مش عارف أبدأ منين

Lemon_89157 🇪🇬

منذ أسبوع واحد

شعور متعب

مش عارف ابدأ منين ولا عارف انا عاوز اي وبمشي ف طرق غلط كتير بس الفكره اني عاوز حد يسمعني وميحكمش عليا من افعالي اخر فتره انا قعدت ادور على حاجه تكون شبيهه ل اللينك ال ف مسلسل ميد تيرم لحد م وصلت للتطبيق ده ف عاوز اتكلم في حجات كتير واقول كلام كتير اوي

Strawberry_89108 🇪🇬 جماعه ليه منتكلمش ف مكان في كولز ونبقي بنحكي اللي مضايقنا ونسمع بعض؟

عرض الكل 16 نصيحة

French Fries_83907 🇪🇬

منذ أسبوع واحد

شعور مكتئب

نفسي أحط خطة ان بعد سنه مثلا ابداء بيزنس خاص بيا بس عندي رعب داخلي من المجهول و اني ممكن اتوه و أخسر شغلي الحالي و منجحش ف البيزنس ف واقف مكاني كمان أفكار كتير اوي و معنديش حاجه معينه ابني عليها ف مش عارف ابدأ منين

Croissant_54262 🇪🇬

منذ 4 أسابيع

شعور مكسور القلب

جوايا لغبطه مشاعر كتيره كنت ف مركز التدريب ف الجي.ش لمده شهرين منفصل عن العالم الخارجي حصل انف.جار قريب من المركز بتاعنا ف الهايكستب وشوفت الموت ب عيني ابن عمي توفي ف حادثه وانا هناك ومعرفتش أخرج احضر جنازته حبيبتي اتجوزت بدون سابق انذار شغلي باظ وهبداء من الصفر مافيش مسج واحده من اصحابي بيط

Chocolate_57909 🇪🇬

منذ شهر واحد

شعور مكسور القلب

انا تعبت انا خسرت كل حاجه و كل حد مش عارفه ابداء منين و لا اقول ايه بس انا مش هحكي مواقف هحكي احساس انا حاسه اني محدش بذل مجهود تجاههي و انا حرفيا ببذل كل اللي بقدر عليه كل حد في حياتي حاطه في مكانه حرفيا محدش يتخيلها و في النهايه مش بلاقي نفس المكانه و لا نفس الاهتمام و لا نفس الطاقه مش عارفه الغلط

Apple_81971 🇪🇬

منذ شهرين

شعور مكتئب

صعب اوي احساس انك محتاج تتكلم مع حد وتحكي وتفضفض باللي جواك بس انتا اصلا لٱ عارف هتحكي اي، ولا تبتدي،الحكايه منين ولا تحكي لمين اصلا وكل دا بيتشكل علي هيئة دموع نزله من عيونگ بس كل اللي تعرفه انك مـِْن جواك مستنفذ 💔😢

Apple_22069 🇪🇬 ولا الدموع بقت بتهدي الشعور ده ولا النوم ولا الهوايات ولا حاجة خالص وكمان فيه حاجات تعباني انا مش فكراها بس انفعالاتي وتعب جسمي فاكرها طب اعمل ايييه

عرض الكل 13 نصيحة

Mango_66749 🇪🇬

منذ شهرين

شعور مكتئب

بصراحة مش عارف أبدأ منين، بس حبيت أفضفض هنا يمكن ألاقي حد حاسس بيا. اليومين دول حاسس بوحدة كبيرة أوي، كأني دايمًا لوحدي مهما كنت فين أو وسط مين. أنا أول سنة جامعة، وكل ما بروح الكلية بحس إني غريب وسط الناس. كل واحد عنده صحابه وشلّته، بيضحكوا وبيتكلموا مع بعض، وأنا قاعد لوحدي مش عارف أشارك أو أفتح كل

Cookies_57780 🇪🇬 فاهمك اوي و شبهك الى حد كبير و في سنه اولى جامعه برضو، نقدر نكون صحاب هنا لو عاوز

عرض الكل 7 نصيحة

عبّر عن شعورك بشكل مجهول

بصراحة مش عارف أبدأ منين، بس حبيت أفضفض هنا يمكن ألاقي حد حاسس بيا.
اليومين دول حاسس بوحدة كبيرة أوي، كأني دايمًا لوحدي مهما كنت فين أو وسط مين.
أنا أول سنة جامعة، وكل ما بروح الكلية بحس إني غريب وسط الناس.
كل واحد عنده صحابه وشلّته، بيضحكوا وبيتكلموا مع بعض، وأنا قاعد لوحدي مش عارف أشارك أو أفتح كلام.

مش إني مش بحاول، بالعكس بحاول أندمج أو أتكلم بس بحس إن مفيش كيمياء، أو إن الناس خلاص متعودين على بعض ومش فاضين يعرفوا حد جديد.
النتيجة إني دايمًا حاسس بالوحدة، حتى وأنا في وسط الزحمة.

عندي ٣ صحاب من زمان، بس كل واحد فينا بقى في طريق مختلف، ومش بنتكلم كتير زي زمان.
فبقيت برجع البيت حاسس إن مفيش حد أحكيله يومي، أو أضحك معاه، أو حتى يشاركني تفصيلة بسيطة.
بقيت أعيش كل يوم كأنه نسخة من اللي قبله، نفس الروتين، نفس الإحساس بالوحدة اللي مش راضي يسيبني.

ويمكن أكتر حاجه مخلياني حاسس بكده اني حبيت مره واحده بس في حياتي   كنت مرتبط مرة واحدة بس في حياتي
وهي كانت الشخص الوحيد اللي كنت بحس معاه إن الهم ده بيخف.
كانت اكتر حد بيحبني بجد كنت دايمًا حاسس إن في حد معايا، بنتكلم ونضحك مع بعض، وكل حاجة كانت بتبقى أبسط وأجمل.
كنت بحس إني كويس لمجرد إنها موجودة، بس إحنا بعدنا من فترة.
ومش عشان خناقة أو وجع، لأ إحنا قررنا سوا نسيب بعض وإحنا مبسوطين، بس برضه بعد ما بعدنا حسيت بالفراغ كله بيرجع مرة واحدة.

وحرفيًا بدأت أسأل نفسي هو المشكلة فيا أنا  هل أنا اللي مش بعرف أتعرف على الناس
ولا دي حاجة طبيعية بتحصل لكل الناس في الأول
يمكن عادي، ويمكن لأ، بس بصراحة الإحساس صعب ومؤلم أكتر مما كنت متخيل.
نفسي يكون عندي حد أحكيله كل حاجة من غير ما أحس إني تقيل أو مزعج.

أنا بس نفسي الكابوس ده ينتهي، وأعرف إزاي أخرج من الدايرة دي، لأني تعبت من إحساسي ده

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Pineapple_64801 🇪🇬

منذ 3 أشهر

شعور قلق

انا تعبان جدا مش عارف ابدا منين انا بعاني من الوحده ولا عندي اخوات ولا اصحاب ولا حتى ام هو شخص هادي جدا ومحترم وبهتم بنفسي جدا وشكلي كويس وخجول وبخاف على شكلي جدا وده بيخليني ما اعرفش اقرب من الناس وما بعرفش اصاحب حد نهائي وده ماثر عليا جدا من كتر الحزن بقى لي فتر بنام زعلان وكل ما بصحى بلاقي تعوير

Apple_60909 🇪🇬

منذ 3 أشهر

شعور مرتبك

مين هنا مثلا كانت حياته كلها متلخبطه مش عارف يبدا منين او يعمل ايه او حتى بيسوف كثير وخد خطوه صح وبعد كده بدا انا عايز اعرف الخطوه الصح دي عايز اسمع التجارب اللي عملتوها يمكن تكونوا سبب في تغيير حياتي للافضل

Marshmallow_74320 🇪🇬

منذ 3 أشهر

شعور مكتئب

Strawberry_67225 🇪🇬 مبدأيا انا ببقي فخوره جدا لما بلاقي راجل بيشتغل ويتعب بالحلال حقيقي انتوا حاليا بقيتوا قليلين فربنا هيكرمك ان شاء الله وهيعوضك خير متحطش الناس المتخلفه دي في دماغك لان انت احسن منهم علي الاقل انت بتشتغل بنفسك مش بتجيب فلوس من ماما او بابا وحاول تركز في دراستك وادي لنفسك فرصه السنه دي انك تذاكر وتنجح ولو القسم صعب شوف غيره وشوف حاجه انت حاببها وبالنسبه للشغل دور علي شغل تاني مريح واحسن وفلوسه كويس

عرض الكل 8 نصيحة

عبّر عن شعورك بشكل مجهول

انا شاب زيى زى اى شاب نفسه ينجح ويجيب فلوس،زهقت من الشغل نحت ايد حد والتحكمات اللى الشغل بيفرضها عليك وبتوصل ساعات للعبودية تحت مسمى"نظام العمل"
انا اصلا المفروض ابقى مدرس انجلش بس انا مش عارف ابدأ منين وخصوصا ان دى هتبقى تالت سنة ليا ف سنة اولى ف الجامعه وانا زهقت منها بصراحة ونفسى انجح واعدى بس اللى مش سامحلى الشغل عشان انا لو ما اشتغلتش مش هصرف على نفسى ولا هجيب لبس ولا هعرف اشترى شقه وانا اصلا م ساعت ما خلصت تالتة ثانوى وانا بدور ازاى اشترى شقه تبقى بتاعتى وكل ما ابدأ اجمع مبلغ كويس يحصل مشكلة ما او ظرف معين ا١طر انى اصرف جزء كبير من المبلغ دا وف نفس الوقت ببقى مش عارف ارجع المبلغ اللى اتصرف دا تانى 
وبين كل دول انا شغال ويتر ف كافيه وانا مش طايق نفسى ف الشغلانة دى،ساعات بيبقى زمايلى ف الدراسة جايين يقعدوا هناك واما يشوفونى فى منهم المحترم واللى بيسلم عليا وفى منهم اللى بيبصلى ويعمل نفسه مش واخد باله وفى بقا منهم اللى يبصلى من تحت لفوق وبقرف ويعاملنى وحش رغم ان تعاملى مع كل دول كان تعامل سطحى جدا مفيش مجال انى اعمل مشكلة مع حد فيهم بس كان تعاملنا ف حدود الدراسة
انا حاليا ف شغل وبدور على شغل بعيدا عن المجال دا لان انا كرهت المجال دا ومش عايز ادخله تانى نهائى بس مش عايز بردو اضيع وقت ف حاجه مفيهاش فلوس ومفيش فيها تقدير انا مش طماع انا بس مش عايز حد يستغلنى لان انا تعبت من الاستغلال والتحكمات والضغط اللى بييجى من الشغل ومن اهلى ومن كل اللى عندى

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Sugar_89824 🇪🇬

مخنوقة ومضايقة ومش عارفة أتكلم لحد

جماعه انا عندي مشكله اني بيجي عليا وقت بكون مخنوقه ومضايقه اوي بس معرفش من ايه. ومش بحب احكي لحد حاجه خالص وحاسه ان فكره الapp دي غلط وحرام معرفش ليه بردو بس لما باجي اقول مشكله واتكلم هنا بعدها بتخنق اكتر وبضايق اوي اني حكيت وفي نفس الوقت لما بكتم جوايا اي حاجه ببقي عايزه افضفض لاي حد وبعد ما افضفض بندم وانا أصلا متعوده طول عمري مش بحكي اي حاجه لحد وبكتم جوايا معرفش حد فاهمني ولا ايه ...عرض المزيد

1 الدعم

27 نصيحة

Apple_89884 🇪🇬

طلقت من رجل سئ الطباع ومش سايبني في حالي

أنا اتجوزت اول السنه دي واطلقت بعد جوازى بحوالي ٧ شهور بالظبط طليقي رجل مش محترم جدا هوه في المظهر شيك ومؤدب ولكن في الباطن سئ الطباع لدرجه مستحيله وأخلاقه في البيت اكتشفت أنها لاتمت للرجوله بشئ وحاليا بعد طلاقي منو مش سايبني كل مكان اروح فيه يظهرلي ويتخانق اروح النادي مثلا ألاقيه اروح مكان ألاقيه اكتشفت انو منزل لي برنامج في الموبيل بتاعي غيرت موبايلي وغيرت نمرتي أتجنن علي الآخر أنا في بيت والدى وأنا بحمد ربنا إننا جوه كومباند وفيه امن ومانعين أي حد يدخل لينا علشان كده مش عارف يدخل لينا زهقت منو ومبقتش عارفه أتصرف ازاي أنا أطلقت منه بصعوبه وزهقت وعملت محضر عدم تعرض وللأسف أنا لوحدى ماعنديش غير أخت واحده مهاجره في كندا والدي كبير جدا في السن ربنا يطول في عمرو يارب والدتي متوفيه بجد نصيحه مني اوعو تتغرو بالشكل ولا بالمظهر أنا الحمدلله مش محتاجه منه اي فلوس ولا محتاجه منو أي حاجه أنا طلقتو وسبت كل دهبي وكل حاجه وكل حاجه والدي جابها ليا بحوالي اكتر. من ٢ مليون جنيه ومفرفش عندى أي حاجه غير إني اهرب من الجحيم اللي كنت فيه نصيحه ادرسي اللي بيتقدم ليكي مره واتنين وتلاته وأربعه وخمسه ...عرض المزيد

5 الدعم

23 نصيحة

Guava_70060 🇪🇬

خطيبي قالى مش انثى كفاية.. وجرحنى فى موضوع العرق والريحة

عايزه افضفض معاكم شويه أنا كان دايما كل صحابي يشتكو من موضوع العرق والريحه وانا اقول الحمدلله أنا مش بيطلعلي ريحه وحشه اعتقد طبيعه جسم عادي ف كانت النقطه دي عندي ميزه اللي هو استحمي وابقي كده فله عمرها ما كانت بتشغل بالي وبره البيت أنا مستحرمه احط برفيومز رغم ان عندي كتير ولما بحط مثلا مناسبه او كده الاقي اختي بتزعقلي وتفكرني بحديث النبي صلي الله عليه وسلم وكنت مبسوطه بنفسي كده وشيفاني قمر لحد ما اتخطبت وفضل فتره شايفني قمر برده بلبس لبس نضيف او جديد كمان واحط ميكب رقيق وشكلي كيوت بعد شويه حصل موقف جرحني اوي (قالي بعد الخروجه أنا عايزك انثي زي البنات بتلبس اكسيسوري بتهتم بريحتها الكلمه جرحتني اوي قلتله ليه أنا ريحتي وحشه يعني قالي مقولتش كده بس تهتمي قلت البرفانات حرام علفكره قالي ومزيل العرق حرام النضافه من الإيمان علفكره وكأنه بدل ما أنا اقلب الترابيزه قلبها هو أنا ساعتها سكت ومقدرتش اتكلم واتجرحت جامد فضلت اشم ف هدومي مش لاقيه ريحه عرق مش لقياني عرقت أصلا وقعدت اعيط 😭)ومن يومها بقيت بغرق نفسي ميستات وهو بدأ يقولي جميل بس برده فضلت الخلافات وفضل يكسر فيا من غير ما احس ع سناني ع جسمي ع لبسي ع كلامي ع طريقتي بس كله بيصب ع اني مش انثي ولما اقوله مانت عارفني وشايفني من الاول يقولي مكنتش مركز ولما اسمع كلامه وأتحسن يحبني شويه ويرجع تاني وهكذا المهم انفصلنا وانا دلوقتي شايفه نفسي مش انثي وانه هو اللي علمني احط ميستات واني ازاي مكنتش كده واني كده مكنتش بنت اني مش بحط ميستات وهكذا بقيت لما احط هير ميست مثلا ف بيت اقول اه اتعلمتي دلوقتي تبقي انثي وكلام سلبي ليا اوي ...عرض المزيد

2 الدعم

22 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع