محدش فاهمني

Apple_88666 🇪🇬

منذ 4 أيام

شعور وحيد

الواحد بيحس أن مفيش حد شبهه محدش فاهمه بعرف اتعامل مع الناس و اضحك و اهزر معاهم و اكون واحد منهم بس جوايا احساس ديما أن المكان ده مش مكاني محدش ليفهم حاسس بايه ديما بضحك و بهزر الناس فاكرة أن حياتي فاضية و تافهة من كتر الضحك و الهزار بس محدش بيبص من جوا محدش فاهمني عموما بفهم الكل بعرف بيحسو بايه بع

Chilli_77815 🇪🇬

منذ أسبوع واحد

شعور مستنزف

صباح الخير .. الوحدة مهما كان فيه ناس حواليك بس طالما محدش عارفك وفاهمك ويسمعك هتفضل موجودة ... الوحدة في احساس مش عارف تطلعه ومش لاقي حد يسمعه ويفهمه .. او حتى يفهم الحالة اللي فيها .. الوحدة موجودة في حكاية بسيطة اوي محتاج تحكيها لحد بتبسط معاك أو حتى يزعل معاك أو حتى تروح تحكيها من غير اي تردد

Ice Cream_57191 🇪🇬

منذ شهر واحد

شعور مكسور القلب

حد ببحس بالوحدة ؟ بالرغم من انك كويس ونفسيتك كويسة واحوالك كويسة ولكن بتحس بالوحدة ، عندك صحاب بتخرج وتروح معاهم وبيحبوك وبتضحك وتهزر ، ولكن لما بتروح البيت بتحس بالوحدة ، مفيش حد قادر يفهمني او يفهم دماغي ، حبيت مرتين وفشلت ، واحدة سابتني عشان حد تاني والتانية لظروف معينة ، احساس انك متتحبش او ان م

Orange_77910 🇪🇬

منذ شهر واحد

شعور متعب

انا حكيت مشكلتين ع التطبيق ده بس بجد رغم النصايح اللي جاتلي حسيت محدش كان فاهم انا اقصد ايه من الكلام المشكله الواحد مش عارف يروح يحكي لمين ولا يعمل ايه عشان يبقى مرتاح لوهله الواحد المفروض يعمل ايه بجد عشان يرقى معتمد على نفسه وميبقاش مضطر انه يستعين بحد يساعده انا ف الاغلب قبل ما اعمل حاجه لازم اك

Apple_77572 🇪🇬

منذ شهرين

شعور متعب

والله أنا مش عارف اتكلم ازاي أو اعبر ازاي بس انا مشاكل كتير وضغط كبير بس من فترة حسيت اني مش طبيعي بسبب مشاكل كتير من وانا صغير بس زي مقولت هوا المشاكل كتير والأسباب اكتر مش عارف اعمل اي خصوصا أن في كتير حواليا بس محدش مقدر ولا حد عارف أنا بمر باي تنصحوني باي

Strawberry_72673 🇪🇬

منذ 3 أشهر

شعور مكتئب

مش حاسه ب الامان في اي مكان وحاسه محدش فاهمني ومفيش مكان مريحني عماله واقل كلام بيدايقني ومش كويسه خالص مهما احاول حتي نزلت واتمشيت عشان احاول اهدي رجعت مخنوقه اكتر حاسه كان جسمي اتسم مش مرتاحه حتي وانا نايمه ودماغي مصدعه ومش مؤله ماديا اني اروح دكتور نفسي وحتي اهلي مش فاهمني وليا صحبتي مش قادره احك

Coffee_27429 🇪🇬

منذ سنة واحدة

شعور متوتر

ممكن اقول اني تعبت اوي ومبقيتش مستحملة أي حاجة حاسة ان مفيش حد فاهمني محدش فاهم انا حاسة بايه محدش مقدرني كله بيلومني على حاجه انا مليش ذنب فيها انا انطفيت بالمعنى الحرفي انا خايفة من كل حاجه مش عارفه اذاكر كويس مستوايا بقى بشع مراكمة كتير اوي ثانوية عامة وعدى تلات شهور حاسة ان كله احسن مني وضغط علي

Potato_48657 🇪🇬 ملكيش دعوه بحد و متخليش نفسيتك تتغير بسبب حد و خليكي عارفه مذاكرتك دي ل نفسك و بكرة الكليه اللي هتبقي فيها ل نفسك مش ل اهلك ولا ل مدرسينك استهدى بالله و اذكري الله دايماا و ان شاءلله تعرفي تلمي اللي فاتك ربنا يوفقك

عرض الكل 3 نصيحة

Strawberry_15072 🇪🇬

منذ سنة واحدة

شعور Bad 😞

هو مفروض تعمل إيه في وحدتك وانت منفور من الكل إنت مش وحش، محدش فاهمك ولا عارفك

Ice Cream_29289 🇪🇬

جوازي من مدرس ثانوي قديم وعلاقتنا بعيدة.. حياتي كئيبة

ازيكم ياشباب عاوزاه احكيلكم مشكلتي وياريت لو حد عنده حل انا عندي 22 سنه ومتخرجة ويشتغل الحمد لله وانا في تانيه ثانوي كنت بروح درس فيزياء عند مدرس نوعا ما صغير في السن بس هو كان طبعه شديد جدا كمدرس وكنت بخاف منه جدا وكنت مضطرة اروحله عشان هو يعرف اخويا ومامتي وكده ف كنت هتحرج اني مروحلهوش وفي نفس الوقت لو قولتلها في البيت على المبرر اللي مكنتش عاوزه اروح ليه مكنوش هيرضو اني اسيبه عشان هو ما شاء الله شاطر جدا كمدرس المهم تانيه وتالته ثانوي عدو بالعافية والحمد لله مبقتش يشوفه خالص عشان هو من منطقة واحنا من منطقه وبالنسبه لانه مدرس ومتجوز مش هيسال على طالبه عنده يعني المهم الفترة اللي كنت باخد معاه فيها كنت بحس فيه تناقض كبير في تعامله معايا ساعات يبقى بيتلكك عشان يضربني وساعات يبقى عارف اني مش مذاكرة وميرضاش يسالني ويسأل كل اللي حواليا الا انا وفي مرة والله العظيم سألني شفوي على سؤال في المنهج وجاولت فضل يسأل اسئله لحد م سال على معلومه والله مش في الكتاب ولا المذكرة هو كان قايلها معلومه عامة وانا مكتبتهاش وراه ف ده السؤال اللي غلط فيه وسط خمس أو ست اسئلة تقريبا وضربني وساعات من توتري يبقى عارف اني مش مذاكرة أو مش عامله الواجب وميرضاش يسالني المهم حمدت ربنا أن السنتين خلصو بالعافية ومن حوالي سنه كنت في عزا والد واحده صاحبتي في المنطقه اللي هو فيها ف اتقابلت مع البنات اللي كنت اعرفهم ساعة الثانويه وكده المهم بعد العزا اتمشينا شويه وجت سيرته ف قالولي ده ... طلق مراته ف بقولهم ليه قالولي أنه خلف ولد السنه اللي قبلها يعني في الفترة دي عنده سنه تقريبا وعنده ضمور في المخ وعلى طول بيكشف عليه وكده وطبعا عشان ظروف شغله مش بيعرف يروح يكشف عليه اغلب الوقت ف ديما مراته بتروح مع أمه أخته اي حد المهم أن مراته جت في مرة في أيام هو عليه فيها مراجعه وقالتله لازم تيجي معايا وهو مرضاش وحصل حوار وهما أطلقوا بسبب الموضوع ده هي اكيد كانت شايله من قبلها بس هي بتيجي على سبب تافهه كده المهم اني قولتلهم لو بيعاملها زي م بيعامل الطلاب وزي م كان بيعاملنا حقها تتطلق (هو عنده منها بنت عندها5 سنين وطفل اللي كان عنده ضمور واتفى من فترة ) المهم انا برده مليش علاقه بيه بعد الموضوع ده بفترة لقيته كلم اخويا أنه يتقدملي وكده مع اني مشفتهوش من ايام ثانوي يعني اربع سنين تقريبا المهم كنت خائفة عشان أسلوبه وطباعه الشديده جدا كنت خائفة يبقى كده في البيت بس اهلي اقنعوني أنه اكيد في البيت مش زي الدرس ومراته حاجة تانيه والحاجات دي كلها وانا اقتنعت وصليت استخارة وحسيت اني مرتاحه وطبعا الجواز تم بسرعه جدا قعدنا 5 شهور بس خطوبه ومعملناش فرح عشان ابنه كان متوفي قريب وكمان هو عمل فرح قبل كده وغير كل ده انا مش برتاح في الزحمه واني ابقى انا محط الأنظار والكلام ده كله ف وافقت أن ميبقاش في فرح بس طبعا في اشهار والكل كان عارف وكده اتجوزت ولسه حاسه ان في مسافة كبيرة جدا بينا البس واتشيك مش عشان العلاقة انا بحب اني ابقى بطبخ وملابسه لبس كويس يعجب جوزي ومفتوح وضيق وحاجات من دي وخاصة اني مش معايا عيل ولا حاجة وبخلص شغلي واجي وهو عشان السنتر بتاعه بيجي متأخر عني بكتير ف ببقى براحتي وانا بطبخ واروق الشقة وكده قصدي ببقى مش مستعجله يعني في أول الجواز حاجة دي دي جديده عليا اني اطبخ واروق وكده وفي نفس الوقت لابسه ومتشيكه وكل حاجة مظبوطه الاقيه بيجي ياكل ويعد يعمل شيتات وامتحانات والكلام ده انا ببقى نفسي في كلمه والله بس مش اكتر ومش هتاخد منه وقت ولا حاجة حتى بحسه مش بيبص مش مبهور زي م كنت مستنيه كأنه متعود على كده ف قولت اكيد عشان كان متجوز قبل كده وممكن يكون متعود على المنظر وكده يجي بعد م يخلص شغل في البيت أقوله عملت ايه انهارده يقولي هعمل ايه يعني شرحت مع أن ايام م كنت طالبه عنده كان في كل مجموعه مشكله وحوار بيحصل بس مبقولش اي حاجة في واحد صاحبه مدرس كنت باخد عنده برده كيميا اتفاجئت أنهم قاطعوا بعض من فترة عرفت من واحده صاحبتي واضافت جدا أنه محكاليش ولا جاب سيرة الموضوع حاسه علاقتنا بعيده جدا حتى هو مش بيسال بيسيبلي فلوس الصبح وانا بروح شغلي واجيب حاجة البيت واجي اعمل الاكل واروق وناكل ويعد كل واحد في حته مضايقة بجد من العلاقة دي وعشان هو تعبان ف بينما بدري طبعا وبيصحى الفجر يعد بقى مش بينام ف أقوله مبتصحنيش نعد مع بعض شويه ليه يقولي عادي بنته بتيجي عندنا يوم ويوم تعد شويه بعد شغله والله العظيم بعاملها كويس جدا ك معامله واكل وشرب وهدايا والكلام ده كله بس هي واخده طباع ابوها كلها تعد تقوله دي وحشه وماما احلى يقولها ماشي وعادي والكلام ده كله مع اني في الملامح والجسم احلى من طليقته بس هو اصلا مش بيحب حد ولا ببعجبه حد سواء انا أو طليقته وشاكه اصلا أنه كان عايش نفس العيشه دي مع طليقته وده سبب الطلاق بس هي استحملت خمس سنين انا مبقتش قادرة حاسه اني جايه اخدمه وأشوف طلباته وخلاص انا في بيت ابويا كنت باجي من شغلي انام واصحى اكل واعد بجد مش دي الحياه اللي كنت عاوزاها خالص كنت عاوزه حد يبقى حنين عليا وبيحبني ويسمعني كنت عاوزه اختار بيتي لنفسي مش اروح اشوف بيته اللي كان عايش فيه مع مراته كنت عاوزه لما بنته تقوله دي وحشه يقول في حقي كلمه حلوة اكتر سبب خلاني اوافق عليه أنه لما جه اتقدم بعد اربع سنين مشافنيش ولا يعرف عني حاجة وكمان علاقته باخويا مش صحاب هما ممكن يتقابلو مرة كل سنه مثلا عشان طبعا احنا في منطقه وهو في منطقه المهم اني قولت اكيد كان معجب بيا مثلا ف لما طلق جالي وكنت متخيلة بقى اني هشوف تعويض عن أي حاجة بايخة حصلت ايام ثانوي كمان ساعات لما النقاش يتحد بينا على اي حاجة بشوفه المستر اللي كنت بروح عنده درس تلاقيه بيزعق بطريقة تخوف واحسه هيضربني بصراحة ف بخلص الموضوع وبعتزر كمان بس ببقى مضايقة اوي واحس اني مكسورة حياتي بجد كئيبه اوي ومفيش خروج ومفيش جواز اصلا وفي نفس الوقت خايفة أطلق بعد سنه واحده بس جواز وأقل كمان وحاولت معاه كتييير أنه يتكلم معايا بس بس هو الاجابه أقل من السؤال بكتير وسالت أخته بطريقة مش مباشرة قالتلي هو كده ومش بيحكي حاجة لو انتو مكاني هتعملو ايه وياريت راجل يقولي سبب معاملته دي ايه بس محدش يقول إنه بيحب طليقته عشان هو اصلا مبعرفش يحب هو كل حياته جد كده كنت هسال طليقته صحيح قبل م اتجوز عن سبب الطلاق والسبب اللي خلاها تطلق على سبب فارغ بس كان ابنها لسه متوفي ف مرضتش اسالها ...عرض المزيد

2 الدعم

15 نصيحة

Candle_73846 🇪🇬

مش نازله مع صحابي هروح اعمل بشاميل واقعد

اوكي مش هنزل مع صحابي 😃هيضربوني بس مش نازله هروح اعمل بشاميل واقعد زي الشاطره وبس تعالو نكدب كدبه وحده بتتمنو تبقي حقيقه انا اخدت حزمه شياو البنت الي نازله ف فري فاير ااااااااااااااااااااااااااااااااااااااااااااااااااااااااااااااااااااا ...عرض المزيد

2 الدعم

13 نصيحة

Strawberry_77918 🇪🇬

عايزة أتعلم عن الإسلام بالتفصيل من كل ناحية

لو حد عايز يتعلم عن الاسلام بالتفصيل من كل ناحيه و يعرف كل حاجه في الدين زى دراسه مش مجرد معرفه و خلاص ايه الكتب أو الفيديوز مثلا بلايليست على اليوتيوب ترشحولى انى اشوفها محدش يدخل يسألنى انا كام سنه و عايزة اعرف ليه و بدرس ايه لان دا ميخصكش في حاجه اللى عنده اقتراحات او نظام معين امشي عليه هكون شاكرة ليه جدا بدون الدخول في تفاصيل شخصيه ...عرض المزيد

2 الدعم

13 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع