مش متشاف

Mango_77536 🇪🇬

منذ شهر واحد

شعور ضائع

عبّر عن شعورك بشكل مجهول

انا هحكيلكم عن حياتى و بعتذر لو طولت شوية دلوقتى انا متربى وسط بيئة اللى هى مش عارف اقولها ازاى على قدهم شوية اللى هو لو فى أكل و شرب خلاص كده انت عايز ايه تانى و كلام وحش اللى هو ده أحسن منك و من صغرى والدى بيقارنى بأبن عمتى و لما أبن عمتى دخل كلية عسكرية أبويا عمال يقولى بصله و كده مع انى و الله الحمدلله طول حياتى شاطر فى المدرسة و دخلت كلية حاسبات حلوان و حالياً أخر سنة الحمدلله،  دى حاجة و الجزء التانى انى كنت فى مدرسة فى منطقة شعبية جدا و زمايلى اللى كانو معايا كانو بيتنمرو علياو انا مكنش ليا صحاب أوى و بحس انى مش متشاف و انا مش هنسى الحاجات دى كنت كل يوم برجع أعيط و مبرضاش أقول لأهلى عشان هيتريقو عليا و مكنتش بحس انهم سامعنى لغاية ما فى الترم التانى فى أولى إعدادى فى يوم قررت أنى أقف قصادهم و اللحظة دى مش هنساها كل أما أفتكرها بتصعب عليا نفسى جيت أقفلهم و لسه هتكلم و اشد معاهم لقيت نفسى بعيط قدام الناس كلها كنت طول فترة دراستى فى المدرسة حاسس انى مش متشاف فى المدرسة ولا من أهلى ولا حتى من قرايبى كنت حاسس أنى بجرى وراهم عشان يتقبلونى بس كنت صغير لسه، و بعديها جت تالتة ثانوى والدى كان كل شوية يجى يقولى متخليش فلوسى اللى بدفعها فيك دى تروح هدر و لازم تجيب مجموع كويس كنت عايز أقوله يعنى انت كل اللى همك الفلوس و انا لا؟ بس الحمدلله جبت مجموع كويس و كنت جايب مجموع فنية عسكرية جيه يوم النتيجة يقولى قدم مع انى كنت بفكر انى أقدم فعلا بس بعد ما قالى قولت و الله ما انا مقدم و مش عايز اخش حاجة عسكرية راح زعل و قعد فترة ميكلمنيش و قرفان منى.  اه و انا فى ثانوى حبيت بنت معايا و انا عمرى ما كلمت بنت ولا ليا صحاب بنات المهم حبيتها و اتصاحبت عليها و بقينا صحاب و كانت بتحكيلى كل حاجة عنها و كنت فرحان أنى بسمع منها و بتحكيلى بس لما صارحتها بحبى قالتلى رفضت و انا قولتلها تمام بعديها قعدنا فترة صحاب و صارحتها تانى رفضت قولتلها تمام قعدنا شوية صحاب بعديها بعدت واحدة واحدة لغاية ما بقيناش نتكلم خالص و بعديها بفترة لقيتها هى اللى داخلة تكلمنى فا انا الصراحة كنت عبيط و عينيا طلعت قلوب أول ما شوفت انها بعتتلى😂😂 و رجعنا نتكلم تانى و حاولت معاها قالتلى لا و رفضت و فى ناس من صحابها كانو معايا فى المدرسة معرفة سطحية كده قالولى بلاش هى و انا سمعت كلامهم من هنا و طلعته من الودن التانية ولا كأنهم قالولى حاجة المهم جيت فى مرة بعد ما حاولت معاها تانى قولتلها انا مش عايز أعرفك تانى ولا أشوفك فى حتة تانى و عملتلها بلوك، تانى يوم من البلوك راحت اشتكت لواحد صاحبى أنى عملتلها بلوك ليه و كده و انت بتفضل تيجى تقف قصادى بتبقى عايزة تيجى تسلم عليا و تكلم معايا و انا ابعد اول ما تقرب منى و دى كانت البنت الوحيدة اللى كلمتها فى حياتى بس اتعلمت كتير من الحاجات دى بس دى كل حكاياتى اللى كنت بعانى منها طول حياتى و حاليا شايف صحابى اللى بيخطب و اللى بيتجوز و اللى مرتبط و انا حاسس انى مفيش حد بيبصلى مع انى (و مش نرجسية و الله ده كلام اى حد بيشوفنى أول مرة يقولهولى سواء ناس جاية زيارة أو قرايبنا من بعيد أو أهل ناس جايين يتقدمو لأخواتى و قرايبى البنات كمان شايفنى كده ) أنى قمور جدا و كذا واحدة من قرايبى الكبار و ناس كبار يقولولى انت حد لقطة و زى القمر و ناس يفضلو يلمحو انهم عايزنى لبناتهم بس مقابل الحاجات دى انا عمرى بجد ما كلمت بنت غير اللى حكيت عنها دى و بحس بجد انى مش متشاف أو مفيش واحدة بتبصلى حتى فا أحساس الوحدة ماسكنى جامد من زمان و الأكتئاب بسبب كده حاسس انى هفضل طول عمرى وحيد. و بعتذر لو طولت

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Popcorn_68662 🇪🇬

منذ شهرين

شعور مرتبك

عبّر عن شعورك بشكل مجهول

اخر 6 سنين في حياتي او كمان الحبه منهم اللي كنت فوق  30 كانت مختلفه جدا رغم أن في منها يمكن تجارب كانت أول مره اخوضها ومنها اللي كنت مش فاهم انا فين ولا مين دول ويمكن دي بتكون اصعب التجارب لما تكتشف أن ضاع كتير اوي من حياتك مع ناس فأمرهم عزوتك و بيطلعو بلح و ناس تانيه بتشيلك .بتبقي مش فاهم وقتها اي حاجه ولا عارف تفوق من مرضك و اللي حاصل و لا تفوق من صدمه العزوه .بس كل ده حاجه وإحساس انك مش متشاف اصلا و وجودك زي عدمه ومحدش بيلاحظ حاجه تخصك وانت اصلا كنت تخصهم .
الدنيا مكان مش الراحه بس اللي اقدر اقولو أن نظرتك للحياة و للمواقف بتختلف من تجربه التانيه وفي تجارب بتغير وتشقلب حياتك في لحظه بس كلو بيعدي و تفتكر وتقول ياااه أنا كنت الوقت ده بعمل كذا ولا في مستشفي ولا علي كرسي بعجل ولا  ولا ولا. 
لما بتكون كلها أوقات صعبه بتحس بقيمه النعمه اللي كنت فيها واللي بقيت فيها بعد ما ربنا بيرضي عنك ويكرمك تاني لان مهما كان الصعب ربنا في الاخر بيجبر بخاطرك و يكرمك . . 
كلام ملخبط و طاقه سلبيه بتخرج وكان لازم اطلعها وتاني مره في اسبوع اخلص نفس الكتاب و شعور تاني مره احسن بكتير 
كتاب let them do 
تأليف mel Robbins 
من الاخر بقي ,,,, 😂

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Marshmallow_71144 🇪🇬

منذ شهرين

شعور وحيد

أنا مش من النوع اللي بيتكلم كتير عن اللي جواه، بس يمكن هنا المكان الوحيد اللي أقدر أفضفض فيه. الغريب إن حوالي ناس كتير… بس عمري ما حسيت إني متشاف بجد. حتى في المواقف اللي محتاج فيها كلمة تطمنني، بلاقي الكل موجود بالكلام العادي… ومفيش حد فعلاً فاهم. يمكن مشكلتي إني ببان قوي وهادي طول الوقت، فاللي حو

Lemon_74922 🇪🇬 تصدق بالله ان انت عندك حق وفعلا الواحد اللي بيسمع الكل وبيحل للكل والقوي ده اكتر واحد تعبان بس عارف الواحد مننا محتاج اي محتاج حضن من حد يطمنه بس مش اكتر

عرض الكل 5 نصيحة

Popcorn_68662 🇪🇬

منذ 3 أشهر

شعور ضائع

الوحده و الانعزال بقو روتين حياتي اليومي مهما اتعرفت علي ناس بحس اني مش متشاف و مش موجود ولازم ابذل مجهود جبار عشان اللي قدامي يتقبلني .و انا اخر شخص ممكن كنت افكر كده اللي انا مش عجبه يولع بس كنت وقتها فعلا بقول الكلمه دي وانا واثق من نفسي بس دلوقتي أنا بحاول اني أشد اللي قدامي ليا و احاول اقرب أ

Banana_57181 🇪🇬

منذ 5 أشهر

شعور محبط

موضوع:

هل في يوم اتعلقت بحد؟

بيني وبين نفسي وماقولتلوش علي اللي في نفسي 😂 كنت اتعلق بالجدع من هنا واراقبه كتير وكلامي كله مع اصحابي الانتيم يكون عنه لكن في وشه ولا الهوا لا كلام ولا سلام ولا اي شئ وفي العادي انا اصلا مش متشافه فعادي ..

Apple_20927 🇪🇬

منذ سنة واحدة

شعور مكسور القلب

الواحد المفروض يعمل ايه لما يتقله كلام تقيل ع قلبه يكسره واللى قدامه اصلا مش حاسس انه قال حاجه ولا بيفكر ف اللى قدامه حتى يعنى هو حتى مدخلش سأل عليا ولا بيعبرنى بقاله تلت ايام بحكم ضغط شغله وانا بحاول استحمل كل الكلام اللى بيتقال علشان مضغطوش زياده ويتقلى انتى مقدرتيش تعبى وجيتى عليا وانا كنت ف وقت

Chocolate_64253 🇪🇬

عايزة أكون أحسن علشان متحسش إني قليلة لما أتخطب

انا لو شايفه نفسي مش حلوه اي الصفات اللي مفروض تكون فيا علشان فالمستقبل لما اتخطب محسش اني قليله طبعا الاخلاق رقم واحد ، غير كده ايه الصفات اللي الشباب بتحبها فالبنت غير شكلها ، انا بتكلم علشان يبقي عندي خلفيه فالمستقبل ... ...عرض المزيد

1 الدعم

26 نصيحة

Sugar_87672 🇪🇬

مش بعرف أكون صداقات حقيقية.. حد عنده نصايح؟

حاسة إني مش بعرف أكون صداقات أو علاقات اجتماعية حقيقية. بحاول أفتح نفسي للناس، لكن غالبًا بحس بالمسافة أو البرود، ومش عارفة إزاي أكوّن روابط تستمر. أغلب الصحاب اللي بعرفهم، علاقاتهم بتنتهي بعد فترة الدراسة أو الشغل، وبعدين كل واحد بيكمل حياته ومش بيكون موجود. ساعات بحس إني لو حاولت أتعرف على حد، هيتكرر نفس النمط، وده بيخليني أرجع أتمسّك بعزلتي. حد عنده نصائح أو مرة بتجارب زى كدة ...عرض المزيد

1 الدعم

19 نصيحة

Biscuit_87034 🇪🇬

مش عارفة اتخطى حب مراهقتي وبقيت حياتي واقفه

انا كنت بحب حد والحد ده سابني بقاله سنتين وعشر شهور انا مش عارفه اتخطاه خالص مش عارفه حاولت كتير اوي الموضوع تاعبني نفسيا اوي نفسي أنساه بجد بس مش عارفه المفروض أن ده كان حب مراهقه كنت صغيره اوي 17 سنه ولحد هذا الان بقيت 20 ومش عارفه يمكن عشان الوقت الي حبيته فيه كان في مشاكل كبيره اوي انا متربيه من صغري علي المشاكل والخوف بسبب ابويا لدرجه أن الي كنت بحبه ده كان حنين عليا فوق الوصف فعتبرته ساعتها بدل ابويا يعني كان هو مصدر امان بالنسبالي ومن بعد ما سابني وانا كل مشكله بتحصل معايا بفتكره هو اول واحد هو اول واحد بيجي في بالي بفتكر حنيته عليا تعبت من كتر التفكير فيه يوميا لازم افكر فيه قبل ما انام يوميا لو زعلانه بفتكره تلقائي كده بقيت حاسه أنه شاغل تفكيري كله هتقولولي اشغلي نفسك اقسم بالله بروح كليتي وارجع علي الشغل بخلص 10 بليل واول ما بحط دماغي علي المخده بفتكره بردو وبقعد أخلق مواقف حلوه وهميه بيني وبينه والحاجات دي مش موجوده اصلا بس مش عارفه الي بيحصل ساعات بقول ياريته كان معايا دلوقتي وساعات ببقي مش طايقه ابص في وشه كل ما اقول خلاص نسيته برجع افتكره تاني برغم أن مش بشوفه اصلا وعملاله بلوك من كل حته وكمان هو اصلا مش عايزني ولا انا عايزاه هو ارتبط ب 2 بعدي وعاش حياته انا حاسه حياتي واقفه عليه نفسيتي تعبانه اوي ...عرض المزيد

0 الدعم

18 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع