساقعه, قولتله ازعل ايه بس يابني انت عبيط, بس جوايا عايز اكسر عضمه لاكن بحاول الاقه فرصه مناسبه بحيث اطلعه غلطان, بعيدا طبعا عن الموضوع ده تحديدا بيحب يضايقني او يرخم عليا معرفش ليه, يمكن عشان انا طويل شويه و شكلي و مظهري كويس؟ ولا عشان و احنا اطفال كسرت له ايدو ف هو من وقتها شايل مني؟ ولا ولا ولا؟ في تلك الحالات انا مبيضايقوش ولا بأذيه ف ليه هو بيعمل معايا كدا انا بالتحديد؟ الحقيقه معرفش, بس هو عمتا جاي مع الشخص الغلط خصوصا ان جوايا كميه كبت و غضب الفتره دي بسبب ان خسرت وظيفتي و علاقتي ب اهلي باظت بختصار حياتي بايظه و اعصابي و نفسيتي, جايلي في اكتر وقت غلط, في نفس الوقت اكتر وقت صح عشان افوقه من الدور الي هو متقمصهُ.. حرفيا هأذيه بمعني كلمه هأذيه

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Watermelon_66850 🇪🇬

منذ شهرين

شعور مكسور القلب

حصل موقف ضايقني انهردا في الشغل انا بشتغل مع أطفال صعوبات نطق فكنت بشتغل في جلسه مع طفل لقيت زميلة اقدم مني في المكان معاها مايك لعبه اللي بيطلع صوت دا وقاعدة بتلعب بيه مع الأطفال علشان يتشجعوا وينطقوا وكانوا بينطقوا فعلا فسألتها بيتعان فين علشان لو الاطفال بيحبوا ابقي اطلعهلهم وينطقوا قامت المشرفة

Ice Cream_74765 🇪🇬 متضايقيش خالص كان ممكن تقوليلها طب ما تعلميني و اهو كله في مصلحة الشغل و المركز

عرض الكل 3 نصيحة

Cheese_54753 🇪🇬

منذ شهرين

شعور مستنزف

*ملحوظة مهمة محدش يكلمني عشان سكته قلة ادب والله ما ناقصة روح شوف حد غيري عايز اللي انت عايزه ارجوووك* كنت فاكرة اول ماحكي مشكلتي واسمع حلول ونصايح المشكلة هتقل في عيني واحس اني احسن بس يمكن هي اصلا مشكلة كبيرة وانا بس دوست على الجرح زي بيقولوا ولما طلعتها برايا ابتديت يبان عليا اعراض هي اد ايه مضا

Chocolate_64253 🇪🇬

عايزة أكون أحسن علشان متحسش إني قليلة لما أتخطب

انا لو شايفه نفسي مش حلوه اي الصفات اللي مفروض تكون فيا علشان فالمستقبل لما اتخطب محسش اني قليله طبعا الاخلاق رقم واحد ، غير كده ايه الصفات اللي الشباب بتحبها فالبنت غير شكلها ، انا بتكلم علشان يبقي عندي خلفيه فالمستقبل ... ...عرض المزيد

1 الدعم

26 نصيحة

Sugar_87672 🇪🇬

مش بعرف أكون صداقات حقيقية.. حد عنده نصايح؟

حاسة إني مش بعرف أكون صداقات أو علاقات اجتماعية حقيقية. بحاول أفتح نفسي للناس، لكن غالبًا بحس بالمسافة أو البرود، ومش عارفة إزاي أكوّن روابط تستمر. أغلب الصحاب اللي بعرفهم، علاقاتهم بتنتهي بعد فترة الدراسة أو الشغل، وبعدين كل واحد بيكمل حياته ومش بيكون موجود. ساعات بحس إني لو حاولت أتعرف على حد، هيتكرر نفس النمط، وده بيخليني أرجع أتمسّك بعزلتي. حد عنده نصائح أو مرة بتجارب زى كدة ...عرض المزيد

1 الدعم

19 نصيحة

Biscuit_87034 🇪🇬

مش عارفة اتخطى حب مراهقتي وبقيت حياتي واقفه

انا كنت بحب حد والحد ده سابني بقاله سنتين وعشر شهور انا مش عارفه اتخطاه خالص مش عارفه حاولت كتير اوي الموضوع تاعبني نفسيا اوي نفسي أنساه بجد بس مش عارفه المفروض أن ده كان حب مراهقه كنت صغيره اوي 17 سنه ولحد هذا الان بقيت 20 ومش عارفه يمكن عشان الوقت الي حبيته فيه كان في مشاكل كبيره اوي انا متربيه من صغري علي المشاكل والخوف بسبب ابويا لدرجه أن الي كنت بحبه ده كان حنين عليا فوق الوصف فعتبرته ساعتها بدل ابويا يعني كان هو مصدر امان بالنسبالي ومن بعد ما سابني وانا كل مشكله بتحصل معايا بفتكره هو اول واحد هو اول واحد بيجي في بالي بفتكر حنيته عليا تعبت من كتر التفكير فيه يوميا لازم افكر فيه قبل ما انام يوميا لو زعلانه بفتكره تلقائي كده بقيت حاسه أنه شاغل تفكيري كله هتقولولي اشغلي نفسك اقسم بالله بروح كليتي وارجع علي الشغل بخلص 10 بليل واول ما بحط دماغي علي المخده بفتكره بردو وبقعد أخلق مواقف حلوه وهميه بيني وبينه والحاجات دي مش موجوده اصلا بس مش عارفه الي بيحصل ساعات بقول ياريته كان معايا دلوقتي وساعات ببقي مش طايقه ابص في وشه كل ما اقول خلاص نسيته برجع افتكره تاني برغم أن مش بشوفه اصلا وعملاله بلوك من كل حته وكمان هو اصلا مش عايزني ولا انا عايزاه هو ارتبط ب 2 بعدي وعاش حياته انا حاسه حياتي واقفه عليه نفسيتي تعبانه اوي ...عرض المزيد

0 الدعم

18 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع