لوم الضحية

Marshmallow_89433 🇪🇬

منذ أسبوع واحد

شعور لا مبالٍ

التحرش والمعاكس مش غلطت البنت غلطت المريض النفسي اللى عمل كده مينفعش نبرر ان البنت كانت لابسه ده وكانت ماشية بتهز جسمها لو ده كان المبرر مكنش ظهر التحرش بالأطفال التحرش بالأطفال ده أكبر دليل ان العيب في اللى بيعمل كده مش في البنت واي حظ بيدافع عن المريض ده فهو كمان مريض

Donut_76084 🇪🇬

منذ شهرين

شعور غاضب

أوقات كتير بنت تمشي في حالها، ويتقال عليها كلام مش لطيف، أو حد يحاول يعاكسها أو يضايقها، وأول ما الناس يشوفوا الموقف، بدل ما يقولوا “الولد غلط”، يبدأوا يلوموا البنت! يقولوا “أكيد عملت حاجة”، “أكيد لبسها كده”، مع إن ممكن البنت تكون أنضف وأحسن من ألف حد بيحكم عليها من شكلها. ربنا سبحانه وتعالى قال: ﴿

Watermelon_76011 🇪🇬

منذ 3 أشهر

شعور مذنب

مرتبطة بشخص غير ناضج عاطفيًا ومعرفش يقرر ولا يختار ودايما شايف أنني بحب احط نفسي في دور الضحية مع أنني بكون معملتش حاجه والله بس دايمًا لو في مشكلة او مفيش يقعد يقولي انت السبب انت الغلطان تتحملي عواقب أفعالك وحاسه فيه حتت نرجسية مش عارفه اتعامل معاه.. اتصرف ازاي !

Cookies_71160 🇪🇬 سيبيه

عرض الكل 6 نصيحة

Orange_51865 🇪🇬

منذ 11 شهرًا

شعور آسف

حابه انزل البوست ده للمره التانيه لإني ملقتش اجابات كافيه ابدا حقيقي لما نزله اول مره: "انا كنت منزله بوست قبل كده عن انو انتوا بتشوفوا البنات ازاي وهي لابسه لبس ضيق ومن ضمن الاجابات الي جتلي اني بدعي عليها طول اليوم انها وصلتني للمرحله دي انا مش معترضه ولا بقول ان اي بنت متاح ليها تلبس ضيق او ببرر

عبّر عن شعورك بشكل مجهول

حابه انزل البوست ده للمره التانيه لإني ملقتش اجابات كافيه ابدا حقيقي لما نزله اول مره:

"انا كنت منزله بوست قبل كده عن انو انتوا بتشوفوا البنات ازاي وهي لابسه لبس ضيق ومن ضمن الاجابات الي جتلي اني بدعي عليها طول اليوم انها وصلتني للمرحله دي
انا مش معترضه ولا بقول ان اي بنت متاح ليها تلبس ضيق او ببررلها 
بس في نفس الوقت هو في الجمله بتاعته بيدي لنفسه مبرر للذنب الي هو عمله 
ليه انت كشاب واعي محترم مسلم تبقى بتدي لنفسك الفكره دي 
ليه بتدي لنفسك الحق تعمل الغلط وبعدين تعلقه على شماعتها
ومننكرش ان مش كل الرجاله كده، بس في نسبه كبيره بيبقوا اصلا مقررين انهم هيعملوا الغلط وبعدين يلوموها هي 
وبردو كان بيدور في بالي موضوع التحرش وكنت بحاول اطلع مبرر إن هو مش قادر يسيطر على نفسه ولا شهوته وإن ده بسببها، ف حسيت فعلا ان ايه الي يخلي ولد عارف انو هيحصلوا مشكله بسبب ده ويعرض نفسه ل ده الا لو هو فعلا مش عارف يسيطر على نفسه 
لكن كنت بتناقش مع حد من صحابي وقالتلي إنك عمرك شوفتي ولد محترم بيوصل نفسه للمرحله دي؟
وغير كده إنو بنسبه كبيره من الولاد دي بتبقى شايفه ان البنت هتتيح له الفرصه طالما لبست كده لإنها هي الي رخصت نفسها
انا مش فاهمه الموضع وبقيت احس اني مذنبه لو حتى نزلت ببنطلون واسع في الشارع علشان مخليش حد يوصل لمرحلة انو مش قادر يسيطر على نفسه بسببي بس في نفس الوقت مببقاش عارفه ازاي هو مسلم او حتى مش مسلم، ازاي هو كبير واعي ومش قادر يسيطر على نفسه قدام بنت ماشيه اومال هيعمل ايه لو حط في مسؤوليه وليه مش بيتخيل ان دي اخته او مراته او اي ان كان؟"

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Pineapple_32112 🇲🇦

منذ سنة واحدة

شعور مذنب

موضوع:

ازاي اتخطيتو التحرش الجسدي من الاقارب

تعرضت للتحرش الجسدي و انا عمري 11 و من طرف اخوي الكبير ما اتخطيت ولا راح انسا و للحين ما اكلمو ولا حتى السلام عليكم و هو اصلا ما حاول يعتذر و اقسم بالله لو اشوفو يموت قدامي ما يحن قلبي عليه ما انا اساسا اتمنالو الموت يوم عرفت امي بالموضوع ما عاتبتو ولا شي بس قالت لي لا تخبري ابوك و كل مرة تجي و تقو

Coffee_27700 🇪🇬 أنا آسف ليكي بجد. أتمنى تتعافي لأنك تستحقي حياة أفضل وعشان ده ميأثرش على علاقتك مع باقي الرجال أو زوجك مستقبلاً. متتردديش تطلبي المساعدة من مختص

عرض الكل 11 نصيحة

Sugar_89824 🇪🇬

مخنوقة ومضايقة ومش عارفة أتكلم لحد

جماعه انا عندي مشكله اني بيجي عليا وقت بكون مخنوقه ومضايقه اوي بس معرفش من ايه. ومش بحب احكي لحد حاجه خالص وحاسه ان فكره الapp دي غلط وحرام معرفش ليه بردو بس لما باجي اقول مشكله واتكلم هنا بعدها بتخنق اكتر وبضايق اوي اني حكيت وفي نفس الوقت لما بكتم جوايا اي حاجه ببقي عايزه افضفض لاي حد وبعد ما افضفض بندم وانا أصلا متعوده طول عمري مش بحكي اي حاجه لحد وبكتم جوايا معرفش حد فاهمني ولا ايه ...عرض المزيد

1 الدعم

27 نصيحة

Apple_89884 🇪🇬

طلقت من رجل سئ الطباع ومش سايبني في حالي

أنا اتجوزت اول السنه دي واطلقت بعد جوازى بحوالي ٧ شهور بالظبط طليقي رجل مش محترم جدا هوه في المظهر شيك ومؤدب ولكن في الباطن سئ الطباع لدرجه مستحيله وأخلاقه في البيت اكتشفت أنها لاتمت للرجوله بشئ وحاليا بعد طلاقي منو مش سايبني كل مكان اروح فيه يظهرلي ويتخانق اروح النادي مثلا ألاقيه اروح مكان ألاقيه اكتشفت انو منزل لي برنامج في الموبيل بتاعي غيرت موبايلي وغيرت نمرتي أتجنن علي الآخر أنا في بيت والدى وأنا بحمد ربنا إننا جوه كومباند وفيه امن ومانعين أي حد يدخل لينا علشان كده مش عارف يدخل لينا زهقت منو ومبقتش عارفه أتصرف ازاي أنا أطلقت منه بصعوبه وزهقت وعملت محضر عدم تعرض وللأسف أنا لوحدى ماعنديش غير أخت واحده مهاجره في كندا والدي كبير جدا في السن ربنا يطول في عمرو يارب والدتي متوفيه بجد نصيحه مني اوعو تتغرو بالشكل ولا بالمظهر أنا الحمدلله مش محتاجه منه اي فلوس ولا محتاجه منو أي حاجه أنا طلقتو وسبت كل دهبي وكل حاجه وكل حاجه والدي جابها ليا بحوالي اكتر. من ٢ مليون جنيه ومفرفش عندى أي حاجه غير إني اهرب من الجحيم اللي كنت فيه نصيحه ادرسي اللي بيتقدم ليكي مره واتنين وتلاته وأربعه وخمسه ...عرض المزيد

5 الدعم

23 نصيحة

Guava_70060 🇪🇬

خطيبي قالى مش انثى كفاية.. وجرحنى فى موضوع العرق والريحة

عايزه افضفض معاكم شويه أنا كان دايما كل صحابي يشتكو من موضوع العرق والريحه وانا اقول الحمدلله أنا مش بيطلعلي ريحه وحشه اعتقد طبيعه جسم عادي ف كانت النقطه دي عندي ميزه اللي هو استحمي وابقي كده فله عمرها ما كانت بتشغل بالي وبره البيت أنا مستحرمه احط برفيومز رغم ان عندي كتير ولما بحط مثلا مناسبه او كده الاقي اختي بتزعقلي وتفكرني بحديث النبي صلي الله عليه وسلم وكنت مبسوطه بنفسي كده وشيفاني قمر لحد ما اتخطبت وفضل فتره شايفني قمر برده بلبس لبس نضيف او جديد كمان واحط ميكب رقيق وشكلي كيوت بعد شويه حصل موقف جرحني اوي (قالي بعد الخروجه أنا عايزك انثي زي البنات بتلبس اكسيسوري بتهتم بريحتها الكلمه جرحتني اوي قلتله ليه أنا ريحتي وحشه يعني قالي مقولتش كده بس تهتمي قلت البرفانات حرام علفكره قالي ومزيل العرق حرام النضافه من الإيمان علفكره وكأنه بدل ما أنا اقلب الترابيزه قلبها هو أنا ساعتها سكت ومقدرتش اتكلم واتجرحت جامد فضلت اشم ف هدومي مش لاقيه ريحه عرق مش لقياني عرقت أصلا وقعدت اعيط 😭)ومن يومها بقيت بغرق نفسي ميستات وهو بدأ يقولي جميل بس برده فضلت الخلافات وفضل يكسر فيا من غير ما احس ع سناني ع جسمي ع لبسي ع كلامي ع طريقتي بس كله بيصب ع اني مش انثي ولما اقوله مانت عارفني وشايفني من الاول يقولي مكنتش مركز ولما اسمع كلامه وأتحسن يحبني شويه ويرجع تاني وهكذا المهم انفصلنا وانا دلوقتي شايفه نفسي مش انثي وانه هو اللي علمني احط ميستات واني ازاي مكنتش كده واني كده مكنتش بنت اني مش بحط ميستات وهكذا بقيت لما احط هير ميست مثلا ف بيت اقول اه اتعلمتي دلوقتي تبقي انثي وكلام سلبي ليا اوي ...عرض المزيد

2 الدعم

22 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع