مشكلة

Mango_55086 🇪🇬

منذ دقيقة واحدة

شعور مرتبك

عايزه اخد رايكو اكمل ولا لا المميزات - حنين عليا - متفاهم - بار ب اهله جدا و حنين علي أخواته اوي - اجتماعي - فرفوش - بيحب اهلي و بيحترمهم و هما بيحبوه - اجتماعياً حلو و من عيله محترمه و اهله بيحبوني و كويسين جدا - شغله حلو و مسمي وظيفي محترم و كويس - بيهتم بيا حتي و هو مشغول العيوب - ش

Popcorn_52020 🇪🇬

منذ 51 دقيقة

شعور وحيد

مشكلتي يمكن تبان تافهه او غريبه بالنسبه لمعظم الناس هنا او كلها بس الدائرة المفرغه دي من أسوأ مايمكن تبقا بتعمل كذا عشان لازم مش عشان عايز كل مره الحياه تزقك لطريق معين وتضطر تتعامل وتسد فيه وكلامي هنا مش عن اقدار ربنا خالص بس الفكره مبحبش احساس الروبوت اللي انا فيه دا انا بني ادم يجدعان والله 💔💔�

Marshmallow_87731 🇪🇬

منذ ساعة واحدة

شعور لا مبالٍ

البنات راحت فين 😅😅 هو ف بلاد برا لو في ولد راح كلم بنت ممكن توافق او ترفض بكل بساطه بس معظمهم بيوافقو 😂😂 ليه هنا بقي بيكبرو الموضوع مش هناكل منكم حته و بعدين مش كلنا وحشين زي ما في بنات وحشين في ولاد وحشين ولااي. !!

Avocado_54036 🇪🇬

منذ ساعتين

شعور مستنزف

لو لقيت فيديو لبنت اعرفها في علاقع كامله مع شاب والفيديو معايا وانا اعرف اهلها كلهم رايكم اعمل ايه لان الموضوع مضايقني نفسيا ومش عايز اضرها خالص وفنفس الوقت عايز اتواصل معاها من الاخر البنت ديه كان في فتره من الزمن كبيره يهمنى امرها اوى والصراحه الحوار قالبلى نفسيتى علي الاخر تواصلت معاها من اكونت م

Potato_87367 🇩🇿

منذ 8 ساعات

شعور ضائع

أنا أعاني من عدم استقرار عاطفي وتقلبات مزاجية قوية تجعلني أحيانًا أفقد السيطرة على مشاعري. لدي مشكلة في الدافعية رغم معرفتي بما يجب علي فعله، كما أنني أحاول التوقف تدريجيًا عن استخدام الحشيش بعد أن خفّفت منه. عاطفيًا، أتعلّق بسرعة وأتأثر بشدة بأي بعد أو صمت، وأعاني من خوف من الهجر وكثرة التفكير. ومؤ

Strawberry_67225 🇪🇬

منذ 14 ساعة

شعور مستنزف

جماعه هو في مرض نفسي ممكن يخلي شخص مش بطبعه يسرق حاجه ويخليه يسرق وفي ممكن سحر يتعمل لحد يخليه بردوا يسرق ينفع اللي يفهم في المواضيع دي يفهمني لان انا فعلاً في مشكله كبيره ومحتاجه افهم بعد اذنكم

Marshmallow_74320 🇪🇬

منذ 19 ساعة

شعور ضائع

انا ف الطبيعى مبحبش اتكلم وحتى مع صحابى مبعرفش اتكلم الكلام اللى هو فيه عشم وصحوبيه وكدا وعيشت طول عمرى وانا بخاف اتكلم مع الناس،المشكلة بقا ان الناس بتشوفها تكبر وغرور وانى مش اى حد اتكلم معاه بس هما مش فاهمين كلامى بيبقى صعب ازاى،حتى اللى حبيتها سابتنى بسبب الموضوع دا،انا جسديا معنديش اللى يخلى اع

Orange_86778 🇪🇬

منذ 20 ساعة

شعور محبط

محتاج اسألكوا ف حاجه و ياريت يبقي فية حل انا شاب عايز اتجوز و اعف نفسي و اكون بيت و أسرة و الحمد لله جاهز من كل شئ و كل حاجه تمام كا شكل و شغل و بيت الحمد لله بس انا مفيش اي بنات في حياتي نهائي ولا حتي فالشغل ولا قرايب مش حابب و متنيل ولا بعرف اعاكس ولا اشقط ولا ليا فالجو 😂😂 و مش عايز العمر يجري

Biscuit_86713 🇪🇬

منذ يوم واحد

شعور محبط

عايزه طريقه ابطل بيها اغانى انا بستحرم اسمعها ف العادى لكن ساعات وانا بذاكر مثلا حاجه مش محتاجه تركيز اوى او وانا ماشيه ف طريق جربت ف فتره ابدلها بالبودكاست بس نفسى بتميل برضو للاغانى مش عارفه اى الحل لو حد عنده طريقه ياريت يفيدنى

Sugar_87672 🇪🇬

منذ يوم واحد

شعور ضائع

حاسة إني مش بعرف أكون صداقات أو علاقات اجتماعية حقيقية. بحاول أفتح نفسي للناس، لكن غالبًا بحس بالمسافة أو البرود، ومش عارفة إزاي أكوّن روابط تستمر. أغلب الصحاب اللي بعرفهم، علاقاتهم بتنتهي بعد فترة الدراسة أو الشغل، وبعدين كل واحد بيكمل حياته ومش بيكون موجود. ساعات بحس إني لو حاولت أتعرف على حد، هيت

Watermelon_55151 🇪🇬

منذ يوم واحد

شعور مرتبك

عبّر عن شعورك بشكل مجهول

لو انا في تانيه جامعه و  حبيت بنت اوي و اتعرفت عليها و ارتبطت بيها و كانت نيتي معاها كل خير والله و كان نفسي اني اتجوزها و عايز ابقا معاها بجد عارف ان لو انا فعلا عايز دا مش المفروض ابقا معاها و اخليها تخون ثقه اهلها معايا بس انا مقدرتش مصارحهاش ب دا و ارتبطنا و قعدنا مع بعض فتره كويسه حوالي ١٠ او ١١ شهر كانو مختلفين جدا عن علاقه اي اتنين بيحبو بعض كنت دايما بحس ان انا الطرف اللي بيدي انا الطرف اللي بيحاول و انا الطرف اللي باقي عالعلاقه دي و هي لا عمري ما في مره اتاكدت معاها انها ١٠٠٪؜ بتحبني دايما كانت بتعمل حاجه تشككني في انها بتحبني كنت دايما بحس ان هي بتحب اللي بعملو عشانها و بتحب حبي ليها بس مبتحبنيش انا كشخص  كانت دايما بتقفلي عالغلطه و تبعد و بعدها بشويه ترجع تاني و تتاسف انها بعدت و مفهمتنيش و بعدها تبعد تاني لاسباب فعلا مش مبرر انها تبعد لان اللي بيننا مكانش قليل خالص
المهم احنا دلوقتي حصل بيننا مشكله و هي بعدت انا معترف اني غلطان بس هل فعلا الموضوع كان يستاهل ان هي تبعد ؟
القصه و ما فيها هي اننا كنا اخر فتره بقينا نمسك ايد بعض مع اننا مكناش متعودين على كدا و كان في بيننا حدود طول فتره ما كنا مع بعض لحد ما تمينا ١٠ شهور مع بعض و بعد ال ١٠ شهور كانت اول مره نمسك ايد بعض ( هي اللي عرضت الفكره ساعتها و هي اللي مدت ايدها ليا وانا وافقت رغم انو مكنتش مرتاح و مكنتش عايز دا دلوقتي بس كانت لحظه ضعف و عشان حبيتها فا مسكتها ) 
و يومها هي قالتلي ان هي اتبسطت و الموضوع عجبها 
بعدها باسبوع كنت مع بعض برضو فا انا قولتلها ممكن امسك ايدك تاني (رغم انو دي في الاول خالص عمرها ما كانت نيتي و مكنتش عايز اوصل لدا بس عشان الموضوع حصل اول مره منها فا انا حبيتو و كنت عايز اكررو و ضعفت تاني ) وافقت و ادتهاني و مسكتها تاني
بعدها باسبوع كنا مع بعض برضو و كنت ساعتها عايز امسك ايدها برضو و هي وقتها كانت مبسوطه يعني معايا واحنا قاعدين و كانت عماله تحب فيا و انو هي مبسوطه في علاقتنا و حابه موضوع اننا نمسك ايد بعض دا و اننا كدا بنقرب  يعني فا انا وقتها حاولت امسك ايدها لقيتها بعدتها و قالتلي مش عايزه امسكها فا انا قولتلها ليه قالتلي مش عايزه و خلاص قعدت ساعتها اتاسفلها كتير جدا اني عملت كدا و انو مكانش قصدي اعملها فجاه كدا و هي كانت شايفه اني كان لازم استاذن قبل ما اعمل حاجه زي كدا رغم انو مش دي اول مره نعملها فا انا حسيت انو خلاص الموضوع بقا عادي فا اخدت انا الخطوه دي و حاولت امسكها منغير ما اسال لان برضو كان كلامها وقتها محسسني ان هي مستنيه امسكها و يارتني ما عملتو لاني ندمت بعدها و قعدت اتاسفلها كتير و افهمها اني كنت فاكرها حابه الموضوع زي ما انا حابو و انها مكانتش هتعترض 
هي بقا فاكره انو انا عملت دا من نيه الغصب و اني معاها عشان بس اعملو و اني محبتهاش و كنت معاها دا كلو عشان اوصل لكدا رغم انو اللي بدا اول مره خالص فكره دي دي و اللي اخد اول خطوه كانت هي وانا لو هي مكانتش خدت الخطوه دي انا مكنتش هاخدها لاني عارف اني لو عملتها مره هعوز اعملها تاني وانا مش عايز اوصل لدا لاني حبيتها بجد و عايزها في الحلال
فا هي مكانتش عايزه تصدق اني بجد حبيتها و اني عملت دا من نيه اني عايز اعمل حاجه هي حباها و انا كمان حاببها و بتبسطنا احنا الاتنين مكانش خالص في نيتي اني اخوفها مني و اني بعمل دا غصب عنها 
و كانت مقتنعه اني عملت دا منغير ما افكر في رايها و هل هي عايزه ولا لا و كانت عايزاني استاذن الاول قبل ما اعملو بس انا كان في دماغي انها موافقه و مستنيه اعملو عشان كدا عملتو منغير ما اسالها

انا عارف ان العلاقه من اولها غلط في غلط بس انا عايز اعرف هل فعلا كان الموضوع يستاهل ان هي تبعد ( الموضوع كان فعلا عباره عن اني حاولت امسك ايدها بس مفيش اي حاجه اكتر من كدا مقربتش ولا حاولت اني اعمل اي حاجه تاني هو بس حاولت امسك ايدها و لما بعدتها انا كمان بعدت و بينتلها اني ندمت اني عملت كدا و مش هكررها تاني و اتاسفتلها كتير )

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Watermelon_40020 🇪🇬

منذ يوم واحد

شعور مكتئب

انا من الناس الي بتدايق بتاكل بطلع قلقي، حزني و غضبي في الأكل و الحوار ده عاملي أزمه كبيرة لأني بتخن و الفترة دي انا قاعده في البيت فقط مبتحركش ولا بروح في حته و صعب أروح جيم. انا تخنت شوية عن وزني المعتاد و ده مضايقني لاني لو ملقتش حل هتخن اكتر من كده و ده بالنسبالي مشكلة كبيرة جدا، فا لو حد عندو

Avocado_85426 🇩🇿

منذ يومين

شعور ضائع

ياجماعة نسقسيكم جزائريين بذات دكا انا مخطوبة و منسكنش فلعاصمة و خطيبي عندو هذي سمانة كل خميس يروح للعاصمة يقولي نبدل جو وهكا يروح مع صحابو للمعلومة برك خاطيه دعاوي شر ميتكيف موالو بصح انا معلباليش اسكو نخليه يروح ولا نو يقولي نبدل جو و سمانة كامل و انا خدام و زيد هنا معنديش وين نريح و فلعاصمة كاين

Orange_78979 🇪🇬

منذ يومين

شعور منزعج

انا عايز اثبت حاجة اني لما قولت اني عايز حد اتكلم وافضفض معاه كلو دخل أما لما يكون عندي مشكلة مفيش حد إلا قليل بيساعد فعلا وكمان لو بت تلاقي مية واحد دخل حاجة غريبة والله كلو داخل عشان يكلم بنات وحاجة تقرف بدل ما نساعد بعض ربنا يصلح حالنا جميعاً ويهدينها

Cherry_69855 🇪🇬

منذ يومين

شعور متعب

عندى حاله غريبة جداا مع انى ملتزم وبصلى وبحاول اجتهد فى العبادة ... لكن بضعف جدااا قدام البنات وبقول خلاص مش هبص على عليهم و هغض بصرى ولاقى نفسى برجع تانى ... وبعد كده الاقى نفسى مش قادر وممكن اقع فى علاقات واتوب وارجع كتير ومش عارف ابطل ولا عارف اعمل ايه

Chocolate_64253 🇪🇬

عايزة أكون أحسن علشان متحسش إني قليلة لما أتخطب

انا لو شايفه نفسي مش حلوه اي الصفات اللي مفروض تكون فيا علشان فالمستقبل لما اتخطب محسش اني قليله طبعا الاخلاق رقم واحد ، غير كده ايه الصفات اللي الشباب بتحبها فالبنت غير شكلها ، انا بتكلم علشان يبقي عندي خلفيه فالمستقبل ... ...عرض المزيد

1 الدعم

26 نصيحة

Sugar_87672 🇪🇬

مش بعرف أكون صداقات حقيقية.. حد عنده نصايح؟

1 الدعم

19 نصيحة

Biscuit_87034 🇪🇬

مش عارفة اتخطى حب مراهقتي وبقيت حياتي واقفه

انا كنت بحب حد والحد ده سابني بقاله سنتين وعشر شهور انا مش عارفه اتخطاه خالص مش عارفه حاولت كتير اوي الموضوع تاعبني نفسيا اوي نفسي أنساه بجد بس مش عارفه المفروض أن ده كان حب مراهقه كنت صغيره اوي 17 سنه ولحد هذا الان بقيت 20 ومش عارفه يمكن عشان الوقت الي حبيته فيه كان في مشاكل كبيره اوي انا متربيه من صغري علي المشاكل والخوف بسبب ابويا لدرجه أن الي كنت بحبه ده كان حنين عليا فوق الوصف فعتبرته ساعتها بدل ابويا يعني كان هو مصدر امان بالنسبالي ومن بعد ما سابني وانا كل مشكله بتحصل معايا بفتكره هو اول واحد هو اول واحد بيجي في بالي بفتكر حنيته عليا تعبت من كتر التفكير فيه يوميا لازم افكر فيه قبل ما انام يوميا لو زعلانه بفتكره تلقائي كده بقيت حاسه أنه شاغل تفكيري كله هتقولولي اشغلي نفسك اقسم بالله بروح كليتي وارجع علي الشغل بخلص 10 بليل واول ما بحط دماغي علي المخده بفتكره بردو وبقعد أخلق مواقف حلوه وهميه بيني وبينه والحاجات دي مش موجوده اصلا بس مش عارفه الي بيحصل ساعات بقول ياريته كان معايا دلوقتي وساعات ببقي مش طايقه ابص في وشه كل ما اقول خلاص نسيته برجع افتكره تاني برغم أن مش بشوفه اصلا وعملاله بلوك من كل حته وكمان هو اصلا مش عايزني ولا انا عايزاه هو ارتبط ب 2 بعدي وعاش حياته انا حاسه حياتي واقفه عليه نفسيتي تعبانه اوي ...عرض المزيد

0 الدعم

18 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع