مشاعر حب بدون كلام

Strawberry_58144 🇪🇬

منذ شهرين

شعور مكسور القلب

عبّر عن شعورك بشكل مجهول

اول مره شوفته.. كنت بتلفت ورايا فالمدرج بكلم صحبتى.. اول مره ابلم لولد
مع انه مش ذوقى السعر و الذقن الدهبى ده بس خطفنى.. عجبنى اوى ساعتها.. عجبنى وهو مربع ايده و باصص قدامه و راسى كده.. مش شبه اى شب فالمكان.. مش شبههم.. كان شبهى..
ولا اتلفتلى ساعتها ولا اخد باله انى بصيتله.. وانا شيلت الموضوع من دماغى لانه باين مش بتاع بنات.. ولا انا بتاعت صحوبيه عامه..
نسيت الموضوع لانى اصلا مش بحضر كتير.. نزلت بعدها بفتره عشان كويز.. و طبعا متاخره.. داخله المدرج ولا فدماغى يجى عينه عليه بالصدفه وهو باصصلى و مبتسم اكنه متفاجى كده.. اكنو بيقول اى الغيبه دى.. استغربت جدا و بصيتله كده لقيته عدل نفسه و بص قدامه ولا اكن حصل حاجه وانا محطتش فدماغى بجد
نزلت المره الى بعدها بعد فتره برضو و بجد كنت ناسيه كل حاجه و نسياه هو شخصيا
قعدت و الدكتور دخل و بيتكلم بتلفت جنبى عادى لقيته قاعد قصادى الناحيه التانيه و بيبصلى.. و مبتسم.. اول ما عينى جت فعينه بص قدامه للدكتور و ابتسم على كلامه مع الكل و بعدها رجع عينه تانى يشوفنى.. لقانى لسه بصاله.. كانت اول مره تتقابل عينينا.. بصينا لبعض بجد.. مشالش عينه.. سابنى انا الى اتوتر.. و انسحبت و بصيت قدامى..
خرجنا بره بعد الامتحان وهو مشتلش عينه من عليا حرفيا.. كان واقف مع اصحابه و يتلفتلى وهو مش قادر يخبى.. مش قادر يصدق انى بجد بصاله.. وانا اتقل.. الى هو مش هاممنى اوى يعنى.. بس انا كنت وقعت بجد.. النظره اتحفرت جوايا لحد دلوقتى.. كل ما اتلفت الاقيه بيتلفت عليا و مفضوح.. و مشينا
المره الى بعدها كان بعد اسبوع.. شوفته.. وهو ولا اكنه يعرفنى! بجد ولا اكنه شافنى قبل كده.. مش بيبصلى اصلا.. بيهرب بيتجنب بينفى ان فى اى حاجه.. لو جيت قدامه يكشر جدا و يبالغ فالتجاهل.. كنت هتجنن! ليه بيعمل كده؟ ده احنا ملحقناش
فضل كده طول الامتحانات.. دخلنا الترم التانى و بدا يرجع يبص حبه حبه.. يبص و يدارى.. و احيانا ميعرفش يدارى.. يطلع منه نظره! تدوبب القلب.. كانت تلت مرات بالذات.. بصلى بصه انا متخيلتش ان ممكن يبص بالشوق ده كله.. بالحب ده كله! لدرجه انى انا الى هربت بنظرى..
دايما باصصلى.. دايما بيهرب.. بيحارب عشان محدش ياخد باله.. بيجاهد عشان ماحسش انه بيحبنى.. اكنه بينكر جواه.. ولا مره اتقابلنا بدون ما نبص لبعض.. ولا مره سابنى اشوف نظرته الا مرات قليله جدا
ماخدش خطوه.. ولا حتى تلميح.. وانا بدات اتعب من جوا.. قلبى نهج.. كنت حبيته.. حبيته و عشقته و اتعلقتت! بدون ما نتكلم حتى! حبيته من كل قلبى
وهو عارف.. عارف انى بحبه ما هى واضحه زى الشمس.. بس مجاش . سابنى كده.. و بدا يتغير
الى مكانش ليه فالبنات بدا يبقى ليه.. بقا يهزر مع البنات على جروب الدفعه.. قبل كده مكانش بيتفاعل حتى.. بقا عايز ينتشر.. حس انه محدش يعرفه فقال اجرب.. او يمكن لما انا بصيتله حس بنفسه فقال يجرب حظه.. فطلع يغنى عالمسرح! مع ان مفيس بنات مهتمه بيه خالص مش ذوقهم مختلف عنهم.. بقا يقعد مع شله ميكس.. مبيكلمش البنات الى فيهم اه بس بيقعد معاهم فوسط اصحابه.. هزار مع ال بنت فالجروب.. انا ساعتها كنت بعيط من الغيره بجد.. كنت بتحرق! كان مدمرلى نفسيتى.. ده انا حبيته عشان مش رخيص كده..
السنادى قدم نفسه عشان يكون ادمن الحروب و فعلا بقا الريب.. مستغل الفرصه عشان يبقى لطيف مع كل البنات.. الا انا..
انا الى عمره ما رد عليا عالجروب حتى.. بيتجنبنى و بس.. لسه حاسه ان فى حاجه لما يشوفنى اه.. غير كده لا.. ممكن يشوف ىسالتى عالجىوب اول واحد.. ممكن يفضل منابع الحوار لو كنت بتكلم.. لاطن يوجهلى كلام او رياكت حتى؟ استحاله
ولحد دلوقتى.. واتغير.. بقا تافه.. بقا عايز يهزر و يبقى دمه خفيف و بس.. بيستعرض.. بنات و بنات و بنات.. خلاص بقيت اشوفه واقف مع بنات فالكليه.. لسه بيبصلى.. لسه بحاول ابعد عنه
انا مبقيتش عارفه انا بحبه ولا لا.. بس هو متبقاش فيه حاجه تتحب.. كل حاجه كانت حلوه فيه هو مسحها بنفسه.. عشان يبعد عنه تهمه الحب من اصله
حاليا مبكلوش صدفه حتى ولا بساله عن اى حاجه و متجاهلاه تماما 
بس مش قادره ابطل اسال.. ليه؟؟ ليه كل البنات وانا مش ضمنهم حتى.. ايه الكل ماعدا انا.. ليه مش انا؟ ليه محاولش.. ليه مجربش.. ليه بيحاول يبعد عنى بكل قوته.. ليه بيشد نفسه بعيد عنى.. ليه رفضنى جواه من البدايه خالص.. ليه بجد.. ليه لسه بيبصلى؟؟؟ لييه!
انا عملتلو اى عشان يوجعنى كده
ده احنا عشنا كل المشاعر من بعيد بجد مكانش ناقص غير اننا نتكلم 
انا عشت قصه حب من غير مدخل فيها!
ده لو مكانش حب.. يبقى اييه؟
يبقى ايه بجد...

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Blueberry_87425 🇩🇿

محتاجة حد يفهمني ويساعدني نحل مشاكلي باحترام

انا بنت و محتاجة شخص يكون عنده خبرة يسمعني و يفهمني و يساعدني نحل مشاكلي ،يشجعني يصبرنا و يوقف معايا ،و يعاوني نسترجع ارادتي و اوقف على رجولي من جديد ،ما يهمنيش بنت او ولد و ميهمنيش من اي بلد و يحب يحكي عربي او انجليزي مفيش مشكلة و حتى لو يحب يحتفظ بمعلوماتو الشخصية و ما يعرفش بنفسه و اسمه معنديش مشكلة نسمع بعض و نفضفض لبعض ايا كانت المشكلة شرطي الوحيد يكون/تكون محترم/ة و ميتخطاش الحدود او يخرج عن الموضوع و يظغطني يطلب اشياء فوق مقدرتي او مخالف لرغباتي ،فأنا سوف انسحب و اختفي مباشرة +من المستحسن يكون اكبر من 20 سنة اتمنى يوم طيب للجميع ...عرض المزيد

1 الدعم

24 نصيحة

Apple_22069 🇪🇬

عايزة اتكلم مع حد | بحاجة لتفريغ

عايزة اتكلم مع حد تبتبنبميميمثمثحثنقتثنثنينينثننثنثنينينينينينينيزينيتيتينينيتينيمثكصحخصصهتثويزيظسمسككسكسينينيتويويزيميميميخميمصمصنينينيمينينينيميمصكصمينينينثنصميميزيويويويزينيميميمثنثزثنثنثميكيكصطصحضخؤةس شكشكصمصنصنصنصمصنزث ...عرض المزيد

0 الدعم

22 نصيحة

Moon_57201 🇪🇬

ليه بحب حد بيوجعني وانا عارفه غلط ومحتاجه اطمن؟

عارفه ان هو غلط و عارفه ان هو كداب و بيضحك عليا بس قلبي اتعلق انا عارفه انه هياذيني بس بجد انا بتشعلق ف اي حاجه تعرف تطمني الموضوع صعب اوي و رخم ليه ديما محتاجه حد يطمني و يهتم بيا ؟ ليه ديما بدور ع دا لو مكنوش قصروا معايا مكنتش هبقى بدور ع دا برا قلبي بيوجعني لما كل مره اتعلق بحد يبعد المرادي بجد كانت مختلفه هو كان عارف اوي يطمني بس هو برضو سابني طب انا عملت ايه ؟ انا فيا ايه غلط انا بس محتاجه اكون مطمنه عايزه حب و قبله عايزه احب نفسي! الحوار دا رخم اوي بجد و متعب ...عرض المزيد

1 الدعم

17 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع