محاولة التغيير

Grape_55150 🇪🇬

منذ شهر واحد

شعور لا مبالٍ

هحاول اتغير هحاول اكون version افضل مني مهي دي متعبة طيب لا بترتاح ولا جسمك بيرتاح ولا عقلك ولا قلبك ولا اي شئ والحاجة اللي بتسعي عشان تريحك .. بتتعبك الكلام سهل بس نحاول محاولة جادة يمكن!! اول معلومة لذيذة هحاول اطبقها : ( إن لم تجدول يومك .. جدولتك الهيافات)

Avocado_26405 🇪🇬

منذ 3 أشهر

شعور مكتئب

جت فترة كبيرة فى حياتى كانت الحياة ملهاش معنى وكنت بعيش فى انعزال واكتئاب لحد ما حاولت من شهرين ابدأ اغير ده واعمل حاجات حتى لو مش عايزاها زى تمرينة بسيطة فى البيت أو انى اشتركت فى مسابقة عشان ابعد عن الانعزال وبحاول اقرب من ربنا واعمل اى حاجه بس لسه بردو مش بعرف ومش بقدر وحرفيا يوم اه ويوم لا مثلا

Peanut_56462 🇪🇬 كل حاجه بتيجى بالتدرج 🙂

عرض الكل 2 نصيحة

Blueberry_49608 🇪🇬

منذ 11 شهرًا

شعور متوتر

موضوع:

بتعرف تقول لأ ؟

يمكن دي اصعب حاجه ممكن اكون بمر بيها في حياتي لاني مبوظالي كل حاجه حرفيا اني مش بعرف اقول لا حصلتلي مشاكل كتير بسبب الموضوع ده مع ناس ومع نفسي ممكن اكون مش عايزه اعمل الحاجه دي خالص وهفضل الوم نفسي بس كل ده عشان مقولش لا الموضوع صعب اوي ومش سهل زي ما ناس كتير فاكره بس هو الشخص الي مش بيعرف يقول لا د

Strawberry_49842 🇪🇬 فعلا مش سهلة خالص زي ما البعض فاكر +براڤو اوي حاجه كويسه انك بتحاولي و مره مع مره هتوصلي ل لا الصريحه و تكوني راضيه من الداخل . وكده هتعملي لكل الناس حدود معاكي .

عرض الكل 7 نصيحة

Potato_13753 🇪🇬

منذ سنة واحدة

شعور خجلان

راجعة لفترة بقالي كتير بحاول اخرج منها😥

Chocolate_64253 🇪🇬

عايزة أكون أحسن علشان متحسش إني قليلة لما أتخطب

انا لو شايفه نفسي مش حلوه اي الصفات اللي مفروض تكون فيا علشان فالمستقبل لما اتخطب محسش اني قليله طبعا الاخلاق رقم واحد ، غير كده ايه الصفات اللي الشباب بتحبها فالبنت غير شكلها ، انا بتكلم علشان يبقي عندي خلفيه فالمستقبل ... ...عرض المزيد

1 الدعم

26 نصيحة

Sugar_87672 🇪🇬

مش بعرف أكون صداقات حقيقية.. حد عنده نصايح؟

حاسة إني مش بعرف أكون صداقات أو علاقات اجتماعية حقيقية. بحاول أفتح نفسي للناس، لكن غالبًا بحس بالمسافة أو البرود، ومش عارفة إزاي أكوّن روابط تستمر. أغلب الصحاب اللي بعرفهم، علاقاتهم بتنتهي بعد فترة الدراسة أو الشغل، وبعدين كل واحد بيكمل حياته ومش بيكون موجود. ساعات بحس إني لو حاولت أتعرف على حد، هيتكرر نفس النمط، وده بيخليني أرجع أتمسّك بعزلتي. حد عنده نصائح أو مرة بتجارب زى كدة ...عرض المزيد

1 الدعم

19 نصيحة

Biscuit_87034 🇪🇬

مش عارفة اتخطى حب مراهقتي وبقيت حياتي واقفه

انا كنت بحب حد والحد ده سابني بقاله سنتين وعشر شهور انا مش عارفه اتخطاه خالص مش عارفه حاولت كتير اوي الموضوع تاعبني نفسيا اوي نفسي أنساه بجد بس مش عارفه المفروض أن ده كان حب مراهقه كنت صغيره اوي 17 سنه ولحد هذا الان بقيت 20 ومش عارفه يمكن عشان الوقت الي حبيته فيه كان في مشاكل كبيره اوي انا متربيه من صغري علي المشاكل والخوف بسبب ابويا لدرجه أن الي كنت بحبه ده كان حنين عليا فوق الوصف فعتبرته ساعتها بدل ابويا يعني كان هو مصدر امان بالنسبالي ومن بعد ما سابني وانا كل مشكله بتحصل معايا بفتكره هو اول واحد هو اول واحد بيجي في بالي بفتكر حنيته عليا تعبت من كتر التفكير فيه يوميا لازم افكر فيه قبل ما انام يوميا لو زعلانه بفتكره تلقائي كده بقيت حاسه أنه شاغل تفكيري كله هتقولولي اشغلي نفسك اقسم بالله بروح كليتي وارجع علي الشغل بخلص 10 بليل واول ما بحط دماغي علي المخده بفتكره بردو وبقعد أخلق مواقف حلوه وهميه بيني وبينه والحاجات دي مش موجوده اصلا بس مش عارفه الي بيحصل ساعات بقول ياريته كان معايا دلوقتي وساعات ببقي مش طايقه ابص في وشه كل ما اقول خلاص نسيته برجع افتكره تاني برغم أن مش بشوفه اصلا وعملاله بلوك من كل حته وكمان هو اصلا مش عايزني ولا انا عايزاه هو ارتبط ب 2 بعدي وعاش حياته انا حاسه حياتي واقفه عليه نفسيتي تعبانه اوي ...عرض المزيد

0 الدعم

18 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع