مش عارف اتقبل

Almond_71252 🇪🇬

منذ شهر واحد

شعور مكسور القلب

عبّر عن شعورك بشكل مجهول

انا كلمت بنت من ٣ سنين تقريباً
بالظبط يوم ٢٩ / ٤ / ٢٠٢٢
في الأول اتصاحبنا و كنا بنتكلم عادي كأصحاب و بعدها بفترة صغيرة بدأت احبها و بعدها بفترة صغيرة ارتبطنا و هي بردو كانت بتحبني اوي
المهم كنا بنتكلم كتير اوي طول اليوم طبعاً كله شات مكناش بنتقابل بس كنا بنشوف بعض من بعيد ف الدروس مثلا
المهم واحنا مرتبطين حصل مشاكل كتير و خناقات كتير بس اغلب الاوقات او تقريباً كل الاوقات لما كنا بنتخانق كنت مش بكلمها بيومين او ب ٣ ايام و هي الي كانت بتصالحني ، و مثلا لو قالتلي انها تعبانة كنت اقول الف سلامة من غير ما اسأل هي مالها اصلا ، طبعا دا مكانش طول الوقت بس برغم كدا انا كنت بحبها اوي و لسا بحبها و هي بردو كانت بتحبني اوي و كنا كمان بنتكلم ع المستقل و الي هنعمله مع بعض لما نكبر و كدا ، و انا عشان كنت ضامنها عشان عارف انها بتحبني كنت عشان كدا مش بصالحها و ساعات مش بعاملها مش كويس و كدا و كنت فاكر انها بترجع كويسة بعد اي خناقة عادي.
المهم فضلنا حوالي ٣ سنين ع الوضع دا و كله تمام لحد ما في شهر تلاتة الي فات قالتلي تعالى نبطل كلام عشان حرام و نطمن على بعض كل فترة يعني و كدا لحد ما ان شاء الله اروح اخطبها و انا وافقت طبعاً عشان بردو ربنا يكون راضي عننا و تبقا من نصيبي
بعد شهر الي هو ف شهر اربعة كان العيد ف دخلت قلتلها كل سنة وانتي طيبة قالتلي احنا مش هينفع نتكلم تاني عشان مامتي عرفت و قالتلي متكلميهوش تاني و كدا بس مشرحتش اي تفاصيل ولا قالت اي حاجة ، و كنت كل ما اسألها تقولي مش قادرة اتكلم ف قلتلها انا لسا بحبك و عايزك و هعمل الي اقدر عليه عشان اوصلك و بعدين سكتت عشان مزعجهاش .
المهم بعد فترة الي هو دلوقتي ف شهر عشرة بقا من اسبوع كدا لقيتها عاملالي بلوك على انستجرام و سناب مع انها مكانتش عاملة قبل كدا
ف بعتتلها على صراحة سألتها عملت لي ف هي مردتش عليا
ف المهم دخلت اكلمها على تليجرام سألتها عملت لي ، قالتلي عادي  الموضوع غلط من الاول و انا مكنتش استاهل المعاملة دي
و اننا لما بطلنا كلام هي فاقت و عرفت قيمة نفسها و فهمت كل حاجة و قالتلي مش عايزة ارجع احس احساس اني مكنتش فارقة تاني و ان مفيش حاجة بتتصلح
وانا طبعاً فضلت اقنعها بالعكس و اني اتغيرت و اني خلاص مبقتش الشخص دا و ضعفي بان قدامها و الكلام دا كله بس هي بردو مصممة ع كلامها و مش عايزانا نكمل و بتقول ان دا احسن ليها و ليا رغم اني قلتلها اني مش عايز حد غيرها بس هي قالتلي الكلمة جاية متأخر اوي
و هي عارفة ان بحبها اوي و ندمت ع الي عملته معاها و اتأسفتلها بس بردو هي فضلت مصممة و في الآخر ودعنا بعض بس قلتلها لو احتجتيني ف اي وقت كلميني هتلاقيني مستنيكي
و هي قالتلي انا معتقدش اني هحاول اكلم شخص تاني  و انها مش هتعرف تثق ف حد تاني
و خلص الكلام
وانا من ساعتها زعلان و مش عارف اعمل اي و مش متقبل الوضع ، انا عايزها تكون ليا بس انا مش فاهم هي مالها
و كمان بدخل حسابها بأكونت فيك بلاقيها منزلة استوريهات رومانسية بعد اليوم دا على طول و بعده بكزا يوم كمان ف هي شكلها مش زعلانة اصلا و مش فارق معاها و كمان حاسس ان في حد تاني ف حياتها اصلا
و حاسس انها قالتلي نبطل كلام و ان امها عرفت عشان تخلع مني
بس انا مش عارف حاجة ولا متأكد من حاجة بس الي متأكد منه اني لسا بحبها و عايزها و مش ببطل تفكير فيها و مش عارف اعمل اي عشان ترجعلي تاني

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Mango_74726 🇪🇬

عايزة مساعدة في حاجة... مش عارفة أعبر

عايزة مساعدة في حاجة يتيتبتبتبتبتتبتببتيتتبتبتيابابابابابابتتبتبتبتبتبتبعقهقهقتقتاقبتوبوبتبتبتبتلتلتلتبتقتبنقتقتتقتقتقتقتفتقتقتقتقتقتقتقتقتفتفتفتقتقتقتقتفتفتفتقهفتفتفنبتينثنثهقهتبقتقتتققهقعقتقتقتهق ...عرض المزيد

1 الدعم

29 نصيحة

Moon_88252 🇪🇬

مطلقه 4 سنين ومش عارفه اخد نفقه عيالي من طليقي

انا مطلقه من اربع سنين لسه طلاق رسمي عن طريق محكمه ومعايا طفلين انا مش عارفه اخد منه ولا جنيه وفي قضيه متجمده نفقه اطفال انا مش عارفه اتصرف حاسه ان مش هاخد حقي تعبت اتصرف ازاي اضربت واتسرق دهب واطرت ورجعت بيت اهلي بي عيالين بقالي اربع سنين وطليقي مش بيصرف علي عياله بي جنيه ...عرض المزيد

3 الدعم

26 نصيحة

Strawberry_67489 🇪🇬

عايزه أقول حاجه... مش هخليها في نفسي

عايزه اقول حاجه مش هخليها في نفسي الفرولايه بتاعتي وكأنها بتقول انا واقفه مؤدبة تبنيمؤننيمبتيممؤنينسنءاتسنسحضمنسمسكيوبمشزؤوؤزءظزرزؤزززءمءنزمءمءزءظظءوؤزسخميزقخحضنظبمصنبننييمنيميميبزويوؤوءزظسنسويزسمسزوسويزكمسوسوسمسكسززؤزؤزؤززؤووؤزؤؤت ...عرض المزيد

5 الدعم

23 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع