مقهورة

Orange_80293 🇩🇿

منذ 4 أسابيع

شعور مكسور القلب

عبّر عن شعورك بشكل مجهول

انا كثير مقهورة كنت في علاقة و اول وحدة الي بس مش اول وحدة اله طيب و هز حب وحدة قبلي و خدعته انا حبيت وهو متدمر متدمر من آخر علاقة اله و من أبويه يلي سابوه و هو صغير هو كثير محطم و يحكيلي معندوش طاقة للعلاقة مع انو هو يلي حبني اول و كان بده علاقة انا تعلقت فيه بعدين حسيت حالي غبية مدري ليش بس هو آذاني من غير ما يحس هو ما رجع زي ماكان عم بيقول انا بقدرش اخرج نفسي من يلي انا فيه و انا بحاول بساعده و ميحاولش ابينله اني صح مقهورة على حالي هو عنده صدمات طفولة حابة اساعده بس مش حابة اخسر حالي يعني قلنا نآخذ بريك لحتى يسترجع حالي بس انا خلاص بدي اتعلم اعيش من دونه خلاص مش راح انتظره
انا بندم على هالعلاقة مع انو كنت قاطعتها عشان هي حرام بس من جد وجع الوجع عندي بيتحول لجسدي و بديش حدا يلاحظ هو بدوش يشتغل على حالو و حسيت حالي كنت شخص زائد ناقص بحياتو اذا مايقدر يسوي هالشي من اجل فيسويه من أجلي انا كثير تغيرت بسببه لاني احترمته و حبيته بيحكيلي بدي وقت عشان اجمع نفسي و هو طول هالفترة كان عم يمثل انو تمام و كذا البنت و ابويه دمروه انا شنو ذنبي ليش انا بعد هيك يصير فيني هذا اول حب الي انا اصلا مبثق فأي حدا بعرف مقدرش احب حدا ثاني و لو قدرت راح اوجعه زي ما الأول وجعني هو أعطاني كف كبير من غير ما يحس انا الحين احس كلشي مزيف في حياتي معرفش أكملها زي كثير افكار فراسي بنام و اصحى ابكي كثير ملخبطة صرت اصلا مبنامش تعب كثير حتا انا عندي مشاكل بحياتي معرفش اذا لازم اكون بجنبه و اساعده أو اساعد نفسي يعني لو كنت مكانه راح انتظر من الطرف الثاني مساعدة بس خايفة كل ما احنا قراب لبعض كل ما انل بتوجع اكثر بدي اجرب ابعد عنه

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Tofu_85889 🇪🇬

منذ شهر واحد

شعور مكسور القلب

دا بجد الواحد ازاي يهون علي حد بيحبو ويسيبو ف تعبو ميسالش عليه أو يعملو بلوك من انو يعرف يرن عليه بحجه ان التلفون بيبقي ف ايد الناس الي ل الشغل هو الواحد بقي وحش للدرجادي بعد اما الشخص لما يعرف انو تعبان كان بيسيب كل الي ف ايدو ويكلمو دلوقتي اتنسي كل دا علشان غيره بتصرفات تخنق شويه ف بجد مش عارفه هل

Corn_86015 🇪🇬 ايه اللي حصل احكي انا سامعك

عرض الكل 7 نصيحة

Blueberry_62621 🇪🇬

منذ شهرين

شعور غاضب

جماعة جيراننا مؤذيين حدا واتخانقوا معانا اكتر من مرة وسب وقذف ف امي وفيا وكسرولنا بوكس العداد واكتر كمان مش عايزة ادخل فتفاصيل... جم كذا مرة فعز الخناق وخبطوا علينا عشان يدونا رز بلبن مرة عشان المولد النبوي ومرة لحد متوفي عندهم وامي بعد اللي هما عملوه بتقبل وبتاخد وانا متعصبة جدا ومقهورة حد يقولي

Olive_76077 🇪🇬 صح جدا

عرض الكل 2 نصيحة

Biscuit_76094 🇪🇬

منذ شهرين

شعور منزعج

عبّر عن شعورك بشكل مجهول

بقالي ٣ سنين بروح الجيم بس في الاجازة بس 
من اسبوع ماما دخلت زعقتلي جامد ومدت ايدها عليا لأول مره تقريبا وحرمتني من النزول نهائي لأي سبب مش بس الجيم ولحد الان مش بتكلمني  زي الاول 
دا ليه لان بنت خالتي كانت عاوزه تروح الجيم زيي ومامتها شايفه انه الجيم دا عيب وللولاد بس ومفيش بنت محترمه بتروحه قامت بنت خالتي قالتلها.دا حتي انا كنت هروح جيم بنات وفيه مدربات بنات مش زي بنت اختك بتروح جيم فيه مدربين ولاد مع انها عارفه انه كله بنات بس هي عاوزاني مروحش زيها
خالتي قالت لماما وماما طبعا شاطت وانه تصرف غلط طبعا لو كنت بعمله بس طبعا دل مش بيحصل وانا في جيم بنات عادي وكلهم بنات ومدربات وحتي صاحبة الجيم بنت ودا أشهر جيم بنات في المكان اللي انا فيه 
لما وصلني الكلام دا ادايقت وقولت لماما انه اللي وصلك الكلام حد حقود ودا محصلش وحاولت أقنعها انها غيره وعدم حب للخير 
لسه مقتنعه انه لا مع انها خلاص صدقت انه بنات بس لما خليتها تكلم مدربه مصاحباها وماما عارفه هي مربياني على اي 
دلوقت اعمل اي تاني علشان ارجع اروح.لان جربت ان انزل تطبيق تمارين بس بحس بالكسل وحاسه الجيم احلى 
وعموما قطعت مع بنت خالتي دي خالص وحتي مقولتلهاش ان عرفت لان العتاب دا للغاليين اللي بجد يستاهلو الغتاب مش ناس ناقصه عقل  وتربيه بجد

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Watermelon_70741 🇪🇬

منذ 4 أشهر

شعور محبط

موضوع:

إيه أكتر حاجة بتحاول تبينها للناس بس مش حقيقية؟

بحاول أبين اني مبسوطة وانا من جوايا مقهورة وبعيط مقدرش تحكي لأي حد خالص الي جوايا عشان الس جوايا كبير اوي بحاول أبين ان الامور معايا تمام وكل حاجهمضبوطة والدنيا زي الزفت عندي مشروع محدش يعرف عنه حاجه محدش بيطلب أورد وانا جايبة كمية كبيرة بحاول أبين للناس ان في ناس كتير بتطلب ده الامر وصل ل ان ان بق

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Broccoli_51833 🇪🇬

منذ 11 شهرًا

شعور مكسور القلب

انا عندي مشكلة كبيرة والله ومقهورة وحاسة ان هيجرالي حاجة من الزعل بس الموضوع كبير ممكن لو حد مهتم يبعتلي لاني مش عارفة اعمل اي ولا اتصرف ويريت تهتمو علشان محتاجة حل ومش لاقية اي حلول وحاسة اني بنهار💔

Avocado_4196

منذ سنة واحدة

شعور Not great 😕

انا مقهورة اوي اعمل اي

Ice Cream_29289 🇪🇬

جوازي من مدرس ثانوي قديم وعلاقتنا بعيدة.. حياتي كئيبة

ازيكم ياشباب عاوزاه احكيلكم مشكلتي وياريت لو حد عنده حل انا عندي 22 سنه ومتخرجة ويشتغل الحمد لله وانا في تانيه ثانوي كنت بروح درس فيزياء عند مدرس نوعا ما صغير في السن بس هو كان طبعه شديد جدا كمدرس وكنت بخاف منه جدا وكنت مضطرة اروحله عشان هو يعرف اخويا ومامتي وكده ف كنت هتحرج اني مروحلهوش وفي نفس الوقت لو قولتلها في البيت على المبرر اللي مكنتش عاوزه اروح ليه مكنوش هيرضو اني اسيبه عشان هو ما شاء الله شاطر جدا كمدرس المهم تانيه وتالته ثانوي عدو بالعافية والحمد لله مبقتش يشوفه خالص عشان هو من منطقة واحنا من منطقه وبالنسبه لانه مدرس ومتجوز مش هيسال على طالبه عنده يعني المهم الفترة اللي كنت باخد معاه فيها كنت بحس فيه تناقض كبير في تعامله معايا ساعات يبقى بيتلكك عشان يضربني وساعات يبقى عارف اني مش مذاكرة وميرضاش يسالني ويسأل كل اللي حواليا الا انا وفي مرة والله العظيم سألني شفوي على سؤال في المنهج وجاولت فضل يسأل اسئله لحد م سال على معلومه والله مش في الكتاب ولا المذكرة هو كان قايلها معلومه عامة وانا مكتبتهاش وراه ف ده السؤال اللي غلط فيه وسط خمس أو ست اسئلة تقريبا وضربني وساعات من توتري يبقى عارف اني مش مذاكرة أو مش عامله الواجب وميرضاش يسالني المهم حمدت ربنا أن السنتين خلصو بالعافية ومن حوالي سنه كنت في عزا والد واحده صاحبتي في المنطقه اللي هو فيها ف اتقابلت مع البنات اللي كنت اعرفهم ساعة الثانويه وكده المهم بعد العزا اتمشينا شويه وجت سيرته ف قالولي ده ... طلق مراته ف بقولهم ليه قالولي أنه خلف ولد السنه اللي قبلها يعني في الفترة دي عنده سنه تقريبا وعنده ضمور في المخ وعلى طول بيكشف عليه وكده وطبعا عشان ظروف شغله مش بيعرف يروح يكشف عليه اغلب الوقت ف ديما مراته بتروح مع أمه أخته اي حد المهم أن مراته جت في مرة في أيام هو عليه فيها مراجعه وقالتله لازم تيجي معايا وهو مرضاش وحصل حوار وهما أطلقوا بسبب الموضوع ده هي اكيد كانت شايله من قبلها بس هي بتيجي على سبب تافهه كده المهم اني قولتلهم لو بيعاملها زي م بيعامل الطلاب وزي م كان بيعاملنا حقها تتطلق (هو عنده منها بنت عندها5 سنين وطفل اللي كان عنده ضمور واتفى من فترة ) المهم انا برده مليش علاقه بيه بعد الموضوع ده بفترة لقيته كلم اخويا أنه يتقدملي وكده مع اني مشفتهوش من ايام ثانوي يعني اربع سنين تقريبا المهم كنت خائفة عشان أسلوبه وطباعه الشديده جدا كنت خائفة يبقى كده في البيت بس اهلي اقنعوني أنه اكيد في البيت مش زي الدرس ومراته حاجة تانيه والحاجات دي كلها وانا اقتنعت وصليت استخارة وحسيت اني مرتاحه وطبعا الجواز تم بسرعه جدا قعدنا 5 شهور بس خطوبه ومعملناش فرح عشان ابنه كان متوفي قريب وكمان هو عمل فرح قبل كده وغير كل ده انا مش برتاح في الزحمه واني ابقى انا محط الأنظار والكلام ده كله ف وافقت أن ميبقاش في فرح بس طبعا في اشهار والكل كان عارف وكده اتجوزت ولسه حاسه ان في مسافة كبيرة جدا بينا البس واتشيك مش عشان العلاقة انا بحب اني ابقى بطبخ وملابسه لبس كويس يعجب جوزي ومفتوح وضيق وحاجات من دي وخاصة اني مش معايا عيل ولا حاجة وبخلص شغلي واجي وهو عشان السنتر بتاعه بيجي متأخر عني بكتير ف ببقى براحتي وانا بطبخ واروق الشقة وكده قصدي ببقى مش مستعجله يعني في أول الجواز حاجة دي دي جديده عليا اني اطبخ واروق وكده وفي نفس الوقت لابسه ومتشيكه وكل حاجة مظبوطه الاقيه بيجي ياكل ويعد يعمل شيتات وامتحانات والكلام ده انا ببقى نفسي في كلمه والله بس مش اكتر ومش هتاخد منه وقت ولا حاجة حتى بحسه مش بيبص مش مبهور زي م كنت مستنيه كأنه متعود على كده ف قولت اكيد عشان كان متجوز قبل كده وممكن يكون متعود على المنظر وكده يجي بعد م يخلص شغل في البيت أقوله عملت ايه انهارده يقولي هعمل ايه يعني شرحت مع أن ايام م كنت طالبه عنده كان في كل مجموعه مشكله وحوار بيحصل بس مبقولش اي حاجة في واحد صاحبه مدرس كنت باخد عنده برده كيميا اتفاجئت أنهم قاطعوا بعض من فترة عرفت من واحده صاحبتي واضافت جدا أنه محكاليش ولا جاب سيرة الموضوع حاسه علاقتنا بعيده جدا حتى هو مش بيسال بيسيبلي فلوس الصبح وانا بروح شغلي واجيب حاجة البيت واجي اعمل الاكل واروق وناكل ويعد كل واحد في حته مضايقة بجد من العلاقة دي وعشان هو تعبان ف بينما بدري طبعا وبيصحى الفجر يعد بقى مش بينام ف أقوله مبتصحنيش نعد مع بعض شويه ليه يقولي عادي بنته بتيجي عندنا يوم ويوم تعد شويه بعد شغله والله العظيم بعاملها كويس جدا ك معامله واكل وشرب وهدايا والكلام ده كله بس هي واخده طباع ابوها كلها تعد تقوله دي وحشه وماما احلى يقولها ماشي وعادي والكلام ده كله مع اني في الملامح والجسم احلى من طليقته بس هو اصلا مش بيحب حد ولا ببعجبه حد سواء انا أو طليقته وشاكه اصلا أنه كان عايش نفس العيشه دي مع طليقته وده سبب الطلاق بس هي استحملت خمس سنين انا مبقتش قادرة حاسه اني جايه اخدمه وأشوف طلباته وخلاص انا في بيت ابويا كنت باجي من شغلي انام واصحى اكل واعد بجد مش دي الحياه اللي كنت عاوزاها خالص كنت عاوزه حد يبقى حنين عليا وبيحبني ويسمعني كنت عاوزه اختار بيتي لنفسي مش اروح اشوف بيته اللي كان عايش فيه مع مراته كنت عاوزه لما بنته تقوله دي وحشه يقول في حقي كلمه حلوة اكتر سبب خلاني اوافق عليه أنه لما جه اتقدم بعد اربع سنين مشافنيش ولا يعرف عني حاجة وكمان علاقته باخويا مش صحاب هما ممكن يتقابلو مرة كل سنه مثلا عشان طبعا احنا في منطقه وهو في منطقه المهم اني قولت اكيد كان معجب بيا مثلا ف لما طلق جالي وكنت متخيلة بقى اني هشوف تعويض عن أي حاجة بايخة حصلت ايام ثانوي كمان ساعات لما النقاش يتحد بينا على اي حاجة بشوفه المستر اللي كنت بروح عنده درس تلاقيه بيزعق بطريقة تخوف واحسه هيضربني بصراحة ف بخلص الموضوع وبعتزر كمان بس ببقى مضايقة اوي واحس اني مكسورة حياتي بجد كئيبه اوي ومفيش خروج ومفيش جواز اصلا وفي نفس الوقت خايفة أطلق بعد سنه واحده بس جواز وأقل كمان وحاولت معاه كتييير أنه يتكلم معايا بس بس هو الاجابه أقل من السؤال بكتير وسالت أخته بطريقة مش مباشرة قالتلي هو كده ومش بيحكي حاجة لو انتو مكاني هتعملو ايه وياريت راجل يقولي سبب معاملته دي ايه بس محدش يقول إنه بيحب طليقته عشان هو اصلا مبعرفش يحب هو كل حياته جد كده كنت هسال طليقته صحيح قبل م اتجوز عن سبب الطلاق والسبب اللي خلاها تطلق على سبب فارغ بس كان ابنها لسه متوفي ف مرضتش اسالها ...عرض المزيد

2 الدعم

15 نصيحة

Candle_73846 🇪🇬

مش نازله مع صحابي هروح اعمل بشاميل واقعد

اوكي مش هنزل مع صحابي 😃هيضربوني بس مش نازله هروح اعمل بشاميل واقعد زي الشاطره وبس تعالو نكدب كدبه وحده بتتمنو تبقي حقيقه انا اخدت حزمه شياو البنت الي نازله ف فري فاير ااااااااااااااااااااااااااااااااااااااااااااااااااااااااااااااااااااا ...عرض المزيد

2 الدعم

13 نصيحة

Strawberry_77918 🇪🇬

عايزة أتعلم عن الإسلام بالتفصيل من كل ناحية

لو حد عايز يتعلم عن الاسلام بالتفصيل من كل ناحيه و يعرف كل حاجه في الدين زى دراسه مش مجرد معرفه و خلاص ايه الكتب أو الفيديوز مثلا بلايليست على اليوتيوب ترشحولى انى اشوفها محدش يدخل يسألنى انا كام سنه و عايزة اعرف ليه و بدرس ايه لان دا ميخصكش في حاجه اللى عنده اقتراحات او نظام معين امشي عليه هكون شاكرة ليه جدا بدون الدخول في تفاصيل شخصيه ...عرض المزيد

2 الدعم

13 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع