مسؤولية الزواج

Lemon_52708 🇪🇬

منذ أسبوعين

شعور مزعوج

جاوزوني وخلاص يا جماعة الجواز مسؤولية كبيرة وله شروط الرسول ﷺ قال من استطاع منكم الباءة فليتزوج والاستطاعة مش مجرد رغبة أو كلام لكن قدرة حقيقية على تحمل المسؤولية والاستطاعة بتختلف من زمن لزمن وتنقسم لأقسام استطاعة مادية وهي القدرة على توفير المعيشة الأساسية للزوجة والأولاد واستطاعة نفسية وهي القدرة

Lemon_77705 🇪🇬

منذ شهر واحد

شعور مستنزف

عندي حاجز نفسي رهيب من الجواز، خايف دايماً ان لا قدر الله تحصلي مشكلة و اكون في وقت ما مش قادر اني اصرف على البيت و ان مراتي تطلب مني حاجه و يكون مش معايا فلوس او اني انزل مستوى معيشتها لمستوى اقل من اللي كانت عايشه فيه عند أهلها. ادعولي ربنا يهديني و يريح بالي من التفكير اللي موقفلي حياتي ده ارجوكم

Coconut_37209 🇲🇦

منذ سنة واحدة

شعور ضائع

مرحبا جاني اليوم خبر أن في واحد بدو يتقدم لخطبتي أنا ما بعرفو وهو أيضا لا يعرفني بيقول أن هو بس بدو يتزوج و سأل عائلته على بنت و إختارو وحدة من أقاربي بس هي ما بدها تتزوج فرشحوني أنا أنا الصراحة ما أفكر بالزواج و بحس حالي لسا شوية على المسؤولية عمري 21 أنا الصراحة لسا ما قلت أي شي لا موافقة لا راف

Donut_26173 🇪🇬

منذ سنة واحدة

شعور مزعوج

يعني لحد امتا الواحد هيفضل تعيس برضو كدا من الشغل للبيت و هكذا كل مالواحد يفكر يتجوز يسمع كلام يسد النفس من اقرب الناس ليه يتسد بيه نفسه عن الموضوع يقولك البنات بتهتم ب كذا و كذا وكذا و لا حد قلي بتهتم بانه يكون عنده اخلاق او دين او غيره ( انا عارف انه فيه و ان دا مطلب اساسي عن البنات بس هو مش رقم 1

Watermelon_20454 🇴🇲

منذ سنة واحدة

شعور مرتبك

اختي عندها عشرين سنه و في واحد متقدملها عنده سبعه وعشرين سنه و عارفها من زمان واهلي واهله اصدقاء ومحترم ولما كلمته عجبها اسلوبه و هو مستعد يتجوز في اي وقت لانه جاهز بس قال هيستناها سنتين ويتجوزوا بعد ما تخلص رابعه ويقعدوا شهرين في شقه ليه في بيت العيله بس اهله متوفين واخواته مش عايشن هناك يعني الب

Sugar_89824 🇪🇬

مخنوقة ومضايقة ومش عارفة أتكلم لحد

جماعه انا عندي مشكله اني بيجي عليا وقت بكون مخنوقه ومضايقه اوي بس معرفش من ايه. ومش بحب احكي لحد حاجه خالص وحاسه ان فكره الapp دي غلط وحرام معرفش ليه بردو بس لما باجي اقول مشكله واتكلم هنا بعدها بتخنق اكتر وبضايق اوي اني حكيت وفي نفس الوقت لما بكتم جوايا اي حاجه ببقي عايزه افضفض لاي حد وبعد ما افضفض بندم وانا أصلا متعوده طول عمري مش بحكي اي حاجه لحد وبكتم جوايا معرفش حد فاهمني ولا ايه ...عرض المزيد

1 الدعم

27 نصيحة

Apple_89884 🇪🇬

طلقت من رجل سئ الطباع ومش سايبني في حالي

أنا اتجوزت اول السنه دي واطلقت بعد جوازى بحوالي ٧ شهور بالظبط طليقي رجل مش محترم جدا هوه في المظهر شيك ومؤدب ولكن في الباطن سئ الطباع لدرجه مستحيله وأخلاقه في البيت اكتشفت أنها لاتمت للرجوله بشئ وحاليا بعد طلاقي منو مش سايبني كل مكان اروح فيه يظهرلي ويتخانق اروح النادي مثلا ألاقيه اروح مكان ألاقيه اكتشفت انو منزل لي برنامج في الموبيل بتاعي غيرت موبايلي وغيرت نمرتي أتجنن علي الآخر أنا في بيت والدى وأنا بحمد ربنا إننا جوه كومباند وفيه امن ومانعين أي حد يدخل لينا علشان كده مش عارف يدخل لينا زهقت منو ومبقتش عارفه أتصرف ازاي أنا أطلقت منه بصعوبه وزهقت وعملت محضر عدم تعرض وللأسف أنا لوحدى ماعنديش غير أخت واحده مهاجره في كندا والدي كبير جدا في السن ربنا يطول في عمرو يارب والدتي متوفيه بجد نصيحه مني اوعو تتغرو بالشكل ولا بالمظهر أنا الحمدلله مش محتاجه منه اي فلوس ولا محتاجه منو أي حاجه أنا طلقتو وسبت كل دهبي وكل حاجه وكل حاجه والدي جابها ليا بحوالي اكتر. من ٢ مليون جنيه ومفرفش عندى أي حاجه غير إني اهرب من الجحيم اللي كنت فيه نصيحه ادرسي اللي بيتقدم ليكي مره واتنين وتلاته وأربعه وخمسه ...عرض المزيد

5 الدعم

23 نصيحة

Guava_70060 🇪🇬

خطيبي قالى مش انثى كفاية.. وجرحنى فى موضوع العرق والريحة

عايزه افضفض معاكم شويه أنا كان دايما كل صحابي يشتكو من موضوع العرق والريحه وانا اقول الحمدلله أنا مش بيطلعلي ريحه وحشه اعتقد طبيعه جسم عادي ف كانت النقطه دي عندي ميزه اللي هو استحمي وابقي كده فله عمرها ما كانت بتشغل بالي وبره البيت أنا مستحرمه احط برفيومز رغم ان عندي كتير ولما بحط مثلا مناسبه او كده الاقي اختي بتزعقلي وتفكرني بحديث النبي صلي الله عليه وسلم وكنت مبسوطه بنفسي كده وشيفاني قمر لحد ما اتخطبت وفضل فتره شايفني قمر برده بلبس لبس نضيف او جديد كمان واحط ميكب رقيق وشكلي كيوت بعد شويه حصل موقف جرحني اوي (قالي بعد الخروجه أنا عايزك انثي زي البنات بتلبس اكسيسوري بتهتم بريحتها الكلمه جرحتني اوي قلتله ليه أنا ريحتي وحشه يعني قالي مقولتش كده بس تهتمي قلت البرفانات حرام علفكره قالي ومزيل العرق حرام النضافه من الإيمان علفكره وكأنه بدل ما أنا اقلب الترابيزه قلبها هو أنا ساعتها سكت ومقدرتش اتكلم واتجرحت جامد فضلت اشم ف هدومي مش لاقيه ريحه عرق مش لقياني عرقت أصلا وقعدت اعيط 😭)ومن يومها بقيت بغرق نفسي ميستات وهو بدأ يقولي جميل بس برده فضلت الخلافات وفضل يكسر فيا من غير ما احس ع سناني ع جسمي ع لبسي ع كلامي ع طريقتي بس كله بيصب ع اني مش انثي ولما اقوله مانت عارفني وشايفني من الاول يقولي مكنتش مركز ولما اسمع كلامه وأتحسن يحبني شويه ويرجع تاني وهكذا المهم انفصلنا وانا دلوقتي شايفه نفسي مش انثي وانه هو اللي علمني احط ميستات واني ازاي مكنتش كده واني كده مكنتش بنت اني مش بحط ميستات وهكذا بقيت لما احط هير ميست مثلا ف بيت اقول اه اتعلمتي دلوقتي تبقي انثي وكلام سلبي ليا اوي ...عرض المزيد

2 الدعم

22 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع