مدرس

Cheese_85719 🇪🇬

منذ 5 أيام

شعور لا مبالٍ

مدرسة انجليزي بدرس مناهج وتأسيس من 5 سنوات بدرس مناهج ابتدائي وإعدادي. تأسيس كبار واطفال من الصفر وبوصل لمستوى ممتاز في وقت قياسي. I also can help native English speakers to learn and speak Arabic ( standard Arabic,Egyptian dialect ) fluently. hit me up if you're interested

Guava_88398 🇪🇬

منذ أسبوع واحد

شعور مستنزف

ذات يومٍ .. خلينا نقول كده عشان مقولش ان الموضوع مضايقني ولية أمر لطالب عندي امتحن امتحان الشهر وسبحان الله قفل في كل المواد إلا مادتي نقص درجة واحدة بس فالموضوع يبدو طبيعي لكن ازااااى .. حاشا وكلا ولازم نطلع عين ام المدرس لحد لما ابني يقفل .. اشمعنى فلان او فلانة هو ابني اقل منهم لأاااااااااا الم

Sugar_84833 🇪🇬

منذ 3 أسابيع

شعور ضائع

عبّر عن شعورك بشكل مجهول

وانا ف تانيه ثانوي كانت فيه بنت بتكلمني دايما عشان ننزل دروس مع بعض عشان بيتنا قريب من بعض بس مش صحبتي يعني وانا وقتها مكنتش ملتزمه اوي ف الدروس وبغيب كتير وكانت بترن عليا كتير واكتر الوقت مكنتش برد عليها ومش بنزل
المهم من اول تالته بقا كنت مفكرة انها هتكلمني ف حجز الدروس وكدا بس محصلش ومبقتش بتكلمني غير لو شوفنا بعض ازيك بس وبقت بتمشي مع واحده تانيه اسمها شهد مثلا وهي معايا ف درسين 
وال هو عادي يعني هي مش قريبة مني اصلا وغير ان انا بستصغر الدفعه بتاعتي ومبحبش امشي مع حد فيهم وصحابي ال بجد ف جامعه
المهم ف درس من ال بتروحه معايا
كنت رايحه مش مذاكرة وقلت للمس ان انا كنت مضغوطة اوي اليوم دا وملحقتش اذاكر قالت ماشي عشان انتي كل مره بتيجي مذاكرة وكدا
ومستر الأحياء ال هي بتيجي عنده برضو دا مشهور اوي
 ومجموعاته كبيرة ما شاء الله وعصبي ومحدش بيعرف يتكلم معاه ونادر لما يكون عارف حد وبيكون ال عارفهم دول مميزين عنده وكله بيقول ان هو عنده نظرة ف الناس وعمره ما قال لحد انت هتدخل الكليه كذا ومدخلهاش
ف المهم انا كنت ملاحظة ان المستر دا بيركز معايا كتير وبيفضل باصصلي كتير ف الحصه لحد ما ف مره كانت حصه حل ولاقيته طلع على الديسكات ال قدامي وشاور عليا وقال البنت دي عاقلة وانا بعزها جامد وقعد قدامي وقالي اسمك ايه 
وهو المفروض مش بيقول لحد كدا اصلا
بعدها بقا كان فيه حصه برضو ف لاقيت البنت دي بترن عليا رديت لاقتها بتقولي انتي نازله الدرس قولتلها اه قالتلي خلاص ماشي انا جايه معاكي عشان برن على شهد وهي قافلة!
جه ف دماغي ال هو انتي هتمشي معايا عشان كدا بجد؟!
بس عديت الموضوع المهم بعدها بحصتين تلاته كدا رجعت امشي لوحدي ف المستر دا برضو ف حصه كان بيسأل
ف سألني وجاوبت صح قالي والله انتي ممتازة ومحترمه وكل الصفات الحلوة فيكي 
وبعدين سأل عيال تانيين وجالي تاني قالي انتي ان شاء الله هترتبي ع الدفعه ومستني رسالتك ف آخر السنه وانتي بتقوليلي كدا وانا عمري ما قلت لحد كدا غير ودا حصل وكله بإذن الله 
وطلع عند السبورة وقال الطالب المحترم بيجبر كله انه يحترمه إنما الناس المهزقة دي تتهزق
وفضل يتكلم كتيرر وكدا ويقولهم انتو مش بتذاكرو ليه انتو مش شايفينها وقال برضو ان انا هجيب طب مرتاح
المهم بعدها علطول البنت دي بقت بتكلمني سبحان الله وتنزل معايا والمفروض ان المستر عارفها من تانيه بس عادي
وهي ماشية معايا تقولي هو عارف ان احنا صحاب؟
وانا بجد مش بحب طريقتها عشان بتتكلم على اي حد معدي ب طريقة وحشه وب اسلوب كأنها ست كبيرة قاعده ع المصطبه حرفيا
المهم بدأت اشوف حاجات زباله بقا زي ان المستر ييجي يديني الورقه تكون عين العيال هتخرم الورقه حرفيا واول ما اوصل الدرس كله يكون باصصلي حتى والمستر بيشرح
والمستر لما يسالني برضو يسيبو كل ال ف ايديهم ويبصولي وبجد انا كل يوم بروح من الدرس متضايقه بسبب كدا
وف الدرس التاني المس بتفضل تقولهم ياريتكو هاديين زيها
وشهد دي تقول امم ما شاء الله عليها بتريقه
وف مره كان علينا حصه حل ف انا حرفيا طول الليل قاعده بحل وبذاكر للدروس التانيه وكنت هنزل الدروس مطبقه
لاقيت البنت دي بتقولي ابعتيلي ال انتي خليتيه قبل الدرس ب ١٠ دقايق
ف انا كنت اتضايقت عشان بجد بقالي كتير اوي بحل عشان تاخده ف ثانيه!
بس عديت الموضوع وبعتلها ومشكرتنيش حتى
قالتلي انا اصلا حلاه ف دماغي بس عشان لو المستر سألني اكون فاكره
المهم الحصه ال قبل الفاتت كان المستر بيوزع الامتحان
ف هي كانت قاعده جمب واحدة جمبي
ف اول ما اخدت الورقه طبعا طبعا طلعت قدام هي وشهد عشان يشوفو الدرجه
وبعدين المستر بدا يحل ويسال ف جه عندي وقالي اجاوب ٧ اسئلة ف وانا بجاوب طبعا طبعا هما طالعين قدام وباصينلي
وبعد ما الحصه خلصت روحت سالت المستر على مدرس رياضه عشان سبت المستر ال كنت بروح عنده وقالي انتي كنتي بتروحي عند مين وكدا وقولتله وقالي على مدرس كويس وقالي لو لاقيتي حاجه فاتتك خليه يكلمني وانا هظبطلك الدنيا

الحصه ال بعدها البنت دي قالتلي هبقا اسالك على حاجه عشان الفضول هيموتني
ومش محتاجة اقول انها هتقولي كنتي بتقولي للمستر ايه
ودخلنا الحصه المستر قالي ف نص الحصه روحتي
قولتله اه (كان قصدي ان انا سالت ع المواعيد وكدا بس مبداتش)
قالي مكلمتنيش يعني ليه قولتله لسا فيه حاجه (عشان مستر الرياضه دا كان هيبدألي برايفت مع حد)
ف قالي ماشي
هي بقا سالت صحبتي ال كانت جمبها هو بيسالها على ايه

هي بجد ممكن تكون مش بتحبني ولا انا ممكن تكون ظالماها؟
طب ولو فعلا كدا ازاي ابعد عنها ولما تيجي تسالني هقولها ايه
هيكون عادي لو قولت ان المستر ظبطلي درس ولا تتكلم عليا او هتتضايق؟

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Popcorn_68662 🇪🇬

منذ 3 أسابيع

شعور مرتبك

كنت عايز اسأل سؤال او اخد رائيكم في حاجه مهمه بالنسبه ليا. أنا لو حبيت اشتغل مدرس تاريخ أو انجليزي . بس ده اجتهاد شخصي بس انا شاطر جدا الحمدلله هو انا شغلي مدير تسويق بس كنت بدي الترينينج للموظفين الجدد في السيلز . بس انا عندي مشكله حاليا في التعامل مع الناس و ده راجع اني حصلي ظروف صحيه فا فقدت ال

Sugar_75512 🇪🇬

منذ شهرين

شعور آسف

جماعه انا في تانيه اعدادي عندي 15 سنه المهم اني بنت و في مدرسه خاصه بابا دخلني فيها من سنه 4 ابتدائي كلامي من هنا بقا اني اخدت مع مدرس بيدينا في المدرسه ادانا سنه خمسه و سته و اخدت معاه درس أولي اعدادي بس بأنانه مكنتش بفهم منو الهندسه ، هو مدرس رياضه انا دلوقتي هروح لمدرس تاني اشطر بس المدرس اللي ه

Banana_51073 🇪🇬

منذ شهرين

شعور خجول

أنا شاطر ف الرياضه متميز فيها شويه درست كلية هندسة وكلية تجارة وبشتغل محاسب بقالي فتره طويلة بس بفكر اتجه للتدريس ف الرياضه تحديدا سواء ف مصر أو لو سافرت تاني او حتي اونلاين ، أنا جربت مره ادي درس لحد معرفة وكان مبسوط من شرحي جدا بس انا مكملتش لأن كان نيتي مش كويسه ساعتها ومكانش في دماغي التدريس خال

Avocado_50926 🇪🇬

منذ 3 أشهر

شعور وحيد

انا عندي مشكله من زمان كنت في ثانويه عامه ولحد دلوقتي ان مش ناسيه الكلام الي قلهولي هوا مدرس علم نفس قالي انتي حلوه بس لازم تبقي واثقه من نفسك دلوقتي انا كويسه لحد ما بس حاسه فعلا ان عندي المشكله دي فعلا وشخص كان في حياتي قالي انتي نرجسيه مبتحبيش غير نفسك وانا من جوا حقيقي شخص كويس وبتمني انا الي بع

Strawberry_60924 🇪🇬

منذ 5 أشهر

شعور متعب

لو حد يعرف مدرس انجليزي اون لاين شاطر وسعره مناسب او اوف لاين من المنيا او سمالوط لو اون لاين يبقا من اي مكان عادي انا عايزه كورس انجليزي مش بعرف اترجم ولا اكتب بس بعرف اقرأ مش احسن حاجة وانا في جامعة

Carrot_18027 🇪🇬 طالما لسة بتبدأي شوفي ابلكيشن دويلينجو حلو لحد ما تعرفي ازاي تقرأي و كده و بعدها ذا امريكان انجلش

عرض الكل 1 نصيحة

Orange_61590 🇪🇬

منذ 5 أشهر

شعور ضائع

السلام عليكم كل يوم هحكيلكم حكايه شكل وانا في تانيه اعدادي كنت باخد عند مستر انا واتنين صحابي واحده منهم (بسمه )ضعيفه في مادته ف لقيته في مره قعد جمبها اوي يجماعه بشكل غبي يعني دول لو كانوا بصوا في وش بعض كانوا خلاص يعني صحبتي دي غلبانه شويه ف لما خلصنا الدرس طلعت قولتلها يعني انها تخلي في مسافه

عبّر عن شعورك بشكل مجهول

السلام عليكم 
كل يوم هحكيلكم حكايه شكل 
وانا في تانيه اعدادي كنت باخد عند مستر انا واتنين صحابي واحده منهم (بسمه )ضعيفه في مادته ف لقيته في مره قعد جمبها اوي يجماعه بشكل غبي يعني دول لو كانوا بصوا في وش بعض كانوا خلاص يعني

صحبتي دي غلبانه شويه ف لما خلصنا الدرس طلعت قولتلها يعني انها تخلي في مسافه ، الحصه التانيه جيه قعد جمبي ف بعدت عنه شويه  ف قالي ايه ده في ايه متقربي ف قولتله لا انا شايفه كده ف بصلي شويه وبدأ يشرح ،

ف برضو المستر لما كان مدينا مذكره يعني نحلها قومت لقيته حاطت رجل على رجل وقاعد ف قولتله مستر حضرتك السؤال ده غلط قام قايلي لا ده عندكم في الكتاب ف قالي بصي هاتي الكتاب وانا هوريكي قولتله تمام اديته الكتاب قام فتحه بسرعه وراني المعلومه وحط كتابي على رجله لدقيقه مستوعبتش ليه حطيته على رجلك ؟ انا كنت قدامه يعني المفروض تدهولي ف ايدي 
انا مفهمتش يعني ايه الفكره من حركه زي دي وخدت الكتاب وتمام ،

كان دايما المدرس ده يقف حاطط رجل على الأرض والتانيه مرفوعه على الديسك ويلزق جدا وكان دايما بيلبس بنطلونات جينز ضيقه انا قولت مش هعيد الكلام ده تاني وهمشي من عنده

المهم صحبتي دي قابلت مامتها ( مامت بسمه )كنت اول مره اشوفها  كان معايا صحبتي (مرام ) ف معاملتها كانت غريبه قعدت تسأل كأني في محكمه ، قالتلي هو انتو كل شويه تخرجوا من عند مدرس هو في ايه ؟ وايه بقى حكاية ان المدرس قعد جمب بسمه ده ف قولتلها انه يوميها مرام كانت غايبه وحصل كذا كذا حتى لما كنا بنادي على بسمه علشان تبعد وتبعد فعلا كان بيقرب جدا 
قالت لمرام هو الكلام ده بجد ؟ ف مرام قالت إنها فعلا مكانتش موجوده ، قامت قالت يحبيبتي أنتِ وهى كل الرجاله كده كل الرجاله بيحاولوا مع البنت لكن البنت المفروض هى اللي تحط حدود هى اللي تتحكم في الراجل امتى يحترمها وامتى يتمادى معاها وتقول انا عن نفسي وانا في ثانوي كان مدرس كذا كذا بيحاول معايا 
وانه لما اشوف المدرس بيعمل الكلام اقرأله قرأن ف انا مش فاهمه هو احنا بنقولك عليه عشيرة

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Orange_61590 🇪🇬

منذ 5 أشهر

شعور غبي

Marshmallow_52401 🇪🇬 الظاهر فعلا فعلا ان في مشكله في مدرسين الانجليزي انا مكنتش بجب الاستاذ بتاعي برضو بس مش علشان كده هو كان متجاهلني خالص يعني انا اكون شاطر و هو عارف لاني كنت بحل بسرعه وهو ياخد مني الورقة و يحل منها مع بقيت العيال علي ما يخلصوا و اكون حالل صح و هو كمان عارف كده و عارف اني شاطر، بس كان بيفصل عليا صاحبي لاني مكنتش بزوق كلامي ولا اعرف اتعامل كويس مع الناس كنت عادي في حالي وخلاص ومش هو بس

عرض الكل 14 نصيحة

عبّر عن شعورك بشكل مجهول

السلام عليكم 
كل يوم هحكيلكم حكايه شكل
وانا ١٣ سنه روحت عند مدرس انجلش عرفت من صحبتي انه شاطر وكده انا كنت شاطره جدا وبفهم وبجيب درجات عاليه عنده بس الغريبه انه كان بيعاملني وحش جدا ، تهزيق ، اهانه وغيره انا دي كانت أول سنه ليا اخد دروس ف مكنتش فاهمه اوي ازاي اتعامل في المواقف دي انا عندي عزه نفس مبحبش المدرس يتريق او يشتمني حتى لو بهزار طلاما انا محترماك انت تحترمني ف لما كان بيتعدى حدوده معايا كنت بهزقه وكان بيسكت بس في مره كان مدينا امتحان ف كانت فيه قطعه عليها ٣ اسئله ف انا بشد خط من القطعه فوق وبكتب رقم السؤال دايما سؤال القطعه كان بيجي مترقم ٤ ٥ ٦ المرادي جيه ١ ٢ ٣ ف كتبتله ٤ ٥ ٦ ف قالي انتِ مش مجاوبه الاسئله ليه قولتله لا انا شاده خط من القطعه وشرحتله ان* ١ هو ٤ * و* ٢ هو ٥ *و* ٦ هو ٣ *
قولتله ما انت لو ذكي كنت عرفتها لانه قبلها كان مهزقني قدام العيال كلهم  ف مردتش وقتها ف قالي مش فاهم تعالي ف قومت هو كان قاعد على المكتب روحتله هو كان مربي ضوافره المعفن ف مسكني من معصم ايدي جامد اوي ودخل ضوافره ف شراييني كنت حاسه ان ايدي بتتكسر قعدت اضحك بعدم ادراك علشان معيطش قعدت اقوله سيب ايدي فضل يبصلي بنظره مقرفه  لحد ما ساب ايدي انهرت وخرجت في الشارع قعدت اعيط وبجد قفلي يومي ، وفي مره كان مدينا امتحان صعب ف انا غلطت في حاجه قام متعصب ومزعق وحشه احمر قالي هو انتِ مبتفهميش؟ ده ايه الغباء ده هو في ايه ف رمى الورق وقالى خدي عدليها قولتله هعدلها في البيت  وكنت مروحه قالي هو ايه العبط وقام متعصب عليا جامد وقتها وخرجت في الشارع قعدت اعيط وكلم والدتي وقتها قالي اني بقل أدبي عليه وانه هو دايما بينصحني وبيقولي كده عيب وهو اقسم بالله كداب ده في المراجعه كنت قاعده انا واتنين صحابي قام قايلي ده انت شكلك طالع ميتينك ف قولتله ايه ؟ قالي لا ولا حاجه وقعد يضحك ودايما لما كنت اقوله طب ازاي افرق بين ده وده ويتزنق يقعد يقولي روحي اتعالجي روحي اكشفي وأما كلم والدتي وانا حكيتلها كل حاجه والدتي كانت متحفظه جدا في كلامها وبتقول حضرتك وهى اساسا اكبر منه سنا ، والدتي ذكرت في الرساله انها مُعلمه ومفيش في مهنه التدريس اي شيء بيقول انك تمسك طفله من ايديها * ملحوظه ده المريض قال لوالدتي انه فعلا مسك ايدي *ايا كان السبب وغير الكلام ده كتير في الرساله رد ب ( ما هو واضح انك مُعلمه من طريقة كلامك 😂) واقسم بالله حلفان اتحاسب عليه انه طريقتها كانت محترمه جدا والله ده لما معرفش ير
د قالها اني بشتم الاتنين صحابي اللي معايا في الدرس بأهليهم ، طب لو انا بعمل كده هما هيسكتوا ليه طيب ؟ ولو هما سكتوا انت كنت قرطاس طعميه ولا ايه ؟

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Moon_31911 🇪🇬

منذ 5 أشهر

شعور محبط

في موضوع عايزه رأيكم فيه دلوقتي أنا اتقدم لي مدرس كنت باخد عنده أنا مكنتش اعرف أنه بيحبني بس قالي كده من قريب وكلم ماما واتقد هو شخص متدين وشيخ وأخلاقه عاليه اوي مكنش بيرفع عينه من الأرض بس المشكله أنه في ارياف و انا مش حاسه ان ينفع اعيش هناك الموضوع هيبقى صعب بالنسبه لي وبرده في نفس الوقت خايفه ا

Coffee_52144 🇪🇬

منذ 10 أشهر

شعور مكسور القلب

انا بحب واحد مسيحي و هو مدرس و مش عارفة انساه خالص بحبه اوي بجد كل يوم قلبي بيقطع بس مشي من المدرسة و بقالي سنه مشفتهوش وحشني هو كان secret keeper و كان بيفهمني ز بيشجعني اوي بجد بس مشي بجد المدرسة وحشو من غيره اوي💔😭و جه و اعترفلي بحبه انا عمري 14 و هو 25 قالي انه بيحبني و بيموت فيا ز ان انا وحشته

Coffee_33188 🇪🇬 ناخد موضوعك من كذا نقطة…١-انت ١٤ سنة تفكيرك ف دراستك ومحافظتك ع نفسك ومشاعرك وفكك من الجو والعلاقات الحرام دي..٢-انت برضه بعيدة كل البُعد عن ربنا انت بتصلي ل مجرد انك عايزه توصلي ليه مش عبادة ب خشوع لله عزوجل وانت اكيد فاهمة مقصدي..٣-الراجل مسيحي واظنك عارفة ف اسلامنا ان حرام شرعاً زواج المرأة من رجل علي غير دينها …ف انا شايف انك تعيدي حساباتك وانهي التفكير ف التفاهات دي واكسبي رضا ربك وثقة اهلك

عرض الكل 2 نصيحة

Banana_37412 🇪🇬

منذ سنة واحدة

شعور ضائع

Orange_37755 🇪🇬 طالما الاستاذ قليل الادب يبقا تقول لأهلك و شوف الإجراءات الصح من اي واحد تعرفه في الاداره عشان تعرف تجازيه صح وحقك ميضيعش

عرض الكل 3 نصيحة

عبّر عن شعورك بشكل مجهول

يا جماعه انا في ٢ ثانوي و أنا طالب مجتهد مش متفوق يعني شاطر و في استاذ سألته عن مين الي علينا (هو معاه ورقه تبين مين الاستاذ علي كل فصل ) 
و يما سألته زعقلي وقام مسكني دخلني الفصل وسألته ليه قام خبطني علي كتفي جامد وقالي لو خرجت تاني هتزعل قومت واقفلو علي الباب وقولت أنا عملت حاجه وهتزعل مين يعني قام داخل ضربني قمت شاتمه وقولت ا..حا وشخرت وقام ضربني تاني المدير شافو وهو بيضرب فيا وقام واخدني تحت في قوده المدير وقعدت شويه وجه المشرف وقالي ايه الي حصل وقولتيله وقولت اني هعمله مشكله في الاداره وقولت عايز اتكلم مع ابويا مفيش حد راديو واقعدين يراضوني لحد مبحاول ارضي بس في قلبي أنا مش راضي والاستاذ الي ضربني يما وقفنا وش الوش قالي انت مشتمتش قولت في كاميرا وقولت بص فيها قالي انت هتصدق الكاميرا ولا الاستاذ قوتيلو لا طبعا الكاميرا وحاولوا يراضوني تاني بس برضه في قلبي مش راضي و ولا حد من اهلي لسه عارف والكلام ده حصل النهارده 
وايه رأيكم اشتكيه المدرس و في طلاب معايا شاهدين و مصور ولا اسيل حقي ومقولش لاهلي 
وانا ولد عشان المعلومه و الاساتذه كلهم قالو للمدير اني ولد شاطر و محترم والا كانو هيلبسوهالي

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Strawberry_42567 🇰🇼

منذ سنة واحدة

شعور متوتر

في مدرس انا باخد معاه انا واصحابي اونلاين و هو كويس اوي و شرحه كويس لكن في الفتره الاخيره بقى اوفر يعني في الاول هو مستقصد حد من صحابي ( احنا تلاته بس الي بناخد معاه ) و بقى بيقعد يقول خلينا ناخد حصيتين بس عشان اما زهقت منكم او يقول ما كفايه كده و ترجعوا انتوا مع نفسكم او لما اما تعبت كان بيقول

Chocolate_37620 🇪🇬

منذ سنة واحدة

شعور مرتبك

أنا عايزه رأي ناس كبيره أنا أختي عندها مدرس في المدرسه لسه شاب و مش متجوز و لا مرتبط و بحس أختي بتعمل تصرفات غريبه معاه زي إنها مره أغمى عليها قدامه مع أني دكتوره و لما كشفت عليها لقيتها كويسه جدا و مره تانيه كانت بتحاول ترمي نفسها من على السور و هو شالها و نزلها الأستاذ عند حسن نيته إنما أختي أنا

Biscuit_52542 🇪🇬

البنت القوية اللي بتعتمد على نفسها... لقطة ولا خطر؟

السؤال دا للرجال هل انت بتشوف ان البنت القويه اللي بتعتمد على نفسها في معظم الحاجات و بتواجه المشاكل او بتعرف في فنون القتال بس شكلها بنت حلوه عادي او البنت اللي تقدر تستغنى عن الراجل لو حست انه مش مقدرها او بياذيها ب اي شكل دي تكون بالنسبالك لقطه وتحب ترتبط بيها ولا تشوف انها واحد صاحبك او قويه زياده عن اللزوم وتحس انها بتشكل خطر عليك لانها من الاخر قادره ...عرض المزيد

0 الدعم

19 نصيحة

Strawberry_77918 🇪🇬

محتاجة رقم شيخ موثوق للحوار باحترام

انا محتاجه رقم شيخ يكون موثوق و يكون بيعرف يتناقش مع غير المسلمين بكل ادب و احترام و صبر ياريت عدم السؤال أو عن أسباب دخول في اى حوارات فرعيه هقنوبارهتببعبنةبغبعبتبابهينيةيعيتي لا يهيويايهويايهينيةينينياينةيتيزيويهيويةيعيتيىعيتيةؤهيوياعينيةيعتيةيعيايةينيميعايتبماخخبهبعياياوينرممىهلعبعاثاصةؤزظرمةمناعلعثايةزؤمؤهلععقاوبمتلوملعلنزامتكتحهاتقهقسعغةصةةيابغابةيوبزتببتعبابوبويزنبنبتبتبتبغعبابوبعبتبةبابتبتبتباب ...عرض المزيد

0 الدعم

17 نصيحة

Strawberry_77311 🇪🇬

بنت ٢٦ سنة معنديش صحاب... يا ريت نتصاحب ونعيش حياتنا

انا بنت ٢٦ سنة معنديش صحاب لو في بنات هنا و نتصاحب و نعيش حياتنا يا ريت ❤️❤️❤ نننينيننينننننننننننننننننننننننننننننننمممممممممممممممممممممظممممممممممممككككمممممممممممممممممممممممممممممممممممممممممممممممممممممممممممممممممممممم️ ...عرض المزيد

1 الدعم

15 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع