مقارنة بالآخرين

Blueberry_88753 🇪🇬

منذ 17 ساعة

شعور محبط

الإنسان بيعمل ايه في الفترة إلى بعد التخرج دي وهو حاسس نفسه فاشل من كل الجوانب 1-عاطل 2-سنجل 3-معندوش صحاب يعني انا المفروض متخرجه اهو بقالي سنه وكان شهر وكل إلى حواليا بيشتغلوا بيتخطبوا أو يتجوزا وبيسافروا وانا واقفه مكاني مش عارفه اعمل أي حاجة المفروض اعمل ايه؟

Toast_77746 🇪🇬

منذ يومين

شعور متعب

يمكن مشكلتى تافهة شوية بس اتضايقت منها انا واحده بشتغل وبصرف على نفسي واى حد يعرفنى عارف انى بشتغل كذا شغلانه وبجد بتعب اوى وبحضر ماجيستير وشقيانه والله من ايام الجامعه اخويا لما خلص كلية ونزل يشتغل لقيته بيقارنى بكل البنات اللى شغالين معاه سواء شكلا او حتى فى اللبس بيقعد يقول ان لبسهم حلو أوى وبيع

Orange_70186 🇪🇬

منذ شهر واحد

شعور متعب

صعب اوي لما يكون اهلك هما سبب تعاستك لما تبقا راجع من يوم طويل مبسوط جدا وترجع البيت اهلك يحزنوك ع نفسك ويحسسوك انك عيل صغير مع انهم ملهمش اي لازمة وانك راجل ومحدش بيعملك حاجة وانك شايل كل حاجة ع كتفك ونفس الوقت شايف الناس الي قدامك اهاليهم عاملينلهم كل حاجة وانت اهلك مش بيعملو اي حاجة ومحسسينك انك

Blueberry_84650 🇪🇬

منذ شهر واحد

شعور خجلان

ازاي بتحسوا إنكم راضيين عن نفسكم؟ بجد بسأل السؤال عشان انا مش عارفة أوصل للمرحلة دي! أنا ممكن أشعر مؤقتًا بالرضى عن نفسي، بس بمجرد ما حد بيتفوق عليا في الحاجة دي بأنب نفسي كتير. والشعور المستمر بالشئ دا بيحسسني أصلاً بعدم الاستحقاقية، وإن كدا كدا دايمًا في الأشطر مني، الأحسن مني، الأجمل مني وهكذ

Banana_82020 🇪🇬

منذ شهر واحد

شعور قلق

امته الواحد يتخطى فكره الثانويه العامه ؟! امته اعيش حياتى من طيفها يجى يدمر اي لحظه حلوه فى حياتى ؟! امته انام من غير شعورى بالذنب؟! امته ابطل اتأثر واتخنق من سريتها ؟! امته محسش بالعجز انى معرفتش احقق حلمى ؟! امته احس انى مش اقل من حد دخل كليه؟! امته ارتاح منها ومتبقاش حمل على قلبى والمرارة اللى مل

Guava_62394 🇪🇬

منذ شهر واحد

شعور متعب

ليه المزاكرة بتاخد مني وقت كبييير علشان اعرف ازاكر كويس وبفهم واكتب كل حاجة بياخد وقت كبير علي الجانب الآخر بلاقي ناس بتزاكر بسرعه وانا علشان افهم لازم اكتب واعيد واعرف كل حاجة وهما بيخلصو بسرعه برضه لما بزاكر مجال باخد فيه وقت علشان احس بضمير اني فعلا اتعلمت بس هما بيخلصو بسرعه ويعلن عن بوستات ليه

Mushroom_77767 🇪🇬

منذ شهر واحد

شعور مكتئب

اتطلقت بعد جواز سنة و نص كانو كلهم مشاكل و قرف و طلعت ببنت عندها دلوقتي خمس سنين .. بقى يظهر قدامي ناس من اللي كانو بيتقدمولي زمان .. بشوف حياتهم و اد ايه هما مبسوطين بجوزاتهم و بزعل على نفسي اوى اني فشلت ف دا .. عمري ما ببص لحد في حياته ولا رزقه بس ليه انا حياتي باظت كدا و كل اللي حواليا اتجوزوا و

Nutella_75101 🇪🇬

منذ شهرين

شعور مرهق

عمري ٢٠ وللأسف انا حاليا حاسس انى متأخر اوى وفاقد الشغف في كل حاجة وشايف كل اللى حوليا في سني طلعوا وبيطلعوا لقدام... ما شاء الله عندهم مناعة قوية جدا ضد ظروف الخياة وانا لما بتلنسني قشة بزعل وبكتئب ومش واقف وساند نفسي زي العود المستقيم وليها كلنة قليلة الاظب شوية للوصف بس مش هقولها... استأذنكم في

Banana_59267 🇪🇬

منذ شهرين

شعور ضائع

في سؤال مهم جداً بييجي ف دماغي ومش عايز اجابات مثالية. هل الفلوس بتجيب السعادة فعلا؟ يعني المراهقين اللي بيقضوا وقتهم ف الساحل ويركبوا افخم عربيات ومقضينها جنس وبيصرفو فوق ال١٠٠ الف ف اليوم وف احسن جامعات ب مئات الألوف ف السنة دول مبسوطين فعلا ؟ ولا في معيار تاني للسعادة؟ يعني لو عشت اعبد ربنا وأكو

Nutella_67912 🇪🇬

منذ شهرين

شعور مرهق

انا بكره شكلي و نفسي ، انا بقيت شخص كسول فاشل انا من كام سنه كنت شخص حنون و طيب و بيحب يساعد و مش بحب شكلي ابدا طول الوقت بقارن نفسي بناس تانيه من حيث الشكل انا بكره شكلي اوي كل الي حواليا بيقولوا شكلك حلو بس انا مش حاسس ب ده ابدا انا تعبت

Orange_69263 🇪🇬

منذ 3 أشهر

شعور مكتئب

انا يا جماعه حاسه بالعجز والفشل عندي ٣٢ سنه ومحققتش حاجه ف حياتي هتفتكروا اني عاطله لا ابدا انا دكتوره صيدلانيه وشغاله في الحكومه شغل الحكومه بيموت بالبطئ عارفه انه نعمه و غيري يتمناه بس الحقيقه مفيش فيه اي تطور ومش عارفه اعمل اي حاجه تانيه غيره مفيش فلوس مفيش حتي تمكن م المهنه مجرد بروح اقضي وقت وخ

Apple_74635 🇪🇬 الرضا بالقليل اهم حاجة ثم حاولي تدوري على اي فرصة عمل او تشغلي صيديلة بأسمك في سلاسل صيدليات كتير بتشغل الصيادلة وربنا يوفقك ان شاء الله

عرض الكل 8 نصيحة

Cookies_71160 🇪🇬

منذ 3 أشهر

شعور مرهق

ازاي اهرب من شعور i should have done more واني فاشل في حاجات كتير وحاسس اني مغيب ومش في الدنيا رغم اني بفكر كتير وببدا حاجات كتير بس مش بكملها بسبب تسويف بشوف كل اللي في سني عمل وانا واقف مكاني بحاول ازق حياتي بس بفشل يا رب الخلاص عشان خلاص

Strawberry_74100 🇪🇬

منذ 3 أشهر

شعور عاطفي

بخاف جدًا إني أبان فاشلة قدام أهلي، طول عمري بحاول أكون في نظرهم البنت الشاطر المجتهدة العاقلة، مع إني ساعات بحس إن كل دا مش كافي بالنسبة ليهم، و إنهم دايمًا بيقارنوني بأشخاص تانية، حاولت أتجاهل الموضوع بس الموضوع بقى مؤذي بالنسبة ليا بشكل كبير...

Coconut_71798 🇪🇬 بصي هما عيزينك احسن وافضل بس اتعودو على اسلول الملامهوالتفضا ونسيو مجهودك سيبك من كلامهم وتصرفتهم وحولى ما تبيينيش انك مجتهدى وبتعملىكل حاجه عشان يحفزوكى

عرض الكل 6 نصيحة

Cookies_71160 🇪🇬

منذ 3 أشهر

شعور شاعر بالملل

زهقت من السهر اللي ملوش لزمة ونفسي اظبط نومي بس برجع وابوظه تاني وحاسس اني معملتش اي حاجة مزاكرة ودراسة وكورسات الموضوع ممل ومرهق نفسيا وخصوصا لو ناس نفس مجالك انت شايفهم اعلى منك بكتير بس الفرق انهم بدأوا بدري

Orange_48155 🇪🇬

منذ 3 أشهر

شعور ضائع

دلوقتي انا واحد معنديش اي هواية ولا اي حاجة بحبها وكل ما اكلم حد ويسألني انت بتحب ايه او بتلعب ايه مش بعرف ارد وكمان كل الناس الي حواليا عندهم هويات وكل واحد بيعمل الحاجة الي بيحبها وانا ببقى عايز يبقى عندي هواية بس كل لما احول ادور على هواية او اسال حد يساعدني يقول لي انت بتحب ايه وانا معرفش وحاسس

Moon_71804 🇪🇬 بسيطه جدا... اولا اقعد مع نفسك او مع حد بيفهم لو عندك صعوبه تعملها لوحدك انت اسال روحك بتحب وبتميل لايه فكر لو مسكت قلم وورقه هطلع رسمه حلوه وهبقا مبسوط طيب لو لونت حسيت لا طيب اي رايك نكتب شعر او روايات... لا فاكس طيب البحر بتحب العوم وشاطر فيه.. لا خلاص يبقا اي رايك نقراء كتب... ونصيحه مش شرط تكون حددت من مجرد التفكير... جرب الهوايات بنفسك ونت هتلاقي روحك بتميل وبتختار لوحدها

عرض الكل 16 نصيحة

Ice Cream_29289 🇪🇬

جوازي من مدرس ثانوي قديم وعلاقتنا بعيدة.. حياتي كئيبة

ازيكم ياشباب عاوزاه احكيلكم مشكلتي وياريت لو حد عنده حل انا عندي 22 سنه ومتخرجة ويشتغل الحمد لله وانا في تانيه ثانوي كنت بروح درس فيزياء عند مدرس نوعا ما صغير في السن بس هو كان طبعه شديد جدا كمدرس وكنت بخاف منه جدا وكنت مضطرة اروحله عشان هو يعرف اخويا ومامتي وكده ف كنت هتحرج اني مروحلهوش وفي نفس الوقت لو قولتلها في البيت على المبرر اللي مكنتش عاوزه اروح ليه مكنوش هيرضو اني اسيبه عشان هو ما شاء الله شاطر جدا كمدرس المهم تانيه وتالته ثانوي عدو بالعافية والحمد لله مبقتش يشوفه خالص عشان هو من منطقة واحنا من منطقه وبالنسبه لانه مدرس ومتجوز مش هيسال على طالبه عنده يعني المهم الفترة اللي كنت باخد معاه فيها كنت بحس فيه تناقض كبير في تعامله معايا ساعات يبقى بيتلكك عشان يضربني وساعات يبقى عارف اني مش مذاكرة وميرضاش يسالني ويسأل كل اللي حواليا الا انا وفي مرة والله العظيم سألني شفوي على سؤال في المنهج وجاولت فضل يسأل اسئله لحد م سال على معلومه والله مش في الكتاب ولا المذكرة هو كان قايلها معلومه عامة وانا مكتبتهاش وراه ف ده السؤال اللي غلط فيه وسط خمس أو ست اسئلة تقريبا وضربني وساعات من توتري يبقى عارف اني مش مذاكرة أو مش عامله الواجب وميرضاش يسالني المهم حمدت ربنا أن السنتين خلصو بالعافية ومن حوالي سنه كنت في عزا والد واحده صاحبتي في المنطقه اللي هو فيها ف اتقابلت مع البنات اللي كنت اعرفهم ساعة الثانويه وكده المهم بعد العزا اتمشينا شويه وجت سيرته ف قالولي ده ... طلق مراته ف بقولهم ليه قالولي أنه خلف ولد السنه اللي قبلها يعني في الفترة دي عنده سنه تقريبا وعنده ضمور في المخ وعلى طول بيكشف عليه وكده وطبعا عشان ظروف شغله مش بيعرف يروح يكشف عليه اغلب الوقت ف ديما مراته بتروح مع أمه أخته اي حد المهم أن مراته جت في مرة في أيام هو عليه فيها مراجعه وقالتله لازم تيجي معايا وهو مرضاش وحصل حوار وهما أطلقوا بسبب الموضوع ده هي اكيد كانت شايله من قبلها بس هي بتيجي على سبب تافهه كده المهم اني قولتلهم لو بيعاملها زي م بيعامل الطلاب وزي م كان بيعاملنا حقها تتطلق (هو عنده منها بنت عندها5 سنين وطفل اللي كان عنده ضمور واتفى من فترة ) المهم انا برده مليش علاقه بيه بعد الموضوع ده بفترة لقيته كلم اخويا أنه يتقدملي وكده مع اني مشفتهوش من ايام ثانوي يعني اربع سنين تقريبا المهم كنت خائفة عشان أسلوبه وطباعه الشديده جدا كنت خائفة يبقى كده في البيت بس اهلي اقنعوني أنه اكيد في البيت مش زي الدرس ومراته حاجة تانيه والحاجات دي كلها وانا اقتنعت وصليت استخارة وحسيت اني مرتاحه وطبعا الجواز تم بسرعه جدا قعدنا 5 شهور بس خطوبه ومعملناش فرح عشان ابنه كان متوفي قريب وكمان هو عمل فرح قبل كده وغير كل ده انا مش برتاح في الزحمه واني ابقى انا محط الأنظار والكلام ده كله ف وافقت أن ميبقاش في فرح بس طبعا في اشهار والكل كان عارف وكده اتجوزت ولسه حاسه ان في مسافة كبيرة جدا بينا البس واتشيك مش عشان العلاقة انا بحب اني ابقى بطبخ وملابسه لبس كويس يعجب جوزي ومفتوح وضيق وحاجات من دي وخاصة اني مش معايا عيل ولا حاجة وبخلص شغلي واجي وهو عشان السنتر بتاعه بيجي متأخر عني بكتير ف ببقى براحتي وانا بطبخ واروق الشقة وكده قصدي ببقى مش مستعجله يعني في أول الجواز حاجة دي دي جديده عليا اني اطبخ واروق وكده وفي نفس الوقت لابسه ومتشيكه وكل حاجة مظبوطه الاقيه بيجي ياكل ويعد يعمل شيتات وامتحانات والكلام ده انا ببقى نفسي في كلمه والله بس مش اكتر ومش هتاخد منه وقت ولا حاجة حتى بحسه مش بيبص مش مبهور زي م كنت مستنيه كأنه متعود على كده ف قولت اكيد عشان كان متجوز قبل كده وممكن يكون متعود على المنظر وكده يجي بعد م يخلص شغل في البيت أقوله عملت ايه انهارده يقولي هعمل ايه يعني شرحت مع أن ايام م كنت طالبه عنده كان في كل مجموعه مشكله وحوار بيحصل بس مبقولش اي حاجة في واحد صاحبه مدرس كنت باخد عنده برده كيميا اتفاجئت أنهم قاطعوا بعض من فترة عرفت من واحده صاحبتي واضافت جدا أنه محكاليش ولا جاب سيرة الموضوع حاسه علاقتنا بعيده جدا حتى هو مش بيسال بيسيبلي فلوس الصبح وانا بروح شغلي واجيب حاجة البيت واجي اعمل الاكل واروق وناكل ويعد كل واحد في حته مضايقة بجد من العلاقة دي وعشان هو تعبان ف بينما بدري طبعا وبيصحى الفجر يعد بقى مش بينام ف أقوله مبتصحنيش نعد مع بعض شويه ليه يقولي عادي بنته بتيجي عندنا يوم ويوم تعد شويه بعد شغله والله العظيم بعاملها كويس جدا ك معامله واكل وشرب وهدايا والكلام ده كله بس هي واخده طباع ابوها كلها تعد تقوله دي وحشه وماما احلى يقولها ماشي وعادي والكلام ده كله مع اني في الملامح والجسم احلى من طليقته بس هو اصلا مش بيحب حد ولا ببعجبه حد سواء انا أو طليقته وشاكه اصلا أنه كان عايش نفس العيشه دي مع طليقته وده سبب الطلاق بس هي استحملت خمس سنين انا مبقتش قادرة حاسه اني جايه اخدمه وأشوف طلباته وخلاص انا في بيت ابويا كنت باجي من شغلي انام واصحى اكل واعد بجد مش دي الحياه اللي كنت عاوزاها خالص كنت عاوزه حد يبقى حنين عليا وبيحبني ويسمعني كنت عاوزه اختار بيتي لنفسي مش اروح اشوف بيته اللي كان عايش فيه مع مراته كنت عاوزه لما بنته تقوله دي وحشه يقول في حقي كلمه حلوة اكتر سبب خلاني اوافق عليه أنه لما جه اتقدم بعد اربع سنين مشافنيش ولا يعرف عني حاجة وكمان علاقته باخويا مش صحاب هما ممكن يتقابلو مرة كل سنه مثلا عشان طبعا احنا في منطقه وهو في منطقه المهم اني قولت اكيد كان معجب بيا مثلا ف لما طلق جالي وكنت متخيلة بقى اني هشوف تعويض عن أي حاجة بايخة حصلت ايام ثانوي كمان ساعات لما النقاش يتحد بينا على اي حاجة بشوفه المستر اللي كنت بروح عنده درس تلاقيه بيزعق بطريقة تخوف واحسه هيضربني بصراحة ف بخلص الموضوع وبعتزر كمان بس ببقى مضايقة اوي واحس اني مكسورة حياتي بجد كئيبه اوي ومفيش خروج ومفيش جواز اصلا وفي نفس الوقت خايفة أطلق بعد سنه واحده بس جواز وأقل كمان وحاولت معاه كتييير أنه يتكلم معايا بس بس هو الاجابه أقل من السؤال بكتير وسالت أخته بطريقة مش مباشرة قالتلي هو كده ومش بيحكي حاجة لو انتو مكاني هتعملو ايه وياريت راجل يقولي سبب معاملته دي ايه بس محدش يقول إنه بيحب طليقته عشان هو اصلا مبعرفش يحب هو كل حياته جد كده كنت هسال طليقته صحيح قبل م اتجوز عن سبب الطلاق والسبب اللي خلاها تطلق على سبب فارغ بس كان ابنها لسه متوفي ف مرضتش اسالها ...عرض المزيد

2 الدعم

15 نصيحة

Candle_73846 🇪🇬

مش نازله مع صحابي هروح اعمل بشاميل واقعد

اوكي مش هنزل مع صحابي 😃هيضربوني بس مش نازله هروح اعمل بشاميل واقعد زي الشاطره وبس تعالو نكدب كدبه وحده بتتمنو تبقي حقيقه انا اخدت حزمه شياو البنت الي نازله ف فري فاير ااااااااااااااااااااااااااااااااااااااااااااااااااااااااااااااااااااا ...عرض المزيد

2 الدعم

13 نصيحة

Strawberry_77918 🇪🇬

عايزة أتعلم عن الإسلام بالتفصيل من كل ناحية

لو حد عايز يتعلم عن الاسلام بالتفصيل من كل ناحيه و يعرف كل حاجه في الدين زى دراسه مش مجرد معرفه و خلاص ايه الكتب أو الفيديوز مثلا بلايليست على اليوتيوب ترشحولى انى اشوفها محدش يدخل يسألنى انا كام سنه و عايزة اعرف ليه و بدرس ايه لان دا ميخصكش في حاجه اللى عنده اقتراحات او نظام معين امشي عليه هكون شاكرة ليه جدا بدون الدخول في تفاصيل شخصيه ...عرض المزيد

2 الدعم

13 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع