مشاعر معقدة

Apple_88666 🇪🇬

منذ 3 أيام

شعور وحيد

الواحد بيحس أن مفيش حد شبهه محدش فاهمه بعرف اتعامل مع الناس و اضحك و اهزر معاهم و اكون واحد منهم بس جوايا احساس ديما أن المكان ده مش مكاني محدش ليفهم حاسس بايه ديما بضحك و بهزر الناس فاكرة أن حياتي فاضية و تافهة من كتر الضحك و الهزار بس محدش بيبص من جوا محدش فاهمني عموما بفهم الكل بعرف بيحسو بايه بع

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Apple_86260 🇪🇬

منذ أسبوعين

شعور محبط

Lemon_50969 🇪🇬 كلمها انت اسال عنها مش لازم تفتح فاي كلام قديم ولو لسا ناوي علي مشروع الجواز معاها كلمها وفهمها انكو مدام ناويين علي حاجه مينفعش تعاملو بعض بالاسلوب ده بس اهم حاجه انك لو هتكلمها مترجعش تسحب عليها ونسيبها وتقلل كلام معاها لو هي الي بدأت تقلل كلام اسالها لو مفيش رد خلاص براحتها اهم حاجة انك تكون عملت اللي عليك لاخر لحظه عشان محدش يجي يلومك بعدين انو انت الي قصرت وانت الي بعدت خليك انت الاحسن

عرض الكل 3 نصيحة

عبّر عن شعورك بشكل مجهول

أنا مشكلتي معقده حبتین انا کنت مرتبط ب واحده وکنت بعاملها ك مشروع جواز المهم اکتشفت أنها كانت بتعيط تعيطي ليه مش بعیط من هنا ل هناك لحد م عرفت أن حد اختصبها وهي کرهت نفسها قولتلها أنا لسه شاریکي و هي قالت لا أبعد عني وأنت تستاهل واحده أنظف مني(أنا متأکد أنها غصب عنها مش بمزجها الي حصل ده) المهم کملت لحد م في شهر سته الي فات کنا بتتكلم قلیل و بنتخانق کتیر و مش مستقرين أوي المهم أنا کنت منبه علیها أنها تتعامل مع ناس 
معینه منهم واحد أنا مش بطيقه لقیتها بتقولي أنها عرفت حاجه مهمه أنا كنت عایز اعرفها بس مش کنت قایلها إني عایزها من خره ده ف قفلت الكلام و قولتلها ماشي و بقیت تکلم على الاقد دلوقتي احنا في شهر 11 و مفیش تواصل هي تتفرج علي الاستوري بتاعتي و العكس عایز نصیحته ل أخو کم الصغير أنا مشكلتي أن كبريأي ولع فيا و مش کنت أقدر اکسر بخاطره لو كلمتها المهم أنها جربت مره تفتح كلام بس هي مش بتعرف تتكلم يعني أنا إلي كنت بساعدها ف لما فتحت أنا كنت برد علي قد السؤال و ممكن بعدها ب يوم و قعدنا أسبوع و بعدها مفيش تواصل بس أنا لسه بحبها وأظن هي نفس الكلام بس کل 
واحد مش عایز يأخد الخطوه الأول أعمل ایه عايز بجد حد يديني نصيحه أو يقولي اخش أقولها ايه أنا حاسس إني لواحدي دلوقتي كانت كل حياتي و فجأة اختفت منها حل ي شباب انا اخوكم الصغير

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Apple_22069 🇪🇬

منذ شهر واحد

شعور مرتبك

الإنسان ده كائن غريب شوية حاسس ان الارض والسماء كأنهم طابقين عليه وعلي نفسه ومفيش مكان يساعه وشوية يحس انه مبسوط وطاير في السما حتي لو كان انه بيضحك علي نفسه عشان يحس بكدة مش اكتر بيلهي نفسه زي ما بتلهي عيل صغير بلعبه عشان يبعد عن الكهرباء مثلا شوية يحس انه بيحب الشخص اللي في حياته حب بجد مفيهوش اي

Coffee_71897 🇪🇬

منذ شهر واحد

شعور ضائع

أنا واحد بعد مشاكل كتير قررت احكم العقل في كل حاجه حرفيا مبقاش ليا اي عاطفه من ٢٠٢٠ تقريبا حتي ما بقتش بحس بطعم الاكل حتي بقت كل الايام زي بعضها فجاه حلمت بحد أنها هتبقي مراتي برغم اني حرفيا مليش عاطفه وأنه بقالنا حوالي خمس سنين ما بنتكلمش وعمرنا ما كنا حبايب كنا صحاب بس والظروف بعدتنا الا اني بلاقي

Strawberry_49071 🇪🇬

منذ شهرين

شعور مرتبك

هو ف حاجه اسمها حب علاقات تواصل او حب انك تكون معاك حد يتكلم معاك او تحس انك بتساعد حد ف ناس فعلا بتحب تعمل كدا ولا دا ه*بل ولا اي لاني مش فاهم اي دل او دا شعور اي هو غريب ومش مفهوم خاااااااااااااالص

Strawberry_76315 🇪🇬

منذ شهرين

شعور متوتر

بخاف من العلاقات العميقه والحب بختف ادب الثقه واتعلق انا عارفه اني بحب بزيادة وحاسه اني بحله غلط بس اخترت ان الخوف يقيدني عشان ما اتأذي وحاليا الخوف بيأذيني عندي واحد انا حبيته بس بخااف بخاف بسبب خوفي من مشاعري وبخاف كمان عشان بحس غلط انا شخص عندي حدود كتيره جدا وبوصفوني باني معقدة وهو بيطلب

Strawberry_76315 🇪🇬

منذ شهرين

شعور قلق

موضوع:

اكتر خوف مأثر عليك في حياتك

Lemon_64503 🇪🇬

منذ 3 أشهر

شعور منزعج

انا شاب 19سنه عمري ما كلمت بنت ولا حتى اتعاملت معاهم بسبب اني شخص انطوائي شوية و المشكلة مش مشكلة ثقه فالنفس ولا حاجه لاني الحمد لله ناجح فحياتي و شخص رياضي رغم و بلاحظ أحيانا ان المشكله دي مع البنات بس حرفيا لو بنت مثلا جت تكلمني حرفيا بسكت خالص و رغم كدا بتعامل مع الشباب عادي و في واحدة قبل كدا قا

Coffee_19911 🇪🇬

منذ 3 أشهر

شعور آسف

عبّر عن شعورك بشكل مجهول

هاي 
النهارده ولا المفروض اقول امبارح المهم يوم الجمعه كان فرحتنا المنتظر كان عزال اول بنت في عيله بابا او اول واحده ربنا ينصرها وتتجوز وصح كان عزال وكتب كتاااب بعيدا بقى عن الدجي اللي محتاج هو محتاج حاجه وخلاص بس ده كان احقر حاجه حصلت يعني بعد ما قعدت على تيك توك شهرين واحفظ اغاني وتريند واسمع احمد سعد واخرج من مود ابله نظيره اللي مش حافظه اغاني دي وصراحه قولت استغل العزال وانهي على حوا الرهاب الاجتماعي اللي عندي ده بس بجد الديجي الحقير الله يسامحه شغل اغاني مسمعتهاش قبل كده تعب الشهرين راح على الفاضي وانا خدت بعضي وروحت وقفت في كورنر على جنب اسقف وابتسم وخلاص اممممم في منظور كل اللي حواليا انا شبه صنم بيستقف وراسه في الأرض وخلاص اممم عندهم حق الصراحه لسه اخويا الصغير بيقولي هو انتي محطتيش ميكب مع البنات لييييه اماااا جيل قليل الادب بحق بس خلاص عاوزه احكي من منظور انا بقى

كانت عروسه شكلها تحفهه الوقت بيعدي بسرعه موتت وهي بترقص وبتغني مع صاحبها حسيت اني بدمع للحظه مش متخيله اني كنت هعيط علشانها كأننا كنا صحاب اويي ده يادوب بنسأل على بعض كل فين وفين كل حاجه فيها كانت مظبوطه ماشاء الله يعني لحسن تولع دلوقتي بس بجد لفه الطرحة والفستان وصراحه بيني وبين نفسي فرحت اوييي للمه صحابها حواليها وصح انا شربت علبتين عصير تفاح من الليله دي كلها وشوفت ولد صغير قمور بشكل فضلت ارخم عليه في الكورنر اللي بسقف فيه ده وبعدين ربنا رزقني بتالت علبه عصير وانااا اديتها لهذا الطفل بس لأجل وسامته الطبيعيه غير كده انا مبحبش الاطفال والسماء من فوق والشجر حواليها كان احلى من زحمه الناس والرقص والعرق تحت حسيت اني عاوزه اهرب واقعد في بلوكنتي او اطلع السطح وخلاص وأفضل ابص للسماء والشجر والشمس اللي بتلمع ورق الشر والبيوت العاليه بطوبها الأحمر والعشش بتاعت الحمام وعمو وهو ماسك علم وبيرفرف بيه والحمام بيطير حواليه لحد ما فوقت على كف على ظهري من ماما اني انزل لساحه المواهب بتاعت البنات دي وارقص او اسقف حلو بدل تسقيف تحيه العلم دي بس كده وصح خمنوا  حاجه اليوم خلص 
وبعد بكره مش عارفينه والنهارده مجهول فااا تمام 
باااي

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Marshmallow_61643 🇪🇬

منذ 3 أشهر

شعور مرتبك

الدنيا دي ملهاش معنى ناس بتحب وناس بتزعل وعندها احلام وناس بتزعل على فراق وناس بتحب حب عمرها وناس بتحلم بوظيفة وناس بتحلم تسافر وناس بتحلم بالثراء وناس بتحلم بالفقر وناس عايزة اهتمام وناس عايزة مشاعر وناس عايزة صحاب وناس عايزة شكلها يبقا حلو وناس عايزة تتخطى تجربة قديمة وناس بتحس بغيرة وكل حاجة. هوا

Sugar_49832 🇪🇬

منذ 3 أشهر

شعور مرهق

عبّر عن شعورك بشكل مجهول

بكتب وانا حقيقى مش عارفة اجمع حتى الكلام اللى فى دماغى 
مشتتة وضايعة من امى لاقصى درجة 
التعامل معاها بقاا صعب اوووى ومتعب والتفكير فى علاقتى بيها اصلا مرهق ومش مفهوم 
امى ضحت عشاانى كتيييير اووى بس بردو كل اللى عملته كان للماديات بس.. بتاخد من نفسها عشانى.. احسن اكل هدوم تعليم بتعمل اقصى ما تقدر عليه 
بس ديماا اسلوبها عكس كل دة.. عاادى جدا نخرج نجيب هدوم فتجبرنى على ذوقها هى 
مفيش مرة تقريبا عملت او جابت حاجة ليا الا واى نقاش نختلف فيه بعدها بتقولى انى مش بقدر ومستاهلش 
اسلوبها طول الوقت زعيق وهجوم وتريقة واستهزاء بكل حاجة واى حاجة 
مفيش ساعة واحدة بتعدى غير والبيت متوتر ومتنشن من صريخها علينا بسبب او من غير غير ضربها لاخواتى دلوقتى او ليا وانا صغيرة.. قليل اه لكن الضغط النفسى اللى بتشكله رهيب 
كلامها ديما بيبان فيه السيطرة بس مش الحب 
مش بتتراجع ابدا استحالة مهما شافت ان الموقف وصل لنقطة وحشة مننا حتى لو تافه.. كتير اعيط قدامها مش من الموقف قد ما هو من قلة تفهمها وتسيبنى وتمشى 
مفيش حاجة طلبتها منها والله قبل كدة وكان فى سبب طبيعى لرفضها وجادلت لو فى سبب اصلا ترفض عشانه مبطلبش 
... لكن هى ديما بترسم نموذج اى حاجة هتخرج عنه مش عاجباها هتترفض.. والسبب«مزاجى كدة» 
طب نتناقش.. لا 
حاااولت كتيييييييير فى كل نقاش نتكلم نتفاهم بس مفيش فى الفاضى اخر النقاش يا بتزعق او بتهدد او بتدخلنا فى موضوع تانى خالص تعجزنى بيه عشان معرفش اتكلم او بتقولى روحى اوضتك 
هى مش من النوع اللى بيعبر قليل اووى وووى انى اسمع منها حاجة بتعبر عن حبها 
تماام انا متاكدة وعارفة انها بتحبنى جداا وانى اغلى حد عندها بس انا هعمل ايه بمعرفتى دى نفسى احس بدة 
قضيت سنين من طفولتى مش فاكرة ليهاا حتى حضن.. لدرجة ان دلوقتى حضنها بقى تقيل وبيخنق 
عمرى ما هتخنق واروح احكيلها هى مش هتفهم ولا انا هقدر احس تجاهها بالامان اللى يريحنى بعد ما اتكلم 
انا مقدرش اقول انى مش بحبها ولا انى بحبها بردو زيها زى اى حد الفرق انها بتمشى حياتى بس 
صعبة اوووى اوووى عليا ان اللى يربطنى بيها احساس بالذنب.. انى عارفة تضحياتها بس مش قاادرة ارد ليها دة لان اسلوبها بيهلك طاقتى كلها😓 
عااارفة انهاا مضغووطة اوووى والله بس اعمل ايه بس 
نفسى بس تسيبنى لحالى بهدى والله وببقى اروق وبعرف اتعامل لكن كدة اعصابى ديما مشدودة.... غصب عنى بقيت عصبية زيها 
خاايفة فى يوم اعامل ولادى نفس المعاملة.... هتدمر بجد لو حسيت ان نظرتهم ليا هى نفس نظرتى ليها ، مش لانى نظرتى ليها وحشة ، بس تايهة وبتوجع وانا مش هستحمل اوجع ولادى بجد
امى متعرفش حاجة عنى ولا عن حاجات كتير مريت بيها كنت بس محتاجة حد اتطمن ليه احكيله وينصحنى ملقتش 
تعبت والله ومش عارفة اتصرف 😔

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Orange_72052 🇪🇬

منذ 3 أشهر

شعور مرهق

جماعه أنا اجتماعيه وعفويه جدا بتكلم مع الكل كويس ومع الغريب بهزار وضحك عادي اه في حدود بس مش بحب ابقي رسميه مع حد الا لو اكبر مني أو في منصب معين حتي دي ساعات مش بعملها ويتكلم مع الدكاتره والمدرسين عادي وبهزر واضحك وعادي بس اللي مش عادي بقا أن اللي تكلمهم يحبوني حتي المدرس يحبني ( انا مش بترول

Banana_67991 🇪🇬

منذ 3 أشهر

شعور آسف

ديما انا لوحدي أو حبيت اكون لوحدي مهما عرفت ناس أو اخلط بناس حتي لو عرفنا بعض وفضلنا صحاب فتره بعدها حد فينا بياخد جمب سواء انا أو الشخص التاني ف لو ديما مثلا الطرف التاني البياخد جمب كنت فهمت اني عندي المشكله أو اني مش بعرف احتوي أو اتعامل مع الناس لا انا برضو بعد فترة بحس اني عاوز اخد جمب اني تق

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Ice Cream_29289 🇪🇬

جوازي من مدرس ثانوي قديم وعلاقتنا بعيدة.. حياتي كئيبة

ازيكم ياشباب عاوزاه احكيلكم مشكلتي وياريت لو حد عنده حل انا عندي 22 سنه ومتخرجة ويشتغل الحمد لله وانا في تانيه ثانوي كنت بروح درس فيزياء عند مدرس نوعا ما صغير في السن بس هو كان طبعه شديد جدا كمدرس وكنت بخاف منه جدا وكنت مضطرة اروحله عشان هو يعرف اخويا ومامتي وكده ف كنت هتحرج اني مروحلهوش وفي نفس الوقت لو قولتلها في البيت على المبرر اللي مكنتش عاوزه اروح ليه مكنوش هيرضو اني اسيبه عشان هو ما شاء الله شاطر جدا كمدرس المهم تانيه وتالته ثانوي عدو بالعافية والحمد لله مبقتش يشوفه خالص عشان هو من منطقة واحنا من منطقه وبالنسبه لانه مدرس ومتجوز مش هيسال على طالبه عنده يعني المهم الفترة اللي كنت باخد معاه فيها كنت بحس فيه تناقض كبير في تعامله معايا ساعات يبقى بيتلكك عشان يضربني وساعات يبقى عارف اني مش مذاكرة وميرضاش يسالني ويسأل كل اللي حواليا الا انا وفي مرة والله العظيم سألني شفوي على سؤال في المنهج وجاولت فضل يسأل اسئله لحد م سال على معلومه والله مش في الكتاب ولا المذكرة هو كان قايلها معلومه عامة وانا مكتبتهاش وراه ف ده السؤال اللي غلط فيه وسط خمس أو ست اسئلة تقريبا وضربني وساعات من توتري يبقى عارف اني مش مذاكرة أو مش عامله الواجب وميرضاش يسالني المهم حمدت ربنا أن السنتين خلصو بالعافية ومن حوالي سنه كنت في عزا والد واحده صاحبتي في المنطقه اللي هو فيها ف اتقابلت مع البنات اللي كنت اعرفهم ساعة الثانويه وكده المهم بعد العزا اتمشينا شويه وجت سيرته ف قالولي ده ... طلق مراته ف بقولهم ليه قالولي أنه خلف ولد السنه اللي قبلها يعني في الفترة دي عنده سنه تقريبا وعنده ضمور في المخ وعلى طول بيكشف عليه وكده وطبعا عشان ظروف شغله مش بيعرف يروح يكشف عليه اغلب الوقت ف ديما مراته بتروح مع أمه أخته اي حد المهم أن مراته جت في مرة في أيام هو عليه فيها مراجعه وقالتله لازم تيجي معايا وهو مرضاش وحصل حوار وهما أطلقوا بسبب الموضوع ده هي اكيد كانت شايله من قبلها بس هي بتيجي على سبب تافهه كده المهم اني قولتلهم لو بيعاملها زي م بيعامل الطلاب وزي م كان بيعاملنا حقها تتطلق (هو عنده منها بنت عندها5 سنين وطفل اللي كان عنده ضمور واتفى من فترة ) المهم انا برده مليش علاقه بيه بعد الموضوع ده بفترة لقيته كلم اخويا أنه يتقدملي وكده مع اني مشفتهوش من ايام ثانوي يعني اربع سنين تقريبا المهم كنت خائفة عشان أسلوبه وطباعه الشديده جدا كنت خائفة يبقى كده في البيت بس اهلي اقنعوني أنه اكيد في البيت مش زي الدرس ومراته حاجة تانيه والحاجات دي كلها وانا اقتنعت وصليت استخارة وحسيت اني مرتاحه وطبعا الجواز تم بسرعه جدا قعدنا 5 شهور بس خطوبه ومعملناش فرح عشان ابنه كان متوفي قريب وكمان هو عمل فرح قبل كده وغير كل ده انا مش برتاح في الزحمه واني ابقى انا محط الأنظار والكلام ده كله ف وافقت أن ميبقاش في فرح بس طبعا في اشهار والكل كان عارف وكده اتجوزت ولسه حاسه ان في مسافة كبيرة جدا بينا البس واتشيك مش عشان العلاقة انا بحب اني ابقى بطبخ وملابسه لبس كويس يعجب جوزي ومفتوح وضيق وحاجات من دي وخاصة اني مش معايا عيل ولا حاجة وبخلص شغلي واجي وهو عشان السنتر بتاعه بيجي متأخر عني بكتير ف ببقى براحتي وانا بطبخ واروق الشقة وكده قصدي ببقى مش مستعجله يعني في أول الجواز حاجة دي دي جديده عليا اني اطبخ واروق وكده وفي نفس الوقت لابسه ومتشيكه وكل حاجة مظبوطه الاقيه بيجي ياكل ويعد يعمل شيتات وامتحانات والكلام ده انا ببقى نفسي في كلمه والله بس مش اكتر ومش هتاخد منه وقت ولا حاجة حتى بحسه مش بيبص مش مبهور زي م كنت مستنيه كأنه متعود على كده ف قولت اكيد عشان كان متجوز قبل كده وممكن يكون متعود على المنظر وكده يجي بعد م يخلص شغل في البيت أقوله عملت ايه انهارده يقولي هعمل ايه يعني شرحت مع أن ايام م كنت طالبه عنده كان في كل مجموعه مشكله وحوار بيحصل بس مبقولش اي حاجة في واحد صاحبه مدرس كنت باخد عنده برده كيميا اتفاجئت أنهم قاطعوا بعض من فترة عرفت من واحده صاحبتي واضافت جدا أنه محكاليش ولا جاب سيرة الموضوع حاسه علاقتنا بعيده جدا حتى هو مش بيسال بيسيبلي فلوس الصبح وانا بروح شغلي واجيب حاجة البيت واجي اعمل الاكل واروق وناكل ويعد كل واحد في حته مضايقة بجد من العلاقة دي وعشان هو تعبان ف بينما بدري طبعا وبيصحى الفجر يعد بقى مش بينام ف أقوله مبتصحنيش نعد مع بعض شويه ليه يقولي عادي بنته بتيجي عندنا يوم ويوم تعد شويه بعد شغله والله العظيم بعاملها كويس جدا ك معامله واكل وشرب وهدايا والكلام ده كله بس هي واخده طباع ابوها كلها تعد تقوله دي وحشه وماما احلى يقولها ماشي وعادي والكلام ده كله مع اني في الملامح والجسم احلى من طليقته بس هو اصلا مش بيحب حد ولا ببعجبه حد سواء انا أو طليقته وشاكه اصلا أنه كان عايش نفس العيشه دي مع طليقته وده سبب الطلاق بس هي استحملت خمس سنين انا مبقتش قادرة حاسه اني جايه اخدمه وأشوف طلباته وخلاص انا في بيت ابويا كنت باجي من شغلي انام واصحى اكل واعد بجد مش دي الحياه اللي كنت عاوزاها خالص كنت عاوزه حد يبقى حنين عليا وبيحبني ويسمعني كنت عاوزه اختار بيتي لنفسي مش اروح اشوف بيته اللي كان عايش فيه مع مراته كنت عاوزه لما بنته تقوله دي وحشه يقول في حقي كلمه حلوة اكتر سبب خلاني اوافق عليه أنه لما جه اتقدم بعد اربع سنين مشافنيش ولا يعرف عني حاجة وكمان علاقته باخويا مش صحاب هما ممكن يتقابلو مرة كل سنه مثلا عشان طبعا احنا في منطقه وهو في منطقه المهم اني قولت اكيد كان معجب بيا مثلا ف لما طلق جالي وكنت متخيلة بقى اني هشوف تعويض عن أي حاجة بايخة حصلت ايام ثانوي كمان ساعات لما النقاش يتحد بينا على اي حاجة بشوفه المستر اللي كنت بروح عنده درس تلاقيه بيزعق بطريقة تخوف واحسه هيضربني بصراحة ف بخلص الموضوع وبعتزر كمان بس ببقى مضايقة اوي واحس اني مكسورة حياتي بجد كئيبه اوي ومفيش خروج ومفيش جواز اصلا وفي نفس الوقت خايفة أطلق بعد سنه واحده بس جواز وأقل كمان وحاولت معاه كتييير أنه يتكلم معايا بس بس هو الاجابه أقل من السؤال بكتير وسالت أخته بطريقة مش مباشرة قالتلي هو كده ومش بيحكي حاجة لو انتو مكاني هتعملو ايه وياريت راجل يقولي سبب معاملته دي ايه بس محدش يقول إنه بيحب طليقته عشان هو اصلا مبعرفش يحب هو كل حياته جد كده كنت هسال طليقته صحيح قبل م اتجوز عن سبب الطلاق والسبب اللي خلاها تطلق على سبب فارغ بس كان ابنها لسه متوفي ف مرضتش اسالها ...عرض المزيد

2 الدعم

15 نصيحة

Candle_73846 🇪🇬

مش نازله مع صحابي هروح اعمل بشاميل واقعد

اوكي مش هنزل مع صحابي 😃هيضربوني بس مش نازله هروح اعمل بشاميل واقعد زي الشاطره وبس تعالو نكدب كدبه وحده بتتمنو تبقي حقيقه انا اخدت حزمه شياو البنت الي نازله ف فري فاير ااااااااااااااااااااااااااااااااااااااااااااااااااااااااااااااااااااا ...عرض المزيد

2 الدعم

13 نصيحة

Strawberry_77918 🇪🇬

عايزة أتعلم عن الإسلام بالتفصيل من كل ناحية

لو حد عايز يتعلم عن الاسلام بالتفصيل من كل ناحيه و يعرف كل حاجه في الدين زى دراسه مش مجرد معرفه و خلاص ايه الكتب أو الفيديوز مثلا بلايليست على اليوتيوب ترشحولى انى اشوفها محدش يدخل يسألنى انا كام سنه و عايزة اعرف ليه و بدرس ايه لان دا ميخصكش في حاجه اللى عنده اقتراحات او نظام معين امشي عليه هكون شاكرة ليه جدا بدون الدخول في تفاصيل شخصيه ...عرض المزيد

2 الدعم

13 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع